|
رابطة طلاب هندسة طنطا
السلام عليكم و رحمة الله و بركاته ان شاء الله الموضوع هنا هيبقى خاص باى حاجة تخص هندسة طنطا معلومة او استفسار للى يحب يشار ك ************************* بسم الله نبدأ أول حاجة كام صورة للكلية دى صورة من موقع الجامعة دى صور انا مصورها مبنى المعامل و الورش مبنى عمارة فى كمان فيديو للكلية كان مصمموا طلبة من الكلية ... بس قديم شوية ... مكنش فيه غير مبنى المعامل و الورش تقدروا تحملوه من هنا كمان ************************* تانى حاجة بقى .. نيجى لتعريف الكلية صــدر قرار السـيد رئـيس مجلـس الــوزراء رقــم 1142 بتـاريخ 25/11/1976 بإنشاء كلية الهندسة ضمن كليات جامعة طنطا و الواقعة بمدينة طنطا و منذ ذلك التاريخ و حتى مارس 1988 تشكلت لجان و اجتماعات تضم السادة عمداء كليات الهندسة و أعضاء لجنة القطاع التعليمي الهندسي. و قد تم اختيار مبنى مؤقت ليكون مقراً مؤقتاً لكلية الهندسة على أن يكون المبنى الدائم لكلية الهندسة بأرض الجامعة منطقة سبرباى على مساحة 30فدان ,و قد اتخذت الإجراءات لتعيين أعضاء هيئة التدريس و معاونيهم بكلية الهندسة. قرار مجلس الجامعة فى 29/8/1990 حيث وافق على بدء الدراسة بكلية الهندسة جامعة طنطا بفرع الجامعة بكفر الشيخ و ذلك اعتباراً من العام الجامعي 90/ 1991. و قد وافق مجلس الجامعة بجلسته المنعقدة في 18/ 9/1991 على بدء الدراسة بكلية الهندسة بمدينة طنطا بقسمى العمارة و المدني للفرقتين الإعدادي و الأولى في العام الجامعي 91/1992. تـم تنفـيذ مبنى ورش و معامل الكلية بأرض الجامعة بسبرباى و نقل الكلية إليها اعتبـاراً مـن العام الجامعي 97/98. صدر قرار وزير التعليم العالي و الدولة للبحث العلمي رقـم 828 بتاريخ 13/8/ 1997 بشأن اصدار اللائحة الداخلية لكلية الهندسة جامعة طنطا مرحلة البكالوريوس. عميد الكلية : ا.د / عبد الواحد محمود عصر العنوان: كلية الهندسة -سبرباى - طنطا - محافظة الغربية تليفون: 3315861/040 البريد الإلكترونى : eng.dean*tu.edu.eg اضافة : ..تم انشاء مبنى عمارة بعد كدا .. و دلوقت مكتب العميد موجود فيه و جارى انشاء مبنيين واحد لاعدادى و التانى لمدنى ************************* دلوقت بقى نتكلم عن الأقسام بعد اعدادى بيبقى قدام الطالب اربع اقسام ( كهرباء - مدنى - عمارة - ميكانيكا )
************************* انا تقريبا كدا خلصت الكلام الرسمى شوية دردشة بقى احنا قلنا ان الكلية ديوقت فيها مبنين شغالين .. و اتنين بيتبنوا طلبة اعدادى غالبا بيدرسوا فى مبنى المعامل و الورش .. لان ده هو اللى فيه المدرجات طلبة ميكانيكا .. هما اصحاب مبنى المعامل و الورش .. و مبيخرجوش منه طلبة عمارة .. هما اصحاب مبنى عمارة .. و تقريبا برده مش بيخرجوا منه طلبة مدنى .. شوية هنا و شوية هنا .. و عايشين ************************* بالنسبة للتنسيق بعد اعدادى فأنت مش محتاج اكتر من 60% عشان تدخل القسم اللى انت عاوزه اعلى قسم بيبقى كهربا .. ثم مدنى .. ثم عمارة ... و الاخير ميكانيكا لكن أفضل قسم من حيث