|
خطف الاضواء من النجوم والوزراء
بسم الله الرحمن الرحيم
مقدمه لماطلبت منى ابنتى أيه كمال أدخل مابينكم فى هذا المنوال واكتب موضوع على قد الحال قلت لها أنا شاطر فى قذف البلح لكنى خايف م الصعود بالحبال وأنا شايف الهجوم قادم عليه ولكن ممنوع القذف بالنبال وإلا هاستخدم قنابل فوسفوريه:d ودوروا ع اللى يفتش وسط الجبال فياترى هارجع لبيتنا سليم ولا هرجع مجروح ومصاب بالهزال الموضوع شعوب الدنيا لا تأخذ حقها الأصيل من الأضواء وشعب مصر كأى شعب فهل نخطف سويا الأضواء من النجوم والوزراء ونهديه للشعب هدية حب فلنكن نحن الحكومه والنظام ولو حتى لمدة أيام ونطلع شويه م الهم والغلب ولا هى يعنى هتيجى عندنا ويبقى العزكله حرام ونموت واقفين ومن غير ذنب فلنركز الكاميرا على الشعب العظيم ونناقش كل إيجابياته وسلبياته ونجتهد سويا لإيجاد الحلول- ولانروغ بالكاميرا بعيدا عنه لنذهب إلى من تشبعوا بالأضواء حتى أصبحتم أجسادهم مشعه (الكل فاهم طبعا):d |
تكلم يا عزيزي الكلام ببلاش لسه مفرضوش عليه ضريبه
|
فكرة جميلة لها ايجابياتها وسلبياتهاابدأ ياأستاذنا وربنا يستر ...........أنتم السابقون ونحن اللاحقون...........
|
اقتباس:
مابحبش أتكلم لوحدى وبعدين إنت عارف اللى بيكلم نفسه الناس بيقولوا عليه إيه يسعدنى مشاركتك بس قووووووووووووووووووول - ولا جينا عند الشعب وهنبخل عليه حتى بالكلام ----- نورتنى يا أستاذنا وتعظيم سلام:078111rg3: |
اقتباس:
جزاكى الله خيرا بس ده كان من قبيل الفكاهه والدخول على الزملاء والأبناء حتى لو ببطيخه لكن تعودت والحمد لله على : إن قلت ماتخافشى وإن خفت ماتقولشى والصراحه راحه والأرزاق على الله وإيه ياخد الريح من البلاط -- إذا كان فيه بلاط أصلا توكلى على الله ومن يتوكل على الله فهو حسبه ألا يكفى هذا لتشعرى بكل الأمان نورتى الدنيا أستاذه صفاء :078111rg3: |
تكلمممممممممممممممم
|
اتكلم بس فى سرك
الحيطان ليها ودان!!!!!!!! |
فلنركز الكاميرا على الشعب العظيم ونناقش كل إيجابياته وسلبياته
ونجتهد سويا لإيجاد الحلول- ولانروغ بالكاميرا بعيدا عنه لنذهب إلى من تشبعوا بالأضواء حتى أصبحتم أجسادهم مشعه (الكل فاهم طبعا) كلام سليم تماما |
طيب نقول ايه اتكلم اتكلم سرك فى بئر
بس لو اتمسكت انا معرفش حضرتك ههههههههههههه |
أستاذنا الغالى BlakBlak66
بشكر حضرتك على الموضوع الجميل واقتبس من حضرتك جملتين فى غاية الروعه (ان قلت ما تخافشى وان خفت ما تقولشى) (توكلى على الله ومن يتوكل على الله فهو حسبه ألا يكفى هذا لتشعرى بكل الأمان) تحياتى لحضرتك |
اقتباس:
شكرا يا مستر هانى لأنك تكرمت ووجهت نظرى لشىء كنت غافل عنه بصراحه أنا لما طلبت من الزملاء والأبناءنخطف الأضواء من النجوم والوزاء - ليس خوفا من أحد ولكن أدخل أى موقع رياضى تلاقى الكل عمال يقول النجم الفلانى والنجم العلانى وعلى المواقع التانيه تلاقيهم شغالين على الوزراء والرؤساء فكان الهدف نتكلم شويه عن نفسنا عن غلبنا عن نظرتنا للماضى والمستقبل وعن مشاكلنادون الزج بالنجوم والوزراء فقد أعطيناهم من الاهتمام أكثر مما يستحقون لكن اتضح لى إننا نحب نتكلم ع اللى بيستغلنا لمصالحه وأغراضه وبنستخسر تقول كلمه واحده عن نفسنا وكأننا فعلا من غيرهم لم ولن نستطيع إدارة أمور حياتنا -- حتى الكلام عن نفسنا بقى صعب عليناأواستخسار!!!!!!!!! وانت بتقوللى الحيطه لها ودان -- أقولك لسه فاكر كان زمان قطر الحرية طلع من المحطه -- وكل زمن يا استاذ وله أدان قوووول -اتكلم عبر عن رأيك- -ولا تخاف أبدا من أى إنسان وخللى خوفك بس على بلد -- كرمهاالمولى وأنزل فيها قرأن وواجب علينا تحيا بينا ولينا --وطن للمصرى دايماأمن وأمان لايهمنى اللى جى واللى راح اللى يهمنى يبقى لى وطن وسط الأوطان فهل ياترى يا أستاذنا العزيز - بعد كل اللى ده أكون غلطان؟ وحظك كدا يا مستر هانى أنا ماصدقت ولقيت زميل أفضفض معاه وحاجه غريبه بقول للناس اتكلموا عن نفسكم شويه ألاقيهم هما اللى بينصحونى بالكلام فى سرى!!!! وشكرا على سعة صدرك مستر هانى |
اقتباس:
الحمد لله فيه غيرك كتير هيبعتوا عيش وحلاوه :p بس إنتى إطلعى منها:d وخليكى لابسه النضاره السوده اللى مضيعه منك جمال الألوان الأخرى:) وربنا يوفقك يا أغلى روووووووووووووز |
اقتباس:
وتحياتى لك ياأغلى أيه |
اقتباس:
بعتذر عن التأخير فى الرد بس ليه إحنا بقينا بخلا قوى فى الكلام عن نفسنا ونموت ونتكلم عن اللى بنسميهم نجوم المجتمع ومش قادرين نريح نفسنا ولو يوم واحد منهم أنا مش عارف هل أنا ماقرتش أوصل الموضوع للناس ولا إحنا اللى بقينا كدا ياريت حد يفهمنى هى السلبية تعمقت فينا لدرجة بقى صعب علينا نعرض مشاكلنا لبعض ونحاول نفكر فى حلها سويا ولا إحنا خلاص لازم نستنى (البيه )يسألنا ويسمعنا ويحلها لنا كمان- خلاصة القول (أبو عربيه بمليون جنيه عمره ماهيشغل باله باللى ماشى على رجليه ولابس مركوب بـ3جنيه)وهذا ينطبق على الجميع معارضه ومؤيدين ماهم المعارضه مش وافقين أمام السيده بيقولوا لله ولا إيه؟:d وشكرا (يالابينا ) على تواجدك معنا - |
اقتباس:
السلام عليكم ورحمة الله وبركاته أخي العزيز ممكن أشارك معاك وممكن أقول بعض إيجابيات شعبنا طبعا لا أجد أكثر من كرم المصري مع أهله وغيرهم فتجده كريم في الإنفاق والعفو نعم هو في تلك الأشياء كريم جدا فتجده ينفق على ضيفه بكل بزخ -حتى ولو اضطر يجيب الأكل شكك- فلا يهمه إلا إكرام ضيفه حتى يخرج من عنده وهو في قمة السعادة والفرح من كرم مضيفه وتجده كريم في العفو فكم مرة شاهدت -أنت- رجلين أو مصريين عموما يتشاجران بل قد يصل إلى السب والإهانة والضرب وال.... فإذا اجتمع أهل الحلم والخير ووقفوا للصلح بين المتخاصمين نسى الخصمان السب واللعان وشفيت الجروح بكلمات الأسف من كلا الخصمين ولعل من الإيجابيات الكبرى والسمات العظمي في هذا الشعب هي النكتة والفكاهة في كل وقت حتى ولو كان في أشدها سوء وأصعبها على النفس وقعا فكم مرة رأيت أناسا في حزن شديد وهم مديد فيتكلم الرجل بالكلمة فيضحك الباكي ويبتسم العابس وتزيل البسمة الكآبة والحزن من إيجابيات هذا الشعب أنـــــــه يــنـــســــــــــى ولن أفسرها لأنها تتحول فجأة وبدون مبرر لأكبر وأخطر سلبياته مش عارف بقى إن كنت فهمت الموضوع صح وللا إيه؟ ودمنا جميعا وأهلنا ومن نحب بخير وهدى |
الله يكرمك أستاذنا العزيز السيد صابر
حضرتك أول واحد يحرم النجوم والوزراء من الاضواء وهو ده كل ما أرجوه من الزملاء-- نتكلم عن نفسنا شرفتنا أستاذ السيد صابر |
اقتباس:
وماله ياعم بس انا اتكلمت عن المصري عموما لكن عني أنا :006et4::006et4::006et4::006et4: خليك زي الشعب وأنسى :confused::bosyht9::confused::bosyht9: لا فضحكم الله أمام عدو ولا حبيب |
من نعمة ربنا علينا انه خلقنا مصريين ..
