![]() |
لو لسه في ثانوي وعندك سؤال إطرحه هنا
انا ياجماعة عاوز استفسار بسيط جدا وياريت الكل يشاركنى انا فى تانية ثانوى وجبت 96.3 وحلم حياتى انى ادخل طب اسنان وخايف اخد احياء واقل فى تالتة او مجموعى ده ميخلنيش الحق احياء واخش علوم وانا مش عاوز غير اسنان ومتردد مش عارف اخد احياء ولا اقضيها رياضة وخلاص ياريت الكل يشاركنى وبموضوعية واخلاص فى الرأى
|
عاااااااااجل
انا جبت 98.3 هكمل احياء ان شاء الله ممكن تساعدونى يا دكاترة وتقولولى ايه احسن ملخص فى الاحياء شرح وايه احسن ملخص مراجعة :confused: وانا عندى مشكلة مش بعرف ارسم اعمل ايه معلهش هتعبكم معايا
|
انا جبت برضو 98.3 ومتردد اخد احياء ولا لأ
|
اقتباس:
اولا مبروك ع المجموع ثانيا مجموعك ده مش وحش ف ظل الامتحانات والشكاوي والتصحيح اللي كنا بنسمع عنهم دول وده بالنسبه لمجاميع كتير شوفتها ف الكيميا كويس جدا كمان من المتوقع ان التنسيق هينزل اصلا عن كل سنه وحتي لو ده محصلش فانت تذاكر كويس السنه الجايه ان شاء الله وتبذل مجهود اكتر من كده ومع درجات المستوي الرفيع ان شاء الله مجموعك يبقي كويس وتلحق اسنان يعني اسنان اصلا كانت السنه اللي فاتت واخده من مجموع97.4 يعني انت مجموعك كويس لو كملت بيه وكمان من السهل انك تجيب مجموع كويس ف تالته لانك بتبقي خلاص اتعودت علي النظام والمذاكرة وطريقه الامتحانات واعرف ناس كتير كانوا جايبين ف تانيه 95 و94 واقل من كده وجابو ف تالته لوحدها99 ولحقوا كليات كويسه زي صيدله واسنان فانت اعمل استخاره برده وان شاء الله ربنا يوفقك |
اقتباس:
بالنسبه للاحياء فهي معظمها بتبقي حفظ وبتحتاج كلام كتير ف الاجابه فاحسن كتاب تذاكري منه هو كتاب الوزاره وهو كويس والمذاكره منه بتبقي كويسه بس بالنسبه للملخصات ف الشرح عندك كتاب الامتحان كان كويس وكمان فيه مجموعه كتب الندي دي كويسه جدا وفيها اسئله كتير كمان بينزل فيها كتاب اسئله واجابه كويس برده وطبعا ف الاخر دليل التقويم بتحليه وامتحانات السنين اللي فاتت وكان عندنا اسئله بتنزلها الوزاره ع النت مش عارفه ايه النظام دلوقتي كان اسمها اسئله الاوليمبياد بتعتمد ع الفهم وكويسه وبتنزل برده مراجعات لكتاب الامتحان وكتاب الندي .................................................. .................... والافضل تسالي زمايلك اللي كانوا احياء السنه دي ف تانيه لانهم اقرب للملخصات والمراجعات من الدفعات اللي فاتت ............................... وبالنسبه للرسم بتحفظيه مع كتر التكرار والمذاكره ومش مهم الشكل النهائي للرسم يطلع حلو المهم تبقي الرسمه صحيحه علميا وعليها بياناتها كامله وبالتوفيق ان شاء الله |
جزاكي الله خير دكتوره الآء علي متابعه حضرتك
|
ربنا يكرمك يا دكتورة الاء
|
ميرسي اوي ليكي
وربنا يوفقنا جميعا |
انا جبت فيالسنة دي 97.3 فهل ده مجموع ممكن يدخلني طب ولا احول رياضة السنة الجاية
|
اقتباس:
