نتيجة وتحويل مستنفذى الرغبات من الشهادات المعادله
 

الف مبروك النهاردة(الخميس) بانت نتيجة مستنفذى الرغبات فى مكتب التنسيق وفتحوا باب التحويل لهم وفى ناس راحت حولت النهارده بحواله بريديه ووصل تسليم الملف والنتيجة بعد ثلاثة ايام بس اكيد مقبول ان شاء الله
. وقيل ان مصاريف التحويل فى حدود من3000 الى 5000الاف جنيه والله اعلم .
فياريت كل مستنفذى الرغبات يروحوا يو م السبت وياخدوا مبلغ من المال كافى علشان يرسلوه بحواله بريديه لوزارة التعليم العالى وفى مكتب بريد جنب الجامعه ممكن يرسلوها منه .
وبالتوفيق للجميع

ظهر

دي تبقى مصيبة

جبت الخبر ده منيييييييييييييييييييييييييييييييييييين

مصيبه ليه بس دا كلام موثوق منه ومفيش مشاكل خالص دا انتى تفرحى

مممممممممممممممممم


اللي ظهرت ع النت دي النتيجة القديمة زي ماهي

لكن النتيجة ظهرت ف مكتب التنسيق بس



فياريت كل مستنفذى الرغبات يروحوا يو م السبت من غير مايستنوا نتيجه على النت

كده يبقى خلاص مش مصيبة

خير ان شاء الله
ربنا ييسر

طب الخبر ده جبتوه منين ؟؟؟
و مالكم متاكدين اوي كده ؟؟؟


و انا سائل قبل كده و قالولي انها هتظهر على النت


طب بكره الجمعة فاتحين مكتب التنسيق ؟؟؟؟

ولا لازم السبت ؟؟؟

ماينفعش بكرة لسبب ان بكرة الجمعه ومكتب البريد مغلق
هو فعلا ممكن النتيجه ممكن تظهر على النت وانتم تروحوا بعد ما تظهر . بس انا بطمنكم كلكم ان المستفذ اتقبل ترشيحه بس فى حدود مجموعه الاعتبارى واللى عايز يحول التحويل مسموح به بس بالفلوس .اطمئنوا كلكم ومفيش داعى للقلق ان شاء الله

طب حضرتك عرفت الخبر و الحاجات دي كلها منين يا لئيم
هههههههه


انا كل اللي حصلي النهاردة ان موقع التنسيق بتاع الحكومة المصرية مكنش بيفتح و لما فتح لقيت اسمي اتحذف من ورقة الترشيح و الجملة بتاعت استنفاذ رغباتي اتحذفت هيه كمان


و فتحت موقع التنسيق بعديها بنص ساعة او ساعة كده لقيت كل حاجة رجعت لأصلها
اسمي رجع في بطاقة الترشيح و جملة استنفاذ الرغبات رجعت

يا أستاذ عبد الهادي انت عرفت الخبر ده منين ؟؟؟؟؟

معلش انا مش فااااهم اي حاجة أنا كنت في اخبار اليوم و بعدين حولت لمعهد في دمباط وهم قالو ان النتيجة بعد 10 تيام هتوصل على العنوان ده على حد علمي ......................... ( مش فاهم اي حاااااااجة ) ممكن بعد توضح اكتر
وانا من الشهادات المعادلة

مظنش خالص ان ده هيحصل

لازم تروح كده كده مكتب التنسيق تتاكد بنفسك عشان في ناس قالت ان نتيجة التحويل هتيجي بيتك و ناس قالت ان نتيجة التحويل هتجيلك رسالة على موبايلك كل واحد بيقول اللي على مزاجه لازم كده كده تروح مكتب التنسيق

زي ما كلنا هنروح ان شاء الله

يعني دلوقتي أعرف ازاي انه التحويل اتقبل ولا لأ
يا جماعة حد يفهمنا الموضوع...

كل الشكر للأستاذ عبد الهادى ، جزاك الله خيرًا

يا محمد انت تروح مكتب التنسيق اللي في الجيزة و تسأل هناك على تحويلك و هيقولولك لو اتقبلت ولا متقبلتش و ان شاء الله خير و هتلاقي زي حالاتك كتير عند مكتب التنسيق

مش هما قالو ان النتيجة هتظهر عالنت؟ و هل انت رحت بنفسك و سألت؟

يعني نتيجة التحويل اكيد ظهرت..لأني من المحلة...واعتقد هيكون ده رابع مشوار لجامعة القاهرة اروحه السنة دي..وخايف لو رحت يقولولي النتيجة لسة مظهرتش ، وأكون رحت مشوار عل فاضي وضيعت على نفسي المحاضرات

ياااااااااربي

هو كمان ممكن التحويل ما يتقبلش


مش قلتلكو غطوني وصوتو

يا هنا انتي مش استنفاذ
بتتكلمي عن التحويل ليه


و بعدين يا رجاله لازم كده كده تروح القاهرة

ما هما قالولي برضو انها هتظهر على النت و ده محصلش

هوه كل واحد بيطلع من دماغه معاد و على مزاجه

واضح كده انها مش هتظهر على النت و كده كده مش هينفع تقعد في بيتك تستنى نتيجتك عشان احنا في مصر و كمان شهادة معادلة


منا من المنصورة
انت محسسني اننا عايش في القاهرة


ان شاء الله نروح السبت كلنا و عوضنا على الله و نشوف النتيجة ظهرت ولا لسه بس أظن انها ظهرت

حتى لو مظهرتش نعرف معاد ظهور النتيجة و ربنا يسهل



بس انا كلمت واحد شغال في التنسيق و قالي ان النتيجة ظهرت و نعرفها من مكتب التنسيق يوم السبت و مش هتظهر على النت

ده اللي قالهولي بالحرف