|
فصل الخطاب فى مسألة الألقاب, خريج حاسبات مهندس بجد و لا بيدعى
كثر الكلام هذه الأيام عن وضع خريج كلية الحاسبات و لأى نقابة ينتمى و مركزه القانونى و ما إلى ذلك مما دعانى للإدلاء بدلوى فى هذا الموضوع رجاء أن تتضح الأمور و يزول الغموض
كلية الحاسبات و المعلومات أربع سنوات و تتبع القطاع الهندسى فى المجلس الأعلى للجامعات و الذى يشمل أيضا كليات الهندسة و التخطيط العمرانى و لكنها على خلاف الكليات الأخرى المذكورة لا تمنح بكالوريوس الهندسة و يحق لخريجيها الإنضمام لنقابة العلميين و ليس لنقابة المهندسين إلا أننى لم أجد خريجا واحدا إنضم إليها لأنها نقابة فقيرة لا موارد و لا برستيج لها و تعكس حالة العلم و العلماء فى مصر. كان العقل المفكر وراء إنشاء كلية الحاسبات الدكتور إبراهيم فرج على غرار الكليات المماثلة التى وجدها فى السعودية و التى سبقتنا فى ذلك فنقل النموذج كما هو و بالإضافة لذلك فإن الدكتور ابراهيم خريج علوم و ربما أن مسألة وضع الخريج و مسماه المهنى و لأية نقابة سينتمى لم تخطر على باله و قد تداركت الجامعة الألمانية هذا الأمر عند إنشائها و عملت برنامجها المسمى علوم و هندسة الحاسب خمس سنوات و معادل للهندسة و لكنه فى حقيقته برنامج علوم حاسب واضح و صريح كما فى الروابط التالية و هو ما أعطاها ميزة تنافسية http://www.guc.edu.eg/AcademicPrograms/Pro...spx?programId=4 http://www.guc.edu.eg/AcademicPrograms/Pro...sem=1&pId=4 منذ سنوات تسرى إشاعة النقابة و تنشط أحيانا حتى قيل أن مشروعا بقانون نقابة مهندسى البرمجيات سيدخل مجلس الشعب فى دورته السابقة و تنام فى أحيان أخرى و قيل أيضا أن أ.د. على فهمى العميد السابق و أ.د. معتز خورشيد من قسم دعم القرار و نائب رئيس جامعة القاهرة الأسبق و أ.د. شريف مازن من قسم نظم المعلومات و مستشار رئيس مجلس الشعب لنظم المعلومات يسعون لدفع هذ ا القانون و لكننى لا أعرف لأين وصلت هذه الجهود. من الامور التى تعقد موضوع النقابة هذه بشدة ما يلى: 1- ماذا سيكون مسمى النقابة؟ البعض يقول نقابة مهندسى البرمجيات – غلط فنحن لسنا مهندسى برمجيات و انما مهندس البرمجيات Software Engineer هو مسمى وظيفى واحد من نحو مائة وظيفة فى مجال تكنولوجيا المعلومات كما رأيتها فى قائمة على النت منها محلل نظم System Analyst و مدير شبكات Network Administrator و مطور برمجيات الويب Web Developer و مختبر البرمجيات Software Tester و دعم العملاء Customer Support و مدير قاعدة البيانات Database Administrator و مبرمج Programmer و محلل شبكات Network Analyst و غيرها كثير و انظر فى http://www.itjobs.com . 2- مهن تكنولوجيا المعلومات ليست مهن إحترافية كالطب و الهندسة و الصيدلة بمعنى أنه لابد من إجازة الكلية المختصة للعمل بالمهنة بل الواقع أن خريجى الحاسبات و التجارة و الهندسة و العلوم و الدبلومات و خريجى معهد الإحصاء و معهد ال ITI غيرهم يعملون فى مجال تكنولوجيا المعلومات و هو واقع فى العالم كله لا يمكن تغييره بقرار نقابة يقصر المهنة على خريجى كلية الحاسبات ، و يكفى أن بيل جيتس أشهر شخصية فى العالم فى مجال تكنولوجيا المعلومات و أغنى أغنياء العالم كان طالبا فى هارفارد يدرس القانون و ترك الكلية ليؤسس شركة مايكروسوفت و لم يكمل تعليمه أى أنه بلغتنا فى مصر طالب حقوق فاشل و صايع (هذه تكفى لترفضه أى فتاة جامعية عندنا). 3- و من هنا إذا اقتصرت النقابة على خريجى الكلية فستكون نقابة فئوية ضيقة تقتصر على جزء صغير من ممارسى المهنة و لن يصبح لها أهمية مثل نقابة المهندسين حيث يشترط على المهندسين من ممارسى المهنة أين يكونوا مقيدين فى النقابة و هو شرط غير ممكن فى مجالنا و إذا توسعت فستصبح مثل نقابة التجاريين تشمل كل الحاصلين على بكالوريوس تجارة و المعاهد الثانوية التجارية و معهد التعاون و الجامعة العمالية و التعليم المفتوح و تفقد بريقها. و الواقع أننا فى مصر بلد شهادات و يهتم الكثيرون منا بالشهادة أو بالكرتونة بلغة أ.د. محمد بيومى الذى يسمى الشهادة كرتونة بغض النظر عن المضمون و عادة ما أتلقى إتصالات من أقرباء أو أصدقاء الأسرة ممن تفوق أبناؤهم فى علمى رياضة يسألون عن كلية الحاسبات و الفرق بينها و بين هندسة و ميزات كل منهما و بعد الشرح فإن من لم يكن مصمما على مجال الحاسبات فإنه غالبا يتجه للهندسة من أجل الكرتونة و الكارنيه حتى و لو اتجه للأكاديميات الخاصة بفلوس و لأن هناك جهل عام بكلية الحاسبات و مجالات الدراسة فيها و العمل بعد التخرج (حتى أن قريبة لى سألتنى أنها سمعت أن كلية حاسبات هى مثل التجارة و لكنها مطعمة بكام كورس كمبيوتر) ، و هؤلاء شعارهم فى ذلك المثل الذى يقول "أدخل هندسة و لو بفلوس حتى لو أعيش متعوس" وواقع الأمر أننا فى مصر لا نمارس إلا قليلا من الهندسة لأن كلمة مهندس تعنى مصمم و باستثناء المهندسين المعماريين و الإنشائيين و قلة قليلة من مهندسى الإتصالات و الكهرباء و الميكانيكا فإن بقيه المهندسين لا تصمم أى شئ و لكن المحظوظ منهم يعمل فى صيانة و تشغيل المعدات سواءا كانت حاسبات أو شبكات الإتصالات و هى مهنة الفنيين و الدبلومات فى الخارج و الكثير من المهندسين يعملون فى أى حاجة يعنى مثلا قريب لى فى معهد ITI مهندس يعمل فى تدريس مهارات العرض Presentation Skills و نظم موارد الشركات المسماة ERP Systems فما هى علاقة هذا بالهندسة؟ و آخر صديق كان مديرا للتدريب فى مايكروسوفت مصر منذ 15 سنة يعد برامج التدريب فيها التى تمنحها للشركات و الأفراد فو ويندوز و اكسل... الخ. لكن الأمر مختلف بره و حكى لى قريبى عن قريبه ابن مهاجر مصرى فى كندا دخل علوم الحاسب و بعد السنة الثانية ذهب ليتدرب على البرمجة فى شركة و فى نهاية الصيف الشركة قالت له تعال اشتغل عندنا فأخذ يفكر و قال طيب بعد سنتين دراسة أظل فيها طالبا و مديونا لأن الدراسة هناك مكلفة أتخرج لأعمل نفس الذى أعمله الآن فقرر أن يترك الدراسة و يلتحق بالشركة. و أخيرا فإن كنت ممن وفقه الله لدخول كلية برضاك و اختيارك فاحمد الله و توكل على الله و ثق فى أن الخيرة فيما اختاره الله و إن كنت ممن دخل الكلية مرغما بسبب المجموع فاعلم أن ما أخطأك لم يكن ليصيبك و ان ما أصابك لم يكن ليخطئك و اطرح وساوس الشيطان خلفك و تفوق فيما انت فيه و لا تجرى وراء السراب (اعرف طالبة فشلت فى الكلية و حولت بعد سنتين لانها لم تتخل عن حلم هندسة التى فاتتها) و إن كنت ممن يبحث عن اللقب و لا يهم المضمون فعليك بكلية الهندسة و إن فاتك قطارها فهناك المعاهد العليا الهندسية و الأكاديميات الخاصة و كله بكالوريوس و شهادة و كارنيه النقابة و السلام. و فى جميع الأحوال إعلم أن سوق العمل الآن مضروب فهو ملئ بالخريجيين بعد الأزمة العالمية مع قلة الوظائف و قريبى فى فودافون قال أنهم لا يعينون هذه السنة و من يمشى لا يحل محله أحد بعد أن كان التعيين فى شركات الإتصالات بالزوفة و خريجو 2009 من حاسبات و من هندسة على حد سواء يجدون صعوبة فى إيجاد وظائف و من هنا عليك بتوسيع خبراتك ومهاراتك فترة الدراسة و تجريب أشياء و مشاريع خارج إطار الدراسة و تحسين لغتك و مهاراتك الأخرى و شبكة علاقاتك بالدكاترة و الطلاب الأكبر منك و الخريجيين حتى إذا تخرجت كان لديك من المهارات و العلاقات ما يساعدك فى الحصول على وظيفة. أرجو أن أكون قد أو ضحت الصورة بدون تحيز و الله ولى التوفيق. منقول بس بجد الموضوع عجبني و شكرا للي كتب الموضوع ده و انا لعلمكو بحب حاسبات جدا و نفسي ادخلها لكن المشكلة اني حتغرب و مدينة جامعية و كدة و اهلي رافضين يلا الحمد للله و ربنا يوفقكوا |
مفيش ردود !!!!!!!!!!!
