|
يوميات انا فاشل متجدده دوما
أقوى يوميات عرفتها البشريه
يومياتـ... أنـــا فـــاشـــل http://i48.tinypic.com/5dqc93.jpg انا مين انا شاب مصري مشهور بالفشل في كل حاجه مفيش اي نشاط ادخل فيه ولازم افشل فيه . ان كان دراسه ولا ترفيه ولا شغل نفسي اعرف الغلط جي منين . وانا هحكلكو عن حياتي اليوميه يمكن حد يقولي الغلط جي منين. متستغربوش لو المدونه دي فشلت لأن ده الطبيعى ... الفشل الاول (الحب الحب) بدات حكايتى وانا فى تالته ابتدائى كنت بشوف اعلان واحد بيطلع فيه ويقول كول وافلام التسعينيات ديه اعد افكر فى الكلامه وفى الاخر قررت ابقى كوووووول صحيت الساعه السابعه والنصف كالعاده وسمعت اغنية عايزنها تبقى خضر الارضى الى فى الصحراء وشربت لبن وبطنى وجعتنى كالعاده مش من اللبان من الاغنيه ورحت المدرسه وانا ماشى عمال افكر ازاى ابقى كول المهم كان عندى واحد صحبى اسمه احمد كان بيحط زيت امله على شعره وبنطلونه مرفوع لحد صدره اظهار انه كان بيدفى صدره بيه ورابط القميص لحد ماهيشنق نفسه بيه قولت ده الواد الكول الى فى صحابى كلهم فقررت اروح اسئله ازاى ابقى كول زيك فرد عليه احمد: كول سرح شعرك وامسك منديل فولار اوعى تجيب فاين فولار احسن والبس ساعه وحس انك كول وانت ماشى خلص اليوم وروحت وكان عليه درس باليل فقررت انى افاجئ الناس كلها وابقى اجمد كووووول فى مصر لبست بنطلون ورفعته لحد صدرى كنت حاسس ان هيغمى عليه من البنطلون وتنيته من تحت لحد مابقيت شبه بتوع المطافى وحبيت اخرج عن كلام صحبى واحط جيل فى اول واضخم حدث هو الاول من نوعه وهو انى هبقى كول رحت الصبانه وجبت بربع جنيه جيل وحط بقى ياكول على شعرك واستحمه بالجل حطيت كمية جيل محدش حطها ابدا ولبست قميص كول كده كنت حاسس ان رايح جنينة الحيوانات من كتر الحيوانات الى عليه ولبست ساعه كتينه موديل 1919 من ايام عمك سعد ومشيت فى الشارع وانا حاسس انى كول واجمد كووول فى التاريخ البشرى رحت الدرس وكنت اتاخرت طبعا عشان بظبط الكول بتاعى ودخلت ووقعت عنيه على ندى وبجد ندى والحب والكول ابتداء ذات الشعر القصير الوجه الذى لا يفرق عن وجه الولاد فهى فى ذلك الوقت لا تملك اى شىء يدل عن انها بنت او اى داليل عن انوثتها فهى فتات احلامى وبجد ندى والحب والكول ابتداء اعد ابصلها طول الحصه وشعرى غرقان جيل وبمنظرى العجيب ده وبعد مخلص الدرس قولت لاحمد انا بحبها اوى قالى احمد: هو انت شوفتها غير مرتين خلاص هظبطك معها طبعا احمد ولا ظبطنى ولا حاجه كل تظبيطه اننا مشينا جمبها طول الطريق كنت حاسس سعاتها انى فى الصم والبكم وفى الاخر قررت اكلمها واصرحلها على كووول الى فى القلبى قصدى الحب يعنى فكانت ماشيه هى واحده صحبتها وانا واحمد لقتها بتقولى انت بتحب ياعبدالله يااااااااه مش عارف اوصفلكم اللحظه ديه حاسيت ان الكول عمل حاجه رديت عليها قولتلها انا اها اها بحب ندى : مين ياعبدالله انا: وبكل ثقه انتى بحبك انتى لقتها مره واحده راحت قالبه وشه ولسان حالها بيقول انا احب الكول ده ازاى يعنى لقتها راحت قالتلى احنا لسه صغيرين على الكلام ده طبعا انا فى اللحظه ديه كل الكول عندى وقع حسيت ان البنطلون نزل من على صدرى وكيلو الجيل الى كنت حاطه على شعرى بيقع وبنطلون المطافى بدا ينزل من تحت المهم كالعاده عم عليه السكوت وفضلنا ماشين حوالى 50متر كده وفجائه احنا الاربعه ماشين فى خط واحد راحت واخده يمين هى وصحبتها من غير سلام او بيس يامان ولا اى حاجه كوووووول كان منظرى انا واحمد مش كول ولا طعميه كمان ودي كانت البدايه بس طبعا قصص الحب مخلصتش فاشل عايز ردود بقي عشان الموضوع يسخن :d |