العلم .. هو قسم مدنى مكان شئون الطلاب فى مبنى المعامل و الورش لكن مكتب العميد فى مبنى عمارة ممممممممممم ... مفيش حاجة حاضرة فى ذهنى تانى دلوقت بس ان شاء الله نتكلم م بعض فى كل حاجة تم بحمد الله ************************* |
الموضوع كويس يا بشمهندس كويس انك ورتني شويه صور للكليه بدل ما كنت اروح مشوار وارجع تاني ممكن ابقي اجيلكم السنه دي او السنه الجايه لو معجبتنيش شبين كمان عايز اعرف انت تخصص ايه
|
جزاك الله خير على هذا الموضوع لانى بكدة اطمانيت على اصحابى الى داخلين طنطا وهى فعلا كلية عريقة وهل الاقسام الموجودة فى هندسة طنطا فى نفس الكليات والا تهختلف من جامعة لجامعة اسفة انى بتطفل عليكم لكن انا بحب الهندسة فعلشان كدة بحب اخد فكرة من كل حاجة
|
اقتباس:
تنور ان شاء الله يا بشمهندس .. انا قسم ميكانيكا قوى ولو عاوز تعرف اى حاجة تانية ... Just Ask اقتباس:
طبعا مفيش تطفل ولا حاجة ... منورة الموضوع يا دكتورة سارة و اطمنى على اصحابك .. فى عينيا اقسام الكلية تقريبا نفس الموجودة فى الجامعات التانية ... بس فى جامعات عندها أقسام مش موجوده فى طنطا .. زى بترول .. و طبية ... و حاجات زى كدا و منورة الموضوع بمرورك و مشاركتك |
لا تطفل ولا حاجه يا Dr.Sara عيب تقولى كده انتى فى بيتك برضو :blush: وبالنسبه للاقسام بتختلف من جامعه لجامعه يعني مثلا فى الجامعه الام وهى جامعه القاهره فيهآ كل الاقسام وعين شمس فيهآ كل الاقسام ما عدآ البترول والنووى والطيرآن وهكذا فى باقى الجامعات على حسب حدود وامكانيات كل جامعه بس اغلبهم بيكون فيهم كل الاقسام ما عدا البترول والنووى والطيرآن اتمنى تكونى استفدتى :stickjo4: تشـآآ‘وٍ :romarioxp6: |
رابطة مين يا بطلنا
ده احنا مكملناش أربعة تقريبًا أنت و بروف أنس و محمد دوت كوم و معاكم طبعًا و محمد مشوفنهوش من فترة و أخمن إن بروف أنس حول لطنطا يبقى احنا كده تلاتة ما شاء الله عدد يخوف ^_* احنا ممكن نعمل فرقة إنما رابطة كبيرة شوية و بالمناسبة خير اللهم اجعله خير اسمع إن مدرجات الاعدادى زى الفل احم أنت فاهمنى؟ و لا طوروها ؟ و بعدين مكلمتناش دكاترة الإعدادى عاملين ايه ؟ و أول يوم روحته قالولك برده بطاقتك فين ؟ ايه يا سيدى عايزين موضوع كامل متكامل مش أنت رئيس العصابة أقصد الرابطة بالتوفيق يا محمود بك |
موضوع جميل وصور جامده بجد فرحتنى ان في ناس بتهتم كده :022yb4: بس كان عندى تعليق على صوره المعامل والورش هو الموتسيكل اللى ع الشمال ده نوعه ايه وبكآم بس لو سمحت :p |
اقتباس:
متخافش يا عبدوو .. هنرزق .. :) مدرجات اعدادى زى الفل .. اوعى تصدق كلام حد عنها هى اى نعم الدنيا لما تمطر بتلاقى المطره بتنزل من السقف لان المدرجات المفروض مش مدرجات لكن لمفروض كانت تبقى ورش :o بس زى الفل :( اى نعم الاضاءة تعبانة و مفيش اى وسيلة للتهوية غير السقف :o بس برده زى الفل :( متقلقش :d:d الكلام عن الدكاتية هيبقى قريب ان شاء الله الدكاترة و المواد بالنسبة بقى لحكاية البطاقة ... سيبك انت .. خليك واثق من نفسك بس .. و اللى يكلمك سيبك منه :romarioxp6::romarioxp6: و صباااح الفل هنظبط الرابطة ... بس مع بعض |
