العروسة الصينية.. هل تصبح الحل لأزمة الزواج في مصر؟
 

http://productnews.link.net/general/...na.bride,m.jpg
- إذا كنت ترغب في الزواج ولا تمتلك إمكانيات مادية.. إذا كنت تجاوزت السن وتخشى أن "يفوتك القطار"؟.. هل تتملكك رغبة متوحشة ويطاردك والكبت؟.. هل تعاني من ارتفاع " المهور " ومغالاة الآباء في متطلباتهم؟.. هل "زهقت " من رغبة "خطيبتك" في امتلاك وشراء كل شيء؟ ..الإجابات علي هذه التساؤلات هي حلول وضعتها الصين لترغيب الشباب في الزواج من صينيات لثبت للجميع أنها تستطيع توفير كل ما يحتاجه العالم وأنها لا تعرف المستحيل.
لوحظ في الفترة الأخيرة انتشار بعض الإعلانات على شبكة الانترنت تروج لعرائس صينية بمواصفات جيدة وبأسعار زهيدة وبدون شروط و متطلبات.. هذه الإعلانات تتكئ على الأزمة التي يعاني منها الشباب في ارتفاع تكاليف الزواج، وتخاطب الغريزة لديهم رافعة شعار " تزوج بأقل التكاليف وبالمواصفات التي تريدها ".
الفكرة في حد ذاتها غريبة على مجتمعنا المصري والمجتمعات الشرقية عموماً لكنها ليست بغريبة على المجتمع الصيني الساعي بقوة لفرض هيمنته على أسواق العالم وأسواق الشرق الأوسط بالخصوص.. السؤال الذي يدور في الأذهان الآن هو إلى أي مدى سينخرط الشباب المصري في هذا التيار ليصبح المجتمع "هجين"،خليط بين الفرعون المصري و النمر الأسيوي ؟ وكيف سيصبح مستقبل الأجيال القادمة في حالة "التطبيع" المصري الصيني؟
مصراوي استطلع أراء الخبراء عما قد يحدث في المجتمع حال انتشار هذه الفكرة وتطبيقها وتأثيرها علي "العنوسة" في مصر، وطرح عليهم تساؤلات في هذا الصدد ومد تأثير هذا الغزو الجديد من جانب الصين على المجتمع ككل.
بعد أن انتشر شباب وفتيات الصين في جميع أنحاء الجمهورية حاملين فوق أكتافهم بضائعهم، ومن خلال احتكاكهم بالشباب والفتيات، اكتشفوا أن مشكلة الزواج هي الشاغل الأول لطائفة عريضة من الشباب المصري وعدم مقدرتهم على الزواج بسبب ارتفاع تكاليفه؛ لذا قرروا توفير "عروسة صينية" لكل شاب مصري تحت شعار "عروسة صينية لا تكلفك سوى 1500 جنيه".
ففي ظل الهيمنة الصينية التي تخيم على حياتنا وأسواقنا ومنتجاتنا التي أصبح جميعها يحمل عبارة "صنع في الصين"؛ فهل جاء اليوم الذي تقوم الصين بتصدير العروس الصينية لتكون بديلاً للعروس المصرية وطلباتها الكثيرة التي تفوق قدرة شبابنا.. انتشرت في الفترة الأخيرة بعض الكليبات التي تروج للزوجة الصينية ومميزاتها لترغيب الشباب في الارتباط بالصينيات.. يلعب الكليب على وتر "العنوسة" وتأخر سن الزواج في ظل ظروف اقتصادية صعبة.
الكليب يبدأ بأسئلة عما إذا كنت تشعر برغبة في الزواج وظروفك لا تسمح؟.. أو أن العمر قد مضى وتشعر أنك تقدمت في السن ومازلت تبحث عن بنت الحلال ولم تجدها ؟.. بعدها يبدأ المتحدث في شرح مميزات الزوجة الصينية في أنها قليلة الكلام وقليلة الأكل، فتوفر في الطعام وأيضاً قليلة الحجم وبالتالي لا تأخذ حيزاً في الشقة لو كانت ضيقة، وبالتالي فإنك لن تهتم بإقامة عرس أو الحصول على شبكة بالآلف الجنيهات؛ لأنهم في الصين لا يهتمون بالذهب أو المال ولا تحصل على نفقة عند طلاقها وليس لها أهل سيأتون لزيارتها فبالتالي ستتخلص من حماتك ومشاكلها مما يعني أن الزوجة الصينية سلعة جيدة و " بيعة وكلها منافع "!
