|
الفيزا كارت وصلت المدارس
السلام عليكم
طبعا ياجماعة كلنا عارفين موضوع الفيزا كارت وكلنا عملناه وبالفعل يوم السبت استلمنا الفيزا كارت بالرقم السري بتاعها اللي البنك عمله ياتري ياجماعة ايه رأيكه في موضوع الفيزا كارت ده ؟ يعني عندنا في الادارة المدرسين والموظفين عايزين يقدمو طلب بوقف تنفيذه لانه فعلا هيسبب مشاكل زي الطوابير علي المكن الزحام يعني ياريت اسمع ارائكم |
الحكومه بتسترزق من وراء الفوائد يعنى مصلحة
|
ممكن نعرف حضرتك محافظة اية وتبع ادارة اية
هي مصلحة للحكومة ولينا احنا كمان |
اقتباس:
بس هي مصلحة للحكومة اكتر لو فيه فكه فوق المرتب مش هناخدها اخرنا في الفكه 10 جنيه يعني لو بنقبض مثلا 418 جنيه هناخدهم 410 |
ماحنا خلصنا من طوابير العيش والغاز طلع طوابير المرتبات
كل يوم فى جديد |
اقتباس:
الشهر اللي بعده هيكون 425 |
اقتباس:
وكمان هو المرتب ناقص خصم عشرة جنيه كل 3 شهور عشان الفيزا ......... ربنا يهدي .................... |
طبعا هذا سيكون شئ من أجل الزحام الذى سيحدث بالاضافة الى ترك العمل للذهاب للحصول على المرتب فهذا سيؤثر سلبا علينا وعلى العمل
|
وكمان المكن بتاع الصرف مش هيستحمل الضغط الرهيب اللي هيكون عليه واكيد اكيد هيعطل كتير
|
طبعا الحكومة هتطلعلها بقرشين حلوين اوي من الموضوع ده
شوفو الدوله فيها كام مدرس ومستحيل الحكومة تطلع خسرانة في شئ |
اؤيد الفيزا كارت
|
عندنا في الشرقية لسه الموضوع ده ماوصلش
|
ربنا السمتعان
بس احنا ملينا الستمارات من زمان اوي
|
مش معاكم المزضوع ده جميل جدا وحيوفر وحيريح كمان وممكن تصرف فى اى وقت من اى حته
|
أحسن حاجه في البرنجان .. إن عمره ما هيبقى مانجه .. حتى لو دهن نفسه أصفر
فيزا كارت ايه وبرنجان إيه .. والله انا مش ضد التقدم ولا حاجه .. بس ضد اللي هيحصل من ورا الموضوع ده وربنا يجعله عامر |
احنا استلمنا الفيزا بتاعتنا من اول شهر 5 ولسة مقبضناش بيها وياريت بقى منقبضش بيها اصلا لان بيقولو المرتب فقط بالفيزا انما الحوافز باستمارة لوحدها من المدرسة يبقى على ايه الدوخة
|
لا أنا لا أوافقكم الرأى الفيزا أحسن بكتير السكرتير مدوخنا على المرتب كمان مش بنقبض غير كل شهرين الفيزا هتريحنا من وجع الدماغ وهتصرف من أى مكان بالفيزا لان ليها مكان من برة فى اى وقت تقدر تصرف لو زحمة استنى بالليل وروح الفيزا احسن بكتير
|
يا اخوانا الفيزة كارت بصراحة مش كويسة
|
انا تبع إداره مصر القديمه وإستلمت الفيزا كارد من شهرين بس لسه مصرفناش بيها
والسبب إن فى مدرسين معانا فى المدرسه لسه مستلموهاش بس طبعا دى مصلحه للحكومه علشان إحنا هنقبض بفئه 10 جنيه وبالتالى أى مبلع مكسور أقل من 10 جنيه سيصبح غنيمه حلال لهم عالم فنانين بيعرفوا يطلعوا القرش من بذر العنب |
الواحد مش يقبض بالفيزا كارد بس شر لابد منه
الفيزا كارد للمرتبات العالية مش على واحد بياخد 310 يتخصم منه 10 |
