|
الي كل من في جامعة الزقازيق
ازيكوا ياجماعة
ياريت اللي في جامعة الزقازيق يعرفني علشان انا من المنصورة وجالي هندسة الزقازيق وعاوز اعرف معلومات عن جامعة الزقازيق والسكن هناك ارجو الافادة والتواصل |
اهلا يا ابو زمل
طارق عليش من العاشر من رمضان |
انت جايلك ايه طارق؟
|
بقول يا ابو زملك هيكون ايه
طبعا هندسه يا ابو زمل |
هندسة الزقازيق
وانت قدمت تحويل ولا لأ؟ هو انت كنت جايب كام؟ |
ايه ايه ايه
هو انا دخلت قسم شرطه ولا ايه لا مش تحويل وبعدين انا قولتلك اسمى ولسه معرفتش اسمك ولا انتا منين ولا اى حاجه يا باشمهندس |
توجد مدينة للطالبات بجوار الجامعة
وده رقم مدينة الطالبات 055/2318188 ومن الافضل انك تنزلي علشان تشوفي الجامعة وتشوفي المدينة وتسألي علي الشروط الخاصة بالقبول بالمدينة |
|
السلام عليكم انا احمد فى حاسبات الزقازيق الجامعة هناك مش كويسة وخصوصا هندسة وبالنسبة للمدينة الجامعية انا مشوفتش الا بتاعت البنين ويارتنى ماشوفتها
|
اقتباس:
هو العضو صاحبت الموضوع بنت:( وانا عمال اتكلم من اول الموضوع واقول يا ابو زمل ويا بشمهندس ههههههههههههههههههههههههههههههههه دا انا حاجه غريبه والله |
انا علوم الزقازيق
على فكره هندسه الزقازيق حلوه مش وحشه |
اقتباس:
|
كلية الهندسة جامعة الزقازيق اسمها حارة اليهود
ههههههههههههههههههههه |
اقتباس:
وطبعا انا روحت جامعه المنصوره ابل كده ومفيش بينهم اي فرق خاالص وكليه هندسه في الزقازيق جاامده جدا ومش هتحتاجي تسكني لان الموصلات سهله جدا ساعه وتكوني في بيتك وفي كتيييير جدا من المنصوره وداخلين الزقازيق وبيسافرو يعني مش هتكوني لوحدك ولا حاجه اطمني وجهزي نفسك لأحلا ايام بجد :d |
كلامك صح يا اميــــــــــــــــــــــــــــــــــــــــــــــر ه
|
انا جتلى هندسة الزقازيق ولسة مقدمتش
|
ياجماعة انا بكتب لاخويا
اخويا هو اللي دخل هندسة الزقازيق يعني ولد طيب مفيش حد معاه ررقم المدينة الجامعية بنين او مكان سكن للطلاب البنين ويكون قريب من الجامعة ارجو الافاد |
طيب هو الدراسه فيها انجلش ولا عربي
|
أكيد طبعا الدراسة فى الجامعة بالانجلش للكليات العملية
يعنى دى جامعة عادى بس أنا لما روحت لقيت أحلى ابنية معمولة للكليات النظرية أداب وغيرها بقى ومروقينهم أوى |
ياجماعة ان بسال عن سكن طلاب بنين في الزقازيق
يكون قريب من الجامعة اروح اسال مين ؟وفين؟ ارجو الافادة ضروري |
اقتباس:
والله العظيم موتني من الضحك وفي نفس الوقت خفت ليه كده بس يا مان هي مالها المدينة هناك ؟؟ |
ياجماعة انا عاوز اعرف اماكن السكن ضروري
اللي يعرف ياريت ميبخلش علينا بالرد |
أنا من المنصورة وفي طب الزقازيق وع فكرة الجامعة والمدينة الجامعية حلوين بس الزقازيق نفسها مش حلوة ...
