|
انا دمى محروق بصراحة
بصراحة انا مضايقة جدا هو خلاص البلد بقيت بيديرها شوية عيال قاعدين فى ميدان التحرير كل شوية يقيلوا حد واحنا شغالين بقى تحت امرهم
وبقول ياربى مهو ممكن احمد شفيق مع احترامى لية يطلع حرامى هو كمان ما البلد كلها خلاص طلعت كلها حرامية - سورى فى التعبير وطبعا انا مقصدش كدة بالظبط بس ناس كتير اوى طلعوا حرامية اية دة حاجة تغيظ وموضوع مفيش امن يعنى عاوزين المدارس ترجع علشان حال البلد ميقفش لكن فى نفس الوقت ازاى هنودى عيالنا المدارس فى ظل ان البلطجية بقوا بيعملوا اللى هم عاوزينة من غير ما حد يكلمهم وموضوع التعين كل ما نقول خلاص الامور تتعقد دة احنا مش بس مش هنتعين لاء البلد كلها هتقع انا مش عارفة هنعمل اية بعد كدة وهنصرف ازاى على عيالنا واهالينا ربنا يرحمنا بجد |
ربنا يرحمنا يارب
|
السلام عليكم و رحمة الله اختى سهى شوية العيال دول اطباء و مهندسين و مدرسين وناس متعلمين و مثقفين و عارفين هم هدفهم ايه كويس و يعملوه ازاى عارفة اى هدفهم ان انا و انت و اولادك و كلنا نعيش فى بلد حرية و ديموقراطية تكون احسن من امريكا و محدش ياكل حقنا و بعدين مفكرتيش ان شوية العيال دول معاهم كل مثقفين مصر و العلماء سواء من داخل او خارج مصر بلاش ده العالم كله معجب بيهم و الحضارة بتاعت الثورة و بيعتربنا مثل اعلى و قدوة و احنا نقول عليهم عيال يعنى يبقى العالم كله بيحترمنا و اهلنا ميش عارفة تحترمنا و بعدين ياسيتى مفيش حاجة بالسهل لازم نتعب شوية عشان نوصل للحرية و الديموطراقية ولا هى بالساهل اختى مينفعش يكون الشباب بيضحى بحياتهم عشانا و احنا ميش عارفين نضحى بكام جنية بيجوا من الدروس |
اللهم ولي خيارنا أمورنا ....
|
اكيد مش قصدها الكل
بس فعلا الان فيه مظاهرات من كل الفئات بسبب وبدون اخرها كانت بتوع طلبة الثانوية العامة اللى عاوزين الامتحان سهل ومدته طويله الخخخخ ربنا يرحمنا يارب |
اللي انت بتعمله ده غلط الناس عارف هي عاوزه ايه انما انك مش قادر تفهم رايهم مش معنا كده انهم غلط وياريت ماتسبقشي الاحداث لان الناس هي اللي اختارت الراجل ده وان شاء الله ربنا يوفقه للي فيه الخير لمصر ولازم تعرف ان الانسان لاز يقول لا للي يضره ومش في صالحه ولو انت مش مصدق ده وانت راجل معلم تبقي مصيبه لانك زي ما ربنا جعلك مخير تبقي كارثه لو عاوز تخلي بني ادم يخليك مسير
|
على فكرة يا استاذة نفس الكلام دة اتقال بعد خطاب حسنى المخلوع و90%من الشعب كان متضايق من الرجالة اللى ف التحرير بس بعد كدة كله عرف ان هما صح وان اصرارهم ضد التيار وصمودهم كان صح .
