أنا وزير لربع ساعه
 

لوصحيت من النوم لقيتهم بيتصلوا بيك وبيعرضوا عليك تمسك وزارة
إيه الوزاره اللى هتختارها وهتحاول تصلح الغلط اللى انت شايفه فيها
بجد ماشى وبهزاركمان ماشى:d:d
بس ياريت تفكر الأول
وخليك وزير حتى لو ربع ساعه
هو يعنى حرام

هو كله طمعان فى حاجه أكبر من كدا ولاإيه؟

الاكتفاء الذاتي و الاحتكار وارسال بعثات الي الخارجدي اول حاجة في اي وزارة


اختار وزرير التربية والتعليم

تطوير مستمر مناهج التعليم الاساسي والثانوي العام والفني بانواعه
صرف كل الميزانيات المتبيقة والمتراكمه في كل المدرس لتطوير وسائل التعليم
ارسال البعثات التعليمة المكثفة والمتعددة لجميع دول العالم

ثانيا وزير المالية
نصف مكسب قناة السويس شهريا لكل محافظة هتشفوا مصر دي امريكا
ربع مكسب الاذاعة والتلفزيون شهريا لبناء مؤسسات خدمية لكل محافظة مدارس مستشفيات الخ
تطبيق سياسة الاحتكار علي جميع المنتجات الزراعية
ارسال البعثات زي ما عملت في التربية والتعليم

وزير الاتصالات
منع المواقع الاباحية لمصر ده سهل مش مستحيل
احتكار جميع وسائل الاتصال للدولة

وربنا يسهل كده اخلص شوية الوزارات دول وابقي اكمل معاكم
ثواني كده التليفون بيرن شكلهم بيتصلوا ربنا يستر تفتكر ابدأ باية

بس سؤال هو مين اللي هيتصل
وعلي فكرة لو حد اتصل وقلي كده وكنت لسه صاحي من النوم
هقوله اقفل يا تييييييييت يا ابن التتتتتتتتتتتتيت
ومتصلش هنا تاني

شكرا علي الموضوع الجميل ده
تقبلوا مروري

ليه دايما إحساسنا إن لازم غيرنا هو اللى يحكمنا
وأملنا كدا بلا أمل واليأس مسيطر حتى على أحلامنا

وإطمن ياأستاذ محمد أنا تبع الحكومه زى مابيقولوا وهخليهم يتصلوا بيك بس أرجوك بلاش ياابن التيت لأن ربما يكون المتصل إبن خالتى أحمد نظيف أو ابن عمتى أحمد زكى بدر ماهى الحكومه كلها من عيلتنا
شكرا على مرورك الكريم ومشاركتك الجميله يا استاذمحمد

لا لا ...

وزير ايه وبتاع ايه .... انا هحلم علي كبير .. رئيسة الجمهوريه ..

واي مسؤال 50 وطالع اعقدوا في البيت ...

كفايه بقه سيبوها !!! عيزين جديد عيزين الاجيال اللي علي الرفوف

تدور عجلة البلد وتبقي في مناصب السيادة والاداره ...


فكره مميزه ..


شكرا ليك ..

ورد مميز وشكرا يا أغلى ريهام
نورتى الدنيا

اكون وزيرة التربية والتعليم
طبعا انتوا شايفين التعليم هايل ازاى
التعليم ده اساس البلد

بطاقتين فقط ارسلها لعلها تكون همسة تصل للقلب !!!!!!

http://forums.ozkorallah.com/imgcache/7879.png


http://img151.imageshack.us/img151/6568/21958744sr0.gif

الله عليكى تسلم إيديكى
نورتى الدنيا ياأغلى فاطمه

انا نفسي ابقي رئيس الجمهـــورية
اما بقي لو وزير ...
بجد نفسي ابقي وزير الداخلية
اول حاجة هعتقل كل اللي خاربين البلد
سواء ( فنانين والمغنين اللي مش ... *) أو غيرهم
لانهم اسس الفساد ونزول البلاء علينا
بجد
وزير التضامن الاجتماعي
علشان الناس الغلابة
وكمان هعمل موائد طوال ايام السنة
علشان في ناس لا تري (الطعام)

بس الربع ساعة مش هتكفي انا عاوز ساعة وتلت علشان ألــحق!!

