الدروس الخصوصية
 

انا بسأل عن اسعار الدروس الخصوصية فى منطقة مصر الجديدة وانا فى مدرسة لغات لثانية وثالثة ثانوى وايه هى افضل مراكز الدروس فى هذه المنطقة

مش عارفه انا فى مايو والماده عندنا اخرها 15 جنيه بس مصر الجديده اكيد هتبقى اغلى بكتير

شكرا للك س انا عايزة اعرف فى مصر الجديدة

انا عايزة اعرف لو حاخذ درس لوحدى يبقى بكام فى الثانوية العامة

ممكن حد يرد علية

وانا بردو من عين شمس بس بيعتمد ع عدد الطالبه بس مايقلش الدرس عن 50 ده عندنا وانتى بقى منين ف عين شمس

ينهار اسود الحصه ب 100 وب50 جنيه ده كده كل اب يبيع هدومه ولو طال يبيع حد من ولاده عشان اخوه اللي في ثانويه ياخد دروس ربنا يسترها يارب

السلام عليكم
 

ياجماعة كل درس حسب اولا المنطقة وكمان كفاءة المدرس لكن رجائى ادعو لاولياء الامور ربنا يفدرهم يدفعوا لاولادهم وعلى فكرة ارخص درس عندى كان العربى ب25 فى الحصة اما الباقى لاتقل الحصة عن 40 جنيه تحياتى لكم

بجد ربنا معاكم ومع الاهالى ده كده حرام احنا عندنا اغلى حصه ب15 جنيه ومقفلين الماده فى الامتحان يعنى مدرسن ممتازين بجد يارب حد يساعدك معلش رديت لان الارقام دى استفزتنى

كان الله فى عون أولياء الأمور

بص انا من الهرم
و اعتقد اسعار القاهرة كلها متقاربة

انا عندي المواد اللغات بحوالي 35 او 40 في الحصة علي حسب المدرس
و المواد العلمية ب 45 او 50 تقريبا في الحصة

:d وانا الى كنت فاكر عندى غالى


دنا عندى الشهر ب 35 جنيه 4 حصص ف الاسبوع



:( من الاخر المدرسين عندكوا امر من مصاصى الدماء

انا بقى بجد بحمد ربنا اننا فى اسيوط مركز ديروط انا ساكنه فى ديروط والمدرس بياخد 5 جنيه فى الحصه والله العظيم خمسه جنيه فى الحصه ومدرسين عمالقه انا ممكن اقولوكو اسماؤهم كمان الكلام ده لاى ماده فى المرحله الثانويه ولو فى الاعداديه يبقى ب2.5 اثنين جنيه ونص للرياضيات و2 اثنين جنيه للانجليزى وللابتدائيه ب1.5 جنيه ونص وساعات توصل ل2جنيه يعنى انا حاليا فى سنه تالته ثانوى باخد درس احياء وفيزياء وانجليزى وعربى ومش هاخد علم نفس ب40 جنيه فى الاسبوع و160 جنيه فى الشهر ومش فيزياء المدرس اى كلام ده انا باخد عند المدرس اللى كانت بتاخد عنده الاولى على الجمهوريه السنه اللى فاتت اللى كانت من القوصيه فاكرينها دينا خالد كانت بتيج ى ديروط يعنى 10 دقائق باعربيه ومع ذالك بياخد خمسه جنيه ويحمد ربه ده كمان اللى بيجول من القرى مش بياخد منهم اول حصه والله بقولكوا جد

.................................................. ......................

يا نهاار ابيـــــــــــــــــــــــــــــــــض

الحصة لوحديها بس ب 50 و 100 جنيه

انا من اسكندرية و كنت باخد عند اكبر مدرسين هناك

والشهر كلـــــــــــــــه سواء كيميا و لا فيزيا ولا احياء
اعلى واحد فيهم كان الاحياء كان ب 150

واقل مادة هى العربى 4 حصص فى الشهر كانوا ب 60

ما انا طالعة من 3 ودخلت صيدلة الحمد لله

مش لازم الارقام الجامدة دى.............والباقى على الطالب

ولا ايه؟؟؟

دا حتى مصاص الماء بيقولك انا بمص دمك متجيش جنبى احسن لك

لكن دول احنا رايحين عندهم بنفسنا نقولهم مصوا براحتكم

انا اول مرة اخد بالى من مشكلة الدروس الخصوصية بجد.............انا كنت بسمع و فاكرة ان عندنا عالى شوية على ناس
بس مكنتش متخليلة كده فى القاهرة !!!!!!!!!

يا سلام بسسسسسسسسسسسسسسسسسسسس اصدموا باهههههههههههه الكمياء 50 العربى 40 40 english france40 الرياضة باه 50 ربنا يستررررررررررررررررررررررررررررررررررررررررررررررر رر الاساذة مش بترحم مش فالحين الا فى هههههههووووووووووو اااللححصة الكام دى يا ولاد

والله الحصة بالسعودية 100 ريال لمدة ساعة أو أكثر

أي ما يعادل 160 جنيه

50 جنيه في الشهر كله ولو أكتر من كده نسيب المدرس :d

طبعا الشهر بنأخذ فيه 8 ساعات , مش عارف في باقي المحافظات الشهر فيه كام ساعة :078111rg3:

من أرياف المنصوره ماسمعته هذا غريب جدا علي أذني الشهر عندنا لأى ماده ابتدائى 10 جنيه فى الشهر 3حصص فى الاسبوع والاعدادى15 جنيه فى الشهر ياأخوانا 3حصص فى الاسبوع