|
نفسى اهاجر برة مصر ياساتر انا زهقت منها
السلام عليكم بصراحة انا مش عارفة ابدا منين انا هقولكم موقف حصل وانتوا بقى تحكموا كان فيه واحد جارنا رفض انه بيشتغل فى صيدلية هنا فى مصر وعمل المستحيل علشان يسافر و سافر انجلترا وبعد 4 او5 شهور والدى يا دوب قدر يوصله واتصل بيه وبعد اما بابا خلص كلام معاه بسألة عامل ايه هناك بيشتغل ايه ؟ رد وقال بكل بساطة بيغسل اطباق فى مطعم انا : ياه بقى رفض يشتغل هنا فى صيدلية وراح هناك يغسل صحون هما كدة المصريين زى القرع يمدو لبرة طب بدل ما يتهان هناك ويغسل صحون طب ما يتهان هنا احسن بزمتك يابابا كان يرضى يشتغل الشغلة دى هنا؟ بابا : هو انتى عاملة اجر هنا زى هناك هناك اللى بيغسل صحون احسن من ....... وقال كلمة!!! انا: وهو هنا زى هناك طب ماهناك بيقبضو فلوس كتير على قد العيشة هناك وهنا بيقبضوا فلوس على قد العيشة هنا وبعدين لما تبقى وسط اهلك وناسك وتتعب لبلدك احسن ما تتعب لحد تانى ببا: سكت خالص الظاهر اقتنع بكلمى المهم راح قايلى مش كفاية انهم بيعاملو المسلم زى المسيحى ( اه لقالو حاجة يبررلو موقفة بس على مين) روحت انا قلتله ممكن يكونو بيعاملو المسلم زى المسيحى بس مابيعاملوش العربى زى غير العربى والدى مشى وقال انتى مفيش فايدة من الكلام معاكى انا اساسا غلطان انى قولتك ( الظاهر كدة بابا استسلم ورفع الراية البيضة ) واحنا عايزين مصر تتقدم ومش عارف ايه مصر عمرها ما هاتتقدم طول ما شبابها مش بيحبوها ومش عايزين يقعدو فيها انا خلصت كلامى بس انتو ايه رأيكم ولو اتعرض عليكم تهاجروا هاتعملو ايه بس بصراحة |
مصر فيها كتيييييييييييييييييييييير اوى ومش محتاجة
ووالله الى مش عجبه مصر يروح يذل نفس فى اى بلد تانية مصر مفيش احسن منها وافتخر انى مصرى |
مرسى لمرور حضرتك بس ما قولتش رأيك؟
|
اكيد رايي انه يستاهل الى حصله
|
مش قصدى كدة انا قصدى على حضرتك انت ممكن تهاجر برة لو جاتك الفرصة ولا لا
|
اتذل بره بفلوس
احسن ما اتذل جوه ببلاش :d في الحالتين بهدلة وساعتها الكفة حتميل للفلوس انا فاكر كنت في مرة مع والدي هناك في السعودية فراش العمارة هناك اكتشفت انه كان مدير مدرسة هنا في مصر !!! بس المدير (بيتعذب) و(بيتمرمط) وبياخد كام في الاخر ؟ في حين هناك العمارة كانت كلها دكاترة يعني بيتعامل مع ناس معظمها مصريين ... طبقة راقية .... مكان نضيف ... شغلانة سهلة وبتجيب فلوس :d |
بصراحة لو اتيحت لى الفرصة فى السفر خارج مصر بعثة للتعليم وارجع تانى موافق غير كده لأ طبعا
|
اقتباس:
وبعدين لما حضرتك تقول كدة وغيرك يقول كدة وهما كتير م شاء الله يبقى مصر تتقدم ليه لما نبدى الفلوس عن بلدنا يبقى تتحرق بلدى وتروح فى ستين داهية المهم انا لا طبعا ما ينفعش كدة امال فين الوطنية وفين حب مصر |
الوطن كان زمان انتماء