|
اقتباس:
فعلا الكلام ده مضبوط{ حب ما تعمل حتى تعمل ما تحب} وانا بحب المقولة دى وبحب اطبقها على كل حاجة فى حياتى فعلا لازم نطور نفسنا ومنقولش ان احنا خلاص دخلنا الكلية والسلام لازم نتعرف على ناس اكبر مننا وناخد خبراتهم {والحته دى ناوى اركز عليها فى الكلية ان شاء الله} بالنسبة لموضوع النقابة فانا شايف انه شاغل ناس كتير حقهم انهم يطلبوا نقابة تدافع عن حقوقهم وتحافظ على مستوى الكلية وكمان تعلى التنسيق بس احنا لما نحسن من اداءنا ونحس ان احنا دخلنا كلية تساعدنا ان احنا نبدع فى مجال السوفت وير وتوفر لينا كمان معلومات جامدة محدش هيبقى عارفها غيرنا الحمد لله ان احنا فى حاسبات ...اجمد كلية فى مصر وعلى رايك يا بشمهندس احمد حب الله ورسوله حب الوطن حب حاسبات ومعلومات وشكرا ليك يا بشمهندس انك تعبت وجبتلنا الموضوع الاكتر من رائع واللى اتعلمنا منه حاجات كتيرة |
بجد موضوع في غاية التميز و اشكرك على المجهود الكبير اللى عملتة . وفعلا معظم(او قل كل) الناس دلوقتي ما بتدورش الا على المسمي الوظيفي اللي هتحصل علية بعد ما تتخرج من الكلية دي و كمان عدم معرفة الناس بالكلية دي بيخليهم يقولو كلام غريب . مثلا انا لما جاتلي كلية حاسبات حد من قرايبي قال لي كويس اهو تفتحي محل موبايلات او سايبر مثلا و زي ما حضرتك قلت ان في ناس بتعتبرها زي تجارة وفي ناس ماتعرفهاش اصلا . المهم المفروض كل دة ما يحبطناش ولكن يقوي من عزيمتنا في اثبات ذاتنا امام الجميع و الاهم امام انفسنا و نجتهد في كليتنا ايا كانت .
و بعدين حضرتك لو عايز بجد تدخل حاسبات حاول تقنع الاهل ان هي دى الكلية اللي انا هتميز فيها و احقق ذاتي معلش لازم اتعب شوية من ناحية الاغتراب و اشياء من هذا القبيل لكن احسن ما ادخل كلية انا مجبر عليها و ما اتفوقش فيها على كل معلش لو كنت طولت شوية بس ربنا يوفقك |
اقتباس:
انا الحمد لله بعرف html و شوية سي بلس بلس و نفسي اخش حاسبات و ف نفس الوقت دراسة العمارة ممتعة بردو انا مش عارق مش عارف مش عارف انا الحمد لله مجموعي 380.5 يعني اجيب احسن حاسبات ف مصر و من حقي اختيار اي حاسبات تجيب مجموعي لأنهم بالنسبة للأدارة التعليمية ليا كلهم ف التوزيع الجغرافي ج مش عارف اعمل ايه |
اقتباس:
|
فاضل اسبوع يا قاتل يا مقتول
مش عارف الوقت بيمر شكلها هترسا علي فنون عمارة و لا ايه اصل لو حولت حوار المدينة مش هيبقي مضمون اوي بس انا والدي شغال ف الجامعة اكيد لو عزمت علي حاسبات حلاقي حل للمدينة و كدة لعلمكو انا بقالي ف الموضوع ده يجي من اول نتيجة التنسيق بتاعة المرحلة الاولي فاضل اسبوع ربنا يستر يا رب اهديني للأختيار الأصلح ليا |
ربنا يوفقك للطريق الصح
بس انا من رايى خليك للى فى بلدك ايه لازمتها الشحتته دى بدام انت بتحب الاتنين يبقى ان شاء الله هتنجح فى الاتنين فاختار اللى اقرب ليك دا من وجهة نظرى |
اقتباس:
وظائفها كتيييييييييييييييييييييييييييير شوف الاي تي جوبز و دي بتشمل دارسي علوم الحاسب و كلو في رابط ف الموضوع مهندس برمجيات او مهندس نظم مهنة وسط الف الفين مهنة |
والله انا مش فارقة معاى مهندس و لا لا مع الاحترام لكلية الهندسة لانى اعرف ان فى ناس فى السعودية و فى دول عربية و فى مصر بيقبضوا بالالوف و هما خريجة حاسبات
|
خلاص ادخل حاسبات
اذا كنت حاببها |
كلية حاسبات ومعلومات أمتع كلية في مصر وفي خارج مصر
|
اقتباس:
حاسبات و معلومات يعنى الابداع و التفكير و المتعة فنون عمارة هتبقى مبدع برضه لكن من نوع تانى .. ابداع فنى مش عقلى شوف انت ايه اللى بيستهويك أكتر .. و ان كنت أرشحلك حاسبات طبعا و انت مغمض انا جاتلى هندسة و سيبتها بسبب حاسبات |
سلام عليكم
واحشني يا باشمهندسين المستقبل و أمل الغد ... يارب تكونوا بخير ... أولاً : الف الف شكر يا أخ زاكو على الموضوع المنقول .... ثانياً : انا مش ح اتكلم كتير .. هى جملة واحدة : السنة دي احنا دولة نامية .... من سنة 1900 احنا دولة نامية ..... و في سنة 3000 , احنا دولة نامية .... جزاكم الله كل خير |
اقتباس:
|
بجد شكرا ليك يا بشمهندس zako على الموضوع الرائع ده
إنت رحت فنون عشان مفيش حاسبات اسكندريه أنا بقى م المنصوره وقدامى حاسبات المنصوره ورحت حاسبات حلوان ومحولتش وحوارات المدينه اللى إنت عارفها بص م الآخر إطلبوا العلم ولو ف الصين جزاك الله خير |
اقتباس:
سنة 3000 هتكون إنت أثبت نفسك واتخرجت واشتغلت وعملت الهوايل ح نكون ف دول العالم الاول إن شاء الله خليك متفائل عشان طول ما إحنا بنقول كده لا هنروح ولا هنيجى ومتناش إن إحنا أكبر تعداد سكانى ف دول الوطن العربى كله يعنى الذنب ذنب الجميع ....... جزاك الله خير |
اقتباس:
المستقبل قدامنا كل الناس بتقول ان احنا مش هنتقدم بس شوف احمد زويل ونجيب محفوظ رغم تخلف البلد قدروا يثبتوا نفسهم واحنا ان شاء الله هنعمل زيهم مش مشكلة انك تفشل المشكلة انك متحاولش |
يا جماعة انا بهزر مش أكتر ..
