|
لكل العاملين بالأجر سواء في أسيوط أو باقي المحافظات العقد 3/2 الجديد
السلام عليكم ورحمة الله وبركاته الإخوة الأفاضل والأخوات الفضليات إستبشروا خير وفعلا ماضاع حق وراءه مُطالب وطول ماإحنا بنطالب هنحقق اللي إحنا عاوزينه بإذن لله النهاردة كنت في إدارة أسيوط وفعلا نزل العقد الجديد 3/2 اقتباس: العقد ينص ع التالى 1- مكافاه شهرية توازى بداية ربط درجة نظيره. 2- علاوات مضمومة بنسبة 220% محسوبة على مربوط الدرجة +30 جنية علاوة 2005 3- علاوات غير مضمومة بنسبة 65% من مربوط الدرجة +36 جنية علاوة 2006+15% علاوة 2011 4- العلاوات الاجتماعية 5-منحة عيد العمال 6- مكافاه الامتحانات والحوافز واى مكافاه تقرها الدولة وطبعا كله ده هتحسب على حسب جدول الحصص اما عن الاجازات فلينا 6 ايام اجازه عرضة و10 ايام اجازه مرضى واجازات وضع بمقدار ثلاث شهور كما نستفيد من التامينات وفقا لقانون 79 لسنة 1975 المهم انه المفروض هذا العقد يبدا من 2/5/2011 وينتهى 30 /6/2011 ويجدد تلقائيا من كل عام حتى يتم مرور ثلاث سنوات ثم يتم التثبيت ولما رحت الإدارة اللي أنا تابعة ليها إدارة الفتح لقيت عندهم خبر إن العقد القديم إتغير لكن لسة ماجتهمش حاجة وكل اللي مضوا ع العقد القديم هيتلغي كل ده وهيكون هو العقد ده اللي هيتمضي عليه وسألت طيب هو هيتحسب السنين اللي فاتت ولا من تاريخ إمضاء العقد للأسف مافيش حد عارف لسة لأن القرار لسة نازل ولسة مش عارفين والمفروض هيجتمعوا كانوا في الإدارة عشان خلاص يستلموا الورق من الناس على أساس العقد ده وخلال أيام هيحصل إن شاء الله وأهو كل اللي بنعمله بيجيب نتيجة الحمد لله رفعت لحضراتكو العقد شوفوه وإقروا بنوده بتركيز وياريت تفصصوه معايا ونحاول نفهمه مع بعض بالراحة لأني شايفاه كويس جدا في نظري لو فهمناه كويس ولو هم نفذوه فعلا إليكم العقد http://dc15.arabsh.com/i/02915/3eae229jo0qa.jpg http://dc15.arabsh.com/i/02915/61moez7i636c.jpg البند الخامس في العقد اللي فهمته منه إن اللي أمضى 3 سنين هيتم تثبيته بموجب القرار 75 يعني العقد ده المفروض للي لسة ماكملوش 3 سنين أما اللي كملوا 3 سنين أو اكتر المفروض هيتثبتوا ده اللي يتفهم من الكلام وفي إنتظار تعقيبكم |
جزاك الله خيرا
|
الله يبارك فيك
أنا عضوة على فكرة مش عضو شكرا لمرورك |
أنا قاعدة أفصص في العقد أنا وبابا
وكل اللي هأفهمه إن شاء الله هبلغهولكوا في الموضوع هنا بإذن الله وياريت تشاركونا بتعقيباتكو وإستفساراتكوا عشان نفهمه مع بعض |
انا لا اثق فى كلام العاملين بالمديرية او الادارة ياخوفى يكون الكلام دة مجرد مسكنات بيهدوا بيها الناس لما سمعوا ان فى مظاهرات يوم 2/5//2011هاتعطل الامتحانات والتصحيح وبعد كدة يهدونا بموضوع العقد وتخلص الامتحانات ويدونا صابونة
السيدات والسادة دعت النقابة المستقلة لوقفة احتجاجية امام الوزارة وذلك يوم الاثنين الموافق 2/5 للمطالبة بتفعيل قرار 75 الذي يقضي بتثبيت التعاقدات ايا كانت بدون اي شروط معا امام الوزارة يوم 2/ 5/2011 |
وياتري فيه اجازة بدون مرتب ولا لأ ؟
|
شكرا ليكي وجزاكي الله خيرا وان شاء الله خير لينا كلنا وربنا يوفقنا يارب
|
