الشاطر يحل مسألة من الكتاب
 

فى ص 27 من الكتاب مسألة وهى
فى خلال 2.5 من الثانية ازدادت سرعة سيارة من 60كم/س إلى 65كم/س بينما تحركت دراجة من السكون ووصلت سرعتها إلى 5كم /س أيهما تحرك بعجلة أكبر ؟

متساااااااااااويين

العجلتين متساويتان = 0.56
ا هانى

ياريت حد من الاساتذه الافاضل يحلها

أرجو كتابة طريقة الحل؟

السيارة الاولي
التغير في السرعة = 5 كم/س = (5 × 5 ) ÷ 18 = 25 ÷ 18 = 1.38 م/ث
جـ = التغير في السرعة ÷ الزمن = 1.38 ÷ 2.5 = 0.555 م/ث2

الدراجة

التغير في السرعة = 5 كم/س = (5 × 5 ) ÷ 18 = 25 ÷ 18 = 1.38 م/ث
جـ = التغير في السرعة ÷ الزمن = 1.38 ÷ 2.5 = 0.555 م/ث2

هما متساويان

الحل أسهل من كدا
اعمل نسبة
العجلة للسيارة : العجلة للدراجة
65-60/2.5 : 5-صفر/ 2.5
5 / 2.5 : 5/ 2.5
1 : 1
العجلتان متساويتااااااااان

ملحوظة : في حالة المقارنة لااااااااااا يشترط التحويل ... يعني مش لازم تضرب × 5/18 لأنهم هيطيروا مع بعض

أرجوا ان أكون قد أضفت الجديد

الحاجة اللى كنت أتمنى من الجميع يخدوا بالهم منها فقط هى الزمن 2.5 من الثانية مش 2.5 ثانية لكن انا عارف إن العجلتين متساويين ولكن أحب أضيف لحضراتكم معلومة إن الثانية تتكون من 1000 ميللى ثانية وممكن نحولها كده إلى ساعات بقسمتها على 1000×60 ×60 وإن برضه نطير مع الزمن مع الزمن ونقارن ما بين التغير فى السرعة
من وحدات الزمن أيضا الميكرو و النانو والبيكو والفمتو وطبعا انتم عارفين المقادير دى
شــــــــــــــــــكر للمشاركات وعلى فكرة أنا لى ملاحظات كتيرة على الكتاب الجديد

بالفعل متساويين لأن التغير في السرعة متساوي في نفس الفترة الزمنية

شكررررررررررررررا للمعلومة دي يا ياسر

جزاك الله خيرا

لو كان مسمحوح لى بالتعليق
لازم نحول الكم / س بالم / ث علشان تبقى زى الزمن
اذن عجلة الجسم الاول ستكون 0.58 م /ث2
وعجلة الجسم الثانى ستكون 0.55 م /ث2

يا سيدى الفاضل مؤلف الكتاب موش بالفكاكة دى
هو ميقصدش جزء من الثانية كما تفضلت
هو يقصد 5و2 ثانية
حسب منهج اعدادى
اللذى اصبح لا منهج
وانا لله وانا اليه راجعون

انا مع استاذ الفضالى اذا كان المؤلف غلطان فى سرعة الضوء يبقى هايفهم حكاية جزء من الثانية

جزاك الله خيرا
 

[quote=ياسر ع;2702121]الحاجة اللى كنت أتمنى من الجميع يخدوا بالهم منها فقط هى الزمن 2.5 من الثانية مش 2.5 ثانية
بارك الله فيك .................

الحل سهل وبسييط وربنا يبارك في مدرسينا الكرام

مشكوووووررررررررر

لا تعليق بعد هذا التعليق

لا غلط كل دة الصح
السيارة الاول عطلط والسيارة الثانية عملت حادثة
حد فيكم بقا يصلحهم

مش فاهمه المساله دى ياريت حد يفهماهانى وابقى مشكوره جدا

ههههههههه
الله يبارك فيك استاذ محمد النشار
احنا بنتعلم من سيادتك
تقبل تحياتى

بالتأكيد كلامك صح باأستاذ بس أنا حبيت أوجهكم دايما نكون مدققين و بالمرة دى من الأخطاء اللى وقع فيها المؤلفين بتوع كتاب المدرسة وشكرا للجميع على المشاركة ولو في أى مسألة ممكن أساعد
وجزاكم الله خيرا

حسبي الله للي وضع المنهج العقيم

كتاب الامتحان للاسف محول 2.5ثانية الى ساعة .
والعجلة والوحدة اصبحت كم/ساعة2.
ودى وحدة فى رياضة 3 ثانوى.
ولكن المقصود 2.5ثانية

علية العوض ومنة العوض :022yb4::022yb4::022yb4::022yb4::022yb4::022yb4::0 22yb4::022yb4:

والله يا اخوانى الكتاب ملىء اخطاء
حتى كتاب الامتحان فيه اخطاء كيتر جدا
من الاستعجال عشان يلحق السوق
ارجو فقط من زملائى الافاضل التدقيق فى المراجع التى استند
اليها مؤلف الكتاب فى الصفحة الاخيرة
والله حاجة تضحك وتدعو للسخرية
المراجع اصبحت مهرجان القراءة للجميع
وكتاب علوم ساتة ابتدائى
ياحسرتاااااااااااااااااااه عليكى يا بلد
حسبنا الله ونعم الوكيل

عباقرة العلوم بطلوا افتكاسات هو الطالب مطالب هذا العام بأجزاء الثانية ولا كلكم أصبحتم أحمد زويل
انتم تعطوا الفكرة و الطالب يحل
التغير فى السرعة متساوى للحالتين فى نفس الفترة الزمنية إذا العجلة متساوية وكفى ولازم نعك ونصعب على الطلبة

يا سادة الموضوع بسيط المؤلف لايعرف الفرق بين 2,5 ثانية و 2,5 من الثانية فاءنت حل على نيته 2,5 ثانية

لا حول ولا قوة الا بالله كل شئ اصبح قابل للأختلاف والمناهده وابداء الاراء بل والتعارض والرأي والرأي الاخر علي رجل لم يستطع التخلص من الخطأ الاملائي او الاسلوبي
اساتذتي بالله عليكم كبروا دماغكم ولا تحملوا كلام الرجل اكثر مما يحتمل فهو الان لا يعلم كيف كتبه كانت سبوبه ( اكل عيش يعني ) وانتهي منها خلاص والعام القادم هيشكلوا لجنه لتنقيح الكتاب وتهذيبه وربما الغائه والتحضير لمنههج جديد ويجعله عامر

والله برافو عليك يا هاجر

من السهل نقول للطالب ان التغير في السرعة للسيارة يساوي التغير في السرعة للدراجة = 5 كم / ساعة
وان التغير حدث في نفس الفترة الزمنية
اي ان العجلة متساوية للأثنين
بدون تحويل بدون اي حاجة
وشكرا

جزاك الله كل خير

المسالة ناقصة الزمن بالنسبة للدراجة وهو 1 ثانية وده موجود فى كتاب science للصف الثالث الاعدادى
وبالتالى العجلة للدراجة تكون اكبر