معقول فى اول اسبوع فى المدرسه يحصل كده ؟؟؟!!!!!!
 

بدون مقدمات طويله

انا متعوده دايما بكتب ن الموضوعات اللى بتستفزنى شخصيا
واخر الموضوعات دى
مواقف حصلت لى فى المدرسه فى يوم واحد


احكى لكم موقف من بين المواقف دى وبعدين نتناقش فيه

كان فى جدول فصلى حصه علم نفس
وبما ان الفصل مشترك علم نفس واقتصاد واحصاء
والاغلبيه اخدين علم نفس فمكتوب فى الجدول علم نفس مش اقتصاد واحصاء
مش ده المهم
الموضوع وما فيه
ان مدرسه علم النفس طلبت منى اشوف استاذ يعطى لنا حصه اقتصاد ( هى حاجه غريبه طبعا انى ادور ع مدرس ) لكن هو ده اللى حصل وانا وافقت بس عشان كنت عاوزه استاذ معين هو اللى يعطى لنا الماده
خرجت من فصلى اسال ع المدرس ده مش لقيته رجعت الفصل تانى
لقيت المدرسه دى بتقول شوفوا حد تانى
ويللا اطلعوا برا عاوزه اشرح حصتى
انا سمعت كلمه اطلعوا برا دى ومش قدرت اسكت رديت عليها بكل احترام طبعا انى مش مفروض اطلع برا فصلى وادور ع المدرس واطلب منه انه يتكرم ويتفضل مبجلا يعطى لنا حصه ;)( مفروض كل مدرس عارف جدوله )
كررت نفس الكلام
وانا رديت بنفس المنطق
تخيلوا قالت ايه ؟
قالتلى مش هعرف اشرح :006et4:والفصل كبير كده ( مع ان احنا فى اول اسبوع وكل اللى فى الفصل 20 طالبه منهم تقريبا 7 اقتصاد واحصاء )
وع نفس الريتم
هى تقول نفس الكلام وانا ارد بنفس منطقى ( مع الالتزام بادب الحوار طبعاااا )
فوجئت انها بتعلى صوتها بشكل مرعب :mad:
مش كان قدامى غير انى اسيب الفصل وادور ع المشرف وبمجرد ما عرف منى اللى حصل اتعامل بذوق جدااا ووفر لنا فصل ومدرسه اقتصاد


طب مش كان ممكن من الاول مدرسه علم النفس تسال المشرف ع مدرس بدل ما تضيع علينا حصه ولا الاهم عندها انها تطلعنا برا الفصل ومش مشكله بقى نتمشى فى المدرسه او نقعد فى الملعب ؟؟؟!!!



ايه اللى حصل فى المدارس
هو بقى دور المدرسه دى وغيرها انهم يكونوا فى المدرسه عشان مش يتسجلوا غياب وموضوع انهم يشرحوا ويفيدوا الطلاب بالعلم بقى موضوع ثانوى
اكيد كل المدرسين يعرفوا ان ( العلماء ورثه الانبياء ) ولا حد ليه راى تانى ؟؟؟؟؟؟؟؟؟؟؟

علماء مين اللى ورثة الانبياء الكلام ده كان بيتقال ايام حيان و ابن سينا ^^ داوقتى لازم المدرس يشخط و ينطر فى وش الطالب و همه مصلحته و خلاص !!

كان زمان موضوع المدرسة تبقى كيان واحد

دلوقتي كل مدرس بيشتغل مع نفسه وبس
ولا ليه دعوة بادارة المدرسة ولا بالمدرسة نفسها ولا حتى حيكلمك لو بوظت في المدرسة
كفاية عليه حصته وملهوش دعوة باي حاجة تاني

الا من رحم ربي

وايه علاقة المدرسين بالعلماء !!!!!

فيه كثير من المدرسين ميعرفش هو بيدرس ايه اساسا

هو حافظ شويه كلمتين يرصهم وخلاص

مع العلم برده ان فيه مدرسين فعلا علماء

بس دول اصبحوا قله جدا


ولفت نظري حاجه ازاي تبقي مدرسة علم نفس و بتزعق ف الطلاب دة تناقض غريب

مأخدتش ان العنف لا يورث إلا العنف !!!!

