بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   تعلم الانجليزية (https://www.thanwya.com/vb/forumdisplay.php?f=304)
-   -   عاوز تتكلم انجليزى زى الاجانب؟...هنا الحل (https://www.thanwya.com/vb/showthread.php?t=254208)

shimaa2009 06-10-2010 06:28 PM

عاوز تتكلم انجليزى زى الاجانب؟...هنا الحل
 
السلام عليكم...

اللي عاوز يستفيد يقرا الموضوع للاخر

بنسأل نفسنا دايما .. مع اننا درسنا الانجلش في المدارس واتهرينا كورسات .. نجيب كتب ونقعد نحفظ في كلمات.. وفي الاخر لما نيجي نتفرج على فيلم امريكي بنلاقي نفسنا مش فاهمين حاجة ! .. وكل واحد بيقول في نفسه .. انجليزي ده يا مرسي ؟؟؟؟ !!!!

والحل !! .. هو يعني يا اما نعيش في امريكا او بريطانيا او بلد اوروبي عشان نتكلم انجليزي كويس يا اما ندرس في مدارس اجنبي وجامعات امريكية .. يا اما خلاص عمرنا ما هنتقن اللغة ؟؟؟

الجواب : لا .. جبتلكم طرق حديثة لتعليم اللغة الانجليزية بالشكل اللي يخليك تتكلم انجليزي زي الامريكان او الانجليز .. النتائج بتاعت الطريقة دي :

1- هتتكلم انجليزي اسرع .. وبدون ما تفكر في الجملة قبل ما تقولها .
2- لما تتفرج على فيلم اجنبي مش هتحس انهم ( بياكلوا نص الكلمة ) .. وحتى لو كلوها كلها .. برضو هتفهم .
3- النطق .. هيبقى زي الامريكان بالزبط !
4- هتتكلم اللغة براحة وطلاقة .. ولما تتكلم مع اجانب .. مش هتكون محتاج انك تركز اوي عشان تفهم هو بيقول ايه !

وعشان تحقق النتائج الهايلة دي لازم تغير طريقتك اللي بتدرس بيها الانجليزي .. وتتبع الطريقة اللي هقولك عليها :

http://i11.photobucket.com/albums/a1...hilldeco_o.gif

1- ما تقعدش تحفظ في كلمات انجليزي !ما تستغربش .. أيوة ما تضيعش وقتك بحفظ لستة كلمات وفي الاخر مش هيثبت في دماغك منهم الا كلمتين تلاتة .
والبديل ؟؟؟ احفظ عبارات انجليزي .. لأن العبارة او الفقرة بتتكون من مجموعة من الكلمات المترابطة مع بعضها بشكل انسيابي , لما تصادفك كلمات جديدة .. ترجمها واعرف معناها .. لما تيجي تراجعها راجع الفقرة كلها اللي وردت فيها الكلمات دي .. مش تراجع الكلمة وتسيب العبارة .. كده غلط !
الطريقة دي بتخليك تتعلم الانجليزي بشكل اسرع من 4-5 مرات من طريقة دراسة المفردات لوحدها ..

http://i11.photobucket.com/albums/a1...hilldeco_o.gif


2- ما تدرسش قواعد انجليزي ( Grammar) !اركن كتب الجرامر اللي عندك على جمب .. الجرامر هيعلمك تفكر اوي في الجملة قبل ما تقولها .. بس انت مش عايز كده .. انت عايز تتكلم بسرعة .. زي الاجانب !
لو عايز تدرس جرامر انت حر .. بس هتكون بتضيع وقت .

http://i11.photobucket.com/albums/a1...hilldeco_o.gif

3- اسمع وجاوب , ما تسمعش وتكرر اللي سمعته, ازاي ؟؟
اسمع قصة انجليزية قصيرة وعليها اسئلة بسيطة وسهلة وجاوب على الاسئلة .. كرر سماعها لحد ما تقدر تجاوب على كل الاسئلة بتاعتها .. كل مرة هتسمع فيها السؤال هتلاقي نفسك بتجاوب عليه بتلقائية .. بدون تفكير , يعني هتكتسب مهارة انك تجاوب على الاسئلة الموجهة ليك بالانجليزي ( اتوماتك ) .. زي الاجانب !

http://i11.photobucket.com/albums/a1...hilldeco_o.gif

4- ادرس الاصطلاحات التعبيرية الشائعة باللغة الانجليزية ,يعني ايه ؟؟
الاصطلاح التعبيري هو عبارة عن كلمتين او اكتر بيحملوا معنى كلمة وحدة .. ودي مش هتلاقيها في القاموس !

