|
كنت بتعمل ايه ؟! .. احكيلنا ..
السـلامــ عليكمــ *** اكيد كلنا بتكون لينا مواقف لذيذة واحنا صغيرين فيه حاجات بنفتكرها طول عمرنا وكل ما نفتكرها بنقول .. يااه لو الايام دى ترجع تانى *** فيه حاجات مش بنفتكرها واحنا صغيرين اوى بس اهلنا بيحكولنا عليها وبرضو بنضحك أوى لما نسمعها *** كل مرحلة ليها ذكريات معينة :romarioxp6: :).. فيه منها الحلو .. :) :( .. فيه منها الوحش .. :( :lol: .. فيه اللى ضحكنا .. :lol: http://l.yimg.com/us.yimg.com/i/mesg/emoticons7/20.gif.. وفيه اللى بكانا .. http://l.yimg.com/us.yimg.com/i/mesg/emoticons7/20.gif :o .. فيه اللى اتفاجئنا بيها .. :o :angry2: .. فيه اتنرفزنا منها .. :angry2: بس كل دول لما بيعدوا بيبقوا حاجات جميلة اوى بجد :av4056bb7jp3: *** دلوقتى بقى .. ممكن تحكيلنا عن ذكرياتك لما كنت قد ده .. طيب وانت قد ده .. ولما كبرت شوية وبقيت قد ده .. طب وذكريات المدرسة دى لوحدها حاجة تانية خالص كنت بتحب المدرسة وانت صغير كنت بتحب المدرسين ولا كانوا عاملين كدة :d احكيلنا على كل حاجة واحكيلنا على احساسك دلوقتى لما بتفتكر الحاجات دى ممكن ؟ *** في كل مرة هنستضيف ضيف هيحكي لينا ذكريات طفولته و بس و يعرضها كلها حلقة واحدة و هنستضيف مرة ولد و مرة بنوتة استنونااا :) |
أكيد الموضوع ده موضوع مني Souhaits بس هي طلبت حذفه و أنا أعمل نسخة جديدة أبتدي بيها من تاني حقوق الطبع و النشر و التوزيع تابعة لـ Souhaits و الانتاج لـ Прекрасный :d |
متابع
وان شاء الله يبقي موضوع جميل يخليني اثبته غصبن عني |
حلو قوي ..
بسجل متابعه .. فكره لذيذه بجد .. |
متااااااااااااااااابع منتظر التنقيذ |
متابعة
ان شاء الله يبقى موضوع كويس و هو فعلا شكلة كويس بالتوفيق فى رعاية الله |
اقتباس:
إن شاء الله و غصبن عنك هتثبته شكراً يا أحمد :d اقتباس:
:friendsxs3: مستنياكِ يا ميرو و اللي اتفقنا عليه :d اقتباس:
قريب إن شاء الله مستنية الولد اللي اختارته يفتح الرسايل و البنوتة تدخل المنتدى حتى :040vk0: و اللي هيرد منهم أول هو اللي هينزل حلقة بكرة و التاني بعدو و هتبقى يومية شكراً يا كتكوت :) اقتباس:
منتظرة متابعتك شكراً يا قمر :) |
اقتباس:
طيب يلا اخلصي فعليه يلا هنقعد سنه عقبال ما الموضوع ما يتفعل يعني ولا ايه؟؟:angry::angry: |
السلام عليكم --- كيف أحوالكم إن شاء الله بخير و تمااام الحمد لله فطرت و جيت أعلن عن العضو اللي هنستضيفه غداً ليسرد لنا شريط ذكريات طفولته و هو عضو محبوب أوي من معظم الأعضاء هو . انزلو وراكو حاجة تلاقيكو فاضيين انزلو انزلو :d هو ELL0RD أيوون محمد هييجي هنا و يسترجع شريط ذكريات طفولته على مدار اليومين بكرة وبعدة و من أول ما يبدأ لحد ما يخلص و مش عايزة حد يقاطعه إلا لما يخلص الحلقة كلها و إلا مش هنخلص :stickjo4: وبعد اليومين للاعضاء يوم تعليق على الحلقة يللا مستنيينك و إن شاء الله طفولة مشردة رائعة :d قصدي حلقة كويسة يعني:d نلقاكم غداا :) |
اقتباس:
ايه الغضب ده كله :mad::mad: لأ خلاص أعلنت عن أول واحد طفولة مشردة بإذن الله :d قصدي حلقة كويسة :romarioxp6: |
اقتباس:
حمش انا :cool::cool: اول ما زعقت بعديها بثانيه علي طول تم تفعيل الموضوع عاما علي كده بكرة انا هموت من كتر الضحك علي محمد (ههههههههههههههههههههههههههههههههههه) |
اقتباس:
مين قالك كده محمد موافق من أكتر من ساعة حتى اسأله :d بس قلت أتأخر شوية عشان التوبيك يسخن :d |
اقتباس:
عارف عارف :d |
موضوع جامد جدا تسجيل متابعه بس مش مشاركه;) متفرج مش اكتر |
تسجيل موتابعه مع انه بردو لسه فى شبه من قصه عضو :bosyht9: يلا فى رعايه الله |
