![]() |
ما هو مستقبل طالب هندسة وطالب بترول السويس ؟؟؟؟
السلام عليكم ورحمة الله وبركاتة بسم الله الرحمن الرحيم الموشوع باين من عنوانو اكيد كلنا سمعنا عن مرتبات مهندس البترول انا كنت طالب ثانوية عامة وللاسف اتظلمت ف التصحيح وراحت بترول عليا ودخلت هندسة المنصورة عاوز اعرف مستقبل كل قسم ف هندسة عموما وايه الفرق بين مستقبل خريج هندسة بترول السويس وبترول القاهرة وياريت لو فيه معلومات عن متوسطات مرتبات الاقسام دي ومجالات الشغل فيها 1- هندسة بترول (عموما قاهرة او سويس) 2- هندسة طاقة جامعة اسكندرية 3- هندسة طيران القاهرة 4- هندسة اتصالات والكترونيات 5- هندسة حاسب الي 6- هندسة كهرباء 7- هندسة طبية 8- هندسة ميكانيكا وكمان سؤال بسيط ايه الفرق بين مهندس الميكانيكا ومهندس الطيران ؟؟؟ وشكرا :078111rg3: |
اسئلتك كلها عايزة واحد مخلص وبيشتغل وكان متابع كل الاقسام
وبتكلمنا على المرتبات كاننا خلصنا ولقينا شغل واتوظفنا بص انت ممكن تسيب الموضوع كمان 5 سنين تاني + س (حيث س عدد سنين البطالة) وبعدين ابقى اقولك عالمرتبات مهندس الطيران في منه انواع في قسم طيران جوه ميكانيكا ده بيختص بدراسة جسم الطائرات زي هندسة السيارات كده بس طيارات في بقى مهندس طيران اللى هو مختص بوسائل الاتصالات والحاجات ده اعتقد من كهربا انت ادخل اعدادي دلوقتي وسم الله واللى جاي يبقى يحله ربنا ان شاء الله |
مهو انا عاوز ابني مستقبلي ع الاساس ده
يعني لو اي باشمهندس يتكرم بس ويسال اصحابو اللي اتخرجو او اي حد يعرف ف الكلام ده علشان اختار القسم اللي يناسبني وشكرا |
والله يا عمنا انا زيك وجايب 98.9 ومش عارف اعمل ايه وبدور زيك على طيران وطبيه وبترول القاهرة بس مش عارف اعمل ايه
وخد بالك من الغربه وصحابك وكده |
بص يا بشمهندس اعتقد ان الموضوع دة م بالسهولة دي
لان زي ما تعرف الارزاق بايد ربنا ما يمكن تطلع مهندس طيران وقابلني مثلا لو حصلت حاجة لا قدر الله ليك فاهمني انا مش بفول عليك والله مقصدش بس والله مش دة الحسبة اللي هتجبلك اللي انت عاوزة. وانا مش متعصب لكن مع ان كلامك صحيح لكن انا عاوز اقولك سبها علي ربنا وخد بالاسباب. |
معلش
ارجو ان محدش يزعل مني لاني صريح
|
انا جايب 98.7 % وهندسه المنصوره والحمد لله سعيد وراضي جدا
وبرضو في دماغي بترول القاهره لكن اذا مجتش خلاص عادي هكمل في المنصوره انا معايا 2 اصحابي وبرضو جايبين مجاميع كبيره هندسه المنصوره فعلا تعتبر من احسن الهندسات في مصر |
ما حدش يعرف نصيبه فين
انت ممكن تدخل مدني ويكون مرتبك كبير اكبر من مرتب مهندس البترول دي ارزاق وكل حاجه بايد ربنا وعلى فكرة في مهندسين بترول كتير قاعدين وموش لاقيين شغل |
اقتباس:
|
شكرا للردود يا جماعة
هيا فعلا ارزاق |
بص انا مش هعرف برده اتكلم عن الشغل و المرتبات و كدا بس لما كنا فى التدريب .. دردشنا مع المهندس شوية " مهندس ميكانيكا انتاج " الخلاصة هو قال لما تتخرجوا .. قدامكم سنتن تشتغلوا فيها فى اى حتة .. و متسألش عن المرتب كام ... حتى لو 300 جنية بعد السنتين دول .. تبدأ تختار بقى اللى يناسبك .. و ده هيبقى بعد ما انت اكتسبت خبرة و بقيت مهندس لان اكلية مش بتطلع مهندس .. لازم الخبرة و المرتبات بتبقى على حسب المكان اللى بتشتغل فيه ... مش حسب التخصص .. الشركات الخاصة معظمها مرتباتها كويسة .. لكن بيطلع عينك فيها .. لا اجازات و لا حاجة ... و كمان لو بترول .. بتبقى غالبا فى الصحرا أحب أقولك فى الآخر أبشر |