مثلا مصطلح : high and dry , واحد ما بيعرفش مصطلحات هيترجمها لـ : عالي وجاف ... و طبعا غلط !
الكلمتين دول مع بعضهم معناهم : سالم غانم .
يعني فلان رجع من السفر سالم غانم ! أيوة هو ده المعنى عند الاجانب .. وده اللي بنسميه تعبير اصطلاحي .
مثال تاني : كلمة يُنهي .. طبعا معروفة يعني end أو finish , بس مرات الاجانب ما بيعبروش عنها بكلمة end !
بيعبروا عنها بكلمتين : break up .. يعني : end = break up , وأكيييد عندنا مئات التعبيرات الاصطلاحية .. بس احنا بنقولك احفظ منها الاكثر شيوعاً عند الاجانب , لان الاجانب بيستخدموها طول الوقت , عشان تفهمهم لما يتكلموا بسرعة .. لازم تفهم التعبيرات الاصطلاحية الشائعة بشكل كويس .
طب ازاي اتعلم التعبيرات الاصطلاحية دي ؟؟ ومنين ..!
أ - ملفات كتيرة مخصوص للتعبيرات دي موجودة في الانترنت ممكن تحملها من اي موقع , أو انك تشتري قاموس للاصطلاحات الامريكية .
ب - اسمع اللغة من اصحابها الاصليين ( افلام , برامج , محادثات مخصوصة لتعليم الانجليزي زي الاجانب .. الخ ).

http://i11.photobucket.com/albums/a1...hilldeco_o.gif

5- التركيز على مهارة الاستماع:مهارة الاستماع هي اكتر طريقة فعالة للي عايزين يتكلموا انجليزي بطلاقة ..
انك تقرأ انجليزي من كتاب وتحاول تكتب دي حاجة كويسة .. بس عشان تتكلم زي الاجانب لازم تركز اكتر على الاستماع للاجانب !

طب اسمع ايه ؟؟ قبل ما اقولك تسمع ايه لازم اقولك ايه اللي المفروض ما تسمعوش !
ما تجيبش كتب انجلش ومعاها سي ديز للنطق ! ده غلط .. ليه ؟؟ لان الانجليزي اللي بتسمعه من السي ديز دول انجليزي بيتقال بشكل رسمي .. وبيحاول دايما ينطق الكلمة بكل وضوح لانه الهدف تعليمي .. ده غير ان مفيش عاطفة في التعبير .. ومش ده اللي احنا عايزينه .. احنا عايزين نتكلم زي الاجانب بتلقائيتهم وعفويتهم
عايزين نفهم الافلام بدون ترجمة !

المشكلة التانية الموجودة في السي ديز دي انها بتديك الكلمات منفردة .. بس الاجانب عندهم كلام كتير بيخلطوه في بعضه بشكل سريع اللي مش متعود عليهم ما
بيفهموش .. زي : outta واللي هي عبارة عن out of

وكمان زي : I'm gettn outta here ...يعني : I am getting out of here يعني انا عايز امشي أو
I am leaving ..

طب اسمع لايه ؟؟ اسمع للافلام .. للبرامج الاجنبية .. المحادثات الاجنبية الطبيعية
هقولك على طريقة كويسة :
اشتري فيلم اجنبي .. وركز على مشهد معين لمدة اسبوع .. حاول تستخرج الكلمة اللي ما بتعرفهاش وتكتبها على جمب .. الترجمة العربي الموجودة هتساعدك , عيد المشهد كزا مرة بتركيز ,, وكل ما تعيد اكتر حاول ما تبصش للترجمة العربي ,, تعالى بعد كزا ساعة .. عيد نفس المشهد .. بالليل قبل ما تنام عيد نفس المشهد .. كرر المشهد في اوقات متفرقة على مدار اليوم .. وافضل على الحالة دي لمدة اسبوع