اقتباس:
أوكي شكراً على المرور :) اقتباس:
فيه شبه من قصة عضو أه فعلاً بس هنا ذكريات طفولة و بس يلا يا ولوءتي هنستضيفك ذات مرة مش هسيبك لازم أستضيفك مرة :d شكراً على المرور في رعاية الله :) |
مساء الخير
انا شايف اسمى منور وفية واحد عبيط بيتريق اسمة احمد هيرو :d هتشوفو الى عمركم ما شفتوة بكرة :d اقعدو بالعافية |
السلام عليكم ورحمة الله وبركاتة اتمنى ان ربنا يوفقنى واقدر اكتب كل الى افتكرة وينال رضاكم يارب انا هقسم كلامى بطريقة غريبة شوية هبدأ أكلم عن طفولة محمد الاول بصفة عامة بس ربنا يسهل والوقت يسمح بعيدا عن المقدمات دى انا اسمى محمد الشربينى احمد من دكرنس / دقهلية اتولدت فى المنصورة يوم 6/10/1991 فى نفس اليوم دة وعند نفس الدكتور اتولد واحد اسمة محمد حمدى فتحت عينى على الدنيا بعد اهلى عليه هوة وهوة زى بالظبط بدأنا نلعب مع بعض وكان بيتهم جمب بيتنا على طول كانو بيقولو اننا توأم فى كل حاجة سبحان الله والله حتى الشكل المهم انا بطبيعتى اجتماعى اكتر بعكس محمد خالص ودا الاختلاف الوحيد الى بينا فى الفترة دى اتعرفت على كريم صاحبى عن طريق قرايبى وقاريبة وبعده عرفت حلمى وفضلنا احنا الاربعة الحمد لله احنا الاربعة كان متوفر لينا كل حاجة اننا نتربى فى بيئة كويسة مكناش محرومين من اى حاجة من الاخر يعنى كنا مشهورين جدا فى المنطقة لاننا كنا بنحب بعض جدا رحنا فى يوم بيت كريم كان هناك ست قريبتة من بعيد كدة فكنت انا ومحمد بس فقالت ياختى شوفى العيال شكل بعض وحلوين ازاى بقى دول لسة عيال صغيرة واصحاب كدة يا حلوتكم مش تشوفو الموكوس ابن بنتى محدش يعرفة ولا يعرف حد سبحان الله تانى يوم اتخانقت انا ومحمد وكل واحد مشى فى طريقة تقريبا اسبوع انا بيحكولى انى مكنتش بعمل اى حاجة غير انى اعيط ومحمد بعدها تعب جامد جدا ودخل المستشفى واتحجز هناك يومين احمد اخويا اخدنى ورحنا نزور محمد فى المستشفى والحمد لله خف وطلع كويس تقريبا بعدها باسبوع او اسبوعين حاجة زى كدة بدأنا نلتزم شوية فدخلونا الحضانة انا ومحمد وكريم وحلمى اتعرفنا على محمود واحمد وناس كتير اوى لسة معايا لحد دلوقتى الحمد لله كانت الحضانة دى احسن حضانة فى المنطقة كلها فى الفترة دى وكانت لسة جديدة كان فيها كمبيوترات واحنا منعرفش دا اية اصلا احنا كان اخرنا اتارى :romarioxp6: فى يوم بنلعب فى الحوش فكان فية مراجيح والكلام دة فانا بتمرجح ومحمد بيزقها كل واحد شوية كدة فانا اقولة زق اوى وهوة يزق كل شوية يقولى مش خايف اقولة لا فعملت فيها سبع رجالة فى بعض وهوة بيزق جامد قلت لة يابنى دا سهلة طب اسيب ايدى واوريك قالى اة ورينى لسة بسيب ايدى ملقتش نفسى غير تحت المرجيحة :( كان فية فرق بين المرجيحة والارض لان اصلا الحضانة كانت لسة جديدة ومش متظبطة فانا بقى نزلت فى الفرق الى بين المرجيحة والارض دة انا بابا تاجر مواد بناء وكدة فلما عرف جاب اسمنت وحاجات وظبط الحتة دى وباقى الحوش كمان كان عندنا دادة فى الحضانة عشان محدش يقول انى ابن وزير لا دا فى الحضانة :stickjo4:اسمها طنط ام محمود كنا كل يوم الصبح انا ومحمد وحد من عندنا او من عندهم يودينا واحنا راجعين لو محدش جية ياخدنا يا اما طنط ام محمود بتروحنا كلنا يا اما الابلة ايمان بتروحنى انا ومحمد فى ايدها :av4056bb7jp3: دى كانت الابلة بتاعتى طول فترة الحضانة طول الفترة دى حلمى وكريم مش قريبين مننا اوى بعدها قربنا من حلمى وكريم اوى اوى اوى فى يوم لقيت محمد بيقولى كريم بيتخانق فى الحوش فرحنا فلقينا عيال كتير اوى بيضربو فية كانت اول خناقة فى حياتى واحنا فى الحضانة