مسألة من نموذج فيزياء موقع الوزارة..
 

النهاردة وأنا ببص كده على موقع الوزارة لقيت نموذج فيزياء نزل..

قلت كفاااااااااارة.. يلا نبص عليه..

المهم هو سهل يعني.. بس نشوف مع بعض المسألة دي..


معدن دالة الشغل له

8×10¨¹³

أحسب:

1- التردد الحرج..

2- أقصى طاقة حركة للإلكترونات المنبعثة من المعدن علمًا بأن تردد الضوء 2×10¹³ المشع من السطح..

ومديني سرعة الضوء وثابت بلانك..

مسألة عبييطة للغاية.. بس حد يفهمني الراجل ده عايز ايه في المطلوب 2 ؟؟؟


http://manahg.moe.gov.eg/sec12_exam.aspx



ممكن تنزلوا النموذج من الرابط اللي فوق وتشوفوا المسألة بدل اللي أنا كاتبه ده كله..

وبرضه بصوا سريعًا كده على الإختيار الأول..

1- سهلة .. دالة الشغل = ثابت بلانك × التردد الحرج .
2- أظن إنها هتبقى من القانون ده .. كمية الحركة = ثابت بلانك × التردد / سرعة الضوء .
معلش مش عارف أكتب القوانين بالصيغة الرياضية

يا باشا ده عايز طاقة الحركة مش كميتها..

أنا سؤالي اللي هيجنني في حاجة اسمها الضوء المشع من السطح.. الفتح العلمي غير المسبوق ده موصليش لسة..

وبص كده على الإختيار الأول في الإمتحان ده برضه..

معرفش هل اللي حاطط النموذج ده حاطه و هو قاعد ع المصطبة وبيضرب أي كلام وخلاص..ولا أنا اللي قاعد ع المصطبة وبحل اي حل وخلاص؟؟؟!؟!؟!؟!؟!؟!

طب بص كمان على الإختيار الأول كده بتاع المحول.. وقولي الناتج طلع معاك كام..

امممممم ... طب نشوف الردود بقى

متهيالى الاختيار الاول غلط يعني صفر دي ممكن يكون قصده 10

والمساله
رقم 2 مش موضحها خالص

الحمدلله أنا كنت حاسب أنا اللي بهيس تمامًا..

لا انت بتهيس فعلا دى بيقولك تيار مستمر يعنى صفر فعلا لان المحول بيشتغل على تيار متردد

انهى مسالة

شوفت بقى؟؟

الواحد عايزله أربعة بانادول أكسترا بعد كده عشان التركيز ده..:d

شكرًا يا عبده.. وبقولك بص كده ع المسألة ج في السؤال الأول..

معلش يا جماعة حد ينزل النموذج بتاع الوزارة عشان مش بيفتح معايا خالص

السؤال الثاني
ب)1- تسخين الوتر يسبب تمدده وبالتالي يقل قوة الشد وتقل السرعة
والسؤال مكتوب فيه تزيد
ايه رأيكم ؟؟؟؟؟؟؟؟؟؟؟؟؟؟؟؟؟؟؟؟

كنت لسة داخل أقول كده..

معرفش أيه الإمتحان العجيب ده.. حاسس أنه دمااااااغ..

ثواني أرفعه..


تحديث


http://files.thanwya.com/do.php?id=5058

أو من المرفق..

في رعاية الله..

ياااااااااااا ريت حد من المدرسين يقوللنا رأيه فى الحاجات دى
مفيش اهتمام خالص من المدرسين مش عارفة ليه؟؟؟

أنا مش مدرس عشان أقولكوا ده مهم ولا لأ بس طالما الحاجات دي تبع الوزارة يبقى تركزوا عليها جدا
وياريت يا جماعة تبقوا تقروا السؤال كويس عشان متغلطوش غلطة Hazem , اللي عدلهاله عبده بتاعة محول وصل بمصدر ثابت يعني مفيش تغير في الفيض المتولد

إحم.. عن قريب هبقى مضرب الأمثال في الغلطة دي..

وسيأتي معلمُ بعد سنوات أو قرون ليخبر طلبته: كان يا مكان.. كان هناك طالب اسمه حازم ورسمه طالب ثانوية عامة..
أخطأ هذا الطالب في ذاك السؤال.. أتتخيلون؟؟

أخطأ في هذا السؤال..

فلا تخطئوا خطأه..

لا تخطئوا خطأه..

لا تخطئو...........................


باهزر طبعًا.. :dومتقلكش إن شاء الله هنركز يا دكتورنا..

