|
انا و ((((المذاكره)))) وهواك....حصريا على بوابه الثانويه العامه
السلام عليكم واضح طبعا ان اسم الموضوع مقتبس من البرنامج الإذاعى المشهور (((انا و النجوم و هواك)))) الذى يقدمه الإعلامى الكبير أ-اسامه منير إلا ان الموضوع يتناول فكره مختلفه و هى مناقشه جميع المشاكل التى تتعلق بالمذاكره و المناهج الدراسيه و الإمتحانات إلخ...الخ و سيسير البرنامج على النظام التالى سيتم تخصيص يوم (السبت مساء _ الأثنين مساء ) لمناقشه مشكله معينه اما باقى الايام فهى متاحه للجميع لعرض المشاكل ووجهات النظر و مشاركه الاراء اتمنى ان ينال الموضوع اعجابكم الموافق على استكمال البرنامج يسجل موافقته حتى نبدأ فى اسرع |
موضوع جميل
وموافقه بس ياريت تجمعى الناس بقى لاحسن القسم ده قسم الاموات محدش بيرد وياريت اول مشكله فى موضوع نداء لاصحاب القلوب هنا على القسم ومشكورة مرة تانيه |
مؤيده للفكره بالتأكيد
|
فكره كويسه بس عايزه متابعه منك و تفاعل من الأعضاء...go ahead..
|
ربنا يوفق الجميع
بس يلا يا جماعه عيزه تفاعل اكتر |
اوكـ فكرة حلوة مستنيين الحلقات
|
انشاء الله من يوم السبت القادم
بس ساعدونى |
اولا حضرتك والله فكرة جامدا جدا كنت بستناها ابدأ انا بمشكلتي ...........انا المفروض اني اذاكر 5 مواد يوميا انا مرحلة تانية ادبي ومعي جيولوجيا ...المشكلة اني مش بعرف اكمل للأخر ولو عدي علية فترة من اليوم بقول بلاش مذاكرة بكرة احسن ...بكرة احسن. بكرة احسن...لحد ما فاضل 3 اشهر مش عارف اعمل اية وانا معليش ضغوط عشان اذاكر صراحة ثانا اصدقائي انا مخصص من الساعة 6 الي الساعة 11 لعب وكدة دة بالليل وبعد العصر برضو للمغرب مش عارف بقي اعمل اية
.................. السلام عليكم ورحمة الله وبرركاتة العضو ومشرف قسم اجتماعيات طالب "مكعابات " ها انا اتحدث مع سيادتكم بخصوص الرسالة الخاصة التي اليكم قد ارسلت .. |
فكرة حلوة ومطلوبة في عصر احمد زكي بدر الوزير الهمام
مشكلتي كلها تتركز في المستوى .. يعني أول السنة كنت دحاحة جامد وبقفل كل الامتحانات مهما اختلفت درجات صعوبها ودلوقتي ناااايمة والحالة بؤس ولا بقفل ولا بذاكر وكل الاساتذة يحاولوا يفوقوني ولا حياة لمن ينادي انا بحاول أذاكر وأنظم بس كمية كسل رهيبة بتجتاحني وقت المذاكرة وببقي قردة ف الدروس هل يوجد نصيحة لمن يهمه الأمر؟؟ |
اقتباس:
السلام عليكم انا بس عيزه استفهم منك ليه لازم تزاكر كل يوم الخمس المواد انا شيفه انو كده كتييير عليك و طبيعى هتحس بالكسل و الخمول لانك بتحمل نفسك اكتر من طاقتها ده اولا ثانيا بئه انت مخصص 6 _11 للعب ده مفيش مشكله ليه بئه مش بترجع مثلا تزاكر من 11_2 او تستغل فتره الصبح يعنى تنام الساعه 11و تصحى الساعه سبعه الصبح على فكره هتنجز جامد جدا ف الفتره دى و بعدين خليك عندك اراده يعنى ايه يعنى لو هتذاكر 3 ساعات يبقى لازم يتزاكرو فى اى وقت من اليوم المهم يتزاكروا الشيطان هو اللى بيصورلك ان اليوم خلص صدقنى 3 شهور ممكن تعمل فيهم حاجات عقلك ميتصورهاش بس لو زاكرت بجد و خدت عهد على نفسك انك لازم تبقى دايما الاحسن اذا كنت تواجه مشكله فى عمل جدول ابعتلى مواعيد دروسك و نحاول نعمل جدول مع بعض |
