من سيشارك فى وقفة الدقهليه ؟
 

نريد من معلمى الدقهليه الدخول والتأكيد على المشاركه فى الوقفه يوم الاربعاء الساعه التاسعه امام مبنى المحافظه
يايت الجميع يستغل يومى الاثنين والثلاثاء فى الدعوه للوقفه فليس جميع المعلمين مشتركين فى المنتدى واليوم دعوت كل من قابلته سواء فى المدرسه او المواصلات او معارفى والجميع موافق على المشاركه
اليوم تقريبا حصلت على موافقه ممن تقابلت معهم بالتوفيق وعاوزين اكبر عدد ممكن تمام يا شباب

معاك طبعا
نبروة طبعا هبلغها

عشان بنحب مصر


لازم نخاف على مصر

التاسعه عند المحافظه ان شاء الله

يوم الاربعاء يا ابو اسراء
التاسعه امام المحافظه

ان شاء اللة معاك الساعة التاسعة امام المحافظة

معااااااااااااااااااااااااااااااااااااااك لان المحافظه دي الوحيده اللي مثبتتش المتعاقدين والمحافظ ناااااااايم في العسل

على فكرة 6 اكتوبر نزلت اسماء المعينيين على موقع المديريه تبعهم
حوالى 28 كشف كل كشف فيه 38اسم

ومدير مديريه 6اكتوبر منزل لهم تهنئه ليهم على موقع المديريه
عقبالنا

معاكم لاكن لابد ان نضع فى الإعتبار إن التقصير من المديرية ونطلب من الحاكم العسكرى ان يضع حد فيما يفعلوه معنا من المماطلات ..........

كفاية حرام عليكم
 

السلام عليكم
يا جماعة كفاية بقى وقفات احتجاجية خلوا البلد بقى تمشى ادام وخلوا مصالحكم ومطالبكم الشخصية لحين الأمور تستقر و عجلة الإنتاج تمشى لأمام علشان الحكومة تعرف تجيب حقوقكم المادية والمعنوية حرام عليكم
انتم كده بتخربوا البلد علشان مصالحكم دية انتجوا الأول وبعدين ابقى اقفوا احتجوا يا باى عليكم هو خلاص مفيش دم عندكم و لا فى وطنية خلوا مصر امامكم وليس مصالحكم البلد اقتصادها واقف واتتخرب قريب علشان خاطر المظاهرات والوقفات اللى مش عايز تخلص دية اتقوا الله فى بلدكم
وربنا يحمى مصر منكم يا ظلمة

ياريت جميع المعلمين يشاركوا . دا حقهم أزاى هتعلم الطالب أنه يأخذ حقه وأنت بتتنازل عن حقك !
لازم ياجماعة نقف ونكون أيد واحده علشان نبنى بلدنا صح.
ولازم كمان نطلب حقنا بكل أدب واحترام .
ولا تنس أنك معلم وقدوة للاخرين
فلابد أن تحسن أفعالك وأقولك حتى لا ينتقادك الاخرين نقدا سىء

الأخ حسام اللى بيقول ارحموا البلد مصــــــــــــــــــــــــــــــــــــــــر فوق الجميع ، وفوق المصالح الشخصية نحن لا نريد أن نهدم مصر ولكننا لا نريد الوعود الكذابة احنا من 2009 من يوم امتحان الكادر وهما بيقولوا هتثبتوا الشهر الجاى مر ت سنتان ولم يحدث شيئا ، وحتى بعد الثورة قالوا هنثبت ثبتوا محافظات ومحافظات لا ، نحن لانريد فلوس وأنما نريد قرار بتثبيتنا وأظن هذا أقل حقوقنا.

