|
تغيير المسمى الوظيفى
الاخوه الاعضاء ومشرفين المنتدى ........... ارجو الافادة نحن مجموعة كبيرة من المعلمين المساعدين عند التعاقد معنا منذ عدة سنوات تم ادراجنا تحت مسمى وظيفى معلم مساعد فصل على الرغم من اختلاف تخصصاتنا ومؤهلاتنا الدراسية فارجو توصيل اصواتنا للمسؤلين فكيف يتقدم التعليم بمعلم غير متخصص فى مادة تدريسه ؟؟؟؟ وكيف نعين على مادة ليست متفقة مع المؤهل الدراسى؟؟؟؟؟؟ فكيف تكون العبرة بتخصص الوظيفة وليس بتخصص الشهادة؟؟؟؟؟؟؟؟؟؟؟؟؟؟؟؟؟؟؟؟؟؟ ارجو من جميع المتعاقدين الذين يعانون من نفس المشكلة سرعة التحرك ولنتعاون سويا لتغيير هذا الوضع فكل من لديه حل او اقتراح يشاركنا والله المستعان |
شاركونا برأيكم واقتراحاتكم
فهل من الممكن ان تكتب شكوانا وتكتب بها اسماءنا وتخصصاتنا وترفع الى الوزاره عبر الفاكس او البرامج التليفزيونية ؟؟؟ من يواجه نفس المشكلة يترك اسمه وتخصصه والمؤهل الدراسى ومن يستطيع مساعدتنا كى نصل باصواتنا الى المختصين وارجوووووووووووووووو المساعدة |
معلم مساعد فصل
اسيوط ديروط اعمل معلم مساعد فصل وتخصصي دراسات اجتماعية لدي نفس المشكلة |
الله ونعم الوكيل
عاطف عبدالشافى احمد سوهاج - البلينا - بنى منصور تربية فرنسى 2000 متعاقد من 15 /3/2007فى الابتدائى - معلم فصل ومنتدب منذ العام الماضى للتعليم الثانوى وتعبت عشان اغير التخصص ومفيش فايدة حسبى الله ونعم الوكيل |
معلم فصل
وامتحنت الكادر ونجحت على م فصل منتدب للتعليمالثانوىوأنا تربيةعلم نفس 2001 وتعبت علشان اغير بدون جدوى |
بسم الله الرحمن الرحيم
الأخوة الأفاضل / تحية طيبة وبعد السادة الذين يتحدثون عن معلم الفصل اوضح أنك منذ تعاقدك رضيت بهذا الوضع ورضيت ان تكون معلم فصل فما هو وجه الأعتراض علية الأن |
نود عمل أى شىئ فكل المتعاقدين - أعتقد ذلك - لديهم نفس المشكلة ولكن كيف الحل __________________؟
|
الاخ الفاضل البدرى عمران ليس بقاؤنا بالعمل دليل على الارتضاء بالوظيفة كمعلم فصل
الاعتراض الان عليه لانه عند التثبيت سيكون هو التعيين الدائم على وظيفة ليس لنا بها اى صلة وغيرنا اقل منا مؤهل يعمل مكاننا ومتعاقد على المرحلة الاعلى بالواسطة لقد استلمنا العمل بالعقد على تلك الوظيفة لانه ماكان امامنا غيرها فى تلك الفترة ولا كنا نعلم بان العقد اول منازل التعيين الدائم كان التعيين الدائم فى تلك الفترة بالمسابقات وتم إيقافها وظهرت العقود لسد العجز لحين ظهور مسابقة تعيين كما وعدونا فالكل قام بالعمل بالعقد لحين ظهور تلك المسابقة ووقتها سيتم ترك العقد والتقديم للمسابقة التى من خلالها التعيين الحقيقى ولكن تأتى الرياح بما لا تشتهى السفن وجاء السيد وزير التربية والتعليم واصدر قراراً ليعدل العقد وفقا للتخصص بالمؤهل الدارسى فلما لا ينفذ حتى الان |
الاستاذ بدرى عمران اود الايضاح اننا لم نرتضى بهذا الوضع منذ البدايه ولكنى حاولت جاهدة عند بداية كل عام وذلك لمدة 5 اعوام ولكن دون ادنى فائدة وتلقينا وعود كثيرة من المختصين بالصبر وانه سيتم تغيير هذا الوضع عند التثبيت ولكنها وعود فقط ولم يحدث اى تغيير
|
استاذ (محمد علام 1 ) حضرتك ذكرت فى نهايه كلامك ان الوزيراصدر قرار ليعدل العقد وفقا للتخصص بالمؤهل الدراسى فهل لديك صوره لهذا القرار كى يكون مستندا رسميا نتحدث به عن حقنا فى التعديل؟؟؟؟
|
