|
{هل علمت عليك الثانوية العامة}؟؟؟؟
الحوار مفتوح علشان نشوف ردود فعل الثانوية علي كل طالب و طالبة........
:av4056bb7jp3::blush::(:angry2::o:bosyht9::mad::) |
ها مين يبدء؟؟؟؟؟؟؟؟؟؟؟
|
اولا .. ازيك يا ( شيكوكو ) انتى بقالك كتير مدخلتيش من سنة تانية تقريبا ... المهم حمدا لله على سلامتك ...
ثانيا . طبعا كل واحد ليه تجربة فى الثانوية و الشاطر بجد هو اللى يقد يستفاد من تجربته دى فى سنة تالتة او حتى لو هيعيد السنة .. المهم يكون طلع منها بشئ .. وربنا فى الاول و فى الاخر اللى بيسترها واللى بيوفقنا ... وربنا يوفق الجميع اللهم آمين .. |
انا لسه مبتدءة
بس الظاهر ان الوزير الجديد ها يعملي بصمة في الثانوية وموش بصمة وبس ده كمان ختم |
اقتباس:
الله يسلمك .بس للاسف انا لسه في تانية علشان مدخاتش امتحان الرياضة و الفرنساوي وحاليا بعيد فيهم السنه كلها. وربنا معانا جميعا. |
محدش يفكرنى
انا السنة دى ف تانيه وعندى بعد العيد امتحان شامل ف الاحياء والفرانسيه الاحياء وذاكرتها الفرانسيه لسه مع ان الاجازة موجوده اهى بس ماليش نفس خاااااااااااااااالث مااااااااااااالث وربنا يستر انا حاسة انى عقبال ما اخلص الثانوية اللامة هكون هيكل عظمى |
اقتباس:
عادى و لا يهمك المهم اللى جاى وانك تكونى جبتى درجات كويسة فى الـ 3 مواد الباقيين ... و انا ليا أصحاب قسموا السنة وخدوا السنة بسنتين ( يا أما تانية او تالتة ) وهما دلوقتى فى هندسة .. فأهم حاجة اللى جاى .. بس ركزى بس وذاكرى كويس و أدهي ربنا وباذن الله ربنا يوفقك . .. |
الثانوية العامة اثرت عليا تاثييييييير قوووووي جدا جدا فيا خلتني اشعر بكل الاحاسيس اللى في الدنيا انا لما بسمع كلمة ثانوية عامة بخاف لغاية دلوقتي بس اتعلمت منها كتييييييييييير اكتر ما هي علمت معايا اتعلمت ان مفيش حاجة ممكن تاثر فيا بعد كده اتعلمت ان مفيش حاجة هزعل عليها تاني والله اللعظيم بس في نفس الوقت اتعلمت ان يبقى عندي طموووووووووووووووح كبيييير جدا اتعلمت اني مش اياس ابدا لا لسه بدري ع الياس اتعلمت ان احلى بكاء في الدنيا اللى من غير صوت لما الدموع تنزل وانا زي ما انا لا بصرخ ولا بعيط دي بطلع الطاقة السلبية اكتر بكتييير من الصراخ اتعلمت ان مهما حصل في الدنيا الشاطر اللى يضحك في الاخر اتعلمت اني مهما كانت الظروووف ارادة ربنا فوووق كل حاجة وفوق كل الناس اتعلمت اني اعمل اللى عليا حتى لو كان اللى هعملوا في منطقي انه مش هيعمل حاجة لا اعمل ومليش دعوة ربنا له شغل تاني وفي الاخر بقول يااه يا رب الحمد لله اتعلمت احى حاااااجة في الدنيا الرضا اتعلمت اني ارضى باللي يحصل ومش اقول لييه ؟؟ لا اتعلمت اني اقول (كله خييير ) |
انا كل همي اني اجيب الدرجة النهائية في المادتين دول وان شاء الله اجيب مجموع كويس
|
انا عاوزة اطرح عليكو سؤال ونتناقش فيه.هل الثانوية العامة مقياس لزكاء الفرد؟
|
انا دلوقتى فى سنة تالتة بس الثانوية العامة دى بالنسبة لى حظوظ وخصوصا فى التصحيح مع ان عمو بدر قال ان التصحيح السنة دى غير اى سنة بس طبعا ده كله كلام
انا بقى السنة دى خايفة اوى وبفكر كتير اوى فى مصيرى السنة دى لدرجة ان ده اثر على مذكرتى ومبقتش بذاكر زى السنة اللى فاتت خايفة اوى مدخلش الكلية اللى نفسى فيها يارب وفقنا كلنا وحقق لنا احلامنا |
ثانويه تاني ................
