قرار تعيين الكل غريب وظالم
 

ادهشني واصابني ذهول عندما قرأت قرار وزير التعليم الذي كنا ندافع عنة ونطلب مجيئة الي الوزارة ولكنة خيب امالنا للاسباب التالية
1- كيف بحدث تعيين للكل حتي بتوع الاجر انة حط ابو قرش مع ابو قرشين
2- كيف يساوينا ونحن معدين تربوين ومعنا الرخصة الدولية للحاسب الالي بمن لم ياخذوا سوي شهادتهم وتعينوا بالمجاملات والواسطة
3- اين ذهب تعب المذاكرة في الدبلومة او التربوي ومذاكرة الكادر بمن لم يفعلوا شئ
4- كيف تضييع سنوات خبرة عملنا بها اكثر من سبع سنوات بمن هم حديثوا التخرج
5- مافائدة كلية التربية اذا
سيدي الوزير انت لم تصب قرار مخطئ فعلت ذلك من اجل خوفك من المظاهرات
المساواة في الظلم عدل

ما حدث لمن لم يمتحن بعد الاكاديمية هو تثبيت بمعني ليس فصل ..
اما من اجتاز الاكاديمية فتم تعيينهم علي وظيفة معلم .. وله كل امتيازات الكادر

لا حول ولا قوة إلا بالله
يعني احنا بقينا "بقرش" علي العموم ايها العضو المحترم انا في السويس و في مدرستي فقط 10 معلمات بالاجر كلنا معنا الشهادة icdl و كلنا معنا دبلومة علم نفس تربوي و كلنا معنا كورسات لغة انجليزية اما عن سنين الخبرة فكلنا نعمل منذ ست سنوات والمرتب 113 جنيها فقط وبدون حق في اي شئ .
يا تري نستحق التعين ولا لأ
إذا كنت تحس بالظلم فلا تظلمنا

حرام عليك لية كدة هل انت موكل بتقسيم الارزاق هل تعلم حالى وحال زملائى

نحن ايضا معنا تربوى وicdl

والله الواحد يتمنى الخير للجميع وربنا يرزق الجميع بس فى البلد دى بجد الانسان اتخنق نتعب وبنتساوى بالجميع ازاكر واتفوق وبتعين زى اللى نجح بدور تانى ناخد كادر ورخصه دوليه وبرضه زينا زى الكل بس الواحد بيسكت عشان ميزعلش حد بس هقول ايه بقا اللهم لا اعتراض ع حكمك
مش انانيه مننا بس دا ليه ديما التعب يروح فى الهوا ونتساوى بالكل

ياجماعه الارزاق على الله بس اثبتو مقلناش حاجه دا يفرحنا بس بنفش الشروط اللى اتطبقت علينا اظن العدل مايزعلش
نتمنى للكل التوفيق وربنا يوسع ارزاقكم ويحفظ مصر

يا أخواني قولوا الحمد لله علي كل شيء ان التعيين بقي لكل الناس وده اللي كنا بنادي بيه

الراجل مغلطش
 

يا جماعة مع احترامنا للمعلمين بكل فئاتهم لاكن الراجل مغلطش مطلوب التعيين للكل لاكن حسب قانون الكادر .
يعنى العاملين بالاجر المفروض يبقى ليهم عقود معلم مساعد فورا ويخلصوا الشروط المطلوبة وبعدين يتعينوا وهو دة العدل.واللى اجتازوا الاختبارات وحصلوا على الدبلومة والرخصة الدولية فدول يتعينوا فورا .

