|
الى من محافظة كفر الشيخ يدخل ضرورى
النهارده زميلتى راحت الادارة ببيلا
بيقولوا ان المحافظ عندنا نزل قرار بتعيين الكل مميز ومؤقت ومكافأة وزميلتى صورة القرار وقرأته لى فى التليفون والقرار بتاريخ امبارح فى اى ادارة فى كفر الشيخ حصل فيها كده؟؟؟؟؟؟؟؟ |
انا سمعت الكلام ده من المدريه النهاردة ولمل قلته الناس ردت عليا وفالوا ده كلام مايدخلشى دماغ العيال الصغيرة والله الكلام ده من مدير الشئون الماليه والاداريه فى المدريه
|
من مدرية كفر الشيخ
اصل والله زميلتى بتحلف لى ان صورة القرار معاها ومحدش فاهم حاجه يعنى احنا هنقدم ورقنا علشان ندخل امتحان كادر ام لا |
هو مفيش حد فى المنتدى من كفر الشيخ غيرى ولا اية؟؟؟؟؟؟؟؟؟؟؟
|
ياجماعه بطلوا تاليف ارحمونا بقى هو كل واحد بيريح دما غه وخلاص احنا بنلف حولين بعضنا كلنا عارفين مين اللى هيتعين وشكرا
|
اقتباس:
انا لا اشكك فى صحة كلامك انما اذا كان صحيحا لماذا يطلبون الان من الغير مجتازين لامتحان الكادر بتقديم اوراقهم للامتحان ممكن حضرتك ترفعى صورة القرار اللى مع زميلتك فاقرب وقت للاطمئنان وزيادة التوضيح وجزاك الله خيرا فينا |
والله انا مش مقتنعه زيكم بالضبط
وكمان ازاى المحافظ يصدلر قرار غير قرار الوزير المحافظ جهه تنفيذيه انا عارفه وعلى فكرة انا لسه ممتحنتش كادر ومصممه على دخول الامتحان زينا زى الناس الى تعبوا انا كتبت الموضوع علشان اتاكد هل كل ادارات كفر الشيخ فيها نفس القرار ام ادارتنا بس |
اقتباس:
يعنى عايزة اتاكد مش داخله اقول كلام وخلاص وعموما واضح ان الهجوم بقه هو ده العادى اليومين دول فعلا الشعب المصرى اتغير لل............... بعد 25 يناير |
اقتباس:
|
يعنى المحافظ اصدر قرار من نفسة كده
بتعيين كل الناس المؤقتين وهو ده ينفع هو المحافظ بتاعنا كده ماشى بمزاجه |
اقتباس:
|
يعنى ان شاء الله هنقدم اورقنا ونمتحن
بس يا ريت الى يعرف التقديم هيكون ازاى يقولنا على طول وكمان ايه الورق المطلوب |
والله انا عارفة ان كان فى مظاهرات هناك وانا من كفر الشيخ لللى بالاجر جايز حب يريح نفسه ويعينهم بس ازاى والقرار والامتحان الله اعلم؟؟؟؟؟؟؟؟؟
|
يا جماعة لابد من وقفة للمطالبة بتثبيت من مر عليهم 3سنوات اسوة بباقى الوزارت الاخرى والغاء امتحانات الاكاديمية لانها تستنزف وتهدر المال العام ولا تعود باى فائدة للمعلم والعملية التعليمية ويستفيد منها فقط القائمين عليها وثورة 25 يناير من اهدافها محاربة الفساد والاكاديمية شكل من اشكال الفساد فلا يوجد فى اى دولة فى العالم اهانة للمعلمين بهذه الدرجة فلابد ان نتحد جميعا ونقف وقفة واحده ضد الظلم والفساد والاهانة التى لاتليق باالمعلمين
|
المحافظ لايملك تعيين كل هذه الفئات من المتعاقدين لسبب