مجموعك ماشاء الله حلو وكويس بس محتاج مجهود منك السنه الجايه ان شاء الله علشان ع الاقل تحافظ عليه ودرجات المستوي الرفيع بتبقي تقريبا 1.2% يعني لو حتي جبت 1 منهم علي مجموعك فده هيبقي كويس وزي ماقلت قبل كده من السهل انك تجيب مجموع عالي ف تالته عن تانيه طب السنه اللي فاتت كان واخد 98%مع العلم ان السنه الجايه احتمال ان التنسيق يقل وفكر مرة تانيه واعمل استخاره برده واللي فيه الخير يقدمهولك ربنا |
والله حضرتك رفعتي معنوياتي
اصل انا جايب نفس مجموع hassanmona وكنت محتار جدا اكمل ولا احول ولا ايه وانا بخاف من حكاية ابذل مجهود دي :) بس انا شايف ان الواحد لو جاب نفس المجموع دا في تالته واضاف عليه المستوي الرفيع هيلاقي نفسه جايب 98,5 وانا شايف ان دا مجموع كويس بس برده لسه في قلق .. الواحد ادرك اخطاء كثيرة جدا كان بيقع فيها من اول يوم في السنة وحتي يوم الامتحان ... يعني ممكن نعالجها في تالته ونجيب مجموع احسن بس برده لسه في قلق .. والمجموع العالي بيجبرنا علي المحافظة عليه ربنا معانا كلنا . |
متألقه يا لولو كالعاده
ربنا يكرمك كده ويبارركلك فيا :d (بدعيلك اهو ) اقتباس:
لولا ميس الاحياء بتاعتى رغم ان انا ماكنتش بطيقها ولا بطيق حصيتها ماكنتش عمرى افلت الاحياء وخاصه ان انا بكره الماده جدا ياعنى اللى اعرفهم بياخدو مع مدرسيت تانى شاطرين كشرح واسمهم كبير بس مابيعملوش امتحانات وكده نزلو جامد لان الماده دي مابتجيش غير كده الاحياء نصيحه لوجه الله كتاب المدرسه وبس ف الشرح ماتبصش لاى كتاب تانى ف الشرح علشان هتتلغبط والامتحان اصلا بيبقى عايز بنص كتاب المدرسه كتاب المدرسه ده يتحفظ بالظبط ف امتحانات الدرس لو بس كتبت حاجه مش بترتيب الكتاب وهى صح بنقص وبتهزأ وبحس انى عملت جريمه فركز جامد ع كتاب المدرسه فالاسئله بقى كنا شغالين م كتاب اسمه الاول او حاجه كده مش فاكرة بالظبط بس مش هتفرق ف الاسئله اسئله كتاب المدرسه طبعا مهمه جدا و دليل التقويم وامتحانات السنين اللى فاتت وربنا معاكو اقتباس:
توكل ع الله امال مين اللى هيخش احياء ياعنى اقتباس:
اقتباس:
انا كنت جايبه ف تانيه 97 وكملت احياء عادى والحمد لله ف تالته زدت و جبت مجموع يدخلنى طب مستريح بس انا اللى فقر :d فمتقلقوش ان شاء الله خير اهم حاجه تصلو صلاة الاستخاره و كل واحد عارف قدراته شوف اسنان وا طب او صيدله او الكليه اللى انت عايزها خدت كام السنه اللى فاتت و شوف متوسط المجاميع العاليه ف سنتكو ياعنى اللى جايبين 99 و 98 لحد 96 كده اد ايه و حاولوا تتوقعوا متوسط التنسيق هيبقى ازاى و شوفوا مجموعكوا هل لو استمريت ع نفس مذاكرتك هتجيبها ولا لا او لو اعلى شوف الفرق هل هتقدر تجيبو ان شاء الله وانت كنت مقصر ف حاجه السنه دى تقدر تغيرها السنه اللى جايه ولا لا هل الاحياء والفيزيا هتبقى احسن فيها م الريااضه والكميا بتوع تانيه ولالا واهم حاجه تبقوا صرحه مع نفيكو وكل واحد ادرة بنسفه ربنا يوفقكوا ويعملكوا اللى فيه الخير |
طبعا يا بنتي
