|
سؤال لطلبة الطب البشري (شامل لطلبة اولى وما بعدها)
السلام عليكم ورحمة الله وبركاته انا عندي سؤال محيرني ومش عارف اجابة عنه وممكن تكونوا انتم يا طلبة الطب نفسكم مش عارفين الاجابة السؤال هو ليه عايز كلية الطب او ليه دخلت كلية الطب ؟ الاجابات في التصويت طبعا مش هحط الاجابة المعتادة علشان اعالج المرضى لأن ده مش االسبب الاساسي للاغلبية واغلبنا بيخفى السبب الاساسي ورا السبب ده ياريت اللي يصوت يقول اجابته ليه |
بسم اللخ والصلاة والسلام على رسول الله وبعد
اولا انا اخوكم فى الله احمد نهائى طب القاهره وكنت اول المنطقه فى الثانويه انا هكلمكم بصراحه رغم اعتراض الكثيرين لانى انا نفسى عشت هذه التجربه اكثر من 90 فى الميه من طلبة كلية الطب داخلين استخسار مجموع او علشان يتقال عليه دكتور وده راجع لاسباب اهمها عقده لدى الشعب المصرى انه هناك كليات قمه وكليات قاع وكل راجل وست فى مصر نفسهم ابنهم يطالع دكتور علشان يمنظر ويقول انا ابو الدكتور مايهموش بقى ابنه ده ممكن تكون ميوله وابداعاته مخالفه تماما لكارير الطب مش مهم المهم المنظره والفشخره وعلشان كده بنتخلف اكثر واكثر لو كل واحد فينا دخل المجال اللى بيحبه واكرر بيحبه هتشوفوا مصر دى هتكون عامله ازاى لو كل واحد فينا دخل المجال اللى بيحبه هيبدع فيه ولو قابلته صعوبات هيصبر ويتحمل ويكفيه انه بيحب المجال وانا خير مثال انا كنت كويس جدا فى الاحياء وكنت كويس جدا فى الرياضه ولكن اختيارى السيىء الذى مازلت ادفع فى ثمنه حتى الان دخلنى الطب ووجدت عدم تاقلم غير طبيعى وكانى والكليه قضيبى قطار متلازمين ولكن مع استحاله تقاربهما فنصيحه لكل واحد حفظله كلمتين وفاكر ان الثانويه العامه مقياس وحفظه للاحياء مقياس والله الذى لا اله غيره الموضوع فى الكليه غير ما انتم متصورين الكليه قصة تانيه وحشو وصم غير طبيعى لدرجه والله يا اخوه انا كانت بتيجى عليا ايام كنت علشان دماغى ماتصديش اجيب كتب ومراجع فى الرياضه (المجال الذى احبه) علشان احل كام مساله افك بيهم العبط والصم والخبل اللى فى الكتب صدقونى وساعتها لا قدر الله لو فشلت المصيبه هتبقى مصيبتين اول مصيبه انك فشلت تانى مصيبه انك بتكره المجال او مش متلائم معاه وبالتالى خسرت الجلد والسئط يعنى لو فى مجال بتحبه وسئطت ممكن حبك للمجال يعوضك الفشل انما تخيل فشل مع كره حاله كرب صدقونى وعموما نصيحه اللى بينفع فى كليه الطب عموما خريجى الاى جى لان عندهم قدره ماشاء على الفهم والتحليل ماشاء الله مش الحفظ والصم بتاع المدارس الحكومى ولو كان والدك دكتور او دكتوره صصدقونى مافيش احسن ليهم من كليه الطب اللى الطالب الغلبان هياخده فى شهر ابن الدكتور هيشربوا بمعلقه دهب فى اسبوع وبتبقى ولاد الدكاتره فى سنه تانيه او تالته وبيعملوا عمليات المصران وغيرها اخيرا نصيحه لوجه الله خشوا اللى انتم كويسين وهتبدعوا اوعى تسمعوا كلام اهليكم كونوا الشخص المناسب فى المكان المناسب ولا تكونوا انمعه ان قامت قمتم وان قعدت قعدتم والسلام عليكم |