انما النهاردة مكان اعيش فيه وخلاص لا حول ولا قوة الا بالله |
مش هانلاقى حضن أعظم وأجمل من مصر حبيبنا يحتوينا
وان بدت بعض السلبيات فلا غنى لنا عنها فمصر فى القلب بلا منازع شكرا لحضرتك على طرح الموضوع الحيوى |
اقتباس:
ياما يشتغل فيها برده بلده ويسيب اهله وده حال والدي مش بشوفه في السنة غير شهر واحد ! ياما تكون مهرب اثار او مخدرات او من بتوع الرشاوي النص مليون والاتنين مليون ! ياما تبقى من الفئة المحظوظة اللى ربنا بيكرمها ويشتغل في شركة كبيرة .. او يبقى عنده عيادة مشهورة او غيره ومعظمها بيعتمد على حاجتين ... يالشهرة يالواسطة عارفة حضرتك الفقير في المانيا اللى بيشتكي انه من الطبقة السفلى مرتبه 1000 مش فاكر دولار ولا يورو السعودية الشاب اللى بيتخرج عندهم بياخدله 1000 ريال شهريا يعني الف ونص جنيه لحد ما يشتغل في الهيئة التعليمية المدرس القديم اللى وصل لمرحلة وكيل ... مش بياخد الالف جنيه الفلوس هنا مش معناها رفاهية الفلوس هنا معناها اني اعيش اقل مستوى ليا كلام حضرتك ممكن يكون ليه صلاحية لما اكون باخد هنا 5 الاف جنيه وبقول مش مكفييني اصلي عايز اجيب عربية كذا ولا قصر كذا لا انا هنا بتكلم عايز اكل لحمة وفراخ زي بقية الناس الطبيعيين كلنا وطنيين .... بس كلنا من حقنا نعيش برده !! |
اقتباس:
مصر بالنسبة للعرب هي ما يرونه منا عالتلفاز سياسياً ... احنا عملا وخونة اجتماعياً ... احنا شعب الفن والراقصات والخلاعة الفنية طبعاً ده نظراً للكم الهائل من افلامنا ومسلسلاتنا اللى صداها في العالم العربي كله عشان كدا المصريين اللى بره دول هم نافذة مصر الوحيدة الحية امام هؤلاء والحمد لله معظمهم بيغير فكرة كل اللى اتعامل معاهم من غير المصريين عن مصر وبعدين دول لا مؤاخذة لا طلعو يشتغلو نصابين ولا راحوا جواسيس وعملا دول بيشتغلو مهنة شريفة وبيكسبو من عرق ايديهم وعيب لما نقول على اي مهنة شريفة انها زبالة حتى ولو كان الزبال نفسه ! |
اقتباس:
وانا مقصدتش حد معين بكلامى والشغل الحلال مش عيب حتى لو كان زبال بس انا قصدى اننا نرتقى ببلدنا وبدل ما نطلب ونطلب نفكر ندى علشان ناخد انا اسفة لو كنت قولت كلمة مش لائقة مش بس لحضرتك لاء لاى حد تانى مصر محتاجة اننا نحبها |
انا بقى نفسي اهاجر من الدنيا كلها,,,,,,,,,,,,,,,,,
|
انها رحت الكويت مش السعودية هناك بكل بساطة و كلميت يحملو كثير من المعانى (( من انت ؟ .. انا مصرى .. اذا انت حقير )) !!
مع اننا كنا هناك فسحة مش شغل !! |
اتذل بره بفلوس
احسن ما اتذل جوه ببلاش :d حتي الاسم مستورد يا بناظيييييييييييييييييييييييير اقول لكم ان الذل لله فقط اما ما نلاحظه من بعض السلبيات فعند كل الناس مش في مصر بس والعيب في الشخص مش في البلد """ بلدي وان هانت علي عزيزة ...... اهلي وان ضنوا علي كرام """" |
(( من انت ؟ .. انا مصرى .. اذا انت حقير )) !!