اقتباس:
مش مهم نوعة ولا بكام ميغلاش عليك تعالى شيله :):d |
تسلم يا مان ده من زوقك ربنآ يوفقكوٍ يارب وتظبطوٍ الرابطه وتكون احسن من رابطه مشجعين نادى الاهلى
|
اقتباس:
ربنا يكرمك يا مصرى .. و لك الحلاوة فى الآخر ...... شوفت التشجيع يا عبد الرحمن :slap1qk6: شجع بقى يه كدا :d:d |
سيبك انت من الموضوع ده كلو المهم انا هاخد كام فى الاخر ههههههههههههههه << إستغلالى :stickjo4: |
اقتباس:
اقتباس:
|
اقتباس:
أكيييييييد و تحت أمرك يا ريس فى اى جاجة تخص القسم اقتباس:
بص يا أنس .. عشان أبقى صريح معاك لو انت ناوى على قسم ميكانيكا انتاج .. يبقى خليك فى شبين ... الورش هناك كويسة و مظنش ان فيه اى زيادة فى منهج اعدادى ... اللى اعرفه انه موحد على الجمهورية ( من حيث المواد ) و متقلقوش الرابطة تتظبط .. احنا لسه فى الأول |
انا مش ناوي علي قسم انتاج يا بشمهندس انا ناوي علي قسم ميكانيكا قوي ان شاء الله انا سامع انه كويس بس انا مش شاغل دماغي با قسام الميكانيكا اوي يعني ممكن بعد اعدادي اشوف واعرف ومين عارف هروح فين يلا سلااااااااااااااااااااااااااام
|
انا مش ناوي علي قسم انتاج يا بشمهندس انا ناوي علي قسم ميكانيكا قوي ان شاء الله انا سامع انه كويس بس انا مش شاغل دماغي با قسام الميكانيكا اوي يعني ممكن بعد اعدادي اشوف واعرف ومين عارف هروح فين يلا سلااااااااااااااااااااااااااام
وبرده متاااااااااااااااااااااااااااااابع |
تنور فى القسم يا بروف
|
اقتباس:
على حسب شغلك بقى :slap1qk6: |
بس عايز اسالك كام سؤال كده يا بشمهندس هو احنا صحيح هنجيب مسطره وبالطو ونضارات ويياريت تقول هنجيبهم منين
|
اقتباس:
مسطرة.. اكيد عشان الرسم .. اساسى يعنى بالطو .. مطلوب واحد زى بتاع كلية الطب كدا ... أبيض يعنى .. بتدخل بيه المعامل و الورش نضارات بقى مش عارف هتحتاجها فى ايه اصلا ... لا خاالص ..الا لو لابسها منظر بقى :d منين بقى لو انت من طنطا .. أكيد تعرف مكتبة الصحابة .. عند ميدان الساعة كدا .. المهم .. المكتبة لسه فاتحة قسم جديد للادوات الهندسية .. و كل حاجة تخص الدراسة او اى حتة تانية ... الاماكن كتير |
ما اخدش بالي منها يا بشمهندس بس ممكن اعرفها عادي يعني بس يعني البالطو مهم ولا ممكن نزوغ انت عارف بتوع طنطا والبالطو هستخدمه علي طول ولا اعدادي بس
|
تعرفها ان شاء الله هو البالطو مش مهم اوى ... بس ممكن المعيد يحب يغلس ( بيعملوها كتير ) و يقول اللى مش معاه بالطو ميحضرش و غالبا مش هتستخدمه بعد اعدادى .. حتى لو داخل ورشة ا معمل هما بيغلسوا على بتوع اعدادى بس ... بيتنططوا عليهم يعنى .... ههههههههههه |
اقتباس:
|
اقتباس:
حبيبي كويس اني لقبت حد هندسة طنطا قسم ميكانيكا قوي اسأله قولي ياعم اخبار الميكانيكا وي في طنطا ايه اصل انا كنت سامع كلام انها مش حلوة في طنطا وكنت ناوي اقضي الاعدادي بس السنادي في طنطا واحول |
اقتباس:
لا متخافش .. الغلسين فى كل حتة ... بس الحمد لله مش كتير و اى بالطو يا عم .. حتى لو قميص كبير .. شغال برده اقتباس:
بص يا كوتش .. انا هكلمك بصراحة أحلى حاجة فى القسم المعيدين اللى فيه .. و الله ممتازين .. كأنك بتاخد كورس . و الدكاترة فيهم ناس جاااامدة جدا .. و فى كام واحد خنيق برده انما بقى لو هتتكلم عن امكانيات كلية ... طنطا مفيهاش امكانيات .. حاجات بسيطة اوى مفيش غير هو معمل الليزر ... اللى يعنى معقول شوية و كل اللى فيه مشاريع بتاعت المعيدين و الدكاترة .. يعنى قبل ما تشتغلوا عليها .. لازم تستأذن صاحبها لو عاوز اى حاجة بخصوص القسم .. اسأل بس انا بتكلم عن ميكانيكا باور .. مش انتاج |
اقتباس:
شكرا ياباشا انا هقضي الاعدادي السنة دي وبعدين هقرر بس كده يبقي احتمال كبير احول |
اقتباس:
انت قضى السنة دى ... و يمكن ترجع فى كلامك |
طيب كلمنا شوية
عن تجربتك الفذة فى الكلية و مغامراتك بقى عايزها بتشويق احكيلنا قصة حياتك فى الكلية يا عمو محمود مع المواد و الدكاترة و المواصلات عن قانون مهما كان ليك فى الميكروباص مكان مستنين حكايتك مع الهندسة |
با ين البشمهندس محمود مطنشنا خالص يابشمهندس رد احسن موضوع الرابطه هيضيع وبتوع المنصوره هيضحكوا علينا
|
لأ بشمهندس محمود هيغيب فترة على المنتدى و الله أعلم
ليه و قد ايه معرفش يلا ربنا معاه |
متعرفوش في حفل استقبل طلبة اعدادي هندسة طنطا ولا لأ زي الكليات التانية
|
لأ معرفش بس هقدم ورقى يوم الأحد
لو فيه حاجة هبقى أعرف إن شاء الله بس أظن إن حفل الاستقبال هتبقى خطبة فى أول يوم و السلام عادى نحن نختلف عن الآخرون |
ممكن اعرف افضل قسم
اعدادى هندسه |
اقتباس:
اقتباس:
اقتباس:
|
اقتباس:
اقتباس:
اقتباس:
الكلام ده بالنسبة لهندسة طنطا لكن من حيث المستقبل فى الشغل .. فدى حاجة صعب تحديدها كدا ... لان معظم الاقسام بتشتغل حلو |
اكيد كله اتفاجئ بموضوع رابطه هندسه طنطا في الصفحه الاولي بس حبيت بس انشط الموضوع
http://img35.imageshack.us/img35/9887/images2220.jpg |
ايه الحلاوة ده بص استنا أنشط الموضوع معاك
أوعى تمشى ^_* إن شاء الله طنطا قادمة |
ده فيديو دقيقتين فرفشة كده جرافيكس احم يا رب يطلع حلو على يوتيوب لا إله إلا الله للتنزيل لا إله إلا الله و بكره اسرائيل ^_* بروف أنس فلسع عقابًا لك مش هحط غير المشاركتين الجايين و هافلسع عالم ما بتسمعش الكلام ( أقصد يعنى كل سنة و أنت طيب و انج حودش كمان) |
والله ياعوبد مبني الهندسه بتاع طنطا بيفكرني بمعمل البرج
|
صور من الكلية
بسم الله الرحمن الرحيم الصور منقوله لكن هاحاول استظرف و أحط تعليقات خفيفة (محدش يتعود على كده ) كل تعليق تحت صورته http://www.up-00.com/s1files/wxp83967.jpg رايح فين م الثانوية رايح فين للكلية http://www.up-00.com/s1files/bgz84654.jpg يلا كله يستعد بالترينينج عشان المشى لمسافات طويلة و بالمناسبة دليل الكرم بزيادة نور العواميد منور منورين يا رجااااااااااالة !!! http://www.up-00.com/s1files/v7t84654.jpg هو ليه مفيش و لا حتة ظل ؟؟؟ !!! الظاهر احنا روحنا ورا الشمس http://www.up-00.com/s1files/17a84654.jpg هيييييييييييييييه مرواح مراواح مرواح ( كفارة يا بشمهندسين ) محدش يقولى العواميد مطفية ده أكيد بس اللمبة عدا العمر الافتراضى له امممممممممم تقريبًا هو 365 دقيقة http://www.up-00.com/s1files/15683968.jpg قريبًا المنظر شاعرى و كما قال الشاعر الدنيا ضلمة و الشمس غاربة ::: خلاص هصورها بكامارتى زى الجمال فى حتة مقطوعة غابة ::: متستغربوش دا هيه جامعتى وقفت حبة لما الشمس تنزل من ورا السحابة ::: و هوبا هوبا لقطت الصورة و الدمعة على ضحكتى ترقبـــــــــوا صيانة العواميد http://www.up-00.com/s1files/oQs84143.jpg مبنى عمارة و أنت رايح له http://www.up-00.com/s1files/GJh84143.jpg معرفش عندكم انج حودش و كما قال الشاعر الفلانى سألونى عن الكلية و صورها ::: قلت دعونى فإنى جاهل و دعوا الأمر لله فستروها ::: و هتقولوا حسبى الله و نعم الوكيل و لكنى سأنصحكم نصيحتها ::: فرحان على ايه بكره هوريك الويل على فكره نصيحتها نصيحة الهندسة ذات نفسها http://www.up-00.com/s1files/fIh84143.jpg شايفين الجمال كل جديد فى جديد عشان العيد المبنى جديد و الشجر جديد و العزم شديد و الرزق يزيد http://www.up-00.com/s1files/naN84420.jpg معلش واضح إن المبنى ده بيتصور كتير عمارة بن سبرباى الطنطاوى الشهير بقسم ولاد الذوات و اللى بيتبهدلوا زمان فى الأيام العادية من طول اليوم يا ترى هيعملو ايه فى مواجهة انفلوانزا الخنازير ؟؟؟؟ هيطولوا اليوم و لا هيطولوا المبنى سؤال يطرح نفسه على الساحة http://www.up-00.com/s1files/3zv84421.jpg مش عارف لحد امتى هعمل نفسى مش عارفها بس تقريبًا و الله أعلى و أعلم ده مبنى المعامل و الورش أو شئون الطلبة الأكيد إن شاء الله إنه فى مجمع سبرباى و احتمال يكون تبع هندستنا و احتمال إعدادى هيدرس فيه يا حــــــــلاوة http://www.up-00.com/s1files/cDv84421.jpg نفس الكلام و لكن الجدير بالذكر إن اللى قدامك بشمهندسين و هتلاقيهم فى وشك كمان كام شهر حد يورينا تعظيم سلام للجدعان http://www.up-00.com/s1files/PLO84395.jpg فاكرين المنظر الشاعرى و الشعر الجميل ده المحاولة التانية (أخيرًا لقينا حاجة حلوة فى الكلية) برده ترقبـــــــــــــوا صيانة العواميد سلامن سلامن سلام ::: لأرض البراجل أرض اللوح و بكرة فى وشى هتستقبلينى ::: يا رب يكون دووت أحلى صباح عشان احنا تهنا كتير فى الهنا ::: و يا رب استر عل اهل الجراح http://www.up-00.com/s1files/C3M84395.jpg لا ده بس الشمس مروحه و راجعة بكرة سبحان الله الشمس بتحرقنا طول اليوم و احنا مروحين بيبقى منظرها تحفة تقريبًا ده تطبيق لقاعدة لنز و نصها (أنت هتعمل ايه عشان أخالفك ) محدش يقولى و لا عامود شغال الأتوبيس ده كان آخر أوتوبيس يروح محدش تانى يقولى آمال أنت صورت ازاى أقوله هبات مع حد ف المدينة الجامعية سهلة (الكلية مصممة تحرجنى أف) http://www.up-00.com/s1files/Dfb84395.jpg استراحة المجد الحجز مقدمًا و اللى ملهوش مكان الرصيف موجود