|
لست منا يا شيطــــــــان !!
http://www.palestine-info.info/ar/Da...hool_300_0.jpg كنت مراقباً داخل لجنة امتحان للصف الأول الإعدادى يوم السبت الماضى وإحدى هواياتى هى الإستمتاع بمراقبة التلاميذ الصغار أثناء أداءهم الإمتحان وبالذات تلاميذ ( اولى اعدادى ) لأنى أرى فيهم البراءة والذكاء والنقاء ، الغريب والجميل فى نفس الوقت هو انهماك هؤلاء التلاميذ فى الإجابة منذ اللحظة الأولى لإستلامهم ورقة الأسئلة حتى أن بعضهم لا يشعر بما حوله من شدة التركيز فى الإجابة ولا ينتظرون أى شخص كى يملى عليهم الإجابات كما يحدث دائماً فى معظم اللجان فى المدارس والمعاهد الأزهرية على الأخص أقسم بالله العظيم أنى أرى هذا التلميذ النظيف البرئ كزهرة صابحة لم تلوثها الأيدى ولم يعرف ماهى السماجة أو الإتكالية لأنه لم يمارس الغش بعد ولم يتغير فكره الأبيض وعقله النظيف بملوثات الغش البغيضة ، منهم من لا تلامس رجليه الأرض وهو جالس على مقعد الإمتحان لقصر قامته ورقة حجمه لسنه الصغير ولكنه يصيح بعد مرور ربع ساعة من وقت الإمتحان قائلاً ( خلصت يا أستاذ ) !!! أذهب اليه مسرعاً لأعاين إجابته فأجده قد أجاب أكثر من ثلاثة أرباع الإمتحان بشكل صحيح وبدون ملوثات أو غش مسموم وتتوالى الصيحات ( خلصت يا أستاذ ) ( عايزين نسلم يا مستر ) ولكنكم تعرفون لائحة الأمتحان ، لابد من انقضاء نصف الوقت على الأقل ... بينما خارج اللجنة يحترق مخربو العقول الأغبياء شوقاً لدخول لجنتى كى يبثوا سمومهم الشيطانية فى هذه العقول النضرة ، ولكن هيهات فهم يعرفوننى جيداً ويعرفون موقفى الصارم من الغش ذات مرة سألت هؤلاء التلاميذ فى بداية لجنة ما : ( تحبو تغشوا ) ؟؟ فأجابوا فى صوت واحد لا يا أستاذ ... والله هذا ماحدث فتعجبت من قدرة الله وفطرته النقية التى أودعها فى كل الناس منذ لحظة ميلادهم إلى أن يأتى معدومو الضمير وكارهى أنفسهم كى يغيروا هذه الفطرة النقية إلى كل معلم يمارس هذه العادة البغيضة فى لجان الإمتحان ثم يأتى بعد ذلك ليشكو من قسوة حاله وظلم المسئولين وفساد النظام وجبروت الحكومة وتدخل الغرب فى شئوننا وهواننا على كل الناس أوجه اليه سؤالاً : ماذا فعلت وماذا أعددت كى تحل ولو جزءاً من هذه المشكلات ؟! أقول لك أنا ماذا أعددت أعددت انساناً ضعيفاً خائباً إتكالياً منافقاً ومعدوم الفكر للأسف ... أنت قتلت الأمل فى وجود إنسان عاجز عن تغيير مصير أمته أو حتى مصير نفسه !!! عندما كنا تلاميذ فى المراحل المختلفة كنا نحترم كل المعلمين عدا الذين يغششون كنا نضحك فى وجوههم وفى دواخلنا نهزأ بهم ونسخر منهم والعجيب أن انك تجد أى معلم يمارس الغش إنسان مهزوز الشخصية ! ولك أن تستحضر شخصية أى أحد منهم فى ذهنك لتتحقق من ذلك لى صديق كان لا يكتب كلمة واحدة فى أى امتحان إلا بالغش وكان يفرح بذلك كثيراً وعندما التحق بالجامعة تكرر رسوبه مرات كثيرة حتى أنه فقد الأمل فى النجاح وذات مرة بث همه إلىّ فقال : حسبى الله ونعم الوكيل فى كل واحد اعطانى حرف فى امتحان او غششنى ولو حتى كلمة !! وأنا أقول لكل معلم يغشش التلاميذ على لسان كل واحد يخاف على البلد وعلى منهج النبى الكريم فى حياته حسبنا الله ونعم الوكيل |
