|
فرسان الملك آرثر + تحديد رواتب المهندسين
ملحوظه/ اللغز الثانى يحتاج الى دارس رياضه 2
اللغز الاول / فرسان الملك آرثر أعتقد ان هواة الأفلام السينمائية شافوا كثير من الأفلام عن الملك آرثر ملك انجلترا... اللي ما اتقالش عن الملك آرثر انه كان مفتري و بيسرق الفرسان بتوعه و لا حد يقدر يكلمه.. ما هو ملك... في يوم من الأيام كان آرثر جالس هو و مجموعة من فرسانه حول الطاولة الدائرية الشهيرة... و كانت الفلوس اللي مع آرثر أكثر بجنيه من الفارس اللي على شماله... و الفارس ده فلوسه تزيد بجنيه عن اللي على شماله... و هكذا... آرثر حب يقشط فرسانه... فاقترح لعبة مضمونها انه يدي جنيه للي على شماله... و اللي على شمال آرثر بدوره هيدي جنيهين للي على شماله.. و ده هيدي 3 جنيه للي على شماله... و هكذا... و تستمر اللعبة حتى يفلس واحد من اللي جالسين حول الطاولة... و بنهاية اللعبة كان مع آرثر أربعة أضعاف الفارس اللي على شماله... السؤال/ كم فارس كان مع آرثر... و كم المبلغ اللي كان مع افقر الفرسان في البداية؟ ================================================== ======== اللغز الثانى / تحديد رواتب المهندسين فى احد الايام ذهبت الى شركه عمى .. وكان ذلك اليوم هو يوم اختيار مهندسين جدد للعمل بالشركه... وعندما ذهبت وجدت عمى بالفعل اختار 5 مهندسين للعمل بالشركه.... لكن عمى كان عنده مشكله .. ان كل مهندس فيهم طالب مرتب كبير مما يهز رأس مال الشركه ..... فعرضت عليه عرض وقلتله دخلى المهندسين وانا هتصرف معاهم يا عمى ...وبالفعل دخلى عمى المندسين من غير حتى ما يعرف ايه الى فى دماغى ( اصلى عمى بيثق فيا قوى ).... المهم .. دخلى الخمس مهندسين وكان الحوار كالتالى .... قولتلهم بصوا يا باش مهندسين انتم دلوقتى عندكم مثلث قائم متساوى الساقين طول ضلع القايمه بتاعته =1 وبالتالى فأن طول الوتر ( جذر 2).... ان عايزكم تجيبولى اقصر خط مستقيم يقسم المثلث ده الى نصفين متساويين فى المساحه .... الى هيجيبلى اقصر طول ممكن... هديله المرتب الى هو عايزه ... وكل ما يزيد الرقم الى هتجيبه عن الرقم السليم كل ما هيقل مرتبك السؤال / ما اقصر طول يستطيع ان يضمن به المهندس مرتبه المطلوب معلومات ليست ذات صله ==> مهندس واحد بس هو الى قدر يجيب اقل طول ممكن ... بس الجدير بالذكر ان احد المهندسين خريج هندسه عين شمس .. بتقدير " جيد جداً " قام قسملى المثلث نصين من عند القايمه عمودى على الوتر ...... وعندما سالته انتا ليه فكرت كده ... قالى ببلاهه ( اصلى انا ما بهمش فى الحاجات ده انا مهندس مكانيكا )... بالطبع تم استبعاده نهائياً .... :) ================================================== تحياتى :) |
السؤال التانى ده أنت قولتهولى زمان تقريبًا
بس أنا مش فاكر حتى حليته و لا لأ هههه السؤال ده هحله إن شاء الله |
اقتباس:
ممم .. هو انتا تعرف عمى ... هههههه منتظرك حلك عبده تحياتى :) |
بالراحه شويه علينا يا مينا
الواحد مش ملاحق يحل ايه ولا ايه انت زعلان مننا ولا ايه ياعم :d |
هههه ماشى يا هندسة
حل السؤال الأول فرسان آرثر 6 ، أفقر واحد كان معاه 2 جنيه استرلينى ( الطريقة ليك يا بشمهندس ده لو طلع الحل صح ^_* ) معلومة ليست ذات صله ==> فى درس النحو كانوا بيقولولنا اللى بيقول اتنين برتقالة ، و اتنين تفاحة يبقى خواجه فـ فى مرة عملت نفسى فلحوص أستاذ على كده كلنا خواجات ازاى ؟! مش لما بتشترى حاجة بتقول عايز ب ( اتنين جنيه ) لب ههههه بس محدش خد باله من الدرس أنا و هو اللى ضحكنا جارى البحث على حل غير تقليدى لنمرة 2 يا معين |