لو حضرتك مدرس فصل وانت تخصصك اصلا مش فى ابتدائى ولا اعدادى كنت جربت تحكم النظار بتوع دبلوم المعلمين وغيرهم ويجى طالب كنت بتديله فى الفصل ياخد منك الجدول
نظام التعاقد فاششششششششششششششششششششششششششل |
معلم مساعد فصل
اسيوط اعمل معلم مساعد فصل وتخصصي تربية رياضية لدي نفس المشكلة اعمل اية |
شكرا على ردكم ومشاركتكم معنا ولكن لا بد من سرعة التحرك قبل تحديد ميعاد الاختبار القادم حتى يتمكن كلا منا دخول الاختبار حسب مؤهله الدراسى
فيجب علينا ان نصل بمشكلتنا الى السيد الوزير للنظر فيها سريعا من لديه اى اقتراح فليشاركنا |
ياريت حد يكتب لى فاكس الوزير وان شاء الله هبعت كل شوية فاكس للوزير
|
وانا عندى نفس المشكله انا مدرس فصل وتخصصى دراسات اجتماعيه وانا تربيه عام وبدرس تخصصى بس العقد غير ذالك خالص فا ايه الحل ؟؟؟؟؟؟؟؟؟؟؟؟؟؟
|
1 مرفق
اتفضلى دى صورة الفاكس بتاع التعديل
|
اقتباس:
|
ياريت يا جماعة لو حد معاه فاكس الوزير يكتبه وله جزيل الشكر
|
ياجماعة السلام عليكم
في إدارة ملوي / المنيا ما يقرب من 103 تخصصات انجليزي وفرنسي عقودهم بتخصصاتهم والتوجيه من 2008 الي هو تاريخ التعاقد مش راضي يسلمهم العمل بالتخصص وامتحنوا الكادر 20/11/2009 بتخصصاتهم وبشغل بالحصة مؤهلات غير تربوية وتقديرات اقل حسبي الله ونعم الوكيل اللهم اهلك الظالمين ياريت نتحد علي مستوى الجمهورية وننظم وقفة نقابل فيها الوزير او حتي نسد الامر إلى القضاء |
شكرا على هذا المجهود مسيو عاطف جزاك الله كل خير وكل عام وانت بخير
|
انتو محيرين نفسكو ليه د محمود عابدين قاله الى عايذ بغبر المسمى الوظيفى ومش عاجباه شغلته يعمل عقد جديد ويرجع من الاول تانى بص يا اخى العزيز انتو بتضوره على ................. ولا على شم ورد ادعو ربنا يسهل وتتعينو الاول غيرنا مش لاقى ولا اعدادى ولا حتى حضانه وبعدين كان الاول حلو ودلوقتى وحش اقلم نفسك وعيش وخلى الناس تعيش انتو عارفين ان كتر البلبله دى حتخليهم يمطوحو فينا اكتر ارجواكو بلاش حرف انتو كممل شويه تخترعو ارضو واسكتو احنا الى بنفتح على نفسنا ابواب جهنم وبعدين عيدو كل سنه وانتم طيبين وبركولى انا ربنا كرمنى بحنين وانسو بلا تعيين بلا ............. المهمالدنيا فل ونعناع
|
الاستاذ
حسن ابو حبيبة شعورك ايه وهما يبجبوا بالحصة وانت شغال لغة عربية وطالع عينك فيها يا استاذ والله انا محبط جدا كل ما اجي اذكر ولا اقراء لتكوين فصول رسالتي نفسي بتتسد وجالي الضغط وان شاءالله عن قريب السكر |
لو سمحتم يا جماعة لازم ما نتهاونش فى هذا الموضوع لاننا نحاول ان ننقذ ما يمكن انقاذه يعنى ان شاء الله ولو تم التعيين يكون على غير تخصصنا
ايه الى حيحصل لو غيرنا التخصص مش حناخد مكان حد تانى خصوصا انه يوجد عجز فى موادنا واحنا تعبانين فيها حوالى 5 سنين ليه امتحن و اتعين على مادة تانية ولو سكتنا على هذا الوضع فيه ناس جديدة اصغر مننا حتاخد مكاننا وفعلا كل التعاقدات الجديدة على تخصصها وليس معلم فصل وفعلا لو لك واحد مننا اتكلن مع المسؤلين فى محافظته ممكن صوتنا يوصل ياااااااااااااااااااااااااا رب |
ياجماعة المسئول في الادارة خايف من تحولينا
وفي المدير لما رحنا نرفع شكوى قالوا استنوا شوية احنا راحيين المحافظة طيبب لما انتم عارفين غلطكم ليه المماطلة |
فكيف تكون العبرة بتخصص الوظيفة وليس بتخصص الشهادة؟؟؟؟؟؟؟؟؟؟؟؟؟؟؟؟؟؟؟؟؟؟
هى دى مصر (( لااااااازم التغيير )) أنت مش واخد بالك والا إيه !!!!!!! |
