اكاديمية الزقازيق ... مصدر قلق
 

السلام عليكم
برجاء المشاركة من الاخوة والاخوات التاببعين لاكاديمية الزقازيق
امس واحده زميلتى ذهبت لتقديم افادة باربع مديولات
وقد طلبت منها سؤال المسئول عن من قدم افادة فى شهر 12 بالسبع مديولات
اولا المسئول رفض افادة زميلتى وقال لها لا نقبل الا الافاده بالسبع مديولات ومعها الاسكل كارد

عندما سالته عنى قال لها اى افادة سابقه لا تصلحفيجب الشهادة نفسها او صورة الاسكل كارد بالسبع مديولات
ما قولكم فى هذا
لو فرضنا انى قدمت الشهادة ما الضامن اذن لو ضاعت الشهادة لا يعطونا وصل ولا غيره

الاربع مديولات كان اخر ميعاد ليها 10/6 اما ال سبع موديولات اخرها 30/6
وبالنسبة للشهادة ناس بتقول بيطلبوا صورة وناس بتقول لا
وانا تبع الزقازيق

ياجماعة الخير المفروض يكتفى با الأربع موديولات وحكاية السبعة دى لمن يتقدم للإمتحان مستقبلا وذلك بنص النشرة الموجودة على موقع الأكاديمية والكتاب الدورى الصادر لتوضيح الأوراق المطلوبة من المتعاقدين قبل الإمتحان.
ومطالبتهم بالسبعة كلام مرسل ولقد ذهب صديق لى ليقدم صورة الأسكيل بالأربع موديولات فرفض الموظف فصعد للمدير وتجادل معه بعض الشئ فقبل الأربع موديولات .
والمطلوب صورة الأسكيل فقط وليس الإفادة.

انا عن نفسى لما شهادتى طلعت وبقت فى ايدى مكنتش ناوى اسلمها
الا لما عرفت انهم بياخدو صوره منها بس ويطلعو على الاصل
وانا من البحيره

جزاكم الله خيرا اخوانى على ردودكم
لكن يظل السؤال
هل من حقى عدم تقديم اصل الشهادة
وتقديم صورة منها طبق الاصل

للاسف الاحظ ان ليس هناك سياسه موحده من الاكاديميات فى التعامل مع المعلمين
قرات رد لاخت متعاقده من البحيرة انهم يقبلوا صورة من الشهادة بعد الاطلاع على الاصل
اله المستعان

انا سلمت شهادة الاصلية للاكاديمية الزقازيق والكلام دة فى شهر فبراير ومش راضى ياخد صورة طبق الاصل وقلى مش خسارة فينا

ردا على سؤال الأستاذة نداء الجنة
 

إلى الأستاذة نداء الجنة اسمي أيمن معلم مساعد لغة عربية من محافظة كفر الشيخ و كنت قد تقدمت لفرع الاكاديمية في كفر الشيخ ب إفادة من مركز التطوير التكنولوجي بكفر الشيخ اللي انا امتحنت فيه دورة الأي سي دي ال بأربع مديولات فقط وتم قبولها مني تحديدا في شهر 12 الماضي و عندما حصلت على أصل الشهادة قمت بتصويرها و اطلعت الأكاديمية على أصل الشهادة و اخذت الصورة و كتبت عليها صورة طبق الأصل و اعطوني أصل الشهادة

نداء الجنة
انتى كده قلقتينى انا مسلمة افادة بالسبع موديلات من شهر 12 بس انا مسلمة معاها صورة الاسكل وصورة الريبورت مختومين
يعنى كدة افادتى مش نافعة واصل الشهادة ماطلعش لسة
بس انا تبع الغربية
ارجوا التوضيح اكتر يعنى اية اللى سلم قبل كدة افادته مش نافعة يعنى عاوزين واحدة تانية ولا ايه
ارجوا الرد والتوضيح

يا جماعة انا سلمت الاسكل والريبورت والافادة وكلهم صور ما عدا الريبورت اخدهم منى عادى خالص وكمان سألته على تسليم الشهادة الاصل فقاللى لما تطلع ابقى هات الصورة بتاعتها وأكد على كده
وانا تابع لأكاديمية قنا

يا سادة
من الذي يطلب منكم الإسكيل كارد
وما فائدة الإسكيل كارد هذا بعد وجود الشهادة الأصلية ؟ أم هو أقوي منها في الأهمية لا أعتقد
كذلك مراكز التطوير التابعة لمديريات التربية والتعليم لا تعطي الإسكيل كارد هذا لأحد ،ربما المراكز الخاصة هي من تفعل .
وعن تجربتي الشخصية ،وأنا تابع لأكاديمية طنطا ، فقد قمت بتسليم إفادة بالسبع مديولات وبها رقم الإسكيل كارد ومختومة بختم المركز وختم النسر التابع لمديرية التربية والتعليم بالمنوفية وكذلك بيان بدرجات المديولات وتواريخها وهو الآخر مختوم ، ولم يطلب مني أحد ما هو أكثر من ذلك وكان ذلك في 10/3/2010 والآن قد صدرت الشهادة والحمد لله وهي معي ولكني لم أعطيها لأحد .

