|
نحن و أعياد الميلاد ........
من أجمل الأشياء في الدنيا أن يكون لك أصدقاء تحبهم ويحبونك تسأل عليهم ويسألو عليك كما هو الحال في هذا المنتدى الرائع ولكن .............. لابد أن يكون لنا وقفة مع أعياد الميلاد التي أفتى علماء الأمة بأنها حرام لأن الأعياد عندنا عيدان عيد الفطر و عيد الأضحى أما باقي الأعياد فلم يثبت عن النبي صلى الله عليه وسلم أن احتفل بها كما أنه لم يحتفل بعيد ميلاده ولم يحتفل به الصحابة رضوان الله عليهم لهذا السبب ومن هذا المنطلق لا ينبغي لنا أن نجامل بعض على حساب ديننا وأنا شخصيا من الأن أعتذر عن مجاملة أي عضو في عيد ميلاده مع احترامي للجميع وأختم بقول الله تعالى.... { واتقو يوما ترجعون فيه إلى الله ثم توفى كل نفس ما كسبت وهم لا يظلمون} |
اقتباس:
السلام عليكم لقد افتي من قال لا اعلم انا عارفه ان اعياد الميلاد حرام والله اعلم ا لان زي ما قلت ان اعياد المسلمين اثنان الفطر والاضحي بس انا كنت بتبع حاجه معينه في الموضوع ده وكنت ناويه اني اسأل فيها يعني مبدئيا انا مش بسميه عيد ميلاد هو يوم ميلاد ثانيا احنا في البيت مش بنحتفل بيه يعني مش بنجيب تورته بقي ونعلق زينه وكده برده انطلاقا من حرمانية الاحتفال بيه لكن من وجهة نظري والله اعلم ان مجرد اننا نهني بعض بيه دي مش حاجه وحشه يعني زي ما بنهني بعض في اي مناسبه تانيه لكن انا شايفه ان الحرمانيه تكمن في اطلاق كلمة عيد علي يوم الميلاد وجل من لا يسهو انا اكيد بنسي كتير وبطلق عليه عيد ميلاد مش يوم ميلاد وتكمن ايضا في الاحتفال بيه باعتباره ليس عيدا من اعياد المسلمين والله اعلم وياريت لو حد يفيدنا في الموضوع ده ومدي صحة اللي انا قلته |
فتاوى بخصوص التهنئة بعيد ميلاد شخص ما
اقتباس:
هذه فتوى من موقع إسلام ويب ( مركز الفتوى ) بخصوص هذا الموضوع رقـم الفتوى : 95903 عنوان الفتوى :التهنئة بيوم ميلاد الشخص تاريخ الفتوى :27 ربيع الثاني 1428 / 15-05-2007 السؤال : فضيلة الشيخ أعلم أن الاحتفال بعيد الميلاد حرام، ولكن ما حكم التهنئة بعيد الميلاد حيث في عيد ميلادي الأخير وصلتني تهاني من أهلي وفيها دعاء بالخير، فما حكم مثل هذه التهاني؟ جزاكم الله خيراً. الفتوى: الحمد لله والصلاة والسلام على رسول الله وعلى آله وصحبه، أما بعـد: فإن الأصل في دعاء المسلم لأخيه وتهنئته بما أعطاه الله من نعمة طول العمر وغيرها.. الأصل في هذا أنه أمر مفيد إذا خلا من أي مظهر احتفالي، ولكن عمله في وقت عيد ميلاد الشخص بمناسبة عيد ميلاده عادة دخيلة على المجتمع المسلم، وفيها تقليد للكفار وتشبه بهم، فعليك أن تنبه أهلك وأقاربك إلى الحكم الشرعي في المسألة عموماً، وأنك ترجو منهم الدعاء وتمني الخير لك دائماً، وألا يكون ذلك بهذه المناسبة المبتدعة. وراجع للمزيد في الموضوع الفتاوى ذات الأرقام التالية مع إحالاتها: 1319، 62120، 53924، 24134، 37832، 