ازيك يا جماعة ارحب بكل طلبة هندسة الموجودين معانا هنا ففى المنتدى وانا كنت زيكم كدا قبل ما ادخل هندسة وربنا كرمنى والحمد للة وجبت فى الثانوية العامة 100%ودخلت بترول السويس واحب اوضحلكم الفرق بين طالب هندسة ووطالب بترول السويس اكيد طبعا وبلاشك ان فية فرق وانا من رأى ان بترول السويس احنا بنتبهدلو فيها اكتر من اى هندسة تانية وكفاية البهدلة وصعوبة المواد علينا وعلشان كدا والمكان الى احنا فية تم تنصنيف كلية هندسة بترول السويس احسن تانى هندسة بترول فى الشرق الاوسط واى حد عايز يستفسر عن اى حاجة يكلمنى على الاميل دا
ibrahim_donia***********:abdoog8::abdoog8::abdoog8 : |
هههههههه تاني هندسة بترول ع الشرق الاوسط
الاولى القاهرة صح طمني |
انا مش باتكلم عن الجامعة ياكابتن
انا باتكلم عن الكلية وشايفك بتضحك لو منتش مصدق اسأل حد غيرى وانا فى الكيلة اصلا وبنسمع الكلام دا من الدكترة وبعدين جامعة القاهرة جامدة جدا بس بترول السويس تتميز عنها فى حاجات كتير ولا مكنتش خدت السنة دى من 99.14% |
استهدوا بالله بس ممكن اعرف هل هندسة البترول وتعدين صعبة او فيها صعوبات لدرجة دى ان واحد يحول منها لهندسة عادية وفى الدلتا وهو طالع التانى على المحافظة ممكن وهل دة ممكن يكون على حساب اية
|
اقتباس:
|
ناس كتييرة حولت من بترول
و ناس أكتر مدخلتهاش من الأول يعنى مثلاً حولت من بترول ده و بندم إنى كتبتها من الأول أما بالنسبة للأسباب محدش يقول على مناهج سهلة و صعبة ده حسب الميول و التفكير مثلاً واحد صاحبى من المنتدى واحد قريبه سقط فى بترول حوّل لحاسبات و ما شاء الله بيطلع الأول على الدفعة و الخيرة فيما اختاره الله و الخيبة فيما اختاره الناس و أحلى حاجة عندنا فى البيت يقولولى مش كنت دخلت صيدلة و سيبتك من علمى رياضة أحلى ^___^ أقولهم ايه دول ؟ ! هاه المهم الحمد لله الواحد متفائل شوية بكليته و بالنسبة للأوائل احنا عندنا هنا الأولى هندسة القاهرة الثانى هندسة عين شمس الثالث و الرابع بترول و تعدين الخامس هندسة طنطا السادس و السابع و الثامن بترول و تعدين شوفتوا دول أوائل محافظتنا المحافظة تقريبا فيها 18 فى بترول بس اللى ساب بترول ده الحمد لله انه سابها و اللى ما سبهاش ربنا معاه و يتقبلها شوية و من ناحية الصدمات هياخد عليها أوى ^_* بالتوفيق يا رجالة فى الدارين و كما قال القائل بلدى طنطا و أنا احب اعيش أونطة ^___^ عمار يا ايجيبت |
والله الصيدلة مش وخشة يا باش مهندس المهم الى ربنا يحبة ويرضاه وليس ما نرضاه نحن والحمد لله الى انت طلعت شكل جارى الى عاملها وهحول والله انا مبسوطة الى الناس بتدخل الحاجة الى حبها وعاوز تعمل حاجة دة على كدة فى ناس حولت كتير منها لعادية طاب الناس دى ممكن تدخل اية فى العادية*****سؤال**************
|