طبعاً بلدنا دي اجدع بلد في العالم كله ... لو قدرنا نقوم بيها صح ... و ربنا بيقول : اسعى يا عبد و انا اسعى معاك ... |
اقتباس:
.. الشاب بتاع فنون جميلة دا عاوز يقول علينا اننا ازاى هنشتغل فى مجال التكنولوجيا جوة دولة نامية يعنى احنا روحنا او جينا مش هنوصل لحاجة و هنبقى ناس ملهاش لزمة وفر معلوماتك القيمة دى لنفسك و لو مش عجباك البلد سيبها و روح للى بيقدروا العقليات الفذة اللى زى حضرتك |
اقتباس:
اللى حاول و فشل أفضل بكتير من اللى خدها من قاصرها و مشى جنب الحيط |
اقتباس:
هوا انا عملت لسيادتك ايه ؟ حضرتك بتحب كليتك ... على عيني و على راسي لكن مش بالإكراه تقنع كل الناس انها أفضل من الاكل و الشرب ... مش بالإكراه تقنع كل الناس إنها أهم من أي شيء في الدنيا ... بالإضافة إلى إنك بتفهم الكلام غلط من أساسه ... انت كطالب حاسبات لو روحت و لا جيت ح توصل ..... بس باين حضرتك مقريتش بقيت الموضوع انا قلت إن أنا باتريق على الكلام ... بهزر ... اللي تعب بجد , ح يرفع راس بلده لفوق .... و ده ردي : يا جماعة انا بهزر مش أكتر .. طبعاً بلدنا دي اجدع بلد في العالم كله ... لو قدرنا نقوم بيها صح ... و ربنا بيقول : اسعى يا عبد و انا اسعى معاك ... ----------------------- حضرتك لو استمريت بأسلوب الحوار ده ... مش ح تكمل صح كدا ... انا مش بحبطك و لا بشتمك و لا بقول لك ح تطلع قهوجي ... انت واد زي الفل و ربنا يكرمك ... بس بلاش الاساليب المتعصبة دي في الحوار ... عامل الناس كما يحبوا أن يُعاملوا ... يعني واحد مخه صغير و مش شايف قدامه غير إن هندسة أحسن ... سايسه و قول له ماشي ... أكنك مسمعتش حاجة ... انا حولت فنون جميلة علشان اللقب ( زي ما سعادتك بتقول ... رغم ان الكلام دا مش صحيح اطلاقاً ) ... سايسني و قول لي ربنا معاك و يكرمك ... و أكنك لا سمعت و لا شفت حاجة .... انا يعني مدخلتش جهنم علشان سبت حاسبات .... و لا ربنا قال لي : ح العن حياتك كلها علشان سبت حاسبات ... اتقل على الناس ... مش أي حاجة تنرفزك تقوم طايح كدا .... اهدى ...و قول من جواك : بكرا نتفرج و نشوف مين اللي ح ينفع ... و صدقني ... حاسبات و معلومات دي أجمد كلية في مصر !! .... مهما قلت و مهما عيدت ح تفضل أجمد كلية في مصر !! ربنا يكرمك إن شاء الله و أشوفك اكبر مهندس برمجيات فيكي يا مصر ... جزاكم الله كل خير |
ليه كده يا بلبل
مش قولنا بلاش ربنا يهدى |
اقتباس:
|
بص يا داندو انا مستعجب ازاي الحوار وصل لكدة اذا كنت شايف المهندسين المعمارين رسامين فانا كنت فاكر زيك كدة بالضبط لكن لما سألت طلبة و مهندسين عرفت ان دي دراسة و علم مش مجرد رسم و تصميم ميني و غير كدة احب اقولك انك ظالم عليوس
اقولك ليه ا احكيلك حكايته الولد ده جاب 379 بسبب علم النفس عشان جايب 41 طبيعي ان اهلة اول حاجة يعملوها يفتحو ورقة علم النفس المهم عشان هوه مرحلة تانية كان قدامو حاسبات و المعهد العالي للتكنولوجياالمهم الولد ما صدق و كان فرحان بالكلية مستعد اقولك اكتر منو و اكتر من اي حد ف المنتدي لدرجة اني كان نفسي ابقي زيي مش لدرجة الحقد عليه بس بجد انا بردو كنت حابب حاسبات و لما لقيت علي متشجع جامد فكرت اني احول حاسبات هوه كانت جيالو حلوان عالعموم و انا كنت بفكر ف عين شمس او القاهرة المهم فضب علي حابب الكلية لدرجة انو قالي حتي لو جتلي درجات توديني هندسة من اعادة التصحيح كان فضلو تلت درجات مش رايح هندسة و هفضل ف حاسبات المهم نتيجة اعادة التصحيح طلعت و جاب درجة بقي 380 و كان لائق و بقي جايب الحد الأدني للفنون عمارة المهم من الطبيعي كان يستخدم الدرجة للتحويل لحاسبات القاهرة لكن عايز اقولك ان علي صحبي و ساكن في دمنهور و كايرو بعيدة و هيضطر ياخد مدينة جامعية طبعا لو مكنش قدامو حاسبات كان ماشي و هيا اصلا مش فارقة معاه غير كدة والد علي شغال مهندس معماري في وظيفة حكومية كمان و خريج فنون جميلة عمارة اسكندرية و هما عندهم شقة في اسكندرية بتهيقلي الخيارات دي كلها كانت تجبر اي حد انو يحول فنون عمارة ان مكنش عشان نفسة عشان اهلة هتقولي لو حابب حاسبات يستمر حقولك العمارة مش وحشة و اي حد يستمتع بشغلها فهمني يا ريت تقدر الكلام ده و تعذرو انا اسف اني سيحتلك يا علي بس عشان نوقف الخناق |
ميرسي يا زاكو على التسييح ...
لكن انا مش ح ارد على الأخ داندو ... الأيام بعد كده بتعلم يا ابني ... جزاكم الله كل خير |
اقتباس:
يا باشا والله انا ما واخد منه موقف شخصى هو حر يدخل اللى هو عاوزه و يريحه .. لكن هو من ساعة ما حوّل فنون و عمارة و هو كل شوية يرزع جملة ملهاش لزمة يستفذ بيها اللى فى حاسبات .. و كلامه قلب 180 درجة ربنا يوفقه فى عمارة .. و انا أصلا رأيى فى عمارة مكنش على سبيل ال*** او الاستفذاذ دا رأى انا كونته بعد ما سألت ناس كتير جداا شغالين فى المجال و فهمونى ايه الفرق بين المدنى و العمارة من ناحية الدراسة و الشغل و المشاريع و التفكير و عدد المواد فى كل قسم و نوعية المواد بصراحة لما عرفت الفرق بينهم بقيت بشفق على طالب عمارة طالب مدنى له صلاحيات طالب عمارة و زيادة عليها حاجات كتير جدا مش عاوز اقول باقى الكلام اللى اعرفه عشان الراجل ميجيلوش احباط اقتباس:
لكن للأسف انت متضارب الافكار و كلامك كله متناقض و اللى من النوع دا صعب يقدر يدافع عن نفسه انت مقدرتش تدافع عن ميولك و تستمر فى الكلية اللى انت حاببها و ضعفت قدام الضغوط اللى حواليك يبقى ازاى هتقدر تدافع عن مجرد رأى او وجهة نظر ؟!! |
طب يا بابا انت كويس ...
|
انا بقى عاوز اسأل حضرتك سؤال ...
