|
دخـلت حـآسبـآت .. ليـه بيـضحكـو عليـك ؟؟
السـلام عليـكم دخـلت إيـه ؟ حـآسبـآت إن شـآء اللـه هههههههههههههههههههههههههه طيب ربنا معاك يبني طبعا الكلام ده ناس كتير سمعتو وطبعا كل واحد بيضحك عليك بيكون مقتنع ان انت هتتخرج ان شاء الله من حاسبات هتقعد جنبه ع القهوة بس ايه مشكله الشعب المصرى مع كليه الحاسبات مشكلتنا الحقيقية ان الناس متعرفش دى كليه ايه اساسا كل اللى بيسمعها يفتكرنا هنتخرج عشان نقف ف سيبر او عشان نعرف العيال تلعب جيمز ازاى ماهو اساسا لو الناس تعرف دى كليه ايه كان زمانهم بيتخانقو مع عيالهم عشان يدخلوها لان لو الواحد بص ف اول حاجة قدامه وهى بيته هيلاقى اى حاجة ف وشة محتاجة برمجة طب مين اللى بيبرمج الحاجة دى ؟؟ العفريت صح ؟ وبعدين الكلام ده دلوقتى بس امال كمان كام سنة لما كل حاجة هتبقي بالكمبيوتر ؟؟ الكل عندى بيقول انى مجنون عشان سبت هندسة عن حاسبات مع انى شايف ان حاسبات متقلش ف الاهمية عن هندسة البترول طب البترول وكلها كام سنة ويخلص :d بس البركة ف الحديد بقا :d انما البرمجة دى مجالها مش محدود هتلاقى مكانتك ف كل حته اوعى ف يوم تزعل من كلمة حاسبات دى ده انت تفخر بيها بس قول ربنا يهدى الناس وتفتح ودانها بس وتعرف هى بتتكلم عن ايه ده فيه ناس فاكره اننا بنتخرج محاسبين صباح الفـل عليكو كلكو واتمنى انى مكونش طولت |
انا واحد داخل هندسة بس كنت محتار بين هندسة وحاسبات
مدخلتش هندسة عشان حاسبات وحشة لكن عشان انا كان هدفي من زمان هندسة اصلاً ببساطة حاسبات ده جديدة وبالنسبة للجيل القديم الكلية ده مش معروفه فبالتالي محدش حيعرف قيمتها اللى يقولك ليه يابني دخلت حاسبات وربنا معاك وربنا يسهلك وحاجات تحسسك إنك عملت حاجة غلط كده :d بس هي حاجة واحدة حقولهالكو رسول الانسانية اللى كل كلامه من كلام ربنا الناس علقت عليه وقالت عليه ساحر ومجنون يبقى انت مستحيل تعمل حاجة صح او غلط والناس متتكلمش عنها يعني من الآخر نفض لكلام الناس وطبق نظرية نفض تعش تنتعش المهم تكون واثق انت من اختيارك وبس |
صباح النور يا بشمهندس
سيبك من القيل والقال هو يعنى اللى بيضحك ده هيأكلك عيش م الآخر إعقلها وتوكل كل عام وأنتم بخير وإبتسم فأنت ف مصر |
سيبك من كلام الناس
لان الناس لازم تقول أي كلمة تعقدك في الكلية اللي أنت دخلها وخلاص كأنه حرام يعنى أنك تبقى مبسوط بكليتك :bosyht9: الناس بتتريق على كل الكليات مش حاسبات بس ومطلعين عيوب في كل الكليات :angry2: كل كلية ليها لقب تريقة خاص بيها مش مهم الناس رأيهم أيه في كليتك المهم رأيك أنت أيه وحتى الشغل وكده بيقعدوا يقولوا لو دخلت الكلية دي مش حتلاقي شغل ما فيش أي كلية لقيت الكل متفق أنك حتلاقي شغل كل أصحابي على أختلاف الكليات اللي دخلوهاسمعوا شتية في الكلية اللي مخترينها اقتباس:
هوه أنا صحيح مش حاسبات بس المشكلة دي في كل الكليات:frown: بجد بقت حاجة تزهق |
جزاك الله كل خير على الكلام الجميل دا ...