28778. والله أعلم. المفتـــي: مركز الفتوى وهذه فتوى أخرى رقـم الفتوى : 37832 عنوان الفتوى :حكم التهنئة بأعياد ميلاد الآباء والأبناء تاريخ الفتوى :28 رجب 1424 / 25-09-2003 السؤال : بسم الله لرحمن الرحيم السلام عليكم ورحمة الله وبركاته تعودنا في السابق الاحتفال بأعياد ميلاد الآباء والأبناء وعيد الأم وقرأت عدة فتاوى للعلماء الأفاضل بتحريمها، وسؤالي: هل بإمكاني التهنئة الشفهية فقط دون أي مظاهر احتفاليه وتقديم بعض الهدايا؟ أم أن هذا محرم؟ أفيدونا ولكم الشكر. الفتوى: الحمد لله والصلاة والسلام على رسول الله وعلى آله وصحبه أما بعد: فإن التهنئة للآباء أو غيرهم، وتقديم الهدايا إليهم بمناسبة أعياد ميلادهم، عادة دخيلة على المسلمين، لم تكن في العصور المزكاة، ففعلها تقليد لأعداء الله تعالى وتشبه بهم، ومن تشبه بقوم فهو منهم، كما ثبت في الحديث. وينبغي للمسلم أن يلازم الإحسان إلى الوالدين في كل الأيام، ولا يكون إحسانه إليهما في أيام خاصة. والله أعلم. المفتـــي: مركز الفتوى وهذا موضوع سابق موجود على المنتدى ( بوابة الثانوية العامة ) قد يفيد بتحتفل / ى بعيد ميلادك ؟... تفضل / ى بالدخول |
اقتباس:
ربنا يهدينا جميعا الي ما يحب ويرضي |
اقتباس:
ما ينفعش نقول ربنا يهدينا ونفضل نعمل اعياد ميلاد { إن الله لا يغير ما بقوم حتى يغيروا ما بأنفسم } لازم نطلب من ربنا يهدينا ولازم كمان نسعى للهداية |
اقتباس:
انا مش عارفه ليه حاسه ان حضرتك بتكتب الرد وانت بتزعقلي :d ربنا يهدينا جميعا ان شاء الله |
اقتباس:
أنا بس قصدي ان احنا لازم نغير من نفسنا بشكرك جدا على اهتمامك بالموضوع و ربنا يهدي الجميع |
اقتباس:
وأنا شخصيا من الأن أعتذر عن مجاملة أي عضو في عيد ميلاده مع احترامي للجميع وأنا أيضا معك مع احترامى للجميع بالطبع [/quote] جزاك الله خيرا بجد إنك لفت نظرنا للموضوع ده وأنا اتفق معك تماما لانى قرأت بعض الكتب بالتفصيل فى الموضوع ده بفضل الله بعد حيره شديده فى حكمه فأنا معك بعد احترامى الشديد للجميع اعتذر عن تهنئة أى عضو بيوم ميلاده واعتذر عن اى موضوع قمت بعمله لاى عضو فليرضى عنى الناس أو يسخطوا .... أنا لم أعد أسعى لغير رضاك جزاك الله خير الجزاء ونفع بك |
يا اخوان
الاسلام دين جميل اوى بجد دي نزل لجميع البشر مش لناس دون ناس ولا لقم دون قوم ولا لزمان دون زمان يا اخوان احنا ليه بنبص للمعنى الكلمة بنقول عيد هو فعلا بيبقى عيد ؟ طب انا بقول يوم ميلاد يبقى كدا برضه حرام طب انا بحتفل بيوم ميلادى انى بصومه زى النبى صلى الله عليه وسلم يبقى انا كدا غلط ولا بعمل حاجه حرام ما احنا عارفين ان لنا عدان بس بس الاصل فى كل الاشياء الاباحة صح الا ما ورد فيه نص قرانى او حديث شريف قاطع مانع فين الحديث او الاية الى تدل على دا ان حتى الاحتفال الشفهى حرام لازم نبص بنظرة واقعية |