هههههههههههه
ده كول اوى هههههههههه بجد قصة تحفة اوى اوى ومنتظراها بفارغ الصبر شكرا جدا على القصة وياريت متتاخرش علينا بالباقى |
طريقة *الكول* دى غريبة شوية
ده مش فشل اوى يعنى مرسيي كتير ليك ومنتظرة الباقى ان شاء الله |
اقتباس:
وشكلي هنام منكوا يعني 25 مشاهدة مفيش غير 2 رد بس:romarioxp6: اقتباس:
|
عجباني اوي اليوميات دي
و علي فكرة ممكن تسميها ( يوميات ولد كول ) المهم عندي شوية استفسارات عايزة اعرف اجابتها و جاوب بصراحة و الا ...........:abdoog8: اولا ازاي ولد في ابتدائي يعرف حكاية كول دي ثانيا بقي وده الاهم ( مين الفاشل ده ) عموما شكرا علي الموضوع المميز و في انتظار المزيد |
اقتباس:
انا عن نفسي وانا صغير كنت كل ما اشوف حاجة جديده وعجبتني خلاص انسي لازم ولابد اعملها إحم إحم.... مش لازم اجابة السؤال دا ان شاء الله |
ههههههههههههه كول اوى الصراحه
مستنين الباقى |
حلوة قصدي "كوول"
منتظرين الباقي |
موتوع جــــــــــامد جدا
منتظرين الباقي |
ايه الردود الكول دي
شكرا لمروركم |
الفشل التانى(امير الانتقام)
بعد أن فشلت في الحب واكتشفت بعديها بخمس سنين أن احمد اعز اصدقائى الكووول بقى يمشى مع ندى وحبه بعض حسيت أن مفيش خير في اى كول تقبله في حياتك اتألمت أوى من المنظر إلى شوفته صحبي الكوال وحببتى ندى في أحضان بعض يااااااااااه فقررت انتقم لحبي منهم احمد ساعتها كان هو فتوة الفصل محدش يقدر عليه اعدت أفكر ازاى اباينلها أن احمد ده ولا حاجه وأنا الكول الاصلى وانا قعد عمال اكل في نفسي لقيت برنامج مصارعة المحترفين وكان جايب ساعتها مصارعه لجون سينا .....بس لقيتها قولت بس أنا جون سينا وبكره هكسرك ياحمد لبست بنطلون استرتش احمر مخطط واعدت ادور على تى شيرت كات يبقى على مقاصى ملقتش رحت رايح جايب فنله حملات وكان لونها اخضر وحسيت ساعتها أنى عبده سينا بعديها كنت عايز اتمرن شويه فندهت لأخويا الصغير سوكا وقولتلو تعالى نلعب مصارعه ولعبنا وانا اتحمست اوي وتقمصت الشخصيه وهووووووووووب كسرت ايد اخويه وكانت النتيجه علقه من العيار التقيل المهم صحيت الساعة سبعه ونص برده كالعادة بس الغريب فى اليوم ده أنى مسمعتش أغنية عايزنها تبقى خضر الارضى الى فى الصحرا سمعت أغنية أتقدم اهاهاها أتقدم اهاهاا بتاعة فيلم احمد ذكى النمر الأسود فى اللحظه ديه حسيت ان كل الظروف معايا لبست الهدوم العجيبة ولبست فوقهم هدوم المدرسة العادية ورحت المدرسه واعدت منتظر لحظة الحسم واخيرا جت حصة الألعاب ورحت مغير الهدوم ووقفت قدام احمد وسعتها كنت ميت في جلدي بس لا لازم اوجهه......هجووووووووووووووووووووووووم أنا: ليه كده الخيانه دي ياكوووال مش البت ندى دي الحته بتعتي ولا ايه احمد: أنت هتعملى فيها ممدوح فرج أنا: لا هعملك فيها جون سينا انا قولت الكلمه دي وعينك متشوف الى النور عملته كفته ...احم احم مش كفته اوي يعني هو الي حصل والي انا فكره اني قطعتلو قميصو وخربشتو في ايدو اما انا بقه احم احم ودعت من بوقي درسين وناب وهدوم المدرسه بقت خيش لحمام المدرسه والشنطه بقت بسكت الزباله وبرده كانت النتيجه في البيت علقه من العيار التقيل وفشلت فى ان أعيد كرمتى واعتبرت موضوع ندى واحمد ده عاديوربنا يهني سعيد بسعيده وبالنهاية الاليمه ديه انطوت صفحه من صفحات حياتى وهى صفحة الكوووووول فاشل ردود........ |
مشكور يا مبدع على القصص الجميلة دي
|