كما انتشرت علي صفحات الفيس بوك إعلانات عن دخول العروسة الصينية لمصر لسد حاجة الشباب غير القادر على متطلبات الزواج بأقل تكلفة ممكنه، حيث تصل العروسة بـ"الدليفرى" حتى باب المنزل بتكلفة تتراوح من 1200 جنيه حتى 1500 جنيه فقط، وذكرت الإعلانات إن الزوج يستطيع أن يختار مواصفات العروسة الصينية من حيث الشكل والقدرات، مع العلم أن جميع العرائس الصينيات يجدن فنون الطهي والأعمال المنزلية المختلفة، وغالباً ما يكون حجم العروسة صغير وقصيرة للتوفير على زوج المستقبل عند شراء الملابس.
هذه الفكرة الغريبة تدق ناقوس الخطر في المجتمع المصري فقد استغلت الصين أزمة الزواج في مصر وارتفاع نسبة العنوسة وتحاول إدخال الزوجة الصينية بمواصفات تجعل كل شاب قادر علي الزواج بإحداهن مع ترحيب الشباب بالفكرة وفي ظل الظروف الاقتصادية الصعبة.. النتيجة ستكون مجتمع متفكك تنهار فيه القيم وتزداد فيه نسبة "العنوسة" مما يُكثر من حالات الانتحار بين الفتيات المصريات؛ ففي أخر إحصائية صادرة عن المركز القومي للسموم أكدت على أن 2700 فتاة مصرية يقدمن على الانتحار كل عام بسبب "العنوسة" وكشفت دراسة حديثة صادرة عن المركز القومي للبحوث الاجتماعية والجنائية أن نسبة غير المتزوجين من الشباب من الجنسين بلغت بشكل عام حوالي 30%، وبالتحديد 7. 29% للذكور و4. 28% للإناث.
الشباب من جانبهم بعضهم رحب بالفكرة رافعين شعار "التغير مطلوب" واعتبروا أنها ستكون سببا في "خفض" تكاليف الزواج، وأكدوا ن الآباء سيدقون ناقوس الخطر من عدم الإقبال على بناتهم مما يجعلهم عرضة للعنوسة فتكون النتيجة التيسير في المهر والشبكة وغيرها من متطلبات الزواج.
يقول محمد نشأت "طالب" "العروسة الصينية فكرة جيدة لحل أزمة الزواج فالشاب عندما يتخرج من الجامعة يظل يبحث عن عمل وان وجد فإن عائده بالكاد يكفيه مما يجعل العمر يتقدم به ولا يستطيع الزواج وعندما تتيسر أوضاعه ويفكر في التقدم للزواج من احدي الفتيات يصطدم بواقع مرير ممتلئ بالمتطلبات والمغالاة في الاحتياجات".
ويحذر احمد جمال - بكالوريوس تجارة - الفتيات المصريات من هذا الغزو الصيني الذي سيقلل من فرص زواجهن ويجعل العنوسة شبح "عملاق " يطاردهن والسبب في ذلك " المظهرية " الكاذبة التي تملأ حياة معظم الفتيات قائلا "خلي البنات تخلل في البيوت علشان أهلهم بيشرطوا".
سيد علي "مدرس" تخرج من الجامعة منذ 5 سنوات وعمل مدرسا في أحد المدارس الخاصة وله تجارب كثيرة في الإقدام علي الزواج وفشلت جميعها، أبدى رغبة شديدة في الزواج من فتاة صينية مادامت لا تغالي في الشروط وهذا يمثل صفعة كبيرة لأغلب الفتيات المصريات " المتعجرفات"، على حد قوله.
اما شيماء صادق طالبة فعبرت عن استيائها الشديد مما اسماه البعض "العروسة الصيني" مؤكدة أنها فكرة غريبة نوعاً ما على المجتمع المصري، ولكنها ليست غريبة على الصين التي تصدر لنا كل شيء من الإبرة للصاروخ، ومن يريد الزواج من صينيات فليذهب ولكن حياته الزوجية ستفشل لاختلاف اللغة والعادات والطباع والتقاليد ولن تستطيع الصينية التكيف مع الشاب المصري .
وتتفق معها سارة سعيد تعمل سكرتيرة بأحد الشركات الخاصة في أن العروسة الصيني لن تصلح مع الشاب المصري الذي يريد أن يأمر فيطاع وتقول بتهكم "بضاعة الصين كلها مضروبة.. ياريت ما تطلعش العروسة كمان مضروبة وقد تنشر أمراض جديدة في مصر"، ولذلك تنصح نهى الشباب وتقول لهم "خلو بالكم"
أرجعت الدكتورة سامية خضر أستاذ علم الاجتماع بجامعة عين شمس زيادة نسبة "العنوسة" في مصر إلى تفتح المرأة على المجتمعات الغربية وميلها لتحقيق استقلالها المادي والمعنوي إضافة لسعيها للتحرر الاجتماعي، هذا إلى جانب تفضيل فئة منهن العيش خارج الروابط الزوجية التقليدية، مشيرة إلى خروج المرأة للعمل وتحملها مسؤوليات مهمة جعل سن الزواج يتأخر اضطرارا أو اختيارا أو يفوتهن قطار الزواج نهائيا.