المهم اضربنا عشان العيال كانو كتير :( رحنا عند الابلة ايمان كانت بتحبنى فبتقولى احكيلى الى حصل معرفتش ارد ولا اى حد مننا عرف يرد بس العيال التانية كانو ازكية اكلمو وطلعونا غلطانين واحنا كل الى نقولة لا والله كذاب ومش عارفين نقول غير كدة هههههههههههههه المهم الابلة ايمان ضربتهم كلهم الا انا ومحمد فبابا العيال دول جم الحضانة وقعدو يزعقو ويشتمو وكدة وحصل شوية مشاكل المهم خلص الموضوع دة واتنقلنا الابتدائى اولى ابتدائى كنت باخد معايا 2 سندوتش ومحمد كذلك وكنت باخد جنية مصروف ومحمد كان كدة كل يوم واحنا مروحين بنرمى الساندوتشات فى جمب :078111rg3: وكان فية اكتر من كانتين بس كل واحد وزوقة المهم كان موجود عم حنفى بيعمل حلاوة من الى هيا اول ما تتحط فى البوق دى مش بتلاقيها عارفينها ولا اجيب لكم صورة ؟ :040vk0: كنا بنبقى مبسوطين اوى عشان اول ما ناكلها مش نلاقيها :romarioxp6: كان بيبيع الواحدة بربع جنية الحرامى :slap1qk6: ام هند بدأ حوار الدروس اناكنت باخد درس مش خصوصى بس خارج المجموعة فكان يجى المدرس يقول هنسقطكم لو مجيتوش المجموعة المهم بابا وبابا محمد عملو شكاوى والكلام دة ومحدش كان بيستقصدنا تانى واتظبطنا اوى من بعد الشكاوى دى فى المدرسة كان حارس الامن قريب حلمى ويعرفنا وكدة المهم كنا كل يوم نروح لة عاوزين نطلع ميرضاش فجينا فى يوم اتفقنا اننا نسرق المفاتيح دى هههههههههههه طب نعمل اية انا ومحمد هنقف تحت نراقب الطريق وكريم وحلمى هيطلعو يجيبوة من الشقة بتاعتة مكنش حد فيها على اساس بقى انهم لما هيعرفو ان المفاتيح اتسرقت هيقولو خلاص سيبو البوابة مفتوحة المهم تانى يوم لقينا القفل بتاع البوابة متغير :( فى يوم رحت اعمل البتاع الى هوة وحدة صحية ولا مش عارف اية دة عشان اخرج يعنى بدرى فالمدير قالى انت مدفعتش المصاريف تقريبا كنت فى تانية ابتدائى او تالتة ياخبر على الى حصل انا مدفعتش فضييييييييييييييييييييحة قعدت اعيط لحد ما روحت تانى يوم احمد اخويا وبابا جم بجد بهدلو المدير لان انا كنت دافع وكدة المدرسة عندنا كانت متقسمة زى حزبين كدة المدير والشلة بتاعته الى واخدنها بالصدر والمدرسين المحترمين المهم انا ابن عمى مدرس عربى فى المدرسة وكنا قاعدين فى الفصل سمعنا زعيق جامد برة طلعنا لقينا اتنين مدرسين توأم بيضربو فى ابن عمى دة اعمل اية اعمل اية كان فصلنا فى الدور الارضى فمحمد قالى بص همسك ايدك وانت تنزل لحد ما تطول الارض وحلمى هيشدنى عشان منزلش انا معاك قلت لة طيب وفعلا نزلت كانت اول مرة اهرب رحت جرى على البيت انا اخويا جزار قلت لة الاستاذ محمود بيتخانق مع الاستاذ حسينى والاستاذ حسن وبيخر دم كان فاتح المحل قام منادى على ابنة وقالة خليك هنا واخد الشاطور وراح على المدرسة مسك الحسينى وحسن قال لهم ورونى بتضربوة ازاى بقى وكانت المدرسة كلها بتتفرج وانا اضحك اخويا بقى بيضرب الاستاذ معتش هيقدر يكلمنى :slap1qk6: وجت الشرطة وكان وقتها عمى لسة فى القسم بتاعنا المهم ظبط المحضر بتاع احمد وخرج ومحصلش اى حاجة جينا لـ 3 ابتدائى فى الامتحانات كانو المراقبين بيجو لينا من بلد الاسطورة يعرفها اسمها ميت مجاهد فالبلد دى لينا قرايب فيها وانا طبعا فاشل واصحابى افشل فبعتنا لقرايبنا اسماء المراقبين الى جاين وكانو بيظبطوهم اقسم بالله لحد النهاردة فيهم واحد اسمة الاستاذ طلعت بيقابلنى يقولى فاكر 3 ابتدائى هههههههههههههههه كانو بيجو يكتبو لينا والله فى الورقة المهم الحمد لله كنا بننجح جت فى 5 ابتدائى كان عندنا انجليزى ومدرس اسمة البحيرى بقى دا اسم دة :mad: ودى سبب عقدتى فى الانجليزى من البداية