اقتباس:
السلام عليكم بصى يا ست ايه المشكله اللى عندك منتشره جدا خصوصا اليومين الدول تلاقى الواحد اشتغل اول السنه من نار و فجأه نام و بقى كسلان و مخه رافض اى معلومه انصحك بئه انك تخدى اسبوع او اسبوع و نصف راااااحه بدون اى مذاكره و بكده المخ يكون خد راحه و مستعد يقوم من جديد و يستوعب المعلومه بشكل كويس و لو بردو بتواجهى مشكله فى عمل جدول او تنظيم الوقت ابعتى مواعيد دروسك و انشا ءالله نعمل جدول مع بعض |
والله فكره لذيذه
نفس مشكله أيه مش عارفه كوليكشن خمول على كسل على خنقه وزهقت من المذااكره والدح بجد انا عندى اكيد هدف وطموح بس ارااااده تااهت منى ومش عارفه ادور عليها فين وربناااااا يسترر |
اقتباس:
السلام عليكم ما طبعا لازم تحسى بكسل و خمول و لازم تزهئى ولازم اى حد يزهق ادى اجازه لمخك يسترح بدل ما يفضل تعبان لحد اخرسنه خدى اجازه و هترجعى احسن من الاول و عن تجربه لوعندك اى مشاكل تانى اعرضيها و احنا ف الخدمه و ربنا يوفق الجميع |
السلام عليكم
انا عايزة اشترك معاكم واكيد كلنا محتاجين اجازة بس نجيبها منين مش بمزاجنا اهئ اهئ |
اهلا بيكى
مش لازم الاجازه تكون اجازه بجد يعنى الدروس تتلغى و كده لكن حاولى متجهديش مخك و اديله اجازه |
الى العضو مكعبات
الى مكعبات:
عزيزي انى اعانى من نفس المشكلة التى تتحدث عنها و هى انى مش عارف ازاكر اليومين دول فارجو من حضرتك انك تنظملى جدول يكون فية و قت المذاكرة كتير لانى باذن اللى ناويها (طب) مواعيد الدروس العربى السبت الساعة 1 الاحد الساعة 7 الاربعاء الساعة 7 الرياضة السبت و الثلاثاء الساعة 9ص الكيمياء السبت و الثلاثاء الساعة و الخميس الساعة 12 الانجليزي السبت الساعة 10 ص الاربعاء الساعة 6 الفرنساوي (مخصوص ) اي ليس لة ميعاد ثابت و 3 حصص فى الاسبوع على العلم انى فى تانية ثانوي و متاخر فى مذاكرة الانجليزي و الفرنساوي فياريت تتوصى بيهم فى المذاكرة شوية ارجو الرد سريعا |
اقتباس:
علي فكرة انا عملت كدا الاسبع الي فات بس جت حظ لقيت كل الناس ملهية في الي بيحصل بقيت مش بذاكر بنام تليفزيون لا اجازة اخر السنة وماما زع***ي فوقت نفسي وبذاكر بقالي يومين بحماس والحمد لله :022yb4::022yb4: |
can you help me
الحالة ضنك الايام دى بسبب الظروف اللى حاصلة ""الثورة"" وانا لم أفتح كتاب منذ 11يوم وانا فى المرحلة الثانية "علوم" فيا ريت رد سريع ""very fast reply".................