اقتباس:
|
يا جماعة لوسمحتم اختاروا بصراحة لأن انا متوقعش ان 72% من طلبة الطب عندهم ميول طبية او حتى نسبة
قريبة منها لأن لو كانت النسبة دي صح تبقى مصر بلد الاطباء واللي مش لاقي اجابته يختار اخر ويقول ايه اجابته واللي اختار اجابة ياريت يكتب وجهة نظره ونناقشه فيها |
بسم الله الرحمن الرحيم
معك محمد مرعي ثانية طب ان هناك اسباب كثيرة 1-انت لو رحت وشفت حد من المقربين لك مكان اللي مرضان علي السرير اىة هيكون شعورك!!!!!!!!!!! 2-لو لك اخ او قريب يشكو من مرض عجز عنة الطب اية شعورك!!!!!!!!!!!!!!!!!!!! 3-لو انت كثير الذنوب ومن منا ليس كثير الذنوب وخرج من عندك عيان بيدعيلك من قلبة اية شعورك!!!!!!!!!! انا لو قعدت اقول لك لماذا لمل خلصنا حتي الصباح ولكن خذها نصيحة اتق الله واجعل نيتك خيرة ************************************************** ************************************************** * هناك من دخل الطب ليقال طبيب ولكن اراهنك انة بيفشل في النهاية واذا نظرت تقديراتة لا يعدى جيد او جيد جدا ************************************************** ************************************************** * اما مندخل من اجل المال انا هحكيلك الحال: 1-دكتور الباطنة عندنا بيعطي الدرس بحوالي 8000جنية في السنة لو قانا ان نصف الدفعة بىاخذ معاة شوف يطلعلة كام في السنة اللهم لا حسد ولكن اذا كنت طبيبا حقا ستعلم عندها لماذا دخلت طب |
السلام عليكم انا إن شاء الله داخلة أولى وانا متفقة مع محمد مرعى وبجد فى ناس كتير بتفكر كده بس احنا مش بنقابلبهم وكمان احنا ليه عاملين كل الهوجة دى يعنى عمرنا ما قلنا لحد ليه دخلت تجارة ولا هندسة يا جماعة الكلية دى زيها زى غيرها والكل ممكن ينجح فيهامش مقتصرة على اولاد الدكاترة لان معظم الدكاترة الكويسين مكنش ابوهم دكتور وبخصوص الستطلاع عادى جدا اما افكر فى الماديات لانها طبيعية اه يعنى لما احلم بعيادة او اكون مشهور ما المهندس بيحلم بالشغل والمهية الكبيرة ولا الطبيب محروم طالما بيؤدى دوره المهنى وبيراعى ربنا اصل مينفعش يبقى دكتور ومش لاقى ياكل اما حكاية التكليف هيتلغى وممكن متلاقيش شغل فالارزاق بايد ربنا ما التجارة بيخرج منها الوفات وممكن ميلاقوش شغل ومع ذلك بيدخلها كتير وفى ناس بتلاقى شغل وبالنسبة ليا انا مكنش عندى ميول طبية نهائى ومن صغرى بحب الرياضة لحد تانية ثانوى مع انى كنت بذاكرها كتير الا انى لقتنى مش ماشية فيها ودخلت احياء وبردوا مكنتش بحبها وخصوصا النبات بس كنت ماشية فيها عادىوحكاية انى افتح العيادة واكسب فلوش والناس تقولى يا دكتورة فاكيد بحلم زى اى حد بس دا لسه بدرى ربنا يدينا العمر ونكمل وبعد كده ابقى افكر فيها بس انا نفسى ادخل الكلية علشان اخش قسم اورام او امراض الكبد لالن الناس بتعانى بجد منها ولما بتلاقى حد عيان بجد بيبقى شعور فظيع وعلى حكاية السنين فانا مش ورايا حاجة وكفاية ان انا كل سنة دراسة ومخلصة النية لله باخد ثواب