اقتباس:
جنيه استرلينى ... هههههه اللغز الاول تمام ... منتظر طريقه الحل |
الملك معاه x
شماله x-1 بعد النصباية الملك x+ny حيث n عدد اللفات y عدد فرسانه اللى استغفلهم اللى على شماله معاه x-1-n فى المعطيات مدينا معادلة الأربع أمثال المعادلة التانية بقى المفلس صفر اللى قبله 1 و هكذا لحد اللى على شمال آرثر هيبقى معاه y-1 و المعادلة التالتة بالتجريب 1 ، 2 ، .................... و نحل المعادلات |
ممكن نجيب المعادلة التانية
x-y مع أفقر فارس يبقى اللى معاه بعد النصباية x-y-n= صفر بحاله |
اقتباس:
سعيد بتواجدك اخى احمد دائماً شكراً لك |
اقتباس:
طب ايه الى خلاك تعتمد ان عدد اللفات 2 ؟! هل فيه حاجه ارشدتك على كده ... ؟! على العموم اسلوب التجريب جميل برده ... بس لو فيه حاجه ارشدتك لكه ... قولها حل اللغز الاول من نصيب abdelRhman772007 |
لأ بجرب واحد اتنين تلاتة لحد ما أحصل على أعداد صحيحة
اكنى بلف معاه على المائدة المستديرة |
انت مستعجل كده ليه بس يا عبد الرحمن
طيب كنت تحاول في الاصعب ياراجل لغايه لما افضي ولا حاجه :d |
هههه ما انا عرضت عليك تقول الطريقة أنت
بس معبرتش خالص عمومًا حاول فى الاتنين الباقيين و الواحد منهم باللى جاوبته كله عشان الصعوبة بالتوفيق :) |
ابدا والله انا مرفضتش اقول الطريقه
بس هي صعب تتكتب زي مقولت وبعدين انا نزلتها اساسا الصبح تقريبا بس لو قريتها هتلاقيني مش عارف اشرح حاجه لانها طويله اوي ورخمه يعني وعموما هو فاضل اتنين كمان غير الاتنين دول فيه لغز الكلب اللي بيلف حوالين الجنود ولغز المستطيل والمربع فيه لسه حاجات كتير يعني مستنياك :d |
المهم فين بقى ااقصر طول يستطيع ان يضمن به المهندس مرتبه المطلوب
ده اللى عاوزة اعرفه منتظرااااااااااااه |
اول حاجة نجيب نقطة تفاطع متوسطات المثلث و من النقطة ديه اي مستقيم يمر بها منصف للمثلث و نشوف اقصر مستقيم يمر بالنقطة ديه
|
عن نفسى جربت كذا طريقة و بيدونى نفس الناتج
و أدينا مستنين بس بما إن السؤال من رياضة 2 حد يجرب القيمة الصغرى بالاشتقاق يمكن يطلع حاجة أقل |
انا عن نفسي مدرستش رياضة 2 ولا 1 حتي
|
انا مش فاهم اللغز التانى
|
اه معلش قرات من الاخر ومقراتش اللغز اصلا ههههههههههههه
|
هل اقصر طول 1 / جذر 2
انا كنت منتظر انى افاضل بس محصلش نصيب هههههههههههههههه يمكن اكون نسيت التطبيقات |
اقتباس:
اقتباس:
اهلاً بكم انتو بتتعزموا مين يحط الطريقه ..... ؟ ماشى ماشى ... :d:d:d |
اقتباس:
اهلاً بك عزيزى ... طريقه جميله ... بس بما انك لم تصل الى الرياضه 2 ممكن تحاول تحل اى لغز من الالغاز الباقيه الى حططها ... تحياتى :) |
اقتباس:
اهلاً عبده ممكن تورينى اقل رقم وصلت ليه .... وطريقتك .. منتظرك... تحياتى :) |
اقتباس:
اهلاً بك عزيزى ممكن تورينى الطريقه الى وصلت بيها للرقم ده... منتظرك .... تحياتى:) |
معلش نقلت رقم غلط والطول هيبقى 1 معلش وطريقة الحل اهه
http://img265.imageshack.us/img265/2761/64234776.png اذن الطول المطلوب 2 س = 1 |
اقتباس:
حل جميل .... رقم حلو ... بس ده مش اقل رقم حاول تانى تحياتى :) |
اقتباس:
تحياتى :) |
هل اصغر طول يا مينا هو الجذر التربيعي للجذر التربيعي لنص