هههههه
كام علقة جامدة .... تمااااام اخرتها ....خربشة !!! مستنية الجديد ان شاء الله |
اقتباس:
اقتباس:
يسلمو ع المرور |
بجد الموضوع حلو اوي
منتظرين الباقي |
موضع جميل
تابع |
بجد الموتوع حلو جدا
وكل مرة بيحلو اكتر بس عنتى كام سؤال تدة: _اولا: هو الاحداث تى حصلت سنة كام؟ ثانيا: _الشخص الكول ته حد مشهور زى ممثل مثلا ولا مجرد انسان عاتى زينا؟ :078111rg3: |
قصة جمييييييييييييييلة جدااااااا
وفى انتظار الجزء التالت |
اقتباس:
اقتباس:
اقتباس:
لا هى تشكيله غريبه كدا ومتهوره لاحظى حضرتك المهم كان عندى واحد صحبى اسمه احمد كان بيحط زيت امله على شعره وبنطلونه مرفوع لحد صدره اظهار انه كان بيدفى صدره بيه ورابط القميص لحد ماهيشنق نفسه بيه شكرا لمرور حضرتك اقتباس:
اسعدنى مرورك حقا وبإذن الله الجزء التالت ف السكه;) |
الفشل الثالث(المحقق كونان) عدت أيام وفاتت سنين وطبعا اتغيرت فيه حجات كتير ونسيت كل حاجه نسيت الحب والكوووووول وحتى عبدو سينا نسيته في الفترة دية كنت في سنه أولى اعدادى وكنت على طول ماشى جنب الحيط يعنى تقدر تقول كده مثال للطالب الشريف كنت بلبس جزمه بوت لونها اصفر ومنه لله الراجل إلى اشترتها منه قالي الراجل: أنت بتشوف كرتون المحقق كونان أنا: اه بشوفه الراجل: اهو كونان لسه قالعها دلوقتى وواصل مشاور وجايه ياخدها وانا هديهالك كومبليمو منى ليك طبعا أنا سمعت كده وقولت والله لو جيه أبو كونان نفسه ماهياخدها منى ولبستها على بنطلون رمادي حجره حجر فيل عشان ميتئطعش لان كل بنطلوناتي كانت بتتفرتك من الحجر زى فيلم هندي أنا بقى كنت عاطف إلى في الفليم ولابست عليهم قميص حياتي ياعين والله كان اسمه كده كان اسم المصنع إلى بيعمله حياتي ياعين فكان مكتوب عليه قميص حياتي ياعين كان قميص شفون لبنى مسخسخه والراجل برده اشتغالنى وقالي ده بيطلع موسيقى في الأوقات الصعبة قولتلوه يعنى ايه في الحمام مثلا ضحك عليه ومردش المهم اشتريت الطقم ودخلت الحمام يومين عشان اسمع موسيقة القميص الشفون مسمعتش حاجه قولت تبقى اشتغاله ماعلنا القميص كان داخل دماخى مش مهم الموسيقى يعنى تقدر تقول كده ان استيلى ساعتها كان عامل زى استيل الشاب عماد بعرور مضروب في الخلاط مع الشاب عبدالباسط حمودة فالك ان تتخيل المنظر المهم كان جنب مدرستي على طول نادى كنت بخلص المدرسه واروح اتنطط في النادي شويه ففمره كنت في النادي شوفت فعل فاضح في النادي إلى أنا بدخله طب ازاى رحت على طول مشغل جزمة كونان واعد ارقابهم من غير مايشوفونى طبعا ده إلى كنت أنا فاهمه وكل مايروحه مكان فاضي عشان يعيشه فيه مع بعض تلقى الجزمه على طول تروح محركانى وتقولي رووح شوفهم بيعملوا ايه أنت هتسبهم كده اهو أنا ساعتها كنت عامل زى العيال الرخمه إلى بتيجى ترخم على اهلك وأنت أعد مع الحته يعنى لو حصلك الموقف ده اعرف ان العيل الرخم إلى واقف قصادك هو العيل الفاشل إلى في الفيس بوك في وسط وأنا عايش في دور المحقق كونان لقيت الشاب إلى كان مع البنت جيه من ورايا معرفش جيه ازاى وراح مسكني من القميص الشفون وراح قايلى الشاب: أنت مش هتلم نفس اهلك ببنطلونك الخطير ده أنا بقى رحت برئتله وضربته على أيده وفى اللحظة دية اشتغل القميص اشتغلت موسيقة الضوء الشارد عرفت ساعتها الراجل بتاع القميص كان قصده ايه ورحت قايله أنا: أنت ملكش دعوه ببنطلوني أنت مش عارف بتكلم مين الشاب: مين يعنى بطل المهمة المستحيلة أنا: أنا عبدالله ........ عبدالله محمد على طريقة جميس .....