سالنى اسمك اية بالانجليزى معرفتش ارد كان معاة خرزانة كبيرة اوى ضربنى على كتفى جاب دم والله فبقولة والله لهقول لاخويا قالى ينعل ابوك لابو اخوك المهم سكت لما الحصة خلصت جية محمود ابن عمى كان عندنا عربى فحكيت لة وكانت ايدى بتجيب دم جامد وعاوزة تتخيط فاخدنى خرجنى رحت لاحمد كان القميص كلة دم فبيقولى اية دة قلت لة الاستاذ ضربنى قالى استاذ مين قلت لة البحيرى فاخدنى ورحنا للدكتور مكنتش محتاجة خياطة اوى ربطها وظبطها وبابا راح لاخو البحيرى دة لان باباة ميت اخوة قالة هوة مش هيجيبها لبر وكلمتة بيقل ادبة فى الكلام احمد اخويا كان واقف قالة طب لو دخل المدرسة تانى انا هدبحهولك :) وراح تانى يوم وقف دام المدرسة وطبعا مجاش تالت يوم جية واحمد جية بعدة اتقابلو فى الشارع كان احمد اخويا معاة الى شغال معاة المهم مسكو البحيرى دة خبطوة علقة صح ومن بعدها البحيرى دا انقطع اخبارة سافر السعودية باين واحنا اتنقلنا الاعدادى بقى كدة انا اكلمت بصفة عامة عن الطفولة كلها لحد الابتدائى لسة ليا رد او اتنين ان شاء الله ربنا يسهل الحال يارب معلش طولت عليكم والكلام مش مترتب بس والله انا مش مجهز الى كنت بفتكرة كنت بكتبة :) طفولة متشردة :stickjo4: تصبحو على خير |
حلوة اوى بس كويس انك فاكر حاجة من طفولتك انا بتهايالى فاقدة الذاكرة تقريبا:d:d
|
أحسن حاجة إنك في كل وقت عندك اللى يظبطك
لو ي المدرسة قريبك مدرس لو في خناقة اخوك موجود لو في محضر برده الظباط موجودين حتى في الامتحانات مظبطين التصحيح انت ايه اللى متظبطش معاك :d جميل بصراحة وانا متابع معاك |
حلوه قوي .. مكنتش متشرد قوي يعني .. :p طفل ابن ناس ..:p ههههههه كمل كمل .. وبعدين التعليق في الاخر .. :stickjo4: |
الموضوع فعلا هايل
انشاء الله يكمل على خير بفضل ربنا |
اقتباس:
متشرده ايه بس دي طفوله متبهدله :d كمل يامحمد متابعين :d |
اقتباس:
ههههههههههه نفس التعليق اللى كنت حقوله :d خير خير :d اقتباس:
مشرده ؟؟؟ بس ؟؟؟ المفروض تروح تكتبها مسرحيه بدل عصابات الشوارع و لا حاجه :d منظرين منتظرين حبدأ اخاف :d فى رعايه الله |
مواقف بقى كدة عالسريع بدون تريقة ماشى ؟ اول موقف فى يوم فى الحضانة انا ومحمد عملنا فيها رجالة بقى ومروحين لواحدنا فكان معانا لبان الى هوة عسل دة كان اول ما طلع فكان فية لبان احمر ولبان ازرق باين احنا الاتينن عاوزين الاحمر فهوة اخد الاحمر وجرى وانا جريت وراة احنا بنبقى ماشين جمب البيوت بعيد عن العربيات فهوة عدى وجرى وانا بعدى وراة بجرى خبط عربية من ورا مش هيا الى خبطتنى يعنى خبطها من الشنطة ههههههههههههه المهم كانت واحدة ست ورحنا المستشفى واتخيط وكدة طلعت مين بقى الست دى ؟؟ طلعت موجة باين على اما وصلت الابتدائى كانت اترقت حاجة اعلى المهم ظبطتنى اوى اوىفى الابتدائى :p وادى اول موقف ــــــــــــــ تانى موقف من يومى وانا جئر اوى ههههههههههه انا خالى كان عندة موتسيكل من الى هوة MZ التقيل دة كنت انا فى اولى ابتدائى وكنا فى مشوار انا وهوة وخلصنا فانا طلعت جرى ركبت قبلة :romarioxp6: قام الموتسيكل واقع بيا رجلى وايدى اتكسرو :006et4: ــــــــــــــ تالت موقف فى يوم فى تانية ابتدائى كان فية رحلة مش فاكر كانت فين المهم رحنا مكان غريب كدة فقلت للاستاذ عاوز اروح الحمام انا ومحمد وحلمى ودانا حمام كبييييييييييييييييييييير فية ابواب كتير اوى اوى فاحنا دخلنا من باب ولما خرجنا خرجنا من بابا تانى فكان فية باص شكل بتاعنا بالظبط ولقينا عيال بتركب طلعنا جرى ركبنا بعد ما كانو عدو الطلبة بتوعهم المهم الباص مشى بشوف المدرسين وكدة ملقتش ولا واحد اعرفة