|
آراء حول تأجيل الدراسة
إيه رأيكم يا شباب الجامعات فى تأجيل الدراسة ؟
أنا عن نفسى نفسى الدراسة تبدأ لأن تأجيلها مش فى صالحنا و كمان أنا إتخنقت من قعدة البيت و أنا كمان ممنوعة من الخروج و شايفة إن الدراسة أحسن من القعدة فى البيت بلا هدف :bosyht9: |
التاجيل فى مصلحة المرحلة الثالثة الان التحويلات لسه.................
|
لو الامتحانات بتاعه نص السنه مش هتتأجل يبقى مش ف صالحنا خالص
|
انا رايي نبدا دراسه بئي بدل قعده البيت الممله دي كمان التوقيت الشتوي ده غلس اوي ف الاجازة وفعلا انا مع الدكتورة نغم ف رايها لو الامتحانات مش هتتاجل يبقي نبدا احسن اهو الوقت يكفي اننا نلحق نذاكر
|
انا زعلت جدا لما عرفت ان الدراسة اتاجلت
كان نفسى اشوف الجامعة وزهقت خلاص من قعدة البيت |
وانا من رايي والله ان الدراسة تتاجل شوية لحد ما اروح احول لجامعة القاهرة عشان النتيجة وكده يعني وربنا يوفقنا ويوفقكم جميعا
|
صدقونى يا جماعة تأجيل الدراسة ده هيأثر علينا جدا و خصوصا الكليات العملية اللى عايزة حضور من أول يوم و كمان هيرجعوا نظام من 8 صباحا إلى 8 مساء و ممكن كمان نشتغل يوم الجمعة يعنى هيبقى عذااااااااااب
|
بجد ردودكو قلقتنى اكتر ..
اصلا انا مش عارفه اقوول ايه .. ربنا اكيد هييسرلنا الفيه الخير .. وفي الاخر ربنا خير حافظ.. ماهو ممكن نبقى قاعدين ف البيت ويجيلنا المرض لحد عندنا .. ع العموم ميرسي ع التوبيك .. |
انا رأيي واعتقد رأي كل الشباب ان ياريت يأجلوا الدراسه السنه دي كلها ما لها الاجازه يعني ؟؟؟؟ الواحد اول مره ياخد اجازه طويله كده وعايش حياته يبقي ايه المشكله؟؟؟؟
|
حتي لو اتاجلت يا جماعه ميقدروش يعملوا امتحانت نص السنه في الوقت اللي كانوا بيعملوا فيه عشان اصلا مش هنلحق ناخد حاجه يعني لو الدراسه اتاجلت امتحانات نص السنه كمان هتتاجل
|
هى خلاص يوم 3/10
|
اقتباس:
مبعملش اى حاجه المشكله كمان ان احنا مش متعودين ع نظام الترم ياعنى ف ثانوى كنا بنذاكر براحتنا لاخلا السنه وعادى نريح شويه ف النص مش مشكله ده غير ان احنا كمان هيبقى عندنا زفت عملى ربنا يستر .. بس ايه دكتورة نغم دى غريبه ع عينى منك:d |
لا بجد زهقنا خليها تبدا بقى
بقول ايه يا جماعة هو انا حاليا اولى علوم تتوقعوا اول اوسبع هناخد حاجة اصل انا حاليا في السعودية مش في مصر ومش عارفة هاجي امتى |
فعلا موضوع معقد
فطلاب التحويلات و المستنفذين عايزينها تتأجل و طلاب الكليات مش عايزينها تتأجل بس أكيد لو إتأجلت أكتر من كده إمتحانات نص السنة هتتأجل ده لازم و بالنسبة للأخت رنا أعتقد إنك لازم تحضري من الأول لأن الكلية فيها عملي أنا كمان كنت في السعودية بس رجعت |
الكليات مش هتتتاجل الا لما تحصل مصيبه و كل الطلبه تتدخل الحميات و الفيروس ينتشر دي دوله معندهاش دم فيها لو ياجلوا الدراسه لحد ما يستوردو مصل انفلونزا الخنازير حسبي الله و نعم الوكيل اكتر شعب مهان في بلده و بره بلده هي مصر ما اصل احنا كتير فيها ايه لو يروح مننا 3 او 4 مليون في الوباء ده ربنا يستر الفيروس بينشط في فصل الشتاء اللي هو بداية الدراسه ربنا يستر و يا ريت الكل ياخد بالو من نفسه في رعاية الله |