جيمس بوند أنا لسه بقول كده وراحت الموسيقى اختفت والنور ضلم محسيتش بنفسي إلا وعم لمعي بواب النادي بيقولى عم لمعي: قوم ياحماد قوم ماما زمانها قلقانه عليك رحت رديت عليه وأنا بفوق أنا : حمادة مين أنا عبدالله......... عبدالله محمد بنفسي الطريقه برده بس المرة دي كانت مع عمى لمعي راجل طيب وفشلت ان أبقى زى المحقق كونان وحسيت ساعتها ان مستحئش أنى البس جزمه كونان والطقم بتاعى الخطيرة ده وألفت أغنيه كونان كده على قدي كلمتها بتقول انااناانا فشلت فجائه ابصى لنفسي فجائه لقتنى فشلت فجائه تعبت من المفاجئه ونزلت صحتى قوليلى ايه يامريلتى قوليلى ايه حكياتى ميكنش الفشل نهايتي وأخر قاصتي اناانااناانا فشلت فجائــــــــــــــــــه بس خلاص فاشل |
وايــــــــــــــــــــــــــــــــــــــــــة هبطل السجاير واكون انسان جديد وايــــــــــــــــــــــــــة
هههههههههههههههههههههههههههههههههههههههههه فاشـــــــل وخبؤ موووووووووووووووووووت هههههههههههههههههههههههههههههههههههه |
هههههههههههههههه
فاشل ايه بس ماهو بيضحكنا اهو حلقة حلوة جداااااااااا |
ههههههه موضوع حلو من اوله تسلم
|
هههههههههههه
ده فعلا فاشل اوى بجد يوميات جميله جدا نفسى اعرف اخرها منتظرين الباقى ان شاء الله |
هههههههههههههههههههههههههههههههههههه
لا فعلا يوميات فاشل وطايش وكوووووووووووووووووووووووووووووووووووول |
منتظرين بقيه اليوميات يا استاذ فاشل
قصدى يا استاذ كوووووووووووووووول ههههههههههههههههههههههههههههه |
اقتباس:
نورت ياباشا اقتباس:
اقتباس:
اقتباس:
والرابع جاى بررررررررررق:d اقتباس:
يسلموووووو ع المرور |
على فكره يامان
الموضوع جميل اووووووووووووووووووووووووووووووى وياريت تكمل ماشى منتظرين البقيه |
بجد اليوميات دي حلوة اوي
ممتعة و مسلية و مضحكة جدا اتمني انك تستمر في كتابتها في انتظار المزيد |
اقتباس:
|
فااااااااااشل فاااااااااااااااااااااشل ايوه فااااااااااااااااااشل إحم إحم...... ايه الهبل دا :p ام هند ها قد عدنا اليكم فقط وعلي الهوء بين اجواء صفحات منتدى الثانويه الساحره لنقدم لكم حلقة جديده وساااااااااااااااااااااخنة هــــــــــــــــــى......... الفشل الرابع (كابتن شوما) كان للتليفزيون اثر كبير فى حياتى وده باين طبعا فى الحلقات الى فاتت وكان للقناه التامنه اثر اكبر فى الحلقه ديه بدات حكايتى مع القناه التامنه لما قلبت عليها صدفه لقيت مذيع حاطت على شعره نص جبنه براميلى ولابس بدله غريبه عامله زى بدلة الباشكاتب انا حسيت لما قلبت عليه انه هيطلع من التليفزيون ويقولى هات الايجار الى عليك كنت على طول بوصف القناه ديه بانها قناه عقيمه لا تولد ولا تساعد على الانجاب زى ثانى اكسيد الكربون لا يشتعل ولا يساعد على الاشتعال المهم لما قلبت على قناه كان المذيع بيقدم حلقه عن الكارتيه فعجبنى اوى الموضوع وعجبنى انهم بيعرفوا يدافعو عن نفسهم وده الى انا كنت فاهمه من البرنامج وهو اصلا فى الحقيقه لا بيدافعو ولا بيهجمو ولا اصلاينفعو خط وسط نزلت على طول بعد الحلقه ورحت النادى ببجامه كستور كننت شبه الحمار الوحشى مخطط من كل حته دخلت النادى وقبلت الكابتن بتاع الكارتيه قالى تجيب خمسين جنيه وست صور قولتلو ليه الصور قالى عشان تلعب فى بطولة امم اوربا ودي كانت اول اشتغاله ليه المهم تانى يوم لبست بدلة الكارتيه والحزام الاسود ونعكشت شعرى كان شكلى عامل زى اسره الحرب قولت مش مشكله اهو لوك وخلاص و خد معايا شنطه حطيت فيها فوطه وكوتشي ارك شوز