|
الغاء العقد
اعمل بأدارة سنورس التعليمية بمحافظة الفيوم وقد الزمتنا الادارة بتعليم 10 افراد ومحو اميتهم ونجحنا بعد عذاب ومرار في تعليمهم والحمد لله وكان هذا في شهر 7 /2009 ، ونفاجأ باداراتنا الميمونة انها علينا اعادتنا امتحان هؤلاء مءة اخرى بدون ابداء اى اسباب وفي خلال اسبوع من الان والا سيقوم بإنهاء تعاقدنا مع العلم بأني متعاقد بعقد مميز والحمد لله نجحت في اختبار ترخيص المعلم المساعد فهل حقا يجوز لهم الغاء العقد بناءا على تلك الذريعة الرجاء الافادة في هذا الموضوع لانه موضوع مقلق ومقرف في ان واحد
|
علي حسب معلماتي الشخصية
كالاتي قانون الكادر لاينص علي الزامك بتعلم الافراد بالمحو الامية حيث لاياتي في القانون هذا البند وانت الان الموقف الخاص بك سليم وعليك لو شدوا معاك رفع دعوة قضائية في المحكمة وهتكسبها لاتهم هايرجعوا الي القانون والقانون 155 الكادر لاينص علي الزامك بمحو الامية كشرط اساسي في التعيين |
متشكر جدا على اهتمامك وياريت اى حد يكون عنده معلومة تفيدني في الموضوع ده او ايه هي الحجات اللى ممكن تخليهم يلغوا العقد المميز ياريت ميبخلش عليه بيه وشكرا
|
دة انتوا طيبين أوى يا جماعة محو امية ايه واشتغالات ايه سيبك منهم وخليهم يضربوا راسهم فى اجدع حيطة عندهم انت نجحت فى الامتحان وحتاخد الرخصة نحطها فى عين اى حد يشتغلك تانى وبلاش الطيبة دى
|
دلوقتى معدتش محو اميه بقى فيه نظافة
|
اقتباس:
بدون اسباب !!!!!!! الاكيد انه بسبب وسبب وحيد وهو شكوى كيدية من حاقد لكم او لاحد من الذين امتحنوا محو الامية بان ذلك تم بالغش او شكك فى صحة محو اميتهم وانهم حصلوا على شهادات بدون وجه حق ثانيا بالنسبة لفسخ العقد لكم ففيه قولان 1ــ لايمكن فسخ العقد الاباسباب او تقرير او مذكرة ضدكم فيها ما يثبت انكم ارتكبتم اى شئ يخل بالعقد 2ــ يمكن فسخ العقد بناء على انه كان من شرط التعاقد معكم هو محو امية هؤلاء واذا ثبت ذلك فيكون فسخ العقد بناء عليه والله اعلم ولكنى اعتقد ان عندك شئ غير طبيعى وهو اما كراهية لكم او لاحدكم(( المتعاقدين)) او كراهية للى امتحن محو امية او احدهم وسطوا اهل الخير للم هذا الموضوع لان القوانين ثغراتها كثيرة وممكن يؤدى الى فسخ العقد |
هل فيه كلام جديد
عن محو الاميه فى ادارة سنورس وحضرتك شغال ايه بالظبط مدرس ايه اخوك محمود من سنورس مدرس يا ريت ترد عليه |
على فكره احنا فى الغربيه المحافظ القديم ربنا يسهله مطرح ما مشى فى ستين ............. كان برده طلب مننا كده . بس الحمد لله الموضوع ده اتنسى من زمان و احنا دلوقتى على وشك اننا نتثبت . و ماعتشى حد يقدر يقول هنفسخ العقد بتاعك .
|
للعلم مايقدروش يفصلوا واحدعلشان محو الامية حسب القانون فعلا كما قا لت الاخت الفاضلة وللعلم انا من سنورس- بيهمو وتعاقد مميز
|
السلام عليكم
تم الغاء نتيجة 20/6 و 5/7 على مستوى المحافظة لان ادارة محو الامية قامت بعمل الكثير من الشكاوى للرقابة الادارية فى نزاهة جميع الامتحانات وطبعا احنا عارفين الشكاوى دى كلها ليه لانهم كانوا هيتسارحوا كل واحد يرجع شغلة القديم ويلغى اندابة وطبعا المصالح اللى كانت بتطلعهم منها هتخلص لانهم كانوا بياخدوا عن كل واحد يتمحى اميتة 130جنية شوف انت كانوا بيطلعلهم كام فى السنة دا التعبان فيهم عندة عربية على العموم الرقابة الادارية راجعت جميع الامتحانات واعتمدتهم ما عدا 20/6 5/7 |
ابة لزوم هيئة محو الامية
|
كلنا يعلم ان محو الأمية عملية صعبة خاصة ان الوقت الممنوح للأمى يكون قليل ..
