|
إعلان ملوش لزمة
بسم الله الرحمن الرحيم هل شاهد احد منا اعلان القطار (إعلان الشاب الذى ركب القطار ووصل وقدر يبئا حاجة والشاب الاخر الذى جلس على القهوة وفاته القطار) دعوة للعمل والعمل عبادة ايه يعنى لما تشتغل عامل فى مصنع بالبكالوريوس مفهاش حاجة ما انتا اكيد بكرة هتوصل (ابئا قابلنى) منذ عدة ايام تقدم احد اعضاء مجلس الشعب با استجواب رسمى الى الحكومة يتهمها فيه بالخيانة العظمة واهدار المال العام اتريد معرفة السبب تم بيع 360 الف متر مربع لمستثمرين من اسرائيل فى طابا المفاجاة سعر المتر ( 135) قـــــــــــــــــــــرش هذا الخبر ليس بالنكته انما حقيقى تطلب منك الحكومة الركوب فى القطار لكى تصبح عامل وفى النهاية تقوم ببيع اراضى الدولة ببعض القروش لكى تعمل فى النهاية عامل فى احد مصانع اليهود خيانة عظماء بكل ما تحمله الكلمة من معنى هل تعلم ما هى الاثار المترتبه على بيع تلك الاراضى وهى ملصقه للشريط الحدودى مع اسرائيل ما لم تستطع اسرائيل اخذه بقوة السلاح وما استطاعت مصر الحصول عليه بعد التحكيم الدولى بالنسبة لطابا وما حدث مع فلسطين يحدث اليوم فى مصر قامت الحكومة الوطنية ببيع هذه الارض فى النهاية ببضع جنيهات السوال لك فى النهاية هل ما تزال ترغب فى ركوب القطار؟ |
ازيك يا اسلام
واحشنى والله انتا متأكد من موضوع ال 135 قرش ده؟ لو متأكد تبقى كارثة!!! |
انا واثق والله مش متاكد
135 قرش للمتر الواحد وزى ما قولت فى استجواب فى المجلس من نواب الحزب الوطنى قبل النواب المستقلين والاخوان كمان |
يا اسلام البلد متباعه من زمان وكل يوم بتتباع اكتر واكتر سواء لاسرائيل او لغيرها وبعدين بالنسبة لركوب القطار كل ده كلام فارغ بيضحكوا على الشباب علشان يخلوا مسؤليتهم تجاه الشباب وحسبى الله ونعم الوكيل وعليه العوض |
هههههههههه
وبيقولك حررنا ارضنا من اليهود ونبيعهالهم تانى بجنيه ونص المتر!!!! |
احنا كان ممكن نفرح لو اتبعات لشباب
انتا عارف لو كل شباب اخد نص فدان ربع فدان 100 متر حتى يعمل عليه اى مشروع انما تقول ايه البلد دى جبتلى الضغط |
متستغربش يابنى من حال البلد
خلاص كلها خربت هما بس باعوها بـ 135 قرش روتين بس ورسميات عشان لو كانوا ادوهلهم ببلاش كانت هتقوم ثورة ووالله مش بكالوريوس بس اللى بيشتغل عامل انا اعرف دكتور وبيشتغل فى ورشة يعنى هوا دا حال البلد ومفيش فى ايدنا حاجه نعملها حسبى الله ونعم الوكيل |
السلام عليكم و رحمه الله وبركاته
هقولك ايه يا اسلام بس ؟! :( سيبك يابني من الطمع اللي فيك ده عايز ايه اكتر من 135 قرش انت وديت البلد في داهيه يابني بطمعك وبعدين فيها ايه لما واحد بقاله في التعليم 21 سنه علي الاقل و صارف في السنين دي كلها اكتر من 200 الف جنيه و في الاخر يطلع يشتغل عامل ياخد 150 جنيه وبعدين متستعجلش وبلاش طمع بالحوافز و المكافئات ياخد 165 جنيه اسلام بجد انت وديت البلد في داهيه بطمعك ده :D قال البري بيقولي يا احمد ان مش بتحب مصر ليه هيا مصر عملتلك حاجة ؟:mad: ههههههه ماشي ليا تصرف مع البري تاني |
يا بنى هو إنت غاوى تحرق دمى إنت بتنبسط لما تشوف ضغط بيعلى والسكر عندى بيزيد والله يا اسلام انا ىبفكر أمنعك من الكتابه عشان استريح هتموتنى ناقص عمر والله |
اقتباس:
اقتباس:
انا اعرف بكلوريوسات كتير جدااا وبيشتغله جرسونات فى قهاوى وسريحه بشنط ولعات وامشاطت ودكاترة بيشتغله على عربيات ميكروباص اقتباس:
ايوه انا اللى وديت البلد فى دهية انا اللى دخلت امريكا فى العراق وانا اللى بعت فلسطين لليهود وانا اللى سرقت فلوس البنوك وهربت وانا اللى ضربت برج التجاارة العالمية اقولك حاجة انا بن لادن :D اقتباس:
ليه بس يامحمد عمتا ااااااااااااايه كل من عليها فان :D |
هأهأهأ:D اركب اركب القطر يمكن توصل دمنهور وبيقولك تفتكر لو انت رحت اتقدمت لواحده وانت عاطل كدا ابوها هيرضي يجوزهالك اقوله هأهأ هأ تاني دا ابوها عنده يجوزها للعاطل علي انه يجوزها للعامل بس معلش يا سلوم هو بالنسبه لموضوع 135 قرش دا ايه مصدرك عشان انا بصراحه مش مقتنع بيه اوي |
هو ناقص ايه فى مصر تانى لينا
؟؟ اه ناقص احنا |
اقتباس:
ربنا يخلينا لبعضينا |