بينور وازازة لمون وسندوتشات ورحت التمرين وجاى اسلم على الكابتن لقيت واحد من ورا راح واخدنى نص وقالى هع يااع قومت وقلتلو ايه في ايه هو انتى هترجع ولا ايه هو ايه الى يااع انا والله لسه مستحمى مردش عليه وسبنى ومشى قولت عادى يمكن زعلان من حاجه دخلت التمرين وحظى الوحش انى الى كان بيدربنى بنت اول ماشوفتها حسيت انها بتاكل العيال بسلم عليه لقتها بتقولى ازيك ياوحش عامل ايه بصوت طالع من سفون حمام مش من حنجرة بنت خالص وبدا التمرين ولقتها بتقولى يلا ياوحش انزل اعمل كاتات استغربت قولت ايه كاتت ديه قولتلها كيت كات اعمله ازى ده مش انا الى كنت بمثل فيه ده الزميل محمود عبدالعزيز لقتها بتقولى بص يلا انا اصلا دماغى فيها حاجات بتروح وتيجى هتعمل كتات ولا اوريك الكتات فى عز الضهر انا سمعت كده قولت بس انا جيت النار برجليه بس قولت مش هينفع تمشى وتسيبها دي اهانتك واعد اشجع نفسى ازاى بنت تهينك ازاى تقولك اوريك الكتات فى عز الضهر انت قليل فى البلد ديه ولا ايه دانت كنت كووول وكنت عبدو سينا وكنت المحقق كونان وسعتها وشى احمر وقررت اغامر بحياتى وقف قصادها كابتن لكابتن فى اللحظه ديه كان عمى لمعى مشغل الراديو وكان جايب برنامج على نصيه والبرنامج ده كان مشغل اغنية شئ من بعيد نادنى وجرالى ماجرالى رحت سخنت اوى واتشجعت وقلتلها مش كابتن شوما الى بت توريه الكتات فى عز الضهر دنا شوما ............ هاشم شوما راحت قالتلى انت هتعملى فيها نجيب الريحانى ومسكتنى ولقتها راحت مشقلبانى وقلتلى هع يااع انا سمعت الكلمه ديه عرفت ان الى فى المكان كله كانوا قرفانين منى وروحت البيت وانا مدشدش ورميت البدله والحزام والليمون والكوتش وكل ادوات المطبخ الى كنت رايح بيها وعرفت ان عمرى ماهبقى كابتن شوما خالص وعمرى ماهاخد حقى ابدا وهفضل فاشل يعنى هفضل فاشل مفيش مفر منها فاشل فااااااااااااااااااااااااشل وانتهت الحكايه بأني لعبت في الأخر بنك الحظ مع اخواتي . ملحوظه صغيره الفشل ده كان اخر فشل ليه وانا صغير والحلقه الى جايه عباره عن مواقف كتبره مضحكه اووووووووووى بجد هتموت من الضحك المواقف ده هتبقى فى حلقه واحده بعنوان ياحمام الهنا ياريتنى كنت انا بجد مضحكه اوووووووى وبعد كده هيبدا الفشل وانا كبير واوله فى ثانويه عامه فانتظرون اوعى تروح فى اى حته الا لما تستاذن من منتجع الفاشلين فاشل |
حلقة جامدة فعلا
بس نصيحة بلاش تتريق علي بتوع الكاراتيه و الا ....................:stickjo4: مش كفاية اول يوم ليك في التدريب و رايح بالحزام الاسود :ph34r: ده انت حظك حلو انك لعبت مع كابتن بنت الكباتن البنات كلهم رقة اما بقي لو كنت لعبت مع كابتن ولد كان زمانك ................. :giljotiiniug3: شكرا علي الحلقة الجميلة دي و منتظرين البقية |
انت بجد حد جميل اوى عندك موهبه جميلة ضحكتنى كتييييير اتمنلك التوفيق وياريت متحرمناش من الحجات الجملة دى وعلى فكرا انت شكلك فرش
ياريت تكلمنى اكيد احنا اصدقاء |
ههههههههههههههههههههههههههههههههههههههه
والله انت سكر سكر |
اقتباس:
إحم إحم ...... ايه الرد اللي كله نبابيت وشنق ودبح دا حقك عليا خلاص اخر مره :p الا هو حضرتك تعرف الست اللى كانت بتدرب دي :p اقتباس:
اكيد طبعا كلنا اخوات اقتباس:
|
شكرا على ايه
احنا المفروض نشكرك انك خرجتنا شويه من مود المذاكره وضحكتنا وروشتنا يا مان انا كل صحباتى عجبهم الموضوع اوى انا وريتهلهم فى المدرسه وعجب الاستاذ بتاعى اوى |
مرسي على الحلقات المضحكة دا دي