النتيجة : هتلاقي نفسك حافظ المشهد بنفس الطريقة الطبيعية اللي اتقال بيها في الفيلم ! وحافظ الكلمات اللي فيه .. وحافظ التعبير الاصطلاحي الموجود ..
الاسبوع اللي بعده .. المشهد اللي بعده .. وما تقولش صعب مش فاهم حاجة وتقفل ..لا .. التكرار يعلم الشطار !
والزن عالودان اقوى من السحر .. كتر الاعادة هتحفظك المشهد حتى لو مش فاهمه لحد ما يخلص الفيلم بالطريقة دي .. هتكون حافظ 90% من محادثات الفيلم بشكلها الامريكي الطبيعي .. وبنفس النغمة الطبيعية اللي بتخرج من الممثلين !!!
تخيل بعد كزا فيلم ايه النتيجة؟؟؟ !! الانجليزي بتاعك هيكون انجليزي امريكي وكأنك كنت عايش هناك !! http://forum.amrkhaled.net/images/smilies/icon_cool.gif

باختصار : ( عايز تتكلم انجليزي كويس اوي ؟ اسمع انجليزي كويس اوي اوي اوي )

http://i11.photobucket.com/albums/a1...hilldeco_o.gif

6- معلومة : عشان تتكلم انجليزي كويس جدا انت مش محتاج تحفظ عشرات الالاف من الكلمات والقواعد الانجليزية !
كل اللي محتاجه انك تحفظ وتتعرف على الكلمات والقواعد اللي بيستخدموها الاجانب يوميا .. واللي لازم تعرفه ان القواعد والكلمات اللي بيستخدموها بشكل يومي عبارة عن 20% من كلمات وقواعد اللغة الانجليزية بس ! معقولة !

ايوة .. الاجانب المتعلمين ودارسين انجليزي كويس جدا بيعرفوا اكتر من 50.000 كلمة انجليزي واغلبها بيستخدم في المناهج التعليمية بتاعتهم .. بينما نفس الاشخاص دول .. بيستخدموا 3000 كلمة من الـ 50.000 كلمة في محادثاتهم اليومية العادية .. وده اللي احنا عايزينه !
عشان كده لما نشوف كتاب جرامر كبير .. وكميات عجيبة من المفردات .. مش لازم يجينا احباط ونقول هو انا هحفظ كل ده ؟؟!! .. اكيد لا ! .. انت احفظ اكتر 3000 كلمة شائعة .. واكتر 100 مصطلح تعبيري شائع .. اسمعهم وادرسهم كويس اوي .. هتلاقي الانجليزي بتاعك بقى هايل .. ولو عايز تتعلم اكتر الموضوع بالنسبالك هيبقى اسهل...

أتمنى تكونواآ استفدتم...

و متنسووووش الردوود...http://www.egyguys.com/vb/images/ahmed/a%20(62).gif

Mohamed.Helmy 06-10-2010 07:34 PM

بجد موضوع جميل جدا يا شيماء.. انا قريته للنهاية واستفدت .. وبجد والله انا بحاول أسمع فى الفيلم بيقولوا ايه قبل ما أقرأ الترجمة وبفهم حوالى 70% قبل الترجمة ..

shimaa2009 06-10-2010 07:46 PM

كويس اوى يامحمد

واستمر بقا وان شاء الله هتبقى احسن من الاجانب

ميرسى ليكى اوى على المرور العطر

وربنا يوفقك السنه دى

Mohamed.Helmy 06-10-2010 08:04 PM

يارب يا شيماء وربنا يوفقنا جميعا باذن الله تعالى ....

mostafa_gamal2 06-10-2010 09:52 PM

شكرا ليكى على الكلام دة وانشاء اللة الناس يستفادو اصلا انا عا رف الكلام دة ويمكن بشوف الافلام من غير ترجمة لانى دائما وابدا بتابع البرامج الاجنبى الامريكى تحديدا وبجد فعلا لاقطت كلمة وراء كلمة منذ اكثر من اربع او خمس سنين طبعا دلوقتى بقيت محترف ههههة شكرا ليكى مجددا

shimaa2009 07-10-2010 03:19 PM

اقتباس:

المشاركة الأصلية كتبت بواسطة mostafa_gamal2 (المشاركة 2724453)
شكرا ليكى على الكلام دة وان شاء اللة الناس يستفادو اصلا انا عا رف الكلام دة ويمكن بشوف الافلام من غير ترجمة لانى دائما وابدا بتابع البرامج الاجنبى الامريكى تحديدا وبجد فعلا لاقطت كلمة وراء كلمة منذ اكثر من اربع او خمس سنين طبعا دلوقتى بقيت محترف ههههة شكرا ليكى مجددا

ميرسى ليكى اوى على المرور

ويارب تكونو استفدتم بجد

وان شاء الله هانزلكم حاجات حلوه هنا هتستفيدو منها اوى

شكرا لك يامصطفى

Mr Munir 08-10-2010 06:37 PM

]
شكرا يا اخت شيماء
انا مدرس لغة انجليزية من شمال سيناء ومقتنع تماما بقولك
يجب علينا حفظ مصطلحات و تعبيرات
وفقك اللة ما قصرتى
]

dr.beroo 10-10-2010 01:07 PM

هحاول انفذ الكلام ده

الاءمل فى الله 10-10-2010 06:54 PM

حقيقى طريقة جديد تجعل الصعب سهل ان شاء الله راح اعملها خصوصا مع عيالى ششششششكرا

sisecoman123 01-11-2010 01:25 PM

جزاك الله خيرا
ولكن أعتقد إنها مش هتفرق لأني لاحظت إن معظم علماؤنا مش بيتكلموا إنجليزي زي بتاع بلاده يعني مصري مصري ويجعله عامر

Mr/Ali Aswan 26-06-2011 11:33 AM

كلامك مظبوط بس انا شوفت الموضوع ده في واحد اسمه ag hoje تعلم في 6 شهور المشكله الملل سيادتك بس

مستر / وائل الفايد 22-07-2011 10:35 PM

جزاك الله خيرا

salememary 23-07-2011 08:08 PM

jazakomm Allah khiran

samah2009 23-07-2011 11:14 PM

جزاك الله خير ، وبارك الله فيك

عبدالله محمد حميدة 24-07-2011 06:56 AM

جزاك الله خيرا

FirstMan08 24-07-2011 03:08 PM

جزاك الله خيراً
الموضوع جميل تسلم ايدك

dr.jasy 24-07-2011 08:57 PM

سرد رائع للنقاط الهامه جزاكى الله خيرا فعلا موضوع قيم وباذن الله هحاول اطبق بعد النقط

Nada Dody 24-07-2011 09:45 PM

الف شكر عالكلام دا
انا الايام دى بدات اعمل كدة انى اتابع المشهد من غير ترجمه و بفهم الحمد لله كتير

ma7moud.mido 26-07-2011 08:44 PM

جزاك الله خيراً

المهندي/احمد سلام 28-07-2011 11:16 AM

جزاك الله خيرا وزادك علما وعملا ونفع بك الناس

عبدالنبي الحداد 30-07-2011 05:02 AM

جزاك الله خيراً
الموضوع جميل تسلم ايدك

Free Canary 30-07-2011 07:59 AM

بارك الله فيك و جزاك كل خير
انا فعلا استفدت بشكل كبير من الموضوع
و أغلب النصائح دي أنا فعلا باستخدمها :)



أبو منةالله 30-07-2011 12:28 PM

سلمت يداك معلشى جات متاخرة بس موضوع جميل
جزاك اللخ خير الجزاء

Amr 82 30-07-2011 03:18 PM

شكرا لك على المعلومات التصحيحية الدقيقة حياك الله

وكل سنه وانتى طيبه

رمضان كريم

dody 2062 30-07-2011 06:52 PM

جزاكى الله خيرا معلومات جميله جدددددددددددا

أحمد ربيع الجمال 31-07-2011 02:27 PM

شكراااااا على الموضوع الرائع





إن شاء الله أحاول أركز فى كده





جزااااااكى الله خيرا

alibrahim 03-08-2011 06:12 PM

ربنا يجزيك خير

conankun55 04-08-2011 01:53 AM

جزاك الله خيرا

(Nesma) 04-08-2011 05:54 AM

موضوع اكثر من رائع
جزاك الله خيرا

miss_egypt 04-08-2011 06:35 AM

على فكرة انا بعمل كده اصلا
والحمد لله الانجليزي بتاعي زي الفل
انا اصلا في الامتحانات وكده ممكن اكون مش فاكرة الجرامر او مش عارفاها
بس الحل بييجي معايا تلقائي
والحمد لله عمر ما الكلمات خانتني في التعبير لما تبقى اسئلة مقاليه
حتى لو مش عارفة حلها الصح ايه كنت باخد درجة كويسة