متفكرونيش خلينا فى العيد . |
اقتباس:
ده منهج بيتحفظ لو طالب مذاكر كتاب المدرسة و كتاب التقويم لازم ينجح و يجيب مجموع عالي يبقي ازاي اقول مقياس لذكاء الفرد إذا كانت كلها نظري تفريباً؟ دي وجهة نظري |
اقتباس:
احنا عندنا التعليم فى مصر حفظ فقط |
يا جماعه الثانوية بجد نفسية مش منهج بقا صعب ولا الكلام ده
مشكلتنا اننا بنتهز من كلام اللى حوالينا بجد ودى اكبر حاجه وقعتنى لكن لما وقعت اتعلمت اكيد حته لو خسرت بس اكيد اتعلمت وده اهم شىء عندى |
المناهج محتاجه فعلا تتطويررررررر ..................
انا لما حولت بعيد عنكم......... اكتشفت اني موت قدراتي فى ادبي بجد والله حفظ حفظ حفظ المفروض الوزير يحس بينا مش بس الغياب الغياب |
[quote=love ur life;2844779]المناهج محتاجه فعلا تتطويررررررر ..................
انا لما حولت بعيد عنكم......... اكتشفت اني موت قدراتي فى ادبي بجد والله حفظ حفظ حفظ المفروض الوزير يحس بينا مش بس الغياب الغياب[/quot والله انا ربنا مصبرنى بجد ومش عارفة اتغيرت اووووووووووووى انا كنت فاشلة بجد ومابروحش المدرسة خالص مش بس فى الثانوى سبحان الله اتغيرت اوووووووووووووى |
والله انا ربنا مصبرنى بجد ومش عارفة اتغيرت اووووووووووووى انا كنت فاشلة بجد ومابروحش المدرسة خالص
مش بس فى الثانوى سبحان الله اتغيرت اوووووووووووووى[/quote] يا ولا على التغيرررررررررر يا شاطر انتا |
اقتباس:
يا ولا على التغيرررررررررر يا شاطر انتا[/quote] بكلمتك دى مش هنتظم بعد العيد هههههههههههههههههههههههههه |
المشكله في الثانويه العامه مش صعوبه المناهج
المشكله ان هي بتحدد مستقبلك كله يعني كل حياتك اللي جايه متوقفه علي كام امتحان ممكن تبقي طب او هندسه وممكن تبقي تجاره او معهد حرام يخلو مستقبل الواحد متوقف علي كام امتحان لا يقيسو مستوي الفرد اصلا |
بصراحة
الثانوية العامة أحلى تجربة عشتها وبأعيشها وربنا يكمل السنة دى على خير يا رب مش معنى كده انى مش تعبانة بالعكس بس بأحاول أقنع نفسى ان ده هو التعب الجميل وخصوصا أما يكون ليكى هدف تسعى اليه مع خالص أمنياتى بالنجاح والتوفيق لجميع طلاب الثانوية العامة |
الثانويه العامه دي كابووووووس
نفسي بقى افوق منه ...بجد انا كرهت التعليم و كل حاجه تخصه ده مش طلب علم ...ده حرب الي احنا فيه ده نفسي تبقى زي اي سنه نذاكر و نتخطاها بالجد و الاجتهاد ...انما بالطريقه دي مش نافع فليس كل ما يتمناه المرء يدركه و يا ريت اطلع منها زي مانا بحلم .... و طبعا مفيش حاجه بعيده على ربنا لانه قادر على كل شئ ربنا يوفقنا كلنااااا ..... و ميرسي على التوبيك |
الثانوية العامه احلى مرحله فى العمر بجد
حاسه انى اتعلمت حاجات كتير وتفكيرى وعقلى كبرررررر وبالنسبه للمزاكرة انا متفقه مع الزميل الى قال ان الغلط انها يتوقف عليهاا المستقبل المفروض يبقى متوسط مجمايع السنين |
السلام عليكم و رحمة الله و بركاته
انا لسة مبتدئة....في تانية ثانوية بس رايي احتمال البعض ميقدرش يستوعبه انا شايفة ان الثانوية العامة زي اي مرحلة عادية ..تذاكر تنجح ..تجتهد تحقق هدفك..هو ده رايي موضوع الخوف و الرعب ده بيبقى نتيجة انها تحديد مستقبل و كمان امتحان موحد ع الجمهورية.....شوف بقى انت بتتحدى كام طالب في ثانوية عامة.....عشان كدة هي تعتبر مرحلة صعبة لكن غير كدة هي تعتبر مرحلة زي اي مرحلة ب محتاجة شوية تركيز و تعب عن السنين اللي فاتت لان زي ما قولت دي تحديد مستقبل و شكرا على الطرح الرائع ارجو ان تتقبلي مروري |
اكيد الكل بيتفق وبيختلف في وجهات النظر بس في النهاية كلنا متفقين ان الثانوية العامة مش مقياس الزكاء في مصر و يارب كل طالب و طالبة تنول الي تتمناه علشان احنا جيل المستقبل و بجد ده مش كلام بس احنا الي هنبني مصر من جديد
|
| جميع الأوقات بتوقيت GMT +2. الساعة الآن 08:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.