شددت أستاذة علم الاجتماع علي أن سلوكيات وتعاملات الفتيات مع الشباب أصبحت تتسم بالعدوانية والندية ولم يعد الخجل موجود في سلوكياتهن ولم تعد الرقة المعهودة عن الفتيات متوافرة لدي معظمهن، كما أن مغالاة الآباء في الطلبات المادية المتعلقة بالزواج له دور كبير في زيادة نسبة "العنوسة" مما يجعل الشباب يرحبون بأي بديل حتى وان كان صيني.
وتلفت الدكتورة داليا الشيمي أستاذ الاجتماع إلى أن فكرة "العروسة الصيني" نتيجة العولمة الثقافية، لان دول شرق آسيا خاصة الصين تبحث جاهدة عن كيفية التغلغل مجتمعات دول العالم الثالث واحتلال أسواقها ليحققوا رواجا اقتصاديا واجتماعيا وثقافيا؛ فعندما توغلوا في الثقافة المصرية و تفقدوا الأحوال والأوضاع التي يعيشها الشباب وما ينقصهم وما يأملوا في تحقيقه فوجدوا قبل ذلك أن أهم مشكلة يؤرق الفتيات في مصر والعالم العربي هي غشاء البكارة وان المصريين يربطون عفة الفتاة بغشاء البكارة فحاولوا إدخال غشاء بكارة صيني، وعندما فشلوا تطرقوا إلى مشكلة اكبر هي أزمة زواج الشباب فكانت النتيجة محاولة غزو نسائي صيني لشباب مصر لاعبين علي وتر الكبت الذي يعانيه الشباب.
وأضافت الشيني إلى أن الكثير من الشباب في مجتمعنا أصبحوا يروا أن مثل هذا النوع من الزواج من جنسيات أخرى أبسط وأسهل ليتفادى خوفه من الأوضاع الاقتصادية الصعبة، لكنه في واقع الأمر فكر خاطئ لاختلاف الديانة والثقافة، مؤكدة أن هذه الزيجات غالبا ما تنتهي بالفشل ويندم الشباب بعدها، ومن هنا يأتي دور الأسر المصرية منذ بداية تربية أولادهم أن تعتمد على القيم والانتماء والهوية الشرقية التي تخلق لديهم الفكر السليم.
الدكتور محمد السعيد أستاذ الاقتصاد يصف فكرة العروسة الصيني بأنها نوع من الغزو الاقتصادي الجديد فالصين دولة رأسمالية كبيرة وتعداد سكانها يتجاوز المليار و300 مليون نسمة فعندما تقدم على خطوة فإنها تعلم جيدا إبعادها وفوائدها ومنافعها، فتوريد عرائس إلى مصر هو الباب الخلفي للسيطرة علي الأسواق المصرية وأسواق المناطق المجاورة في الشرق الأوسط
يضيف السعيد أن معني أن يتزوج شاب مصري فتاة انه يتعلم منها كل شيء خاصة أن هؤلاء العرائس لديهن خبرة بكل أنواع الصانعات اليدوية ومكوثها في مصر يعني أنها سوف تعمل وتساعد زوجها بصناعات جديدة مما يضر بالصناعة الوطنية، وخطوة تلو الأخرى ومع مرور الوقت نجد الأسواق المصرية قد غرقت بالمنتجات الصينية واختفت الصناعة الوطنية مما يؤثر علي الاقتصاد المصري.
أما عن رأي الدين فان الدكتور طه أبو كريشة - الأستاذ بجامعة الأزهر وعضو مجمع البحوث الإسلامية - يحذر الأسر المصرية من المغالاة في الشروط والمتطلبات وعدم القسوة علي الشباب المقبلين علي الزواج ويطالبهم بان ييسروا ولا يعسروا إعمالا بحديث الرسول " إذا جاءكم من ترضون دينه وخلقة فزوجوه "؛ وحتى لا يدخل بناتنا في منافسة غير متوازنة مع الصينيات الذين سيكتسحون "سوق" الزواج في مصر في حالة دخولهم.
ويؤكد أبو كريشة أن الظروف الصعبة التي يعاني منها الشباب الذي يرغم في الارتباط والاستقرار تساعدهم على الإقبال على ذلك؛ ولا يعترض الدكتور أبو كريشة علي الزواج من صينيات ولكنه يؤكد علي ضرورة أن تكون مسلمة أو من أهل الكتاب أما إذا كانت ليست من أهل الكتاب وليس لها ديانة فلا يجوز الزواج منها حتى تدخل الإسلام وتصبح مسلمة ولكنه يخشى من عواقب انتشار هذه الظاهرة في المجتمع.http://www.masrawy.com/News/Various/...ina_bride.aspx

