ياجماعه محتاجه اعرف رايكم ضروري
 

ليا اخويا مدرس بالعقد من 2008 وكان قدم في الشركة المصرية لاتصالات من سنتين المهم امتحن تحريري وشفوي والحمد لله بعد ماكان فقد الامل بعتوله جواب استلام بس في مكان غير محافظته ,دلوقتي بعد ماكتر الكلام عن التثبيت محتار يستلم وبسيب التعليم ولا لا خصوصا انه لسه هيبدا في مكان جديد وبالتعاقد برضه . مع العلم انه مدخلش امتحان الكادر بس اخد ال icdl ......ايه رايكم ياجماعه؟؟؟؟؟؟؟؟ظ

يصلي استخارة
وبعدين يدرس ايه ظروف العقد الجديد
ان كان هناك امل في التثبيت
توووولع التربية والتعليم
لكن لا استعجال

المصرية للاتصالات

اه المصريه لاتصالات ايه ؟؟؟؟؟؟؟ظظ

المصرية للاتصالات

ايه ياجماعه كل اللي يدخل يكتب المصرية لاتصالات وميقولش رائيه افهم ايه انا بقي من الكلام دا؟؟؟؟؟؟؟؟؟؟؟

السلام عليكم

أولا يستخير ربنا في هذا الأمر
وثانيا أنا شايف أنه طالما الاتصالات عقد برضه ، يبقى لابد من عرض مميزات كل عقد من الاثنين
وكمان رغبته مهمة جدا جدا يعني هو بيحب التدريس ولا ايه
لأن السنتين اللي قضاهم في التعليم أكيد عرف فيهما كل شيء
أما موضوع هيأخذ كام ؟
في رأيي هو هيأخذ رزقه سواء هنا أم هناك
متنسيش أن التعليم رغم تعبه إلا أنه رساله شريفة

خلتني أسيب السعودية وأجي مصر علشان أشتغل بالعقد ب 173 جنيها في البداية

وأخيرا المهم رغبته
وياريت منحسبهاش حسبة مادية فقط
لأنه مهم جدا الراحة النفسية
وربنا يوفقه ويوفقنا لما يحب ويرضى

بارك الله فيك وجزاك الله خيرا

اكيد المصرية للاتصالات لان مرتبها اعلى

لا اوى تخليه يسيب التربيه ةالتعليم على الرغم من ان الوظيفه دى مقرفه بس هناخد حقنا باذن الله مش بعد مقربنا على التثبيت يسبها وبعدين يجى قرار يقول ياريت

انا شايف انى يدرس فى مجاله احسن من المكاتب احنا لازلنا نذكر مدرسينا حتى الان وفى معنى الحديث من جاءه اجله وهو يطلب العلم لقى الله ولم يكن بينه وبين الانبياء الا درجة النبوة فهى حقا رسالة سامية وقيمة ادبية عالية وهناك فرق بين القيمة والثمن فليس هناك ثمن للحق او العدل او الدين وانما لها قيمة عالية بغض النظر عن الاجر واختم بقول الشافعى

تموت الاسد فى الغابات جوعا ولحم الضان تاكله الكلاب
وذو جهل ينام على حرير وذو علم مفاشه التراب

انا من رأيي ... المصريه للاتصالات

لاسباب كتيره جداااا ... مش المرتب بس

وربنا يوفقه

المصرية للاتصالات

اى مكان افضل من التربية والتعليم وياريت صدقت نصيحه اللى قبلى هيندم لو فضل فى التربية والتعليم

الناس تقصد انه يخليه م المصريه للاتصالات هماجابولك من الاخر يعنى وانا كمان رايى من رأيهم

يعنى انتو متخيلين انه لما يروح المصرية للاتصالات هيلاقى الدنيا وردى والارض مفروشة حرير ماهو هيتعب زيه زى اى شغل بالعكس يمكن تعبه فى التربية والتعليم اقل .. ومين كان متخيل فينا او يحلم انه يتعين فى الظروف اللى احنا فيها دى انا شايفة ان عصفور فى اليد ولا عشرة على الشجرة .. الا اذا هو كانت ميوله بعيد عن التربية والتعليم