هو ده اللى انا اقصد المصريين كلهم كدة برة كل العرب بيعاملوهم على انهم كلاب بمعنى الكلمة |
اقتباس:
http://www.tunisalwasat.com/images/z30alkahira.jpg http://www.aljazeeratalk.net/forum/u...1199177701.jpg من الآخر جوه زي بره بلا ادنى استثناء الفرق هنا بتهزأ قدام اهلي بره بتهزأ لوحدي صدقوني مفيش فرق كتير |
اقتباس:
بس اذا كان الانسن محترم عمرة ماهيتعرض لموقف زى ده وحتى لو كان كدة فانا باتكلم عن مصر اللى هو الشعب مش حد تانى وبعدين كل بلد لازم يبقى فيها الحلو والوحش مش علشان قلة نعامل البلد كلها كدة وبعدين حضرتك بالنسبة لموضوع الفلوس من امتى والوطنية وحب البلد بتقاس بكم الفلوس اللى بنقبضها؟ |
اقتباس:
انا بتكلم عن واحد كل امانيه يعيش اقل عيشة محتاجها مش اكتر ومادام قلتي كل مكان فيه الحلو والوحش فبره برده فيها الحلو والوحش وزي ما في اماكن بيكرهو المصريين .. في اماكن كتيير بيحيبو المصريين برده طب ايه رايك نرجع كل اللى بيشتغلو بره ينضمو لجماعة العطالة في مصر ويفضلو يهتفو مصر مصر وتبقى دي كل مهمتهم في الحياة كدا بقو وطنيين خلاص ؟ |
اقتباس:
اوكى مصر بقا هاتتقدم ازاى اذاكان احنا هانعمل كدة فبلاش بقا نقعد ننتقد مصر ونطلب انها تقدم ونعانى من كل المشاكل لان المشاكل دى عمرها ما هاتتحل بالهروب |
اقتباس:
وبعدين دى سها خيانة مش عدم وطنية |
اقتباس:
انا دلوقتي (كمثال) طالب فاشل دخل كلية طب 7 سنين ... 3 جيش دكتور صغير بـ 200 جنيه ... 30 سنة يعني المفروض اتجوزت من بدري ايه رأيك ... ممكن اغير ايه بحيث اني ازود ال200 جنيه ؟ اما حسرق او حغش في مجال ياما حسيب الطب واشتغل في الفن كممثل ... زي ما ناس عملت او حطلع بره البلد ... اكيد ال10 ألاف مش قد ال200 جنيه عندك حلول اكتر ؟ |
اقتباس:
ده قدرنا ربنا كتبه علينا نعترض والدكتور الصغير بكرة يكبر ان شاء الله بس الحل مش فى الهروب احنا ليه عايزين ناخد كل حاجة لازم نضحى بحاجة علشان نحقق حاجات تانية |
زي ما قالوا بعض الاعضاء ، برة جوا كرامتنا متهانة بس برة فلوس وجوا لاء يبقى الاحسن برة ونهاجر من البلد ديه ، ده الواحد بئا مش عارف يعمل ايه زهقنا ، ده كلمة مصري كادت ان تصبح سبة !! ان لم تكن اصبحت بالفعل ، ربنا يصلح الحال ، |
اقتباس:
اوكى مصر بقا هاتتقدم ازاى اذاكان احنا هانعمل كدة فبلاش بقا نقعد ننتقد مصر ونطلب انها تقدم ونعانى من كل المشاكل لان المشاكل دى عمرها ما هاتتحل بالهروب |
اقتباس:
لما ترجع للمصري انسانيته ال فقدها يبقى نرجع ونقول نتقدم ، وهو مش هروب بس كل واحد عاوز يعيش انسان ، انسان مش مجرد شيء بيتحرك ويحس ومالوش ادنى قيمة ، |
اقتباس:
واحنا اللى بردو بنخلينا ملناش قيمة ولكل مجتهد نصيب وبعدين يعنى هو برة مصر بنحس بانسانيتنا المصريين بيعاملوهم العرب وغير العرب زى الكلاب بالظبط وزى ماقال احد الاعضاء انت مصرى اذن انت حقير واا كانت كدة بقا محدش يطلب مر تتقدم ولا المشاكل اللى فيها تتحل |
ذليل النفس ذليل فى كل مكان
واللى ينظر للفلوس على أنها كل الأمل والامال يستاهل كل اللى يجرى له اسألوا الأكبر منكم كيف يعاملهم العرب قبل ذلك ولماذا تغير ت معاملتهم الأن هتلاقوا العيب مشترك زيادة رفاهية من الدول الخليجيه جعلتهم يبحثون عن طريقة تنسيهم ماضيهم المؤلم فى زمن ماكان المصرى ينتج فى أرضه مايكفى مصر والأشقاء العرب واسألوا رمال ميناء جده ومسقط لم يحمل هذا الفضل حتى الان سوى الامارات العربيه والكل يريد نسيانه بإهانة أصحابة والعيب الثانى فى ذليل النفس الذى تكبر على العمل كحارس أمن فى الفنادق أو القرى المنتشرة فى مدن الساحل الشمالى والشرقى وذهب ليغسل أطباق فى دول أخرى مع أن المقابل المادى أفضل من الخارج ولكنه يعشق المذلة فماذا تفعل له وفيه نصف اللى بيروحوا السعودية بيروحوا من أجل الحج ببلاش -- ولما يرجع الناس تقولوا ياحاج عشنا فى الجزائر لم نرى سوى المودة والمحبة من أهلها فماذا حدث الأن ؟ اسألوا أنفسكم ؟؟؟؟؟؟؟؟؟ والسلام عليكم |
المووووضوع رائع يا مصريه
طبعا او ل واهم حاجه في الدنيا حبي لبلدي اهم من فلوس الدنيا كلها وبعدين الي بيقول فلوس وبهدله امال فين التضحيه بتاع شعب مصر عشان بلده وايه الي عملته عشان تتحسن اما كل واحد يقول انا زهقت انا تعبت ويسافر بره بالمنظر ده متستناش انها تتغير |
]المووووضوع رائع يا مصريه
طبعا او ل واهم حاجه في الدنيا حبي لبلدي اهم من فلوس الدنيا كلها وبعدين الي بيقول فلوس وبهدله امال فين التضحيه بتاع شعب مصر عشان بلده وايه الي عملته عشان تتحسن اما كل واحد يقول انا زهقت انا تعبت ويسافر بره بالمنظر ده متستناش انها تتغير:bosyht9: وطبعا انا مع مصريه جدا ده بقى الي اسمه انتماء للوطن اين كان والانتماء ده بقي نادر جدا في مصر طبعا:angry2: |
اقتباس:
انا غلبت اقول كدة كلهم ضدى |
اقتباس:
ايوة كدة خلونى احس ان فيه مصريين بخير فى المنتدى النيك نيم بتاعك روعة |
مصر امى وطول عمرى هاتفضل امى واغلى عليا من امى
|
علمتني الغربة
علمتني الغربة أننا نملك أشياء كثيرة لكننا لا ندرك قيمتها علمتني الغربة الكثير والكثير وكان من بين ما علمتني أنها أخبرتني من أنا .. علمتني الغربة معنى اني مصرى علمتني ان الانسان (في الوقت الحالي) لا يهمه الا مصلحته علمتني ان الموت ألف مرة فوق ترابك يا مصر اهون من التفكير بالخروج خارجك.. فإن الغربة في كل حرف منها حرقة قلب مشتاق وحنين ... وألم ... وعذاب الغربة كربة كما يقال ولكن فيها يتعلم الإنسان