سيكون جواز فاشل ان تتزوج واحده لاتعرف اصلها ولافصلها فهي مجرد سلعه مباعه وربما تحمل باركود

من الضروري التعاون بين اهالي العروسين والايكون هناك مغالاه لان الحاله الاقتصاديه لكثير من الخريجين ليست بجيده

وضروري من الحكومه ان تضع في شروط العمل في القطاع الخاص توفير شقه لكل عامل يدفع اجرها علي المدي الطويل واظن ان دي تكون فكره كويسه زي مالحكومه بتعمل للوظائف العسكريه وتوفر لهم شقق بردو المدنيين من حقهم يكون لهم اماكن يعيشوا لانهم بشر بردو

العروسه الصينى لن تستحمل الحياه مثل اى حاجه صينى ههههههههههههههههههههههههه:022yb4::av4056bb7jp3:

ايه دا بجد

تفتكرو لما موظف بسيط مرتبه يادوب بيأكله .... اقل واحدة عايزة شبكة ومهر 10 ولا 15 الف
ده غير الشقة والعربية وانه يكون في وظيفة كبيرة وغيره وغيره
وسنه دلوقتي بقى حاجة وتلاتين سنة وداخل عالاربعين

اكيد مش حستحمل الكبت ده كتير
فالحل الوحيد الاشرفله في اللحظة دي
حيدور على واحدة زي كده

لا هي عروسة لعبة ... ولا مصاريفها كتيرة

وتجيد فنون اعمال البيت .... بنات كتير دلوقتي مبيعملوش غير الشاي :d

هي فكرة ممكن تحل ازمة مؤقتة .... واللى اتمنى إنها تكون مؤقتة بس !

اتمنى ان الناس في مصر تدرك ان الزوراج ليس هو المهر الكبير والشقة التمليك الواسعة والفرح المحصلش التقعد البلد تحكى عنه, ويفتكروا ان الزواج مودة ورحمة, عشان كده احنا محتاجين التغيير :). ربنا يرحمنا

الموضوع ده عباره عن مساله هندسيه بسيطه
بما ان مصر بقت بتستورد كل حاجه
بما ان الصين بتصدر كل حاجه
اذا تصدر الصين العروسه الصينيه فيستوردها شباب مصر


مش عارفه يا جماعه هى المشكله بقت مهور غاليه
اللى بيدفعوا المهور الكبيره الناس المقتدره ودى مافيهاش مشكله لكن عمر ما شاب مستواه متوسط راغب فى الاستقرار والزواج من فتاه فى نفس حالته الاجتماعيه واهلها هيطلبوا منه مهر بـ 50 الف غير فيلا فى المعادى ( اكيد عمر ما ده بيحصل )


وانا عن نفسى اعرف شباب قادرين ع مصاريف الزواج _ لو كانت المشكله فى المصاريف يعنى _ وعدوا سن 30 ولسه ما اتجوزوش الفكره ان كل واحد بيبقى محدد صفا معينه فى شريكه حياته

الله الله الله ياسلام عروسة صينية حميل بس دة لو عطلت منى فى السكة اية النظام هل فية تبديل ام لا ولما نخلف ولادنا هيطلعوا اية ابو عيون جريئة
المفروض الواحدلما يجى يفكر فى الجوزا يفكر فى واحدة محترمة ومن دينة واخلاقة مش يتجحوز واحدة هلى الى تجيلة لحد باب البيت هههه هو الشقة هتكون باسم مين

:d:d:d:d:dبصراحة محدش هيلاقى عروسة تستحمل زى المصرية

أهم حاجة إن ملهاش قايمة
علشان كده أبوها مش هيخرب بيتك لما تجى تطلقها
يارب البنات المصريات اللىمبيعرفوش يطبخوا يحسو على دمهم شويه
و يا رب الأباء ميغالوش فى المهور
و كمان يفهموا بنتهم إن طاعة زوجها من طاعة ربها
و عقبال الأزواج الصينى ههههههههههههههههههههههههههه

المفروض الناس تتعظ
وخصوصا البنات واهلهم
حتى لا يفوتهم القطار
فالاسلام يسر لنا كل شيء
ولكننا نعقد الأمور
ارى ان هذا نوع من الاستهزاء بالشباب المصري
وده مجرد راي
شكرا ع الخبر

هههههههههههه نكتة الموسم

العروسة الصينى طيب هيكون معاها كتالوج ووشهادة الضمان ;);)

والعروسة متوفرة فى جميع المحلات :excl::excl:

تصدقوا انى لاقيت اكثر الاشياء فى منزلنا صينى ماعدا مراتى.............................

صح استهزار بالشاب المصري .

سيكون جواز فاشل ان تتزوج واحده لاتعرف اصلها ولافصلها فهي مجرد سلعه مباعه وربما تحمل باركود