ياجماعة بجد انتوا صعبانين عليا اوي محتارين تخشوا قسم هندسة ايه والله بجد تصعبوا علي الواحد مش عارف انتوا مستحملين حالتكم ديه ازاي امال احنا نعمل ايه اللي جايبين في الستينات بقي نروح ننتحر ولا نولع في نفسينا
ياناس بقي راعوا شعورنا داحنا بشر زيكم برده وكان عندنا طموح برده وكدة (منهم لله اللي كانوا السبب) |
اقتباس:
ولا نمتنع عن الكلام عن مشاكلنا عشان نفسية حضراتكو لو حضرتك بتتدايق ممكن متدخلش القسم اسهل زي ما حضرتك شايف ده قسم الكليات الهندسية ومن حق اي واحد في هندسة او داخل هندسة يستفسر في اللى عايزو حضرتك عايز تستفسر هنا اهلا وسهلا ً عمرنا ما قلنا لحد انت مش تبعنا حضرتك حتتدايق من المواضيع يبقى اهلاً وسهلاً برده كزائر في كل وقت وربنا قدملك اللى فيه الخير ومتزعلش نفسك وكل حاجة ربنا بيختارها بيبقى فيها الخيرة واتمنى ميكونش كلامي حيزعلك رمضان كريم |
اقتباس:
و ناس جايبين طب و هندسة و دخلوها "أكيد أزهرى يعنى" أما حكاية هنشتغل ايه زى ما بنيجى لواحد فى أولى ابتدائى و نخليه يقول تحيا جمهورية مصر العربية أقصد نخليه يقول نفسك تبقى ايه و هتشتغل فين و بكام ؟ !!! رمضان كريم اقتباس:
و الثانوى مش كل حاجة وحد الله كده و صلى على الحبيب المصطفى و ربنا ما بينساش عباده و ناس من اصحابى جايبين ستينات و أقل عادى جدًا و أصحابنا و حبايبنا و كلهم كان عندهم طموح فحاول متضايقش نفسك أكتر و شوف أنت ممكن تفيد نفسك و أهلك ازاى سواء بشغلك الحكومى أو الحر شوف ناس كتير كان نفسها تبقى دكاترة و بقوا مدرسين ناجحين جدًا جدًا جدًا و من ناحية المادة بيكسبوا أضعاف و من الناحية المعنوية و المكانة الاجتماعية ما شاء الله اللهم لا حسد مكانة نمرة واحد و كل الدكاترة و المهندسين بيدوا لهم تعظيم سلام ناس كتير كده على مستوى الجمهورية و يا رب مكونش رغيت كتير و رمضان كريم يا باشا |
اهلا بيك يا ابو حميد
انتا طبعا شاغل بالك بموضوع بترول لانها ضاعت منك زيي لكن احب اطمنك انك مجال الهندسه عموما مجال ممتاز وانت كمهندس ممكن تشتغل في مجال البترول وانتا لما مجالش بترول مجاتلكش لانها مش من نصيبك مش لانك متستحقهاش مثلا او حاجه ومش اي حد دخل بترول يبقي خلاص عدي يعني زي ما عبد الرحمن بيقولك كده في ناس مبتستحملش الكليه دي من اول ما بيشوفوها وواحد قريبي دخلها سنه سقط هناك ومش عايز اقولك دماغه عبقري ازاي وبعدين حول ودخل حاسبات اللي هو كان عايزها من الاول بس طبعا انتا عارف ضغط الاهل ودلوقتي ماشي الاول ع الدفعه علطول وكمان احب اقولك حاجه الماده والفلوس مش هما كل حاجه لانك تقريبا هتعيش عمرك كلو تتعب وتعمل فلوس ومبتلحقش تستمتع بحاجه انا بيتهيالي ان ايام المتعه في حياه الانسان اخرها في ثانويه انا خدت الموضوع لبعيد شوية معلش لكن انا بوضحلك حاجه اجتهد في اي حاجه تدخلها وهتبقي احسن من اي حد مش مهندس البترول بس |
ربنا معاكو على فكرة انا بشوف بس اقسام الهندسة وكدة واطمن على الى دخل ربنا معاكو كلكم ويارب يوفقكم كلكم انا اساساااا صيدلة القاهرة ربنا مع الجميع وبالتوفيق فى الدارين وربنا يوفقنا لما يحبة ويرضاه
|
الله اكرم يا باش مهندس ربنا معاكو
|
ياجماعة بترول مش صعبة قوى زى انتو منتو معتقدين