كنت انا ومحمد وحلمى قمنا معيطين :p قعدو يسالونا بقى انتم مين وجيتو منين والحوارات دى واحنا مش عارفين نرد فوديونا قسم شرطة وقعدو يسالونا واحنا نعيط ومش عارفين نرد من الخوف وكنا قاعدين مع الظابط كدة فهوة بيكلم مع واحد تانى فبيقولة نوديهم الاحداث لا مش عارف اية واحنا مش عارفين فبقول للعيال شكلهم هيودونا السجن فقمت قايم للظابط قلت لة عمو انا هقولك اسمنا وبابا منين لسة بقولة لقيت ابن عمى الاستاذ الى كان فى الرحلة داخل علينا فقلت لة هوة دة الاستاذ :p ومشينا بقى معاهم وقعدو يتريقو علينا طول الطريق فالمدير بيقولى انتم كدة بقيتو مشبوهين :p ودا كان اول مرة ادخل فيها قسم الشرطة ورجلى اخدت علية بعد كدة ههههههههههههههه ــــــــــــــ رابع موقف فى يوم كنت راكب مع احمد اخويا جمبة يعنى وهوة ساب العربية واخدة نقل ونزل يجيب سجاير من قدام المحل فانا كنت بشوفة يحط رجلة على البنزين كدة قمت قايم وحاطط ايدى على البنزين ومش حسيت ان العربية مشيت غير لما دخلت فى حيطة هههههههههههههههههه ولما روحت عملت فرح انا سوقت العربية :p ــــــــــــــ خامس موقف فى يوم فى الابتدائى عملنا خناقة كبيرة اوى فى رابعة ابتدائى وكانت خناقة بين مدرستين هما ضربو محمد وفتحو دماغه ومكنش بيجى المدرسة وتانى يوم قلنا لازم ناخد حقة ولما العيال جم كان كل واحد مننا معاة يجى 20 طوبة وضرب جامد فى المدرسة المدرسين نفسهم كانو خايفين يحجزو هههههههههههههه بطحنا 6 منهم واتبهدلو جامد ومدير المدرسة التانية بلغ عننا الشرطة كنا تقريبا 15 واحد ههههههههههههههههههه جية امين شرطة اخدنا ولما رحنا هناك فبيقولى انت اسمك اية قلت لة على فكرة انا عمى ظابط قالى انت بتهددنى وشتمنى ههههههههههههههههه 10 دقائق ولقيت عمى داخل طبعا وقف لة وعمل لة تعظيم ونظام فمكنتش بقول يا عمو بقول الاسم على طول من يومى متشرد ههههههههههههههههههه فأمين الشرطة بيقولى احترم نفسك يا ابن التيت فقلت لة انت لواحدك هههههههههههههه طبعا اتعصب جدا بس لما عرف ان عمى الى قدامة مكنش قادر ينطق وخرجنى ومن بعدها وانا حبيت القسم جدا بقى بينا عشرة ومودة كدة هههههههههههههههه ــــــــــــــ سادس موقف فى يوم فى المدرسة فى 3 ابتدائى باين كان عندنا مدرس صيانة عبيط جدا وبيشتغل سواق على عربية :romarioxp6: فكنا بنهبلة بجد فجية فى يوم وضربنى عشان مش كنت بجيب لة كشكول فشتمتة ههههههههههههه فكان الاستاذ محمود ابن عمى فى الفصل الى جمبى وسمع الزعيق وكدة فجية وهوة بيكتب مزكرة ومش عارف اية فقالة اكتب براحتك بس دة عمة رئيس مرور الدقهلية وانا عمى اصلا مش فى المرور هههههههههههههه لقيتة بيقولة يعنى هيعمل اية قالة اقل ما فيها هيسحب العربية منك :p قام مقطع الورقة وقالى بعد كدة خليك مؤدب ههههههههههههههههه ــــــــــــــ سابع موقف كان فية مدرسة رخمة بتجيى تقعد على التختة جمب العيال كدة وبتخلع الجزمة وبيبقى ريحتها وحشة اوى انا بقعد فى اخر تختة دايما يعنى هههههههههههههههههه كل مرة تعمل نفس الحركة المقرفة دى بتقلب ريحة الفصل فالعيال فى يوم زقو الجزمة وراهم والى وراهم زقوها لحد ما وصلتنى كنت انا ومحمد قاعدين وقاعدة قبلى بنت عمى فقمت حادف لها الجزمة بتاع الابلة قامت حادفاها ليا تانى فهيا شافتها بتحدفها فيا فبتقول لها انتى مش محترمة فقمت قايل لها ماشى ماشى وقمت شايل الجزمة وحادفها من الشباك هههههههههههههههه فقالت ليا من حقك :p فى اخر الحصة الابلة تدور على الجزمة بتاعتها مش لاقيها وروحت بفردة واحدة :039uw8: ــــــــــــــ تامن موقف كنا فى 5 ابتدائى عندنا فى الشئون ابلة طيبة جدا وطيبتها