|
هل فعلآ نحن جيل فاااااشل؟!!
السلام عليكم ورحمه الله وبركاتهـ موضوع اعجبني ويشغل تفكير اغلبنا هـل نـحـن جـيل فــآشـل ؟ سؤال نطرحة اليوم علي الجميع لكي نري هل نحن جيل فاشل كما يراينا ابائنا؟ لان الكـثـير مـن أهــالينا هـذه الأيــام يـعتـبروننـا جيـل فــاشـل .. وانـه الزمـان تغــير ولـيس مـثل مــا كــان علـيه ايامهم وأننــا لا نقــدر عـلى تحـمل أي مسـؤوليــه واننا جيل نت وأنـه زمـن الاتكـال علـى الغـير تسـمـعهـم يتـحسـرون عـلى ايــامـهم المــاضيه ويصــفونـنـا ويصـفـون زمــا ننــأ بـأمـور غـريبـه فـهـل نـظرتـهـم صـحيـحــه أم أنهــا جــائره مهما كانت نظرتهم ؟ وهــل هـم دوماً محـقـين فيـمـا يذهـبـون إلـيه ؟ وهـل يخـلـو عصـرنــا مـن كـل شــيء جـميـل لهـذه الـدرجـة التـي يرونـها ؟ اريـد ان اسـمـع ارائكـم بعــقــلانــيه دون تعـصـب لـزمــاننا هذا هـل فعـلا نـحن جيــل فأشــــــــــل !! ؟ اريد سماع ارئكم ^_^ تحياتي .. |
أنـــــــــــــا عن نفسى عيلتى كلها بيقولوا أن احنا جيل فاشل من كل النواحى
يعنى من العلم والكورة وحتى الطرب من كل حاجة بس احنا اكيد عارفين أن كل جيل لازم بيبقى غير اللى قبله بس أقدر أقول فى رأيى أن أحنا ( جيل فاشل فعلا) الا عباد الله الصالحين يعنى المتخلق المتعلم ودة بقا قليل اليومين دول شكررررااااااا ع الموضوع |
معتقدش مع احترامى لرأي الجميع اننا جيل فاشل بالعكس
الحمد لله احنا جيل واعى وذكى بس الفرص هى اللى مش مساعدانا بس احنا بجد جيل ذكى ومحتاجين توجيه وتوعيه اكتر تحياتى لحضرتك موضوع جميل جدا جزاك الله خيرا |
كل جيل بيتغير طريقة قياس نجاحه او فشله
احنا لو اعتبرونا جيل فاشل فهايكون علي مقاييسهم هما لكن دلوقت احنا في عصر الانترنت و الكمبيوتر و كل حاجة اتطورت فاللي يقول جيل فاشل لازم يكون شاف ناس من نفس العصر في مكان تاني علشان يقارنا ببيهم تقبل مروري |
مش انتوا بس الجيل اللي فاشل , الجيل اللي قبلكم فاشل والجيل اللي قبله فاشل . دي حقيقة . لكن السبب الحقيقي في الفشل ده مش انتوا ولا الجيل اللي قبلكم ولا الجيل اللي قبله . الأجيال الثلاثة اتظلمت وما تزال تظلم . لا يوجد عمل أو وظائف سواء كانت مناسبة أو غير مناسبة , أزمة اسكان كبيرة جدا جدا , كارثة في المواصلات , فساد في كل مجال , عنوسة متزايدة , ملهيات كثيرة , اغراءات لا حدود لها مع قصر اليد والحيلة , انعدام الدفء الأسري , ..... . وبعد كل ده عايزة أي جيل منهم يبقي ناجح !!!! طيب ازاي؟!!!!!!!!!!!!!!!!!!!!!