الحل
الحل
في شهر 7 تم تغيير العقود من مدرس فصل الي التخصص طبقا لما ورد في النشرة التي ارسلتها الاكاديمية مبلغة عن الوزير و تم التغيير لمواد الاتية (الفرنسي - الالماني -الفلسفة - علم النفس ) و تحوليهم الي المرحلة الاعدادية وذلك بحجة ان تخصصتهم مش موجودة في الابتدائي علي الرغم من ان النشرة جاءت لكل التخصصات و لكن الخوف منع الموجهين من الموافقة علي التغيير لبقي المواد ابراهيم حامد مدرس دراسات منتدب من الابتدائي من 2005 مدرس فصل محافظة 6 اكتوبر |
ممكن يا جماعة كل واحد مننا يرسل فاكس للوزير بهذه المشكلة لعل وعسى ان يتم التعديل واحنا مش حنخسر حاجة بس ياريت لو حد يعرف الرقم الصحيح لفاكس الوزير يكتبه ولكم جزيل الشكر
|
الاخوة الكرام لقد قمت بارسال فاكس للوزارة لتغيير المسمى الوظيفى ولكن لا بد ان تكون شكوانا جماعية وليست فردية فيجب ان نتعاون جميعا للوصول الى حل سريعا قبل التعيين او دخول الاختبار القادم
وهذا رقم الفاكس 0227962952 |
اقتباس:
حضرتك فى بداية التعين كانو عوزين تخصص كذاااااااااا وحضرتك وافقت مكنش دة تخصصك مكنتش تقبل وسيبه لغيرك الى هو تخصصه فعلا ما دام انت وافقت يبقى خلاص كمل فيه متزعلش من كلامى بس انت تعاقدت عى كدة خلاص متزعلش العقد شريعه المتعاقدين واسف لو كان راى مش عجبك |
الاستاذ الفاضل وليد اود ان اوضح اننى متعاقدة كمعلم لغة عربية الى اخر تعاقد شخصى بتاريخ 1\9\2008 وعندما تم تحويل التعاقد الى المميز تم ادراجى فى كشوف معلم مساعد فصل بتاريخ 1\12\2008 وتم الغاء العقد القديم
يعنى انا مش حاخد مكان حد ده مكانى وبتخصصى وانا اقوم بتدريس الغة العربيه بالانتداب من التوجيه حتى وقتنا هذا وانت من رايك من الاولى بوظيفة معلم لغة عربية ابتدائى؟؟؟؟؟؟؟؟؟؟ ولكن الكثير من زملا ئنا فى بداية التعاقد لم يكن لديهم اى خيار بدلا من معلم فصل وذلك لسد العجز وهذا كان عقد مؤقت وليس تعيين دائم و احب ان اوضح ان اختلاف الرأى لا يفسد للود قضية ..... ودى حاجة متزعلش بالعكس انا باحترم رأيك ولكن لما تلاقى ناس تتعاقد بعدك بعدة سنوات واصغر منك واقل تقدير فان الاولى الناس القديمة الى شغالة 6 سنين تعاقد تاخد جزء من حقها عند التعيين... |
وانا برضو نفس الكلام
وجبت تاشيرة من وكيل الوزارة انا ومجموعة من زملائى ( لغة فرنسية ) والتعليم الابتدائى مش راضى يسيبنا بالرغم من اننا منتدبين لينا سنتين فى الثانوى حسبنا الله ونعم الوكيل |
السلام عليكم ورحمة الله وبركاته اخوانى الاعزاء
جميعنا يعانى نفس المشكلة وجميعنا حصل على تأشيرات وقرارات ولكن لم تنفذ وذلك لاننا كل منا يسعى بمفرده لذا اود ممن لهم نفس المشكلة ان نجتمع ونتحد للحصول على حقوقنا حتى لو وصل الامر لرفع قضية لاننى احمل مستندات تكسبنى الحق فى تعديل العقد والنقل للمرحلة الاعدادية وذهبت لمحامى لرفع قضية ولكن من الافضل ان نكون مجموعة فمن يرغب بالانضمام للحصول على حقه ان يحاول يراسلنى على الراسائل الخاصة |
اقتباس:
|
الاخ / ناجى اسماعيل عبد النبى
قال رسول الله صلى الله عليه وسلم ( من كان يؤمن بالله واليوم الآخر فليقل خيرا او ليصمت ) صدق رسول الله صلى الله عليه وسلم وياريت تسكت احسن |
الحمد لله انا لحقت نفسى فى آخر لحظة