كلام جمييييييييييييييييييييييييييييييييييل

الموضوع بجد وانا اول واحد فخور ومرحب بالفكره ومن مؤيديها وكمان الحمد لله انى ربنا عمل كده عشان عارف فى شباب كتير كويس عايز يستقر ومظلوم من قبل الاهل ومن البنات من ناحيه تانيه وكل واحد وليه فكره انا عن نفسى حسافر القاهره للسفاره واشوف الاجرائات ايه مع انى مش عارف السفاره ليها فرع عندنا فى اسكندريه ولا لا المهم دى فكره جميله مش بس للناس اللى معاش فلوس تتجوز لا.... والناس اللى حالها متوسط يعنى عنده مكان يتجوز فيه بس يعينى مش عاجب الاهل والسنيوره بنتهم.....اما الصينيه بقى ترضى مش الصينيه بس لا والله الامريكيه ترضى كمان وده من ناس اعرفهم واحد متجوز امريكيه ومقعدها فى شقه والله المصريه ماتقعد فيها وعلى فكره كمان الامريكيه دى غنيه جدا فى امريكا وابوها ثرى كمان الحب فعلا يصنع المعجزات مش بنات مصر اللى واخدين الم فى نفسهم ومنفوخين ومتكبرين ومغروريين على ايه معرفش والبنت الحلوه فاكره بجمالها انى ربنا ماخلقش غيرها وتتكلم من منخيرها والله العظيم كنت شغال فى شارم الشيخ وتعاملت مع ايطاليين وصينيين وروسيين وانجليز وامريكان ماشفتش اى تكبر من اى حد متواضعين رغم جمالهم وجسمهم الجميل مش المصريه بعد ماتخلف تفشول وتبقى زى العجل وتلاقى ريحه الثوم والبصل فعلا الاجانب جمال وجها وجسدا وسلوكا بس ناقصهم الدين والله يبقوا عشره على عشره وكمان ذوق جدا وبيحترموا ازاوجهم وده من خلال اختلاطى بيهم اما بقى عن الصينين فزى الفل الحمد لله كانت زملتى فى الشغل صينيه ومعاشرهم وعارف سلوكهم كويس وعلى فكره الصينيه دى متجوزه وجوزها فى الصين بس مين استحاله تلمسها عارفين ليه عشان مخلصه ووفيه لجوزها كانت بتحكيلى عنه وتفضل تبكى عشان هيا بعيده عنه ونفسها تشوفه ياريت يامصريات تتعلموا شويه لانكم بصراحه تكسفوا لانى الواحد بقى مش ملاحقها من خيانه وغرور وتكبر وسلوك سىء واسلوب فى الكلام زباله وتمثيل وغش وخداع وصوت عالى مافيش رقه وكمان ازاى واحده تعلى صوتها على جوزها ها والله كمان اعرف ناس بتتضرب بالشباشب مش عارف اقول ايه ولا ايه بس حاجه تكسف لكن الصينيه لا والله مش حتلاقى كده صوت واطى جدا وهاديين وعمليين ورومانسيين ومنظميين وكل حاجه ليها وقتها بس الصعوبه اللى حتوجهك هيا انك تعلمها الاسلام ده ان ماكنتش مسلمه وكمان لازم الانجليش يكون كويس عشان هيا دى اللغه اللى حيبقى التعامل بيها بصراحه والله انا من زمان كان نفسى اتجوز واحده مش مصريه والكلام ده من قبل ماينتشر الموضوع ده ومجاليش فرصه كويسه لما كنت فى شارم بس الحمد لله ربنا حل المشكله وليكم برضه ياشباب وكل واحد ليه فكره وخليكم بقى يااهالى فرحانين ببناتكم القمامير جنبكم هههههههههههههههههه الصينى يكسب

انا عن نفسي مؤيد جدا للفكرة

للي بيقول مش عارفه وهتفشل دة مش حاسس بحاجة

نحسبها
اي شاب عشان يتجوز
لازم يكون معاه شقه ويجهزها

ياما شقه ايجار

.................................................. ......................
.1لو شقه ملكه
وهو بيبني

بني الشقه بيتكلف حوالي 40 الف

تشطيبات الشقه حوالي 40 الف

العفش حوالي 30 الف

الشبكه حوالي 10 الف
قاعه الفرح حوالي 5 الاف


انا حاسب علي اقل اقل التكاليف
يعني
دة كدة يتكلف حوالي
125 الف جنيه

دة بقي غير لو انت كنت بتعمل ماجستير مثلا عايزلك بتاع 15 الف كمان
ويا سلام لو كنت عايز تفتح معمل تحاليل او صيدليه او عيادة اي حاجة خاصه بيك يعني بتاع40 الف كمان


يعن بتاع
185 الف

يعن لو اشتغلت مثلا واخدت في الشهر 1000 جنيه صافي


ومش هتاكل ولا تصرف منهم
يبقي عايزلك 185 شهر يعني حوالي 16 سنه

وبعد ال 16سنه هتكون الحجات غليت والاسعار ارتفعت
يعن من الاخر
طيررررررررررررررر انت


.................................................. ......

لو هتاجر شقه ايجار


يبقي هتشيل 80 الف بتوع البني وتشطيب الشقه

يتبقي بتاع 105 الف
لو انت مرتبك الف
شوف انت عايز كم سنه عشان تحوشهم


بعدها طبعا الشقه ايجار

يعني هتدفع اكتر 800 جنيه في الشهر
يعني هيتقالك 200 جنيه

تدفع منهم النور والميه والنت والدش وتاكل منهم انت ومراتك ولو تعبت تروح تكشف وكمان لما تخلف تودي ولادك بيهم المدارس وتصرف عليهم وتجيب لهم للي نفسهم فيه
دة كله بال 200 جنيه
هههههههههه


...................