دى عادية خالص ويمكن اسهل والله من هندسات تانية كتير وحنا مشيين فيها زى الفل اهه والحمد لله بس فعلا فية ناس بتتعب من المكان والعيشة هناك لانها فعلا صعبة بجد وعايزة واحد نفسة طويييييييييييل اما موضوع الشغل دا فهوا ارزاق وكل واحد بياخد رزقةوممكن يكون واحد معاة دبلوم وبيشتغل وياخد اكتر من اى مهندس ياريت نقتنع كلنا بموضوع الارزاق والنصيب واهم حاجة الرضا لازم تكون رادى باى حاجة تجيلة وكل سنة وانتو طيبين ورمضان كريم |
الموضوع ارزاق ليس إلا
و دلوقتي البترول بقى عايز واسطة علشان الشغل في الشركات لان في جامعات خاصة و جامعات اجنبية بيكون ليها الصدارة في حكاية الشغل دي قبل الكليات الحكومية و بيني و بينك الشغل كله عايز واسطة لكن لو مش عايز واسطة و عايز تشتغل و انت مرتاح اسعى اجتهد تفوق تميز في كليتك و ربنا مابيضيعيش نصيب المجتهد المتفوق و ح تلاقي الشغل جه لحد عندك و تبقى احسن من مهندس بترول مابيتكلش على الله تبقى احسن من مهندس بترول اتخرج بعد ما سقط له في كام مادة ربنا معاك |
ياجماعة حته المقارنة ديه محبهاش اساسا لان كل واحد ليه مجاله وليه تخصصه يعنى فى شركات البترول بيبقى فى مهندسين بترول ومهندسين ميكانيكا وباقى الفروع واحنا لوعايزين نقارن نبقى نقارن بين كل الكليات بس قولى الاول هينفع تقارن ............
طبعا لا لان زى ماقولت فى الاول كل واحد ليه تخصصه وليه مجاله وممكن يشتغل كمان مش فى مجاله طب على فكرة انا ابويا المفروض مهندس مدنى قسم رى ورغم ذلك اشتغل فى الشركة فى البنية التحتية والاساسات ومشتغلش فى شركة رى يعنى الحكاية متحسبش بدخولك الكلية بس لا لازم تتفوق وكمان هتشوف انت حابب ايه من المجالات هعشان تعرف تمشى فيها طبعا احنا معظمنا بيدخل الكليه يا اما عشان اسمها يااما عشان ليها شغل وبصراحة مكدبش عليكم انا داخل الكلية عشان ليا هدف عاوز احقق حتى ربعه وشايف انا الهندسة هى البوابة للحكاية ديه بس مش معنى كده ان انا مبحبش المواد بتاعتها لا بالعكس انا درجاتى فى الرياضة والفيزيا فى ثانوى افضل درجات عندى وكنت بنقص فى العربى ووالانجليزى والفرنساوى وفى الاخر اسف على الاطالة عليكم ............ |
لا إطالة و لا شىء و كنت بتكلم على أن طبيعة عمل البترول مرهقة جدًا و المفروض متاخدش أعلى مجموع أبدًا
بس نعمل ايه المجموع ده زى العرض و الطلب و ربنا يوفقك تحقق هدفك كله مش ربعه بس |
احنا ياعم لو هنيجي ندخل الكليه وتقعد تحسبها مين اللي مرتبه اعلي ومين كذا ممكن نتوقع يعملوا كليه للمخدرات وبردوا يعملوا اقسام قسم للحشيش وقسم للبانجو وبردوا يكون في منافسه بين الكليات انت لسه داخل اولي واكيد هتلاقي اصحاب تتبادل معهم الخبرات وتشوف ميوللك انت ورغبتك علشان تبقي ناجح مش تطلع عايز تقعد علي مكتب وخلاص ومش بتشتغل ولا حاجه واسمك رايح الشغل وجاي من الشغل انا عن نفسي ان شاء الله ممكن ادخل قسم ميكانيكا مع انه الجميع قالولي ده صعب ومعقد ولازم تسقط وتشيل مواد وطبعا طلعولي القطط الفطسانه فيه لكن انا عزمت علي حاجه ودي حياتي اعيشها ذي من عايز وانا اللي اقرر مستقبلي وطبعا الكلام ده مش كلام تعبير وصدقني اللي بيعمل حاجه بعيد ن ميوله صدقني بيخسر جامد والله
|
السلام عليكم
|
اهلا بيكم............................