انا من وجهة نظرى ان من حق اى انسان داخل المدرسة انه يكون معين ومثبت واحنا مش هنخسر حاجة لما يتثبتوا

فيهم ناس بيشتغلوا قبل انتا ما تشتغل في التدريس وهما مواطنين في البلد دي زيك يعني ليهم حقوق في البلد دي ومن حقهم يعيشوا حياة كريمة بعيد عن الاجحاف ولا حضرتك بس الي ليك حق تعيش والباقيين يشربوا من البحر !!!!!!! وبعدين انتا مش تعرف ظروف الناس دي وليه هما كده مش يمكن في ظروف خلتهم مش يكملوا؟؟؟؟ وحضرتك عمال تقول ذاكرت وتعبت بتحسسني انك بتشتغل في هيئة الطاقة الذرية ولا مفاعل نووي ( يعم المهم تقبض اخر الشهر وتقدر تصرف علي الناس المسئولة منك ) بلاش تعيش الدور اوي خلي الناس كلها تفرح ولا يفرحك ان حضرتك بس تتعين والباقيين مش مهم ومتنساش حديث الرسول صلي الله عليه وسلم (( حب لاخيك ما تحبه لنفسك ))

السلام عليكم
طب ممكن اسأل سؤال وياريت اللى عارف يجيب....انا اشتغلت سنتين الحصة 2007-2008 و 2008-2009
اما فى 2009-2010 اشتغلت بمدرسة خاصة فهل ياترى ممكن يكون لى امل فى تعاقد لانى عملت بالحصة
على فكرة معايا icdlمن زمان + بكالوريوس تربية+ دبلومة فئات خاصة
ارجو الافادة

الف مبروك للجميع ومتزعلوش من بعض المهم كلنا نحب مصر ونجتهد في عملنا علشان بكره يكون احلي لينا و لولادنا بعدينا

اولا عشان محدش يفهم كلامى غلط
انا مدرس مساعد من اللى اتعينو
وحمدا لله على ذلك

ثانيا فعلا كان حق مديرين المدارس والموجهين والمثبتين من زمايلنا انهم يعاملونا وحش ويشوفونا اقل منهم
ويقولوا علينا بالقلم الرصاص وبردوا حلال فينا اننا نتعامل اسوأ معاملة
عشان لما كان املنا التثبيت فقط كنا مستنيين قشاية نتعلق بيها
دلوقتى اول محسينا اننا معينين ومثبتين بالفعل بدأنا نعض فزمايلنا ونقول انهم اقل مننا يعنى مش غريب على اللى كانوا متعينين انهم يبصولنا بصه اقل منهم لاننا دلوقتى بنبص لزمايلنا نفس البصه
وبنبخثهم حق التثبيت

يا اخى بالله عليك راجع معلوماتك عن عقود الحصة
الناس دى جاهزة من كل حاجه معاهم الاى سى دى ال
والدبلومات التربوية
وطبعا ده اسوة بينا عشان يبقوا جاهزين لامتحان الكادر
يعنى اللى فارق بينك وبينهم
هو امتحان الكادر واظن الكل بيطالب بالغاؤة
يعنى الفارق معدوم
يعنى مفيش فرق

وحب لاخيك ما تحب لنفسك
واحمد الله كثيرا انه تم تعييننا

اخي سيلفانو وغيرهم ممن ينتقدون الموضوع اقسم بالله انني لست انانيا ولكنة حقي والساكت عن الحق شيطان اخرص لايمكن يحدث تقدم في هذة البلد الا اذا ساد العدل
ان الله ينصر القرية العادلة ولو كانت كافرة
لسي بقيلنا كتير عشان نترقي في التفكير ونستطيع التقدم

اللي يهمنا المرتب حيكون كام ؟؟؟؟؟؟؟؟؟؟؟؟

حب لاخيك ماتحب لنفسك
مع انى مستوفى الشروط زيك بس كنت معتصم مع زمايلى علشان التثبيت يكون للجميع لانه ده حقه

والله العظيم
أقسم بالله العظيم
أنا مش فرحان إنى اتثبتت قد ما أنا فرحان إنك زعلان يا بو إيــــــــــــــــــــــــــــــــــــــــــــاد
يا راجل أخير ا اتحرق دمك
يــــــــــــــــــــــــــا ســـــــــــــــــــــــــــــــلام