|
موضوع اكثر من رائع
ارى ان احد الاسباب الرئيسية لانهيار التعليم في مصر هو الغش الذي يتم بمباركة المسئولين ارجو من الادارة تثبيت الموضوع لاهميتة |
تسلم يا مسترللاسف الشديد وزى ما ذكرت حضرتك ان هناك من تخصص فى الغش !!!!!!!! بل ويتبارى فى ذلك وكانها مجدعة
وبصفة خاصة فى الملرحلة الابتدائية - لذلك تلاقى الولاد اللى اتعودت على الغش رايحة اعدادى مش عارفة حتى تكتب اسمها!!!!!!!! بل ان كثيرا من طلاب التعليم الفنى للاسف يحصلون على دبلوم ولا يعرف الكتابة ولا القراية يعنى ممكن تلاقى اى حرفى اشطر منه بس الخير موجود يا مسترفيه ناس بتتحرج من رد فعل الطلاب الشاطرة اللى ترفض مبدا الغش وتوجه لوما او ان شئت قلت انذارا للمدرس الغشاش !!!!!!!!11 واسف انى اقول غشاش لانه اكيد كان بيغش اصلا- لذا تلاقى احيانا من يلوم نفسه ويتراجع وعلى النقيض تجد ايضا من لا يعبأ !!!!!!!!!!! فى وقت من الاوقات يا مستر عشان نكون منصفين كانت الادارة احيانا تطلب نسبة معينة للنجاح من كل مدرسة وبالتالى كان الغش ربما يكون وسيلة للحصول على نسب اعلى للنجاح بس كما وجدت من مديرية مدرسة جدعة يوما منها كانت نسبة نجاح النقل 66 فى المائة فى النقل اعدادى ولم تلقى بالا لكلام مدير الادارة اللى بالتاكيد فى الاخر هيحترم الست دى لانها واقعية ونتائجها فعلية!!!!!!!!!! ربنا يلهمنا الصواب عشان نكون منصفين لان الغش دا له اسباب كتير - زى وضع الدرجات على الهوا وزى رفع الولاد الراسبة فى الشهادات حضرتك عارف احيانا اللى وصل لدرجة معينة خلاص نجح واللى اقل منها ب 5 او 6 درجات بيحصله بوضع درجات له على الهوا لتعديل نسبة النجاح زى ما بنقوليعنى احيانا سياسات المحافظين تتدخل لان كل محافظ عاوز نسبة الامتحانات فى محافظته اعلى حتى لو كانت الطريقة عند بعضهم من وجهة نظرى البحته وضع الدرجات على الهوا او ربما ..............!!!!!!!!!!!!!!!!!!!! تحياتى |
الغش فى الأزهر شئ اجبارى اجبار اجبارى وقاونى واستغفر الله العظيم تشريعى
|
موضوع راااااااااااائع وفعلا منتشر جدا وخصوصا فى المدارس الابتدائية وهذا اساس الفساد
لان دى اول مرحلة ولازم يطلع منها التلميذ يعرف يقرا ويكتب ويتعود يعتمد على نفسه ولكن العكس اللى بيحصل المدرس يدخل يكتب الاجابة على السبورة وعلى الطالب ينقل وخلاص من غير ما يعرف السؤال فين والاجابة فين المهم انه يكتب فى ورقته عشان النتيجة فى النهاية تكون مرضية وحسبى الله ونعم الوكيل فى كل مدرس بيساعد على الغش |
الله يبارك فيك على الكلمتين دول .. وأحب أضيف لكلامك أن أولياء أمور بعض الطلاب يدفعون لبعض المعلمين فلوس الدروس الخصوصية وكأنها رشوة ضمنية ليضمنوا بها نجاح أبنائهم رغم أنهم لا يعرفون حتى القراءة والكتابة .. والمعلم هو من يشجعهم على ذلك حتى يثبت لولى الأمر أنه جدير بالثقة وأنه المتحكم الرئيس فى نجاح أو رسوب الطلاب ؛ فهو الباشا المهيمن على الكنترول .. أنا معك فى قولك " حسبنا الله ونعم الوكيل " فى هادمى الأجيال .. ونرجو أن يتعظ المعلمون ، ويعلموا أن الله سيحاسبهم على هملهم .. وأرجو الله أن يغفر لى ولكم .