المفاجاءة بقي
ان مفيش حد بياخد الف جنيه كمرتب الا قليل

الا بقي لو دخلت علوم او صيدله واشتغلت ميدكال ريب

الشغلانه دي مرتبها من من الف ل تلات الاف جنيه
نصهم بيطير
يعني هتصفي بردو علي الف ونص
يعن بردو ادامك بتاع 15 سنه
هههههههههههههههههههههه


يعني بردو طير انت

دة طبعا غير ان دلوقت البنت المصريه بقيت راسها براس جوزها

وبيحصل عناد وكانها واخدة العمليه تحدي


ودة طبعا بسبب

الاعلام وتاثيره ز التلفزيون والافلام والمسلسلات
بالاضافه للقوانين للي بتتعمل من السيدة مشيرة خطاب بتاع قوانين المراه والطفل
للي بتتيح للمراه التصرف وعناد الراجل

وللك في مصر اكبر نسبه طلاق في العالم
ففي اخر احصائيه للطلاق في مصر لقوا معدل الطلاق
ان كل ست دقايق بتحصل حاله طلاق في مصر


اضف الي كدة جمعيات حقوق المراه ومطالبتها بمسواه الرجل في كل حاجة
لدرجة خلت جمعيه من الجمعيات د من اسبوع تطالب بان الزوج المصري يدفع لمراته مرتب ثابت
في الشهرعشان تعمله الاكل ليه ولولادة

اضف الي لك حاله تردي الاخلاق المنتشرة بين البنات

فدلوقت بقي طبيعي انك تلاقي واحدة محجبه ولابسه اسدال
وقاعده بتشيش علي كافيه وبتكلم صبيان
وطبعا جوة البيت ملاك ولو حد سال عليها قمه في الاخلاق

من الطبيعي بردو انك دلوقتي تلاقي بنت بتكلم كزا شاب سواء في الكليه او النت او حتي في التلفون
بقي منر مالوف انك تروح الكليه
وتلاقي
كابلز قاعد واحد وواحدة
وهل ياتري هيتجوزوا لااااا طبعا

طيب البنت د للي داست واكلمت وخرجت

مين للي هيلبس فيها
هههههههههه

.......................


حكايه بقي انك تلاقي بنت مؤدبه
تسمع الكلام
متدينه تدين حقيقي
ماتشتغلش لو انت عايزها ماتشتغلش
انها تساعد جوزها علي التمسك بالدين وتدفعه للعمل الصالح
او تربي ولادها علي الدين و القران
وعاقله

دة بقي ناااااااادر جدا


فاهلاااااااااااااااااااااااااااااااااااااا وسهلااااااااااااااااااااااااااااا بالزوجه الصينيه

اقتباس:

قليلة الكلام وقليلة الأكل، فتوفر في الطعام وأيضاً قليلة الحجم وبالتالي لا تأخذ حيزاً في الشقة لو كانت ضيقة،

ضد الميه ضد النار ضد الحشرة ضد الفأر
من قبنوري
ههههههه
اكيد بتكسر بسرعة زي اللي قبلها
وبعدين الرسول(صلي الله عليه وسلم)
قال(((((فاظفر بذات الدين تربت يداك))))
الموضوع كبير لان الزوجة هتبقي ام
هتربي وتعلم
وهيتزوج واحدة بوذية ولا بتعبد النار
ولامش عارفة ديانتها اصلا ولا مش ليها ديانة من اصله
وهتربي اولاده ازاي؟
ولو خلف تفتكر بعد كدا الحياة هتكون ماشية ازاي؟!

(والطيبون للطيبات والخبيثون للخبيثات)

(والطيبون للطيبات والخبيثون للخبيثات)

مظبووووووووووووووووط

[quote=تسابيح النجوم;2515198]

وبعدين الرسول(صلي الله عليه وسلم)
قال(((((فاظفر بذات الدين تربت يداك))))
الموضوع كبير لان الزوجة هتبقي ام
هتربي وتعلم
وهيتزوج واحدة بوذية ولا بتعبد النار
ولامش عارفة ديانتها اصلا ولا مش ليها ديانة من اصله
وهتربي اولاده ازاي؟
ولو خلف تفتكر بعد كدا الحياة هتكون ماشية ازاي؟!



احب اعرفك انهم مسلمين والصين مش هابله عشان تجيب بنات بوذيه وهما عارفين اننا بلد مسلمه يعنى البنات المسلمه اللى فى الصين هيا اللى حتيجى وفيهم بيتكلموا عربى كمان وحافظين قرأن مش انتم قاعدين قدام ميلودى ومزيكا طول اليوم وكمان بيعرفوا يطبخوا ويغسلوا مش زيكم لالالا ايدى والصابون وكمان مش بيحرقوا الاكل ولا بيحطوا ملح كتير فى الاكل ويبوظوه وبيحافظوا على جسمهم قبل الجواز وبعد الولاده اما الاولاد حتتربى زى اى طفل مابيتربى وحيتعلم زيه زى اى طفل وحتقولى الفلوس حتيجى منين سبحان الله الطفل بيجى برزقه بس هما مش بيقعدوا يحسبوها زيكم ويقولوا ازاى ومنين الفرق انهى بيتوكلوا على الله وهو الرزاق لكن انتم ربنا موقفها فى وشكم عشان بتسبقوا الحدث وتفضلوا تحسبولها