حضرتك و انت صغير كنت بتحلم بإيه ؟ أكيد يا مهندس يا دكتور ... معتقدش يعني انك كنت تسمع عن حاجة اسمها كمبيوتر اصلاً ... و لا اعتقد انك تسمع عن حاسبات و معلومات دي أصلاً ... و حلمك انك تبقى يا مهندس يا دكتور مستمر معاك لحد ما خلصت ثانوي ... حظك جه في حاسبات و معلومات أو في هندسة ... هنا بيبقى القرار ليك .. ------ تعالى بقى نفكر ... الشقة اللي حضرتك قاعد فيها مين اللي بانيها ؟ مهندس مدني طب مين اللي عملها و رسمها و صممها و خططها ؟ مهندس معماري انا اعرف ان طلبة حاسبات و معلومات ثقافتهم عالية ... بس انا مستغرب ازاي حضرتك دخلت حاسبات و معلومات و انت معدكش اي فكرا عن الفرق بين المدني و المعماري ؟ ... ده العيل الصغير يعرفها ... ( طبعاً بقية الطلبة مثقفين و زي الفل ) ------ و لو حتى عمارة رسامين ... طب ليه بقى مخليين قسم عمارة في هندسة واخد تقدير جيد , و قسم مدني واخد تقدير مقبول ؟ ----- و بعدين في مثل عالمي بيقول : العمارة فن و الفن جنون ..... فالعمارة أم الجنون .. طبعاً هوا مثل يضحك ... لكنه مثل علمي بحت ... و بيبين ان العمارة دي ارقى الفنون .... لأن الفن موهبة , و الفنانين او الرسامين اللي سيادتك بتتريق عليهم اكنهم زبالين ... أرقى ناس في المجتمع ... لكن ح اقول ايه ؟ ----- على العموم انت واد زي الفل ... و ربنا يكرمك ... |
مش اعرف اقول ايه يا داندو العكس يا حبيبي لعلمك عمارات كتير 4 او 5 ادوار بيصممها و يعملها المخططات الواجهية و التصميمية و الانشائية بيعملها معماري و بيدي الشغل لمقاول دبلوم بيعمل شغل المدني و غير كدة احنا ف عمارة بندرس مواد مدني
و بعدين لاحظ اني عمارة كمان و بعدين هوه لو عمارة ملهوش لازمة مكنش اتحط ف كليات الهندسة و لا كان ليه ال uia الاتحاد الدولي للمهندسين المعمارين اللي بيشترط يكون للملتحق دراسة معمارية خمس سنوات |
قول له يا زاكو ...
و بعدين ... لو الأخ داندو كلامه صح ان مدني احسن من معماري اللي بتاخد جيد و بتحتاج واسطة علشان الطلبة يدخلوها و اول و ارقى قسم في الهندسة و الفنون الجميلة ... يبقى هوا كده عامل زي الجهلة اللي بيقولوا ان هندسة حاسبات احسن من حاسبات و معلومات .... بس الاخ داندو مش جاهل ... ده واد زي الفل ماشاء الله .... و مستقبله مشرق مليء بالأمل و التفاؤل ... الناس ح تحبه من ابداعه و بساطته في الحوار و التعامل ... |
بس يا داندو عيب كدة احنا مش عنعاير بعض بالكليات كفاية ان فنون جميلة عمارة واخدة اعلي م الحاسبات
و بعدين حاسبات كويسة و حلوة لكن لاحظ انا بحبا جدا لكن لو حتبدأ معايرة اشتغلك بقة حاسبات و معلومات ملهاش نقابة و مش حتتعمل اقولك ليه انت عايزين نقابة مهندسي البرمجيات صح مانتوش مهندسي يرمجيات دارسي علوم الحاسبات سواء اي مجال اي تي او سي اس او غيرة مهندس برمجيات ده وظيفة من ضمن وظائف كتيييييييير جدا منها بروجرامر و ثري دي جيم ديزاينر و سيستم اناليست و غيرة شوف دليل الكلية بتاعتك في الوظائف المتاحة ف المجال لخريجي الكليةعايز اقولك كمان ان النقابة بتضمن مسمي وظيفي و حقوق العمل يعني محدش غيرك يشتغل ف الجال يعني مثلا نقابة الصيادلة بتضمن لقب دكتور صيدلي لخريجي صيدلة حكومية او خاص معادل و تمنع ان اي حد يشتغل في صيدلية غير دكتور ده مثلا تصريحات البنا لازم يطلعها مهندس مقيد ف النقابة غير كدة عايز اقولك نقابة في مجال للحاسبات صعبة تتعمل لانها حيقتصر العمل في الكجال ده علي خريجي حاسبات و المعاهد و الجامعات الخاصة المعادلة للحاسبات و ده مستحيل لأن المجال مفتوح مش ف مصر اذا كان اغني واحد ف العالم بيل جيتس و شغال ف مجال ال اي تي مش خريج كمبيوتر ساينس و لا حاجة كان طالب فاشل في حقوق و عالعموم انا معاك ان في جامعات امريكية كتير زي هارفارد في كلية الهندسة و العلوم التطبيقية فيها قسم كمبيوتر ساينس لكن لو بصيت علي معلومات عن القسم ده انهم مبينضموش لنقابة المهن الهندسية المهندسين يعني ف امريكا و غيرة لأن المجال مفتوح و عايز اقولك ان في شهادات كمبيوتر اهم من بكالوريوس الكمبيوتر و في شهادات معينة بتشغلك بمرتب يصل ل 65 الف دولار سنويا و اكتر من كدة بكتيييير و عايز اقولك ان معظم شركات البرمجيات معظمه اللي شغالين فيها مش معاهم بكالورييوس كمبيوتر ساينس او غيرة انا اسف اني قولت الكلام ده بس انا لغاية دلوقتي حابب حاسبات و شايفها المستقبل و البداية كون الواحد ياخد البكالوريوس دي البداية في العلم الذي ينتهي و انا كنت حعمل حسابي اني لو دخلت حاسبات حتبقي البداية بعد ماخد البكالوريوس انت ممكن تتوظف ببكالوريوس حاسبات في مكان كويس لكن ممكن تلاقي جنب فئات تانية بس معاها شهادات برمجة و غيرة فاهمني فلازم تطور من معلماتك و ناخد شهادات علب قد ماتقدر حتي مش ف مجالك يعني مثلا لو انت كمبيوتر ساينس حاول تاخد شهادات في ال اي اس و بالذات الداتا بيز لأن ده علم مهم و لا ينتهي و ملهوش كبير بس و انا اسف اني قلت الكلام ده لكن لازم نهدي الحوار ما بينا لازم تعرف المهندس المعماري بيعمل ايه و المدني بيعمل ايه لأن انت كدة اهنت ناس ياما سلام يا بشمهندس داندو |
اقتباس:
لا يا اخ زاكو النقابة ح تتعمل يعني ح تتعمل ... المشكلة مشكلة الاخ بلبل مش بقية الطلبة ... بقية الطلبة زي الفل ... و ملهمش ذنب اننا نحبطهم . متنساش ان انا كنت طالب مقيد في حاسبات برضه ... الاخ بلبل نسيبه يقول اللي يقوله ... هوا مستقبله زي الفل ... مستقبله مشرق و زي الفل ... الناس ح تحبه من اسلوبه الحواري اللطيف ... |
في كذا موضوع مهم حنقلة من منتديات تانية