انا بقعد مع نفسى واقول ..ياترى الازمات اللى احنا بنعشها فى البلد دى لو كانت عند شعوب تانية زى دول البترول مثلا كانوا هيعملوا ايه وضحك اذا تخيلت واحد قطرى واقف فى طابور جمعية ولا فى طابونة عيش(هههههههههههه..ياخرابى) واسأل نفسى النيل ده معدى على 9 دول اشمعنا مصر اللى قامت عندها حضارة والدول التانية الى الان_ بتمص ظلط_ ويطلع واحد ؟يقولك؟..مصر هبة النيل..آآآآآآسف..مصر هبة المصريين وسأل نفسى ياترى احنا عرب ولا فراعنة(لا احنا فراعنة اخوال العرب وسألوا ام اسماعيل) _اخيرا يابخت الحاكم اللى بيحكم المصريين |
اقتباس:
البلاد اللى حضرتك بتتكلم عنها دى يااستاذنا العزيزيامه كانوا بيقفوا فى طوابير فى انتظار المعونات المصريه زمان ولما جاء عليهم الدور لرد الجميل ها أنت ترى - الاقزام تحاول القفز على العملاق واشمعنا مصر اللى قامت فيها حضاره -- لأنهم مصريين كرمهم المولى فى كتابه الحكيم وأنا عربى ويكفينى شرف الانتساب للمصطفى صلى الله عليه وسلم ولغة القرأن الكريم أعزكم الله بعلمكم أستاذ عبدا لله وشكرا لك |
اقتباس:
بقى الكلام على نفسنا فضايح والكلام على نجوم المجتمع مش فضايح يا أستاذنا العزيز دى الفضايح نبتت منهم ولهم جمد قلبك واتكلم عن مشكله عامه ياعمنا وبلا ش خاصه وشكرا أستاذ السيد صابر - شرفت بلقائك - ودمتم لنا بخير |
سكت الكلام ف لسان البشر
واتخرس اللسان وقت الخطر والفقر سيف بيدبح كل الفكر صرخ الصمت اتكلموا يابشر نطق الحجر اتكلموا يابشر تاه الكلام وسط المشعين والزحمة فقد الكلام معناه لما ضاعت الرحمة اللى بيتكلموا بين الشيشة والفحمة كلام موزون فين المزة وفين اللحمة منين نجيب كلام ومعلم الكلام أخرس منين نجيب جرأة وأستاذى أنا مفلس مربوط ف ساقية ياترى يعلم ولا يحرس وعلشان يعيش لازم ينافق ويهيس |
اقتباس:
بقى ياراجل عندك الروائع دى وساكت ياعم قوووول إتكلم وعلى صوتك بالغنا - لسه الأمانى ممكنه وأرجوك بلاش الشعور بالإحباط فى كلماتك والأمل دائما فى ربنا كبير وشكرا أستاذ أحمد جاد |
موضوع رااااااااااائع
شكرا لحضرتك على الموضوع الجمييييييل ده وشكرا أيضا إن حضرتك عملت للشعب الغلبان قيمته علشان هو بيتجار عليه على طوووووووووووول:d |
اقتباس:
يعنى علشان تفتح سيرة الكوره ونجومهاولا الفن لوكنتم إتنين بعد ربع ساعه هتكونوا خمسين ولو خمسين بيتكلموا على مشكله فى قريه ولاحى ولاحتى عمارة بعد ربع ساعه هتبقوا إتنين وسبحان الله ساعة حدوث أى مكروه تلاقى الشهامه والرجوله ليس لها نظير فى العالم كله عايزه كل علماء النفس اللى فى الكون لتفسيرها -- ونورتنى يا عم أحمدوإلى لقاء |
اقتباس:
والله عند حضرتك كل الحق اتكلم وانشاء الله سنسمعك ولنا نشيح بوجوهونا بعيدا ولن نغلق باب أذاننا الشعب فى حاجه ان حد يسمعه يشعر بمعاناته الامنتهاه وأحزانه المتوطنه فى حياته |