او بمعني اصح الجذر الرابع لنص اللي هو بيساوي تقريبا يعني 0.8408964153 |
اقتباس:
رقم جميل ... احب اعرف وصلتله ازاى ؟ بس للأسف ده مش اقل رقم .... حاول تانى :) تحياتى |
هو انا عندي كذا تخيل لشكل الخط اللي هيدينا اقصر طول
فحسيتها منطقيا ان اقصر خط اللي هيبقي واصل بين واحد من الساقين والوتر وفرضت س وص زي الرسمه كده http://www2.0zz0.com/2010/09/03/20/214866352.jpg وبعدين قولت مساحه المثلث اللي فوق هتساوي0.5 س ص جا 45=0.5س ص/جذر اتنين=0.25 الربع اللي هو نص مساحه المثلث الكبير بعد كده فرضت ان طول اقصر مستقيم اسمه ع يبقي ع تربيع = س تربيع +ص تربيع-2س ص جتا 45 بعدين جبت ع لوحدها وعوضت عن ص بدلاله س وفاضلت وساويت الناتج بالصفر عشان اجيب اصغر طول وطبعا لو حد هيقولي مين قالك ان التفاضل هيدي اصغر طول مش اكبر طول هقوله ان اكبر طول لانهائي فاكيد التفاضل هيدي اصغر طول المهم طلع اصغر طول 0.84 هل الغلط في الرياضه ولا في الخط؟ |
اقتباس:
تصدق ان الفكره والخطوات صح ... بس الناتج غلط راجع الناتج ...( انتا شكلك نسيت تعوض ب س وص علشان تجيب ع ) بعد ما جبت س و ص عوض فى العلاقه بتاعه قانون الجتا وجيب الناتج بتاع ع |
اقتباس:
هو الحل الصحيح علي ما اعتقد واحد علي جذر اتنين وانا كنت مستني الناتج ده يطلع معايا بصراحه لاني كنت حاسسها كده من ساعه ما في واحد قالها وانت قلتله قول الطريقه بس طلع غلطان في حاجه الغلطه اني المفروض اوصل الخط المستقيم بضلعي القائمه بس مش موازي للوتر زي الرسمه كده http://www12.0zz0.com/2010/09/03/20/784029131.jpg وجربتها دلوقتي طلعت بتساوي واحد علي جذر اتنين كده مظبوط ولا ايه؟ |
المعادلات بالمره عشان يبقي الحل كله
هنقول ان مساحه المثلث الصغير بتساوي0.5س ص وهي بتساوي 0.25 (نص مساحه المثلث كله) بعد كده ع تربيع = س تربيع +ص تربيع ع تربيع =س تربيع +1/4س تربيع ع=جذر (س تربيع +1/4س تربيع) بالتفاضل ونساوي بالصفر 2س -1/2س تكعيب=0 2س=1/2س^3 س^4=1/4 س=جذر اتنين لو صح ابقي اديني عنوان شركه عمك عشان لما اتخرج ابقي اشتغل فيها بقي بالمرتب اللي انا عايزه :d:d:d |
اقتباس:
انا مالى بقا بقيمه س .....انا عايز قيمه ع الى هو اصغر طول ... يعنى انتا حليت السؤال كله ... ووقفت عل ده .. ؟ انتا عايز تشلنى ... |
اقتباس:
لأ كده مش صح .... الحل الاولانى كان صح ... الخط واصل بين الوتر وضلع من القائمه .. |
اقتباس:
اقتباس:
متتخيلش ضحكتني قد ايه اصلك فكرتني بسنين عمري كلها وبالذات في ثانوي لما كنت دايما احل الصعب واغلط في السهل والمدرسين وبالذات مدرس الرياضه يشد في شعره لما احل الحاجات اللي الناس معرفتش تحلها ومقفلش بسبب اني غلط في سؤال سهل :d المهم هو بعد كده بالتعويض في معادله ع هيدينا ان ع بتساوي تقريبا 0.64 وهو اقصر طول كده صح ولا ايه |
اقتباس:
اقصر قيمه ممكنه هى الجذر التربيعى ( جذر2-1) = 0.64 تقريباً حل سليم .. وطريقه سليمه 100% اللغز الثانى من نصيب a7mad3ali |
اللغزين تم حلهم
اللغز الاول من نصيبabdelRhman772007 اللغز الثانى من نصيب a7mad3ali احب ان اشكر كل الاعضاء الذين شاركوا فى الحلول ... اختص بالذكر eng.7oda.petro نلقاكم فى سلسه تانيه بقا على خير .... تحياتى :) |
| جميع الأوقات بتوقيت GMT +2. الساعة الآن 09:21 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.