طب تعالى عندنا وشوفى اللى بيحصل والله العظيم انا بروح المدرسة كانى قاعده فى البيت شوية اذاكر وشوية باكل وشوية انام وشوية العب مع اصحابى كانى فى البيت بالظبط هههههههههههههه
نقول ايه بقا هى دى مصر

ههههههههههههههههههههههههههههه

ياريت احنا ذيك يا سمر

دلوقتى بقا عندنا نظام الجد والاجتهاد وربنا:o:o

مش عارفه اشمعنا احنا

ههههههههههههههههههههههههههههههههه

اولاً عندك حق تزعلى ولكن ...
المدرسة ملهاش ان هى تطلعك تدورى على المدرس ... والموضوع ده كان المفروض هى تحله بشكل افضل من كده ..كان المفروض تشوف المشرف او تروح للمدير عشان باقى الفصل ياخد حصته ..
وغير كده احنا بشر هل يا ترى كلنا زى بعض ؟؟ طبعاً انتو عارفين الاجابة ...معنى كلامى ان مش كل المدرسين زى بعض
اينعم اللى حصل ده طبعاً غلط بس انتى اتصرفتى صح
مع تمنياتى بالتفوق والنجاح الدائم

ههههههههههه الجميل فى الموضوع انها كمان مدرسه علم نفس يعنى مفروض تعرف بتتعامل ازاى

وانا والهى مكتوب فى الجدول استاذ س ومحدش دخلنا يدينا تاريخ ومقضينها يعنى عادى ادام فى دروس

متشغليش بالك ... لكن لو مفيش دروس كان كله عمل زيك والهى

تحيا مصر يا شباب ههههههههههههههههههههه

هههههههههههههه

والله انا موش عارفة اضحك ولا ابكي ولا اعمل ايه بالظبط

اولا عندي نقطة ازاي فصل فيه طلاب كل واحد منهم واخد مادة

المفروض اللي واخد مادة معينة يجمعوهم في فصل معين

والله ربنا يستر علينا من اللي بيحصل

هههههههههههههههههههههههههههههة
وهوا دى حاجة تخيلى بقا انا حصلى اية دخلت المدرسة باكرا زى كل مرة مش زى العيال التانين وطبعا كنت دائما بطلع الشنطة وانزل اقف فى الطابور بس وانا طالع لقيت المدير قدامى بيقولى رايح فين قمت قلتلو رايح اودى الشنطة وانزل فقالى لالالالا مفيش طلوع قلتولو انا شرطة تخيلى بقا قالى اية واسمة مديررررررررررر مدير ياناس ياهو قام الراجل المبجل راح قايل كلمة _أ..ا _
طبعا الكلمة سفلة زى المدير بس انا طبعا اتصدمت صدمة غريبة وسر صدمتى انها من المدير يعنى لو كان حد عادى كنت قلت عادى بس من مدير!!!!!!!!!!!!!!!!!!!!!!!!!!!!!!!!! طبعا نظرتلة نظرة مش تمام من فوق لتحت ومشيت وانا بقول هى دى مصر يا عبلة !

ملايكه يا إخواتى
إيه البراءة دى كلها
المشكلة كلها إن انتم لم تتعودوا على الحضور
بكرة تطلع اشاعةانفلونزا الصراصير
وتقضوها فى البيت
المهم نذااااااااااااااااااكررررررررررررررررررررررررررررر ر
وربنا يوفقكم

هههههههههههههههههه

مدرسة

وحشانى اوى الكلمة دي
ههههههههههههههههههههه

عندك حق وهي دي المدارس دلوقتي بس بصراحة مش كل المدرسين كدة في مدرسين صعبين اووي ومدرسين من كتر ما بتحترميهم بتروحي المدرسة عشانهم
وانتي اتصرفتي صح وربنا يوفقق
تقبلي مروري

فعلا عندك حق
انت بتتكلم عن ناس فى اخر سنه فى ثانوى ما بالك بقى باطفال لسه فى ابتدائى وبيتعاملوا بالضرب والصوت العالى
وانا اصلا قبل مدرستى فى اليوم ده كنت فى مدرسه اخويا وهو فى اولى ابتدائى ومش حابب المدرسه من اول يوم بسبب المدرسات اللى بيعلوا صوتهم ع اطفال
وبعد مناقشه طويله مع المدرسه اللى عنده قدرت تستجيب لطلبى بعدم اهانه اطفال بالصوت العالى