وتقبلى المرور |
موضوع متميز
و فكرة حلوة لكن نظراً للضغط انا مش هطرح مشكلتي دلوقت و هستني يوم كده ولا حاجة تكوني خلصتي المساكل دي و ساعتها ابقي اقدر اتكلم براحتي بإذن الله موضوع متميز يا مكعبات و بإذن الله في خلال اسبوع ممكن ياخد شهرة علي مستوي المنتدي بإذن الله تعالي |
اقتباس:
السلام عليكم اولا ملحوظه: انا بنت مش ولد ثانيا بئه ارجوك استنى شويه على موضوع الجدول ده لحد منا ارجع انظم وقتى تانى انتا عارف الظروف الاخيره و انشاء الله ف اقرب وقت هيكون عندك |
اقتباس:
السلام عليكم كلنا بالاجماع توقفنا عن المذاكره من ساعه الازمه الاخيره اللى انشاء الله هتعدى على خير تابعنى يوم السبت الجى انشاء الله هتكلم ف الموضوع ده عشان الكل يرجع يزاكر زى الاول استنانى |
اقتباس:
و انا اسفه على التأخير |
السلام عليكم الموضوع مفتوح لعرض مشاكل الطلاب و انشاء الله نكون فى خدمه الجميع |
اولا شكرا على الموضوع
انا بقى حسه انى ملغبطة خالص فى المذاكرة وكل اما اعمل جدول مش بمشى عليه وكل اما امسك مادة احس ان فى مادة تانية اهم ومتاخرة فيها ارجو الرد ومرسىىىىىىىىىى |
السلام عليكم و رحمة الله و بركاته
فكرة الموضوع ده حلوة جدا و شكرا لصاحب الموضوع على طرح الفكرة انا مشكلتي متتحلش لان فات الاوان...انا بس عايزة ارائكم في الموضوع ده انا احدى طلاب ثانوي اللي قرروا انهم ميبذلوش اقصى جهدهم في اولى ثانوي و يوفروا جهودهم لتانية و تالتة و بصراحة لما بدات سنة تانية مكنتش اتوقع ابدا اني ممكن اسيب السنة تعدي مني و بعدين ابذل اقصى جهدي في المذاكرة في اخر 3 او 4 شهور زي ما ناس كتير بيعملوا..بس ده فعلا اللي حصل...لقيت السنة بتعدي مني شهر و لا شهر بس انا الحمد لله ادركت الازمة اللي انا فيها في اواخر 12 و معتقدش اني اتاخرت اوي في ادراك المشكلة...مش كدة و لا ايه؟؟ المهم مشيت حوالي اسبوعين كويسة في المذاكرة الا ان حادثة الكنيسة في اسكندرية حركت مشاعري و طبعا انا في الفترة دي انشغلت باللي بيحصل و تقريبا مفتحتش كتاب لمدة 4 ايام على التوالي المهم بعد فترة استقر الوضع فرجعت تاني انظم نفسي و اذاكر تاني بس ضاعفت الجهد تعويضا للايام اللي ضاعت الوضع ده كان مستقر لغاية يوم 25 يناير .... بصراحة من اليوم ده و انا مش عارفة اذاكر خالص و طول الوقت قدام التلفزيون بتابع اللي بيحصل في بلدي تقدري تقولي كدة ان انا تقريبا لمدة 10 ايام مفتحتش كتاب الا لما الاسرة الكريمة كانت بتانبني على الوقت اللي بيضيع و بيقوليلي ان اللي بيحصل ده مش هينفعني و لازم مفكرش في حاجة غير في الثانوية العامة و المذاكرة و بس فكنت بضطر امثل اني بذاكر و طبعا انا مكنتش بذاكر بس اقتنعت بكلامهم في النهاية بعد ما عدى 10 ايام من غير مذاكرة فقررت اسيب البلد و اللي بيحصل فيها و انتبه لمذاكرتي و ثانويتي العامة و انا تقريبا دلوقتي بقالي اكتر من 4 ايام حابسة نفسي في اوضتي و كتابي في ايدي و قهوتي و نسكافيهي و شايي جنبي....تقدري تقولي كدة ان انا فعلا دلوقتي بقيت طالبة في ثانوية عامة معلش طولت عليكي بس انا بجد عايزة اعرف هو فعلا موضوع اني اسيب السنة كلها و مجتهدش فعلا غير في اخر 3 شهور ده بينفع و لا بيبقى مجرد صدفة و لا مسالة حظ و لا ايه بالظبط!!!(مع العلم ان ده بجد كان غصب عني يعني انا مكنتش ناوية خالص اني اعمل كدة بس لقيت ده بيحصل تلقائيا و ان شاء الله باذن الله تعالى ده مش هيحصل في تالتة اصل مش كل مرة تسلم الجرة..المهم بس ان السنة دي تعدي على خير). شكرا ليكي مرة تانية على الطرح الرائع ده و اتمنى انك تشاركيني برايك و ممكن اي حد كمان يقول رايه و هكون سعيدة جدا |