|
بسم الله الرحمن الرحيم اولا : انا فى تانية طب القاهرةردى هيكون باللون الازرق اقتباس:
اقتباس:
اقتباس:
اقتباس:
اقتباس:
واى استفسار انا موجود :039uw8: والسلام عليكم :078111rg3: |
في ايه يا دكاترة هو انا غلطت فيكم ولا ايه
كل واحد داخل يا ميردش ، يا يرد وكأنه هيضربني وبالذات الدكتور ميدو والدكتورة ولاء (مستقبلا ان شاء الله) براحة شوية يا جماعة ده نقاش مش اكتر يعني بس مش ملاحظ يا دكتور ميدو انك عديت المشاركة رقم 3 من غير ما ترد عليها ياريت اي حد يقوللي رأيه لأني مش عارف اعمل ايه |
السلام عليكم ورحمة الله وبركاتة
اقتباس:
|
الي بيموت في الرياضيات ويدخل طب علشان والده كدة
يبقى ضيع على نفسه الابداع في مجال كان ممكن يبدع فيه والله اعلم والده ممكن يعمله ايه |
اقتباس:
|
بجد انا مختش بالى
هقولك هى اكيد بتتوقف على حالة الاب اذا كان الاب متفهم ويقبل الحوار فاكيد هيبقى سهل اقناعة اما اذا كان غير كدا فالنتائج ممكن تقنعة ههههه اكييييييييييييييد ربنا معاه وقدر محتوم لأ مش لدرجة السقوط يعني تعرف ان انا اللي نفسي ادخل الطب ووالدي الدكتور اللي مش عايز وبيقولي ادخل حاجة تانية ويقولي الطب مشواره طويل ومتعب والكلام اللي انت اكيد عارفه ده انا بحب الرياضةو برده بحب اوي العلوم كلها الاحياء والفيزيا والكيميا وكده يعني والطب فيها كل ده انت متخيل اني كاره الطب .؟؟؟؟ بالعكس انا طول عمري نفسي في الطب بس اليومين دول محتار بس علشان بختار الرغبات وكده وكنت طالع الاول على المملكة في اولمبياد الرياضيات والحمد لله وكده يعني الحوار والاقناع وبعدين الواحد فى السن دا بيبقى راجل ويتحمل مسئولية اختياراته عندك حق انا في الآخر اللي هاتحمل مسئولية اختياري وانا الحمد لله اخترت طب المنصورة ومستني النتيجة |
مع احترامي لكل اللي ردوا
الاول انا داخلة اعدادي صيدلة ان شاء الله ودخلاها بمزاجي الحمد لله مش عشان المجموع اكيد في طلبة داخلين طب حبا في مهنة الطب بس الاغلبية داخلين لاسباب تانية لان واحنا في ثانوية عامة كان معظم زميلي بيقولوا انهم مش عايزين كلية معينة وان لما يبقى ييجي المجموع يبقى يحددوا هما حيدخلوا ايه وكانوا شايفين ان ده عين العقل عشان ميتعلقوش بكلية وبعدين ما يلحقوهاش فيزعلوا ومعظم اصحابي اللي داخلين طب لاما داخلينها مستخسرين المجموع لاما داخلينها منظرة انهم دخلوا اعلى كلية في التنسيق حتى كنت لما اقول لحد منهم اني دخلت صيدلة يقعودوا يقولولي مدخلتيش طب ليه ؟ طب مثلا شايفة طب طويل فكري في طب اسنان طب هما مامتك وباباكي موافقين الزاي انك تدخلي صيدلة؟