يا ريت اللى مش فاهم يسيب اللى فاهم يتصرف (سوري ) لان دى ثورة لازم تحقق مطالبها عشان نخلق بلد نظيفة . ماحنا مش هنعمل ثورة كل شهر |
ما هما الكام جنية اللى حضرتك بتقولى عليهم هما اللى ممشيينا ودول اللى بنصرف منهم ولا عجبك البلطجة اللى خلت الناس مش عارفة تمشى فى الشارع وبعدين طول الشباب دول موجودين هيفضل عدم الاستقرار موجود زالبلطجة موجودة
|
حرام والله اللي بيحصل البلد بتنهار كفاية كده
|
شوية العيال دول جابولنا اللى محدش جابه بالبلدى
وعارفين بالفعل ايه هدفهم وربنا يثبتهم اقتلاع النظام البائد دون رتوش؟ |
اقتباس:
|
اخس علي المدرسين اللي بالطريقة دي
احنا من العيال دي يا مدام معانا ماجستير وبندرس دكتوراه يعني أكيد فاهمين ما قعدناش في البيت والبلد بتتنهب وبنات كتير كانو معانا كفاية عليكي انتي واللي زيك تعلمو الطلاب السلبية |
اولا مينفعش اننا ناخد اول جملة ونسيب التانية معنى ان انا اقول ان احتمال احمد شفيق كمان يطلع حرامى يعنى جايز يكون عندهم حق دى حاجة
الحاجة التانية دة مش بينفى اعتراضى على مطالب ليهم زى مثلا اننا نقيل مسؤلين لمجرد انهم اتعينوا مع الحكومة اللى اتشالت طيب يا سيدى متحقق معاهم الاول والمدان يتشال او اللى مش بيقوم بشغلة كويس نشيلة بعد ما نديلة فرصتة ولا نعينة النهاردة ونشيلة بكرة وانا لم اذكر موضوع الدروس خالص مع احترامى لحضرتك طبعا |
اقتباس:
|
استاذ مدرس ازهرى عيب اوى الكلام اللى انت بتقولة لايق ويا سيدى لو مش فاهمة فهمى ولا هو خلاص انت اللى بتفهم والباقى مش من حقة يفهم
وعلى فكرة انا تربية عام انجلش بتقدير جيد جدا وكان فضلى كم درجة على الامتياز ودبلومة مهنية بردة جيد جدا ودبلومة خاصة بردة جيد جدا ومعايا اى سى دى ال وشهادات تانية كتير واذا كنت انا هعلم العيال السلبية انت هتعلمه الاستبداد بالرأى والاسلوب الغير حضارى فى الكلام وعيب اوى نعمل فى بعض كدة |
شوية عيال !!!!!!!!!!!
ربنا يسامحك |
شويه العيال الي بتقولي عليهم دول فيهم الي ضحي بروحه علشان امثالك يتعينوا وفيهم الي كان بينام في البرد علي الرصيف علشان يحققوا مطالبهم الي هي مطالب الناس كلها وكان معاهم خيرة مثقفين مصر وعلمائها ومطالبهم كانت دفعة وحدة لكن احمد شفيق ووزارتة هي الي كانت بتماطل كأنهم بيشحتوا الشعب ولا بيتجملوا عليه , ياريت نختار الفاظنا ولو مش عارفين نقرأ ونتعلم من الثورة خصوصاً اننا مربيين اجيال يعني ممكن اي تلميذ يسألنا عن ثورة ٢٥ يناير وقتها هنقولهم ان الي عملها شوية عيال !!!!!!!!!!!!!!!!!
ياريت بلاش سلبية وانانية بلاش نفكر في التعيين والتثبيت كتير وفي المرتب وفي الحوافز والبدالات وننسي ان الي كان السبب في التغيير الي حصل في البلد كلها ومحدش ينكر ان التعينات الي حصلت مكنش ممكن هتحصل لولا ثورة ٢٥ يناير الي غيرت البلد كلها يبقي المفروض نشكر الناس دي مش نقول عليهم عيال بلاش نبقي زي القطط ناكل وننكر وقتها هينطبق علينا قول الشاعر ومن يجعل المعروف في غير اهلة ***** يكن حمدة ذماً عليه ويندم |
من ذهب الى ميدان التحرير أرقى فكراً من الذين لم يذهبوا و هم معهم كل الحق و اللى عنده رأى تانى يبقى اما مش فاهم و اما تبع الظلم و الفساد و الضلال
|
اللهم ولى أمورنا خيارنا وارزقنا البطانة الصالحة ( أمين )
|
الجواب بيبان من عنوانه
شوية العيال دول رفعوا راسنا كلنا وأقل واحد فيهم متعلم احسن منك علي الاقل عنده اسلوب في الكلام احسن من كده انتي مين عشان تقولي عليهم شويه عيال! |
لازم الموضوع ده يتحذف عشان مخالف و فيه اهانة لاخواننا الثوار و الشهداء اللى ماتو فى ميدان التحرير و فيه تعدى على قوانين المنتدى
و كلمة لصاحبة الموضوع على لسان اوباما ان المصريين ستعلم منهم الامريكان الديمقراطية |
يا مس سها ..أنا مش متفق معاكى فى أى حرف وأن اللى يوقف حال البلد هو الناس اللى رأيها زى رأى حضرتك و ليس من هم فى ميدان التحرير
|
الله الله عليكم يا رجال الثورة ... لا سكوت على باطل او ظلم بعد اليوم
ونصيحة للاخت صاحبة الموضوع : رجاءا الاعتذار فهو من شيم الكراام |
بصراحة احنا اللي دمنا اتحرق من كلامك
|
اقتباس:
احترسوا من اذناب النظام البائد |
للأسف أنا معايا زمايلى مدرسات معاهم نفس شهاداتك و والله ما يفقهوا اى شئ فى التعليم
|
ايه يا جماعة هو كلكم على سها و لا ايه
هي بتقول رأيها و لا اللي بيقول رأيه يطلع من البلد اهدوا شويه يا جماعة و على فكرة انا مش موافقاها على كلامها بس في طرق كتير للرد على الرأى الأخر و انا موافقاكي يا امل اليكس على كل كلمه كتبتيها |
اقتباس:
ارجوك يا استاذه حسبي علي كلامك احنا كنا عبيد عند حسني واتباعه وهم الي حررونا |
اللي قالته الاخت Soha ده مش رأي اساسا!!