http://www.up-00.com/s1files/RQP84551.jpg حاجة من اتنين يا براءة يا هاربنين فى كلا الحالتين كفارة يا جدعان http://www.up-00.com/s1files/Tnb84551.jpg منظر خلاب يتوسطه منبى عمارة و يحده من الأسفل بحر الجنوب و على يمينك و شمالك الشجر اليانع الأخضر علامة الذوق الرفيع و السماء الزرقاء على فوقك و على رأى مصر للطيران تمتع بالجمال و أنت فوق السحاب أقصد تحت السماء و لكن احترس من أن تصيبك القنابل الفتاكة من طائرات عصفور 16 http://www.up-00.com/s1files/QxF84551.jpg الشجرة اللى حيلتى انقطعت حسبى الله و نعم الوكيل (مع أنه باين فرع بس) http://www.up-00.com/s1files/Wd385038.jpg واضح جدًا أنهم واخدين حظرهم من انفلوانزا الخنازير من زمان ممنوع الازدحام أو التجمعات الطلابية ويكأننا هننشر منشورات |
أكمل الباقى لو خلصت الصفحة اقلب المهم أكمل و خلاص
و نكمل النقل إلى أن يشاء الله http://www.up-00.com/s1files/I0W85038.jpg الشجر كتير فى الكلية متتصورش قد ايه هبقى ألبس أخضر و استخبى فى الشجر http://www.up-00.com/s1files/yhs85038.jpg مش قولتلكم الشجر كتيييييييييييييييييييييييييييير محدش بيصدق خالث وصلنــــــــــا للكبير ( اضربوه بالناار كتييييييييييييير ) اللى جاى صور كل المناطق فى كلية الهندسة ممنوع دخول طلبة أى كلية تانية منعًا للإحراج http://www.up-00.com/s1files/JsE85035.jpg http://www.up-00.com/s1files/kyn85035.jpg http://www.up-00.com/s1files/q8z85035.jpg http://www.up-00.com/s1files/qBq85015.jpg كما هو واضح الكلية مبنيين بس واحد عرفته و التانى لسة فيه هو حاجة من أتنين يا المعامل و الورش يا المعامل و الورش و بالمناسبة اللى قرا المشاركة رغم التحذير و شاف الفرق يا ريت يتبرع و لو بكلمة حلوة يتبرع باللى يقدر عليه |
و الحكاية ما بتنتهيييييييييش تن ترارم تن تن تن تن تن ترارم تن تن تن تن
تن ترارم تن تن تن تن (ملحوظة للى عايز يشتمنى قبل ما تشتم ده آخر مرة استظرف ) ثانك يو افرى بدى فور افرى ثينج وايت فور زا كمينج ثينجس إن شاء الله |
معلش جاى و ايدى فاضية بس ليا عودة ان شاء لله المهم المبينى اللى محيرك ده يا عبدو .. اسمه مبنى المعامل و اورش ( الله ينور عليك ) اللى فيه بقى .. المعامل ( هما معملين ) .. الورش ( تعبانة و الحمد لله ) .. شئون الطلبة .. المكتبة .. المسجد .. الحاسب الآلى ( سايبر يعنى .. و بفلوس مش ببلاش خلى بالك ) .. ممممممم .. اه و المدرجات ( هما اتنين فقط لا غير ) .. وووووو ... اه .. و انا هتلاقينى قاعد على الباب هناك :d الشجر بقى كتيييييير ... بس يا خسارة .. لسة صغنن :006et4: .. لا بيضلل ولا بيعمل ... اللى انت مصوره و شكله كبير ده .. ده منفى ورا الكلية ( منطقة الحبيبة ) :av4056bb7jp3:... ملناش دعوة بالحاجات دى .. احنا مؤدبين :) متكلمتش انت عن ملاعب الكورة ... بص يا عم .. هو فى ملعبين ... لا لا .. استغفر الله العظيم .. 