التربية والتعليم افضل لان الوظيفة الجديدة بعقد اذا اللى اعرفو احسن من اللى ماعرفوش يمكن مايعرفش يتكيف مع الوظيفة الجديدة بالاضافة الى ان العمل كمعلم مكانة اجتماعية افضل من مجرد عامل او موظف فى سنتال وشكرا

مستقبل المدرس أفضل كل الظروف بتقول كده
خليه في التربية والتعليم

يختار حسب الاتى

يختار المصرية للاتصالات اذا :

اذا كان لن يعطى دروس خصوصية ابدا
لا يحب تخصصه
سأل كويس عن طبيعة عمله ومرتبه فى الشركة ولقى مستوى اعلى بعد حذف تكاليف الغربة أو المواصلات

يختار التربية والتعليم
اذا كان بيحب تخصصه
وممكت يعطى دروس فى يوم من الايام

مع العلم
انه فعلا لو بقى مدرس لازم باذن الله هيتعين أما هناك مش مضمون
قرب العمل كمدرس من السكن أفضل من المرمطة فى محافظة أخرى
أى عمل له مشكلاته ومنغصاته
المدرس من أكثر الناس اللى بتلاقى فترات راحة فى العمل على مدار السنة

انا رايى ان القرار دا يرجعله هو

لانه اللى هيتحمل نتايجه لوحده

ومتنسيش ان مش كلنا نظرتنا للامور واحده

القطاع الخاص مهما كانت مميزاته الكثيرة ............لايستحق ترك التربية والتعليم من أجله يكفى أن مهنة التدريس ثوابها فى الدنيا والأخرة أما الباقى مثل الإتصالات والكهرباء والبترول فذنوبها باقية لما يحدث فيها منظلم بين لجميع أبناء الشعب ولا داعى للتوضيح أكثر

اسمحيلى انا بختلف معاكى فى رايك دا

لانى من الناس اللى شافت تجاوزات كتير جدا فى التربيه وتعليم وشافت ناس معندهومش اى مبادىء ولا ضمير بالمره وشافت ناس برضه بترتكب ذنوب وبتظلم كتير جدا
لدرجه انى بجد قرفت من التربيه والتعليم وبعد ماكنت بحب شغلى كرهته من اللى بشوفه
وممكن جدا هو يختار الشغل فى الاتصالات ويشتغل بشكل افضل ومرتب اعلى وميرتكبش اى ذنوب لانه مش هيشتغل من مديرين الشركه دا مجرد موظف فى شركه
زى مااحنا مدرسين بنشتغل وناخد اوامرنا من الاعلى مننا

مهنه التدريس مهنه ساميه بل من ارقى المهن فهى رساله الانبياء والرسل انا شخصيا كنت بحبها جدا جدا فانا حصلت فى الثانويه العامه على مجموع عالى جدا جدا ولكنى كنت عارفه هدفى ايه دخلت تربيه انجلش وياريتنى ما دخلتها بجد بعد ما كنت بحب المهنه دى جدا من كتر اللى شفناه من زل ومهانه وقله قيمه بقيت دلوقتى بندم عل قرارى ده لان بجد المدرس فى بلدنا مش واخد حقه لا ماديا ومعنويا فلو اى مهنه تانيه شريفه هتعطى للانسان وضعه للانسان وضعه ومكانته واحترامه وهيكسب منها رزق حلال خلاص ok

بداية مرتب العامل بشركة المصرية للاتصالات 900 ج مصري بخلاف الارباح السنوية وغيره
الثتبيت مؤكد بعد مرور ثلاث سنوات
العمل بها من الساعة 8 ص إلي الساعة 4 عصرا

لو نظرنا إلى حالنا لن ندخل فصل ولن نتكلم فى الحصة بكلمة
ولكن معاملة الله هى الهدف الأسمي الذي خلق من أجله البشر فلما نبحث عن زوال ومتاع زائل ونترك ما هو أعظم وأنبل وأسمى من هذا .فالحمدلله أن جعلنا فى هذه المهنة وإن كان بها بعض ما تقولين فهذا لا يقلل من قيمتها

عقد بعقد يرى أيهما أفضل
لأنه لم يمتحن الكادر-
يعنى لسه هينتظر الطريق الطويل