هو انا اي حد ( ومتشغليش الغباء بتاع الفيس تاني وتقولي انتي الاء والا ا اي حد) بس صحيح مبروك ع الاسم الجديد ( اخيرا غيرتيه ) ..................................... بس ايه ده يا لولو انتي لسه فاكرة ميس الاحياء بتاعتك ومش ناويه تنسي مواقفها البايخه هو فعلا عندك حق الاحياء محتاجه مذاكرة كتير وفعلا مينفعش تتذاكر غير من كتاب الوزاره بس كمان الفهم بقي مطلوب فيها كتير عن الحفظ مش زي ايامنا يعني امتحان السنه دي كان فيه اسئله فهم كتير اوي مش زي كل سنه احفظ ورص بس تصدقي طلعتي بتقولي كلام حلو اهو وبتنفعي ف المواقف اللي زي دي |
طب انا جايبه 95.6 وبرده مش عارفه اعمل ايه
اناحلمي ومن وانا صغيره ادخل صيدله مش عارفه اكمل علمي علوم ولا رياضه ولا اكمل علوم واعمل اللي عليا وزياده حتي لو مدخلتش الكليه اللي نفسي فيها اقدم فنون تطبيقيه وابقى برده حاجه كويسه ابقى مهندسه |
طب انا عندي استفسارين
اولا انا علمي رياضة و مش عارف اخد اقتصاد و احصاء و لا علم نفس كمادة ادبية ؟! انا كنت ناوي علي اقتصاد واحصاء بس اصحابي كلهم قعدوا يقنعوني ان علم النفس و الاجتماع سهل جدا و الخمسين فيه مضمونة ان شاء الله اما الاقتصاد والاحصاء فالاقتصاد صعب في الحفظ و الاحصاء يمكن سهلة بس الامتحانات بقت بتيجي صعبة فيه !! يعني مش مضمون !! فانا مش عارف اعمل ايه !! اولا انا مش بحب الحفظ و بنسي بسرعة بس في نفس الوقت خايف اخد الاقتصاد و الاحصاء والاحصاء تيجي صعبة و انقص و اصحابي يقفلوا بسهولة في علم النفس فمش عارف هقدر علي حفظ علم النفس زيي زي غيري ولا ايه النظام ؟ كمان انا نفسي ادخل هندسة قسم اتصالات و القسم ده معتمد علي الاحصاء بنسبة كبيرة فلو مش درستها هتعب بعد كده !! فياريت يا جماعة بجد حد ينصحني لوجه الله عشان انا محتااااااار اووووووووي وهتجنن خلاص .. اما الاستفسار التاني بالنسبة للمستوي الرفيع انا كنت بفكر اما عربي او انجليزي .. بس سمعت ان اللي اخدوا رياضة جابوا اعلي درجات عن العربي والانجليزي و البقية .. مع اني كنت مستبعد الرياضة دي خالص بس مش عارف بقي ؟! ياريت برضه حد يقولي انهي اسهل و ايه الاضمن ؟! و مش محتاج مذاكرة الا ليلة الامتحان واللي ممكن نقفله او نجيب 9 علي الاقل ؟!! بانتظاركم و ياريت الرد بسرعة لاني خلاص ...... !! وشكرا مقدماً |
بالنسبه للاستفسار الاول
علم النفس فعلا درجاته مضمونه والكل بيجيب فيه خمسين بس هو عايز حفظ اما بالنسبه للاقتصاد والاحصا فالاقتصاد بسيط جدا هما كانوا ست فصول تقريبا كل فصل منهم يا دوبك كم صفحه والمنهج بسيط جدا والاجابه بتبقي بالكتير سطرين هو تقريبا المنهج كله شويه تعريفات ومقارنات بالنسبه للاحصا بقي فهي خمس فصول وهي بسيطه وسهله اوي بس عايزة مدرس شاطر وحل كتير بس انصح بالاقتصاد والاحصا لان الاحصا فعلا بتحتاجها تاني ف الجامعه يعني احنا كان عندنا السنه دي نفس منهج احصا بتاع الثانويه بالظبط بس بالانجلش وطبعا اللي واخد علم نفس كان متظبط كمان صيدله ومعظم الكليات كان فيها برده احصا .................................................. . بالنسبه للمستوي الرفيع فكان اول سنه يطبق علي دفعتنا فمش عارفه نظامه بس كل اللي خد رياضه وعربي كان جايب فيه 10 بس الانجلش برده درجاته كانت حلوة هي الاحياء بس اللي كانت غبيه ف دراستها وف درجاتها فانت اسال برده وبالتوفيق ان شاء الله |
اقتباس:
اولا مبروك لحضرتك ع المجموع بجد ده مجموع شغال بين المجاميع اللى شفتها واللى سمعت عنها بصى انا الدفعه اللى فاتت ع طول وكان فيه ناس زمايلى جايبين نفس مجموعك كدا والله وكملوا علوم عادى وربنا وفقهم ودخلوا صيدله عادى وكان مجمعهم يلحق كمان اسنان بصى بجد طالما حلمك يبقى يستاهل ان الواحد يتعب عشانه ولا ايه !!!! وع فكره تالته اسهل كتير من تانيه والله بمراحل يعنى ع الاقل انت دلوقتى ختى خبره ف المذاكره والامتحانات وغير كده ف مستوى رفيع يعنى توكلى ع ربنا وكملى احياء وعموما صلى استخاره وربنا يوفقك |
اقتباس:
تمام كده دكتوره الاء وانا ولله الحمد خات درجه واحده ف المستوى كنت واخده احياء بجد معملتليش اى حاجه هو علم النفس بتضمن فيه درجته جدا وع فكره انا كنت وخداه وع فكره بيتنسى بسرعه بس هو منهجه صغير وبتقعد تعيد وتزيد فيه لحد ما كنا بنصمه بس ع فكره عادى احنا كنا بناخد رياضه ف الترم اللى فات وكله كان تعبان فيها سواء اللى واخد اقتصاد او لأ وعموما انت متفكرش كده عادى يعنى طيب ما العربى واجزاء كتيره من الكميا كانت كلها حفظ يبقى احسن الواحد يلعب ف المضمون وربنا يوفقك |
معاكي دوك يارا
المستوي الاحياء فعلا كان رخم اوي بس انا جبت فيه8 وبالنسبه للباقي كان الكل واخد ف المواد التانيه درجات اعلي من كده بالنسبه للاقتصاد وعلم النفس فانصحه يشوف هو حابب ايه ويسال برده زمايل ليه اكيد هيستفيد اكتر وممكن برده يعمل استخاره وده يبقي افضل |
اقتباس:
اقتباس:
الموضوع مش صعب هى م جهه اضمن ف رياضه اضمن طبعا هيبقى قدامك حاجات كتير بس لو شديتى حيييلك شويه ممكن تجيبى صيدله ع فكرة غالبا و ع حسب معلوماتى فنون تطبيقيه رياضه بس اقتباس:
بالنسبه للمستوى الرفيع كان ف رد رداه هدور عليه كده و واجيبه لو مالقتوش ابقى اكتبه بالنسبه بقى للماده الادبى مبدئيا اسمع ان الفلسفه رخمه علم النفس بيقولوا سهل ومضمون بس محتاج حفظ كتير و بيتنيى و لازم يتراجع كتير وكده الاقتصاد و الاحصا بقى انا كنت واخده اقتصاد واحصا وكنت اول السنه خالص عايزة احول علم نفس علشان نفس الكلام اللى بيتقال ده و خصوصا ان امتحان 2008 بيقولوا كان وحش اوى بس بابا مارضيش وقالى هتشوفى اناصحابك الى واخدين علم نفس هيندموا الاحصا بجد ماده عبيطه جدا جدا جدا مافيش الا باب الاحتمالات هو اللى عايز مخ شويه انما الارربعه التانين حاجه كده ماتفهمش ايه التفاهه دى هو كل فصل قانون واحد ولا اتنين و كل المسائل عليه و قليل اوى لو لاقيت مسأله فيها فكرة جديده غالبا كلهم شبه بعض اخر فصلين دول كانو بالظبط قانوني اساسين و2 كده تحتهم بتفظه ويجيلك سؤال جدول تقعد تحسب الحسابات بتاعت مطاليب القانون و تعوض وخلصت ف الاخر لما المستر كان بيدينا امتحانات واجب ماكنتش بحل السؤالين اللى ع اخر فصلين ط و المستر يقعد يتخانق معايا كل مرة و انا ماحلهمش بردو بحلله بتاع امتحان واحد بس كامل بقوله احل ايه بالظبط وانا فاضيه اقعد احسب المهم انى حافظه القانون :022yb4::022yb4::022yb4: مع ان المسائل دى كان بيطلع الناتج فيها بتاعى غلط بس برده مابحلهاش :022yb4: الاقتصاد هما 