بجد الاعلان دة من كتير حاجات كتير تحرق الدم عايزين يضربو عصافير كتير بحجر واحد منها يجيبوا (عمال) للمصانع الجديدة واللي مش عارفين بتاعت مين :rolleyes: ومنها يقولو مفيش بطالة ف مصر اللي بيقول مفيش شغل يتصل بـ 0900 وهيشتغل علا طول ومنها حبة مثالية ان مفيش حد ف مصر بيوصل بسهولة (بالكوسة مثلا) الناس كلها بتركب القطر وبعدين بتوصل (وابقى قابلني لو وصلو) وعلى راي بسملة ربنا يخلينا لبعضينا
|
هو موضوع يصدم فعلا
بس كراي ذاتي اعتقد انك تشتغل عامل احسن بكتير من انك تبقى عاطل عن العمل ودة مش كلامي دة كلام افضل الخلق محمد صلى الله عليه وسلم لان يذهب الرجل فيحتطب خير له من عدم العمل والسؤال وبعدين خلاص احنا دلوقتي امام واقع مش قادرين نغيرو هنقعد بقى نعيط ونصوت ونقول الحكومة خربتها وهي السبب اكيد لا لازم نتحرك ولما تاخد 100 جنيه احسن مما ماتاخدش ولا هتقعد تستنى الفرج والقوى العاملة والكلام الفراغ دة دة طبعا مش معناه اني مع الحكومة بس في نفس الوقت ماينفعش نقعد ع الرضيف ونقول هي السبب يبقى هنفضل قاعدين ع طول ولما تركب القطر احسن لما تفضل قاعد ع القهوة دة من وجهه نظري مجرد راي وشكرا ع الموضوع |
كما قال الشاعر المصري الكبير المعروف الذي يقول بيته المشهور في كل مكان
الشاعر عبقرينو مصر هي أمي دايما حارقة دمي |
اشكركم ياجماعة على تفاعلكم وردودكم بس الموضوع فعلا حقيقى وسعر الارض فعلا ده حقيقى وانا تابعت الموضوع ده كتير من خلال الصحف وايضا من خلال برنامج الطبعة الاول على قناة دريم واعتقد ان نشره فى المصرى اليوم اكبر دليل على صدقه |
انت مين مصادرك يا باشا
135 قرش ايه ده لو كيلو ليمون هيبقي اغلي |
انا بقي يا نيو معاك في دي تمام
|
حسبي الله ونعم الوكيل
المتر بكااااااااااااااااام ؟ 135 حسبي الله ونعم الوكيل يعني نحارب ونصرف ودم الشهداء وي الاخر يبيعو المتر ب 135 حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل عشت ياريس وعاشت حكومتك |
وشكرا لعبقرينو علي الشعر الجميل ده
|
اقتباس:
ممممم انا اول مرة اشوف الرد ده مش عارف هو كان هنا لما انا رديت ولا اتكتب بعده ولا ايه المهم ان المصري اليوم جريدة مستقلة محترمة فلو بتقل علي سيادتك تاريخ النشر في المصري اليوم الطبعة الاولي مش ده بتاع الجرايد ايوه ممكن يكون جابها من المصري اليوم |
يا جماعة الخبر صحيح .. ومش غريبة .. اذا كان في مناطق في العريش من سنين سنة كان المتر بـ 10 جنيه عادي للمصريين ..
وبعدين طلعت السادات بردو كان بيقول كده في العاشرة مساءً من فترة .. ومصانع كبيرة جنب بعضها ييجي 6 مصانع كده بيتباعوا بأسعار زهيدة جدااااا لليهود .. ما تستغربوش .. مصر أم الدنيا .. الله يرحم اما كنا بنتخانق في الشات مع العرب .. يشتموا مصر ونقولهم دي أم الدنيا ههههههه .. يا حسرة !! شكرا ع الموضوع يا إسلام .. |
فعلا انا حضرت مؤتمر للسيد هادي فهمي / رئيس الشركه القابضه وواحد قام وسأله السؤال ده
بس كان بيقول المتر بجنيه ونصف والمهم ان سامح فهمي ماانكرشي الموضوع ولا قال له ده غلط علي شان كده انا عن نفسي وااااااااااااااااااااااااااااااااااثق من الخبر |
لا الله الا الله
بكره تلاقوا فى مزايدة على الهرم كمان ماخلاص وقريبا رفع الدعم وتخصيص التامين الصحى ان لله وانا اليه راجعون خلاص كله راح تاريخ : شعب : قيادة : كل حاجة |
كارثة من 100000000000000 الكوارث الي كل يوم مصر بتعملها
وفي الاخر بيقولك الحق القطر شكررا علي موضوك |
لا سيبك من موضوع الهرم ده ياباشا لانه احتمال يكون مرهون
ربنا يستر علينا احنا ممكن نتخصخص ونبقا عبيد والامريكان والاسرائليين يشترونا من بابا حسني ويستخدمونا في الحرب |
اقتباس:
|
انا متوافقة تماما مع اسكنرية احلى دنيا
و بعدين معلش اللى قال مصر دى امى دايما حارقة دمى ليه ماتقولش العكس نعيب زماننا و العيب فينا و ما لزماننا عيب سوانا بصو يا جماعة احنااااا اللى عملنا كده فى نفسنا و ياريت بالله عليكو ما حد يشتم مصر لانى بحس بضربة جامدة اوى ليا و و الله ما بهزر |
| جميع الأوقات بتوقيت GMT +2. الساعة الآن 07:34 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.