طيب اصبروا شوية على حقكم وخلوا البلد تتنفس شويه والقوات المسلحلة الله يكون فى عونها من بعض الجماعات الفئوية اللى ما بيهماش الا مصالحها القوات اتلاقيها من جوه ولا من الخارج الله يكون فى عونهم منكم ويعنى خلاص يعنى انموت من الجوع او ننشنق ما احنا بقينا 30 سنة دايقين المر ومتسحملين لازم فى شوية صبر يا جماعة متستغلوش ضعف الدولة وتقوموا بالمظاهرات والأخ اللى بيقول انه من عام 2009 ولسه ما ثبتش كنت فين قبل الثورة ايه اللى كان مخليكوا صامتين بالذمة ديه شجاعة وظنية أو مرؤه منكم تعملوا وقفات يا جماعة انتم معلمين قدوة ذى ما قال الاخ اللى هو مصرى ومليون مصرى ومش انتم ركبتم الموجة وعايزين حقوقكم حالن وبالعافية كمنتم فين وكانت فين الشجاعة بتاعتكنم دية قبل الثورة لو كنتم عملتم الوقفة دية قبل الثورة لكنا رفعنا لكم القبعة وقلنا انكم ابطال وانتم وامثالكم من الجماعات الفئوية اتقوا الله فى بلدكم وارضوا بما قسمه الله لكم تكونوا اغنى الناس وليست العبرة بالمثبت او المتعاقد هى ارزاق وربنا مقسمها يا أخ يا فئوى ياللى مش خايف على مصلحة الوطن وخايف على حقوقك وبس وتعيش مصر حره وهى جيشها واولاها الخلصين ومش اللى عايزين يخدوا على عطول ومفيش انتاج مش كده والله ايه يا استاذ يا محترم ياللى اتموت علشان مثتبتشى فى الشغل ويعنى خلاص القيامة اتقوم حرام عليكم وربنا يحمى مصر منكم ومن امثالكم

كل معلمى الدقهلية
 

يا جماعة لازم كلنا نشارك فى وقفة يوم الاربعاء ولا زم نروح للحاكم العسكرى لانة هوة اللى هينفذ القرار او يخلى المحافظ يمضى علية انا ادراة نبروة وقات لكل اللى اعرفهم وكلنا رايحين ان شاء اللة احنا زهقنا من الا نتظار:(:(:(:(:(:(:(:(

انا من الازهر ما تثبتش ومش هشارك فى اعتصامات فئوية



مش مهم الوظيفة أشحت وبلدى

ما تدمرش


بلاش انانية


ونصبر شوية ونتابع مع الادارات

نجمع توقيعات على ورقة بدل ما ندمر بلدنا ولا ليبيا ما اتعظناش منها؟

الله ينور عليك يا بتاع الأزهر ويكتر من أمثالك انت دلوقتى ثبت انك مصرى ووطنى من الدرجة الأولى وبتخاف على البلد اكتر مين الجماعة الللى اياهم اللى مش همهم مصلحة بلدهم تخرب ولا ما تخربشى عايزين مصالحهم وبس فى اسرع وقت ومش مشكلة البلد ان كانت واقعة و لا ضعيفة
ربنا يحميك يا مصرى يا عاقل ويهدى اخواتنا اللى بعده اللى عايزينها زى ليبيا ساعتها لا اينفع تثبيت ولا عقد ونقول يا ريت اللى جرى ما كان آمين يارب
حمى مصر من شرور اعدائها فى الداخل وفى الخارج

طظ فى الثورة الى وقفت حالنا الناس تعبت انتظروا المجاعه

احنا قبل الثورة يأخ حسام أتكلمنا كتير وكانوا ديما يقولوا لنا مفيش فلوس لحد ما عملنا ثورة 25 يناير وظهرت المليارات .
والاخ اللى بيعيب فى الثورة حرام عليك يأخى أتقى الله دا فى ناس ماتت علشان أنت تعيش حر وكريم ثم هتتعب شوية لكن بعد كدة هترتاح وأولادك يعيشوا مرتاحين . القوات المسلحة تشكر على المجهود اللى بتقوم بيه واحنا معها وربنا يعلم بنطور بلدنا بس أنت لحد الان مش قادر تفهم يأخ حسام المشكلة إيه ( المشكلة أن فيه محافظات اتثبتت ومحافظات لا) ليه القرار مطبقش على الكل . وأنا أشك أنك مدرس وبتقبض 300 جنيهه وعندك شقة عايز يدفع إيجارها وعندك فاتورة مياه وكهرباء بلاش التليفون لاننا هنشتاله وعندك عيل بيتعب عيل فى المدرسة عيل جعان وعايز يأكل وأنت أساسا بتخلص 300 جنيهه على المواصلات . وجاى تتهم المدرس وتقوله اتقى الله فى البلد . المدرس أكتر واحد بيحب البلد وبيخاف عليها ولعلمك أحنا بنتتج وبنعلم كويس جدا لاننا مش خايفين لا منك ولا من غيرك عارف بنخاف من مين من ربنـــــــــــــــــــــــــــــــــــــــــــــــ ــــــــــــــــــــــــــا هو اللى يعرف كل كبيرة وصغيرة عننا . أوك عايز منعملش اعتصام روح قولهم ياجماعة انتم ثبتوا محافظات ومحافظة الدقهلية لا ياجماعة وشوف هيردوا عليك يقوللك إية لان احنا مش لاقيين جواب فى الادارة والمديرية بتاعتنا.