بعد اللى قلته فعلا تستاهل لقب امير فعلا
كل اللى اتكلم قبلك يقول هعمل وهعمل
ونسى ينضف الأول علشان تبقى أعماله على نضيف
بس أمانه تقولى الموائد دى هتعملها علشان أنا متغدتش من الاعداديه:d
بارك الله فيك ونورت (الامير محمد)

لايقول هذا إلا وزيره ولكن لم يأتى وقتها بعد
لأنها لاتصلح لهذا الزمان
شكرا لمرورك الكريم

شكرا على ذوقك

اولا .شكرا على الموضوع الاكثرمن رائع

ثانيا .لو ها بقى وزير افضل وزيرة الدخلية

ثالثا .عشان فعلا اللي بيحصل في الشعب ده حرام من اهانة وتعذيب وخراب وسخرية و و و و و و و الخ

بارك الله فيك
وجزاك عنا كل الخير ياعاشقة الطفوله
بس هتعملى إيه فى قانون الطوارىء؟
نورتى الدنيا وشكرا

اكون وزير العدل..لان العدل اساس الملك..ولان القضاء هو النقطة البيضة فى التوب الاسود
1_ الغاء كشف الهيئة فى اختبارات النيابة
2_ اختيار وكلاء النيابة من اوائل الدفعات لكلية الحقوق
3_الغاء القرار الذى يتيح اختيار وكلاء نيابة من خريجى كلية الشرطة
4_المطالبة بجعل الشريعة فوق القانون وليس العكس كما هو حادث

اكون وزير الاوقاف:
وهعمل حاجة واحدة بس وهى
الغاء وزارة الاوقاف وضمها الى مشيخة الازهر لانه مش معقول يكون الامام الاكبر شيخ الازهر امام على طلبة المدارس الازهرية وليس له سلطة على ائمة المساجد اومال اسمه الامام الاكبر ازاى

والحلم الكبير اكون وزير فى وزارة الغلابة اهم واكبر وزارة فى مصر
وزارة الغلابة مصلحتك اولا

وزارتى العدل والأوقاف حطيت ايدك على المواجع اللى مضيعه أهم الحقوق لخريجى الحقوق
وزارة الغلابه إزاى وشعارها مصلحتك أولا!!!
كيميا دى يا أستاذ عبد الله ؟
كلمنا بالعربى أعزك الله
وبارك الله فيك ونفعنا بعلمك وفكرك المستنير

يا سلااااااااام موضوع مهم
انا عملت موضوع شبه دة بس ماذا تفعل لو كنت وزيرا للتربية وتعليم
بس حضرتك تركت الموضوع مفتوح
انا محبش ان اكون وزيرا طموحى احسن من كده :d:d
:049gc0: لو كنت وزيرا للتربية والتعليم :049gc0::049gc0:
ساتخذ بعض الاجراءات
1- منع الضرب من المدارس ومن يخالف هذا له عقاب شديد والسب ايضا :
2- تعديل المناهج الدراسية وان تكون فى مستوى
المرحلة التى يدرس فيها الطالب وتقليل حجم الكتب حرررام احنا ظهورنا بتنكسر من ثقل الكتب
شوفوا الدول الاوروبية واتعلموا
3- ان تكون الكتب بالمجانى فى ناس غلابة كتير ويعجزوا عن دفع المصاريف
4- احنا بنروح المدرسة من الساعة 7ونصف حتى الساعة 2ونصف حراااااااام ليه يعنى كده قرار
ان نذهب الساعة 8 حتى الساعة 1 كفاية
5- فى حصص ملهاش لزمة زى الاقتصاد والمجالات
بنضيع وقت على الفاضى اما تكون حصص لها قيمة او تتحذف
6- الالتزام بالزى المدرسى فى جميع المراحل بلاش قرف
7- يجب ان يكون التعليم متعة لكى يحبة الطلاب لا
يجدونه عذاب:
8- حررررام الواحد يعد يذاكر عشان يدخل الجامعة التى يريدها وبعدين ينقص نصف درجة او درجة لا يدخلها وبعدين تتحطم احلام الشخص ويفشل :frown::frown:
9- الفسحة صغيرة لا نفعل فيها شئ مجرد ما ننزل
تحت الجرس يضرب :040vk0::040vk0:
والله فى كتير من الافكار يلالالالالالا مرة تانية :p:p:p
10- المدرسين تكون المدارس بالقرب من منازلهم
مش يكون المدرس فى بلد ويروح بلد تانية والله حرام
بس انفع وزيرة صح هههههههههههههه
والله اتمنى ان نفعل شئ من اجل تقدم التعليم فى مصر بالتعليم نلحق بموكب المدنية والتقدم
احنا كنا الاول متقدمين بس خرجنا ووقعنا من القطار
ان تصل الى القمة سهل ولكن الاحتفاظ به شئ صعب

