إدارة شرق طنطا هام جدا وعاجل ارجو التثبيت
 

بعد ان قومت بعمل اقرار قيام بالعمل بتاريخ 1/3/2011 قامت موظفة شئون العاملين عندى فى المدرسة بإرسال نسخة من الاقرار لكل من
1_ التعيينات
2-الملفات
3- الماهيات
4- الإحصاء
كل هذه الأقسام رفضت إستلام الأقرارت وقالوا جميعا بالحرف لسه ماجلنلش حاجة بخصوصكم انتوا زى ما انتوا فى كل حاجة ثم ذهبت بنفسى لكل هذه الاقسام لكى اتأكد وفعلا صدمت عموما انا رايح ل (السيد أفندى مدير الأدارة يوم الأحد وياريت مثلما اتجمعنا يوم 30/3/2011 نتجمع يوم الأحد علشان نشوف اية القصة وعلى فكرة باقى الأدارات استلمت من المدارس إقرارات المعينين الجدد
اللهم بلغت اللهم فاشهد

ماشى ياوليد كلنا هنتقابل الاحد عند الادارة بس الساعة كام

ازيك يا خال احنا معاك بسالوقفه دى للكل فى المحافظه ولا ادارة شرق بس ياراجل هيموتونا قبل ميعيننا
المهم جهز الاكل علشان الغدا عندك

خبر سريع
 

انا لسه عرفه الخبر ده ان الاداره استلمت الكلام ده بدا من النهارده بس قبل كده لا مكنتش موافقه بس بخصوص الكادر الي عرفته انه اولا مش هناخده دلوقتي و لما هناخدوا هناخدوا علي الاساسي القديم الي اخدنا عليه الخمسين في الميه الاولنيين بتوع الكادر 144 ج اما ال15 % كمان مفيش

نفس المشكله كانت عندنا في ادارة كفر الزيات وجهزنا العدة لخوض معركة جديدة يوم الخميس الماضي بس الحمد الله خرجت مديرة الادارة علينا وقالت تم ارسال خطاب الي الجهات المعنية ( المهيات ، الحسابات 0000) وسيتم عمل ال50% علي اساسي 30-6-2010 شهري 3،4 من يوم الاحد القادم
وعلمت من مصادر خاصة ان وكيل الوزارة شد الادارات كلها بسبب التباطىءفي اجراءات تعين المتعاقدين

عندكم حق
 

لازم نعمل حاجة

شرق
 

العالم في ادارة شرق طنطا دايما متاخرين في كل حاجه كده حرام

عالبركة يا مسهل

يارب وفق الجميع

معاكم يا برنس

أتمنى الكل يروح واللي يعرف حد يكلمه الاداره ديه محتاجه شده ياريت نكون كلنا ايد وحده ولأنا هكلم كل اللي اعرفهم

هنكون موجودين ان شاء الله

الموظفه المسؤله بمدرسة كفر الحما ادارة غرب طلبت منهم تصوير كشف لعمل كادر المعلم والنهارده صوروه وبكره هتعملهم البيانات داخل الكشف بس مدرسته مسائي انا هجيب صورة الكشف اللي معاه هوفارغ لكن مكتوب ادارة غرب طنطا ومكتوب كاشف كادر المعلم مرحلة ثانيه عن شهري مارس وابريل 2011 والموظفه هتعمله بكره واول ماتعمله هجيب صوره

الزميلة مروة : الكلام دا انتي متأكدة منه ولا الموضوع مجرد مسكنات بس
زميلكم من ادارة كفر الزيات

يااستاذ محمود انا كمان من اداره كفر الزيات ولعلم حضرتك مديره الاداره اصدرت منشور لجميع المدارس بعمل الكادر شهرى 3 و4 فورا والكلام ده يوم 7/4 وكمان اصدرت قرار ان مسؤلى التعيينات بالاداره يبعتوا اقرارات القيام بالعمل للمهيات والحسابات وان شاء الله خير وللعلم انا شفت المنشور بعينى وان شاء الله يتوزع على المدارس (ام ادهم)