الأصل في الموضوع العرف الموضوع لاتقليد غرب ولا غيره الموضوع مجرد عادات وتقاليد مصرية لا نقصد بكلمة عيد ان يكون عيداً كما هو بالمفهوم العام ولكن اصبحت كلمة عيد مجرد كلمة عرف يعني انا عارف إنه يوم ميلاد مش عيد ميلاد بس متعودش في العرف اسميه عيد واللى قدامي عارف نفس الكلام بس اصبح لفظ عيد اسم وليس فعل له مدلول ربما لم يرد في سيرة النبي صلى الله عليه وسلم انه احتفل بعيد ميلاده ولكن لم ينه ايضاً عن صحابي اقام عيد ميلاداً وليس كل مالم يذكر في سيرة النبي باطل ربما المبالغة في الاحتفال به باطلة ولكن التهنئة كتهئنة يفترض ان لا شيء فيها |
صحيح ان مفيش اية قرآنيه أو حديث يدل على *****ة عيد الميلاد
ولكن ... لو كان أساسا عيد الميلاد حلال كان النبي احتفل بعيد ميلاده أو على الاقل احتفل الصحابه بأعياد ميلادهم طبعا احنا ما سمعناش عن صحابي احتفل بعيد ميلاده او حتى احتفل بعيد ميلاد النبي وبعدين مفيش ايه او حديث نعمل ايه....؟ نسأل رجال الدين انا شخصيا ما سمعتش عن شيخ قال ان اعياد الميلاد حلال وطبعا احنا مش احسن من النبي ولا الصحابه و لا رجال الدين عموما ربنا يهدي الجميع؛؛؛؛؛؛ |
السلام عليكم
جميل كلام حضرتك كدا يبقى احنا متفقين على ان مفيش اى او حديث دلت على دا يبقى ناخد بقول النبى صلى الله عليه وسلم حين قال(إن الله فرض فرائض فلا تضيعوها، وحد حدودًا فلا تعتدوها، وسكت عن أشياء رحمة بكم غير نسيان فلا تبحثوا عنها" وكمان قال النبى صلى الله عليه وسلم (ما أحل الله في كتابه فهو حلال، وما حرم فهو حرام، وما سكت عنه فهو عفو، فاقبلوا من الله عافيته، فإن الله لم يكن لينسي شيئا"، وتلا: (وما كان ربك نسيا) صدق رسول الله صلى الله عليه وسلم ملحوظة انا مش بتكلم ولا بدافع عن كلمة عيد ميلاد ولا بتكلم على الناس الى بتعمل اعياد ميلادها فى اضخم الفنادق ولا الى بيجيبوا فلان علشان يغنى ولا كدا انا بتكلم عن التهنئه الشفوية لانها الحل الوسط بين هاك وذاك وجزاكم الله خيرا |
يعجبني جدا كلام حضرتك بس في حاجات كتير ما فيهاش دليل زي لعب الكوره أو مشاهده التلفزيون مثلا
الحاجات دي ما فيهاش دليل على انها حلال او حرام لانها ماكنتش موجوده ايام النبي يبقى احنا لازم نشوف احكام المشايخ والعلماء في المواضيع دي انا عن نفسي ماسمعتش شيخ قال ان عيد الميلاد حلال وبعدين الاحاديث اللي حضرتك قولتها مافيهاش خلاف بس في حديث (الحلال بين والحرام بين و بينهما شبهات فاتقو الشبهات) وبالنسبة للمسمى مش هتفرق معانا اسمه يوم ميلاد أو عيد ميلاد اللي احنا بنتكلم عنه هو الطقوس مش لازم تكون حفلة كبيره لان انت لما تقول لواحد كل سنة وانت طيب في اليوم دا بالذات ده يعني احتفال |
اقتباس:
ايوا فين الشبهات برضه لما اقول لواحد كل سنه وانت طيب فين الشبهه الى فيها هو الكفار بيقولوا لبعض كل سنه وانت طيب ولا لما ادعيله بدعاء كل عام وانت الى الله اقرب وعلى طاعته ادوم وعن معاصيه ابعد يبقى بكدا بتشبه بالكفار هما الكفار اصلا بيدعوا لبعض؟ |