للاسف ده بقى واقع المدرسه
لكن فى رايى ان ده عيب من الطالب قبل ما يكون من المدرس
اللى يرضى انه يخرج من فصله يبقى بيشجع المدرس ع كده

انا طبعاااا مش بتكلم بشكل عام ان كل المدرسين بقوا كده
بالعكس فى مدرسين من ابتدائى واعدادى وثانوى اثروا فىا بشكل كبير وبفتكرهم دايما بكل خيـــــــــــر ودايما ع اتصال بيهم واقولك فعلا ان دول فعلا علمااااااء باحترامهم بشخص الطالب اللى بيتعاملوا معاه
وموضوع مدرسه علم نفس وبتزعق فعلا تناقض
والتناقض الاكبر ان بعد ما الحصه انتهت سالت زمايلى عن اسلوب شرحها قالوا كانت حصه دردشه ع الرغم من انها كانت عاوزه تخرجنا عشان تشرح مش تدردش

تعالوا شوفو المدرسة بتاعتى متغيرة 500 درجة هههههههه كل ده عشان داخلة مسابقة الجودة والتميز وفى التزام اما فى الاول كانت سلطة بس نعمل ايه انت فى مصر ام الدنيا

وكده تبقى استفادتى ايه يا سمر من المدرسه
احنا بنقضى فيهاما بين 5 او 6 ساعات فى اليوم
وكمان احنا فى 3 ثانوى يعنى فى امس الحاجه لـ 5 دقايق
يعنى حرام لما الوقت ده يضيع من غير استفاده كامله وحرام لما المدرسين فى مدرستك راضيينيقعدوا من غير شرح !!!!!

هههههههههههه تفرقه عنصريه ماينفعش كده
هههههههههههه
بس مادام فيه التزام يبقى لازم يبقى فيه جد واجتهاد :078111rg3:

طبعا يا مستر مش كل المدرسين زى بعض بس المشكله ان الاغلبيه منهم بقوا بالوصف اللى اتكلمت عليه فى التوبيكـ
ودليل ان فيه مدرسين افاضل ان حضرتك دلوقتى فى التوبيك وبتدين موقف المدرسه وكمان انا قلت ف التوبيك ان المشرف اتصرف بذوووق جدااا وكمان مدرسه الاقتصاد وعدتنى انها هتنتظم بميعاد الحصه وانها اصلا مش كانت تعرف ان فيه فى الفصل بنات اقتصاد
ميرسى لمروك ع الموضوع

طب وليه يا مصطفى مش نستفاد من الدرس والمدرسه
انا بروح المدرسه عشان اراجع فيها ع اللى اخدته من شهر فى الدروس
ولو ماكنتش شغلت بالى كان زمانى فى ملعب المدرسه باكل شيبسى دلوقتى انا طلبت يتشرح لى حصتى واستفدت جدااا

اختلف معاك بشدة العلماء كتييييييييييير بش مش واخدين حقهم للاسف

اكيد انا غلطتى انى روحت اولــــ اسبوع

بس خلى بالك فيه انتظام السنه دى ( بيقولوا كده )

بصى يا جميل
الفصل اصلا شعبه علمى
وفيه طلبه اختاروا ان الماده الادبيه تبقى علم نفس والباقى اقتصاد واحصاء
المدرسه بتتقسم
- علمى علوم ( احياء )
-علمى علوم ( كيمياء)
-علمى رياضه
- ادبى
ميرسى لمروركــــــــــ

ربنا يوفقكم جميعا

بس طبعا مش كل المدرسين كده ربنا يعلم ان فيه ناس كتير مننا بتتعب اوى

وطبعا فيه ناس تكتب الدرس ع السبوره وانقلوا واهم حاجه يبثبتوا انهم شرحوا الدرس

ولكن سيحاسبون جميعا لان الطلاب امانه معهم

المدير وبيقول كده!!!!!!
بس فيه حاجه لفتت نظرى ( حضرتك قلت لو كان حد تانى غير المدير كاان عادى )
معنى كده ايه ؟؟؟؟؟؟
المفروض اننا مكرمين من ربنا سبحانه وتعالى يعنى ما ينفعش مخلوق وعبد لربنا يهين مخلوق ربنا اكرمه
كان المفروض عليكـ تتصرف تصرف تانى ( وباحترام طبعااااااااااااااااا )
ومادام سكتت كده المدير هيكرر نفس الحكايه معاك ومع غيرك