انا بعترض على ابو قرش وابو قرشين وهقول لحضرتك لية
فى سنة من السنين انا اشتغلت بالأجر فى ثانوى فنى وناس معانا اشتغلوا فى اعدادى ودة بناءا على توزيع التوجية الغير عادل طبعا او اللى مش مبنى على اساس وبعدان نزلوا عقودات عادية للى جايبين جيد جدا فى اعدادى واتحرمنا احنا من العقودات دية مع ان انا جيد جدا بنسبة عالية يعنى اعلى من معظم اللى اتعقدوا ساعتها الناس اللى شغالة بالأجر مظلومة فى المرتب وفى كل حاجة وبتشتغل زى اللى نازلة عقد
وبعدان فى حاجة اشمعنا باقى الوزارت تثبت اللى مر عليهم ثلاث سنوات واللى فى التربية والتعليم يتظلموا
والراجل مسواش بين القرار 53 والقرار 75 قال دة تعين ودة تثبيت مع انى معرفش الفرق بينهم بس اكيد فى فرق واضح لأن القرارين مازالوا مستمرين ومفيش واحد بيلغى التانى
وسنين الخبرة بأذن اللة هنضفها

والدكتور احسن من المدرس فايه اساسا لولا المدرس مكانش الدكتور

اهدوا يا جماعة واتمنو الخير لبعض
ومبروووووووووووووووووك ا
التعيين علينا كلنا
معلمين مساعدين
وحصة

المهم اننا فالاخر معلمييييييييييييييييييين

نحن مثلك ( ولم نشعر بهذه الأنا أو ان لنا امتياز عن غيرنا ) كلنا في الهم سواء
 

أنت أناني وكأنك تقول :


( ألف عين تبكي ولا عين أمي، وعين أمي ولا أنا. )

يا اخي بدال ما تندهش او تذهل وضعط دمك يرتفع من ان الناس هتتثبت طالب بحقك ان يكون لك امتياز تحصل عليه نتيجه حصولك علي هذه الشهادات وان كنت اعتقد انه لو تم مساواتك بهم ليس مت الفترض ان تحزن الا اذا لم تكن استفدت ذاتيا من الحصول عليها وبالنسبة للكادر فهو عار علينا كمعلمين ان ترتبط زيادة اجورنا بهذا الاختبار فهو شئ مهين يجب ان نقف ضدة ونتصدي له

عشرة على عشرة رد في الجول بص ياعم يا صاحب الموضوع الناس في مصر هقت وطهت اما المعلمين فخرجوا من هدمهم ولما ييجي الفرج ( التثبيت فيه شك كبير ) نقطع في بعض هو في اه يا جماعة لازم نصفى شوية وممكن تجوبني هو الغني غني ليه والفقير فقير ليه والصحيح صحيح ليه والمريض ليه والصغير الي مات ليه والكبير الحي ليه الخ0000000000 طبعا وصلت الاجابة ( قل كل من عند الله ) من اعترض على نعم الله لعباده فلينتظر غضبه
( قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِمَّا يَجْمَعُونَ)

بص حضرتك انا مدرس حاسب الي ((معلم مساعد)) واشتغلت قبلهم بالاجر بس انا مش مع كلامك خاااااااااااااااااالص عشان
خلينا نتفق ان احنى بنشتغل علشان نجيب فلوس ده اولا واخيرا عشان تتجوز وعشان تفتح بيت
انا واحد خاطب وعندي شغلي والي انا باخده من المدرسة 340 جنيه يدوب مواصلات لما انا اروح اعمل دبلومة تربوي مطلوب مني مصاريف ليها ده غير الوقت الي انا بضيعه هناك يعني انا بوظت شغلي الي بعد المدرسة يعني اصبح كل الي انا بمتلكه خلال الشهر 340 جنيه قولي بقى يا جميل انا اصرف على نفسي واحوش علشان اخلص شقتي واصرف على الدبلومه منين واجيب وقت ازاي ياسيدي هما غلطو لما عيننونا ليه بيصلحو الغلط بالطريقة الغبية دي
وبعدين انا اقسم بالله ثلاث اريع المدرسين الي تربويين اساسا ميعرفوش يعني ايه كمبيوتر ولا يعرفو يشتغلو عليه انا ياسيدي الفاضل اساسا خريج حاسب الي يعني انسب واحد ادي المادة دي
طيب مهو بدل ما يقولك شرط انك يبقى معاك مؤهل تربوي يثبتنا على وظيفة معلم مساعد ومنترقاش غير لما ناخدها او انه يعمل تدريب تربوي بعدين وده افضل
انا مش هطول في الكلام لاني بامانه قرفان من كل الي انا بشوفه في البلد سواء كان قبل الثورة ولا بعدها