(ماما طبيبة وبابا استاذ في كلية طب) الكل بيعملني اني عملت جريمة لما دخلت صيدلة ليه واحدة صحبتي كانت قاعدة تقول انها عايزة طب اسنان طول السنة بتقول كده وقعدت تقول انها حتدخل طب اسنان وحتبقي تدرب في العيادة عند با باها ولما جابت مجموع طب دخلت طب وليه واحدة تانية كانت عايزة صيدلة لكن لما جابت مجموع طب دخلت طب برضه استخسار المجموع يعني وفي واحد قريبنا كان نفسه يدخل اعلام بس دخل طب عشان يثبت ان مجموعه يدخلوه اعلى كلية وفي ناس داخلين طب عشان يبقوا مع اصحابهم في الكلية وفي كتيييييييير غيرهم بيفكروا نفس التفكير انا مش بقول ان كل اللي داخلين طب داخلين للاسباب دي بس بقول ان في ناس كتير داخلين عشان كده اما بقى علي حتة الفهم اللي في طب فاللي اعرفهم في طب بيقولولي هوه محتاج فهم بس اغلبيته محتاجة حفظ وصم جامد ان مدخلتش طب فالله اعلم اذا كان كلامهم صح وله غلط والكلام ده مش بس على طب ده في كل الكليات يعني في ناس داخلين صيدلة معايا برغم انهم مابيحبوش الكيمياء علشان ما لحقوش غيرها وبيقولوا اهم يبقوا لحقوا كلية طبية وخلاص |
السلام عليكم . . . حلو السؤال وكتير الصراحة بتسأله بس بقول اي اجابة عشان الواحد يقدر يعدي الموقف . . احكيلك يا سيدي شابتر من حياتي .... تيرارا . وانا داخلة ثانوية عامة كنت حاطة قدامي هدف واحد بس وهوه هندسة ولا غناء عنها :slap1qk6: . . وحاولت اقنع اهلى مرارا وتكرارا وفرارا ولكن النتيجة ما دائما تنتهي بالفششششل . لحد ما في مرة عملنا استخارة واقتنعوا بالفكرة والاستخارة قفلت الطريق الي هندسة ... :( .. كملت يا سيدي علمى علوم وانا بحاول احط اي هدف بديل . . لحد ما لقيت نفسي في حاجة واحدة بس هيه الطب بالرغم من اني مابقبلش الاحياء . . بس فكرت في حاجة اننا داخلة طب عشان اساعد ناس معينة يمكن انا عشت ظروفهم وهما المرضي النفسيين . . حسيت بان الطب مش بس واحد جايب مجموع عالي ومستخسر . ولا هوه صم صم عشان تعدي . لا اتضحلي انه مهنة سامية سيبك من الكلام الكبير ده المهم انه حاجة هتعيشك مشاكل الناس يمكن تقدر تعمللهم حاجة .. ... لان كتير الواحد بيتحط في مواقف ويبقى محتاج يسمع لو حرف يريحه . . عشان كده الاستفتاء اللي حضرتك عامله معلش ظالم لان فيه ناس صدقني ليهم هدف بجد انهم يخشوها |
انا داخلة اولى طب دخلت الكلية عشان بحب اعرف يعنى نفسى افهم ايه اللى بيحصل بالظبط ف جسم الانسان ولكن اللى بجد بيقلقنى لما اسمع منكم ان الكلية صم لانى كان عندى امل اخلص من جو الحفظ اللى عيشناه في ث ع وكمان كان نفسى اقابل دكاترة ممتازين يساعدونى ابقى دكتورة تماام مش اى كلااااام انا داخلة بنية انى اعمل حاجة بجد مختلفة مش تقليدية بس اكيد محتاج مساعدة من كل من يعشق الطب وانا مستعدة لافناء حياتى فى سبيل الطبولكم منى جزيل الشكر
|