المشكله انى كلكم او معظمكم بقى خبيث بنات او شباب للاسف والشاب هو اللى بيعلم البنت الفساد والبنت برده عليها عامل انها بتقبل بكده وبتسمحله وبتديله الفرصه وبتبقى عارفه كويس انه مش حيتجوزها وبتفضل ماشيه معاها او على علاقه بيه وعارفه انه حيجى يوم ويسبها بعد ما بوظ الدنيا ليه مايكونش الموضع من الاول وبدايه العلاقه تكون من الباب مش من الشباك وبالحلال زى ماقال ربنا يعنى البنت لو لقت واحد كويس ومعجب بيها تقوله تعالى اتقدم وقابل اهلى.. والاهل برده المفروض ولازم يتساهل وييسر الامور عشان مايحصلش امور مش كويسه وزنا زى كده وبشوف مناظر فى المنتزهات والحدائق او على البحر او شاب يعينى مفيم العربيه ولا مش مفيمها ومركب واحده جنبه وعمالين .............وكلوا عمال يعك عك فعلا القيامه قربت والطوفان جاى وربنا يستر ونلحق نتجوز صينىه مسلمه تساعدنا على العباده وطاعه ربنا ونعيش بالحلال والحمد لله رافع السموات بلا عمد انه جعل وقدر هذا الزواج الصينى عشان يكون رحمه لينا وموده ونتعارف بين الشعوب والقبائل واحسنهم عند الله اتقاهم لانى الله رحيم بينا لانه شايف ايه اللى بيحصل من الاهالى والبنات من جشع وعارف فى شباب كويس عايز يكون اسره محترمه متدينه فدا سبب وانتوا شعب لايرحم ولا يسيب رحما ربنا تنزل ارحمونا بقى

معاك فى كل كلمة قولتها ياريس
انت نجم بجد
كلام فى الجووون

[quote=silentman84;2520950]

الف شكر على مرورك وتأيدك للرأى ومعا يدا بيد لمستقبل افضل

[quote=ملك الوحوش;2523992]كده كويس وكده كويس المهم انى الواحد يعيش حياه كريمه ترضى الله والرسول سواء كانت مسلمه ام غير المهم عند الله التقوى

[quote=ملك الوحوش;2523992]

اهوة دة اللى كان ناقص وكمان العيال هيخرجوا اوبشن للدرجادى الصين بايعة كدة

[quote=silentman84;2520950]

[quote=silentman84;2525440]معاك حق فى النقطة دى ......وشكرا ليك على المرور ياغالى

[quote=BaNZeR;2525448]

والله انت راجل بتفهم
مش عمال تتريق وخلاص
احنا مش فالحين غير فى التريقة والفشخرة

شكرا على مرورك ياباشا والله فعلا شعبنا نايم فى العسل واحنا اللى معقدين نفسينا بنفسينا وعاملين مشكله بلا مشكله بدل ماننتج ونطور لا...... فعلا احنا شعب بنحب نتريق على بعض ونتفشخر ونتمنظر واتحداك انشاء الله لما اتجوز صينيه حلاقى الشعب الكريم بيتريق وخصوصا من البنات يعنى لابيرحموا ولابيسيبوا رحمه ربنا تنزل بس ده مايشغلش دماغى لانى مؤمن ومقتنع باللى حعمله انشاء الله .......والله العظيم انا كنت قاعد مع واحد صحبى النهارده وفتحنا الموضوع ده قالى انا لسه واحد اعرفه لسه متجوز من اسبوعين ودفع 1500 جنيه ومسلمه كمان بس هو قالى الموضوع ده بيتم من النت بس الصراحه مش عارف ازاى المهم قولتله اعرفلى التفاصيل ايه وقولى انشاء الله اعرف واقلوكم بس فيه ملحوظه انى الشخص اللى اتجوز صينيه ده لاقى تريقه من شعبنا الكريم وده اللى احنا فالحين فيه بس..... المهم ربنا يوفقه ويرزقه بالذريه الصالحه ويرزقنا ويوفقنا جميعا ويد بيد لمستقبل افضل وحياه صالحه ترضى الله والرسول قولوا امين

هههههههههههههههههههه
أه من الصين وجنان الصين

الصين هى التى سوف تسيطر على العالم الفترة القادمة

لو اتجوز حيتريقو عليه لو متجوزش حيقولو مفيش واحدة معبراك
في كلتا الحالتين التريقة موجودة وده طبيعي بالنسبالنا :d