ده كلام واحد ف حاسبات بجد انا معاه يا شباب اولا أسف اني هاعقب علي موضوع قديم .... بس انا مكتئب جدا جدا جدا ... للأسف الكلام اللي بيتقال عن كلية الحاسبات و المعلومات بوظلي حياتي و اصابني بالأحباط و الاكتئاب ... بدأت الحكاية لماكنت باعرف نفسي للناس علي اني "المهندس / محمود" و الاحظ نظرة الا نبهار و التقدير في عيون الناس ..بس في اغلب اغلب الحالات يكون السؤال التالي و الباشمهندس خريج هندسة ايه أو تخصصه اية.... و عندما اقول بكل فخر "حاسبات و معلومات حلوان" ..اجد نظرة التقدير يحل محلها نظرة شك و قليل من السخرية و الرد الجاهز: بس دول مش مهندسين ولا حاجة دول بتوع سوفت وير بس كنت اعتبر ان ده جهل و حقد علينا... الي ان بدأت الصدمات الواحدة تلو الأخري .... في العمل - وانا كنت اعمل في شركة برمجيات كبيرة - المسمي الوظيفي في العقد وفي التأميينات "مبرمج حاسب ألي" ....ماشي مش مشكلة بس اللي زعللني لما لقيت زمايلي خريجي الهندسة الوظيفة بتاعتهم في عفد الشركة وفي التأمينات "مهندس حاسبات" طيب اشمعني وهي هي نفس الشغلانة ...قالولي في شئون الموظفين: النقابة يا سيدي ...بيروحوا يختموا ورقهم من نقابة المهندسين عشان يثبتوا مهنتهم ..... يا نهار اسود...................دي الحكاية طلعت بجد............ انا مش عارف اجيب ورقة رسمية من الحكومة بتقول اني مهندس وكمان لما جيت اخطب البنت اللي حبيتها و أول مره دخلت عندهم البيت مع ابويا و أمي وقلت انا خريج حاسبات و معلومات حلوان و باشتغل مهندس في شركة كذا .... ابو البنت قاللي ما شاء الله يا اابني ده مجال كويس اوي الايام دي و بتاع .........و لكن اذ بي افاجأ بأخوها المهندس المعماري طلع زي القنبلة وقالي: "مهندس ازاي و انت خريج حاسبات ومعلومات هاهاها احنا هنكدب من أولها" ....... الكلام ده كان قدام ابويا و امي و البنت اللي رايح اخطبها ...لقيت نفسي انزلقت معاه في حوار ان احنا مش اقل من المهندسين الاخرين ونستحق اللقب ده و بتاع ....... واحرجت جدا لما قاللي طيب لما تتطلع البطاقة قدام المأذون تقدر تقوله اكتب في القسيمة المهنة مهندس و هي مش كدة في بطاقتك ؟ و راح مطلعلي بطاقته وكارنيه نقابة المهندسين و قاللي بص المهندس بيبقي معاة الاتنين دول مكتوب فيهم المهنة مهندس.... طبعا كنت قاعد محبط وابوبا و امي احسوا بالاحراج ... و اللي انهي الموقف ابو البنت لما قاللوا خلاص يا عم المهندس المأذون هيكتب المهنة واحد محترم ان شاء الله ....طبعا الراجل عمل كده لما احس ان ابنه هوه الغلطان..... لكن ابويا و امي عاتبوني بعد كده جامد لاني انا اللي قلت ان انا مهندس و انا عارف ان محدش بيصدق ان خريج حاسبات و معلومات مهندس المهم دارت الايام و جاتلي فرصة في السعودية و نجحت في اختبارات الشركة السعودية و بعتولي التأشيرة "مهندس حاسبات" و العقد مهندس حاسبات .......... قلت باااااس كدة هتتحط في العقد و الباسبور يا باشا و نخلص ....ولكن اه من لكن .... السفارة السعودية اشترطت ان تكون المهنة في جواز السفر "مهندس حاسبات" ايضا و الا التأشيرة مرفوضة طبعا لم اسكت و حاولت بكل الطرق اصدار بطاقة رقم قومي بوظيفه مهندس ولكن كل المحاولات بائت بالفشل و كأن كل موظفي الاحوال المدنية متفقين علينا و كلهم قاللولي اختم من النقابة اوالتأمينات و طبعا التأمينات برضة عايزة ختم النقابة....طيب اعمل اي يا سفارة و ايه الحل ....قالولي خلي الشركة تبعتلك تأشيره أخري و عقد أخر بوظيفه "مبرمج" او" اخصائي جاسب الي " و قد كان و انا الان اعمل بالسعوديه بتأشيرة مبرمج حاسب الي وطبعا في الشغل تلاقي اللي تأشيرته مهندس سكته سالكة حتي لما يروح يطلع رخصة السواقة السعودي بيحترموا انه مهندس المهم انا دلوقتي ندمان اشد الندم علي عدم دخولي كلية الهندسة و الجري وراء الحبال الدايبة ...................ربنا يجازي اللي كان السبب و اسف مرة تانية اني بردعلي موضوع قديم بس اصلي كنت بتابع يمكن حد عنده نفس همومي و سخطي علي اوضاع خريجي الحاسبات و المعلومات المحبط المكتئب / محمود المشكلة اللي اتحدث عنها مشكلة اجتماعية و هي نظرة المجتمع لخريجي كليتنا ... وانا هنا مش بتكلم علي السباك ولا علي الميكانيكي لو سمحت .. انا انسان واقعي جدا و المواقف اللي بحكيها مواقف اجتماعية واقعية تسببت لي في مشاكل مع معظم معارفي .... و المقصود من مشاركتي ليس المواساة او تطيب خاطري بكلمتين... المقصود طرح الحلول العملية .... انا حاسس اني بين نارين ..... انا مش فارق معايا حكاية مهندس دي بتعريفة ... بس المشكلة ان مهنة "مبرمج" أو مهنة "أخصائي حاسب الي" دي مهنة غير منظمة علي الاطلاق .... و مهنة كل من هب و دب..... و كمان ولا المجتمع القريب منك ولا الشركات الخاصة اللي بتدور علي شغل فيها بيفرقوا بينك و بين المعاهد التعبانة... و اديني شغال بقالي اربع سنين و شايف بعيني .... ده حتي خريجي المعاهد الهندسية التعبانة اللي بيخشوها ب 60 % بيعتبروهم انهم ناس مهندسين و زي الفل ... وانت زيك زي غيرك ... طب ليه و مين المسئول وهل فعلا احنا اتخدعنا و انضحك علينا .... ليه كل الجهات الرسمية في مصر و برة مصر مش عاجبهم اننا نكتب في المهنة مهندس حاسبات أو برمجيات كلام الأخ م/ احمد اسماعيل في الموضوع مثلا كلام جميل ... بس فين اقدر اثبت المهنة بتاعتي ....انا عايز كلام واقعي ... يعني مش كل ما احب اقنع واحد هاقوله خش ع النت و اقرا ... ارجو حد يدلنا منين نجيب ورق رسمي مكتوب فيه مهنه محترمة طيب انا وريت اللينكات دي لمديري اللبناني في السعودية ... انتوا عارفين اول ما شافها ضحك بسخرية و قاللي جايبلي لينك من امريكا .... وايش حال " بيل جيتس" انجح مبرمج عندهم بيعمل ايه و هو لم يحصل علي اي شهادة جامعية اصلا... و ابن اخي هناك في مايكروسوفت يعمل سوفت وير انجنير بشهادة جامعية في البيزنس .... ونقابة مهندسي برمجيات ايه مفيش في امريكا الحاجات دي والله مصر ام العجايب ... ا رجوكم انا مش عايز مواساه وتطيب خاطر ولينكات تاني ..... عاوزين حلول عملية ....