المحال و يقدر قيمة تراب أرضه .. علمتني الغربة وما اقساه من تعليم ان تحس بانك وحيد في وسط الكل فيه يرغبك ولكن كل لمصلحته علمتني ان ارى صديقي في الوطن عدوي خارجه كل هذا لا يساوي دمعة عين من امي لفراقي. :امي الغالية... مصر تحياتٌ وأشواقٌ من العين الباكية دمعاتٌ وقبلاتٌ على اليد الحانية أسيرُ يا امي على رصيف الغربة وأود لو أجد بسمة من فمك أو بصمة من ظلك أبيع نفسي والعالم ولا أشتري غير ودك فكيف يا امي أجدك |
وطنى لو شغلت بالخلد عنه نازعتنى اليه بالخلد نفسى
|
نورتى الموضوع
خير الكلام ا قل ودل |
تحيااااا مصررررر
رغم اى حاجة تحصل فيها ,, هى بلدنا وكلنا لازم نحبها ونفتخر بيها وبتاريخها العظيم |
- بلادي وإن جارت علي عزيزة *****وأهلي وإن ظنوا علي كرام
- يا بلادي وانت قرة عيني ******طبت نفسا على الزمان وعينا - ولي وطنت آليت ألا أبيعه *****وألا أرى غيري له الدهر مالكا |
اقتباس:
بس اكيد طبعا انتي الاروع:) |
لازم نفرق بين كام مفهوم كدا الاول عشان نقدر نتكلم ونتناقش
مش معنى ان انا عندى ولاء لوطنى وبحبها وبموت فيها .. يبقى اشتغل ببلاش ويطلع عين اهلى عشان شوية ملاليم وباخدهم بعد طلوع الروح كمان مش معنى ان انا عندى انتماء لوطنى يبقى دا يمنعنى انى اسافر بره في حالة انى لاقيت فرصة عمل احسن بمرتب احسن بمعاملة افضل بمركز اجتماعى افضل حكاية ان الناس تسافر بره وتروح تشتغل بواب وويتر والوظايف اللى مالهاش لازمة دى انا غير مؤيد ليها تمااااما طبعا .. لان دا مبدأياً بيقلل من قيمة المصرى خارج البلد زى ما مثلا انا لما اشوف واحده فلبينيه ماشية فى الشارع هنا بقول عليها اه دى خدامة لكن اما انا ابقى طالع من هنا بعقد موثق من الخارجية ومكتب العمل ومظبط نفسى وحالى ومحتالى وطالع باحترامى وعارف انا هاشتغل ايه هناك ومرتبى كام وكل الكلام دا .. يبقى خلاص تمام اوى كدا الانسان بطبيعته بيحاول يسعى للأفضل ربنا ماأمرناش اننا نفضل فى مكاننا زى ماحنا لمجرد بس اننا بنحب البلد اللى اتولدنا فيها بس اذا كانت البلد اللى انا بحبها مش لاقى فيها العيشة الكريمة اللى انا عايزها .. يبقى اشوف نفسى بقى .. انا لا هاغلط واقولك يحرق دى بلد وتغور فى ستين داهية ولا الكلام دا بس بكل زوق واحترام .. انا امشى بهدوء جداً .. ولما يبقى ليا نصيب ابقى ارجع تانى ويمكن موضوعك دا بيفكرنى بقصيدة كنت سمعتها .. فيه مقطع كدا فى النص بيقول يا سايقة دورى .. عدى فوقيا و دوسى .. نصبوا عليا وشحتونى فلوسى ربطونى فيكى حتى ما اتغميت .. فرحوا هما ووحدى انا اتغميت عايش بدون لازمة .. ولو مرة شكيت آخد بالجزمة يعنى ايه يبقى اسمك هبة النيل والمايه كل يوم بتقطع ؟! ولما اشتكى غلو الفاتورة .. يقولوا اشتكى .. بس تدفع !! |
