شارك برأيك .. هل ترغب في قيام دولة إسلامية في مصر ؟؟
نرجو من الإخوة المشاركون .. الحديث والمشاركة والإفادة ..
ما رأيك فيما يلي :
1- المصدر الوحيد للدستور هو الكتاب والسنة
2- المرشد العام للإخوان المسلمين رئيساً للجمهورية
2- أسلمة جميع وسائل الإعلام والتربية والتعليم
3- الاكتفاء الاقتصادي الذاتي .. ورفض اي مساعدة أجنبية
4- بناء جيش إسلامي لتحرير فلسطين والآراضي المحتلة
5- حظر مظاهر التبرج والميوعة من الشارع المصري
6- إغلاق جميع مصانع ومحلات الخمر والميسر والدخان والوسائط المحرمة
7- استقلال التعليم والجامعة والبحث العلمي والصحافة
8- استقلال الأزهر الشريف
__________________
شارك برأيك .. هل ترغب في قيام دولة إسلامية في مصر ؟؟

اه انا قلت المنافع بس نسيت اقول الاضرار

1- اولا حيدعموا الجماعات الاسلاميه ف دول تانيه ودا ممكن يسبب مشاكل سياسيه لمصر
2- عدم قبول المساعدات الاجنبيه حيخرب الاقتصاد اكتر ما هو خربان
3- حيخلوا التلفزيون برامج اسلاميه بس
4 - طبعا مستوي الفنون الغير اسلاميه حيختفي يعني الرسم والموسيقي حتتحول لقصائد اسلاميه بس
5- طبعا بنسبه كبيره مصر حتحصل افغانستان
6- التشدد ف تطبيق الشرائع الاسلاميه الي حد التزمت

لالالالالالالالالالالالا
فين الااراء مش شايف غير واحد بس اللي قال رايه
ولا المدارس وكله عقلكم ولا ايه بالظبط

أنا موافق على الكلام ده وبدون تررد

يبقي انا بس اللي مش موافق

شكرا ع رايك كريم

لأن (قل لن يصيبنا إلا ما كتب الله لنا)

1- المصدر الوحيد للدستور هو الكتاب والسنة ( موافق وبلا تردد ان شاء الله )

2- المرشد العام للإخوان المسلمين رئيساً للجمهورية ( ههههههههه لا واسعة دي يا عم دا يخربها ولا يصلح اصلا لاي منصب حكومي مينفعش بجد )

2- أسلمة جميع وسائل الإعلام والتربية والتعليم ( موافق جدا بس مش لحد التشدد )


3- الاكتفاء الاقتصادي الذاتي .. ورفض اي مساعدة أجنبية ( ليه يا عم هو معناه ايه أصلا كل دا لأ اكيد المبدأ دا مرفوض )


4- بناء جيش إسلامي لتحرير فلسطين والآراضي المحتلة ( موافق وهكون أول واحد يشارك ومش كلام والله اعملها )


5- حظر مظاهر التبرج والميوعة من الشارع المصري ( ياريت والله لأنها بات مفتوحة ع البحري خالص )
6- إغلاق جميع مصانع ومحلات الخمر والميسر والدخان والوسائط المحرمة ( ياريت والله دي حاجات بجد تخلي الواحد يحب دينه صح ويتفرغ للعبادات ومش يضيع فلوسه على شئ حرام )

7- استقلال التعليم والجامعة والبحث العلمي والصحافة ( أكيد موافق ودا أهم شئ بجد)

8- استقلال الأزهر الشريف ( مش موافق لأن الازهر هيطبل أكتر ما هو مطبل دلوقتي يعني هيفتي بأى مش عارف اقول ايه بس يعني هيبوظ )

__________________
شارك برأيك .. هل ترغب في قيام دولة إسلامية في مصر ؟؟


نعم أوافق ولكن انت نسيت شيئا

مصر فيها كام مليون مسيحي

ولو اتعمل كل الكلام دا لو كله هيحصل فتنة طائفية وهتكون مصر مهددة للغزو لحل مشاكل الفتنة

ودا رايي

انا وافقت على بعض المبادئ ورفضت البعض الأخر

لو المبادئ دي لازم تكون كاملة فانا ارفض وبشدة

شكرا يا محمد
بس انا رايي ان الدين والدوله حاجتين متفرقتين
يعني مينفعش نجيب شيخ نخليه رئيس جمهوريه ولا ينفع العكس
والاخوان لو مسكوا البلد حيكونوا اسوأ من مبارك بمراحل
يعني مصر حاليا مقدمهاش غير طريقين
اما مصر مبارك او مصر الاخوان
والاتنين انيل من بعض

يا جماعة إزاى بس الإخوان هينيلوا الدنيا إذا كان هما هيطبقوا شرع الله إنتا بتقول مينفعش نجيب شيخ نخليه رئيس جمهورية
طب ممكن يكون هيحكم بالعدل ومش هيظلم لأنه أكيد هيكون دارس شريعة وهيكون عارف أن محاسب يوم القيامة عن 70 مليون مواطن
إنما هات واحد ميعفش فى الدين وخليه حاكم هيخرب الدنيا أنتا ممكن يكون قصدك إن الإخوان هيتشددوا ويتزمتوا أنا بيتهيألى إنهم ناس
كويسين بس للأسف الأعلام الـكاذب هو اللى اللى مخلينا نفهم الناس دى غلط