هههههههههههههههه وبالتوفيق في فشلك الدائم ههههههه |
هههههههههه حلقة جميلة جداا ;) وزى ما الاستاذة قالتلك ابعد عن بتوع الكاراتيه احسن :slap1qk6: ومتتأخرش ع الجزء الخامس :006et4: |
اقتباس:
ياخوفي اللى يدرسووه كمان :D اقتباس:
نورت يامان اقتباس:
كفايه ضرب هو كله ضرب ضرب كدا مفيش شتيمه :D الحلقة الخامسه بقي دي حكايه قنبله :049gc0: فاترقبوووووا |
ههههههههههههه
صوتها عامل زى السيفون ههههههههه اكيد مش للدرجادى بجد حلقات تحفة ياريت متتاخرش عن الجزء الخامس وانا متابعة ان شاء الله |
إحم إحم ..... لا مفيش هبل ولا حاجة المره دي ......... :d النهارده يوم مش عادي وجزءنا غير عادي هتفتص من الضحك يعني هتفتص :d يلا نبص بس نبص بس :d الفشل الخامس(ياحمام الهنا يارتنى ماكنت انا) ياحمام ألهنا يارتنى ما كنت أنا لما يكون الفشل حتى في الحمام يبقى ده أمر فوق الطبيعي طبعا أنت مش هتصدق بس اسمع ياعم وادينى عقلك في يوم قررت أروح أصلى وقولت مفيش أحسن من القرب من ربنا رحت أصلي دخلت جامع كبير كبير اووووووى فبسال الناس فين دورة المياه لقتهم وصفولى حته براه الجامع خالص والى يقولك شمال في يمين والى يقلك متغور بقى بعيد عننا هو أحنا نقصنكم المهم أخيرا وصلت للعنوان المطلوب كانت دورة المياه دية غريبة أوى حمامات على يمين وعلى شمال وممر في النص وأخره حنفيات عشان تتوضأ وأول ما المؤذن قال الله اكبر وهيقيم الصلاة لقيت كله بيزق في بعضه والممر ضيق والناس عمال تزق والحياة شارع العتبة أوى راح جه واحد من ورا وراح وخدني كتف محستش بنفسي غير إنى بلزق في باب حمام والمشكلة أن الراجل إلى جوه كان صعيدي ومعرفش يتعامل مع القفل فا مقفلهوش وأنا يمعلم بمسافة ملمست الباب لقيت نفسي جوا الحمام والراجل اعد أعدت القرفصاء وبيبوصلى بخوف وبيقولى إيه في إيه اعد أفكر أقوله إيه أقوله إيه راحت جت في دماغي فكرة خدوهم بالصوت رحت قولتلو أنت بتعمل إيه هنا مش سامع الأذان يله أخرج ورحت طالع أجرى ومن ساعتها الراجل مبيدخلش الحمام خاااااااااااااالص وأنا من ساعتها مبدخلش دورة المياه خااااااااااااااااااااااااااااااااالص وادينى فشلت في الحمام مش عارف هنجح أمتي ؟؟؟؟؟؟؟ فاشل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ هي اسكنريه بتقع في مصر ولا لسه موقعتش؟ لما تكون اعد في امتحان الابتدائية يعنى شهادة برده ويجيلك سؤال زى ده هي اسكندريه تقع في مصر صح أم خطا؟ سؤال محير ومعقد يقصد بيه تعجيز الطالب الفاشل إلى زيى بس أنا المره دى خلفت القاعدة لما فكرت ولأول مره أفكر قولت أنا بصيف في اسكندريه يعنى مبركبش طياره يبقى اسكندريه بتقع في مصر صح ياخون ولا لا هو ده التفكير السليم إلى في العقل السليم يسلام عليك يافاشل لما تفكر بس كانت المفاجئه لما كان الواد ابن الأبله قاعد قدامى ودخلت عليه أمه إلى هيه الأبله بتاعتى واعدت تغششه الامتحان كله وجت عند السؤال ده وقالتلوا غلط اسكندريه عمرها ما وقعت دية أجمل مدينه في مصر ينهار ابيض اسكندريه مبتقعش في مصر يعنى بتقع في دوله تانيه دا تفكيرى كان هيودينى في دهييه شخبطت على طول على الاجابه وكتبت غلط اسكندريه عمرها ما وقعت في مصر وكان النتيجة إن أنا وابن الأبله والأبله كنا زمله في الدور التانى في الصيف وفشلت للمرة المليون في امتحان الابتدائية شهادة يا ناااااااااااااااس فاشل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ دية أول مره بس!!!!! لما يجى واحد يقف على رجلك ويقولك ديه أول مره بس تعمل ايه