5 او 6 فصول حفظ مافهمش اى حاجه غير كده ياعنى ايه ضريبه ياعنى ايه سهم الكلام ده ميزة الاقتصاد و الاحصا انها بتوفرلك وقت لمذاكرة مواد تانيه زى الرياضه او الاحياء واكيد الفيزيا لانها مش محتاجه لت وعجن زى علم النفس او الفلسفه انا الاحصا كنت واخده فيها درس تقريبا كان ف شهر 3 ولا 4 حاجه كده متاخر اوى تقريبا خلصناها ف 4 حصص الاقتصاد ماكنتش باخد فيه درس هما فصلين تقريبا الى كنت مذكراهم و 2 قريتهم ف 10 اييام بتوع العربى و الباقى ذكرته ف الكام يوم اللى قبل الامتحان و العملليه اتقضتت ياعنى الحمد لله شوف الاحسن ليك وقرر بس رأيي ان بما ان انت ولد اولا و ع حسب معلوماتى الولاد مابيحبوش يقعدوا ع المذاكرة كتير غالبا ف الشارع بيلعبوا كورة :bosyht9: و بما ان انت رياضه ثانيا فاكيد الاحصا مش هتبقى صعبه بالنسبالك ان شاء الله و بما ان انت ناوى ان شاء الله هندسه فأكيد هتستفيد بيها و هيبقى احسن م لما تكون مش عارف حاجه منها ان عندنا احصا ف الكليه فلما الدكتور بيجى يشرح بيكلم ع ان احنا عارفين الحاجات دى فلما بيقولوا ان ف ناس كانت علم النفس بيوقولهم بيتهيقلى ان انتو كنتو عارفين انكو هتخشو صيدله فاقتصاد و احصا احسن م وجهه نظرى |
ما شاء الله شكرآ د\الآ ــــ expired ـــ dr\yara
لمتابعتكم الكريمه |
شكرااااااا لردودكوا وبجد ريحتوني
بس فنون تطبيقيه لعلوم ورياضه |
بالنسبه للمستوى الرفيع
فالاحياء اكيد برة اللعب خالص لانها ماده تانيه خالص لوحدها وطويله وعايزة حفظ وبيتهيقلى الاحياء الاساسيه كفايه اوى ياعنى اصحابى اللى خدوها ياما جم ع الاخر وحولوا ياما معرفوش يحلوا حاجه ف الامتحان لان ملحقوش يذاكروها فبلاش منها احسن الانجلش والعربى بقى ع حسب ما الواحد بيفكر ياعنى الناس العاقله اللى عايزة تاخد حاجه تستفيد بيها فساعتها يبقى الانجلش احسن اما الناس اللى ملهاش دعوه بالكلام الفاضى ده و بتحب تكبر دماغها ( زى كده:d) وبتبص ع الدرجات فالعربى احسن كمان لازم الواحد يفكر ف الوقت اللى كل ماده محتاجاه علشان تذاكر و ان كان محتاج درس او لا الواحد مبيبقاش ناقص اصلا الانجلش امتحانه بيبقى طويل ياعنى ال3 ساعات بتوع الامتحان بياخدوهم كتابه لحد الاخر ( بس طبعاا الناس دى مش بتبقى فارقه معاها الحاجات دى كله ف سبيل العلم :unsure:) و لو حد مستواه ف الانجلش حلو اوى هيقدر يجيب ف درجات اصحابى اللى خدوه هما ما شاء الله اصلا كانوا مقفلين الانجلش العادى وجابو ف المستوى يا 9 يا 9 ونص بس لازم طبعا درس فيه 4 حصص او 6 العربى انا كنت واخداه منهجه قصير هما 13 درس قراءة بس والامتحان 4 اسئله بس (ده لو مغيروش النظام بعد كده) بيبقى 3 اسئله ع القراءة و سؤال بلاغه وبيبقى فيه نقطه نحو او اتنين نحو م النحو العبيط بتاعنا مش نحو معقد زى الكلام اللى بيتقال ع سنتى جابو سؤالين قراء و سؤالين بلاغه و طبعا ده احسن لان البلاغه ممكن يتألف فيها ومش محتاجه درس البلاغه كده كده بتشرح مع العربى وممكن قبل الامتحان حصه تاخد ملزمه فيها اسسئله ع دروس القراءة وخلاص انا بعد امتحان الاحياء قررت انى مش هخش امتحان المستوى