|
اقتباس:
بصى يا ستى أنا أحمد نعيم هندسة الزقازيق وأنا من المنصورة أساسا أنا روحت قدمت هنالك :angry2: وطلع عينى بص يا ستى السكن بعيد عن الجامعة يجى نص ساعة كده :o يا نهار أبيض ده أنا روحت 3 مرات المهم هيه جامعة كويسة مش وحشة قوى - نصيبنا بقا - المهم الأول لازم أخو حضرتك يقدم الأول فى الجامعة وياخد وصل المصاريف ويروح يسحب ملف المدينة من المدينة ذات نفسها وبعد كده ياخده ويملاه - دى كانت شورة زفت - :d المهم هيملاه ويروح يقدمه وهيدوله ميعاد يروح يعرف فيه نتيجة السكن يا إما يتقبل يا إما هيعيش فى شقة برا أو يسافر كل يوم :giljotiiniug3: والسلام ختام ولو محتاجة أى حاجة أو رقم موبايلى كلمينى على الخاص اسأل مجرب ولا تسألشى طبيب |
اقتباس:
بالظبط زى ما حضرتك قولتى بالإضافة إن الجامعة على ما أنا سمعت من ناس كتير سهلة عن المنصورة بس انتو المدينة بتاعتكوا أحسن من المدينة بتاعتنا بكتير :d نصيبنا بقى |
يا جماعة خليكوا متفائلين ان شاء الله كل حاجة تتم على خير ومتنسوش انها اسهل بكتييير من المنصورة يعنى ضغط الدراسة مش هيبقى زى المنصورة
والدكاترة هناك متعاونين جدا انا كنت عاوز اقدم تحويل ورقى بس قولت خلينى احسن هناك وبعدين مواصلات الزقازيق جميلة جدا وسريعة يعنى بتوصب على طول من غير ما تستنى كتير وربنا يوفقكوا |
اقتباس:
|
السلام عليكم ورحمة الله
كل سنة وانتم طيبين عاملين ايه مع العيد في مصر؟ عالعموم هوا بالنسبة لي مش عيد خالص لأن اهلي أجازتهم خلصت وراحوا عالسعودية وسابوني وحدي:(:(:(:(:(:(:(:(:(:(:(:(:(:(:( طبعا شايفكم بتتكلمو عن الزقازيق والجامعة عالعموم يا جماعة الزقازيق أحسن من غيرها يعني الجماعة بتوع المنصورة بالزاد نعمة ان يجيلهم الزقازيق أحسن ما يجيلهم أسيوط وسوهاج ويتحدفوا في آخر الدنيا لكن الزقازيق ممكن يشوفو أهلهم كل نهاية أسبوع أوحتى لو في أيام فاضية مفيهاش محاضرات وبالنسبة للدكاترة هم فعلا متعاونون وطيبون باستثناء كليتين هندسة اللي أصبحت دلوقت واخدة سمعة أوحش من هندسة عين شمس في تعقيد الدكاترة لدرجة ان السنة اللي فاتت اعدادي هندسة الأوائل فيها مقبول وجيد وبالعافية والكلية التانية طب دكاترتها يعني شوية معقدين بس طبعا مش زي هندسة (هما والله دكاترة محترمين وكل حاجة يعني ,,,لحسن حد منهم يسمعني يبهدلني) الحاجة الثالثة انا رايح كل يوم وجاي عالجامعة من يوم ما النتيجة طلعت ( وده لأني الحمد لله جالي في الزقازيق وانا من هنا) الناس بتوع شئون الطلبة بيقولو ان الشهادات المعادلة لسه مفيش عنها حاجة يا ريت لو حد يعرف حاجة عن كشوف الترشييح والملفات بتاعتنا يقول لأن فعلا لو الحاجات دي ما وصلتش اسمك مش هينزل في الكشوف بتاعت الكلية وده هيخليهم يحسبوك غياب مما سيؤثر على تقديرك ومستواك ومش هتقدر تحضر السكاشن يا ريت حد ينقذني ويقول لو يعرف حاجة :confused::confused::confused::confused::confused: :confused::confused::confused::confused::confused: |
| جميع الأوقات بتوقيت GMT +2. الساعة الآن 04:58 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.