حلم جديد مع ثوره 25 يناير 2011</strong>
اين القرار هذه مطالب المعلمين هل من مجيب لنا

معلمى التربيه والتعليم فى حاله نفسيه سيئه
يجب حل مشاكل المعلمين بطريقه بسيطه ولاتكلف الدوله شئ الا فى بدايه1 /1/2012
1-الغاء اختبارات الكادرفورا لمن قام بالتدريس لمده خمس سنوات (دبلوم -كليه -تربوى -غيرتربوى) ويمكن تدريب المعلم دون ارهابه
2-تخفيض الانصبه بالمرحله الثانويه بمقدار اربع حصص لكل مستوى ومساواه الابتدائى - والاعدادى -والثانوى
3-اعطاء الدرجات الماليه فورا لمن يستحقها فى تاريخه وليكن 1/5/2011
4-رفع تسكين كل معلم قضى خمس سنوات فى العمل الى المستوى الاعلىويعتبر تاريخ تسكينه اولا هو نفس تاريخ تسكينه
بمعنى مثل طباعه استماره الكادر اولا على حسب سنوات الخبره وبالتالى يزيد كل معلم خمسه وعشرون فى المائه اعتبارا من1/1/2012وبذلك نكون انهينا اختبارات الكادر وساد الهدؤء وزاره التربيه والتعليم والمعلمين
5- رفع مكافاه امتحانات الشهادات والتصحيح اعتبارا من العام الحالى الى عشره فى المائه تزداد حتى تصل الى عشرون فى المائه خلال خمس سنوات وبذلك لايكون عب ءعلى الموارزنه
6-رفع مكافاه الامتحاناتتدريجيا عشرون يوما لمده خمس سنوات لتصل الى300يوماوبعد خمس سنوات ترتفع من 300يوما بواقع خمسه فى المائه تدريجيا كل سنه واحد فى المائه زياده لتصل الى 300يوما فى خمسه عشر فى المائه فى نهايه خمس عشر عاما من تاريخيه
7-يكون كادر المعلم على اساسى 1/7/من تاريخ السنه وليس 30/6/من العام الماضى
8- تخفيض زمن الحصه ليصل الى 35 دقيقه للجميع ويبدا اليوم الدارسى لمدارس الفتره الواحده من الساعه الثامنه والنصف وينهى السعه الواحده ظهرا- ----وتخفيض انصبه كل ماده حصه تقليل تزاحم الفترات ويكون الوقت من المدرسه مفيدللجميع مدرس وطالب ----ولى امر
9- قرارات الخاصه بالتعليم تكون بمشاركه المعلمين قبل الاصدار لهاوتكون وواقعيه وسهله التنفيذ
10-تخفيض انصبه الموجه الى خمسه وعشرون معلم فقط فى المدن وعشرون فقط فى القرى
11- الغاء ما يسمى بالتربوى لمن درس خمس سنوات ويظل مديرى المدارس كماهم لحين الاحاله الى المعاش وتطبيق القواعد الجديده على الاماكن الفارغه لان معظم مديرى المدارس معاش فى2013
12-احترام المعلم وتقديره وعدم التحقيق معه داخل اقسام الشرطه فى امور التعليم
13-الغاء الدورس الخصوصيه ومن يريد مساعده التلاميذ لكل معلم حصه واحده اسبوعيا مجانا بعد الدارسه لتلاميذالمدرسه لجميع
14-الغاء التقويم الشامل وجعل الحصص فرديا والغاء نظام الفترات

15-ازاله الحشو من المناهج وتنقيتها
ملحوظه : هذه المقترحات لاتحتاج الى اموال ولكن تحتاج الى شجاعه وزير واتخاذالقرار ويكون مصدقا من رئيس الوزاء والمجلس العسكرى ليكون صادقا وشفافا للجميع
شاركونى الراى والمقترحات والبنداللى صعب وفى غيرصالح العمل والعمليه التعليميه والمعلمين ناقشونا فيه
السلام عليكم ورحمه