كنا بنتناقش أنا ووالدي في الجزء الخاص بالعلاوات وحاولنا نفهم جت إزاي والدي إجتهد الحقيقة وقاللي إن دول بيهم هيظبطلكوا الحد الأدنى اللي هو بيتكلم عليه اللي هم 1200 اللي حددوهم من قبل كدة فهو عشان يدينا الحد الأدنى ده هيديهملنا إزاي؟؟ بالعلاوات العلاوات دي بياخدوها الموظفين زي والدي ووالدك كل سنة من سنة 1987 بتتضاف ليهم ع الأساسي كل خمس سنين تمام كدة وجدت الجدول ده كان والدي عامله بالعلاوات جدول ببيان العلاوات الخاصة وتاريخ منحها وضمها للمرتب الأساسي تاريخ منح العلاوة رقم القانون الذي منحت بمقتضاه العلاوة نسبة العلاوة المقررة تاريخ ضم العلاوة للمرتب الأساسي والقانون الذي ضُمت بمقتضاه ملاحظات 01/07/1987م 101 لسنة 1987م 20% 01/07/1988م 149 لسنة 1988م 15% 01/07/1989م 123 لسنة 1989م 15% 01/07/1990م 013 لسنة 1990م 15% 01/07/1991م 013 لسنة 1991م 15% 01/07/1992م 029 لسنة 1992م 20% 01/07/1993م 174 لسنة 1993م 10% 01/07/1994م 203 لسنة 1994م 10% 01/07/1995م 023 لسنة 1995م 10% 01/07/1996م 085 لسنة 1996م 10% 01/07/1997م 082 لسنة 1997م 10% 01/07/1998م 090 لسنة 1998م 10% 01/07/1999م 019 لسنة 1999م 10% 01/07/2000م 084 لسنة 2000م 10% 01/07/2001م 018 لسنة 2001م 10% 01/07/2002م 149 لسنة 2002م 10% 01/07/2003م 089 لسنة 2003م 10% 01/07/2004م 086 لسنة 2004م 10% 01/07/2005م 092 لسنة 2005م 20% بحد ادني 30 جنيه 01/07/2006م 085 لسنة 2006م 10% بحد ادني 36 جنيه 01/07/2007م 077 لسنة 2007م 15% من الأساسي 01/07/2008م 114 لسنة 2008م 30% من الأساسي 30/6/2008م 01/07/2009م 128 لسنة 2009م 10% بما لايجاوز10% من الأساسي في 30/6/09 01/07/2010م 070 لسنة 2010م 10% 01/04/2011م 002 لسنة 2011م 15% بعد ثورة 25 يناير 2011م إحنا بقى جداد عشان يوصلنا ل1200 هيعمل إيه؟؟ هيدينا كل العلاوات اللي ضمها لأساسيهم من زمان باللون الأزرق في الجدول لو حسبتوهم هيطلعوا 220% بالظبط اللي هو قايل عليها في العقد + 2005 هيدينا الحد الأدنى بتاعها 30 جنيهوسنة 2006 هيدينا حدها الأدنى 36جنيههنلاقيهم باللون البنفسجي في الجدول أما اللون البمبي هو اللي لسة ماإتضمش للأساسي مع الموظفين ولو حسبتوهم هتلاقوهم 65% بالظبط زي ما مكتوبة في العقد وطبعا ال15% باللون الأحمر الأخيرة هي العلاوة الأخيرة بتاعة شهر 4 اللي فات وهي ضافها فعلا لكل الموظفين بالحكومة يعني هيدونا كل العلاوات اللي إدوها لكل الموظفين قبل كدة اللي إنضم لأساسيهم واللي لسة هيضمها ليهم وده مش لينا بس دة لكل الناس كل الموظفين بالحكومة عشان يديهم الحد الأدنى للأجور جابها بالطريقة دي وبالشكل ده لو حسبت ضفت العلاوات اللي قلنا عليها لأساسي أدنى درجة في الدولة اللي هي الدرجة التالتة هنقول مثلاً 300 جنيه هتلاقيها وصلت 1200 وطبعا الموظفين من زمان أساسيهم دلوقت وصل لل1200 بس طبعا هم مش هيقفوا عليها هم هيزودوهم تاني يعني هيديهم العلاوات دي تاني وعشان طبعا يفرقوا عننا ويكون فيه عدالة إجتماعية ماهو مش معقول هييجي ناس لسة متعينة جديد هيساويها باللي ليه سنين متعين ويسيبه هو كدة لأ طبعا يعني عاوزة أقول إن العقود الجديدة لكل الناس هيراعي فيها الحد الأدنى وحاطط في إعتباره النقطة دي يعني العقود الجديدة دي كويسة جدا ومعنى كدة إن فيه جدية في المسألة ومأخوذة تماما في عين الإعتبار أنا حبيت أوضحلكوا المسألة دي وأرجو أكون وُفقت في شرحها أنا قعدت ساعتين أفهمها وياريت أكون قدرت أوضح اللي فهمته وقدرت أبشركو بالخير |