اقتباس:
اولا الف مبروك وربنا يوفقك في الكلية الله ينور عليكي انا علشان كده عملت الموضوع ده علشان اعرف الاسباب الحقيقية بس برده في بعض الناس مش عاوزة تقول وبتقول كنت بحب الاحياء في ثانوي والمشكلة ان نسبتهم حاجة وخمسين مش عارف ازاي لأن زي ما قلتي فعلا عدد قليل هو اللي داخل الطب حبا في المهنة او في الدراسة بالنسبة لحتة الفهم دي انا اكتشفت مؤخرا ان الطب للفهم بس مش في مصر هنا في مصر الواحد بيحفظ علشان يخلص ويعدي السنة انما مش عايز يفهم ايه اللي بيتقال شكرا على ردك |
اقتباس:
|
اقتباس:
اللي بقوله انا عاوز الكلية عشان كده يقولي انت مجنون يقولك العلم ملوش قيمة في البلد دي والكلام ده بس انا متفائل :d ده الرد اللي انا لسه كاتبه فوق دلوقتي "بالنسبة لحتة الفهم دي انا اكتشفت مؤخرا ان الطب للفهم بس مش في مصر هنا في مصر الواحد بيحفظ علشان يخلص ويعدي السنة انما مش عايز يفهم ايه اللي بيتقال " اللي عايز يفهم يجيب مراجع ويدور لغاية ما يفهم الدكاترة الممتازين موجودين والحمد لله بس لو عاوزة تعليم صح يبقى طب من الأربعة دول"المنصورة- القاهرة-عين شمس -اسكندرية" شكرا على ردك |
بصراحة انا دخلة طب حبا في الكليه دي
انا من اولى ثانوي وانا بحب الاحياء موووووووووووووووووووت وحابة اني أتميز في المجال ده |
اولا انا استخسرت المجموع ده غير ان العيادة جاهزة وانا اصلاكنت حابة اني اعرف المعلومات اللي الدكاترة عارفينها
اما اني اعالج قرايبي او كده فمحدش بيثق ف دكاترة صغيرين دلوقتي وان شاء الله ناوية اسخر العلم ده للخير والكشف هيبى ف حدود 15 جنيه لكن ف النهاية هي مش فارقة طب من غيرها كله هيقعد ف الشارع والعيادة محتاجالها 10 سنين لما تبدا تشتغل كويس وبعدين توسع علومك وفيها صحبة كويسة |
مفيش شغلانة للبنات احسن من طبيبة
كفاية انها بتبقى ستر لنساء المسلمين بس المشكلة ف الناس اللي مبيثقوش ف الدكاترة الصغيرين |
على فكرة انا جبت مجموع طب ودخلت صيدلة وماستخسرتش!!!
|
اصل اناكريمة وياترى الدكاترة تبع جامعة ايه؟؟؟؟؟؟
|
اقتباس:
|
انا كنت اسنان بس حولت طب وبصراحه لسببين
اولا عشان خاطر بابا اللي بحاول ارد ليه ولو جزء بسيط من تعبه عشانا ثانيا نفسي اعمل حاجه في مجال الاورام لانها اخدت اعز الناس ليا |
اما بقي جبت 409.5 علمي علوم ودخلن خقوق انجليزي والمدرسين بتوعي كانوا زعلانين وناس كتير يس انا صممت ودخلت اولي خقوق e القاهره
|
اولا لانى من ضغري وانا اعشق هذا المجال واود ان اكون طبيبا
ثانيا ارضاء لولدي ووالدتي ثالثا لان الله يامرنا بان نفعل اقصي ما في وسعنا لانقاذ المرضي واداء الواجب |
انا بصراحةدخلت الطب عشان حاجات كتير اولا اني بحب الاحياء والعلوم من صغري وخسارهاني اجيب المجموع ده وادخل اي حاجة تانية (انا كان نفسي ادخل صيدله جدا بس النصيب والعيلة حكموا عليا)
|