اقتباس:
السلام عليكم المشكله اللى حصلتلك من يوم 25 يناير حصلت للجميع و انشاء الله لو الواحد اجتهد شويه هيعوض الايام اللى فاتتو اما بئه موضوع ان الواحد يجتهد اخر 3 شهور فده على حسب قدره الواحد على التحصيل انا اعرف ناس عملت كده و جابت 94 ف الميه بصى لو انتى فعلا ابتديتى بجد من غير تضييع وقت هتجيبى مجموع كويس وممكن يوصل ل 95 و ربنا يوفقك و انا ف الخدمه |
اقتباس:
لا ااااا اوحش حاجه التردد اهى دى مشكله كبيره بس حلها سهل صدقينى اقولك انسى خالص موضوع الجدول واضح انو مش نافع معاكى و اعدى كده مع نفسك و انتى مش اقل من اى حد اولى ان انتى هتزاكرى النهرده مثلا رياضه و اعدى ع الرياضه النهرده تعالى بكره امسكى ماده تانيه و اعدى عليها متسيبيهاش و هكذا متتغطيش على نفسك و زاكرى الماده اللى نفسك فيها و انا ف الخدمه |
بصى يا سيتى انا مشكلتى انى مش عارفة ازاكر الرياضة والكيمياء خالص لانى مبحبيهومش وخايفة معديش السنة دى
|
شكرا على الموضوع وبجد فى مواضيع جميله فى القسم هنا وجزاكى الله خيرا
|
فكرا جميله انا متابعه معاكم ربنا معاكم
|
أرجوكى ساعدينى
انا فى علمى رياضة ما ذكرتش حاجة حتى الان فاضل بالضبط 4أشهر وعايزة أذاكر أنا بقيت أصحى كل يوم مفزوعة بسبب خوفى من الإمتحان وخصوصا انى مش عارفة حاجة أنا هقول لحضرتك قدراتى أنا عندى القدرة إنى أذاكرمن الساعة 11 بليل حتى 6 الصبح المواد دى (( فيزياء __عربى __اقتصاد )) وكمان ممكن أذاكر بالنهار (( رياضة __ e __إحصاء )) لكن المشكلة أنا بقول لنفسى ده فاضل 4 شهور مش هعرف ألم أى مادة وبالتالى ما ذاكرش انا بس عايزة تشجيع وحافز بالرغم من بابا وماما وعدونى بحاجات كتير (( أنا عايزاها )) لو دخلت هندسة والمشكلة التانية إنى مثلا لوذاكرت جزأ معين___ تانى يوم عايزة أكمل على الجزء ده أقول لنفسى مش هفهم ألا لما أذاكر الجزء ده تانى وبالتالى بقعد فيه وقت كتير أرجوكى ساعدينى مستانية رد حضرتك |
اقتباس:
أرجوكى ردى عليا بجد محتاجة لكلامك |
السلام عليكم و رحمة الله و بركاته ....
دلوقتي استفسار الامتحان كده هيتأجل و لا ميعاده ايه و لا ايه الظروف عشان بعد اللي حصل ده محدش فاهم حاجة خالص و ربنا يسهل ... ادعولي ربنا يوفقني يا جماعة واقدر الم الكيمياء تاني حاسس انها بدأت تهرب مني !! يا رب يا مسهل ................ |
اقتباس:
ايه الفزع اللى انتى فيه ده هى اربع شهور دى حاجه قليله حاجه كويسه انك تقدرى تزاكرى من الساعه 11 الى 6 انتى كده احسن من ناس كتيير انا اعرف ناس زاكرت اخر 3 شهور و جابت 95 % انتى عبيطه انتى مش اقل من اى حد خليكى كده واثقه ف نفسك و ابتدى من دلوقتى ايه شوفى ايه هى الماده اللى متأخره فيها و اعدى عليها متسبيهاش انتى اقل من اللى بيطلعوا الاوائل ف ايه هما بيتعبوا كترنتعب اكتر منهم مفيش مشكله الثوره اللى حصلت دى ثوره المثقفين و صدقينى اللى معاه شهاده هيبقى ليه سعر ف البلد دى انا شيفه ان مشكلتك مش ف الوقت مشكلتك انك مش واثقه ف نفسك و دىحاجه مش كويسه و الله تقدرى تعملى كتيير و خليكى فاكره انتى مش اقل من اى حد ها و اى حاجه بس اوليلى و انشء الله نلاقى حل و لو عندك مشكله فى مذاكره ماده معينه اوليى |