1 مرفق
الجدول ماطلعش بشكل جدول موجود في المرفقات للي حابب ينزله ويشوفه |
كم الراتب
جزاكي الله خيرا علي هذا المجهود الرائع , لكن سؤالي الان كم سيكون الراتب . هل سيكون علي اساس عدد الحصص . وكيف سوف يتم احتسابه
|
أستاذ رامي بخصوص تثبيت من أمضوا 3 سنوات أوأكثر
البند الخامس في العقد اللي فهمته منه إن اللي أمضى 3 سنين هيتم تثبيته بموجب القرار 75 يعني العقد ده المفروض للي لسة ماكملوش 3 سنين أما اللي كملوا 3 سنين أو اكتر المفروض هيتثبتوا ده اللي يتفهم من الكلام |
أما بخصوص عدم الثقة ياأستاذ رامي
لأ طبعا أنا مش مع حضرتك إحنا الفكرة في إيه دلوقت الفكرة في العقد اللي هنمضي عليه إذا كان العقد عقد مش محترم زي اللي فات ده فده مالوش أي لازمة ولا يمكن نمضي عليه لكن لما يكون عقد ع الأقل بيحترمك وبنوده كويسة تختلف أما الثقة وكدة أنا ليا العقد والبنود والكلام اللي فيه بتقول إيه أنا هأمضي عليه وأقاضيهم ببنود هذا العقد في حالةأي مخالفة من ناحيتهم في الأول وفي الآخر العقد وبنوده هو اللي بينا وبينهم طبعا |
5/2 لازم كلنا نقف وقفه جامده لا للتخاذل لا للهوان بعد الان
|
أما عن تفعيل قرار 75 فأنا معاكم طبعا في وقفتكم
وبالله التوفيق |
أستاذة إيناس بخصوص سؤالك على الأجازة بدون مرتب
حضرتك لو قريتي البند الخاص بالأجازات البند السابع هتلاقي لينا أجازات عارضة وأازات إعتيادي أما بدون مرتب فلا يحق لينا إلا شهر وللحج فقط وطول فترة التعاقُد ولكن لو مُثبتة ليكي نفس الشهر لكن على حساب الحكومة مش على حسابنا زي ماهو في وضعنا المؤقت وده طول مدة الخدمة ولو أديتيها تاني تدفعي أجرها ده في حالة التثبيت أنا حبيت بس أوضح الفرق بين المثبت واللي مش مثبت في النقطة دي أما عن أجازة بدون مرتب لمدة سنة أو كدة فلا يحق ليكي إلا لو مُثبتة لكن مؤقت لأ أرجو أكون أفدتك على حد علمي |
اقتباس:
بالنسبة للى اشتغل اكثر من 3 سنوات ولكن حاليا مش على رأس العمل هيبقي ايه موقفه |
عاوزة أوضح لحضراتكوا إن كلامي بناء على إجتهادات مني ومن الوالد يعني بنحاول نفهم على حد علمنا وإجتهادنا مش كلام مسلم بيه بمعنى يحتمل الخطأ ويحتمل الصواب حبيت أنوه بس للنقطة دي وردا على الأخت اللي سألت ع المرتب هيكون كام فالله أعلم بالنسبة لموضوع ال 1200 جنيه ده تصور مننا إنما حكاية إنهم هيضيفوا العلاوات وكدة ده أكيد مادام مكتوب في العقد لكن المشكلة أننا مش عارفين هيضيفوه على أي أساس المفروض البند ده اللي بيعملوا عليه العاملين بالمكافأة ببند 3/2 بيتقاضوا مرتب شهري 280 جنيه تقريباً فمش عارفين إذا كان هيضيفه على أساس ال280 دول ولا على أساس مربوط الدرجة فإذا كانوا هيضيفوا على أساس ال 280 يبقى موضوع ال1200 ده تصور صحيح أما إذا كان هيضيف على أساس مربوط الدرجة أو أساسي الدرجة فإحنا كدة لو بقينا ع العقد ده هنكون المفروض ع الدرجة التالتة ومش عارفة الحقيقة أساسيها إيه ياريت حد يقولنا لو يعرف مربوط الدرجة التالتة |