|
كلامك صح الولاد احنا الى بنبوظهم وللاسف الحكومه عاوزه كده
والدليل انى الكليه بتفرق بين الى طالع بالغش والى بمجهوده |
اولا يا استاز مشكور جدا على هّذا الموضوع لانه موضوع مهم جدا ولكن سؤالى لحضرتك فى اى مدرسه فى ريف ام فى مدن لانى فى مدرسه فى ريف وربما اكثر من ريف والاهالى كل اللى نفسهم ان ابنائهم ياخزوا الابتدائيه فقط لعدم وجود الامكانيات للتعليم واكثرهم بيعمل فى اراضى الاخرين بالاجره وايضا تعمل ايه ازا كان الموجه والمدير يهددوك بكتابة تقرير سئ عنك لعدم الغش وكل شويه يقولولك احنا بتحاسب من الادارة والوزارة على نسبة النجاح ولو النسبة قليله هنتحول كلنا للتحقيق ياريت لو عندك رد فعلا على ياريت ترد وفى النهاية احب اقولك انى قبل ما اكون فى مهنة التدريس كان عندى مبادئ كتير قوى المهنه دى ضيعت كل حاجة كانت حلوة وشكراااااااااااااااااااااا
|
اقتباس:
اشكرك استاذ مدحت على مرورك الطيب ونشعر فعلاً ان هناك مباركة من المسئولين |
من وجهة نظرى ان الغش فى المرحلة الابتدائية هو سبب تدمير العملية التعليمة برمتها فاذا تعلم الطفل الغش فى تلك المرحلة
وقال له ابوة يا ابنى روح ذاكر هيرد الطفل الرد الطبيعى والبديهى والمنطقى واذاكر لية كدة كدة بنغش ا فى الامتحان,بالاضافة ان تختلط الامور فى ذهن الطفل الضغير الذى هو كالعجينة نشكلها كيف نشاء فيرى المعلم قدوتة وهو يعلمة كيف يغش فى الامتحان فيصبح الغش حق مكتسب عندما يكبر هذا الطفل فيكون هناك الطبيب ؟؟؟؟ الصانع ؟؟؟؟والمهندس؟؟؟؟؟؟؟ ومجتمع كلة من؟؟؟؟؟؟؟؟؟؟؟؟؟؟؟ ويا رب استر |
اقتباس:
الله ينور عليك مستر جمال طب هما سياستهم فاشلة فى نسب النجاح والكلام الفاضى دة نيجى احنا نعمل زيهم وننفذ التخاريف بتاعتهم دى طب نقابل ربنا ازاى يوم القيامة ؟! |
اقتباس:
وممكن لو معملتش زيهم وغششت فى كل اللجان يتهموك بأنك عميل وعلمانى وضد الأزهر كمان ... ولو تحب اوضح أكتر انا مستعد |
اقتباس:
والله مهزلة يا روئة وربنا موجود وشايف |
اقتباس:
و ممكن كمان اكتر من عملية التثبيت ممكن ادارة المنتدى تفتح عنوان جديد مثلا تحت اسم هيا نعود الى الفطرة السليمة اى عنوان يؤدى الى المعنى الذى قصده الاخ الشريف المتحرك النشيط المتأجج الاستاذ/محمد فوزىهيا نرجم الشيطان و نبدأ ابيض من جديد ها نفتح صفحة بيضاء جديدة |
اقتباس:
المشاركة الأصلية كتبت بواسطة مدحت52 http://www.thanwya.com/vb/life/buttons/viewpost.gif موضوع اكثر من رائع ارى ان احد الاسباب الرئيسية لانهيار التعليم في مصر هو الغش الذي يتم بمباركة المسئولين ارجو من الادارة تثبيت الموضوع لاهميتة ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ و ممكن كمان اكتر من عملية التثبيت ممكن ادارة المنتدى تفتح عنوان جديد مثلا تحت اسم هيا نعود الى الفطرة السليمة اى عنوان يؤدى الى المعنى الذى قصده الاخ الشريف المتحرك النشيط المتأجج الاستاذ/محمد فوزىهيا نرجم الشيطان و نبدأ ابيض من جديد ها نفتح صفحة بيضاء جديدة |