<div align="center">ده تعليقي الوحيد

وشكرااا بيسو على الموضوع </div>

الاعلام الكاذب
انا اولا الاعلام بتاع مصر دا
عباره عن اعلام نفاق
انا اللي بسمع ارائهم فعلا جماعه من المثقفين اللي بيتميزوا بالحكمه
واللي يعرفوا اكتر مني

بس بجد دا رايي اللي انا مقتنع بيه
ولا حكومه الحزب الوطني نافعه ولا الاخوان نافعين

يا عم باسم أحنا بنقول أراء وخلاص يعنى أحنا هنصحة الصبح هنلاقى مرشد الاخوان بقى الرئيس سيبها على الله

ما هو دي اراء يا باشا
اوعي تكون فاكرني زعلت ولا حاجه
الموضوع دا نقاااااااااااااش
يعني كل واحد يقول رأيه واحنا نتناقش
اوك

أوك يامان

بص من الأخر لا ينفع لبلدنا دي العجب

اللي بيمسك منصب بينسى نفسه وبينبهر بالسلطة :D

وثانيا اخر واحد يمسك الرئاسة مهدي عاكف لانه شخصية ...........


وع فكرة انا برضو بقول الفتنة الطائفية زتدخل خارجي لو تركز

طيب ما يمسكها واحد مسيحي :D

ما هي بقت سلطة :D

والله عندك حق يا محمد

انا موافقه على كل ده عادا ان المرشد العام للأخوان يكون هو رئيس جمهوريه

لأن ده مش هيحصل علشان الاخوان هما اكتر ناس عايزين انتخاب لرئيس الجمهوريه

وألا ما كنوش سندوا ايمن نور في الانتخابات

اما بالنسبه لموضوع التليفزيون فالقنوات الفضائيه موجوده

اما بالنسبه لموضوع المسيحيين فهم هيعيشوا زي ما هم ومحدش هيجبرهم على حاجه

زي ما كانوا عايشين ايام الرسول (صلى الله عليه وسلم ) والفتوح الاسلاميه

عليه الصلاة والسلام

ال الخوان موافقين ع الانتخابات قال
دول لو وصلوا
للحكم
ابقوا قابلوني لو حصلت انتخابات

استاذ بسام حبيبى
الكلام ده منين ولا انت مألفه ولا ايه
نشوف بقى اللى انت كاتبه

<div class='quotetop'>إقتباس</div>تقبلوا بخالص الاحترام

يالالا يا بيسو
اشجينى بكلامك وردك الحلو :D

بص يا بسام موضوع رفض اى مساعدة اجنبية و الاكتفاء الاقتصادى الذاتى
مينفعش خالص لو اعتمدنا على الموجود لان من الاول واحنا بنعتمد على المساعدات الاجنبية
وبعدين البلد عليها ديون بالهبل
المرشد العام للاخون المسلمين رئيس الجمهورية يستحيل فى احزاب وناس كتير
هترفض ده وبعدين فى مسيحين فى مصر يعنى باذن الله الحرب الاهلية هتقوم والبلد تخرب اكتر

ايه يا باشا بجد دا احلي واجمل رد ف الموضوع كله
المزايا دي منقوله
بس العيوب دي انا اللي حاططها من دماغي
لا بجد ميه ميه وياريت نتناقش ف جزئيه جزيئيه بلاش الموضوع كله مره واحده

<div class='quotetop'>إقتباس(بات مان 2 @ Sep 16 2006, 01:58 PM) [snapback]221637[/snapback]</div>ده رايي

لو تقدر تنفذ انا معاك نخربها سوى
ايدي على كتفك

والله عندك حق يا خالد لو كل واحد ابتدي بنفسه وحاول يطبق الديمقراطيه والنظام
ف مجتمعه الصغير
زي رئيس المنتدي ف المنتدي بتاعه
الاب ف البيت بتاعه رئيس العمل ف الشركه مثلا
وكل واحد ابتدي بنفسه البلد حتكون فيها ديمقراطيه
ومش حنحتاج ماما امريكا تعلمنا الديمقراطيه
ولا الاخوان يعلمونا اصول دينا

<div class='quotetop'>إقتباس(بات مان 2 @ Sep 16 2006, 02:32 PM) [snapback]221660[/snapback]</div>لا طبعا لازم يكون فيه دخل ما بين الدين والدولة والا زمان كانت الدولة تقوم على ايه غير الدين يا بسام ؟؟
وبالنسبة للمسيحين الي في مصر لو قامت دولة اسلامية صحيحة مش هيبقى فيه فتن طائفية ولا يحزنون مه لما دخل عمرو بن العاص مصر محصلش حاجة ليه ؟؟ عشان كانت دولة اسلامية حقيقية

انا قلت ان الدوله تتمسك بشرائع دينها
اه
بس مينفعش نلغي كل القوانين
نخلي شيخ يحكمنا
من بتوع قال الله وقال الرسول والله اعلم بيهم
طرق تمويلهم غير معروفه
تنظيمهم
حتي اهدافهم وخططهم مش معروفه
كل المععروف كلمه الاسلام هو الحل
طب ايه طريقه تنفيذهم للاسلام

اخر كلمه حقولها بقي
ولا مبارك ينفع يحكم مصر ولا الاخوان كمان
عاوزين اللي يحكم مصر شعبها
مش واحد مفروض علينا بالعافيه
او جماعه بتستتر ورا شعار الاسلام

ايه هو النقاش خلص ولا ايه
اللي عنده راي يقوله
وعاوز نسبه تصويت اعلي