و فعلاً اللي دخل هندسة بيتريقوا عليه لو دخل اي قسم ضعيف زي غزل و نسيج كدا ... و اللي دخل بترول قريب ح يتريقوا عليه , لان في اربع اقسام في بترول الخريجين بتوعهم مبيشتغلوش و بيقعدوا في البيت إلا لو تميزوا .... و اللي دخل فنون عمارة ( زي حالاتي ) ح ياخد تريقة لأنها برضه كلية مش معروفة رغم إنها أول كلية في مصر منذ قديم الأزل يعني .... و هيا أصلاً طبق الأصل من هندسة عمارة ... و اللي دخل حاسبات و معلومات ح تلاقي اللي يقول له : ح تطلع مدرس كمبيوتر , و اللي يقول : ح تطلع بياع بليلة .... رغم إنها أجمد كلية في مصر و بتطلع صفوة المجتمع : مبرمجين و مطورين !! و اللي دخل علوم ... لا تعليق ... و اللي دخل تجارة ... لا تعليق ... و اللي و اللي و اللي ... الناس مش عارفة هيا عايزة إيه ؟ .... تقدم و لا تخلف ؟ المهم كل واحد دلوقتي يحمد ربنا على اللي هوا فيه ... منعرفش ربنا مخبي إيه بعد كدا ؟ جزاكم الله كل خير |
يا جماعه أعتقد إنكم جميعا عارفين قصة حجا وابنه .........
بجد اللى هيعمل زى حجا ويسمع لكلام الناس آخرته معروفه والله لو صحب الناس جبريل ..ما سلم أحدهم من القال والقيل لقد قيل ف الله أقاويل ملفقة ..فكيف إذا قيل فيك بعض ما قيل بجد يا جماعه لا أنا ولا إنت ولا هو ولا هى ح نقدر نغير ثقافة 75 مليون راس يبقى خلاص لقد أسمعت إذ ناديت حيا ..ولكن لا حياة لمن ينادى ولو نار نفخت بها أضائت ..ولكن أنت تنفخ فى رماد جزاكم الله خير |
وفعلا زى ما قال البشمهندس على
هتقول طب هيقولك طب من بؤك هتقول صيدله هيقولك بياع نضيف هتقول تجاره هيقولك كلية الشعب هتقول حقوق هيقولك متر إلا ربع هتقول حاسبات هيقولك بتاع سيبر هتقول مش داخل كليات هيقولك فاشل ملكش ف التعليم أدخل أى كليه وإثبت نفسك فيها يا جماعه زى ما قولت وح قول إبتسم فأنت فى مصر |
السلام عليكم طبعا انا مع كل الاراء اللى اتقالت
بس اللى بيمشى ورا الناس مش بينفع مش مهم تدخل كية ايه المهم تنجز فيها والحمد لله احنا فى كلية الحاسبات والمعلومات يعنى الانجاز فيها هيبقى اكتر مش زى الاداب{انا مش بقلل منها} انا بقول ان التميز مش بيكون اوى زى الكليات العلمى يعنى الحمد لله ان احنا فى اجمد كلية فى مصر ادخل وشوف على موقع الاستاذ على حاسبات عين شمس شوف اد ايه لاحق بترول وهندسة وبالرغم من كدا تحدى كل الناس ودخل حاسبات لان مجالها الحمد لله كويس دا فيه واحد جارنا بيشتغل مهندس قوى سافر السعودية بقاله شهر ومش لاقى لحد دلوقتى شغل انا مش بقلل من الهندسة لا ...الهندسة والحاسبات وصيدلة........الخ دى كليات القمة ودى اللى عاوزة ناس يطوروها مش نحط ايدنا على خدنا ونقول احنا فى كلية قمة وفرحانين ان الناس بيقولولنا يا بشمهندس لا اعرف انت عاوز ايه من الكلية لو عاوز لقب يبقى احسن متدخلش الكلية لوعاوز تفوق يبقى ذاكر واجتهد فى عملك وان شاء الله ربنا هيوفقك اخر حاجة عاوز اقولها انك تحب الكلية اللى انت فيها حتى لو كانت اقل كلية فى التنسيق حاول تثبت للناس انك حاجة محترمة والله انا بحترم الدكتور حتى لو كان فى معهد فنى صحى معلش طولت عليكوا بس الموضوع فعلا كان عاجبنى وشكرا للبشمهندس اللى كتبه وكل اللى تعب ورد على الموضوع |