اقتباس:
شكراً جزيلاً استاذ على على مرورك الطيب |
اقتباس:
والغشاش بيفضل غشاش طول عمره وبيحرض عليه وبيساعد الغشاشين اللى زيه ولو مسك قيادة بعد كدة بيكافئ الغشاش اللى زيه وبيحرم المجتهد ويكرهه فى العيشة واللى عايشنها الموضوع كله فى ايد المعلم من البداية والأمانة خطيرة وكبيرة وقدام ربنا مفيش حجج |
اقتباس:
حلو الكلام خليهم يحاسبوكى وحضرتك افضحيهم فى كل مكان وبالإسم ووالله العظيم ربنا هيحميكى من النصابين دول دول أفاقين وأى حد يجبر حد على الغلط ويهدده فى أكل عيشه ده نصاب وحرامى كمان مفيش حاجة تبرر الغلط لا نسبة ولا غيره حضرتك على حق وهما غيرانين منك عشان مش عارفين يعملو زيك ولو عملو زيك هيتفضحوا بسرعة وهيزلوهم لأنهم ببساطة عينهم مكسورة شكراً .. |
اقتباس:
استاذ حمادة كلام حضرتك يعبر عن واقع حقيقى وعلى فكرة الواقع دة مش هيغيره لا حسنى مبارك ولا جمال مبارك ولا البرادعى ولا ايمن نور ولا أى حد تانى الواقع دة مش هيغيره غير احنا احنا وبس شكراً مستر حمادة |
فعلا موضوع الغش ده عايز وقفة حقيقية
حتى يكون التعليم افضل |
اقتباس:
استاذ توفيق مشكور جداً على اقتراحك الجميل وكلماتك الرائعة لا أرقى لمستواها الكبير جزاك الله خيراً ولحضرتك تحية بقدر روعتك :078111rg3: |
اقتباس:
أكيد مستر سيد عايز وقفة حقيقية ولازم الوقفة تكون انهاردة قبل بكرة كفايانا ظلم فى البلد دى لحد امتى هنخرج فى ناس مش عارفة حاجة التعليم اساس أى تطوير وتقدم لأى بلد هل نتخيل أن مدرس امريكى بيغشش التلاميذ فى اللجنة ؟! طب المدرس دة يعنى احسن منى ومنك فى ايه ؟!! ممكن حد يقول بيخاف على بلده وبيحبها وعنده ضمير وايمان بالعمل طب واحنا ؟!!! |
شكرا على الموضوع الرائع استاذ محمد
امنية حياتى القضاء على الغش لكن هناك عدة عوامل فى بعض الاحيان تضطر الشخص الى التساهل (ليس المقصود الغش بفتح الكتب وكدا) انا اقصد التساهل احيانا يكون هناك ابن زميل او ابن جار او معرفة وكل دا بيحرج الواحد نفسى يبعدونى عن اللجان اللى من النوع دا وردك دا فكرنى بموقف حصل معاى كنت براقب فى لجنة وواحد بيراقب فى لجنة بجوارى وسمعت دوشة فرحت ابص لقيته فاتح الكتاب وبيملى العيال او كان بيكيلهم ع الشبورة مش فاكر المهم بقوله حرام عليك اللى بتعمله قالى ياعم مااحنا كنا بنغش ايه المشكلة يعنى؟!! فهم دول نتيجة الغش!! اقتباس:
|
اقتباس:
صديقى الأستاذ هشام العيسوى نورت الموضوع وانا معاك انه بيكون فى احراج فى بعض المواقف زى لما يكون ابن جارك او صديقك او حتى ابن زميل لك موجود فى اللجنة المواقف دى حصلت معايا كتير جداً فى بداية عملى بالتدريس وكنت انسان مش لذيذ ايام الامتحانات وبلاقى نفسى احتياطى على طول بس قررت انى اتمسك بمبدأى وتنازلش عنه لو حتى هسيب الشغلانة وشوية شوية لقيت نظرات السخط بتتحول لنظرات تقدير واحترام واعجاب والله وبدل ماكنت اقعد فى الشمس ساعة واروح بقيت ادخل كل اللجان بشكل مستمر ولما جيت فى