بتوصل لدرجة العبط هيا الى كانت بتاع الغياب فالغياب المفرود بيجيلنا كل يوم لحد الفصل فاليوم دة مجاش فالاستاذ طلعنى اجيبة كنت انا وحلمى فملقنهاش ولقينا ورق غياب كتير اوى فقلت لة هات واحدة ويلا بينا قالى واحدة بس قلت لة اة بتاع النهاردة قالى طيب ما نجيب اتنين عشان لو واحدة باظت قلت لة طب هات تلاتة عشان بكرة لو واحدة باظت قالى بص هنجيب شوية جاب بتاع 15 ورقة هههههههههههههههههه دى بقى الى عملتنا الهروب كنا نكتب الغياب اول حصة ونمشى ومحدش يتوقع بقى ان بتوع الابتدائى بيهربو ههههههههههههههههه ــــــــــــــ تاسع موقف فى 5 ابتدائى كنت تعبت وجالى انزارات فى البيت والكلام دة وخلاص مبقاش ليا تقريبا غير يومين واتفصل فكان فية فى الشئون واحد بيأخد رشوى وكدة فمحمود ابن عمى قالى اعطى لة علبة سجاير وهوة هيشيلك الغياب دة فأخدت لة علبة شيكولاتة بـ 15 جنية وعلبة سجاير المهم شال فعلا الغياب بعد الدراسة قابلت ابنة قلت لة ابوك عندة عشرين جنية لو مجبتهمش هقطعك هههههههههههههههه تالت يوم لقيت الواد جايب ليا العشرين جنية :p ــــــــــــــ عاشر موقف بقى والاخير دلوقتى هوة موقف غريب بس تخيلوة بقى كان الجدول بتاعنا وحش اوى فى يوم كان عندنا حصتين انجليزى ورا بعض وبتبقى خنيقة واسالة وضرب وقرف فنعمل اية جبنا بيضة وزهرة بتاع الهدوم ولمونة وماية وعلبة وقلبناهم على بعض لو حد يحب يجرب يبقى يقولى وسبناهم 4 دقائق فى علبة مقفولة ورشناهم فى زوايا الفصل وخرجنا بقى الاستاذ دخل اوف اوف اية دة فية حاجة ميتة هنا ولا اية هههههههههههههه ريحة بجد مقرفة فضنا طول اليوم منخدش حصص لحد ما الفصل اتمسح :p ــــــــــــــ كفاية عليكم كدة لو سمح الامر هاجى تانى سلام عليكم |
ايه يا ابنى ده انت كنت زعيم عصابات شيكاغو ولا ايه
ايه الطفوله اللى تفرح دى ههههههههههههه |
جميل اوى الموضوع ده
على فكرة ده مفيد للانسان نفسه كمان بيخرج كل الذكريات الى جواه انا متابع معاكم لو ما فيش مانع تقبلوا تحياتى ومرورى |
كل ده ومش عايز تريقة ماشى .. انا هاحاول اسكت :d |
هههههههه طفولة حلوة دي و المواقف جميلة محدش يتريق كلنا كده :d اقتباس:
مبروك الافراج يا لورد و هقدملكم البنوتة اللي معنا بكرة و بعد بكرة بس بليل إن شاء الله :) اقتباس:
هههههههه نو كومينت :d اقتباس:
حصلت مرة معايا بس ربنا ستر جت بسيطة عمود و رصيف اكسر بس :d اقتباس:
:d |
ههههههههههههههههههههه
عسل عسل عسل .. ايه يا ابني ده .. قال وانا اللي بقوللك طفل مش متشرد قوي .. لا خلاص رجعت في كلامي .. انت صح .. طفــــــــــــــــــــــــــوله مشرده .. ربنا يكرمك .. |
اقتباس:
ربنا يخليكى والله انا جبت كباية شاى فى اول يوم وقعدت اعصر فى دماغى لحد ما افتكرت هههههههههههههه لا والله لو افتكرتى موقف واحد هتفتكرى كل حاجة ان شاء الله بجد موضوع متميز بعد ما بتكتب بتحس براحة نفسية رهيبة هههههههههههه انا والله كنت بكتب وانا بضحك شكرا على رايك وعلى المرور فى رعاية الله اقتباس:
يا صباح النق ياعم بانزر:slap1qk6: هههههههههههههه هيا الدنيا اية يابانزر غير شوية تظبيط فوق بعض :d وبينى وبينك لو متظبطش هتطحن فى المجتمع دة وربنا فلازم نظبط ياعم الحاج :d عقبالك كدة ما تظبط فى قسم شرطة ولا حاجة :d مرمورك هوة الاجمل يابانزر الا انت اسمك اية ياعم مش بحب اقول القاب :slap1qk6: شكرا ياريس على رايط وعلى المرور فى رعاية الله |
اقتباس:
ههههههههههههههه حلوة طفل ابن ناس دى عقبالك ياختى وهقولك كنتى طفلة بنتى ناس هههههههههههههه منا كملت خلاص :p سعيد بجد بمرورك يا اميرة وفرحان والله ان الطفولة المنيلة دى عجبتك شكرا يا حاجة اميرة على المرور فى رعاية الله |