|
يا جماعه انا عندى استفسار عن هندسه بترول
ياريت حد يساعدنى اصلى متلخبط ع الاخر:confused: |
يا جماعه ده ايميلي ياريت حد يبقى ف هنسه بترول يكلمنى من عليه انا فعلا محتاجه
theghost7893*********** |
ع فكره الايميل ده ع الياهو
|
قرات الموضوع كله ومطلعناش بحاجه ياريت ياجماعه الى فى هندسه بترول يكتب انطباعه الشخصى عن الكليه حلوه ولالا من حيث المكان الدكاتره فى كوسه وكورسات سهله ولا صعبه وكل حاجه عنها ضرووووورى جدا لانى معهد والحمد لله جايب مجموع احتمال يجيبنى بترول بس مكتبتهاش والتنسيق حيقفل النهارده ياريت الرد سرييييييييييييعا
|
بصو بقى يا جماعة انا اسمى عبدالرحمن من بنى سويف كنت ثانوية عامة جبت فى تانية 94% وفى ثالثة جات امتحانات 2008 فجبت المجموع النهائى 89% فقررت انى ادخل معهد نى صتاعى المطرية ودخلت ودخلت منها كلية هندسة بترول السويس طبعا مكنتش متوقع كدة خالص ورحت السويس وشفت الكلية وبعدها بيومين كدة بصت لقيت نفسى مش طايق الكلية ومش عاوز اروحها بس دة لية اكيد اسباب
1_ انا ملييش فى الغربة نهائى لما اكون مسافر ببقى زى ما يكون رايح سجن 2_ انا من النوعية اللة بحب اكون فى منطقة فيها ناس وكدة كان بييجى علية الليل فى المدينة احس اننا عاوز اطير واروح بيتنا 3_ ما بفهمش حاجة من الدكاترة كل الناس بتكون فاهمة وانا مفيش خالص بس دا علشان انا مكنتش طايق البلد نفسها انت عارف قلبى مقبوض على طول هناك ومش بحس بالراحة ووصل بية الحال انى أاجل السنة دى بس بصراحة انا مش عاوز اروح تانى وعاوز احول هندسة القاهرة وحاسس انى هرتاح فيها اوى انا كل اللى عاوزة ان حد ينصحنى نصيحة اخ لاخوة بس يكون خبير ومجرب وعارف وسلام |
مهندس جديد
احب اوجة معلومة للباش مهندس واقولة انة يبقى غلطان لو فكر دلوقتى فى المرتيات وكدة لانة اصلا لسة ما خلصش وبعدين فى مشاكل كتير هتواجهة وانا زيك انا ناوى ان شاءء اللة احول هندسة القاهرة قسم بترول وربنا يوفقنى المهم ان انا اعمل اللى عليا الاول والباقى على ربنا وان شاء اللة ربنا ما يضيعش تعب حد اجتهد ابدا
|
هع7اخقخخاؤنهثق8
|
اقتباس:
............... +1 |
هوليه مافيش حد بيفكر فى هندسة نووية
انا اعتقد بعد كام سنة كدا هايبقى شغلها جامد خصوصا بعد مشروه د/فاروق الباز و د/ احمد زويل وعلى فكرة ممكن تدخل ميكانيكا من احسن اقسام اللى موجودة فى هندسة وكمان شغلها جامد اوووووووووووى |
على فكرة انت ممكن دلوفتى تبقى مقتنع ان البترول هو المستقبل وانك لو مدخلتش بترول هاتضيع بس ممكن تدخل هندسة وتلاقى ميولك لحاجة تانية خالص ممكن تدخل عمارة او كمبيوتر او اتصالات مش بتيجى كدا استنى انت لسة هاتدخل الكلية وتشوف والخيرة فيما اختاره الله وممكن تحول حاسبات على فكرة فى ناس جايبين 410 ودخلوا حاسبات !! والشغل ده بتاع ربنا
على فكرة بترول مش قافلة على 99.14 لان اللى من السويس بيبقى ليهم 10% تحويل ليهم للكلية وبيدخلوا وهاتلاقوها وصلت ل 94 % وادخلوا وشوفوا وانا من السويس وعارفة كويس وادخلوا على موقع الاستاز وشوفوا |
مظبوط في ناس من السويس و جابت 95 و دخلت بترول لان ليهم نسبة في البترول .
+ في ناس كتير دخلت بالحافز الرياضي + اول الجمهورية فيها . بس ندي كل حاجة حقها . الكلية ليها اسم كبير مستقل عن جامعة قناة السويس التعبانة |
ربنا يوفقنى ويوفقكم ويوفق كل الناس يارب
|
شكرااااااااااااااااااااااااااااااااااااااااااااااا ااااااااااااااااااا
|
جميع الأوقات بتوقيت GMT +2. الساعة الآن 04:46 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.