جزاكم الله خير علي طرح الموضوع
سئل فضيلةالشيخ محمدبن صالح العثيمين رحمه الله : عن حكم أعياد الميلاد؟ الجواب: يظهر من السؤال أن المراد بعيد الميلاد عيد ميلاد الإنسان، كلما دارت السنة من ميلاده أحدثوا له عيدًا تجتمع فيه أفراد العائلة على مأدبة كبيرة أو صغيرة. وقولي في ذلك إنه ممنوع؛ لأنه ليس في الإسلام عيد لأي مناسبة سوى عيد الأضحي، وعيد الفطر من رمضان، وعيد الأسبوع وهو يوم الجمعة، وفي سنن النسائي عن أنس بن مالك رضي الله عنه قال كان لأهل الجاهلية يومان في كل سنة يلعبون فيهما، فلما قدم النبي صلى الله عليه وسلم المدينة قال: ((كان لكم يومان تلعبون فيهما وقد بدلكم الله بهما خيرًا منهما: يوم الفطر ويوم الأضحى)). ولأن هذا يفتح بابًا إلى البدع مثل أن يقول قائل: إذا جاز العيد لمولد المولود فجوازه لرسول الله صلى الله عليه وسلم أولى، وكل ما فتح بابًا للممنوع كان ممنوعًا. والله الموفق. مجموع فتاوى ورسائل فضيلة الشيخ محمد صالح العثيمين - (2/ 302) |
يا جماعة احنا بنتكلم على اني اقوله بس كل سنة وانتى طيب وادعيله
مش بنتكلم على اننا نعمل حفلة ونجتمع وكدة |
اقتباس:
كل الفتاوي تعترض على جعل اليوم عيداً حقيقياً في حين أننا نتكلم عن التهنئة وأن كلمة عيد لفظ في العرف وليس معنى كعيد الاضحى او كعيد الفطر ونحن لم نتعارض مع أنه لا يجوز جعل هذا اليوم عيداً شكراً لكم |
انا بردو بقول
يعني ان عادي ان احنا يوم عيد ميلاد واحد ندعيله بحاجه دي مفهاش حاجه اعتبر ان احنا بنزود المناسبات اللي ندعي فيها لبعض |
اشمعنى اليوم دا بالذات اللي لازم تدعي فيه لصاحبك وتقول له كل سنة وانت طيب
معنى كده ان اليوم دا بنعتبروا مميز وبعدين مايفرقش المسمى لأن الطواقيس دي طواقيس عيد ماينفعش نعمل الطواقيس دي ونقول دا يوم ميلاد مش عيد ميلاد ياريت نقرأ كلام ابن عثيمين مره ثانية |
اقتباس:
حلوة ده :d |
اقتباس:
انا اقصد يعني انا احنا بنختلق مناسباة عشان نزيد الايام اللي ندعي فيها لبعض مش اكتر |
اقتباس:
وممكن عشان معايا حجه عاوز اديهالو بس مكثوف :d |
السلام عليكم ورحمة الله وبركاته...حيا الله أحمد اقتباس:
اقتباس:
هذه الأعياد هى من بدع الكفار ولذلك عدها العلماء تشبه بهم وناهيك عن الأحاديث التي تنهي عن التشبه بالكفار ولا أجد عالمان يختلفا فى ذلك. هداني الله وإياك. |
مع اتفاقي لردك على أخي المجاهد بشأن يوم الاثنين وصيامه
وهو احد ما كنت اشكك في صحته سأنتقد ردك بخصوص الموضوع الرئيسي اقتباس:
معلش يعني - واعتبرو كلامي كشخص غير مسلم عايز يخش الاسلام وهو مقتنع - النوع ده من الكلام بعتبره تذمت كلمة بدعة ماهي البدعة هي الشيء المستحدث وليس له اصل في الدين ولكن هل كل البدع حرام ؟ نعم إذن علينا عدم استيراد المنتجات الاجنبية ولا نستعمل الاجهزة الكهربية ولا نشتري اجهزة الحاسوب ولا نخش عالنت اصلاً لكن هذه الامور المستحدثة تعود بالنفع على الاسلام والمسلمين طيب حد يجيبلي حاجة واحدة مضرة في اعياد الميلاد من وجهة نظري انا شايف إنها بتقرب العلاقات اكثر ولا تبعدها إذن ما الضرر ؟ ولما تحريم كل ما لا تجدونه في سيرة النبي تحت بند (بدعة) قول الفقهاء والعلماء على عيني وراسي ولكن انتقادهم من جعل هذا اليوم عيداً للاحتفال به بشكل رسمي لكن متعمموش الكلام وتقولو حرام قلتلكو لفظ عيد عندنا عرف مش اكتر وعلى فكرة انا واحد تقريباً معملش ولا عيد ميلاد في حياته عشان محدش يقولي انا بدافع عن الفكرة عشان مش عايز اعترف إنها غلط يعني مش حخسر حاجة لو قلت الكلام صح وده حرام بس انا منتقد الفكرة في تحريمها اساساً |
اقتباس:
البدعة نوعان كما قسَّمها العلماء : بدعة دينية وبدعة دنيوية. وبالنسبة للدنيوية فإذا غلب فيها جانب المصلحة على جانب المفسدة فهي جائزة وإلا فهي ممنوعة، ومن أمثلة ذلك: ما أحدث من أنواع السلاح ونحو ذلك. اقتباس:
يكفي أن ذلك تشبه بغير المسلمين فهم أول من احتفل بمثل هذه المناسبات واستحدثوها وتلوناهم نحن في ذلك وبالنسبة للمسميات فهي لاتفرق فأصل كلمة عيد من العود والتكرار ومن الطبيعي إذا احتفل أحد بيوم ميلاده فإن هذا الأمر سيتكرر سنوياً إذاً الأمر كالعيد تماماً ********** وإذا كنت تقول أن ذلك نوع من تقريب العلاقات إذا لماذا يكون هذا اليوم مميزاً ومختلفاً عن غيره لماذا نقول للشخص المعني كل عام وأنت بألف خير فقط في يوم ميلاده ولا نقولها قبل ذلك ونعيره اهتمامنا فقط في هذا اليوم دون غيره وإذا لم يـفعل الرسول صلى الله عليه وسلم ذلك فالأحرى بنا ألا نفعله |
اقتباس:
تاني حنلف ونرجع من الاول ونقول لم يفعله رسول الله إذن لا نفعله كما فعل سيدنا أبي بكر الصديق ورفض فكرة سيدنا عمر في جمع المصحف حتى لا يضيع وقال كيف أفعل شيئاً لم يفعله رسول الله صلى الله عليه وسلم؟ يبقى كده لو مشينا بالمنطق ده ممكن نطلع نص حياتنا بدع في حين انه لا فائدة من تركها ولا ضرر من عملها وحتى الآن لم تجبني في ضرر ذلك غير أنها تشبه بالكافرين ممكن مناكلش بعض الانواع من الاكلات (الاجنبية) المنشأ فهي بدعة ولم تكن موجودة لدى العرب والله الواحد لو عايز يرغي في الحكاية ده حيطلع كتير :d |
اقتباس:
الحمد لله أنك لا تحتفل :) وأي إنسان يريد الاحتفال فهو حر كلنا مسئولون عن أفعالنا وأقوالنا أمام الله عز وجل وعلينا أن نتجنب الأمور التي يكون فيها اختلاف هدانا الله جميعاً إلى الحق و إلى صراطه المستقيم |