اقتباس:
فعلا فعلا هوة هايل مش انا اول واحد فية :d لازم يكون هايل دا حتى المنتدى تبع شركة هايل :d ان شاء الله ياباشا شكرا على المرور يارب الطفولة تكون عجبتك فى رعاية الله |
اقتباس:
ههههههههههههههه حاسس انك بتقولى كمل يا متشرد متابعين :d يارب تكون عجبتك يا ايمان شكرا على مرورك يا ايمان بجد سعيد بوجودك عقبال ما مرمورة تجيب رجلك كدة ونتريق بردة :slap1qk6: :d فى رعاية الله |
اقتباس:
ههههههههههههههه منا بكتب فى مسرحية حاليا :d هأخدك فيها مش هنساكى متقلقيش :d وهتخافى كمان يا ساتر يارب انا متشرد للدرجادى :d شكرا لمرورك يا ولاء ربنا يكرمك يارب فى رعاية الله |
اقتباس:
ههههههههههههههه طب بزمتك ودينك تصدقى فيا كدة ؟:d دا انا غلبان يا نهال وانا اقول نهال اختى وهيا الى هنتصفنى على الناس دى كلها طلعتى انتى الى بتسخنيهم ماشى ماشى يا نهال :d عقبال ما نسمع طفولتك مع انى متوقعها :d نورتى الموضوع يا حاجة نهال بجد سعيد بمرورك والله فى رعاية الله |
اقتباس:
الله يكرمك يا منى انتى الوحيدة الى متريقتيش :( لا بجد حاسة بيا الله يكرم اصلك يا منى يارب عاجبك شوية الشحاتة دول :d شكرا لمرورك يا منى نورتى فكرتك وموضوع مرمورة :d فى رعاية الله |
اقتباس:
طبعا جميل يا فندم مش انا اول حلقة :d اه والله معاك حق انا فعلا حسيت براحة كبيرة لما اكلمت شكرا يافندم على مرورك على طفولتى المتواضعة جزاك الله خيرا فى رعاية الله |
يـــــــــــــــــــــــــــــــــــــــــــأااااا ااااااااااااااااااااااااااااااه ه :o:o:o دا حضرتك أكتر طفل متشرد شفته فى حياتى ههههههههههههههههههه :d:d معقولة فى اطفال بالشكل ده :(:( دا أنا على كده كنت ملاك من السما :006et4::006et4::006et4: لا بجد قصص رائعه عن الطفولة تصلح قصة فيلم : ( حياة طفل مشرد ) :av4056bb7jp3::av4056bb7jp3: |
اقتباس:
اية دة مرمورة بنفسيتها هنا :d لا بجد نورتى الموضوع صاحبة الموضوع هتفرح جدا انك هنا :d لا بجد شكرا لمرورك يا مرمورة نورتى الموضوع تابعى الموضوع دا بقى :d فى رعاية الله |
اقتباس:
ههههههههههههههههه اخص عليكى يا اميرة بقى انا متشرد يا اميرة :( مكنتش اتخيل كدة ابتا ابتا :( ههههههههههههههههههه نورتى الموضوع بجد يا اميرة والله ربنا يكرمك ويحميكى يارب فى رعاية الله |
اقتباس:
ههههههههههههههه اية يا جماعة دة بقى انا متشرد اوى كدة :( ماشى ماشى تتردلكم عما قريب :d بجد شكرا لحضرتك على المرور نورت يافندم الموضوع بتاع مرمورة :d فى رعاية الله |
اقتباس:
جاري شد ايمان :d مافيش حد عندنا يقول لأ كله هييجي :d اقتباس:
على أساس إنه موضوع واحدة جارتنا و هاجي أتابعه :d اقتباس:
لونت الكلمة عشان تاخد بالك تفصلها في الكتابة بعد كده :) شكراً لمرورك الرائع نورت الموضوع و يا رب تستمتع بيه و إن شاء الله معانا في أقرب وقت بردو :stickjo4: اقتباس:
أكيد مافيش مانع نورت الموضوع يا محمد و إن شاء الله بردو نجيبك معانا :stickjo4: ~ & ~ & ~ & ~ نعلن عن البنوتة و لا نستنى شوية يللا عشانن خاطركم بس هقول بس بعد شوية :d ~ & ~ & ~ & ~ شكراً لمروركم جميعاً و أي حد يدخل الموضوع هنستضيفه :d في أمان الله :) |
لا بجد طفولة روعة
أنا بحب الحاجات اللي كده بحب العيال اللي تبقى مشردة بس اهم حاجة تكون نضيفة لو نضيفة خلاص مش مشكلة التشرد طفولتك حلوة اوى |
السلام عليكم أولا
ثانيا أحب اقول ان الموضوع ده جميل قوي وان شاء الله متبعاكم بس جيت متأخره وذكريات جميله يا أستاذ محمد وطفوله مشرفه....... تحياتي |