|
احنا جيل فاشل بالنسبة ليهم دائما
و ده لانننا اتولدنا في زمن غير اللي هم كانوا فيه كان زمنهم لا فيه كمبيوتر و لا تلفزيون ولا اي حاجة او كانت موجودة عند اغنياء الناس كان زمان مهتمين بالارض و كانوا بيشغلوا عقلهم في كل حاجة عشان مفيش تكنولوجيا كانوا زمان عيشتهم في القرى انما احنا اتفرض علينا اننا اتولدنا في تكنولولجيا هائلة علمتنا منعتمدش على عقلنا كتير و نكون كسلانين الخلاصة كل جيل شايف اللي بعده انه فاشل كل جيل شايف زمنه صح و اللي بعده غلط و بدل ما كل واحد يقول علينا جيل فاشل الاولى انه يقول احنا جيل فاشل ليه و الجيل الفاشل ده مين رباه اساسا |
طيب يا جماعة اللى شايف اننا فعلا جيل فاشل
يا ريت يقول نعمل ايهعشان نبقى ناجحين انا رايى ان احنا كمان السبب فى دة يعنى كل حاجة متوفرة لينا دلوقتى عنطريق النت لكننا مع الاسف مش بنستخدمه الا للتفاهات وبس طبعا مش كل الناس |
عايز تبقي شخص ناجح في الزمن ده عليك بالأتي :-
1- الكوسة يعني الواسطة . 2- النفاق 3- شطب كلمة حرام من قاموس حياتك 4- تسيب البلد دي وتشوف بلد بتفهم وتقدر الناس كويس " مش سهل انك تسافر " 5- اربط الحمار مكان ما يقول صاحبه 6- طبل وزمر مع الرايجة 7- مصلحتك ثم مصلحتك ثم مصلحتك 8- اعكس مفاهيم الصح والخطأ 9- حذف كلمة ضمير نهائياً 10- للفتيات فقط .................... طبعاً مفهومة . الوصايا العشر للنجاح في الدنيا . لكن جهنم وبئس المصير في الآخرة . " إلا إذا سافرت يبقي فيه كلام تاني" . |
اقتباس:
بالنسبة لبلدنا عند حضرتك حق لكن لو اتخيلنا ان كل واحد فينا (احنا الشباب) عمل اللى عليه يعنى ذاكر بجد ودور على شغل بجد ورضا ربنا بجد وحط هدف لحياته يسعى ليه تتخيل انه كان هيتقال علينا جيل فاشل |
انا مع سمر فى رايها احنا جيل ذكى جدا
بس الفرص مش مساعده وظروف الحياة وحشه اوى تسلم ع الموضوع |
جزاكى الله خيرا ياحبيبتى عالرد
ورايك احترمه |
اقتباس:
|
اقتباس:
والشباب اللى بيقلدة والناس اللى بتسيب مصالحها عشان تتفرج على ماتش مكنش اخذ ملايين والممثلين شايفين نسخ مكررة منهم مليون مرة فى الشارع والناس بتسيب العبادة فى شهر رمضان عشان تتفرج عليهم والمذيعين لو كانوا مش شايفين اقبال على الكلام الفاضى دة عمرهم ماكانوا هيعملوه والراقصات الطلب عليهم زاد جداااااااااااا فى الافراح يعنى هم لو كانوا مش لاقيين حد يتفرج عليهم مكنوش هيشتغلوا |
باذن الله نحن جيل تحرير المسجد الاقصى
|
ان شاء الله يارب
|
هو البلد باظت على ايد مين ؟ الجيل بتاعنا ولا بتاعهم ؟
البلد بقت مليانة كوسة ورشوة .... جيلنا احنا ولا جيل المسؤولين علينا ؟ البلد بقى تعليمها زفت .... جيلنا اللى حط المنهج ولا جيلهم ؟ فلسطين استعمرت ... في عهد جيلنا ولا في عهد جيلهم ؟ وبعدين لو جينا نتكلم على الفن والكورة سيبك من الفن عشان كل واحد بيقتنع بفنانين جيله :d الكورة شوفو منتخب جيلنا الحالي قدم كام انجاز لمصر ... عملوها الجيل السابق ؟ احنا مش جيل فاشل احنا جيل اتوجد في مجتمع فاسد |
نحن جيل فاشل إذا لم نتمسك بكتاااب الله عز وجل وسنة رسوله فإن فيهما الصلاح والنجااااااح ولكننا غافلين عنهما .