في إجابتين لتقوله طب هي تانى مره امتى أو تقوله هي في مره تانيه ولا ايه اسمع ياعم واقف ومسرح شعري وجايبه بقى على جنب وحاطت كريم ايفا بالجرجير وحطيت بيرفيوم الخنفرى وتى شيرت وعليه كرافت وبنطلون أخر العالم هو اسمه كده عشان كان واسع وطووووووويل وجزمه نص نقل يعنى من الأخر كنت مظبط نفسي وفجائه وأنا واقف في الشارع عند بيت الدرس إلى كنت المفروض ومستني الأستاذ وطبعا مينفعش ادخل عشان كان بيت الدرس بيت بنت عشان مره دخلت عليهم قولت يمكن تعجبهم ريحة الخنفرى أو الجزمه النص نقل أول مافتح الباب حسيت إن غلط ودخلت حمام البنات لقيت البنت إلى فتحتلي أول ماشفتنى راحت مصوتة وقفلت الباب في وشى!!!!! المهم وأنا واقف جه واحد مش عارف عبيط ولا حرامي ولا بيشتغلنى مش عارف صراحة كان ايه بالظبط لقيته جه ووقف على رجلي بصيت كده قولت هو خلاص يعنى هو إحنا في زنقة الستات عشان تيجى تقف على رجلي ما الشارع فاضي فقولتلو لو سمحت يعنى من غير مضايق حضرتك هو في ايه؟؟؟؟ قالي سوري معلش أسف ديه أول مره بس!!!!! حاسيت انه بيترجم الاعتذار لتلات لغات قولتلو هي في مره تانيه ولا ايه؟؟؟ لقيته راح منفضلى ومردش عليه ولسه واقف رحت قولتلو طب هي تانى مره امتى؟؟؟؟ برده مردش وفى الأخر راح مطلع موبيل من جبيه موبيل لعبه من إلى بيقول يحماده والله بحب موت يحماده وراح قال ايوه ياحببتى خلاص يماما خلاص ثواني وهبقى عندك وراح نزل من على رجلي وقالي أنت سواق بطئي أوى وسبني ومشى فقولتلواه رايح فين قالي رايح أشوف مواصله تانيه زعلت إنى فشلت في توصيل الراجل أبو موبيل بيقول يحماده وقلبت الجزمه بعد كده ملاكي فقط لا غير فاشل ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ شفشوكمزط!!!!!! شفشوكمزط فهمت حاجه؟؟؟؟؟ طبعا لا طب متيجى نسأل عم سمير جت الساعة 3باليل لقيت نفسي قدام سوبر ماركت عم سمير ولابس هدوم داخليه وهدومى الداخليه أوع وشك حاجه كده زى البكينى ولابس على الهدوم الداخلية جزمه كلاسيك أخر موديل وواقف قدام الراجل بقوله شفشوكمزط والراجل يابنى بتقول ايه طب شفشوكزط بيتباع في كياس ولا علبه وأنا مفيش على لساني غير ياعم سمير هات شفشوكمزط لحد مالقيت خالي جه وبيقولى ولد يا شوما انت ايه إلى موقفك بهدوم العيد ديه على ألنصيه ياجزمه وراح شايلنى ودخلت أنام وأنا طبعا مكنتش حاسس بحاجه خالص ولا خالي ولا عم سمير ولا البكيني إلى كنت لابسه ولا أي حاجه وصحيت تانى يوم ولا حاجه حصلت. يجماعه أنا في مشكله بجد أنا حتى النوم فاااااااشل فيه حد يقولى اعمل ايه مش هينفع كده حراااااااااااااااااااااااااااااااااااااااااااام وشفشوكزط وأنتوا طيبين كده خلص الفشل وأنا صغير وانتظروا بداية الفشل على الكبر وأوله الثانوية العامة فاشل |
هههههههههههههه صعيدى يافاشل يا جامد هههههههههههه بجد موضوع جامد اوى وربنا يستر فى السنين الفشل اللى جاية |
اقتباس:
ايوه ماهي دي الرقه بعينها :p انت حضرتك تنورينا ال رقه ال :p اقتباس:
دايما كدا بتكسفني ياباشا والله نورت |
بجد حلقة جامدة اوي
و كل الحلقات اللي فاتت برضة كانت حلوة اوي منتظرين بقية الحلقات الجامدة دي |
ههههههههههههه
بجد بجد الجزء الخامس ده تحفة موتنى من الضحك هو فى جزاء تانيه ولا كدة خلاص ولو فى ياريت بسرعة اوى تجيبه وشكرا جدا لليوميات التحفة |
اقتباس:
طيب كويس مفيش روس بطير ولا حاجة المره دى :D اقتباس:
فيه طبعا والحلقه الجايه قاااااااااااادمه بس رأيكو معايا :d |
[quote=هاوى إبداع;2005888]إحم إحم ....