اقتباس:
نورت الموضوع وفعلا رايك صح 100% عشان الحاسبات جديدة |
اقتباس:
على فكرة انا اكتر واحد تتخيله ينفض لكلام الناس عشان طوول مانا مقتنع بحاجة هى ف دماغى بس ده ميمنعش انى بتناقش مع الغير شكرا ع الرد يا بشمهندس ونورت الموضوع :) |
اقتباس:
لان فيه ناس كتير ان مكانش معظمهم بيتكلمو عن حاجات ويحسسوك انهم خبراء فيها وهما اول مرة يسمعوها شكرا ع الرد :) |
اقتباس:
واحسن حاجة انى مقتنع بنصيبي اللى ربنا كاتبهولى لانى فعلا مش هلاقى احسن من اللى ربنا كاتبهولى وبعدين ممكن واحد يكون دخل تجارة وزميه دخل طب بس ممكن بتاع التجارة يشتغل وربنا يسهلها معاه وبتاع الطب يشتغل عنده بعد كدا مشكلتنا ف التفكير السطحى واننا بندور ع الالقاب شكرا ع الرد |
اقتباس:
ادخل اى كليه واثبت نفسك فيها فعلا كلامك ده بيدل ان عقليتك عالية جدا شكرا ع الرد |
اقتباس:
لا شكر على واجب يا بشمهندس انا كان هدفى انى افتح ساحة للحوار عن الموضوع ده وبجد هدفى اتحقق لما لقيت ناس > بتفهم > بترد عليا لان اللى بيفهمو قلو اوى شكرا ع الرد يا بشمهندس :) |
بص اللى يقولك انت ف كلية ايه
قوللوا كومبيوتر سيينس هينبهر لأنه مش هيفهم انت بتقوللوا ايه زى بتوع تجارة اللى عاوزين يتمنظروا بيقولوا بيزنيس او ماركيتينج انسى كلمة حاسبات و معلومات دى |
اقتباس:
قوللو Informatics and CS مع العلم أنه CS يعنى Computer Science :p |
اقتباس:
جزاك الله كل خير |
وجزاك على ما فعلت يا بشمهندس :)
وبعدين احنا هنبص ع الاسامى ليه يا بشمهندسين وانا شايف ان كلمة حاسبات دى مش وحشة وبالعكس ف نظرى انا الكلمة دى كبيرة اوى |
انا شايف ان الموضوعات عن كلام الناس كترت اوى انتوا مدينهم مساحة كبيرة
بصوا كأن ولا حد قال حاجة انتوا بس ردوا عليهم عما يعرفوا الكلية وبعدين دلوقت مش هتعرف ترد عليهم اوى الا لما تدخل الكلية وتتعرف اكتر والحمد لله انا مش بتاثر بكلام الناس وان شاء الله الدراسة فاضلها اسبوع وتبدا انا شايف ان انا نبطل نتكلم عن الناس ونشوف مستقبلنا ونثبت نفسنا عشان نجبرهم انهم يقدرونا انا بجد بشكرك يا بشمهندس على الموضوع دا وكل سنة وانت طيب |
وإنت طيب يا احمد :)
وان شاء الله تبقي سنة بداية موفقة للكل ان شاء الله وانا حاسس فعلا ان فى حاجة هتحصل قريب هتعرف الناس يعني ايه حاسبات .. وبعدين جورج قال كلام الناس لا بيقدم ولا يأخر :d |
واحساسك إن شاء الله ف محله أكيد أكيد هتحصل الحاجه دى
غالبا غالبا هتبقى النقابه وإنشائها يؤدى لرفع تنسيق الكليه وتنسيق الكليه بمثابة مقياس جودة الكليه لدى شعبنا المبجل مما يؤدى لعودة الألسنه لجحورها وتصحيح ثقافة الشعب والفكره الخاطئه وهو أعظم إنتصار لنا جميعا:022yb4::022yb4::022yb4::022yb4: إنتهت النشره هنا القاااااااااااااهره |
يا جماعة المفروض انكم كطلبة حاسبات .... لازم تشاركوا في إنشاء النقابة ...