اقتباس:
لكن الله أعلم حضرتك إسأل فيها دي ماأقدرش أفيدك فيها وياريت لو حد يعرف يشاركنا |
أنا عاوزة رأيكوا في العقد ده بالنسبة لينا (اللي لسة ماكملوش 3 سنين)
أنا عن نفسي شايفاه كويس جدا لو إتنفذ أيا إن كان العلاوات هتتحسب على أساس المرتب اللي بياخدوه العاملين أساسا بالبند ده أو على أساس الأساسي للدرجة التالتة فهو في الحالتين كويس جداااااا ولما هييجي الحد الأدنى للأجور هيتطبق طبعا ع الكل أيا إن كان الوضع المالي ففي أسوأ الحالات خير وهنزيد إن شاء الله لكن بتكلم عليه كعقد وكبنود أنا شايفاه كويس جدااااا مش الضحك ع الناس اللي كان حاصل والعقود المتخلفة اللي مضوا عليها ناس كتير للأسف والحمد لله كل ده هيتلغي وهيكون هو ده العقد اللي هيتمضي عليه بإذن الله أنا كان معايا نسخة من البند 3/2 القديم فعلا هي دي البنود اللي بيتضمنها العقد ده بل إن عقدنا ده أفضل في بعض الحاجات مش زي ما ضحكوا ع الناس إمبارح وكتبوا على العقد اللي كانوا عاملينه الغبي اللي فات هو هو كتبه عليه بدل 2/2 عملوا ل2 الأولى سنتين بقت تلاتة على أساس إن الناس تفهم إنهم خلوه بند 3/2 لكن هو هو على أساس إنهم بيعاملوا متخلفين أو حيوانات مابتفهمش مثلا لكن إتظاهروا وحتى وأنا في الإدارة إمبارح بشوف وأسأل قالولي العاملين هناك إن العقد هيتغير بكرة والحمد لله هو ده اللي حصل النهاردة وإبتدوا يحسوا إننا بني آدمين شوية لكن طبعا بالنسبة للي كملوا تلات سنين فلا ماأعتقدش إن العقد ده يخصهم أساسا ولو قالولهم يمضوا عليه فلو منهم ماأقبلش طبعا لأنهم المفروض يتثبتوا بموجب قرار 75 فياريت عاوزة رأيكوا وردكو |
وأي أسئلة برضه أو أي حاجة نعرضها
ولو أي حاجة مش عارفينها أكيد هأسأل عنها في الإدارة وأجيب منهم ردود بشأنها وأدينا بنزداد فهم ووعي وبارك الله فيكم وشرح صدوركم |
زى ما أنا فهمت ...فكل من يوقع على العقد يحصل على اول مربوط درجة نظيره
كل من حاصل على مؤهل عالى يكون على (الدرجة الثالثة التخصصية ) وبداية مربوط الدرجة الثالثة هو 419.7 جنيها والله دا انجاااااااااااز يارررررررررررب |
بداية مربوط الدرجة 48 جنيه وعلى فكرة احنا روحنا الادارة ولسة مافيش حاجه وصلت عن العقد ده للاسف
|
شكرا يا اخت ابرار
|
توضيح هام للاخت ابرار والزملاء
كل العلاواة المكتوبة دى اسا سا من ضمن المرتب ومش هتعرفوا تفهموا من اى مسؤل حاجه لان المرتب اعتقد هيكون حوالى 365 ووقتها هيقولك هوا دا بالعلاوات اللى فى العقد لاننا سالنا قبل كده فى الموضوع ده يا جماعة هوا مرتب ثابت زى العقد القديم مش هيختلف حاجة وان اختلف هيكون الاختلاف طفيف واتمنالكوا التوفيق
|
ياجماعة دة للى كمل السنوات اما اللى ماكملش هايمضى عقد محدد المدة لحين اكتمال ال سنين ومع ذلك لازم وقفة - عشان احنافى خطر لان بعد العيد مافيش كعك الامتحانا ت على الابواب
|
ممكن اعرف ايه هى شروط التعاقد الجديد لان القديم كان القائمين على راس العمل فقط
|
ممكن ترفعى العقد على رابط تانى
|
اقتباس:
|
بارك الله فيكم وجزاكم خيرا
|
المحله الكبرى
هل العقد ده فى كل المحافظات؟
ولا ..................................... اية؟ ارجو الافاده؟؟؟؟؟؟؟؟؟؟؟؟؟؟؟؟ |
اقتباس:
حضرتك جبت من فين الرقم ده؟؟؟؟؟ ياريت حضرتك ترد ضروري اقتباس:
اقتباس:
أنا العقد جبته إمبارح من إدراة أسيوط التعليمية كان لسة نازل إنما ماوصلش باقي الإدارات لسه مش موجود غير في إدارة أسيوط إنما روحت إدارتي إدارة الفتح قالولي كل اللي فات هيتلغي وده اللي هيتمضي وليا زميلة راحت النهاردة قالولها نفس الكلام ومن يوم السبت هيستلموا الورق من الناس خلاص إن شاء الله تابع بس في إدارتك وأكيد هيوصل إن شاء الله |
شكرا يامستر هادي
بارك الله فيك |
يا جماعة مربوط الدرجة 48 جنيه يضاف لهم مانسبته 240% وبالتالى يكون الإجمالي 163 جنيه وده بيكون الاساسي ويضاف لها العلاوت والحوافز والكلام ده كله يوصل في الاخر لحد 465 وده مرتبنا كمعلم معين أول تعيين اللى هما كان معلم مساعد وجالهم جوابات التعيين يا دوبك بس المشكلة الوحدية اللى انا شايفه في العقد ده هو ان فيه ناس شغال سنتين فهل هيبدء يحسبولوهم ثلاث سنين من الاول ولا ايه لاحسن ده ظلم يا ريت حد فاهم يفهمنى ولكم جزيل الشكر وشكر خاص لصاحبة الموضوع
|
اقتباس:
ياأساتذة العلاوات والحاجات دي والجدول اللي رفعته يوضح الكلام ده ده كله ماعليهوش لبث ولا أي خلاف المشكلة دلوقت في المربوط لو عرفناه هنحسبها ونعرف المرتب إيه بالظبط ولازم يكون كلام أكيد وموثوق منه لأني قريت ع النت مرة 72.5 ومرة 67.7 يعني مُختلف فيها فمش عارفين ياريت حد يفيدنا |
اقتباس:
لا ياسيدي الفاضل ده المفروض للي ماكملش ال3 سنوات في العمل لكن المفروض اللي كمل ال3 سنوات مايمضيش العقد ده خالص لأنه المفروض يتثبت بموجب قرار 75 وعشان كدة حقهم يعملوا إعتضام ووقفة لتفعيل هذا القرار وبدون أي شروط وانا معاهم في ده تماما |
دة زى المميز
|
اقتباس:
الشروط موجودة في العقد المرفوع اقتباس:
اقتباس:
وهأرفع لحضراتكوا العقد 3/2 بس القديم اللي فيه ناس شغالين بيه أساسا عشان تشوفوا الفرق بينه وبين عقدنا 3/2 الجديد وهيتضح إنه هو هو بس الجديد أفضل شوية في بعض الحاجات وكمان هأرفع جدول بيان العلاوات تاني بإذن الله في شكل صورة |
اقتباس:
|
اقتباس:
المفروض ياأخي الفاضل إنه كدة والله أعلم ياريت حضرتك تسأل في إدارة المحلة الكبرى وتشوف بس إعتقادي أنا إنه أكيد لكل المحافظات |
اقتباس:
وعموما في أقل تقدير هو اللي قلته حضرتك 48 برضه كويس وخير إن شاء الله أما عن سؤال حضرتك فأنا نفس الوضع دي تاني سنة ليا بالمكافأة الشاملة بند 3/10 والسؤال ده سألته ليهم في الإدارة لسة مايعرفوش إذا كانوا الثلاث سنوات هيتحسبوا من تاريخ إمضاء العقد أم هيحسبوا السنين اللي فاتت بس عاوزة أقول لحضرتك لو بصيت في العقد في بدايته قبل ما يدخل في البنود من ضمن بياناتك اللي هتملاها حضرتك هتلاقي 3- مدة العمل السابقة على بند 3/10 ............................. الوظيفة التي كان يشغلها ..................................... وكمان لو بصينا في البند الخامس في آخر الورقة الأولى في العقد هتلاقيه بيقولك من 2/5 إلى 30/6 وهيتجدد تلقائي حتى الإنتهاء لغاية ماتكمل ال3 سنين ويتم تثبيتك بموجب قرار 75 وده يوضح أو تفهم من الكلام ده إنه هيحسب اللي فات وده ظني وعشان كدة قلنا إن العقد ده للي ماكملوش 3 سنين إنما اللي كملوا ال3 سنين المفروض يتثبتوا بموجب القرار 75 أما عن شكرك فأنا ماعملتش حاجة والله ربنا يكرمك وجزاك الله خير الجزاء |