طيب كويس مفيش روس بطير ولا حاجة المره دى :D و لا تزعل نفسك :giljotiiniug3::giljotiiniug3::giljotiiniug3::gilj otiiniug3: و دي كمان بالمرة :abdoog8::abdoog8::abdoog8: فين باقي الحلقات منتظرين باقي الحلقات و يا ريت مانستناش كتير و الا ............................:stickjo4: |
[quote=الاستاذة f;2006924]
اقتباس:
حاضر |
الفشل السادس
الفشل السادس(كافيانو) كافيانو طبعا الاسم جديد وغريب ويمكن متعرفش تقرئه صح مش مهم عشان انت اصلا فاشل المهم هو ان الحكايه بدات لما قررت انا وصحابى نعمل مجله ونسميها كافيانو نكتب فيها ونعيش شويه فى الدور الصحفيين وجمعنا فلوس من بعض وحجزنا مساحه على نت وجيه وقت تقسيم المناصب وطلع واحد صاحبنا مفيش على لسانه غير انا اتولدت عشان ابقى رئيس تحرير حسينا ساعتها انه رئيس تحرير واشنطن بوست و مصطفى كامل محرر المراء الاول واخترت انا ابقى محرر عشان ابقى زى الناس الى بتطلع فى التليفزيون وتقولك مثلا احمد مصطفى بجور عين الحمام القاهره المهم نزلت اول يوم شغل وكنت لابس ساعتها بدله وكرفاته وعايش فى دور الصحفى اوى وحاطت فى جيب الجاكت ورده حمرا وحاطت على شعرى فزلين كان اسمه فزلين جيل المستقبل مش عارف انهى مستقبل ده انا كان شكلى رايح اقابل ليلى مرد فى فيلم ليلى والشاطرمزاميزو . المهم نزلت وسط البلد واول واحد قابلته كان واحد لابس بدلة وشكل محترم قولت كويس هو لابس بدلة وانا لابس بدلة هنفهم بعضى بسرعه انا:سلام عليكم معاك كونان من مجلة كافيانو قسم كافيانو الناس ممكن اسئل حضرتك سؤال الراجل:اتفضل انا:ايه رايك فى السياسه؟ لقيت مره وحده البدله اتحولت وبقت بوكسر دموره استك منه فيه وقالى الله يخرب بيت ابوكم انتوا الى جبتم البلد وراه حسبى الله ونعمه الوكيل فيكم وسبنى ومشى قولت عادى تلاقى البوكسر الدموره خانق عليه شويه وجه بقى دور للقاء التانى ده بقى كان رجل عنده حوالى 75سنه كان ماشى وحاطت سمعات فى ودانه ولابس تى شيرت كت وشورت يعنى من لاخر كان عامل فيها حماده المدلع انا: مساء الخير يافندم معاك كونان من مجلة كافيانو قسم كافيانو الناس ممكن اسئل حضرتك سؤال حماده: اتفضل ياحبى انا:ايه رايك فى السياسه؟ لقيته راح بصلى كده وقالى سياسه اووه مكرينه احلى عيون فى الدنيا مكرينه اووووه مكرينه وراح سيبنى ومشى فى اللحظه ديه يأست وقررت اقعد على اى كافيه استريح شويه وانا قاعد لقيت واحده ست حوالى 60سنه دخلت وقعدت تقولى ربنا يخليك ربنا يديك على قد نيتك ربنا يرزقك برزقهم قولتلها لا انا لسه سنجل قالتلى يلا شد حيلك عشان تخويه وتجبله اخ يلعب معاه قولت فكره ديه بين عليها فى التراوه خالص اصورها واكتب اى كلام من عندى انا:معاك كونان من مجلة كافيانو قسم كافيانو الناس ممكن اصورك وانزلك فى المجله انا اول ماقولت الكلمتين دول لقيت الست وشها اتغير وعملتلى فيها ساميه جمال فى فيلم الخطايه واشتغلت بقى ربنا يخدك ربنا يبتليك بمصيبه يكلب يابن الكلب اتلمت الناس طبعا عليناوهى بقى الواطى ابن االواطى عايزيصورنى وينزل صورى فى المواقع الاباحيه والناس بقى الى واقفه واحد يقولك يابنى حرام عليك دي واحده قد امك وواحد تانى يقولك الله يخرب بيت ابوكم عجزتو الشباب بالافلام الى بتعملوها وواحد يقولى ممكن اشتغل معاكم يا كابتن انا: ياما انت مش شايفه نفسك انتى كام سنه انتى خلاص رجل فى الاخره والرجل التانيه برده فى الاخره وديه كانت اخر كلمه قولتها قبل مالنور يطفى ومحدش يسئلنى حصل فيك ايه و النور طفى ليه وطبعا ديه كانت النهايه السعيده وفشلت فى اول واخر تجربه صحفي فاشل |
ههههههههههههههه فظيييه الحلقه دي تسلم ايدك
|
| جميع الأوقات بتوقيت GMT +2. الساعة الآن 02:36 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.