الرفيع وكفايه بقى مذاكرة بس بعد ضغوط م ماما وعلشان مازعلهاش بس قررت انى اجى ع نفسى و اذاكره الكلام ده كان الساعه 2 بليل ليله الامتحان والحمد لله جبت فيه 8 ونص ف ميزة للانجلش كمان مهمه انه بينفع ف التنسيق ياعنى الكليات الى بتبقى محتاجه درجه معينه ف الانجلش زى اداب انجلش وتربيه انجلش و تجارة انجلش لو واخد مستوى انجلش بتضاف ع درجات الانجلش العادى الواحد لازم برده يفكر ف جميع الاحتمالات يارب اكون عرفت اساعد |
شكرا لكم جميعا
والله اجابات سريعة و مرضية ^_^ انا الحمد لله استقريت علي اقتصاد واحصاء اكيييييييد ان شاء الله اما المستوي الرفيع كنت عايز اسأل هل لو اخدت انجليزي لازم اخد درس فيه ؟! يعني مش ممكن اذاكره في البيت ؟ او اروح كده بدون مذاكرة ؟ انا شفت امتحان السنة دي .. لقيت انه سهل يعني 3 قطع عليهم اسئلة عادي يعني سهلين .. لاننا اصلا بناخد سؤالين زيه في المنهج العادي ومفيش ترجمة اصلا و براجراف عادي يعني كلمتين وكمان محادثة سهلة اوي بس الاختيارات و الكوركت و الريريت بيتهيألي عايزين مذاكرة بس مش عارف اذاكرهم منين ؟ لاني مش هاخد درس غير سؤال كده علي 3 دروس في المنهج لازم يتقروا يعني وتأليف |
اه حاجة كمان ازاي الرياضة كانوا بيجيبوا فيها درجات عالية ؟
هيا سهلة اوي كده ؟ و ياتري ذاكروا قبل ما يروحوا كتييييير ولا بصة سريعة ؟ يعني مثلا قوانين احفظها و اعوض و لا ايه بالضبط ؟ |
اقتباس:
لان سؤال الكوريكت ده انتو مش متعودين عليه بصراحه كل اللى اعرفهم خدوه كانو بياخدو درس و علشان كده فكستله مع انى كنت متشجعه ليه جدا ف الاول هو بيبقى فيه كتب للمستوى الرررفيع كنت بشوفه مع العيال وكمان ممكن تشوف ملزمه م اى حد بياخد درس لو انت مش هتاخد اقتباس:
انت بتكلم عن ايه باالظبط ؟؟ |
اقتباس:
|
اقتباس:
|
مش عارفه
انا ع ماعتقد هى واحده م اصحابى اللى كانت وخدااها و كانت خارجه م الامتحان متنحه بس بيتهيقلى جابت فيها درجه حلوة ممكن أسألها بس سؤال انتو ليه غاوييت توجعوا دماغكو ياعنى ؟؟ هو انا اللى كنت اسمعه م بتوع رياضه ان االمستوى بيبقى قريب م رياضه 2 بس ممكن تبقى نفس المسأله بس هنا بتتحل بطريقه وهنا بطريقه ولو حاليت حاجه مكان بتاعه دى هنا او دى هنا يببقى غلط ممكن ابقى استفسر و اقولك بردو |
اقتباس:
مش ناقص كمان رياضة2 تضرب .. تبقي مصيبة !! بس حلوة تبقي نفس المسألة و هنا حل و هنا حل !! هههههههههه بجد حاجة فظيعة |
اقتباس:
|
لو قصدك ع المستوى الررفيع
ع حسب معلوماتى انو ملوش كتب مدرسه اصلا |
انا جبت فى تانية ثانوى انا نفسى اخش صيدلة ممكن ولأ احول رياضة
|
يا جماعه لازم اللي يدخل طب يكون من ال7000 الاوائل علي الجمهورية؟
|
بسم الله الرحمن الرحيم
هو المجاميع السنة دي عالية و لا تعتبر زي كل سنة؟ يعني تقريبا لو حسبناها كدة اللي جايبين 97% فيما فوف 12000 طالب من 400000 طالب حوالي 3% فدي تعتبر نسبة عالية و لا عادية؟ ممكن أي حد خبرة في المنتدي يفيدنا |
طيب إيه مصدر معلوماتك في النسبه دي