انا تربية اساسى رياضيات و لما جيت امضى العقد فى 2005 كان امامى الاختيارين معلم فصل او معلم مادة و كنت مش عارف الفرق بينهم و سبحان الله ربنا وفقنى فى لحظات و بدون تفكير لقيت نفسى بأكتب معلم مادة و بعديها عرفت انى لو كنت كتبت معلم فصل كنت هافضل معلم فصل طول حياتى و الحمد لله |
اقتباس:
ولكن اذا حاولت انت الان فهل من الممكن ان انضم اليك؟؟ بالعلم اننى من محافظة الاسكندرية؟؟؟؟ |
اقتباس:
هو لما الوزارة تتعاقد مع واحد خريج فلسفةا او طبيعة وكيمياءاو لغة عربية او بيولوجى او تاريخ او فرنساوى او انجليزى او.....او..... كل المؤهلات دى تحت مسمى وظيفى واحد (معلم فصل) كدة متكونش وزارة بايظة ؟؟؟؟؟؟؟ يعنى لما نحاول نصحح الوضع ده نقول تبقى وزاره بايظة؟؟؟ بالعكس لما الوزارة تصحح الاوضاع الغلط حتكون بجد وزارة سليمة ومحترمة وعشان انا باتقى الله مش حسكت عن حقى فالساكت عن الحق شيطان اخرس |
اريد الانضمام معكم وانا من المنيا واقدر اجمع لكم كل الحالات المشابه في المنيا وانا الان بابحث عن محامي قدير في القضاء الاداري ياجماعة في المدرية يقولي انت عقد تخصص مش هتمتحن تاني والتوجيه في الادارة رافض تسليمي جدول كامل التخصص ويقول لازم تكون اشتغلت العام الماضي تخصص يارب كيف ده وانت
كنت رافض تكلمنا وترد علينا لما نسال على الاماكن الفاضية وكنت مشغل بالحصة يارب اشفنا وارحمنا وتب علينا من العقود وغير التخصص . |
وللجد يمكن المراسلة على الخاص
|
انا ممكن اجمع الحالات المشابهة فى الاسكندرية
|
عايزين واحد منا يكون من القاهرة علشان نرفع معا محامي متخصص في القضاء الاداري ونكون على قرب من الوزارة والله حنا في
المنيا لو تطلب الامر السفر الى الوزارة هناسفر المسئولين مش عارفين كل بيقولو كلام عكس بعض الرجاء الجدية كفاية ضياع كل السنين من العمر دون تثبيت فينا ناس ادليها 10 سنوات شغالة بالعقد يرضي مين حسبى الله ونعم الوكيل |
انا معاكم فى اى حاجة
|
ياجماعة يلى نحدد الخطوات اللازمة لحل المشكلة
عندنا المسئولين بتهربوا مننا . يعني رايكم الاتجاه الى القضاء فورا ارجوا الاهتمام |
على فكرة موضوع المسمى الوظيفى ده ملوش اى تأثير لان التوزيع بيبقى حسب احتياج المدرسة وتوزيع التوجيه يعنى الموضوع مش مركزى بالنسبة لمعلم الفصل ابتدائى فهو ممكن يكون تخصصة لغة عربية مثلا ولكن بيعمل مدرس فصل بالمدرسة لو العجز بمدرسين الفصول وممكن يدرس لغة عربية لو العجز فى مدرسى المادة يعنى التوزيع ملوش دعوة بالمسمى الوظيفى ده التوزيع بيكون حسب العجز وده بيتغير كل سنة وحسب اجادة المعلم فى مجال معين اكثر من آخر يعنى ممكن مدير المدرسة يشوف ان المدرس يؤدى عملة بكفاءة أكثر فى الفصل أو كمدرس مادة وحسب رغبته أيضا وتوافر المكان المناسب ليه وعندنا فى المنيا كان فيه عدد من مدرسى اللغة الانجليزية يعملون كمعلم فصل الى ان ازداد العجز فى اللغة الانجليزية وتم نقلهم كمعلمين لغة انجليزية حسب تخصصهم
|
كل واحد رجع تخصصة
بس المشكاة اللى امتحن تخصص مش بتاعة هل هيمتحن تانى؟ |
اقتباس:
|
اقتباس:
اه نسيت اقولك ....(عليه الصلاه والسلام) |
يسلمو ا ماقصرت الله يرزقك الجنه
|
يا حج ويا معلم ناجى اسماعيل عبد النبى
ياريت تسيبنا فى حالنا وملكش انك تتدخل فى موضوع يخصنا ريحنا بقى |
على فكرة انا عجبتنى كلمة ( دلؤتى ) يا استاذ يا مربى الاجيال
ههههههههههههههه |
| جميع الأوقات بتوقيت GMT +2. الساعة الآن 01:52 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.