واتذكر الكهربائى الذى أتى لإصلاح الكهرباء عندى بالبيت فلما علم انى "مدرسة " طلب منى التوسط لدى الهيئة لمنحه شهادة محو الأمية وبالفعل ذهبت معه انا وزوجى من باب فعل الخير ... وهناك وجدت اللواء مدير الهيئة يختبره فى القراءة مرة اخرى وقد كان هذا الولد مجتهداً ويحاول القراءة لكن بالطبع كانت له أخطاء ... وهنا سألت اللواء :"يعنى حضرتك معتقد انه هيكون قارىء ممتاز؟؟؟ حضرتك عارف انه محو امية يعنى كويس انه بدأ يقرأ ويكتب (وكنت قمت بإملائه قبل ان يدخل للواء الذى كنت اعلم انه سيختبره ثانية )" ووافقنى سيادة اللواء على هذا وقال بالفعل احنا معترفين انه يكفى انه بيحاول بس تكون نسبته معقوله .. لأن أنا لو اديته الشهادة وهو ضعيف ممكن اما يروح الفرع الرئيسى هناك يفتكروا ان احنا ارتشينا عشان نديله الشهادة .. وبالتالى انا باضغط عليه عشان يكون احسن واحسن لأنهم ممكن يسحبوها منه تانى " لذلك فقد عرفت ان امتحان ماحى الأمية ليس بكاف لنيله الشهادة وليس معناه انه بالفعل قد محيت اميته وكما قولت فى البداية انها عملية صعبة وياليتهم يفتحون مدارس دائمة لمحو الأمية وليس هذه العمليات الوهمية التى يقومون بها لأنها غير كافية ... وانتم لا ذنب لكم فى علاج هذه المشكلة المستفحلة واعتقد انه لا يوجد شرط لمحو الأمية حتى يتم الغاء العقد فهذا ربط عجيب ومرفوض ... |
بجد اللي بتقوله هذا
المرة الجاية عجين الفلاحة !!!!!!!!!!!!!!!!!!!!!!!!!!!!!!!!!!! |
يارب سترك ورضاك
|
هو لسه فيه حد بيتكلم عن محو الأمية . أنا أخدت عهد مع نفسى غنى مش ممكن أعمل الحكاية دى تانى اطلاقا دى مهزلة بكل المقاييس . هم بيذلونا عل ايه يعنى كل محافظ يخرج بشوية كلام واحنا الضحية ..... احنا طلبوا مننا الكلام ده بس آخر مرة من سنة ونص وبجد كان يوم الامتحان ده مهزلة الكلام عنها قلته أحسن لكن أقسمنا أنا وزمايلى اننا يستحيل ننفذ الحكاية دى عارفين ليه ..لأننا بنجيب ناس متعلمة ولكن غير حاصلة على شهادة وبنمتحنهم ومنهم هم عاوزين الشهادة ومنها إننا بنخلص نفسنا يعنى كله بيضحك على كله وعارفين احنا عملنا كده ليه . لأنهم قالولنا قدامك اسبوع بس علشان تمحوا امية تلاته وتقدموهم للامتحان ...... بس دلوقت بعد النجاح محدش له هذه السلطة ولا هو كل محافظ عاوز يكسب رضا الحكومة يجي على دماغنا إحنا . |
عندنا فى اسيوط الموضوع اتنسى خالص
|
فى المنيا لسة الموضوع دا شغال ومصدعين دماغنا والمحافظ الباشا اللى ماوراهوش حاجة الا محو الامية والتهديد والوعيد وللاسف كل المعلميين يرضخون لقرارات الباشا المحافظ وكانه بيدنا من جيبه الخاص خلاص قرفنا بقى من الشغل واللى بيشتغلوه بيتفالحوا علينا احنا الغلابة وحسبى الله ونعم الوكيل
|
الموضوع ده كان فى الغربية بردو من حوالى 3 سنين ايام العقد المميز
قبل عقد المعلم المساعد وكانوا بيهددوا بفسخ العقد للى مش هيعمل بس فى النهاية معملوش حاجة خالص والموضوع اتنسى وربنا يهديهم |
هو بس يارت احنا المدرسون (ما يسربوش منا التلاميذ)
|
يا جماعة متشكر جدا على اهتمامكم بس بجد الموضوع مقرف جدا لانني اساسا هاجيب الناس دي تانى منين انا طبعا مش هاعرف المهم تانى ده غير انهم اكيد ارتدو للأمية تانى ده غير انهم ماخدوش شهادات وبالتالي تأكدوا ان الموضو ع مش جد وبالتالي لو لقيتهم عمرهم ماهيوافقوا يمتحنوا تانى ده غير ان المدة قليلة جدا
|
يارب سترك ورضاك
|
كل شوية يطلعوا بأشتغالات جديدة
|
المعلمين المتعاقدين من بداية 1/11/2009
عاوز افادة بموعد الامتحانات
|
بمناسبة الإشتغالات :
آخر إشاعة بتقول هيوزعو على كل معلم مساعد نجح فى الكادر لاب تـب |
مش لاب توب وبس اكيد هيوزعوا كمان عربيات عشان يروحو بيها المدرسة
|
اقتباس:
طيب وحياتك متعرفش نوع العربية واللاب توب الي هيوزعوه ايه؟ ههههههههههههههههه لا اله الا انت اني كنت من الظالمين |
اوامر الباشا المحافظ!!!