اقتباس:
وكمان زي المتعاقدين أحد الزملاء المتعاقدين النهاردة شافه معايا وقال ده زي المتعاقدين وأهو كله خير الحمد لله |
اقتباس:
المصدر : http://mobilatco.com/vb/showthread.php?t=507 ملحوظة : 419.7 هو اجمالى مايتقاضاه موظف الدرجة الثالثة فى بداية المربوط |
|
اقتباس:
العقد نفسه 5 نسخ تملى البيانات المطلوبة فيه هم هياخدوا في الإدارة منك 3 نسخ وهيديك 2 واحدة تكون مع المدرسة وواحدة مع حضرتك هتشتري من المكتبة مظروف مصوغات تعيين هيديك فيه كل الأوراق المطلوبة وحتى الخمس صور دول من العقد هيديهملك معاهم حضرتك مش هتملى غير بيانات الخمس عقود والباقي هتسلمه كدة المفروض هم اللي هيملوه أما الورق اللي عاوزينه من حضرتك مع دول هم عاوزين فيش وتشبيه وده تعمله في القسم اللي حضرتك تابع ليه ولازم تروح من بدري على 9 كدة وتستلمه في نفس اليوم الساعة 1ونص أو تاني يوم بإذن الله وأصل شهادة الميلاد وأصل المؤهل وورقة تفيد إنك قائم على رأس العمل من تاريخ كذا إلى تاريخ كذا ممضية من مدير المدرسة ومختومة بختم المدرسة وصورة البطاقة وصور أي حاجة تانية عاملها زيادة زي دورات أو كدة بس ده كل اللي أعرفه بس أريح حضرتك حضرتك تجيب المظروف اللي قلنا عليه ده اللي فيه مصوغات التعيين وفيه ال5 نسخ من العقد وتاخد الفيش والتشبيه ، والإفادة من المدرسة وخد معاك كل الأصول وكل الصور من ورقك وسيبهم ياخدوا اللي ياخدوه بحيث ورقك كله يكون معاك وجاهز بس كدة بس كنت عاوزة أعرف مش حضرتك كملت ال3 سنين ولا إيه؟؟؟؟ |
إلى كل من طلبوا العقد على رابط آخر إليكم العقد http://www.islamup.com/download.php?img=123382 http://www.islamup.com/download.php?img=123383 كمان العقد 3/2 بس القديم اللي فيه ناس شغالين بيه أساسا عشان تشوفوا الفرق بينه وبين عقدنا 3/2 الجديد وهيتضح إنه هو هو بس الجديد أفضل شوية في بعض الحاجات إليكم (ده عقد زميلة في إحدى المدارس تعمل بالمكافأة ببند 3/2) http://www.islamup.com/download.php?img=123384 http://www.islamup.com/download.php?img=123385 http://www.islamup.com/download.php?img=123386 وأخيرا جدول بيان العلاوات في شكل صورة http://www.islamup.com/download.php?img=123387 |
اقتباس:
ده مش بداية مربوط ده الكلام ده بعد ماإتضافله حضرتك كل حاجة ده كمان بعد ماأتضاف للكل ال15% الأخيرة هيوصل للرقم اللي حضرتك قلته ده طبعا بناء على كلامهم برضه لغاية دلوقت الكلام مُبهم مش واضح وبرضه فيه لخبطة وتضارب الله المستعان |
[
بس كنت عاوزة أعرف مش حضرتك كملت ال3 سنين ولا إيه؟؟؟؟ ايوة فعلا يااخت ابراار انا كملت ال3سنين بس مش عارفين احنا ها يحصل معانا اية بعد كدة |
وقفة معلمون واخصائيون يريدون تغيير المسمى الوظيفى امام محافظة الدقهلية
الخميس 5 / 5 / 2011 الساعة 11 صباحا مطالبنا
|
وقفة معلمون واخصائيون يريدون تغيير المسمى الوظيفى امام محافظة الدقهلية
الخميس 5 / 5 / 2011 الساعة 11 صباحا مطالبنا
|
شكرا يا اخت ابرار على هذا المجهود
|
| جميع الأوقات بتوقيت GMT +2. الساعة الآن 12:52 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.