لا طبعا مفيش بشر ملاك احنا كلنا بنغلط انا بتكلم ع موقف بعينه

اقتباس:

ربنا يوفقكم جميعا

يارب ويوفق حضرتك

بكره يا جميل تنتظمى عشان التشديد ده
وبعد كده مش هتقولى كلمه واحشانى خاااااااالص

اكيـــــــــــــــــــــــــد طبعا
انا فعلا السنه اللى فاتت كنت بروح احضر حصص معينه لمدرسين افاضل

تصدقى بقى ان مدرستى فازت بالجوده السنه اللى فاتت
تقريبا عشان شكلها الخارجى جديــــــــــــد لسه

وده السبب اننا لسه من الدول الناميه
ع الرغم ان الطفل المصرى من اذكى الاطفال فى العالم
لكن الظروف المهياه بتنفى الابداع

اكيد طبعا
العلم امانه
ورساله راقيه
وربنا يقدر حضرتك ع تاديتها ع اكمل وجه

ربنا يوفقكم

كلااااااااااااااااام كبير

هههههه مدا الطبيعي

انا مدرستي وبلا فخر مفيهاش ولا مدرس فلسفه ولا تاريخ هههههه والمادتين دول عليا السنه دي ومش عارف اعمل ايه
والمشكله انا ماخد الفلسفه قولت اذاكرها في البيت وافهم شويه من المدرسه
شكلها كده خربانه ولا هفهم هنا ولا هنا
ربنا يخليلنا زكي بدردررررردرر ويخليلنا مصر

اميـــــــــــــن


حضرتك تقصد ايه من الجملــــــله دى ؟!!!!!

احم
مدرسه مش فيها مدرس فلسفه او تاريخ
لا مدرستنا ارحمـــــــــــــــــــــــــــــــــــ
طيب وايه اخبار الدروس
كلــــ الطلبه دلوقتى بتاخد دروس فى كل المواد

مقدرش اقول غير
وا مدرستاه ... وا فصلاه

عبد المأمور بقى
المفروض اننا كنا نعترض ونقول للمدرس مش عاجبك اطلع انت يعني ؟
اكيد حنسمع الكلام
كنت غلبان انا زمان :d

كلنا عباد الله
مش عبد المامور
ومش شرط ان المدرسه قالت اطلعوا بره يبقى سمعا وطـــــــــــاعه حتى ولو فى الموضوع ده اهانه ليك
لان لما تطردنى من الفصل بدون وجه حق يبقى كده اهانه ليا ولازم ادافع عن موقفى ده

لا عااادى لانى للاسف تعودت على سماع الشتائم المختلفة والمتنوعة بالطبع ليست لى ولكن لزملاء طبعا اذانى اطربت من الشتائم من نوعية ابن .................... وغيرها من الشتائم من المدرسين ومنهم مدرس علم نفس للاسف كل ما عيل يسال يسخر منة بطريقة جنسية فجة جدا داخل الفصل للاسف الناس حولى بتضحك بس انا شايفها قلة ذوق وادب وكمان داخل الفصل :( تبقى وقاحة زايدة عن اللزوم بس دة ميمنعش انة يوجد نسبة محترمة كبيرة منهم بس للاسف بيندثرو كل شوية وطبعا ان كنت فاكر ان الموضوع دة للمدرسين بس انما المدير كمان دى المصيبة خاصة انة ليل نهار يقولنا انة رب الاسرة المدرسية واننا اسرة مع بعضينا والكلام الاخوى دة كل صباح طبعا انا لما بسمع منة الكلام دة يتردد فى ذهنى المثل القائل ( اذا كان رب الدف بالبيت ضاربا .......................)

:039uw8:

الحمد لله انا معرفش شكل المدرسه بقى ايه دلوقت ومش عايزة اعرف
كفاية حفظت الشوارع ركن ركن ورصيف رصيف من كتر الدروس
ادعولنا بالتوفيق