الوقتى بتقولوا دى هتخرب الوزارة وهضيع التعليم

إيه الوزيره العسل اللى دخله علينا بشعار زهقان طهقان قرفان
هى فيه وزيره تقول الكلام ده برده(بلاش قرف )
إسحبيها قبل ماتتسحب منك الوزاره
وبعدين إن ماكنتش روووووزتنفع وزيره - أمال مين اللى ينفع
نورتى مبنى الوزاره ياسيادة الوزيره النشيطه
وإلى اللقاء يا أغلى وزيره قصدى يا أعلى روووووز

طيب بالله عليك مش شكلهم وحش لما يروحوا المدرسة بغير الزى المدرسة انا عن نفسى بقرف
من شكلهم

خلاص هعينك فى الوزارة وكيل ماشى موافق على بركة الله هههههههههه
والله موضوعاتك جميلة جداااااااا

هههههههههههه
رئيس جمهورية مرة واحدة طيب حاسب لتتمسك امن دولة
الصراحة ساعة وتلت هتعمل فيها حاجات كتير اوى:p:p
والاقتراح بتاع موائد الطعام دى حلوة اوى بس مفيش وزير او الحكومة عملت ده قبل كده
كل واحد يجمع فلوس عشان يعمل حسابة قبل ما يطلع من الوزارة

شكرررررررررررا
من عاشر القوم تلاتين يوم بقى منهم
حتى الحلم مستكتراه على الناس!!!!
وبعدين ماانتم بتقولوا كلام كبير وغريب ويامه هيما ورفاقه بيقولواكلام يكسر العظام
حد خبط على باب بيت حضرتك أوحضرته
ليه ياروووووز بنحاول نصور البلد وكأنها أصبحت غابه لصالح مين ؟
كل اللى بيدور حواليكى ماهو إلا صراع الكبارعلى السلطه بمسميات جديده (والتغيير ماهو إلا نخبه هتروح ونخبه هتيجى )ودمتم ويجعله عامر
البلد أنا وانت وأهلى وأهلك وجيرانى وجيرانك أصحابى وأصحابك زمايلى وزمايلك والبياعين والناس اللى ماشيه فى الشارع
حد من دول شفتى بعنيكى أمن الدوله قبض عليه لأنه انتقد أوحتى شتم على الحكومه
إنسى ياروووووووووز وبلاش ترددى كلام مدفوع وله أهداف فى نفوس من يردده
وشكرا

والله كل واحد يحلم على مزاجة وانا مش مستكتراه ولا حاجة انا بقول ان ده من سابع المستحيلات
ان واحد من عامة الشعب يكون رئيس والناس اللى حضرتك بتقول عليهم لو اتكلموا هيتمسكوا وانا مش بردد كلام مدفوع وله اهداف فى نفوس من يردده
انا بقول اللى انا بشوفه واسمعه الكلام ده مش من عندى ولا انا بقوله بمزاجى دى الحقيقة
ومحدش ينكر الحقيقة
وشكرااااااا لحضرتك
سلاااااااام

شكرا ع الرد يا أغلى رووووووووووووز
من كتر مواضيعك الظريفه نستينى أرد عليكى
يلا المسامح كريم

يعنى بقيتو وزراء للتعليم واحد ورا التانى وفكرتو فى كل حاجةإلا راحة المدرس المسكين بصراحة انا توقعت تقولو هنسكن المعلمين المساعدين اول حاجة و لا خلاص محدش بقى عنده امل حتى فى الحلم
تحياتى للجميع