قول الحمد لله و ادعى للجميع بالخير
توقيع : معلم مساعد

انا بنتقد قرار وزير التعليم بتثبيت المؤهلات المتوسطة ممن عملوا بالحصة اوالمكافاة كمعلمين
فهناك بعض الزملاء خريجي كليات التربية لا يعملون بالحصة لاسباب منها
1- عدم وجود واسطة لاعطاهم عدد من الحصص لانها بالمحسوبية وقد يجدها بتاع الدبلوم
2- بعض الزملاء خريجي التربية الذين رفضوا العمل بالحصة لايريدون المذله والمهانه والتي يشعر بها كل من عمل بالحصة
فهل معني ذالك نغفل حق خريجي كليات التربية الاحق بالتعيين واللي البعض منهم دخل الكليةوكان يعلم بوجود امر تكليف لخريجي التربية وماقد يؤسفني ويشعرني بالحزن انه لا فرق حاليا بين تربية واي مؤهل اخر
فهل هذا عدل ؟ فهل يحق لخريجي التربية ان يعمل في المحاماة مثلا او الطب او .............الخ لا طبعا
فيجب ان نعين التربويين ومحدش هيزعل من كده .
فانادي بتعيين خريج التربية ولو لم يعمل في التدريس من قبل اواذا كان يعمل لمدة شهر
المفروض شرط ثلاثة سنوات لغير التربويين ويعفا منه خريجي التربية الاحق بالتعيين

ياريت مفيش حد يزعل من الكلام لأن الفكره هى ان فيه ناس مؤهلين تربويا ولهم احقية التعيين حتى ان كانوا خريجى العام الماضى. و بعدين فيه ناس فى المدارس وهى تجارة و حقوق و سياحه و فنادق ! هل معقول عشان اشتغلوا بالحصه يبقى ليهم اولويه قبل خريجى التربيه؟ يعنى هل وزارة السياحه لو افترضنا ان فيها تعيين ممكن واحد تربيه يشتغل فيها او هل ممكن تربوى يشتغل محاسب
. ده كلام غلط . ياريت الكل يتعين و اتمنى الخير للكل لكن على الاقل تبقى عمليه انتقائيه شويه , يعنى اللى يستاهل من معلمى الحصه هو الللى يتعين .وبعدين تربيه ملناش اى شغل غير كده

يا أخى الكريم الفاضل اذا شعرت انت بالظلم تمنيت الا يشعر به احد

انا متفق معاك يا ابواياد فى كل كلمة قولتها ................ اصبحت مهنة العمل بالتربية والتعليم

هى المأوى والملجأ للجميييييييييييييييييييييع

العيب مش على الراجل المحترم اللي كتب الكلام ده


ياجماعة ليه حاسين أن بيحقد عليكم لكل واحد وجهة نظره التي قد تصيب وقد تخطأ


الراجل يوضح وجهة نظره وفينا اللي هيتقبلها وفينا اللي هيرفضها

والله ماهو معقول أبداً أن يتساوى واحد معاه دبلوم وواحد طفح الدم وخد تربية عملي وتربوي واختبر الكادر وخد دورات icdl وياعالم كان بيصرف منين
العملية بقت ( سمك - لبن - .......)

لكي الله يامصر


المعلمين الأساسيين اللي متثبتين منتظرين ماذا سيحدث وهتلاقوهم خارجين وفي اعتصمات الموضوع موضوع وقت

الراجل ده بيقول كلام زى الفل
"قل هل يستوى الذين يعملون والذين لايعملون"