السلام عليكم ~ & ~ & ~ & ~ كيفكم؟ شلونكم؟ مش هطول عليكم النهارده (( النهارده لأن الساعة عدت 12 لولا كده كان هيبقى امبارح قصدي بكرة شوفوا الدقة :d )) هنستضيف عضوة جميلة مشرفة باين على ما أذكر :d ذكية فيها صفات مشتركة بيني و بينها كتيير أل إيه كانوا بيقولو عليها لمضة لا عاش و لا كان اللي يقول على حد كده غيري :d البنوتة الكميلة تي في ثنة أوى تب :006et4: معانا ميت مرة أقولكو انزلو وراكو حاجة :d معانا Rymonda :av4056bb7jp3: منورانا يا ميرو و مستنيينك :blush: |
و الله جميل اوى الموضوع وهايقرب بين الاعضاء جدا.... لورد محمد لك تحياتى....:cool: ايه ده مستر اكس فى صغره .....:d هوا انت طلعت فى فيلم احترس من اللورد... اللى هوا تانى جزء من احترس من الخُط.....:d بجد انا عجبتنى جدا و بجد طفولة جاااااااامدة توووت.....:friendsxs3: انتا من الرايحين و عقبالكوا يا جايين... :049gc0: |
بسم الله الرحمن الرحيم ازيكو يا جدعان :) اخباراتكم ايه ؟ طبعاً عرفتوا ان انا اللي هبقى معاكم النهارده ان شاء الله احم ربنا يستر .. ومنتفضحش :blush: اولا كده انا مش هحكي طفولته حكاية متصله عشان الناس اللي بتقول شبه قصة عضو انا هتكلم عن مواقف منفصله .. عشان الملل بس :bosyht9: وكمان عشان هو دا تقريبا اساس الموضوع خلينا نبدا ونقول بسم الله الرحمن الرحيم :) *وانا جنين قصدي وانا جنينه :006et4:.. كنت جنين شقي جدا وبتحرك كتير جدا لدرجة انهم فكروا ان اللي جوه ده ولد (جوه فين ؟؟) احم احم طول الوقت بضرب في بطن الغلبانه ماما .. المهم العيله كلها كانت في انتظار محمد .. ولكن لحسن الحظ محمد اتحول لاميره .. وجيت انا ..يوم 1/6/1992 *من يومي وانا طفله شرسه:049gc0:..ومبهدله اختي الكبيره معايا .. فاكره اني كنت بغير منها جدا .. على الرغم ان العكس اللي المفروض يحصل ..كنت لازم البس زيها بالظبط .. ولو زيها ومش نفس اللون .. النار تشتغل بقى.:stickjo4:.ولازم زيها تبيكال .. (عيله غيوره ورخمه):angry2: احم .. انا بس اللي اقول :blush: *كان عندي نظريه في اكل ال****اك .. اكل معلقه وبعدين اقوم ارقص بالمعلقه شويه .. (هطل هطل).. وبعدين اكمل وكده بقى لحد ما الطبق يخلص ..:006et4: *لما كبرت شويه كان عندي هوايه غريبه جدا .. كانت ماما طبعا تصحى بدري وتجهز كل حاجه عشان كل واحد هيروح على شغله بقى .. ومن الحاجات اللي بتجزها الست ماما (المكوه ) .. بتحطها تسخن .. وطبعا فضول الاطفال حاجه اخر غباء .. روحت للمكوه وضحكتلها وضحكتلي ..:) ومسكتها .. وعلى رجلي .. (وصوتي ياللي منتيش غرمانه) :blink: ..صوت لحد اول الشارع:o وروحنا المستوصف بقى وكان في ممرضه زي العسل مكنتش راضيه اسيبها وامشي .. وهي كمان قاعده تلعب في شعري وبتاع واخر دلع ..:wub: المهم ظبطولي الحرق ولبسوني شراب ساقع كده وجميل وبيزغزغ ..ههههه وخفيت الحمد لله .. لكن غباء الاطفال المره دي خلاني اعمل نفس الحركه بس في الرجل التانيه ..(جت عليها يعني؟؟)..غباء غباء:huh: مش عارفه بقى دي غلطة ماما ولا ايه .. ماهي اللي بتحط المكوه في متناول يداي ..:d وحرقت نفسي كذا مره مش مره ولا مرتين ..لحد ما الدكتور كان فاكرهم هما اللي بيعذبوني بالمكوه ..هههههههههه نلتقــــــــــــي بعد الفاصل ! |
مواقف ولا اروع وبتقولى عليا متشرد :d دا انتى هتشوفى منى ايام :slap1qk6: هعلق لما تخلصى كملى كملى ربنا معاكى يا بنتى متنسيش الموز بلبن عشان يجيب من المعاميع على طول:d |
ههههههههه تحفة تحفة كملي :d ربنا يعينا نبقى نتريق بعد الفاصل ياختي :d |
| جميع الأوقات بتوقيت GMT +2. الساعة الآن 08:42 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.