جيتى ع الوجيعه أستاذه إيمان
بس مايصحش تنتقدى الوزير اللى كان قبلك :d
لأن لكل وزير سياسه وخطه بيجيبها معاه وهو جاى وبيا خدها معاه وهو مروح:bosyht9:
وبعدين كل الأمل فى ربنا يهدى الناس المسئوله عننا
ويثبتوا ويسكنوا المدرس المساعد والمتعاقد وكمان اللى بالحصه لاستقرار الدراسه
ونورتى الدنيا أستاذه إيمان والأمل دائما فى ربنا
وشكرا لك

البيان الأول
---
وزارة التربية والتعليم تنافس عليه ثلاثة أعضاء
وزارة الداخلية عضوان
وكل من وزارة الماليه والاتصالات والتضامن الاجتماعى والعدل والأوقاف تنافس عليهم عضو واحد لكل وزاره
----
وزارةالصحه والدفاع والزراعه والصناعه والإسكان والتعميروالسياحه والرى والخارجيه والبترول والتجاره والثقافه والاعلام والبيئه والمواصلات والتخطيط والتعليم العالى والشباب وشئون مجلسى الشعب والشورى والشباب والتكافل و----
كل دول ماخطرش على بال حد ;)
---
وانتهى البيان وشكرا للجميع:d:d:d

ولازال العرض مستمرا

أبقى وزيرة نفسى ههههههههههههههههههة

أبقى وزيرة

لالالا

انا مش بحلم اكون اى حاجة من ديه خالص

انما لو اجبرونى يعنى فمش عايزة اكون وزيرة

عايزة اكون امينة جامعة الدول العربية

بس

شكرا لحضرتك

انا بقى نفسى اكون وزيرة المالية سيبك بقى من تعليم وخارجية والكلام ده لان الفلوس هى اساس البلد ولو الماليه خربانة يبقى اكيد البلد هتكون خربانه زى حالتنا دلوقتى فهنظم بقى المالية بمزاج وهحرم الناس اللى وكلنها ولعه دلوقتى وحرمين الغلابة ومجوعنهم يا عينى وهدى اللى محتاج بجد وهخلى البلد تبطل بزغ وصرف على حاجات تافها زى الافلام واجور الفنانين والكلام الفاضى ده حرام والله ده فى ناس مش لاقيه تأكل وناس عماله تنهب فلوس وتقدم حاجات تافهه وولا ليها اى هدف , على فكرة انا اتعصبت دلوقتى عشان انا اصلا من جوايه زعلانة اوووووووى من الموضوع ده وصدقنى اللى عايز فعلا يكون وزير لازم يختار وزير الماليه لانها فعلا اساس البلد وميرسى على موضوعك الرائع ده

امممم مش عارفة والله خلاص هبقى افكر فى الموضوع دا بس لو اتحايلتوا عليا شوية كمان ممكن اوافق:d
بس لو تكرمت ووافقت انى اكون وزيرة هختار التربية والتعليم لان من راية لو التعليم اتصلح كل حاجة فى البلد هتتصلح

كله إلا زعل عمو عمرو موسى
هنفكر فى الموضوع ده وإن وافق يتنازل هاتصل بحضرتك
وشكرا لأغلى وأجمل أمين عام

بس أمانه ياسمر ماتنسينى بمرتب كبير :d
نفسى أكل صينية بطاطس باللحمه أوالفراخ
دا أنا ماشفتهاش من الاعداديه:d
وشكرا يا أغلى وأجمل وزيرة ماليه فى الدنيا:022yb4:

علي فكرة يا روووز
مفيش حاجة بعيدة عن ربنا
بس ربنا اعلم انا لو مسكت منصب مهمـ هعمل ؟؟

والنبى تقبلى -- وحياة الغاليين عندك توافقى ---
والمداخله الجايه لازم تكتبى خطتك لإصلاح وزارتك

الله -- وزيرنا هيبقى بالجمال وخفة الظل دى :av4056bb7jp3:
شكرا سعادة الوزيرة :078111rg3:

موضوع جميل جدا
انا افضل ان اكون وزير الداخلية علشان انضف البلد من القزارة الي بقت منتشرة اليومين دول

الله - بس عايزين شوية نشاط -- خططك إيه ياسيادة الوزير؟
أمنيه يارب تتحقق وتنضف البلد كلها من القذاره اللى ضيعت كل حقوق الغلابه وطمعت فينا القادمون من بلاد الأعداء
شكرا سيادة الوزيرmoha kariezma:078111rg3:

ونعم بالله - مفيش حاجه بعيده على ربنا
وهنرحب بالأمير محمداللى لسه مافكرشى يبقى وزير
ليه يأمير ؟

انا لو كدة ابقى وزيرة البيئة
طبعا زى ما انتوا شايفين البيئة فى مصر محتاجة تطهير وتنظيف
ولو اتوفرت البيئة المناسبة عتتحسن الجوانب الاقتصادية والاجتماعية والسياسية على الاقل هنتنفس هواء نظيف

او وزيرة الشباب لية ؟

حال الشباب مش عاجبنى ابدا
وهم المستقبل
موضوع هايل وجميل

يلهووووووووى بس كده حالا قومى يا بت قشرى البطاطس ونظفى الفرخة عشان نعمل احلا صينية بطاطس ههههههههههههه ميرسى على بجد الموضوع الجميل ده والله بتعجبنى افكارك فهل من مزيد

انا بقى همسك وزارة المالية
واشوف الفلوس الى دخلة وطلعة ملهاش صاحب
واحاول احسن مرتبات جميع العاملين اللى فى الدولة
واشغل الشباب
دا بلدنا فيها خير كتير بس للاسف مشششششششششششششششششششفوط
والاهم الناس الغلابة الى حتى مش لاقية قوت يومها


تسلم على الموضوع الرائع يا بلاك

إيه الناس اللى دخله على طمع دى :d
وزاره واحده علشان غيرك يلاقوا نصيبهم
إنت شايف الطابور من هنا لحد أسوان
شكرا سيادة الوزير الشاب=Tona Ashraf:078111rg3:
بصراحه أول وزير عايش يشتغل مش زى جماعه بيدوروا على وزارات مليانه فلوس:078111rg3::022yb4:

الحمد لله إنك تكرمتى وقبلتى تمسكى وزارة
فيه ناس تانيه ماقبلوش يمسكوا وزاره إلابعد محايله
واتهيألى يمكن تعرفيها أول حرف من إسمها asmaa:d

شكرا للوزيره الأنسانه اللى حاسه بالغلابه
وأنا كنت طلبت مرتب كبير من سيادة الوزيره سمر اللى كانت فى الوزاره دى قبلك فبعتت لى صينية بطاطس بالفراخ
ياترى سعادة الوزير ه الجديده هتعمل إيه:d:022yb4:

هرخص سعر اللحمة عشان الناس اللى نسيوا طعمها

وليك ههديك مزرعة عجول انما اية
هتحلف بطعمها

وبدأنا بالوعود المعسوله :bosyht9:
إنت كدا تستاهلى 10/10 :av4056bb7jp3:
شكرا ع المزرعه وبلاش العجول:d

هههههه خلاص هاجى على نفسى واقبل بقى بس افتكروا الجمايل دى
امابالنسبة للخطط بقى فهحاول اشوف الاخطاء اللى بتحصل دلوقتى واعدلها
يعنى مثلا المدرس دا هحطه فى مكانة تانية خالص اخليه مدرس مدرس ليه قيمته و احترامه وبردو هخلى مستوى المعيشة بتاعه كويس يعنى ميبقاش المندس ولا الدكتور احسن منه لان انا من وجهة نظرى الفضل الاكبر يرجع للمعلم مش كدا ولا ايه
المهم بقى بالنسبة للمدارس وكدا هزودها بامكانيات عالية يعنى مش هخل الطلبة يطلعوا زهقانين منها
والمناهج احطها فى كويسة متبقاش صعبة اوى كدا والامتحانات بردو ش هخلى فيها رعب زى دلوقتى كدا والزم كل فرد ع التعليم يعنى ميبقاش فيه حاجة اسمها واحد امى ولا مش متعلم لااااا فى عهدى مش هتسمع الكلام دا خالص
اما بقى حكاية ضرب الطالب للمعلم وسبه واهانته فهمنع الكلام دا تمااااما
يعنى الى اخره بقى....
واى خدمة لو عندك حد وعايز يشتغل تعالى ليا ومن الصبح هيلاقى نفسه متوظف ها عايز اكتر من كدا حاجة :d

انا لو عرضوا عليا ابقى وزيره ها اخد راى الشعب عن الوزاره اللى عايزينى امسكها وامركم شورى بينكم