الله يرحم شهدا الثورة

لا حول ولا قوه الا بالله
مهما فعل المسئولين اثبت الشعب المصرى انه " فرعونى "
يعنى لما يكون هناك شروط " دبلوم - امتحان كادر - رخصه" انشاء لله تويفل
الناس مش عاجبها وتتظاهر
لما يثبت الكل من غير شروط.. برضه مش نافع
كده ابثبتنا ان المصريين لا يعاملوا الا بالقهر حت تسير الامور
يا اخى ارجو انا لا تفكر فى نفسك فقط فهناك معلمون بالحصه له اكثر من 5 سنوات ولديه اطفال
واختم كلامى " نعيب زماننا والعيب فينا..... وما لزماننا عيب سوانا "
ملحوظه : معلم مساعد تتوافر فيه الشروط ولم ياتى اسمى ضمن المعينين

لو إنت كنت متعين منذ سبع سنوات مكنتش قلت كدة لكن حضرتك أخذت حق غيرك من يعمل منذ سنوات

السلامعليكم
انا مدرس مساعد دفعة 2008 وتعاقدت في 1-9-2009
بناءا علي كلام الأستاذ أنا ما ينفعش أكون معلم بكل بساطة لأني حديث السن يعني المشكلة ملهاش حل إلا الإنتظار ودة شرط محبط وظالم لاني مهما أكون مجتهد مش من حقي اتسبت الا بعد سنين طويلة.

لاكن اذا كان المعيار هو الكفاءة والجهد فربما يكون احد المعلمين المساعدين أفضل من اللي بقالة 7 سنين شغال
مثلا
أنا حاصل علي البكالوريوس بتقدير جيد جدا ومعايا الدورات ICDLv4 وانا في الكلية قبل ما تكون مطلوبة من المدرسين
وكمان cisco itess قبل ما اتعاقد بالإضافة إلي c#.net

أما من الناحية التربوية فأنا حاصل علي الدبلوم الخاص (تمهيدي ماجستير) لمدة عامين في التربية النوعية عام 2010 - 2011
وحاليا باحث ماجستير في الحايب الآلي

ولذالك اطالب بتغير ثقافة " القديم هو الأفضل" وجعل ثقافة المعايير الموضوعية والكفاءة هي أهم المعايير

حسبي الله ونعم الوكيل فيك ياعني الحقد والكره وصل بيك انك مستكتر التعيين علينا . معظمنا ليسانس اداب واخد تربوي وامتحن الرخصة الدولية ولكن للاسف عمل اختبار الكادر في 20/11/2009 ياعني مش كنا في الدبلومة ياعني . والحمد لله القرار رجع حقنا اللي ضاع لاننا حوالي 30 الف شغال بالاجر من 2000 حتي التعاقد

طبعا الأخ اللي بيقول معانا وعلينا هو اتعين متى واشتغل كام سنة واشتغل بالأجر كام سنة علشان يتكلم ويقول أبو قرش وأبو قرشين هو أبو قرش ده مش بيتعب وبيقوم بنفس عمل المدرس الثابت بس هي حظوظ
ارحموا من في الأرض يرحمكم من في السماء
حدد قول اللي لسة خريج جديد ولم يعمل من قبل أو أول سنة في التعليم ينتظر ولكن الذي كان يعمل منذ فترة يتم تثبيته حتى يستطيع أداء مهام عمله بدون الاحساس بالظلم الذي تتحدث عنه

يااخ ابو اياد لاتكن انانيا انا اتحداك لو انت خريج قبل 99 زيى وبرضة معايا تربوى وicdl ومدرس لغة انجليزية واشتغلت بكافة الطرق بالحصة وبالمكافاة الشاملة وبالعقد الداخلى وبالعقد المميز 174 جنية واخيرا معلم مساعد وكل دةبسماحصلتش على الكادر لانى كنت باخد التربوى وكنت لسة فاضل سنة ولما حضر زكى بدر كان همة يعمل كبسات على المدارس ولم يفكر يعمل امتحان كادر لو كان ممكن ناخدة على حسابنا كنا خدناة واللة من ضمن اللى صرفناة اتق اللة يااستاذ وحب لاخيك ما تحب لنفسك انا نفسى كل الناس تتعين لو لسة مشتغل امبارح ياريت تتغير زى مابنحلم ان مصر كلها تتغير

ارجو المساعدة ارجوكم حالتي صعبة جدا!!!!!!!!