اقتباس:
عفوا أخي وبارك الله فينا جميعا |
بص يا أستاذنا السلبيات (1) اننا قربنا نبقي صنيين يعني مثلا ممكن تخرج حضرتك في الشارع مرة تلاقي البشر عينها بقت ضيقة :006et4: يعني قررت مرة كداا اني اعرف ايه اللي في بيتنا صيني اكتشفت ان بيتنا معظمه صيني وانا بشك دلوقتي اني صينية ومش واخده بالي :d!!! (2) البطالة يعني الشباب مش لقيين شغل ودا سببه طبعا عدم التدريب الجيد وان التعليم حفظ ودش (3)النظافة اللي بيتميز بيها المصريين دون سواهم يعني مثلا لو واحد مصري ماشي في الشارع ومعاه كيس تفتكر يستني لحد ما يوصل البيت بيعمل اسهل الطرق يبص يمين وشمال مفيش حد شايفه طيب ارمي بقي:d كفاية كدااا |
اقتباس:
أنا لست إلا قليل القليل -وبدونكم لامرشد لى ولادليل فمن تظنون أنا -وما أنا إلا قطرة من قطرات نهرالنيل بمفردى لاقيمة ولا مأوى-وبقائى مشروط بجمع جميل شكرا وتقبلى تحياتى أستاذه فاتن |
أستاذ ناالسيد صابر
إذا كان على العروسه موجوده ومضمونه بإذن الله 100سنه وأكتر وشرطنا بسيط جدا:stickjo4: ورقة ضمان بإسم حضرتك وعليها توقيع إتنين موظفين لا يقل مرتبهم الشهرى عن15ألف جنيه وربع ومختومه بالشعار:d:d وشكرا أستاذنا الكريم:078111rg3: |
اقتباس:
زمان كان اللى يحب يضايق واحد يقول له ياهندى دلوقتى هيقول له يا صينى نفسى أروح الهند والصين وأشوف الطيب( ---) عندهم بيقولوا له إيه؟:d نورتى الدنيا يا تسابيح وشكرا لك وبارك الله لك |
اقتباس:
15 ألف جنيه وربع مرتب موظف واحد دى بقى وللا الاتنين :040vk0::040vk0: وبعدين أنا أروح أجبهملك منين لسه هسافر المريخ واقعد أبوس في إيد ده ورجل ده عشان يوقع على الورقة بتاعتك دي :006et4::006et4::006et4: وبعدين أنا اللي عايز الضمان مش, هي انت ناسي ان الحكومة واللي جابوا الحكومة بيعملولوها ألف ستمية اربعة وعشرين حساب ولو زعلت ينفضوني وميخلوليش حتى الحديدة دى غير اني ممكن أصحى في يوم ألاقيها خلعاني عند أي دكتور سنان وببلاش كمان وبعدين الشعار محرم وممنوع ياعم روح كده وحاول تعمل ورقة مطلوب عليها شعار الجمهورية وابقى قابلني لو ختمتها إلا إذا كنت موظف حكومي أو ليك واحد حبيبك موووووووووت يختمهالك :friendsxs3::friendsxs3: أنا كنت عايز أعمل اشتارك كمستعير في المكتبة بتاعت الزقازيق رحت أعطوني ورقة وقالولي املى البيانات واختمها من بالشعار وكل ما أروح لواحد يقولي الشعار ممنوع طب أنا أشترك ازاي واستعير الكتب ازاي مش عارف ممكن تعرفني وسيبك من العروسة لإني كده شكلي هوفر القرشين اللي معايا واجبها صيني رخيصة ورفيعه وبتيجي حسب المزاج ومبتكلش ولا بتشرب متعوده بقى, أصلهم كتيير هايكلوا منين يعني ومبتتكلمش عربي يعنى لا تتخانق ولاتنكد عليك ولا تجبلك فريق قومي من العيال يجبولك زهايمر على الثلاثين وكمان مش هتوجع دماغي بعايزه ولا هات ولا جيب ولا ودي ولأن حجمها صغير ومثالي انت مش محتاج أكتر من ميدالية المفاتيح تعلقها فيها في حزامك وانت خارج انت وهي وليها كتالوج كمان على رأي أختنا تسابيح كله بقى صيني يبقى اشمعنى العروسه اللي هعمل فيها وطني واجبها انتاج مصري؟ فكرتوني ببرنامج لمبة عندي الحلقة بتاعت العروسة الصيني وده الرابط بتعها اشتري الزوجة الصينية ب 1000 جنية ويبلاش |
بقى عايز تاخد عروسه معاها تلات تربع قوانين البلد ببلاش
وبتقولى مفيش موظف مرتبه 15ألف جنيه فى الشهر يا أستاذ إنزل البورصه ولا أى ديوان وزاره هتلاقى منهم كتير وختم الشعار تلاقيه على كل ناصية شارع إنت عريس كسلان مش عايز تتعب نفسك وبعدين ده أجمل حاجه فى الدنيا لما تلاقى كروان مغرد بيصحيك كل يوم الصبح وفاتح لك إيديه وبيقول لك هات هى دى الجنه - وياسلام لو ماكانش معاك ساعتها هتشوف ألوان الطيف من السعاده والهنا- إسأل مجرب نصيحه الحريه نعمه -- إتمسك بيها على قد ماتقدر وشكرا أستاذ السيد |
اقتباس:
يانصايح المجربين دا انت باين عليك ...:romarioxp6:... كده يعني أحسن حاجه الواحد يقول يا رب وربنا معانا بقى |
اقتباس:
لا تزعل هجيب عيش وحلاوة :):):):) |
شكرا للجميع
|
[quote=BlakBlak66;2221317]جزاكى الله خيرا
بس ده كان من قبيل الفكاهه والدخول على الزملاء والأبناء حتى لو ببطيخه لكن تعودت والحمد لله على : إن قلت ماتخافشى وإن خفت ماتقولشى والصراحه راحه والأرزاق على الله وإيه ياخد الريح من البلاط -- إذا كان فيه بلاط أصلا توكلى على الله ومن يتوكل على الله فهو حسبه ألا يكفى هذا لتشعرى بكل الأمان نورتى الدنيا أستاذه صفاء :078111rg3: شكرا جزيلا على تعليق حضرتك والذي أعتبره وسام على صدري. اسمح لي ان اتحدث عن ظاهرة اصبحت منتشرة بيننا وهى ( الرشوة) والتي أصبحت وباء أكثر من الدروس الخصوصية فقد أصبح من الصعب ان تقضي مصلحة لنفسك مهما كان حجمها إلا بعد أن تدفع حتى أصبحت أشعر أن من يصبح علي ينتظر شيئا.. ربنا يتولانا برحمته. وشكرا مرة أخرى على سعة صدرك. |
والبلد بينا تبقى واحه ومن غيرنا تبقى ساحه تلعب فيها الديابه
وانت ياهيما ديب قطقوط زغنطوط بتلعب ع الحبل وتتباهى بالخيابه قطيعه الونج اليمين ع الونج الشمال الاتنين يا عم خلوها غابه وانت سعيد ياعم البعيد وبتخطف م الناس كل المروءه والطيابه علشان أهداف بتسعى لهاوحاولت كتير توصلها وبلا استجابه الناس فيها اللى مكفيها ومش ناقصه تغنى لهم على الربابه حكايات الأكابر اللى ماصانوا النعمه وخطفوا اللقمه من الغلابه وشالوا الصحون ونضف المعون ومافضل لنا ياعمنا غير هبابه سيب الناس لأوجاعها وبلاش تانى تصدعها بقراءة فاضيه وكتابه وشكرا للجميع |
| جميع الأوقات بتوقيت GMT +2. الساعة الآن 07:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.