اقتباس:
بص يا سيدى عشان بس نبقى واقعيين الامتحانات حتى لو اتئجلت مش هتعدى الاسبوع الاولانىمن شهر 6 الكيمياء بئه ماده حلوه اوى زاكرها من حاجه وحد بالورقه و القلم و بصوت عالى حل كتير زاكر بالالوان فى كراسه نظيفه و شكلها حلو |
أشكرك بجد مش عارفة أقول أيه لحضرتك
بجد حضرتك ادتينى ثقة بنفسى كبيرة اوووووووى ميرسى جداااااااااااااااااااااااااااااااااااااااااااااااا اااا ###هو بالنسبة للمواد كانت الاقتصاد والاحصاء لسه بدأة درس فيهم الاسبوع اللى فات حاسه انى هدخل الامتحان من غير ما أقفلها ###وبالنسبة للعربى مش بحب أذاكره خالص ### إنما الرياضيات والفيزياء والانجليزى الحمد لله ميه ميه أن شاء الله هقفلهم |
اقتباس:
السلام عليكم يعنى انتى مشكلتك ف الاقتصاد و الاحصاء و العربى بصى الاقتصاد و الاحصاء منهجهم صغير و سهل و هيخلصوا متقلقيش يا بنتى الناس اساسا بتخلصهم على طول دول اكتر مادتين المفروض متقلقيش منهم اما بئه للعربى فأنا عندى طريقه كويسه اهتمى بالحل اكتر بكتيير من المذاكره يعنى مثلا زاكرى الدرس ف نص ساعه و حلى عليه ف ساعتين و اللى انتى متعرفيهوش ارجعى للدرس تانى هتبصى تلاقى نفسك زاكرتى الدرس احسن من اى حد و بتعرفى تحلى و نفس الوقت مزهئتيش من المذاكره و دماغك مش مصدعه |
انتظرونى اليوم بعد الساعه الثامنه فى حلقه خاصه من برنامج انا و المذاكره و هواك |
السلام عليكم بسم الله الرحمن الرحيم حلقتى اليوم تتكلم عن موضوع غايه فى الاهميه كثيرا ما تكلمنا عن مواضيع كثيره جميعها تخص المذاكره الا ان بعض الطلاب لاتزال تواجه بعض المشكلات اهمها الثقه بالنفس فى الفتره الاخيره وجدت بعض الطلاب يعانون من هذه المشكله يمتلكون من التفكير و الذكاء ما يؤهلهم للحصول على مجاميع عاليه و لكن مشكله الترددو الثقه بالنفس تعيقهم عن الوصول الى هدفهم اى كان اليكم بعض الحلول التى يمكن ان تستعينوا بها يجب اولا ان تعرف قدراتك و ان تصارح نفسك بالعيوب التى تعيقك عن مذاكرتك كيف؟؟ اذا كنت تواجه مشكله عدم الثقه بالنفس فصارح نفسك بذلك و قل (انا غير واثق فى نفسى ) و هنا تم تحديد المشكله و جارى البحث عن علاج لها و لكن ما هو العلاج عليك ان تعرف ان الله خلقنا جميعا سواسيه و انعم على الانسان بنعمه العقل جميعنا نفكر و لدينا عقل و لكن هناك فرق بين شخص يطهو الطعام و هو واثق من انه يطهى بالطريقه الصحيحه و وضع المقادير مظبوطه و شخص اخر يطهو الطعام و هو متردد غير متأكد من ان نسبه الملح التو وضعها كافيه او غير كافيه فيضطر الى وضع كميه اخرى و ف النهايه (تبوظ الطبخه) هذا هو نفس الامر فى المذاكره و هنا قمت بأعطاء مثال واضح عن المشكله التى نحن فيها و ليس هناك شيء ناقص غير روشته العلاج ماذا نفعل للتخلص من مشكله عدم الثقه بالنفس اولا: زاكر و انت واثق انك لست اقل من اى انسان مثلك بل فقط بالمجهود و التعب يمكنك ان تكون فى اعلى المراتب ثانيا:قم بتنظيم وقتك و انت واثق ان النظام الذى ستضعه هو المناسب لك و لا تقم بتغييره من حين الى حين ثالثا: زاكر من مصدر واحد بصوت عال فى كشكول منظم و نظيف و بألوان زاهيه رابعا: هناك طلاب عندما يزاكرون جزء من الماده و يتركوا الجزء الاخر للغد و لكن عندما يبدؤا بمذاكره الجزء الثانى يظنون انهم نسوا الجزء الاول و يبدؤا بمذاكرته مره اخرى و يضيع الوقت و يذهب الجهد مع الريح لماذا