دي اهانه للناس كلها هو انا اشتم وبعدين اقول ده رأيي! في فرق بين الرأي وبين اهانة الاخرين انا اختلف مع فلان بسبب كذا وكذا او اتفق معاه بسبب كذا وكذا مش اشتمه واهينه بعدين اقول ده رأيي الناس فاهمه الحريه غلط وكل ما تكلم واحد يقعد يشتم ويهين في الناس وبعدين يقول " مش هي دي الحريه اللي بتنادو بيها" احنا عايزين ثوره فكريه... ثوره في طريقة الحوار والمناقشه بين الناس اللي مش فاهمه معني الحريه الحقيقي والحمد لله دو ل قله قليله |
الاولاد دول اشرف ناس في مصر و بيعملوا لصالح مصر و لولهم مكناش هنتعين و لا بعد مليون سنة
|
انا لو ادمن هنا كنت حذفت صاحبة الموضوع و عملت باند للاى بى بتاعها
|
اقتباس:
عندك حق اختى ميس نورا ياجماعة احنا لازم نتكلم مع الناس دى براحة شوية ومن غير اهانات اناعارفة كويس ان هم اللى بيبتدوا بالشتيمة بس معلش هم صحيح فى منهم ناس تابع اللجنة الالكترونية فى الحزب الوطنى بس برضه فى ناس مضحوك عليها وبتردد الكلام من غير ما تفكر فيه وده دورنا نفهم شوية بشوية |
طيب ايه رايكم ياجماعه نتحاور بشكل راقي يليق بمستوانا التعليمي والي يغلط نفهمه غلطه براحه وبعدين الاخت صاحبه المووضوع الي بتعد شهادتها انسي الشهادات والله العمليه مش بالشهادات ولا بتكويمها الثقافه والاطلاع اهم بكتير وخلي بالك كان ممكن تعترضي على اي حد بس مش غير غلط عشان تلاقي الردود عليكي بردو من غير غلط بلاش استفذاذ احنا ناس كبار ولازم يكون لسانى وعقلنا وفكرنا نضيف ونعرف كويس نحكم على الامور اعتذري عن كلمه عيال دي عشان لو هما كده انتي هتبقي ايه؟
ربنا يهدينا ويهديكي |
ما هيا اسمها سها
هتقول ايه غير كدا الجواب بيبان من عنوانه حسبى الله ونعم الوكيل فيكى يا اخت سوسات |
اقتباس:
|
السلام عليكم و رحمة الله
اختى سهى شوية العيال دول اطباء و مهندسين و مدرسين وناس متعلمين و مثقفين و عارفين هم هدفهم ايه كويس و يعملوه ازاى عارفة اى هدفهم ان انا و انت و اولادك و كلنا نعيش فى بلد حرية و ديموقراطية تكون احسن من امريكا و محدش ياكل حقنا و بعدين مفكرتيش ان شوية العيال دول معاهم كل مثقفين مصر و العلماء سواء من داخل او خارج مصر بلاش ده العالم كله معجب بيهم و الحضارة بتاعت الثورة و بيعتربنا مثل اعلى و قدوة و احنا نقول عليهم عيال يعنى يبقى العالم كله بيحترمنا و اهلنا ميش عارفة تحترمنا و بعدين ياسيتى مفيش حاجة بالسهل لازم نتعب شوية عشان نوصل للحرية و الديموطراقية ولا هى بالساهل اختى مينفعش يكون الشباب بيضحى بحياتهم عشانا و احنا ميش عارفين نضحى بكام جنية بيجوا من الدروس احيكى على هذا الرد الرائع ما شاء الله قلت فاوجزت |
اقتباس:
|
انا كنت بايت فى التحرير يومين
مش كده خالص |
| جميع الأوقات بتوقيت GMT +2. الساعة الآن 08:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.