" وقال الرسول يارب ان قومى اتخذوا هذا القرآن مهجورا " صدق الله العظيم |
اقتباس:
لكن معظم الحاجات الغلط اللى فى مجتمعنا فى ايدينا اننا نغيره لكن احنا اللى مش عايزين |
اقتباس:
انجاز ايه ؟؟؟ الكورة بقت انجاز حضرتك سمعت عن بروتوكولات حكماء صهيون هم مجموعة من البنود وضعوها وقالوا لو عملناها يبقى خلاص انتصرنا على المسلمين للابد منها الهاء شباب المسلمين بالكورة انا كطالب أو مدرس أو عامل الكورة هتعملى ايه ؟.؟ حتى لو أخدنا كاس العالم يا أستاذى شباب مصر زعلوا اما الجزائر غلبتهم اكتر ما زعلوا عن اللى حصل فى غزة |
طيب ياجماعة
الناس اللى بتقول ان المجتمع هو اللى فاسد المجتمع ايه غير شوية بنى ادمين بيتحكموا فيه؟؟ احنا يعنى يعنى احنا فى ايدنا نغير مش نرمى العيب على الزمن |
اقتباس:
كلام صحيح ان الله لا يغير ما بقوم حتى يغروا ما بأنفسهم واللى يوقو هو احنا هنغير الكون ؟؟؟ أقوله ايوة هنغير الكون والله هنغيره |
Y
E S :av4056bb7jp3: |
اقتباس:
انا بتكلم عن انجازات الجيل الحالي والسابق في مختلف المجالات في الموضوع جاب سيرة الكورة فبقوله حتى الكورة هما مكانوش احسن مننا فيها بتكلم على فريق الكورة نفسه كشباب كجيل حالي مش من المهووسين بالفريق ويتعصبون له بطريقة غير عادي وخلاص سبت ردي كله وعجبتك دي :d |
موضوع جامد جدا
وكويس اوى انك اتكلمت فيه وناقشناه كتير احنا جيل فينا الفاشل وفينا الصالح وانا بصراحة او اتكملت مش هخلص لانى اانا على اخرى من اللى بيجرى بس رايى ممكن تشوفوه هنا بعد اذنكم لان العيب مش فينا احنا العيب عيب مين؟ العيب عيب مين 2 ( بنظرة جديدة) |
الأخ مشرف القسم العام / جيل كورة ايه اللي عمل انجاز لمصر؟!! هي الكورة أو الفن بيعملوا انجازات للدولة والشعب؟!! كانت البرازيل أصبحت من أعظم دول العالم . وهل أمريكا تتقدم علي العالم بسبب السينما؟!! أنا لما ضربت مثل بلاعبي الكرة والفنانين قصدت منه توضيح لبعض النماذج التي يمهد ويفرش لها طريق النجاح . وبعدين أنا قلت ان جيلكم واللي قبله واللي قبله فاشلين , ولكن العيب مش في الجيل . يا ريت تقرأ كلامي السابق كويس وبتأني . علي فكرة أنا بحب الكورة جدا جدا وأعتقد كنت لاعب كويس كمان لكن النصيب بقي . يا ريت نعيد نظر في مفهومنا للإنجازات .