انتوا ناسين ان الناس اللى هتتعين ده وهتزلها درجات ماليه هيجلها الفلوس من الوزاره الماليه زى المعينين يعنى المحافظ هيدبس الماليه فى كل المتعاقدين دول ..................ياحلاوه المكافاه الشامله والحصه بيدوهم مرتبهم كل شهرين بالعافيه من صندوق المحافظه وهم بيقبضوا اصلا 105 يبقى الوزاره هتوفر كل الفلوس ده ازاى ياجماعه لازم للتعيين توافر الدرجات الماليه وده بتيجى بالعدد مش هيصه يعنى وزير التربيه والتعليم يطلب من الماليه توفير 43 الف درجه ماليه تقوم الماليه توفرهم انما هيصه كده .................زيمكن الله اعلم |
اقتباس:
يبقى ان شاء الله الايام الجايه كل حاجه هتبان بس احنا نصبر |
شكرا لكل الناس الى دخلوا وقاموا بالرد على الموضوع
|
اقتباس:
2- حضرى ورقك ... الشهادة - التربوى - icdl- الفيش ( ويا ريت تعمليه دلوقتى )- تقرير الموجه - تقرير مدير المدرسة- شهادة ميلاد كمبيوتر ...... هم دول اللى فكراهم 3- ادخلى على موقع الاكاديمية وتابعى لحد ما ينزل التسجيل وسجلى |
كلنا مع محافظ كفر الشيخ نمسك في الخيط ياجماعة ونحاول انه يكون حقيقي
|
ادارة كفر الشيخ قالت مفيش حاجة والمحافظة كل يوم عندها مظاهارات والمحافظ يقولهم مش بايدى حاجة ومجاليش تعليمات بحاجة
والمفروض المديرية هي اللى تعلن القرار ده وازاى يقولو كلهم مميز او بالجر او امال ايه بقي 3 سنوات فعلا مفيش غير الصبر وربنا يسترها وييسر لكم الخير لما يحبه ويرضاه تقبلي مروري وتزعليش من حد يااستاذة ام ملك اصل كل شوية نسمع حاجة مختلفة |
والشهادات اصول وصور مختومة صورة طبق الاصل من المدرسة لو فيها ختم الشعار او من الادارة ختم شعار برده...... والبطاقة وصورتها وهو هيشوف الاصول ويرجعها تانى
|
انا من كفر الشيخ والمحافظ قيل على لسانه انه سيتم تعيين كل المتعاقدين
فى جميع الوزارات عدا التربية والتعليم الاخت زميلة حضرتك يا أم ملك فهمت القرار خطأ وما فيش اى داعى للقلق .والله يصلح الاحوال للكل ............. امين يارب . حضرتك ادارة ايه؟ لو ما فيهاش رزالة ؟ |
اقتباس:
ان شاء الله بكرة هروح اعمل الفيش والتشبيه وكمان اسال فى الاحصاء ولو فى اى جديد هعرفكم |
انا من ادارة مطوبس
ومحدش سمع بالكلام ده وانا شغال بالاجر ومش عارف مصرنا ايه حد عنده معلومات للشاغلين بالاجر |
انا من كفرالشيخ وشفت الفاكس بنفسى و كان يتضمن قرارين قرار واحد: يتم تثبيت العاملين بمديرية التربية والتعليم بكفرالشيخ من العقود المؤقتة و المكافاة الشاملة و الحصة - قرار اثنين : يتم مخاطبة وزير المالية بتوفير درجات مالية و فى النهاية جاء توقيع المحافظ ----------- وهذا اول رد فعل من المحافظ بعد تظاهرات الامس من 400 مؤقت بكفرالشيخ
|
يااااااااااه واستاذ حاتم فينك من زمان
ممكن تبعتلى اميلك فى الخاص؟؟؟؟ |
بشري خير ياام ملك
ويارب يوفقكم وجزاكي الله كل خير |
يارب يكون خبر حقيقى
ويصدقوا مرة واحدة فى حياتهم |
اقتباس:
يعنى الفاكس وصل عندنا ادارة بيلا صح يعنى كلام زميلتنا مظبوط |
اقتباس:
بكداااااا يبقى الفاكس حقيقى انا هاروح الادارة بكرة اتاكد من الخبر |
?>??????????????