اروح لمين ......... و ده كلامي في مواجهة واحد ف هندسة في منتدي تاني انا عارف ان في الموضوع ردود طويلة بس عشان خاطري اقرو ردي للأخر بيجيب م الاخر و انا محايد نداء الي الأخ عضلة و جميع الطلاب اللي في هندسة و تحية كبيرة للمهندسييييييين اللي داخلين اولي حاسبات و البشمهندين اللي فيها المهم حكايتي طويلة لكن حكتب ف حجات هتقع بس حفتكر بس يا مان السنادي كان الحد الادني للهندسة 93.2 و الفنون الجميلة عمارة 92.7 و الحاسبات 92.3 المهم انا السنادي جيبت الحمد لله 92.8 و لائق ف قدرات العمارة و الحمد لله جالي نصيبي فنون جميلة عمارة المنيا و فعدت فترة اقرر هل احول تحويل مناظر لاسكندرية عشان الاقرب ولا احول حاسبات بس المشكلة الغربة المهم كلمت ناس ف الكليتين طبعا كل واحد حيشكر ف كليتو ده المعلاوف حتي لو خدمة اجتماعية بس خدها مني كلمة مش انا فنون جميلة عمارة يعني مهندس فهمي نظمي عزمي اخر حاجة و كمان فنون جميلة عمارة تبع نقاذبة المهندسين و بأمكانهم الاشتراك ف الاتحاد الدولي للمهندسن المعماريين لكن هندسة عمارة لأ و عشان كدة و حجات كتير هيا احسن من هندسة عمارة عشان تتأكد شوف الموضوع ده انا اسف انه في منتدي تاني لمن ححاول انقله بعدين عشان رايح اتسحر دلوقتي يا ريت تقرا الموضوع ده للأخر و الخبر من جريدة الاهرام نقلا عن مصادر عامية و منهم اليونيسكو افرأ من هنا http://www.thanwya.com/vb/showthread.php?t=152879 عشان بس مش تتمنظر بهندسة ديه http://www.alltalaba.com/board/style...fault/bleh.gif المهم يا عم انا صليت استخارة مرتين اول مرة كنت ميال لحاسبات لكن عشان والدي و والدتي مش عايزني اتغرب ارجع افكر اني اكمل عمارة و كدة تاني مرة كنت عايز خلاص احول حاسبات كان اخر يوم ف التحويلات الاليكترونية ماشي و دعيت ربنا اللي فيه الخير ليا و اللي يريح والدي و والدتي يتم قعدت اقنع ف والدي مفيش فايدة كان مبدأ الرفض الغربة و ده سببة ان اصلا انا من دمنهور و ليا قرايب ف اليكس و عندنا شقة هناك يعني عايزني يا كلية ف دمنهور يا اليكس المهم العيلة كلها مقتنعة بعمارة عشان اسكندرية و قريبة و مهندس ف البطاقة لكن و خلي بالك من لكن انا كنت بدعي ف الصلاة قبل النتيجة اني اطول ريحة حاسبات ان شا الله ف اسيوط و كنت فعلا مديتش الثانوية حقها و الحمد لله النتيجة ظهرت و التنسيق ظهر بعديها و جاتلي عمارة المنيا و الحمد لله كان مجموعي يجيب احسن حاسبات القاهرة و عين شمس تقريبا كل الحاسبات الحمد لله بص بقي يا سيدي انا كنت بشوف كلية الحاسبات القاهرة و من صغري عشان والدي شغال مدير عام شئون طلاب كلية الاداب بدمنهور و كان كمان زائد كدة امين عام مكتب التنسيق محافظة البحيرة لما كان التنسيق ورقي بملفات مش عالنت المهم كان في عربية نقل بسواق بتروح توصل الملفات لحاسبات القاهرة كنت احب اروح هناك بجد لما انزل من العربية بحس جو غريب جميل جدا متلاقيهوش في اي حتي الكلام ده و انا في اولي و تانية اعدادي و تالتة اعدادي كمان يا سلام علي الكلية و يفطتها كلية الحاسبات و المعلومات جامعة القاهرة كلمة نغمها لذيذ المهم عشت احلام الطفولة و كان والدي بيشجعي و يقولي ذاكر عشان الكلية فعلا كويسة و بيعملو برامج للبنوك و الكليات و البرنامج يعمل الافات و ارقام حلوة كدة ما علينا من احلام الطفولة السعيدة مكنش همي الفلوس يعني اولا عايزة اقول حاجة علي حسب معلوماتئ الثمينة المحودة ان البرمجة ديه زي الرياضيات و مستوي التفوق ف الرياضيات يا برنس ملهوش حدود كل ما تتمرن تحل اسرع و تحل مسائل صعبة لدرجة انك ممكن توصل لتأليف المسائل الصعبة نفسها و عايز اقولك مش المجال ده بس اللي مفتوح العلم كله دلوقتي مفتوح لو عايز تتعلم طب هندسة ميكانيكا هتتعلم بجد مش بهزر انت ممكن تقره كتب في الطب و تذاكرها و تفهمها و تشوف فيديو عمليات جراحية و كل حاجة لكتن تعالي علي الشغل سيبك من الشهادة انت هتقدر تشتغل زي دارس الطب او خريجه طبعا لأ لأن المصري ال علي حق يقول للغلط لأ و ده ينطبق علي كل الكليات مش بهزر و تعلم الهندسة كمان لو عايز تتعلم قولي و اديك كتب بي دي اف و مواقع و شرح فيديو للشغل علي المخرطة و الفيريزة جتبقي تومام بس لازم يكون عندك دافع ماشي مش تقولي انت بتألف روح بعييد ازاي الكلام ده انا مبهزرش لكن ارجع معاك و اقول الدراسة الاكادمية متتعوضش و تخيل انك في جو سباق ذهني مسائل صعبة و كذا طريقة حل بتفكر عشان تجيب الاحلي و الاسرع و الاسهل طريقة دي و جهة نظري المتواضعة اللي كانت حتكبر لما ادخل باب الكلية رسمي المهم نيجي لموضوع كلمة مهندس بس ياباشا انا عايز اغيظك و الله لاغيظك خش عالنت في موقع جوجل اعمل سيرش علي جامعة هارفارد ف امريكا اكيد عارفها لو مش عارفها يبقي الغلط مش مني اسأل عن الجامعة دي المهم خش علي كلياتها و اختار كلية الهندسة و شوف الاقسام اللي فيها هتلاقيهم في حدود خمسة ؟؟!! و مينهم اال السي اس الكمبيوتر ساينس في حين اقسام زي الرز مش بهزر ف هندسة اسكندرية 14 قسم و القاهرة و عين شمس ايه الهبل ده يا عم في اقسام مش هندسة هناك زي العمارة في كلية التصاميم و الفنون و البحرية عمارة السفن و كذلك الانتاج و غيره يا برنس ملهوش دعوة بالهندسة في مقابل ان الكومبيوتر ساينس قسم من اقسام الهندسة عايز ايه تاني و خد في بالك بقي اذا كنت شايف كلمة مهندس حلوة خليها تنفعك معلش ثقافة المجتمع مبتفهمش حجات كتير مش عايز اكتبها عارف عليه مش عشان افضح المجتمع لأ عشان هيا كتير و هتوجع ايدي من الكتابة خليني اتعب نفسي في الرد عليك و علي كل اللي دخلت في دماغة ذرة كره لحاسبات احب ابشرك ان حاسبات دول ناس نضيفة !! نضيفة ازاي يعني انت تعرف يا برنس ان كلية الهندسة بتقبل غير الثانوية العامة ثانوي صناعي خمس سنوات و سنتين معهد بعد الثانوي يعني لو جيبت 60/100 ليك فرصة كمان تخش هندسة و دبلومات 3 ثنوات بمعادلة المعادلة بقي يمتحنو رياضة 1 و رياضة 2 و فيزيا و شرط النجاح بس و تخش هندسة كلية الهندسة فيها ناس بجد دماغها تعبانة و طبقات عجينة من المجتمع لكن حاسبات يا برنس لا تقبل الا طلاب الثانوية علمي رياضة و الشهادات المعالة للقنوية علمي رياضة بس زي المدارس الثتنوية الامريكية و غيرها من المدارس النضيفة يعني لو جينا نقارن هتلاقي اقل واحد ففي النضاقى طالب الثانوية اللي جايب 92.3 علمي رياضة و مصري و ده اكيد نضيف جدا بمقارنة بأشياء عجينة تدخل كلية الهندسة و كمان افتكرت حاجة ف جامعة الزقازيف في حاجة اسمها انتساب المؤهلات العليا يعني ممكن واحد معاه مؤهل