السلام عليكم ورحمة الله وبركاته قبل الرد أرجو من جميع الإخوة أن يعلموا أننا عندما نتناقش فى مسألة ما علمية فالهدف الأول والأخير هو معرفة الحق فيها فلسنا هاهنا ليعرض كلا منا عضلاته على الآخر أو يظهر أنه هو الأقوى أو هكذا فلتكن نيتنا هى البحث عن الحق وأن تكون الغاية من الحوار إقامة الحجة ودفع الشبهة والفاسد من القول والرأي. والسير بطرق الاستدلال الصحيح للوصول إلى الحق. ولا بد من التجرد في طلب الحق، والحذر من التعصب والهوى، وإظهار الغلبة والمجادلة بالباطل. وبارك الله فى أونا المتحرى وأخونا بانزر. وهذا كلام عام لا أخص به أحد وان شاء الله أرد على أخونا بانزر فيما تعقبه علي والله الموفق. |
اقتباس:
والله أنا لا أحب الجدل:d يا أخي العزيز أنا لستُ عالماً أو فقيهاً حتى أفتي العلماء أنفسهم اختلفوا في هذه المسألة فمنهم من أجاز التهنئة الشفهية ومِنهم مَنْ لم يُجِزْها |
اقتباس:
معذرة يعنى موقفك من القضية دى متعسف أوى وأنا ضده شكلا وموضوعا |
اقتباس:
أخير أقول أن الفرق بين الذين يجيزون الأعياد وبين الذين يمنعونها أننا عندنا علماء نرجع اليهم وأفتوا بتحريم ذلك أما الذين يجيزون لا أظنهم يجدوا علاما واحدا يساندهم فى ذلك. وأختم كلامي معك أخي الفاضل بحدث النبي صلى الله عليه وسلم: فعن أنس رضي الله عنه " قدم رسول الله صلى الله عليه وآله وصحبه وسلم المدينة ولهم يومان يلعبون فيهما ، فقال : قد أبدلكم الله تعالى بهما خيرا منهما : يوم الفطر والأضحى " فلو كان تكرار الاحتفال بالمناسبات في كل عام جائز شرعا لما أنكر عليهما الرسول صلى الله عليه وآله وصحبه وسلم ولشرع لهما العيدين بدون منع غيرهما. وحقيقة الموضوع فيه كلام كثير ولم أذكر كل مافي نفسي لكن لعل هذا إن شاء الله يكفي والله المستعان |
اقتباس:
السلام عليكم ورحمة الله وبركاته أنا ذكرت أخي الفاضل أنه لا يهمنا وجهة نظر أحد من الناس لأننا نناقش مسألة دينيه الأمر فيها يتوقف على الدليل. فإن كان عندك من الدليل ماتقوم به حجتك فأخبرنا به ونكن لك من الشاكرين أما كلام عام هكذا فلن يقدم ولن يؤخر. وفقني الله واياك. |
اقتباس:
أخي العزيز نسيت أن أقول لكَ أن ما قلته لا يجوز أصلاً كما أن الشخص الذي يريد أن يدخل في الإسلام لن يبحث عن هذه الأمور الصغيرة وإنما سيبحث في العقيدة اقتباس:
لا يجوز إخضاع الدين للعقل الأصل في الدين الاتباع والمعقول تبع ولو كان أساس الدين على المعقول لاستغنى الخلق عن الوحي وعن الأنبياء صلوات الله عليهم ولبطل معنى الأمر والنهي، وقال من شاء ما شاء ولو كان الدين بني على المعقول وجب ألا يجوز للمؤمنين أن يقبلوا أشياء حتى يعقلوا ************** وشكراً للأخ / أبو البراء |
تقريباً كان لي رد قبل رد أخي ابا البراء بس يظهر متحطش :bosyht9: أخي الكريم تعقيباً على ردك في كلمات سريعة التذمت اقصد به التشدد والتشدد ليس من الدين حيث ان الدين يسر وليس عسر وبعض هذا التشدد ينفر الناس من الشيء في الرد اللى متحطش كنت بقول الحاجة انا مش بجادل فيها لمجرد المجادلة ده في حالة اعتبرتوها مجادلة يعني لكن لازم المعلومة قبل ما اقتنع بيها اكون قادر على اقناع غيري بيها وهذا مالم أراه حتى الآن يعني مثلاً أخي المتحري قال اقتباس:
اقتباس:
حتى ولو باقناعنا أنه غير مقنع وهذا لا يعتبر الرأي والرأي والآخر وبرده حضرتك مازلت بترد على نفسك وتقول اقتباس:
مهو مفيش دليل والدليل اللى اتكلمتو عنه مجرد خلاف حول الاسم هل ده لسه ميعتبرش تشدد اقتباس:
ممكن اقول ليس كل الاسماء تغييرها لا يستلزم تغيير الحقائق يعني انا لو مسلم وبصلي وبصوم وبقول على نفسي كافر مش حبقى كافر :d ولا في ده حتقولو المهم النية :d انا آسف لأني على عجلة من أمري ولم أتكلم تفصيلاً ولكن لي عودة بإذن الله بص حرد على حتة صغيرة لأخي المتحري اقتباس:
ليس لإنه لا يوجد سبب مقنع ورائها ولكن لأن العقل لم يتوصل إليها بعد فإذا قال لك القرآن صلِ فأنت تصلي ولكنك لا تبحث لما نصلي وقد اثبت العلم الحديث فوائد جمة للصلاة خصوصاً في حركاتها الدقيقة بين مفاصل الجسم وإنزال الجبهة على الأرض ولكن ده إذا فيه امر صريح من القرآن او الحديث بينما نحن هنا نخضع الكلام للعقل لأنه لم يرد بشكل صريح في الدين وإلا بقى منحرمش السجاير مهو ملهاش علاقة بالدين بتاتاً الدين قال الخمر بس لما حكمنا العقل وقلنا إنه السجاير اضرارها زي اضرار الخمر اخدناها بالقياس |
اقتباس:
من قال إن مسألة السجائر حكّمنا فيها العقل لقد ورد نص صريح في القرآن الكريم في قول الله تعالى : { ولا تقتلوا أنفسكم إن الله كان بكم رحيماً} فالتدخين يعتبر قتل بطيء وقوله عز وجل : { ولا تلقوا بأيديكم إلى التهلكة } كما أنه تبذير و إضاعة للمال فمن السنة أن رسول الله نهى عن إضاعة المال ولأن النبي صلى الله عليه وسلم قال : " لا ضرر ولا ضرار " ************* إذا كان معظم العلماء قد أفتوا بعدم جواز الاحتفال بهذه المناسبات والتهنئة أيضاً فعلينا أن نطيعهم ولا نجادل فهم ورثة الأنبياء .. وأخيراً كما قال النبي صلى الله عليه وسلم "استفت قلبك، وإن أفتاك الناس وأفتوك" ولن أرد مرة أخرى في هذا الموضوع هدانا الله وإياكم |
اولا يا جماعة
انا دخلت علشان اقول انى اخاطت فى حتة لما رجعت الى الحديث بتاع النبى صلى الله عليه وسلم حين سال عن يوم الاتنين وجدت انى اخذت تفسيره و شرحه من كتاب مؤلفة رجل شيعى فهذا خطا غير مقصود فا دخلت اصحح المعلومة دى وطبعا لا عيب انى اعترف بخطئى |
يا إخواني أنا ملاحظ ان الموضوع الجميع تقريبا متفق على انه حرام باستثناء اثنين او ثلاثه
ممكن اللي بيعارضو أو مش مقتنعين انهم يعيدو البحث في الموضوع لان الدين مش بالرأي في قران وفي سنة وفي علماء يعني مش كل واحد يتمسك بكلامه وخلاص مع احترامي للجميع،،، |
اقتباس:
لو احنا عندنا عيدين بس ليه بنحتفل بباقى الاعياد الكتير زى اكتوبر وسينا والعمال و..و.. وبناخدها اجازة من العمل والمدارس لكن عيد الميلاد دة ميعتبرش عيد لان الناس مش بتاخد فيه اجازة ولا الدنيا بتتوقف كلها عشان تقوللك كل سنة وانت طيب دة ببساطة يوم زى اى يوم بس المميز فيه انك بتبدأ فيه سنة جديدة من عمرك بتشوف انت عملت ايه فى حياتك السنة اللى فاتت وهل فخور باللى عملته ولا لأ وهتعمل ايه السنة الجاية لحد متكمل سنة كمان واهلك واصحابك بيهنوك انك كبرت وعقلت وبقيت ناضج اكتر مش عشان دة عيد قومى ولا لازم كل شخص يجى ومعاه الهدية فين الحرمانية فى كدة يا جماعة ديننا دين يسر مش عسر واننا نحرم كل حاجة دة بيخلينا متزمتين ومتشددين .. والتزمت والشدة مش فى ديننا |
اقتباس:
فالمتفق عليه أنه إقامة ذلك اليوم عيداً هو حرام لأنه لا عيد غير العيدين وحتى هنا نحن جميعاً متفقون ولكن لم يرد نصاً صريحاً في تحريم التهنئة في المناسبات باشكالها وانواعها واكيد يتندرج تحتها التهنئة في الميلاد وكما ذكرت سابقاً لفط عيد عندنا عرف مش عيد عيد ولكن يوم ميلاد عايز تجيب هدية جيب مش عايز مش مشكلة محدش قال إنه عيد ووجب فيه التهنئة مش موضوع واحد متمسك بكلامه وخلاص زي ما قلت انا بالنسبالي مش بحتفل باعياد الميلاد اصلاً لكن احنا هنا بنتكلم عن تغيير سلوك مجتمع بالكامل يبقى لازم يكون معانا الحجة القوية في اقناعهم لانك مش حتكلم شخص ولا اتنين وحيث أنه لم يرد نصاً صريحاً في تحريم ذلك فيبقى الكلام معلقاً بين الأطراف منهم مؤيد ومنهم معارض وانا عن نفسي محايد لا يميل للمعارضة |
اقتباس:
جزاك الله خير |
موضوع كان في غايه الاهميه وكنا محتجينو ا
|
اقتباس:
|
وإذا لم يـفعل الرسول صلى الله عليه وسلم ذلك فالأحرى بنا ألا نفعله [/center][/quote] انا اسفة على المداخلة بس عايزة اقول رأيي في الحتة دي:confused: مش اي حاجة ماكانتش موجودة ايام الرسول تبقى حرام ما ايام الرسول ما كانش فيه سراسر يناموا عليها يبقي حرام ننام عليها لانها ماكنتش موجودة ايام الرسول وانا من رأيي ان اعياد الميلاد مش حرام مادام الفقهاء اختلفوا فيها |
اقتباس:
مش اي حاجة ماكانتش موجودة ايام الرسول تبقى حرام ما ايام الرسول ما كانش فيه سراسر يناموا عليها يبقي حرام ننام عليها لانها ماكنتش موجودة ايام الرسول وانا من رأيي ان اعياد الميلاد مش حرام مادام الفقهاء اختلفوا فيها[/QUOTE] بداية '' شكرا على المداخله طبعا مش اي حاجه ماكنتش موجوده أيام الرسول تبقى حرام بس احنا لو مشينا بالمنطق دا هنلاقي ان التدخين ماكنش أيام الرسول معنى كده ان التدخين جائز؟ طبعا لا لان في حاجه اسمها القياس بنقيس عليها الحلال والحرام طبقا للقواعد الفقهيه وبعدين أعياد الميلاد لو ماكنتش حرام كان الصحابه احتفلو بعيد ميلاد النبي وبعدين اصل عيد الميلاد ماخوذ من غير المسلمين ومن تشبه بقوم فهو منهم و بالنسبه للفقهاء أنا شخصيا ما سمعتش ان حد من الفقهاء اجاز اعياد الميلاد اللهم ارزقنا الهدايه |
ربنا يهدينا جميعا الي ما يحب ويرضي |
فكرة حلوة جزاك الله خيرا |
جزاكم الله خيرا
|
| جميع الأوقات بتوقيت GMT +2. الساعة الآن 08:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.