الموضوع نايم دلوقتي .... و الموضوع مش سهل ... لازم تعملوا حاجة في الكلية علشان موضوع النقابة ده ... و أنا معاكم في أي حاجة ح تعملوها ... ما هو مش معقول يبقى في نقابة للتطبيقيين و نقابة للفنانين التشكليين و نقابة لعمال مترو الأنفاق و نقابة لسكك حديد مصر ... و يبقى مفيش نقابة لمهندسي البرمجيات ؟!!!!! ..... دا معقول .... الكلام دا معقول ؟!! لازم نبذل اقصى جهد علشان النقابة حاسبات عين شمس هى اللي فكرت في مشروع النقابة .... و احتمال يبقى في اعتصامات السنين اللي جاية , مادام مجلس الشعب مش باصصلنا ... جزاكم الله كل خير |
اقتباس:
خلاص موضوع النقابة هيتناقش ف الدورة البرلمانية الجاية وانا نزلت الجدول بتاعهم مخصوص بس مسحته ومش فاكر كان امتى بس انا متأكد انى شوفت الموضوع وفيه 3 احتمالات اول حاجة انهم يناقشوه وبعد المناقشة يقرروا تخصيص ميزانية لانشاء نقابة لمهندسي البرمجيات وذلك لاهميتها تانى حاجة انهم يناقشوه ويتأجل لعدم اهمية الموضوع ف الوقت الحالى تالت حاجة انهم ممكن ينفضو ليه خالص عشان يناقشو حاجة اهم زى انفلونزا الخنازير مثلا وفى الحالة التانية والتالتة هيبقي فيه اعتصامات بالعبيط وربنا انا ناويلهم على نيه ملونة :d متخافش احنا مش نايمين يا بشهمندس شوف انا لسه مدخلتش الكليه وناوى ادخل اعتصم ايزي :d كلنا ايد واحدة يا رجالة :d والف شكر يا باشا على الاهتمام |
اقتباس:
بس ايه الحلاوة دى اعتصامات ونية ملونة ايوة كدا لعلعها يا برنس |
اضحكو بموقف حصل لواحد
دكتور الفيزيا وهو داخل اول محاضرة لبتوع حاسبات قالهم اوعى تكونو فاكرين إنكو داخلين كلية الحاسبات والمعلومات انتو داخلينكلية علوم الحاسبات والمعلومات |
اقتباس:
|
يا اخوانا صلو ع النبى
كده فيها س و ج و ن كمان ولا حقا ط ر د |
اقتباس:
ايه يا عم حد قالك ان احنا هنفجر الكليه دى حاجة بتبقي منظمة يا بشمهندس ومش بنضرب الامن ولا بنجرى منهم :) |
وماله يا شباب
نعتصم هما مبيجوش غير بكدا دلوقتى |
اقتباس:
يعم واحنا نسبق بالكلام ليه كلنا نستنى كلمة مجلس الشعب ف الدورة الجاية .. بس قول يا رب يناقشوه ومينفضوش بعد كدا نقرر وننظم كلنا مع بعض اللى هيتعمل انت ف حاسبات ايه يا معلم ؟؟ |
اقتباس:
و انت ؟ |
حتى لو دخلت طمبوسكو قسم لحام
اجتهد فيها وعيش مع اللحام يامعلم وانا مستعد اعتصم معاكو مع انى لسه فى تانيه ثانوى بلاد اعتصامات صحيح وعلى راى احمد حلمى هى البلد دى مش الا كده |
اقتباس:
حاسبات الزقازيق :) تشرفت بمعرفتك :) |
انا معاكم في اللي بتقولوه المفروض يبقي في نقابه لينا اخوكم احمد حاسبات القاهره
|
والله ياجماعة كلمكم جميييييييييل جدا
وفعلا التنفيض احسن حاجة هى ان شاء الله بعد انشاء النقابة وكام سنه كدة على ما الناس يعرفو التكنولوجيا وتتقدم فى مصر حاسبات هتاخد 99 ويعرفوا قيمتها ملحوقة |
بصراحة يا جماعة الموضوع إلي بتتكلموا فيه ده جميل جدا وكنت عايز أقول رأيي فيه
بس الأول عايز أعرف السنة إلي فاتت حاسبات ومعلومات أخدت من كام يعني كام في التنسيق وجزاكم الله كل خير كريم |
ايه يا جماعة انتو زعلانين ليه ده كلية طب اللى كل الناس بتتخانق عليها بيقعدوا يقولوا لا متدخلهاش أصلها صعبة ويقولو للبنات لا اللى بيدخل طب مبيتجوزش يا جماعة أنا هدخل كلية حاسبات رغم أنف الجميييع
|
وعايز أسال سؤال هى الدورة البرلمانية الجاية دى امتى
|