|
اقتباس:
ايوه انا بعتبرها انجازات الكورة تقدر تقول هي الشيء الوحيد اللى رفع اسم قدام العالم كله حتى ولو كانت مجرد رياضة بس يكفي اننا تصدرنا القايمة مرة في حياتنا ... او مرات في حين اننا في جميع المجالات الاخرى في مؤخرة الدول دائماً وعلى فكرة رد اصلاً مقارنة بين جيلنا والجيل السابق لو حتحكم على ردي يبقى كلمني عن منتخب دلوقتي وفرق زمان (عن نفس معرفش عنها كتير !) |
يااااااه الكلمة دى الاهالى بيقولوها كتير اوى المفروض تتعمل اغنية :p:p
احنا جيل مش فاشل ويقدر يتحمل المسئولية صحيح بنشوف الشباب والبنات بيتصرفوا بطريقة غريبة يقولوا ده جيل فاشل هما عايزينا نعيش فى العصر الحجرى :p:p احنا فى عصر السرعة والتكنولوجيا والابتكار قال علي بن أبي طالب كرم الله وجه ربوا اولادكم لزمنهم ولا تربوهم لزمنكم والكلمة دى بتكرر دول ميقدروش يتحملوا المسئولية هما اه طايشين فى السن ده بس لما يكبروا يعقلوا واكيد اجدادنا قالوا كلمة فاشل لاولادهم وكلمة دى هتتكرر على طول وعلى مر الاجيال :p:p:p |
اقتباس:
جيلنا عمل انجازات كويسة عن الجيل السابق بس موصلناش يعنى للعالمية :(:( ولازم التقدم فى كل المجالات المفيدة مش الافلام والاغانى |
اعتقد ان كل جيل جديد بيكون اسوأ من اللي قبله (في كل النواحي)
بس بردوا فيه بعض الايجابيات عشان ما اظلمش الجيل ده (بس هيه قليله ) وشكرا على الموضوع الجميل |
لو تلاحظوا اهتمامات الشباب والبنات اليومين دول الكورة الموسيقى الااني الممثلين الافلام الحب الروشنه النيو عك او النيو لوك
النت المواقع ال......... معروفه طبعا ...الخ) مفيش اهتام بالعلم ولا بالدين قليل قوي لما لاقي شاب مثقف الا من رحم ربي زمان كان كل اهتامهم بالعلوم المفيده وازاي يبقوا اناس صالحين ومفيدين بس للاسف الغرب قدر يأثر على عقولنا عشان يخلينا متخلفين وهما يتقدموا مع ان احنا اصحاب الحضاره والعلم في الاصل |
انا بس نفسى أعرف كورة ايه اللى طالعين فيها دى
اتظن انها تستاهل كل التعصب والوقت دة والله لو ماتش المنتخب رايح يقول مع صلاة العشا والله المسجد بيبقى فاضى أكن يبقى اهتمام الشباب ازاى اللاعب يحط كرة بلاستيك بين 3 خشبات أكن مش لازم طاقة الشباب تستغل فى حاجة أفضل أكن حرب تقوم بين بلدين شقيقين وتقول كورة موجه دخل فصلى وقف واحد قاله يا اما تقولى 10 لعيبة فى منتخب البرازيل يااما تقولى سورة الفاتحة قالوا 10 بس ؟؟ جابلوا أكتر من 10 بكتير حضرتك عايز شباب بالاهتمامات دى يعمل حاجة لامته ووطنه طب تقول ايه على الشباب اللى كانوا رهبان الليل فرسان النهار وهم فى سن السابعة يتعاركون على الخروج للجهاد مع النبى تقول ايه على محمد الفاتح اللى فتح القسطنطينة وهو فى سن العشرين علشان سمع ان خير القائد من يفتحها اتمنى انه يكون هو خير القائد تقول ايه على الصحابة اللى أسلموا فى سن الخامسة عشر من عمره امثال سعد بن أبى وقاص رغم كفر أهلهم انت أكيد سمعت عن الارقم بم أبى الارقم اللى كان بيخلى المسلمين يصلوا فى منزله سرا كان سنه 15 سنة قارن بين اهتمامات الاتنين ما سمعتش عن الطفلة التى حفظت القراءن من مصر فى تسعة أشهر وأخذت جائزة عالمية وتعتبر من القلائل على العالم لما لا نذكرها و كيف نلوم المجتمع ونحن أساسا المجتمع اذا كنت تريد تغيير المجتمع فتغير انت غير الاهتمامات لان المرء يعرف باهتماماته |