وانا اسفه جدا اني معرفتش ارد عليكي عشان مينفعش ابعت رساله خاصه
ومش عارفه ابعت رساله زائر وبالنسبه للتوقيع فده شرف ليا طبعا وشكرانك ادتهولي واكيد هوا تحفه جدااااااااااااااااااااااااااااااااا |
يمكن في مصر مشاكل كتير
لكني عمري ما قلت إني بكره مصر ! وعمر ما كان إني بدور على لقمة عيشي بره يبقى انا غير وطني بصي يا مصرية في علم النفس ولا علم الاجتماع ولا الاقتصاد ايا كان نوع العلم اللى بيدرسو فيه ده :d لازم لما يتم عرض المشكلة يتم عرض الحلول بتاعته منفضلش نحل المشكلة بمشكلة تاني وننسى إننا كدا محتاجين حلين !! مطلوب إني اغير في وطني ومطلوب إني اعيش بال200 جنيه واتجوز وابني بيتي بيهم !! وبعدين يعني ايه بكره يكبر ؟ استنى كمان 20 سنة لحد ما مرتبي يوصل 600 يا حلاوة الزيادة !! كفاية المهور اللى بتطلبوها :d تغيير البلد والاصلاحات دي في ايد اللى ماسكين البلد في ايد الوزرا والمحافظين ورجال الساسة والامن مش في ايد الموظفين الغلبانين متحوليش إنك تربطي المشكلة بمشكلة تانية حاولي إنك توجدي حلول لكل مشكلة وساعتها اقولك فعلاً انا كان ممكن اعمل كدا وانا اللى قصرت (بالمناسبة انا كنت قلت موظف بـ200 جنيه متجاهلاً ملايين من العاطلين !) |
أنا كنت في يوم من الأيام بقول كده أنا مصري ومش هاسيبها ده كان قبل ماتخرج طبعا بعد التخرج لقيت اني لو استمريت في حبي لبلدي هيبقى حب من غير مقابل بس ليه أخرج بره وأشتغل في الأطباق ما اشتغل في اللي أنا متخصص فيه أنا شايف الحكايه دي قديمة جدا .*
|
أنا مصرى وبعشق مصر واللى يجيب سيرتها بالسوء ممكن أقتله بس أتعلمت من مصر والغربه إن الفقر فى الوطن غربة والغنا فى الغربة وطن |
مهما مصر بتعمل فينا هتفضل فى قلوبنا ولازم نحميها وندافع عنها بدمنا
اصل مصر دى مش جماد ولا شىء غير حى دى مصر دى انا وانتى وهو وهى يبقا لو بنحب بعض لازم هنحمى مصر بدمنا ونخاف عليها صح بجد موضوع جميل وصحيتى فيه الروح الوطنية دى كلها تحياتى ليكى |
بصوا انا غلبت معاكو
دايما النسان عايز كل حاجة وكده مش ممكن ياخد ولا حاجة لازم نضحى بحاجة علشان التانية بس اللى اعرفه انى مش ممكن اضحى كدة ببلدى بكل سهولة |
اقتباس:
نورتى موضوعى وهو ده الكلام الصحيح |
شوفى حضرتك
المصريين بيتعذبوا ف كل مكان حتى ف بلدهم مفيش اى حاجة تخليهم يفضلوا فيها هيعملوا ايه مفيش شغل حتى الشغل لازم يكون ف واسطة يعنى شغل نهب الواحد يفضل يتعلم وبعدين يدخل الجامعة وبعدين يقعد ف الشارع فى حد بيحصلة كده غيرنا |
اقتباس:
ولما مفيش حاجة تخليهم يقعدوا فيها عايزين مص تتقدم وتتغير ليه |
| جميع الأوقات بتوقيت GMT +2. الساعة الآن 02:59 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.