3 ملاعب الاول هو الحتة اللى فى وش مبنى المعامل والورش ... تحط طوبتين يا عم الحج و تعمل جون .. و العب زى ما انت عاوز ( بس احترس من الحرس .. هييجى ياخد الكورة ) :( .. التانى بقى هو ورا شوية .. ملعب اسفلت معتبر ... برده تحط الطوبتين .. و تعمل جون .. و العب يا معلم .. ( بس خللى الك .. الوقعة بكسر على طول .. ده اسفلت مش هزار ):friendsxs3: الملعب التالت بقى .. هو الحتة الخضرا دى اللى انت مصورها عند مبنى عمارة .. و طبعا مش هوصيك .. ( الطوبتين ) :bosyht9: ممممممممممممممم ليا عودة ان شاء الله صحيح .. نسيت اصبح عليكوا .. صباح الفل يا أنوس و صباح الفل يا عبدوو و مش هقول عيد سعيد بقى .. خلاص العيد خلص :( |
شوفتوا لما نشط الموضوع البشمهندس عبد الرحمن طلعنا مواهبه في التصوير بس نفسي اعرف ياعوبد ليه كل الصور دي متاخده باليل " سؤال يطرح نفسه " وبلاش ابوس ايدك تكتب انجليزي معرب دا انا دماغي لفت علي ماترجمت شويه الكلام ويلا عيد سعيد علي فكره انا نزلت الف في طنطا اصلا في العيد وياريتني مانزلت " مش موضوعنا لخص " وبقولكوا ايه ماتيجوا تحولوا شبين معايا بدل المبني اللي يجيب العار ده
|
ده مش مصورها يا بروف ده ناقلها
و ربنا يبشرك يا يا انج حودش و ماله المبنى يا بروف أنس أنت نسيت إن احنا عالم تالت ؟؟؟!!! و بعدين ما تيجى احنا الاتنين نحول القاهرة السنة الجاية ههههههههههه و إن سرقت اسرق جمل (مش وزير التربية و التعليم ده بيسرق بس ما يتسرقش ) و الصور فى الظلمة يمكن عشان الإضاءة معرفش و ليا رد بعدين مفصل لكما بس اعذرونى مش فاضى دلوقت |
اقتباس:
|
انا موجود ع طول يا عبد الرحمن متقلقش عليا
هيا صحيح الرابطة اربعة بس هتولع نااااااااااااااار بينا انا متابعكم ومعاكم ان شاء الله بس عاوزين نبقى ف ظهر بعض ف الكلية ماشي ههههههههههه ع فكرة يا جماعة فيه ناس ف المنتدى هندسة طنطا بس مش بيشوفوا الموضوعات الي زي دي يعني انا مثلا اول مرة اشوف الموضوع ده كان النهاردة وعشان كده ع طول قولت اني معاكم متابع |
الف شكر يا معلم عالصور الجامدة دى بس يا جماعة انا لسه داخل اعدادى ان شاء الله و بفضل الله معنديش اى فكرة عن اى حاجة ومعرفش هنروح امتا ولا الساعة كام حتى ههههههههه لو سمحت قولولى على اى حاجة فيها تاهيل للكلية على النت عشان ابقا عارف هعمل ايه واذاكر منين و كده و هل الكورسات دى لازمة يعنى زى دروس الثانوية كده ولا الدكاترة بيشرحوا كويس ارجو الافادة و شكراااااااا
|
منورين يا رجالة أعضاء الرابطة
البيج بوص ومحدش يبوص انج حودش و الأعضاء اللى فى إعداداى الغلابة بروف أنس محمد دوت كوم محمود زاهر منورين يا رجالة و إن شاء الله نتقابل فى الكلية و لي ردود فصيلية برده موش عندى وقت أكتب دلوقت رد تفصيلى أعذرونى |
ايوة انا عاوز بقى النشاط ده
صباح الفل ع الكل صباح الفل ع بتوع الاعدادي الجامدين صباح الفل ع الناس الي سبقونا والي هيلحوقنا كمان بس كفاية عشان تعبت بس عاوزين بقى نفيد بعض يا جماعة بس الاول لما نثبت على عدد معين ولا انتوا ايه رأيكم متابع |
| جميع الأوقات بتوقيت GMT +2. الساعة الآن 01:07 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.