كلام جمييييييييييييل جدااااا
ووجهة نظرك يا بشمهندس بانزر وضحت وشكرا على التفاعل دة |
انا من رائى اننا لو كنا جيل فاشل ما كان زماننا بنتكلم فى الموضوع ده
لكن ما يجب ان نتناقش فيه هو لماذا يعتبرنا ابائنا جيل فاشل مع انالسلبيات هى هى مى زماننا وزمانهم:039uw8: |
اقتباس:
راى حلو اوى لكن لو تلاحظى نسبة قليلة اوى هى اللى بتتناقش يعنى السلبيات اكتر رايك احترمه ونورتى الموضوع |
اقتباس:
مشكور عالتوبيك تقبلى مرورى |
الأخ / محب الجنة 10 / واضح انك تقرأ جيداً . بارك الله فيك وزادك من فضله . أنا فعلاً مش من الجيل ده ولما ضربت أمثلة علي النماذج اللي الجيل ده بيعتبرها نماذج ناجحة في الكورة والفن وغيرها , وجدت من يدافع عن بعض هذه النماذج ويعتبرها حققت انجازاً لمصر !! وهذا من وجهة نظري يسيء كثيراً لهذا الجيل . فلو اقيمت مسابقة في الغناء وفاز بها مغني أو مغنية من مصر لاعتبرنا هذا انجازاً لمصر أيضاً !!! أتمني من شباب هذا الجيل توضيح وجهة نظرهم فيما يعتبرونه انجازاً . علي فكرة يا ريت الموضوع لا يتحول لما يسمي بصراع الأجيال . أنا أيضاً من جيل فاشل . أكررها مرة أخري " أنا من جيل فاشل"
|
لا مش صراع ولا حاجة
شكرا على المرور العطر وراى حضرتك تماااااام |
انا اسف يا جماعة لو حد كان اتضايق من كلامى
انا أسف بجد وبخص بالاعتذار الاستاذ بانزر |
لاتحد د نظرك فيمن حولك وافتح مداركك ستجد هناك شباب من هذا الجيل
تحمل المسئولية ويصنع المستحيل فمن أين جئت بهذا المفهوم الخاطىء إلا إذا كنت تنظر للجيل على إنه مجرد الاطفال الذى لازال تحت الرعاية والشباب الكسلان الذى يحتاج لمن يسقيه الماء شكرا |
اقتباس:
كلام مظبوط مية فى المية النبى قال ؛ نصرنى الشباب وخذلنى الشيوخ : فالمسؤلية على الشباب كبيرة جدا ومش معقول الرسول يحملنا المسؤلية دى واحنا مش قدها |
اقتباس:
يا جماعة الموضوع مش خناقة عشان نعتذر واعتقد ان البشمهندس بانزر متفهم جدا للراى الاخر |
اقتباس:
حضرتك مغلطتش او اتكلمت في شخصي عشان تعتذر وبإذن الله نظل على توافق كده دايماً ومفيش مشاكل |
ايه يا جماعة خلاص الحوار اتقفل
|
ماشاء الله يادكتوره علي موضيع حضرتك كلها وانا شايفه ان احنا مش جيل فاشل ولاحاجه بس الجيل غير الجيل دلوقتي معظم الشباب بتهتم بالتفهات واي حاجه بتطلع عايزين يقلدوها وخلاص
|
اقتباس:
شكرا ع رد حضرتك يا دكتورة ورايك احترمه |
| جميع الأوقات بتوقيت GMT +2. الساعة الآن 06:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.