خبر جديد للمعلمين المساعدين
 

يارب يكون الخبر اللى هاقوله مش كدب بجد بتمنى ده
مدرس زميل فى المدرسه قال ليا ان فى مصدر موثوق بيه (مرديش يقولى اسمه )
قاله /
ان احتمال كبير ان مفيش نتيجه هاتظهر والكل ناجح ومفيش امتحانات بعد كده
غير icdl بس
والمرتب هيبقى للمعلم المساعد 440 ان شاء الله فى شهر يوليو 7
فى السنه الماليه الجديده
وان شاء الله يكون تعيين
ويارب يكون ده بشره خير للكل
ويارب التوفيق للجميع

ما تصدقيش كل كلمة تسمعيها يا شوشو , على فكرة مديرى الإدارات ووكلاء الوزارة مايعرفوش أى حاجة واللى يقولك أى خبر فهو تأليف من عنده.

هوانتى من الزقازيق ؟لان انا برضك سمعت ان فى نشرة نزلت للمديرية التربية والتعليم الزقازيق ان كله ناجح زى ما انتى بتقولى

كل واحد عمال يطلع بخبر جديد سمعت ومش سمعت ما كلنا بنسمع انا مش عنت بصدق اي حاجة في الحكومة الا لمل بتحصل اكيد

ازاى مافيش نتيجه و قيل اعلان النتيجه تروح فين
الكلام ده بتاع حضرتك يحصل فى المدينة الفاضلة مش عندنا

لنتفاءل خيرا يا معلمين ابارح كنت في مبنى الاكاديميه الرئيسي وفي واحد موظف محترم ربنا يبشره بالخير قولوا امين قالي النتيجه هتظهر خلال48 ساعه يعني بكتيره الخميس وانه فعلا هيكون في تعيين وكمان تصريحات الوزير الجديد تدعو للتفاؤل قولو يارب نتعين

هو مش كل الناس امتحنت icdl طيب اللي لسه ممتحنش يعمل ايه

فين المدينه الفاضله دي وانا هكون اول واحده تروحها

ان شاء الله هاتظهر خلال اليومين دول..
انا لما كلمتهم قالولى تابع ع النت

من اول شهر واحد رد الاكاديميه تابع على النت

يا جماعة متصدقوش كل كلمة تسمعوها مفيش جديد
حتي بعد ما تظهر النتيجة هيتعمل عقد ويغير المسمي الوظيفي من معلم مساعد لمعلم وشكرا مع اضافة 50 0/0 الكادر وشكرا علي كدا
دا اللي هيحصل

أهو احتممممممممممممممممممماااااااااااااااااال

واصبر على ما يقولون

والله يا جماعه متصدقوش حاجه من إللي بتتقال أبدا إلا لما تشوفو بعيونكم وتقبضوا بايديكم لأنه لا أمان مع البشر وبعدين بجد انا سمعت وأحنا بنقدم أورقنا في الأكاديمية إنه هانمضي عقد جديد لمدة خمس سنوات علي درجة معلم علشان كده انا مسافر مسافر مسافر في نهاية السنه مهما يكون إللي هايحصل

حسبى الله ونعم الوكيل اظاهر اننا هنطلع ع المعاش و احنا بال عقد

فى ايه يا جماعه انا شايفه انه كان منطقى جداا ان النتيجه تتاخر كمان اسبوع بعد ورق الناس المتاخره يتم مراجعته
صبرنا كتيير مش عارفين نصبر اسبوع كمان

يا ست شوشو مش كده برضه ينجحوا الناس كلها كده مفيش اي خسائر في المتعاقدين

يارب كلنا ننجح بجد ياااااااااااااااااااااارب

ما تصدقيش ؟؟؟؟؟؟؟؟؟؟؟؟؟؟؟؟؟؟؟؟؟؟؟

كل يوم فى اشاعة جديدة والله اخبار المتعاقدين دى غلبت اخبار النجوم

:bosyht9: ادينا مستنين

والله انا شايف ان الكلام ده كله كلام فارغ
من غير مصدر
والله الموفق

يا جماعة احنا بجد تعبنا وزهقنا من كتر الانتظار عايزين كلام اكيد كل واحد بيقول الكلام اللى بيحلم به

في قصص الف ليلة وليلة والسندباد الطائر

طبل يا متطبل
 

يا راجل هو فى حد فاهم حاجة فى البلد دى اها كله بيطبل بيالف بيفنن بيخرف اهو كله تخاريف فى تخاريف
وسلمى على الناس الفاهمة

اللى اتريق على كلامى وبيقول النتيجه هاتظهر يوم الخميس ادى النهارده الخميس ظهرت؟
والله ده كلام زميل قايل ليا عليه وانا من الشرقيه
وكمان فى واحد اسمه alaaelden كتب رد على كلامى انه فعلا سمع الكلام ده
وياريت كلامى يكون صح انتوا خاسرنين ايه انا بقول الكل ناجح

يبقي خير وبركة

على فكرة ياجماعة المرتب هيزيد أكيد إن شاء الله على اول السنة المالية الجديدة بسى فى مشكلة إن مفيش تثبيت العملية كلها نظام تجديد للعقد باسم معلم بدلا من معلم مساعد ولمدة خمس سنوات ده كلام اكيد من مصادر موثوقة مش من المديرية ولا من الادارة ده من مصدر عالى شوية انا زيكم كده وربنا يفرجه ويخلف ظن عبده ويكون فى تثبيت أخوكم المتواضع من الزقازيق تخصصى لغة عربية

اقتباس:

المشاركة الأصلية كتبت بواسطة فوفا20 (المشاركة 1942634) هو مش كل الناس امتحنت icdl طيب اللي لسه ممتحنش يعمل ايه

إيه الفرق بين التكتك والجزائر؟

ربنا ينجح الكل ويصلح الحال ويثبت المتعاقدين كلهم
عشان الكل يرتاح

ما ينفعش الكلام ده يا ست الكل ومتصدقيش
الدليل:

الخبر الموجود على موقع الأكاديمية ( قبيل إعلان النتيجة0000)

وبعدين الناس اللى آذوهم فى موضوع تزوير الشهادة التربوية(الدبلومة)

كل دى مؤشرات أنه فيه نتيجة وربنا يوفق الجميع