يكفى فقط ان نراجع مراجعه سريع على الجزء الاول و نبدأ ف الثانى مباشره خامسا: بعض الطلبه و خاصه البنات يتأثرون بكلام الاخرين مثل(الامتحانات خلاص قربت مفيش وقت) (احنا كده مش هنلحق نخلص المنهج) ومثل هذا الكلام كثيير و لكنى احذرلابد ان لانهتم اهذا الكلام ابدا و نكون اكثر ثقه ف النفس و ان نبذل كل ما فى وسعنا للحصول على اعلى مجموع سادسا : بالنسبه للمواد العلميه مثل الرياضه و الكيمياء و الفيزياء فعليك ان تحل مسائل ( على قد ما تقدر) كل ما تحل اكتر كل ما هتبقى واثق من مذاكرتك اكتر سابعا : بالنسبه للمواد الادبيه اللى يحب المواد الادبيه يذاكرها كالاتى :بالورقه و القلم و اكتب كل النقط المهمه اقرا الدرس كذا مره و بعد ذلك سمع لنفسك و اكتب كل اللى انت فاكره و كرر هذه العمليه كذا المره اللى ميحبش المواد الادبيه يذاكرها كالاتى : يقرأ الدرس مره واحده و يهتم بالحل اكثر حتى لا يمل من المذاكره و يستمر لفتره اطول الموضوع مطروح للمناقشه و السلام عليكم و رحمه الله وبركاته مع تمنياتى بلقائكم قريبا بعون الله |
السلام عليكم
جزاكى الله خيرا موضوع روعه وحلقتك اروع |
حلقة رائعة
بجد استفادت كتيييير وأعتقد إن أنا كنت الشخصية المحورية بس بجد كلام جميل .... كلام معقول .... مقدرش أقول حاجة عنو ربنا يخليكى ده من زوقك و انا ف الخدمه |
بجد و الله الحلقة اللى عن الثقة بالنفس دى حلقة راااااائعة جدااااااااا
بس انا عايزة اقول حاجة لما مثلا حد يقول لزمايله انا واثق من نفسى جدااا انى هانجح و كمان هاطلع من الاوالئل .. زمايله دول هايفتكرو ان هوا متكبر او مغرور و دايما بلاحظ الموضوع دا ان اى حاجة احنا مش بنتوقعها بتحصل .. يعنى مثلا اختى كانت استحاالة تتوقع انها هاتدخل كلية حلوة و صاحبتها كانت واثقة من نفسها جدااا لدرجة انها كانت واثقة انها هاتدخل طب يعنى طب و فى النهاية اختى بفضل الله دخلت كلية محترمة و صاحبتها دخلت طب بطرى و طبعا بذكرك ان اختلاف الراى لا يفسد من الود قضية |
اقتباس:
الثقه بالنفس هو انى اكون مثلا شاطره ف ماده و ابئى واثقه من انى شاطره ف الماده دى و مش معنى كده انى مزاكرهاش و اسيبها لا ازاكرها و انا واثقه من مزاكرتى فيها و ربنا بيدى كل واحد على قد تعبه و ربنا يوفقك و يوفق الجميع |
اقتباس:
ااه و الله عندك حق فعلا دى حاجة و دى حاجة لانى فكرت فى الموضوع دا تانى بعد ما كتبت الرد روحت لقيت انى كونت خاطئة فى تفكيرى اشكرك جزيييل الشكر |
لو فى موضوع شاغلكو و هايزين تتكلموا عنه اولولى عليه عشان اناقشه ف الحلقه اللى جيه |
انا عاوزاكوا تناقشوا لو ينفع ازاي نذاكر وفي ظل الظروف ده و الواحد اعصابه تعبانه وعليه ضغوط كتيره و مش عارفين نذاكر
|
اقتباس:
انتى لسه الموضوع ده شاغل بالك خلاص اوضاع مصر ابتدت تستقر و مفيش داعى الموضوع ياخد اكتر من حجمه و يأثر عليكى و لا ايه |
يا ريت حضرتك تكلمينا عن تنظيم الوقت
و كيفية التنسيق بين المواد عند المذاكرة والمفروض نذاكر كام ساعة واحنا فاضل 3 أشهر يااااااااااااااريت حضرتك تفيدينا فى الموضوع ده ولكم جزيل الشكر وياريت حضرتك تدعيلى إنى أحقق اللى أنا عايزاه |
اقتباس:
انشاء الله |
ممكن حد يقولى استعد ازاى لتانيه ثانوى عشان متعبش فيها علما بانى لسه فى اولى ثانوى:028ja7:
|
| جميع الأوقات بتوقيت GMT +2. الساعة الآن 04:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.