انا رأيي يأجلو الدراسة لحد متطلع نتيجة التحويلات
بدل ما الواحد يروح كلية وبعدين يروح كلية تانية والدوشة دي بس واضح انها مش هتتأجل بعد 3/10 |
أنا رأيى نبدأ الدراسة و ناخد إحتياطتنا يعنى نلبس الكمامات و أى واحد مريض ميروحش الكلية و كدة أحسن ما تضيع سنة علينا و إحنا قاعدين فى البيت و تأجيل الدراسة مش الحل
|
صح كده يا دكتورة ليه تضيع مننا السنه كده
وبعدين لازم كل واحد يحط في راسه قل لن يصيبنا الا ما كتب الله لنا |
يا جماعة الوزرير بيعمل الى الصح هو شايف ان الدراسة تتاجل يبقى الدراسة تتاجل
كل تاخيرة وفيها خيرة |
يا جماعة الأمراض اللى سمعنا عنها دى ( أنفلونزا الطيور و أنفلونزا الخنازير و التيفويد وغيرها ) دى إبتلاء من ربنا و الأمراض دى دخلت لنا بسبب عدم النظافة يعنى كلنا مسئولين
و تأجيل الدراسة حل فاشل لأن كدة الدروس الخصوصية هتشتغل و ممكن المرض ييجى من الدروس و كمان فى مناطق تجمعات زى السينمات و المسارح و أظن عمرهم ما هيقفلوها و ربنا قال إعقلها و توكل و كلنا لازم نتوكل على الله هل فى حد موافقنى على الرأى ده ؟؟ |
ايوة طبعا انا موافق على كده بس في مشكلة انا جاتلي علوم الفيوم ورحت النهرده عشان احول جامعة القاهرة او حلوان وكده يعني وانا ساكن في القاهرة والدراسة حتبدا خلاص واخر معاد حيقفلوه لطلب التحويلات يوم الاربعاء الجاي اللي هو 30/9 وانا رايح بكرة ادفع الفلوس ان شاء الله واقدم والنتيجو بيقولو حتتاخر حتقعد 10 ايام مش عارف حروح احضر فين ولا حاقعد في البيت والدراسة يوم 3/10 مش عارف حاعمل ايه وانا كلية علوم وهي كلية علوم وده كلية علمية وعمليه مش عارف حينفع اتاخر وما احضرش ولا اروح احضر فين بالظبط يا ريت حد يفيدني ضروري مستني الرد سريعا يا دكتورةرنا
|
el drasa ttl3ee a5sn we n2deha dros
|
يا جماعه المحاضرات هتبقا للفرقه والفرقه بتنقسم لمجموعتين عندنا الف وب هينزلوا الف ثلاثه ايام وب ثلاثه ايام والكلم دا اكيد بس فى جامعه بنها وانتساب خلاص اتلغت عندنا منزلهاش جداول
|
هو يا ميدو دكتورة رنا دي كانت ليا انا
وهو لما ندرس هنداوم 3 ايام بس طب حتى الكليات العملية |
لو انتي كلية عملية حتحضري علطول زي كلية علوم لازم تحضري علطول اما لو كلية ادبية يبقى مش حتحضري علطول خلاص وصلت المعلومة وابقي حاولي انك تحولي في مكان قريب شوية القاهرة او عين شمس او حلوان وربنا يوفقك يا رب ويكتبلك الخير يا رب
|
خلاص يا جماعة آخر كلام 3 أكتوبر و ده اللى إتقال فى نشرة الأخبار النهاردة
|
اه ما هو انا علوم يبقى لازم احاول انزل مصر في اقرب فرصة
طب لو رحت عين شمس عشان احول هيوافوا بعد 30 09 ولا ايه اصل انا جالي بني سويف وعايز اروح عين شمس |
| جميع الأوقات بتوقيت GMT +2. الساعة الآن 02:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.