في 10 طلبات إحاطة لرئيس الوزراء..
انتفاضة برلمانية..ضد العروسة الصينية
قانون عاجل لحماية شباب وفتيات مصر من الكارثة
حظر توثيق أي زواج.. بطريقة "الدليفري"
كتب ـ مجدي عبدالرحمن:
شهد مجلس الشعب انتفاضة برلمانية من نوع خاص ضد العروسة الصينية التي يقبل عليها الشباب المصري نظراً لرخص متطلبات الزواج التي تتراوح ما بين 1500 و2000 جنيه.. وتصل العروس "دليفري" إلي الشاب المصري دون أن يتكلف عناء السفر إلي الصين ليطلب يدها من أسرتها أو تقديم شبكة أو مهر وأن الشرط الوحيد هو أن يكون جاداً في الزواج.
طالب النواب والنائبات في طلبات إحاطة للدكتور نظيف بضرورة استصدار قانون عاجل لحماية شباب وفتيات مصر من الكارثة التي تهدد أخلاقهم وتقضي علي قيمهم الدينية.
أشار النواب وفي مقدمتهم الدكتورة جورجيت صبحي وسناء البنا وأحمد أبوحجي والرفاعي حمادة وصلاح الصايغ ومحمد عبدالعليم وعلاء عبدالمنعم ومحمد العمدة وسعد عبود والدكتور جمال زهران إلي أن إصدار القانون بقرار جمهوري يتوافق مع أحكام الدستور.. وأكدوا علي ضرورة أن ينص مشروع القانون أيضاً علي حظر توثيق هذا الزواج "الدليفري" في مصلحة الشهر العقاري وأيضاً منع المأذونين من عقد القران في هذه الزيجات.

والله العظيم دى حكومه بنت .........واحنا شعب ابن .............ولا بترحم ولا بتخلى رحمه ربنا تنزل يعنى عمالين يغلوا فى الحاجه وعايزنا نتجوز والاهالى مش مراعيا ولاحكومه ولا اهالى ولا حتى سايبن ربنا يرحمنا بالجواز الصينى ماهو ربنا شايف الظلم فى البلد دى والشباب مش بتجوز ومظلومه فربنا جعل لنا الجواز الصينى عشان عارف ظروفنا كشباب وانتوا تيجوا تقولوا بيهدد الاخلاق والدين وده بمناسبه ايه يكفى انها حتسلم وتعيش مسلمه واحنا كشباب نعيش كويس معفوفين ولا بقى ياحكومه ويابرلمان عايزن الزنا يكتر فى البلد لعنه ربنا عليكم يامصريين وياحكومه حرام كفايه ظلم يااعضاء البرلمان بصراحه انا مش فخور انى مصرى وبستعر من مصريتى و ...ام مصر

في 10 طلبات إحاطة لرئيس الوزراء..
انتفاضة برلمانية..ضد العروسة الصينية
قانون عاجل لحماية شباب وفتيات مصر من الكارثة
حظر توثيق أي زواج.. بطريقة "الدليفري"
كتب ـ مجدي عبدالرحمن:

شهد مجلس الشعب انتفاضة برلمانية من نوع خاص ضد العروسة الصينية التي يقبل عليها الشباب المصري نظراً لرخص متطلبات الزواج التي تتراوح ما بين 1500 و2000 جنيه.. وتصل العروس "دليفري" إلي الشاب المصري دون أن يتكلف عناء السفر إلي الصين ليطلب يدها من أسرتها أو تقديم شبكة أو مهر وأن الشرط الوحيد هو أن يكون جاداً في الزواج.

طالب النواب والنائبات في طلبات إحاطة للدكتور نظيف بضرورة استصدار قانون عاجل لحماية شباب وفتيات مصر من الكارثة التي تهدد أخلاقهم وتقضي علي قيمهم الدينية.

أشار النواب وفي مقدمتهم الدكتورة جورجيت صبحي وسناء البنا وأحمد أبوحجي والرفاعي حمادة وصلاح الصايغ ومحمد عبدالعليم وعلاء عبدالمنعم ومحمد العمدة وسعد عبود والدكتور جمال زهران إلي أن إصدار القانون بقرار جمهوري يتوافق مع أحكام الدستور.. وأكدوا علي ضرورة أن ينص مشروع القانون أيضاً علي حظر توثيق هذا الزواج "الدليفري" في مصلحة الشهر العقاري وأيضاً منع المأذونين من عقد القران في هذه الزيجات.
http://www.almessa.net.eg/

[quote=BaNZeR;2525448]

[quote=ملك الوحوش;2527213]

[quote=mohsen ghareeb;2541673][quote=BaNZeR;2525448]

بعد إذن الجميع

ياريت الكلام يكتفي بالتعليق على الموضوع

ولا يمتد للتعصب لجنس على الآخر
اللى عاجبه حاجة يروحلها واللى مش عاجبه حاجة يسيبها .... بس من غير كلام كتير

من وجهة نظر احسن عشان الناس تراجع نفسها الدنيا مولعة نار ولسه في ناس بتتنك عايزين شبكة والجرام وصل ب 200 جنيه ايه الهزار دة وعايزين شقة وفرش للشقةااكثر من100 الف جنيه منين يجيب الشاب كل دة الناس نسيت نفسها ونسيت كلام حبيبنا المصطفي لا تغالو في المهور احسن خلي الناس تبطل تمثيل انا فرحان بالخبر دة جدا ده كللو اللحمة وصل 65 جنيه والناس بكح تراب هو الزنا والجواز العرفي بقي في مصر الا من كده الشاب اكتر حاجة بيقبضها 300 جنيه والناس بتهزر والعروسه عايزة تبتدي من اخر مرحلة وصل ليها والديها ويجعلة عامر000000000000