حرام عليك اتقى اللة ي بدر

محافظ تعباااااااااااااااااااان
محافظ فكره عقيم
محافظ ملوش لازمه
أنا معاكم و سيبكم من الناس اللي بتدخل تعلق دي
دوووول جماعة من الخارج و االمثل اللي بيقول
اللي أيده في الميه مش زي اللي أيده في النار
و بعدين إحنا حالنا ده بقاله أكتر من 6 سنوات و عووووووووووود كاذبه
و اللي هبطلبه اتنفذ في أماكن تانية كتير
إذا التقصير من سيادة المحافظ اللي تبع الحزب الوطني راجل تعبان لسه عايش في النظام القديم
بصراحه من الأخر أنا قلتها و هعيدها عشان تكونوا عارفين
هما بيقولوا علينا أية
دوووووووووووووووووووووووووووووول فلاحين و هنضحك عليهم بكلمتين ياريت
منمشيش من قدام المحافظة إلا بالجوابات التعيين
خلاص الواحد جاب أخره مع الناس دوووووووووووووووووووووووووول
لازم ناخد حقنا
غريبه الوزير طلع القرار و خلاص يبقى سيادته مستني أية دي مسخرة فعلاً

بالتوفيق يا رجاااالة

حسام بيه خليك فى نفسك عمر مصر بيك تتقدم ملكش دعوة بحد احنا مش صغيرين
والنبى و النبى ههههههههههههههههههههههههههههههه خليك واصى علينا احسن من غير من سواش
وعجبى على الناس الى بتفهم

وانا معاكم

السلام عليكم
يا جماعة انا والله العظيم مدرس زيكم وبقالى 15 سنة فى التربية والتعليم ومرتبى بعد كل ده لسه محصلشى 1000 جنيه وبرغم من كده الواحد عايش بهم وعندى أولاد وبصرف عليهم وللعلم علشان محدش يقولى انتى بتعطى دروس لا والله انا أخصائى ومش مدرس مادة بس كل اللى عايزه ناخذ حقنا بالهدوء وبالعقل وفى الوقت المناسب لسه حوالى 4 شهور ويجيى ريس جديد وحكومة جديدة للبلد ساعتها نطلب حقنا منه ومن الوزير الجديد من غير انفعال ولا قفات احجاجية لأن والله خايف على البلد دية لفى تقع وساعتها نقل يارين ما جرى ما كان فالمطلوب مننا نبنى ونشد حال البلد ثم نطالب بحقوقنا المشروعة
بس وربنا يوفق الجميع

ايه يا جماعة انا معاكم ان شاء الله ناخد حقنا

يا اخ حسام ياريت تتكلم عن نفسك وبلاش شعارات مهو اللى ايده فى الجنة مش زى اللى ايده فى النار انت عشان متثبت وبتاخد زى ما بتقول 1000 جنيه مرتاح اما احنا اللى بناخد 360 جنيه ومتجوزين وعندنا اولاد هنصرف منين واجر بيت ومش عارفين ناخد اجازة ولا نشتغل شغله تانية بيتحكمو فينا المديرين يااما التقرير اللى بيتعمل اخر سنة ميدوناش فيه تقدير كويس

وبعدين احنا مابنطلبش حاجة غلط احنا بنطلب حقنا فى محافظات كتير اتثبتت اشمعنى احنا واحنا قلنا مش هنعمل مظاهرات احنا هنروح للحاكم العسكرى نعرف العطلة منين من المديرية ولا المحافظ وهو يمشى لينا الامور احنا مش رايحين نتظاهر احنا هندخل نتكلم معاه ونشوف رده اسوى بزملينا اللى اتثبتوا فى محافظات تانية

انا معكم ان شاء الله وبقول لكل نحن لانريد مظاهرات نحن نريد التثبيت فقط
وكمان هل المعلم المنتثبت الى يقول لانخرب مصر هل جرب الذل من مديره او من المعلم الاول الى معهاه فى المدرسه هل تعامل قبل ذلك بتهديد القلم الرصاص
نحن لانخرب مصر نحن نريد حقتا كل معلم مساعد نجح فى الكادر وحصل على icdl من حقه التعين مثل باقى المحاقظات الاخرى اريد العدل بين كل معلم فى نفس الحقوق ولا يكون مصيرنا مرتبط بالمحافظ الذى لايهمه اى انسان سوى نفسه

