دعوة لتغيير التخصص بالاتفاق مع السادة الصحفيين
 

السلام عليكم ورحمة الله وبركاتة
دعوة الى كل معلم مساعد يعمل فى غير تخصصة مع خلال اكبر موقع تعليمى
قطعنا شوطاَ كبيرا فى اجراءات تغيير المسمى الوظيفى وتعديل العقود وتوفيق الاوضاع ومعنا جميع الاوراق والمستندات الخاصة بذلك منذ صدور القرار الوزارى وكمان موافقة الاكاديمية
نحيط علم سيادتكم بانة تم تحديد موعد الثلاثاء 14/9/2010 بعد العيد مباشرة بالاتفاق مع بعض السادة الصحفيين وبعض السادة مقدمى البرامج لمقابلة الوزير شخصيا للمطالبة بالزام المديريات التعليمية بتنفيذ قرار الوزير لتعديل العقود وتوفيق الاوضاع لان التخصص اهم من التعيين ارجو الاهتمام لانها اخر فرصة لنا قبل التعيين والله يا جماعة الموضوع محتاج مشوار واحد لان الوزير اصدر قرار بذلك ويتبقى التنفيذ .
اللقاء امام مقر الوزارة العنوان : هتركب المترو وتنزل محطة سعد زغلول والموعد الساعة 10 صباحا يوم الثلاثاء
ولايضيع حق وراءه مطالب ....... ودة حقنا ولازم ناخده حتى لو وصلنا الى رئيس الجمهورية .
ياريت كل واحد لدية نية للتغيير يكلمنى او حتى يرن فقط وانا اكلمه . عشان نرتب مع بعض ونشوف وجهات النظر
ارجو من السادة المشرفين تثبيت الموضوع للاهمية
leprince_mostafa2010***********

بس ياريت مش تطلع زي الوقفة اللي فاتت بدون ترتيب ونظام

ياجماعة فيه فاكس وصل من الوزير لجميع المديريات التعليمية وبالتالي وصل الادارات التعليمية بتعديل التخصصات بس الادارة هي اللى بتنفذ او بتكبر دماغها وانا الحمد لله كنت متعاقدة مدرس فصل والحمد لله انا احنا غيرنا التخصص واستلمت يوم الخميس 26-8-2010 في المدرسة الثانوي وتخصصي بقي انجليزي ومكتوب بالحرف كده في الجواب بناءا على الفاكس الصادر من الوزير بتغيير التخصص والحمد لله هو بس مطلوب منكم فاكس للوزير باسم الادارة اللى مانعة تنفذ القرار يعني تهديد ثم تنفيذ مش هيجوا غير بكده وربنا يوفقكم

هي الإدارة هي التي تنفذ
ولا السيد الموجه (موجه المادة)

[]ريح نفسك أي شي عايزه الوزير هوه اللي بيتنفذ[

ربنا يسهل
 

:040vk0::039uw8::slap1qk6:

هايل يا استاذ مصطفى
انا بقالى فترة بطالب بتغيير التخصص وعملت موضوع فى المنتدى
وان شاء الله معاك وربنا يكرمنا

فعلا الفاكس ده وصل عندنا فى كفر الشيخ وقامت الادارة بالتغير والتعديل للمسمى الوظيفى من معلم فصل الى التخصص ولكن كنت عاوز اسال هل التعديل ده اجبارى ولا ممكن لو عاوز تفضل معلم فصل زى مانت لان مع التغيير سوف انقل الى مدرسة بعيدة عنى جدا وكمان هيكون فيه امتحان تانى

الله معكم يا اخوة

انا معكم بإذن الله

احنا عندنا فى الفيوم وخصوصا إدارة ابشواى لا يوجد موضوع تعديل التخصص ولا اعرف ما الخطوات اللازمة لهذا التعديل علما بانى امتحنت الكادر والاكاديمية قالت مفيش تعديل