علي تجارة او اداب يكمل دراسة هندسة في جامعة القازيق و بياخد خمس سنين عادي جدا ايه رأيك يا برنس روح اسأل لو مش متأكد و زي ما قولتلك و ظيفة والدي فاهم تبعا المهم يا باشا انا في كلام كتير نسيته ف النص بس و الله ما نسيته الا عشان كترتة عايز اقولك بالنسبة للمسمي الوظيفي في مصر انا مش ععتبر ثقافة بعض الاغبياء حاكما علي طلاب الحاسبات و عشان تعرف كمان نسيت حاجة ان في سنين من 1998-2003 كانت الحاسبات بتاخد اعلي من الهندسة بتوصل لاعلي من 96/100 و دور علي ارشيف التنسيق و اتأكد المهم اذا كان الحكم الظالم ان يتكتبلهم اخصائي حاسب ف البطاقة فده مش عيب مش كاتبلو لفظ غير لائق يعني و بعدين كلمة مهندس دي قليلة في حق خريج حاسبات ما تخلنيش اتعفرت انا بجد بموت ف الكلية ديه حتي بص داخل المنتدي و كاتب الكلية حاسبات ومعلومات لأني فعلا كان نفسي فيها لكن الدقر و النصيب مش ذنبي معملوش حاسبات في اسكندرية و عملو كلية تعبانة زي الهندسة ايه ده سمعت غلطت ف الكلية بتاعتك انا اسف بس حثبتلك انها تعبانة بعد ما بيخشها عجينة من البيئات المختلفة و يوصل عدد الدفعة ل 3000 طالب احب ابشرك بأن العجن هيبدأ الكلية كبيرة اه لكن بردو في عجن في كل حاجة في الوسايط في دخول الاقسام و الكلام ده مش تأليفي فعلا في واسطة لدخول قسم العمارة في معظم كليات الهندسة و طبعا صصوبة المناهج اللي فيها و عدد الراسبين هتعد تقولي شوف بندرس حاجات صعبة طب ليه متقولش ان الدراسة غلط الحاجات ديت اترجمت غلط لما جات تترجم لتدريسها للعقول المصرية او لأن العقول المصرية مش قادرة توصل للمستوي ده ما هو حاجة من الاتنين يا مقبول يا بمادتين و عليك و علي مدني قسم العجن في اسكندرية الدفعة بتبقي مثلا 2800 تلاقي 1900 مدني ده دليل علي الوطنية الناس كلها مدنيه ههههههههههه بهزر شوية المهم انا مش هقول كلية الحاسبات كلوية كويسة انا هقول كلمة حق حاسبات احسن من فنون جميلة عمارة حاسبات احسن من هندسة حاسبات احسن من هندسة بترول حاسبات احسن من العفريت الازرق اللي لسة ماطلعش و اخيرا اوصي كل شاب و فتاة بتلت حاجات مهمة 1- حب الله و ارضاء الوالدين 2- حب الوطن 3-حب حاسبات و معلومات علي فكرة انا بفتخر جدا اني ضايف علي الماسنجر طلبة بشمهندسين اصليين كبار قد الدنيا بيدرسو في كلية الحاسبات و المعلومات و احلي تحية مني للمهندسين الاصليين جدا جدا خريجين و دارسين كليات الحاسبات و المعلومات و خصوصا مهندسين حاسبات القاهرة عشان بجد ناس مخترمة جدا ودماغات و احلي عزاء مني للداخلو هندسة ربنا يكون في عونكم و تجيبو مقبول مرتفع بس خلي بالكو متشيلوش كتير عشان الشنطة متتقطعش حب الله حب الوطن حب حاسبات و ده رد خريج حاسبات ليا السلام عليكــم ورحمـة الله وبركاتــة ،، رغم ان محدش رد عليا زي ما انا طلبت بس لفت نظري كلام الباشمهندس المعماري zako اللي بيحب حاسبات ومعلومات ودي حاجة بحييه عليها ...... بس برضه جايبلنا لينكات من هارفاردhttp://www.alltalaba.com/board/style..._53%5B1%5D.gif ( اقرا رد مديري اللبناني عليها فوق http://www.alltalaba.com/board/style...c_confused.gif ) بص هوه برضه هارفارد بتقول حاجه وحشه اوي.... http://www.seas.harvard.edu/academic.../undergraduate Computer Science (A.B.; A.B./S.M.) Computer science offers students the opportunity to conduct research on software, graphics, artificial intelligence, networks, parallel and distributed systems, algorithms, and theory. * Concentration Guide * Advising, Requirements and Forms * Secondary field option: Computer Science Engineering Sciences (A.B.; A.B./S.M.; S.B.) For the Engineering Sciences degree, we offer an A.B. degree option as well as an ABET-accredited S.B. that requires about four more additional technical courses than the A.B. The S.B. program is accredited by the Engineering Accreditation Commission of ABET, 111 Market Place, Suite 1050, Baltimore, MD 21202-4012-telephone: (410) 347-7700. طبعا شايف في اخر تلات سطور .... ان ال CS = Computer Science لا تؤهل لدرجة ال S.B التي تؤهل لاعتراف ال ABET و ده مجلس اعتماد التعليم الهندسي في الولايات المتحدة الامريكية انا شفت الكلام ده طبعا من زمان من كلام الاخ احمد اسماعيل عن كلية الهندسه و العلوم التطبيقية .... بس طبعا الكلام اللي جوه الموقع مختلف تماما و لايؤيدنا علي الاطلاق ...... الناس بيقولوا عندنا CS جوه ال Engineering بس بيقولك انه غير معتمد من ال ِABET American Board of Engineering and Technology............. و طبعا ده شرط انك تكون مهندس في امريكا..... الناس دول ما بيخبوش حاجه .... و ال Software Engineer مهنة غير منظمة في امريكا حتي الان .....يعني مفيش نقابة اسمها نقابة مهندسي البرمجيات في امريكا ولا في اوروبا حتي .......... http://www.alltalaba.com/board/style...lt/36_1_28.gif يعني كلام محبط جدا يا Zako تاني .... ياريت مانجبش اي لينكات وخلاص و يبقي المحتوي في الموقع ضد رأينا و محرج لينا ........ و حكاية انا احنا بندرس في نفس القطاع مع هندسة .... طيب نرد ازاي لما يقولوا لنا ان كليات الطب و كليات التمريض في نفس القطاع ( علمي علوم ).... هنقول ايه بقي .....الاتنين دكاترة http://www.alltalaba.com/board/style..._41%5B1%5D.gif و بص علي الرابط المحبط ده كمان ...من عادة جامعات امريكا ان يكون فيها الطب و طب الاسنان و التمريض في كلية واحده عشان نفس المجال ........ عادي مجاش ممرض ولا ممرضه و قالك بص شوف اللينك بيعمل ايه http://www.alltalaba.com/board/style...lt/36_1_10.gif http://www.mcg.edu/schools.htm و علي فكرة يا ريتني يا ريتني يااااااا ريتنيي دخلت فنون جميلة عمارة زيك .... وافضل احب حاسبات ومعلومات من بعيد لبعيد و اطلع اشتغل Software Engineer برضه .... اهنيك علي اختيارك يا باشمهندس |
اقتباس:
أقولك و انا صغير لما يسألونى عاوز تطلع ايه كنت بقولهم .. صابت(ظابط) كنت بنطقها كدا (صابت) .. عارف ليه ؟! عشان كنت لسة عيل بريالة مش فاهم حاجة معرفش حاجة غير 3 مهن ميعرفهاش غير العيال الى كانوا فى سنى .. ظابط و مهندس و دكتور هل حضرتك عاوزنى أمشى على معتقدات الطفولة .. دنا أبقى عبيط .. كون انى مدخلش ولا واحدة من التلت كليات دى حاجة تسحب لى و بتدل على نضوجى و مع ذلك أنا بحترم جدا المهندسن عن باقى المهن .. بس مش كل المهندسين انا احترم بتاع مدنى و اتصالات و حاسبات .. دول اللى أقدر اسميهم مهندسين لكن الباقى ملهمش اى علاقة بكلمة مهندس .. الهندسة فى رأيى هى التفكير العلمى الذى يولد ابداع و ابتكارات معلومة ليك .. انا حاسبات و معلومات مجاتليش حظ او مجموع زى ما انت بتقول انا مجموعى يدخلنى هندسة مستريح .. بس انا مبجريش ورا لقب بقى سواقين الميكروباص و السباكين بيتقالهم اللقب دا .. بالنسبة لمدنى و عمارة .. انت متعرفش اللى بيحصل دلوقتى اى مالك لما بيحب يبنى عمارة .. بيجيب مقاول و مهندس مدنى الحاجة الوحيدة اللى بيحتاجوكوا فيها هى اللمسة الجمالية فى التصميم و مش كل المالكين بيحتاجوا لمسة جمالية .. فى ناس عاوزة تنجز انت بتقوللى احنا اللى بنصمم العمارة .. و بتاع مدنى اللى بينفذها أرعبك و أقولك ان بتوع مدنى بياخدوا مواد رسم و تصميم و يقدروا يصمموا شغلك و بشوية كورسات يصمموا أحسن منك كمان .. اذا كانوا بيرسموا إنتيرنال و اكستيرنال و كبارى .. مش هيقدروا يعملوا تصميم لحتة عمارة لا راحت ولا جت بالنسبة لشغلهم ؟!! طب أرعبك أكتر و أقولك ان في تصميمات ستاندارد و فى تصميمات مشهورة و تصميمات جاهزة بيستخدموها بتوع مدنى يعنى حتى لو مش بيعرف يصمم هيجيب اى ماكيت او تصميم من المشهورين و ينفذوا و فى كل الحالات هو هيشتغل بيكو او منغيركوا .. هو يقدر يستغنى عنكم و يعمل أحلى شغل من غيركوا لكن انتو متقدروش تستغنوا عنه هو دا الفرق بينه و بينكم .. انتو أداة مكملة يمكن الاستغناء عنها .. و لما بتشتغلوا صعب جدا تلاقوا مكان فى شركة فبتضطروا للعمل قطاعى .. يوم فى شغل و 10 لأ .. زى الصنايعية بالنسبة للتقديرات .. التنسيق دا بيبقى على حسب العرض و الطلب ملوش علاقة برقى القسم او المهنة و أرجع و أقولك طالما انت فى عمارة تبقى أكيد عمرة دى هى أقوى كلية فى العالم اقتباس:
يا باشا قولناها 200 مرة .. النقابة دى للناس اللى عاوزة تصيّف مش للناس اللى عاوزة تشتغل لو كان اى حد يقدر بكورسات يشتغل فى مهنتنا .. مكنتش شركة مايكروسوفت تعين كل سنة ال 10 الاوائل من حاسبات عين شمس دا دليل انهم بيقدروا خريج الكلية و خصوصا لو جامعة محترمة زى عين شمس و حلوان .. اللى مفيش خريج منها مش بيشتغل اول ما يتخرج بأقل مرتبات تبدأ 3000 جنيه لما يبقى الخريج تعبان ملة .. دا غير الناس بيسفروهم تبع الكلية يشتغلوا بره بمرتبات خيالية و أرجع و أقولك كل واحد على حسب تميزه .. لو بتاع تجارة دا دماغه نضيفه و خد كورسات و إجتهد .. يبقى يستحق العمل فى المجال لكن الاولية لطلبة الكلية و ابقى اقرا الوظايف فى جرنال الاهرام كل يوم جمعة بيبقوا طالبين تخصصات معينة .. ملهاش كورسات متوفرة خارج كليات الحاسبات اقتباس:
|
بشمهندس داندو انت حاسبات ايه عين شمس و لا ايه
|
اقتباس:
عين شمس وللا حلوان .. دا كلام ملكش تسألنى فيه :p:p .. أيوة يا باشا انا فى عين شمس;) بس بتسأل ليه ؟ |
اصلي بفكر احول حاسبات عين شمس :d
الحمد لله جايب 380.5 اجيبها بس المشكلة المدينة الجامعية الاقيلي مكان و لا ريكويست تايم اوت انا بالنسبة للتحويل فالورقي لسة شغال و في ربلاي لكن بالنسبة لموضوع المدينة انا بفكر اعمل بينج و اشوف |
مش عشان العمارة وحشة العمارة زي الفل و كل حاجة لكن انا مش بطيق الانتيرور خالص
|
اقتباس:
اسأل فى الجامعة .. و ان شاء الله هتلاقى مكان فى المدينة الجامعية |
بس انت متأكد من حوار ان الاوائل بيروحو ميكروزفت
|
اقتباس:
بس صدقنى مفيش فى متعة حاسبات .. و خصوصا لو كانت عين شمس بمعاملها و تكييفها و و وايرليسها و مبناها الشيك مش هتندم اطلاقا لو جيت عندنا على فكرة حتى لو ملحقتش ال 10 الاوائل .. بيبقى فيه ملتقى طلابى للخريجين كل سنة بيحضورا أكبر شركات الكمبيوتر فى مصر و بيختاروا عدد كبير من الطلبة و يعينوهم فى حضور الدكاترة و العميد |
ربنا يسهل بس انا لو اخت القرار لحاسبات هكون محتار بين كايرو و عين شمس و لون ليا ناس اعرفهم في كايرو اكتر من عين شمس
|
اقتباس:
.. دا غير الكورسات المهمة اللى بييجوا يدوها عندنا فى الجامعة لينا احنا و بتوع هندسة اتصالات .. جامعة عين شمس بس طبعا |
ممكن الياهو مسنجر عشان نتكلم براحتنا
|
اقتباس:
و بيشكروا فى الدكاترة بتوعها بس انا اسمع انها أسهل من عين شمس فى الدراسة و انا شخصيا بفضل الصعوبة .. طالما بفايدة عموما صلى استخارة و شوف اللى فيه النصيب و انت كنت أرشحلك بالترتيب كدا عين شمس حلوان القسم الجديد كايرو دول التوب |
سمعت ان في القسم الجديد قبول مؤهلات عليا يعني ممكن تلاقي معاه بكالريوس تجارة او ليسانس اداب داخل معاك الكلية لعلمك فيه كليات كدة و منها فنون جميلة و هندسة ف الزقازيق
ربنا يسهل و انا كمان بفضل الصعوبة انا بكره التصميم الداخلي جداااا بيحسسني انه حزرب علي ديكور شوف حكايتي في الردود و اقراها |
ده ف حلوان هندسة بمجيات بس
ربنا يسهل لو استقريت يبقي عين شمس |
ممكن ايميلك يا داندو؟؟؟؟؟؟؟؟؟
|
اقتباس:
عندى هوتميل .. بس بقاله اسوبعين مش راضى يدخل بيطلب منى أنزل فيرجن جديد .. بنزله مش عاوز يتسطب و مش عارف أدخل ع الميل بتاعى خالص للأسف:( .. ممكن تبعتلى انت اميلك فى رسالة خاصة و أعملك أد لما اصلح المسنجر عندى .. و لو عندك اى استفسارات عن عين شمس قوللى هنا فى التوبيك;) و انا هقدر افيدك على حد معرفتى .. و بالمرة ناس كتير يستفيدوا متقلقش دا حتى التوبيك بتاعك:d .. نتكلم براحتنا زى ما احنا عاوزين:d |
| جميع الأوقات بتوقيت GMT +2. الساعة الآن 09:12 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.