بجد احسن طريقة لتعلم اللغة الانجليزية هي تعلمها من المصدر الأساسي ليها

وبارك الله فيكي موضوع اكثر من راااااائع

أ / محمد صالح الاخضر 23-08-2011 12:52 AM

شكرا يا اخت شيماء
انا مدرس لغة انجليزية من شمال سيناء ومقتنع تماما بقولك
يجب علينا حفظ مصطلحات و تعبيرات
وفقك اللة ما قصرتى

Ahmed ELzaidy 23-08-2011 10:56 AM

جزاك الله خيرا وزادك علما وعملا ونفع بك الناس

يزيد نت 11-09-2011 08:14 PM

ممكن يا شيماء لو سمحتى تكلمة لموضعك الرائع هذا ان تجمعى لنا بعض المصطلحات وكذلك التعبيرات الاصطلاحية وشكرا

Egypt for Ever 25 11-09-2011 08:56 PM

جزاكي الله خيرا


بجد موضوع رائع ..

شهيره طارق 13-09-2011 11:11 AM

جزااااااااك الله خير

عبده العطيفى 13-09-2011 09:29 PM

يا ريت بقا نعدل فى مناهجنا
ونعمل مجتمعات لمجموعات من المدارس نسميها بحسب اللغات
وبكده كلنا نعلم بعض
لكن موضوع هايل

harem_karem33 18-09-2011 05:57 AM

كويس اووووووي وشكرا ليكي علي الكلام دة

Mr Ragab Ahmed 20-09-2011 09:08 AM

http://img831.imageshack.us/img831/3181/i6d78650.gif

عثمان على 23-09-2011 04:09 PM

افكارك حلوة يا شيماء

ahmed.ziada1 30-09-2011 10:43 PM

مجهود مميز

Mr. Muhammad Sobhy 04-10-2011 04:02 PM

انا مجبر على المحاولة لاننى تربية انجلش

عاشقه المدينه المنوره 05-10-2011 03:22 AM

فعلا الموضوع رائع انا نفسي اتعلم انجليزي وعندي عقده ومش عارفه ابتتدي ازاي دعواتك لي

mohammed el fiky 06-10-2011 10:15 AM

fantastic thank you very much

fairlove 13-10-2011 10:23 PM

شكرا جزيلا ..

أتفق معكـ ... أنا حصلت معايا صدفه / حظ ... و هو إنى كنت بتابع فيلم و ركزت فى جمله إسم الفيلم Clash of titans أى تصادم الجبابره مع إنها مش مقرره فى المنهج .

و سبحان الله ... جاءت فى الامتحان ( ترجم من إنجليزى إلى عربى) ..... Clash of civilizations بمعنى تصادم الحضارات .

اسماعيل عبد اللاه 16-10-2011 02:54 PM

اهلا يا اخ عبد النبى يا حداد

اسماعيل عبد اللاه 16-10-2011 02:57 PM

اتمنى فى المرة القادمة اجد موضوعات مفيدة

Muslim Knight 18-10-2011 09:46 PM

مشكووووووووووووووووووووور

Muslim Knight 18-10-2011 09:47 PM

جزاك الله كل خير

دموع حزينه 21-10-2011 07:59 PM

جزاكى الله خيرا انا خريجه انجليزى بس لسه مشتغلتش بس الحااجات دى عرفتها لما درست صوتيات وبجد تسلمى ياقمر

moonlight_20 25-10-2011 08:52 PM

http://files.thanwya.com/uploads/tha...2909261191.gif


جميع الأوقات بتوقيت GMT +2. الساعة الآن 08:50 PM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.