وبعدين مش شرط تبقي النسبه كده ممكن يحتاجوا يقللوا العدد والنسبه دي بيتم الإعلان عنها بعد نتيجه 3 هي فعلا انت ممكن تحدد إذا كنت هتخش المجموعه الطبيه ولا لإ من خلال ترتيبك علي الجمهوريه بس الترتيب ده إصلآ هتعرفه لما تخلص 3 مش وأنت في 2 الله أعلم في 3 ممكن يحصل إيه يعني مثلآ المستوي الرفيع رفع ترتيبي وأنا في ثانوي 7 الآف مركز ومن غيره المستوي بعد التوفيق مكنتش هلحق صيدله |
اقتباس:
|
ماشي أوك برده مش مقياس لإي حاجه
|
انا جبت فى تانية ثانوى 90.5%انا نفسى اخش صيدلة ممكن ولأ احول رياضة
|
ممكن تخش صيدله خاصه ولا حاجه
ولو بتحب الرياضه يبقي تحول رياضه أفضل وتخش هندسه إن شاء الله |
انا جبت 95.2 نفسى اكمل احياء ممكن الحق صيدله اوطب اسنان او علاج طبيعى
|
هيا فنون تطبيقيه من رياضه ولا عاحياء
|
يا جماعه مفيش حد بيرد عليا ليه
|
طب اسنان كاااااااااااااااااام سنه
طب اسنان كاااااااااااااااااام سنه
|
الدراسة بكلية طب الأسنان لمدة 5 سنوات منها سنة إعدادية ، إضافة إلى سنة الامتياز أي ست سنوات (خمس سنين دراسة+سنة امتياز) |
اقتباس:
وعلي فكره فنون بتاخد علمي رياضه |
انا جبت 94 وعايزة ادخل صيدلة اكمل علمي ولا احول ادبي ؟؟ وكمان ايه احسن في المستوي الرفيع :عربي ولا انجلش ؟؟ وكمان اخد المادة الادبية :احصاء ولا علم نفس ...بس انا كرهت الرياضة واتعقدت منها خلا ص تنصحوني بايه؟؟ وكمان عايزة حد يبقا يقلي طريقة مذاكرة كويسة وبيذاكر ازاي وقد ايه والحاجات دي واخر سؤال ..ازاي هغير المادة الادبية او المستوي اللي انا واخداه ؟؟ بيتغير ازاي ؟؟ |
اقتباس:
والله هي صعبه شويه بس ممكنه ومش مستحيله ودي بتتوقف علي عوامل كتير منها التوفيق والتنسيق ومجموعك في 3 يكون كويس جدآ بس لو عندك الأمل كملي علمي بس تكوني جد وتتحدي نفسك وكده يبقي فاضل التوفيق وده مش بتاعك إما لو برده في تفكيرك كليه إدبيه كويسه إلسن او إقتصاد وعلوم سياسيه ممكن تحولي اقتباس:
اقتباس:
اقتباس:
موضوع المستوي ده مقدرش إفيدك فيه |
انا جبت % 96.3 وبصراحة انا نفسي من زمان ادخل طب وان شاء الله هاكمل علمي علوم وعلىفكرة انا والله زاكرت كتير وكنت متوقعة اجيب اكتر من كده ويوم النتيجة البيت كله كان مصدوم
واتمنى تردوا عليا بسرعة |
انا اخدت احياء فى 2 ثانوى
قلت اركز فى اختيار واحد بس بدل ما اجى بعد المجموع واقول اخد علوم ولا رياضه والحمد لله ربنا وفقنى وجبت 197,5 يعنى تقريبا 96,3 % وهكمل علمى علوم باذن الله بالنسبه للطلبه اللى جابت اعلى من 94 % اعتقد ممكن تكل علوم لو هما حابين كده لان ليا اصحاب فى نفس المستوى ده وهيكملوا باذن الله علوووم وناويين ع كليات قمه باذن الله بشويه مجهود مضاعف سؤالى بقى للى اخدوا احياء كمستوى رفيع ( هلـ ده افادكم فى كليات طب او صيدله ؟ ) لانى كنت بفكر فى بدايه السنه دى انى اخدها للاستفاده لو جبت مجموع كويس لكن مجموعى محتاج يترفع شويه فقلت اخد ماده اضمن فيها درجه زى عربى مثلا .... فايـــــه رايكم وكمان طلب من طلبه طب المنصوره عن مجموعهم فى تانيه وتالته ثانوى لو تكرمتم |
جميع الأوقات بتوقيت GMT +2. الساعة الآن 05:17 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.