اريد تعديل التخصص ولكن لا استطيع الذهاب للقاهرة لظروف

الله انا برده مدرس عربي عام يعني ( اعدادي أو ثانوي ) لكن لما عملوا العقود كان المتاح عقود في المدارس الابتدائية .
ومازال الوضع كما هو عليه حتى الآن منذ 7 أعوام ولا تغير
مع العلم اني امتحنت الكادر كمعلم لغة عربية للأسف ابتدائي
هل هناك أمل مع العلم ان عندنا في بورسعيد عجز كبير في المراحل الاعدادية والثانوية بشهادة الموجهة العامة للغة العربية في بورسعيد

تمام أوي كده

معاكم ان شاء الله

وفعلا لا يضيع حق وراءه مطالب

وعلى بركة الله توكلنا

هبعتلك بيناتي على الخاص

الفاكس فى المرفقات
بس انا معايا برضو فاكس جه فى اول شهر 8 يلغى التعديل
عموما االاتنين هحطهم فى المرفقات

ممكن سيادتك تقولنا مين الصحفيين والناس اللي معاك وهنعمل اية بالظبط
:022yb4::022yb4::022yb4::022yb4::022yb4::022yb4::0 22yb4::022yb4::022yb4::022yb4::022yb4::022yb4::022 yb4::022yb4::022yb4::022yb4::022yb4:

نفسى بجد والله اغير الى تخصصى وحاولت ولكن الموجه العام بيقول انا لم اراك عندما كنت تتعاقد طيب اعمل ايه؟

ارجو ان يشارك الجميع فى هذه الوقفة
يوم الثلاثاء14/9/2010 الساعة 10 الصبح امام مبنى الوزارة
وخاصة الاخوة المعلمين الذين يعيشون فى القاهرة والجيزة والاماكن القريبة
والله الموفق

بس مش عارف اقول ايه

مشمشكلة ولا يهمني

يا جماعة والله عندنا واحد فى المدرسة حول امبارح من مدؤرس فصل الى دراسات وهو اداب تاريخ بس لسه ممتحنش الكادر يعنى التويل عايز تعب شوية ولام يكون فيه عجز والموجه يمضى على كدة وربنا يوفق الكل يا رب

رغم ان تخصصى مظبوط زى مادة التدريس أرد على حضرتك

الموضوع ده بالنسبة للمدرسين حياة ثانية
ازاى يبقى مدرس معاه ليسانس اداب لغة عربية ودبلومة تربوى ويبقى مدرس فصل
وغيره تخصص دراسات اجتماعية ويشتغل مدرس فصل
وغيره وغيره كثير
حاول تحترم غيرك وتحس بمشكلته مش مجرد انها مش مشكلة بالنسبة ليك تقول انها هيافة

اتمنى من الله ان يتم هذا الامر لانى واقع فى نفس المشكله وزيى هنا فى الدقهليه كتير

انا معاكم اصلا فرنساوى واعمل مكتبات ولسه مش دخلت امتحان الاكادر وخابف امتحن فى المكتبات واتثبت عليه تبقى مصيبه للمكتبات وكمان ليا

الحق نفسك وغير بدرى

ياريت تفيدونا عملتوا أيه امبارح في موضوع تغيير المسمى الوظيفي

مستشلر الوزير بعت فاكسات للمديريات ليتابع قرار الوزير نحو تغيير المسمى الوظيفى من مدرس فصل الى مادة التخصص وبالنسبة للتعيين لسه ومش راضيين يكلموا عن التعيين نهائى يظهر انه هيبقى فعلا مع البرنامج الانتخابى

أنا مشكلتي اني بعيد جدا عن القاهرة ولدي ظروف تمنعني من الحضور
ولكن ارجو ممن ذهبوا ان يطلعونا علي التطورات وهل تم تغيير تخصصاتهم ام لا
وما هي الاجراءات التي تتم لتغيير التخصص..
بصراحة حرام يكون الواحد لمدة 4 سنين بيدرس ويتعلم في تخصص معين ، وبعد ذلك يأتي الجهابذة من مسئولي الادارات والمديريات التعليمية ويجبروه علي تدريس تخصص آخر
ومن هنا أبعث تحية للسيد الوزير علي قراره الحكيم بتغيير التخصص ..ولكن للأسف الإدارة التعليمية لدينا اوقفت تغيير التخصص بحجة وصول نشرة من الأكاديمية تمنع تغيير المسمي الوظيفي.