|
وهو ده بالظبط اللى سمعته انهارده برده من المدرية والناس ضحكت عليا وقلتلى كلام ميصدقوش عيل صغير
|
يارب يكون الكلام ده صحيح
|
واضح ان كل محافظه اصبحت فى عالم لوحدها
|
يا جماعة الموضوع موش صعب ولا حاجة
ــــــــــــــــــــــ الناس الملتزمة بالقوانين موش واخدة بالها ان الدستور المصري في حالة اعدام الدستور القائم الان هو دستور الثورة اضف ان معظم القرارت التي تاخذ الان وخاصة المتعلقة بالشباب في اي مجال سواءا الصحة او التعليم او غيرة لازم تمر علي المجلس العسكر........... الشباب بالذات اضف الامر الان في مصر علي حافة السكين ..التشكيك الان من قبل الثوار في بعض قيادات الجيش يعني خلاص شغل التهريج انتهي الامر القادم وربنا يستر اللي هيتعمل مع الثوار الجيش ...فالدولة تحاول قدر الامكان انها لاتثير الشعب (الشباب بالذات ) اضف موضوع التثبيت هيفرح عدد كبير من المعلمين وبالتالي يخف الضغط علي ميدان التحرير اضف بخصوص توفير الاعتمادات المالية مصر ولله الحمد اسمها المحروسة ..راجع التاريخ شوف سرقهنا الممالليك والاتراك والفرنسيس والثورة وحكومة مبارك وان شاء الله الخير فيها ليس لة حد اضف القرارات مرتبطة بالساسية واستقرار الوضع ـــــــــــــــــــــــ بس المشكلة فعلا ان اللي موش هياخد التربوي والرخصة ويتجح في الكادر هيسوة علي الجانبين بس بعيد عن التثبيت متخفوووووووووووووش ــــــــــــــــــــــــــــــ اللي انا قولتة دا........قراءة تي لما يحدث |
انا من سيدي سالم و عندنا نفس القرار بس شكله تهريج من التهريج الكتير بتاع الشخصيه الهلاميه اللى هيه محافظ كفرالشيخ
|
الخبر و الفاكس نشر ايضا فى المصرى اليوم النهاردة بس الجريدة وضحت شرط 3 سنوات
|
نعم وصل بيلا يا ام ملك و تحياتى لكم
|
بالنسبة لإمتحان الكادر
زمايلي راحوا النهاردة عشان يقدموا الورق في أماديمية كفر الشيخ لكن الأكاديمية قالتلهم إن الورق مش بتاخدوا الأكاديمية إنما مكتب الإحصاء بس مش غارفة اللي في الإدارة ولا اللي في المديرية نفسها يعني التقديم لإمتحان الكادر الجديد مش في الأكاديمية لكن في مكتب الإحصاء والله أعلم |
انا ذهبت الى قسم الاحصاء عندنا فى بيلا
وفعلا اخذت الباس ورد والكود بس للاسف مش هينفع ادخل اختبار الكادر المرة دى لانى تعاقد 1/1/2010 ربنا يوفقكم جميعا ونحصلكم قريب ونمتحن احنا كمان |
السلام عليكم أنا محمد إسماعيل معلم مساعد من إدارة كفر الشيخ أنا ان شاء الله متاكد من قرار تثبيت المتعاقدين
الذين نجحوا في امتحان الكادر اما بالنسبه لباقي العاملين في فعلا قرار بالمديرية ينص على تعين الجميع بس في ناس بتقول ان القرار ده لن يتم العمل به حاليا والله اعلم والف مبروك لكل من نجح في اختبار الكادر |
انا فى ادارة مطوبس وكنا النهارده هناك وسمعنا فعلا ان المحافظ صدر قرار بتعيين كل العقود المؤقته
|
الادارةهنا فى كفر الشيخ بعتوا على توارييخ العمل قبل العقد المميز
|
| جميع الأوقات بتوقيت GMT +2. الساعة الآن 12:38 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.