يوم قلت لرئيس الكنترول هو مفيش غيرى كل يوم لجان لجان طبعاً بهزار قاللى انا قاصد دة عشان تظبط اللجان شوية بدل ما تبقى هيصة كلها مش عايز اقولك ان عدد كبير من اللى كانوا بيغششوا اختشوا على دمهم شوية ومعادوش زى الأول ، لأ حسوا انهم غلط وانهم مش محترمين وسط الأولاد ودة طبيعى العملية محتاجة شوية جهاد وصبر والنتيجة هتكون احترام الناس ليك وراحة بال ورضا جميل وفى الآخرة ثواب كبير لأنك أديت الأمانة وكنت عادل فى شغلك تحياتى |
مش اقدر اقول غير ربنا يقويك
|
اقتباس:
آمين يارب العالمين ويقوينا كلنا على عمل الصح شكراً مستر أحمد |
أخى الفاضل لقد أصبت كبد الحقيقة فأنامدرس إعدادى وعندى طلاب فى الصف الثالث الاعدادىولاتعرف حتى كتابة اسمها بطريقة صحيحة وكله بسبب الغش وخصوصا الابتدائى الغش بالإكراه وتناقشت مع مدير الادارة فى هذا الامر ولكنه أخبرنى أنه حاول كثيرا للقضاء على هذه الظاهرة ولكنه فشل لانعدام الضمير عند معظم مدرسى الابتدائى لدرجة أن المدير حلف المدرسين بالله لكى لايقومون بالغش من خلفه بعد انصرافه واللى فيه طبع صعب جدا يتخلى عنه
|
اقتباس:
تحول الموضوع الى ادمان لديهم ربنا يعافيهم ويعافينا منهم !!! أشكرك استاذى على مرورك العطــــر |
حسبنا الله ونعم الوكيل
|
للاسف الغش منتشر في المرحلة الابتدائية بل قد يصل الي حد الكتابة علي السبورة
|
اقتباس:
افضل كلمة نقولها فيهم |
اقتباس:
يعنى ضرب المحصول فى الجذور عشان متقملوش قومة بعد كدة والله لو اسرائيل تقدر تكرمهم عندها ما هتتأخر هى عايزة ايه أكتر من كدة ؟!!! |
أرجو التثبيت
أضم صوتي إلى صوت الأستاذ مدحت وأطالب بقوة بتثبيت الموضوع شاكراً لكاتبه . كما أقترح على إدارة المنتدى تبني هذا الموضوع "محاربة الغش" بكافة الطرق الممكنة
|
وأرجو أن تكون الامتحانات الحالية هي بداية لمن كان يسمح بالغش ... حاول يا أخي أن تقف بحزم أمام نفسك وأمام إحراجك من زملاءك أو معارفك ... وقفة واحدة صحيحة قد تكون هي أول خطوة لإصلاح التعليم
|
استحالة نعود للضمير
استحالة نعود للامانة استحالة نعود للنزاهه استحالة نعود للعمل لوجه الله استحالة نعود احرار |
يــــــــــــــــــــــــــــــارب النجــــــــــــــــاح للجميـــــــــــــــــــــــــــع
|
اقتباس:
شكراً على حماسك الجميل مستر اسامة ياريت كلنا نعرف خطر الغش على اولادنا وبلدنا |
اقتباس:
الله يجازيك كل الخير محتاجين الوقفة دى بشكل سريع وفورى كل الناس بتتقدم بسرعة الصاروخ واحنا بنرجع لورا بسرعة الصاروخ والفضل للمدرس الغشاش !! وممكن نحسبها مع بعض بالراحة |
اقتباس:
لأ مش استحالة ! |
اقتباس:
نجاح ايه بالظبط :) |
تسلم يمينك فهذه كارثه بكل المقاييس ... المعلم الذى كاد ان يكون رسولا هو الذى يهدم بدلا من ان يبنى واصبح النار التى تحرق لا النور الذى يهدى ...اللهم يقظ الضمائر لتصلح الامه وياريت كلنا نقف فى وجه تلك الظاهره فهى فعلا اصبحت ظاهره يجب الوقوف عندها والقضاء عليها .