نفس اللى حصل معانا ومش قادرين نعمل حاجة معاهم
حسبنا الله ونعم الوكيل

ياجماعة النشرة بتتكلم عن مدرس الفصل او اللى بيشتغل فى مجال مختلف تماما عن تخصصه زى زميلنا مدرس اللغة الفرنسية وبيشتغل مكتبات لكن اللى زينا تخصص اعدادى او ثانوى ونزل ابتدائى واضح انه صعب يعدل تخصصه يعنى اخرنا انتداب بواسطة مش اكتر !!!!!!!!!

أرجو من الأخوة الذين قابلوا المسئولين أن يخبرونا بما تم بعد المقابلة وهل أسفرت تلك المقابلات عن نتائج فعلية علي أرض الواقع ..
والله لولا ظروفي وبعدي عن القاهرة لكنت أول الحاضرين ..
ولا يضيع حق وراءه مطالب

للاسف مصر بلد الكوسة بكل انواعها:
ذهبت يوم الاربعاء الموافق 29/9/2010 الى مديرية التربية والتعليم باكتوبر لتغيير تخصصى من م فصل الى علم نفس واحنا الان ندب كلى لتدريس المادة فى الثانوية ورغم ذلك لم يعترفوا بالقرار بتاع الوزير ولا اى حاجة ولا فاهمين حاجة رغم اننى تاكدت من واحد حول
حسبنا الله ونعم الوكيل ما العمل مع هؤلاء الاغمار

السلام عليكم
في المنيا الادارة عيازة موافقة المحافظ لتسلمنا العمل في تدريس اللغة الانجليزية ( والله عقودنا لغة انجليزية ) والمحافظ مش عارفه اقول ايه مش معبرنا يارب زهقنا من كل الزن ( عقود 1/10/2009 ) بعدنا استلمت والسنة دي فيه الحصة ( 24) حصة
الرجاء من الحول واستلم وبيشتغل يتواصل معي عن طريق الاميل لمعرفة ماذا فعل hhhh_05050*********** (احنا سو نستعين بمحامي كبير ) حسبى الله ونعم الوكيل .

عارفة إن الموضوع قديم بس جديد بالنسبة لنا
 

[QUOTE=leprince2010;2622320]السلام عليكم ورحمة الله وبركاتة
دعوة الى كل معلم مساعد يعمل فى غير تخصصة مع خلال اكبر موقع تعليمى
قطعنا شوطاَ كبيرا فى اجراءات تغيير المسمى الوظيفى وتعديل العقود وتوفيق الاوضاع ومعنا جميع الاوراق والمستندات الخاصة بذلك منذ صدور القرار الوزارى وكمان موافقة الاكاديمية
نحيط علم سيادتكم بانة تم تحديد موعد الثلاثاء 14/9/2010 بعد العيد مباشرة بالاتفاق مع بعض السادة الصحفيين وبعض السادة مقدمى البرامج لمقابلة الوزير شخصيا للمطالبة بالزام المديريات التعليمية بتنفيذ قرار الوزير لتعديل العقود وتوفيق الاوضاع لان التخصص اهم من التعيين ارجو الاهتمام لانها اخر فرصة لنا قبل التعيين والله يا جماعة الموضوع محتاج مشوار واحد لان الوزير اصدر قرار بذلك ويتبقى التنفيذ .

لو سمحتم ياجماعة أنا عاوزة القرار ده ضرورى أنا عارفة إنه كان أيام زكى بدر بس القرارات باقية. احنا تعاقدنا على تخصصات مش بتاعتنا وخايفين نتعين على أساسها والموضوع يكون أصعب يارب اللى كان معلم مساعد وقدر يغير تخصصه يفيدنا ولكم جزيل الشكر.