انا فى تانية ثانوى و مستنى النتيجة
نفسى ادخل حاسبات و الى يتريق يتريق لانى مقتنع بالكلية دى جدا و حاسس انى هابدع فيها نفسى المجموع بتاعى يجيبها بس ربنا يسهل |
بسمع كتير علي ان الكلية اي كلام وملهاش لازمة و كلام فاضي ذي دا بس بجد انا نفسي ادخلها لانها بجد هي المستقبل و اكتر حاجة مواكبة للعصر ! بس كان عندي كام سؤال هو لازم قبل ماندخلها نكون عارفين كام لغة برمجة كدة ع الماشي ولا مش مهم و كدة كدة بتتاخد ف الكلية ؟!؟؟! و هو في صحيح امتحان قدرات ليها قبل ماندخلها ؟؟ و هي بتقبل من كام ؟؟!!ا
|
اقتباس:
مفيش امتحان قدرات ولا حاجة بتدخلها عادى خالص حسب المجموع 2009 ....92.3% 2008....90.2% 2007...93.1% 2006....92% وان شاء الله تدخلها ..وربنا يوفقك |
نصيحة لأى حد ناوى يخش هندسة قسم حاسبات...... مش لازم تقعد 3 سنين تاخد رسم هندسى واليكترونكس وورش علشان تبقى مهندس حاسبات..... خش كلية حاسبات على طول وسيبك من اللى يقولك اربع سنين و الكلام الفاضى ده
|
اقتباس:
|
أنا هدخل حاسبات وكان قدامي علوم وصيدلة لكن رغم كدا هدخل حاسبات وهذاكر في سنة اولي في الكلية رياضة 2 كامتحان معادلة رغم ان ناس كتير قالوا عليا مجنونة وغبية بس بكرة وبعده هيشوفوا مين هو اللي مجنون وبعدين طب مبقيش ليه قيمة علشان تقدر تفتح عيادة مش اقل من ماجستير والدكاتره بقوا علي قفا مين يشيل وبالطوابير ونصهم كمان لا يصلح وخدينها عافية
ورغم كدا بقول حاسبات مستقبلها افضل مليار مرة من طب وهندسة وبكرة وبعده لما تتعرف صح هتاخد اعلي مجموع كلية في مصر |
انا الناس عماله تقولى انتا هتشتغل كده فى سيبر ,,,, بقولهم اه و بريح نفسى :d:d:006et4: انا فعلا مكنت عايز هندسة بس ملحقتهاش بس الحمد لله بعد ما قريت عن الكليه دى عجبتنى اوى و حسيت انها ممتعة و هبقى مهندس برضه ( اما نعمل نقابتنا ) ان شاء الله :p ان شاء الله ربنا يوفقنا كلنا و نبدع فى الكلية دى و فى النهاية : مين هنا فى حلوااان :d |
اقتباس:
|
الاول
كل سنة وانتم طيبين:d الكلام فعلا بينطبق علي حالتي نفس الكلام بيتقالي لما حد يقولي قدمت ايه ؟ ولما اقولوه حاسبات بيزعل لاعتقاده اني هابقي زي خريج المعهد (الفاشل) انا مقتنع جدا بالكلية وان شاء الله هبذل فيها مجهود وهارمي كلام الناس علشان عمره ما بيفيد وشكرا لصاحب التوبيك ده فعلا عبر عن اللي جوانا |
انا معاكوا حاسبات حلوان
|
انا-بالعكس-يا-جماعه-كل-النااااااااااااس-شجعتنى-لانى-دخلت-حاسبات-وقالولى-انها-احسن-من-هندسه-واللى-مش-عاجبه-يعمل-اللى-هو-عايزه
خصوصا-اصحابى-وكلهم-بيندهولى-يابشمهندسه-عادى بس-انا-مش-عارفه-اكتب-قبل-اسمى-<مهندسه> ولا-هيتريقو-ويقولو-عايشه-الدور؟؟ |
اقتباس:
اخيرا حد يشكر فينا وبعدين اكتبي باشمهندسة براحتك كل طلبة حاسبات مهندسين ......... واحسن مهندسين انا بقي حصل معايا موقف كنت رايح اطبع بطاقة الترشيح في السيبر في واحد معرفوش .....مرحلة تالتة رايح يسجل رغباته بيقولي دخلت ايه قولتله حاسبات ومعلومات راح قالي وليه تضيع فلوسك.......وراجل راح طالع يقولي كنت احسنلك تدخل معهد خدمة اجتماعية وتقعد سنتين وتعمل معادلة وتدخل تجارة :frown::frown::frown::frown: كنت عايز اديله باي حاجة او علي الاقل اوريله المجموع اخرسه |
| جميع الأوقات بتوقيت GMT +2. الساعة الآن 01:19 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.