|
اقتباس:
تخيلى مس منال ان بعض الناس اللى بتغشش فى اللجان فاكرين انهم بالغش دة بيغيظوا الحكومة وبينتقموا منها وان الغش دة بيضر الحكومة ويعكنن عليهم ومش واخدين بالهم ان اول ناس هتغرق او بتغرق بالفعل هم احنا الناس العادية جداً واى حد بيحلم بمستقبل احسن له ولولاده على فكرة دة مش كلام انشاء ولا حتى تعبير دى حقيقة وللأسف حقيقة مرة بطعم العلقم الفساد المادى فى كل حتة وممكن نقضى علي اثاره فى يوم او شهر او سنة اما الفساد التعليمى او فساد العقول هنقضى عليه ازاى هندبح الناس مثلاً !!! حسبنا الله ونعم الوكيل وشكراً لمرورك مس منال |
يللا نحارب الغش
الكل يرى أن الفساد قد استشرى -للأسف الشديد- في كل المجالات وأصبح وباءاً .. وأوضح صور الفساد في مجال التعليم هي الغش أو السماح بالغش .
فهل من الممكن أن يبدأ المعلمون أصحاب أشرف مهنة وأشرف رسالة بأنفسهم ويطهروا مجالهم من الفساد ؟ ربما يقلدنا البعض وتكون بداية .. وربما يكون هذا إفراط في التفاؤل ، ولكن الأمر يستحق المحاولة .. أنا سأبدأ بنفسي إن شاء الله .. والله المستعان |
موضوع متميز وهادف
سلمت مبدعا استاذ/ محمد |
اقتباس:
المعلمين الشرفاء أمثال حضرتك مستر اسامة هم من يصنعون الفرق أما الآخرون الذين يمارسون الغش ويحرضون عليه فهم دخلاء على المهنة ولا يستحقون لقب معلم ... هو فى معلم فى الدنيا غشاش ؟!! |
اقتباس:
شكراً لحضرتك استاذ ممدوح الأنصارى جزاك الله كل خير |
اصفق لك
اصفق لك بشده واحمد لله ان ابنتى انتهت من الدراسه الجامعيه
وابنى سيتخرج هذا العام وعمرى فى حياتى ماوصيت عليهم فى اى امتحان مع انى باعمل فى التربيه والتعليم انا فخوره بنفسى ان الله وفقنى الى هذا السلوك الطيب وعلى فكره ربنا بيبارك كتير وبيبارك فى ولادنا زى اللقمه الحلال بالظبط موضوعك جميل وتستحق التهنئه عليه ولنسميه عوده للزمن الجميل بارك الله فيك |
اقتباس:
مبسوط جداً بمرورك الجميل مدام مونى وربنا يبارك فى اولادك وتبقى دايماً كدة قدوة ونور للكل تحياتى وتقديرى |
بارك الله فيك أستاذى الفاضل لقد ذكرتنى بموقف لوالدى رحمه الله فقد كان مكلفا بوضع الامتحان للمدرسة التى كان يعمل بها وكان أخى تلميذا فيها وأراد والدى أن يختبر أخى وأخبره أنه واضع الامتحان وقال لاخى أنه سيريه الامتحان فور الانتهاء منه ليذاكره ولكن أخى رفض ذلك لانه لايرضاه على أبيه فسرّ ابى لانه شعر بثمرة تربيته ودعا لاخى
رحمك الله يا أبىو أدخلك فسيح جنته ووفقك الله يا أخى فتسير على نهج أبيك صدق رسولنا الكريم (من غشنا فليس منا) أستاذ محمد لك كل الشكر والتقدير على هذا الموضوع الهام وخاصة ونحن على أعتاب الامتحانات |
| جميع الأوقات بتوقيت GMT +2. الساعة الآن 06:20 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.