ربنا يستر:(

طاقة الحركة الناتج بكام و ازاى؟

انتوا لو ركزتوا فى الامتحان كويس هتلاقوا الراجل عامل copy and paste من امتحانات السنين الفاتت وخاصة اخر 5 امتحانات

امتحان سهل بس انتو مبتركزوش

طيب حلوا اول واحدة فى اشرح فى السؤال التانى

هههههههههههههههههه

حبيبي والله يا باشمهندس
بس انا شفت بتاعت التيار المستر دى وتخيلت انى غلطت فيها مثلا بتبقى وحشة اوى على فكرة
بعد كم المسائل اللى الواحد بيحلها والنظرى وكده توقعه حتة صغننة فى فكرة العمل علشان كده انا دايما بقول ان المشكلة فى النظرى مش المسائل المسائل مقدور عليها

والله عندك حق.. أنا اللي مصبرني بس أني بعد الغلطة دي وبعد ما الناس كلها بقت بتتكلم عليها لدرجة أنا خايف أبقى ماشي في الشارع يجي واحد يقولي ينفع كده يا راجل يا طيب؟؟ تغلط الغلطة دي؟؟ :slap1qk6:

المهم بعد كل ده مظنش إني هاغلط غلطة تركيز زي دي تاني بإذن الله.. يعني التذكرة غير المنتهية بالغلطة دي مفيدة جدًا...

بقولك يا عبدو طب ما تبص على موضوع السلك اللي بيتسخن وبتزيد السرعة فيه ده؟؟؟!!

إلا أكون أنا كمان مش مركز في دي..:blush:

شكرا انك نزلته بس مش عارفه برده ما فتحش هبقى اغير النسخة دى
معلش ممكن تعمله نسخ على الصفحة دى عشان انسخه وخلاص

اجابه صحيحه 100%
أنا كنت هقول كدا بظبت

fبالنسبة لسؤال الوتر
لو الوتر من الجلد تزداد قوة الشد برفع درجة الحرارة لو شفت اي طبال في فرح بلدي أو اي فرح بيسخن الطبلة قبل استخدامها
لكن المعدن يتمدد بالحرارة فتقل قوة الشد وكمان كتلته ثابتة وزيادة الطول هتؤدي لنقص كتلتة وحدة الاطوال ولكن تأثير قوة الشد يكون أكبر فتقل السرعة

يا جمااعة ده عايز طاقة الحركة يعنىh(v-vc)
la ;ldm hgpv;m
بس مش عارفة ليه مدى فى معطيات المسألة سرعة الضوء؟

طيب حضرتك لو فيه حالات تانى غير الجلد و المعدن
تقولهالنا

هى سرعة الضوء تلخبط بس القانون هيبقى

طاقة الحركة = طاقة الفوتون _دالة الشغل

يا أستاذي..

مش حكاية فهم خاطئ أو صحيح للمسألة الحكاية أنه مدي معطيات عجيبة بصيغة عجيبة..

حضرتك عمرك سمعت في أي مسألة حتى لو فيها لف ودوران عن حاجة اسمها الضوء المشع من السطح؟؟


بس ده حوارنا ونقاشنا كله على كده..

طب تصدق أنا نسيت إحنا مختلفين على أيه!!!

آه.. بص يا جو هما بقوا حاجتين دلوقتي..

المسألة الأولى في الإمتحان وحكاية الضوء المشع من السطح ده..

جزئية السلك اللي بيتسخن فبتزيد السرعة فيه العجيب ده..

يعني حضرتك أكيد السؤال خاطئ تمامًا كده؟!؟؟!؟!؟!

طيب دلوقتى نجبيب ظابط يرد علينا ولا ايه
شكل ال حاطط الامتحان من الثوره المضاده

انا اشتغلت ف تردد الضوء المشع ده اشتغلت بالتردد على طول من غير ما اطرح ولا حاجه ع اساس انه ده ناتج طرح(تردد الفوتون الساقط_التردد الحرج) وبعد كده ضربت ف ثابت بلاانك


انا بئا بتاعت السرعه فا انا مره اخدت ف الدرس سؤال علل ليه السرعه بتقل لما بسخن السلك المعدنى مثبت
فتقريبا كده دى ذلة قلم منه وعموما نسأل المستر تانى مش هنخسر حاجه

ربنا كرمهم أخيرًا ونزلوا إجابة للنموذج..

بالمناسبة أنا بصيت سريعًا كده لقيتهم عدلوا حتة السلك اللي بيتسخن ده..

مشكوووووووووووووووووووور

طيب فائدة شريط الزئبق فى انبوبة شارل زى فايدة قطرة من حمض الكبريتيك؟

حبس كمية من الغاز

i corrected my reply :)