بإذن الله هتتعينو

يااخى الفاضل نحن نحب مصر أكثر منك ونعى تماماً الظروف التى تمر بها مصرنا الحبيبة ، لاكن أحب أقول لسيادتك أن الديمقراطية الصحيحة التى ننشدها بباسطة ممارسة للحرية قائمة على ركائز ثلاث هى الواجب والإلزام والمسؤلية ، ونحن نعى هذا تمام ونأخذ به فى اقوالنا وأفعالنا ، فالحرية الصحيحة تتطلب أن يكون الإنسان يقظاً -صاحى مش نايم على نفسه سلبى - حينما يراى تصرف خاطئ ينتقده فى وقتها كى لايتكرر وإلا تاكمت الاخطاء ووصلنا لما نحن عليه اليوم من إنتشار للفساد ::::::::::
وإحنا مر على تعاقدين أكثر من خمس سنوات " عايزك تحسب عمر الإنسان وتقولى فيه كم خمس سنوات " نحمل مسؤلية التعليم على اكتافنا فى ظروف كان فيها الفساديين لايعرفون كيمته " مش عايز أقولك إنى بصرف ضعف مرتبى على المواصلات ومش عارف أقدم طلب نقل لانى غير مثبت .............
بالله عليك خلى عندك دم وخليك فى حالك .........
اسف انتى استفزتنى

الى كل من يرفض الذهاب الى المحافظ وعامل فيها شريف لماذا تم تعين معظم المحافظات والدقهليه لا وهل لما المحافظ يمشى كلام الوزاره ويعين الناس هايقصر على البلد فى ايه وهل التعين ده من حقنا ام لا اكيد من حقنا فلماذا لايقوم المحافظ بالامضاء على الورق مثل باقى المحافظين على كده لو كان قرار التعين اللى طلعته الوزاره فى ايده عمرناماكنا متعينين

كلنا شرفاء وسنذهب الى المحافظه يوم الاربعاء الساعه التاسعه صباحا فقط للمطالبه مساوتنا بالاخرين وليس من اجل التميز وهذه ليست مطالب فئويه هل العدل والمساوه مطلب فئوى واقترح
نطالب برحيل المحافظ

مش لوحدك احشد اكبر عدد ممكن للتحقق مطالبنا جميعا نريد مساوه ورحيل المحافظ

يااخ حسام73
اتق الله
اكيد انت من اصحاب القرار107 الذى اتاح لراسبى الثانويه
الحصول على دبلوم المعلمين والنحاح رغم عنهم
وجعلهم مدرسين يقودون عملية التعليم فى مصر
وهذا حال التعليم والراسبون اصبحوا مدرسين اوائل واوائل كليات التربيه متعاقدين..............................وعجبى

وان شاء الله امام المحافظه الاربعاء القادم التاسعه صباحا

معلمى ادارة نبروه التعليمية
 

يا اخ حسام على فكرة احنا فاض بينا بقالنا 6 سنين متبهدلين على الطرق وبنشتغل فى آخر بلاد المسلمين وبجد تعبنا والوقفة هتبقى سلمية بس علشان ورقنا يمشى احنا اتأكدنا من كذا مصدر وجود ورقنا وتعطيله بمكتب المحافظ

كلنامعاكم وان شاء الله متوقع مفاجأه ساره واتوقع ان شاء الله العدد يتجاوز الالف لمهم تكثيف الدعوه فى كل مكان المواصلات المنتديات الفاسبوك وربنا يوقف

المهم يا استاذ شهاب المشاركه الفعليه غدا وحشد اكبر عدد من المعلمين من اجل نجاح الوقفه

أنا يا جماعة جاي يوم الأربعاء وادارة غرب جايه بالكامل اتصلت بيهم بالمحمول لا زم عددنا يكون كبير أتمني يعدي الألف علشان نشكل ضغط على المحافظ وا ريت نتواصل مع الادرات التانية من خلال الفيس بوك

غدا الاربعاء سوف تكون الوقفة الاحتجاجية امام المحافظة وقفة متحضرة ويا ريت نعمل لافتات مكتوب عليها مطلبنا

معاااااااااااااااااااااااااااااااااااااااااااااااا اااااااااااااااااااااااااااااااكم من 6 الصبح مش 9 انا بقالي سنة بنادي علي المنتدي حد يعبرني ويوقف معقولة لما تقوله يالله مش هقوم معاكو معايا اكتر من 50 مدرس ومش هنمشي غير بقرار مصدق ومختوم مش بؤين يثبتونا ونمشي وياريت نروح نلاقي المحافظ اتغير لان سبب وكستنا هو محافظ الدقهلية من الاسباب المهمة جدا

الى الامام دائما