الفيزا كارد ممكن تكون كويسة فى انك تقبض فى ميعاد محدد زى باقى خلق الله لا سكرتير يقدر يعطلك ولا غيره وكمان ممكن تنفع فى المكافأه بتاعت الامتحانات يعنى نقبضها مع باقى الموظفين فى الادارات الاخرى لان احنا مثلا عندنا موظف فى الاداره لازم يقبض ويرتشى عشان يمشى كشف مكافأه المدرسة بسرعة والا يخليك لما الاداره كلها تقبض وتاخد انت اخر النااااااس عشان مدفعتش
لكن ممكن تكون مش حلوه خاصة لمدرسين القرى يعنى لازم ياخد مواصله عشان يروح المدينه ويصرف ولو فى طابور هيضطر يستناه عشان ميرجعش ويروح تانى ويجعله عااااااامر ياحكومة ياذكية ياللى كل شوية تبعتى تقولى عايزين اسماء المتعاقدين والاساسيين واللى معرفش ايه ورغم انك كل شوية يبعتولك الاسماء ترجعى وتطلبيهم تانى ونسيتى اختراع اسمه قاعدة بيانات على الكمبيوتر اصلك ذكيـــــــــــــــــــــــــــيه زكريـــــــــــــــــــــــــــا وعجبى عليك ياحكومة |
أنا أسمع إن كل سحبه من البنك بتخصم 3 جنية
|
اهو كله دمار لينا حسبى الله ونعم الوكيل
|
اقتباس:
|
انا مش عارفه فيزا كارت ليه
هما يعنى ال340 جنيه كتير اووووووووووووووووى لدرجه فيزا كارت |
والله دمك خفيف
|
فيزا نصب زي قانون الضرائب العقارية أهو كله تضييق علي خلق الله و خلاص
ربنا يرحمنا |
انا أؤيد موضوع الفيزا كارت
|
احنا عملنا استمارات الفيزا دى من فترة بس لسة مفيش جديد
|
هو القبص كتير اوى كدا محتاج لفيزا كارت ربنا يستر علينا من الدوله دى ممكن كمان شويه تاخد منا سلفه من القبض للترميم فى المدارس
وعجبى |
لا الخصم 3 جنيه لو من مكنة غير المخصصة ليك يعنى لو محدد نوعع المكنة تبع بنك معين وغيرتها يخصم فى الحالة دى لكن لو من نفس المكنة عادى بس الاقل من 10 جنيه تترحل لانها كسور للشهر اللى بعده وده للافادة
|
وممكن كمان الماكينة التابعة للبنك اللي بنصرف منه تتعطل ونقف بقي طوابير علي البنك عشان نقبض وانا جربت ده لاني معايا فيزا وكنت رايح اصرف لقيت الماكينة معطله فروحت البنك لقيت طوابير ومعاشات فضلت 4 ساعات عشان اصرف
|
اقتباس:
بس كان المفروض يجيبوا مكنة لكل مدرس والله تصرفاتهم تضحك ع فكرة ممكن نصرف من اي مكنة تابعة لاي بنك بس هيخصم مننا تقريبا 3 جنيه |
الاول نثبت وبعدين ندور على الفيزا كارت
|
انتوا عارفين أصل موضوع الفيزا كارت دى ، الموضوع جه نتيجة الاعتصامات الكثيرة التي قام بها كثير من الهيئات والعمال الفترة السابقة ، لان العامل اللي يرفض استلام مرتبه ويعمل اعتصام دي مشكلة وصداع في رأس الحكومة ، طاب الحكومة تتصرف ازاي ،؟ تعمل فيزا كارت والموظف اللي يعمل اعتصام يطلع المسئول يقول :" لا ده كل الموظفين أخدوا حقوقهم لاننا حطينا كل مستحقاتهم في حساباتهم ، لاكن الظاهر ان في ناس بتحوش احنا مالنا بقي"
|
انا ادارة السنبلاوين عملوا الفيزا للمدرسين المثبتين فقط
المتعاقدين لالالالالالالالالالالالالالالالالالالا |
اقتباس:
اولهم ان مرتبنا كبير يعني وتقيل علي موظف الصرف وبيجي بدري عن ميعاده وتانيهم ان الدولة هتكسب كتييييييير من وراه استثمار في قوت الشعب يعني |
اقتباس:
|
اقتباس:
احنا زيك في الدقهليه واستلمناها متعاقدين ومثبتين حضرتك تملي استمارتها مرفق معاها صورة البطاقة وتسلمها للموظف بتاع المدرسة وهو يعملها |
اقتباس:
|
اقتباس:
كتييييييييييييييييير اوي علينا |
احنا ممكن كمان نحوش منهم
|
المشكلة ياجماعةمش في نظا م الفيزا نفسه المشكلة ان بلد بها 80الف موظف زي شربين وبها ماكنتان فقط للصرف فكيف تسطيع صرف الراتب في ظل هذا الازدحام ارجو من الزملاء في محافظة الدقهية ارسال فاكسات للسيد /محافظ الدقهلية لزيادةعدد مكينات الصرف في ك مراكز الدقهلية ويصراحة هو رجل ايجابي ويسعي دائما لحل مشاكل المحافظة وعلي فكرة ياجماعة مش التربية والتعليم فقط اللي هتصرف بالفيزا د كل المصالح الحكومية
|
موضوع الفيزا يا جماعة لم يطبق علي المعلمين الاساسيين إلي الان في أغلب محافظات المحروسة فكيف يكون قد تم علي المتعاقدين أرجو التحقق من الأخبار قبل التحدث عنها ، فالفيزا كارت إلي حد علمي لا تتطبق إلا علي من يأخذ قرض من البنك ولمن خرج علي المعاش فقط والله أعلم
|
الفيزا كارت هتوفر مليارات على بلدنا كانت بتتصرف على مجرد عملية نقل الفلوس وبعدين مفيدة لينا برضه نقدر نصرف فى اى وقت اى مبلغ احنا عايزينه بس فى حدود الحساب الموجود والفلوس اللى بتتخصم دى بتتجمع على بعض بتاخدها بعد كده لما بتكمل مبلغ صحيح يعنى حقك عندك مبيروحش بس المشكلة ان المرتب اصلا صغير 300 جنيه كله بيبقى مستنى اديله ع الاقل 25 يوم مفلس وهتبقى زحمة شديده فى بداية الشهر هى تبقى حلوة مع المدرسين اللى على الدرجة الاولى ممكن يصبروا يوم او اتنين لغاية ما الزحمة تخف والمفروض ان المعلم تكون الفيزا بتاعته مفتوحة حسابها مفتوح يصرف كما يشاء تقديرا لجهوده فى تعليم وتربية النشء ورفع مستوى الامة وحضارتها نتمنى ذلك وده موجود تقريبا مع القضاة فى أوروبا ليهم فيزا بحساب مفتوح أو رصيدها عالى جدا ودول كانوا عايزين يتساووا بالمعلم (ولو انه طلب غريب لرفعة قدر المعلم ) لكن الحمد لله تم رفض الطلب بتاتا لأن المعلم هو ألأعلى مكانة ووضعا وهو الاساس الذى أخرج للأمة الطبيب والقاضى والمهندس والعالم فكيف ذلك والحمد لله أنه لا يجرؤ أحد فى بلدنا مهما إرتفع قدرة أن يطالب بالمساواة بالمعلم (ولكن ليس لرفعة قدرة وزيادة راتبه بل العكس) وشكرا
|
اقتباس:
هو الكلام للمعينين بس ولا المتعاقدين ايضا |
أحنا عندنا فى الاقصر الجميع استلم الفيزا الاساسيين و المتعاقدين و لكن الى الان لم نستخدمها فى حاجة
هل فى حد صرف بيها قبل كده من البنك ؟ |
اصلهم بيقلدوا بلاد برة لكن للاسف تقليد أعمى
|
ممتازة البيتزا كارد دى
|
الموضوع كله تقليد اعمى زى ما الاخوه الافاضل سبقونا وقالو
|
| جميع الأوقات بتوقيت GMT +2. الساعة الآن 05:01 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.