السكيل كارد لحين استخراج الشهادة
لا اله الا الله سبحانك انى كنت من الظالمين

اخوانى
انا مش كنت سلمت الاسكل كارد
المركز رفض اعطائى الصورة لانه تابع للتربية والتعليم ولا اعلم لم هذا التشدد
ايه يحصل لو كانوا اعطونى الصورة من البداية
اطمئن الاخوة الذين قدموا الفادة وصورة الاسكل كارد
انها سارية ان شاء الله

اكاديمية الزقازيق ما بتقبلش غير اصل الشهادة لكن الصورة طبق الاصل مابيعترفوش بيها

تقديم الافادة
 

أولاً : الشرقية كلها مصدر قلق وليس الأكاديمية فقط

ثانيأ: جاءتنا نشرة من المحافظة بضرورة تقديم أسماء 15 شخص أميين من 15 : 35 سنة لمحو أمية 5 منهم على الأقل

ثالثأ : أدعو جميع المتعاقدين وغيرهم فى محافظة الشرقية للوقفة الاحتجاجيةالسلمية التى تقرر تنفيذها يوم

الخميس القادم صباحاً أمام مبنى المحافظة للاعتراض على هذه الإجراءات

والتى آخرها موضوع محو الأمية التعجيزى هذا

وانا كمان في اكاديمية دمياط قدمت صورة الاسكل والريبورت وخدوهم عادي جدا
وقالو لما الشهادة الاصليه تطلع نجيب منها صورة بس نجيب الاصل للاطلاع فقط

يا جماعة انا قدمت الريبورت عن طريق الفاكس للاكاديمية بالسبع مديولات بالزقازيق (اخوكم طحاوى نعيم )

انا من كفر الشيخ وقدمت افادة الاول باربع موديولات وبعد كدة لما خلصت السبعة رحت وقدمت افادة والريبورت وصورة من الاسكيل كارد وانا فى انتظار الشهادة بس ليا زمايلى لما الشهادة بتاعتهم طلعت عملو منها صورة طبق الاصل وسلموها بس اخدو معاهم الاصل عشان يتاكدو لكن اليومين دول قسم الملفات فى الادارة طالب اصل الشهادة

متعاقدى الشرقية
 

ركن جميل بارك الله فيك

وياريت نعرف أخبار تظاهرة ( يوم الخميس )

وهل هتم فعلا ولا لأ

علشان أكبر عدد من متعاقدي الشرقية يشتركوا فيها

انا سمعت انكو في الشرقية ناوين تعملو وقفة احتجاجية
الكلام ده صحيح ؟

هو ايه الجديد فى ادارة فاقوس
ولو فى وقفه يا ترى لمحو الاميه بس ولا كمان التثبيت

طيب واحنا فى المنصوره مش ناويين ولا ايه يامس انجليش

ياريت والله هو انا قولت لأ
كلنا نروح نعتصم امام مديرية التربية والتعليم هناك

محدش عارف حاجة
فاكرين قبل النتيجة كان الكلام ايه ؟
لما تروح تسال اى حد فى الاكاديمية هيقولك ايه ؟
لو انت مكانه وما تعرفش حاجة هتقول ايه ؟
لو قالك مفيش تثبيت هتدعى عليه هو رغم انه مالوش ذنب ..
ومش ممكن فرع من الاكاديمية هيثبت والفروع التانية لا .
ويا ريت نكون فاهمين كويس ان الموضوع ده مش فى ايد الاكاديمية .

والله يا جماعة أنا واحد من زملائى أخبرنى بموضوع الوقفة

دى أمام مبنى المحافظة بمحافظة الشرقية يوم الخميس القادم

ومع أنهم سمعوا عن الوقفة والتى لم تتم بعد

مع ذلك تغير أسلوب مدير أكاديمية الشرقية من أول أمس إلى اليوم حيث يخبر

كل من يسأله بأن فيه تثبيت أكيد

الكلام متغيرش مدير اكاديمية الشرقية على طول بيقول فى تعيين مغيرش كلامه ولا حاجة
اول زميلة لينا قدمت الافادة وده كان من شهرين وكان نفس كلامه تعيين ان شاء الله