دى الحقيقه فعلا الرقابه الاداريه لغت نتيجة امتحان محو الاميه فى الفيوم يومى 20/6و يوم الاثنين الاسود6/7/2009 حيث كنت من ضمن عشرات المعلمين الذين كان لهم طلاب فى هذا اليوم المنحوس!! وعلى مايبدوا ان احد العاملين فى هيئة محو الاميه تقدم بشكوى للرقابه الاداريه ليطعن فى نزاهة الامتحانات! فكنا نحن الضحيه!! وعلى الرغم من انى حصلت على ورقه مختومه من المديريه بنجاح الطلاب الذين قمت بتسجيلهم ، الا ان المديريه قالت انى يجب ان اعيد الامتحان لنفس الطلاب ! فهل هذا عدل؟ وماذنبنا نحن !!أين السيد الوزير من هذا البطش من السيد المحافظ!
|
هههههههههههههههههه يا ريت ممكن حد يصدق
|
انا كمان مشكلتى ان الشرط ده مكتوب عندى فى العقد
تعليم 10 حسبى الله ونعم الوكيل |
طيب الاخ بتاع الفيوم " دينزل واشنطن 2010 " ايه رايك نجمع بعضنا ونعمل اعتصام شيك كدا قدام المحافظة ونكلم اى قناة فضائية تصور معانا ونعملهم دوشة علشان ينزلوا من فوق دماغنا لو عجبتك الفكرة يلا نعملها بسرعة وانا من سنورس واسمي تامر .
|
الله المستعان
|
يا جماعة انتم حضرتم اخر اجتماع عملوه ساعة نادوا علينا من المدارس ولازم نحضر ومش عارف ايه
وفي الاخر لما طلع اجتماع بسبب محو الامية اخدت زملائي ومشيت قبل الاجتماع ما يبدا هم عايزين مننا ايه بالضبط يسيبونا في حالنا كفاية اللي احنا فيه حرام عليهم انا برضو من الفيوم ونفس المشكلة كلنا فيها بس انا اقسمت ما هاقوم بحكاية محو الامية دي واللي عايزين يعملوه يعملوه احنا مش شخشيخة في ايديهم ويا ريت الزملاء يرفضوا كمان ونقول راينا مرة واحدة وبلاش يلعبوا بينا كدة هو ما فيش غير المتعاقدين امال لما الموضوع مهم كدة فين الاساسيين والخبراء اللي قبلينا مش هم برضو مدرسين ولا ده ذل للمدرس المساعد والمتعاقد علشان روحنا في ايديهم عاوزين نفهم ايه الحكاية بالضبط ؟ مصلحة ليهم ولا فلوس ولا فلوس ولا فلوس ليهم برضو بالله عليكم ما حدش يقوللي ان الموضوع ده فيه مصلحة للبلد فين المصلحة واحنا كلنا فاهمين ايه اللي بيحصل في امتحانات محو الامية من غش امتحانات ومن رشاوي للمراقبين ومن فلوس بياخدوها الممتحنون الدارسون علشان يوافقوا يروحوا يمتنحنوا يبقى فين مصلحة البلد واحنا اصلا ما بنعلمهمش احنا بناخدهم نمتحنهم على طول والمصيبة ان الجميع عارف كدة ومصرين على اننا نعلم برضو فوقوا بقى .... |
حسبنا الله ونعم الوكيل
|
لاب توب ههههههههههههههههه
|
| جميع الأوقات بتوقيت GMT +2. الساعة الآن 10:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.