اعمل حكم القوى انا ماكنتش عايز احياء من اساسه
مالها بترول يعنى ولا جوية تفكير قديم صحيح ................... |
ااانا فى سنة تانية طب وبصراحه فى الاول وانا فى ثانوى كنت بحب الرياضه جدا وبكره الاحياء بس كنت بحلم ابقى دكتوره ،بعد نتيجة التنسيق ماظهرت فرحت بس بسرعة اتحولت للنقيض تماما وكرهت الكلية من قبل ما اروحها وفعلا حاولت كتير انى آخد قرار التحويل لاى كلية خارج المجموعه الطبيه بس ماقدرتش لان من جوايا كنت بحبها قبل كدة وكملت فيها واقتنعت انها حاله نفسيه حصلتلى وهتروح وفعلا ياجماعه بعد اجازة اولى رجعت احبها من تانى وكانى كنت محتاجة فاصل مابين المرحلتين
|
انا عن نفسى فى تانية ثانوى ونفسى ادخل طب ادعولى
|
اقتباس:
|
الطب...حلم حياتى
شكرا دكتور تيمو على التشجيع:028ja7:...كلية الطب هى حلم حياتى مهما ان كانت صعبة...انا بحب الاحياء جدا...وكل الدكاترة اللى ابدعوا فى مجال الطب زادوا عنى وعنك ايه غير شوية ارادة وتصميم وعمل وجهد :049gc0:..ادعيلى بس...وربنا معايا ومعاك ومعانا كلنا ان شاء الله...ويكافئ على مجتهد ..
|
صراحة استسرت المجموع انا لغاية دلوقتى ماحبيتهاش لكن عندى امل نظرت تتغير بس اكيد مش هيبقى للفلوس
|
اقتباس:
ربنا معاكي وتدخلي طب ............ ومش شرط ان اللي هيحب الاحياء هيحب الطب |
بصرة
ههههههههههههههههههههههههههههه
مع احترامي للجميع عادي يا جماعه take it easy بصرة انا برضو بموت في هندسه و عايزة ادخلها بس انتو خلاص بقى عارفين ليه ؟؟؟ الحمد لله مش انا لوحدي الي هدخل طب :abdoog8: |
بصراحة أنا شايفة نفسى ما أنفعشى غير فى كليتين اتنين بس
يا طب يا اداب انجلش صحيح الفرق كبير بس هو انا كده وربنا كرمنا وجبت مجموع كويس ودخلت طب القاهرة وبعدها حسيت ان ده المكان المناسب ليا وماشية فيها والحمد لله كويس وبجمع بسرعة رغم انى معندوش القدرة على المذاكرة كتير زى أغلب صحابى اللى بيذاكروا بالعشر ساعات وأكتر بالإضافة انى عندى عامل مهم جدا بيساعدنى كتير أوى بابا وما دكاترة أصلا ودى مسهلا عليا العملية تقريبا بسنبة 90 فى المية بالإضافة الى انى دخلت الميدان العملى من وأنا لسه فى أولى وبقيت بروح العيادة مع ماما وأحيانا مع بابا وخصوصا فى الأجازة |
علشان نفسي ابقي دكتور
|
انابقى لابابادكتور ولا ماما دكتورة ومن صغرى وجواياالحلم انى ابقى دكتورة ناجحةيثق الناس فيا ويقدروني ويمكن اللى اداني امل اكتر هو جدى فقبل ان ينطق الشهادتين عند موته وكان عندى وقتها سنة وثلاثة شهور تقريبااخبر والدي بانى ساكون دكتورة واننا سنتزكره بمقولته وسبحان الله ان طول سنوات دراستى انا الاولي علي مدرستى ويمكن حلمى دخول الطب هو رغبتي في مساعدة الناس دون النظر الى العائد المادى .وعلي فكرة انا لسه طالبة في تانية ثانوي وكنت قاعدة منتظرة النتيجةوقلت ادخل اعرف شوية عن حلمي واتمنى انكوا تقبلونى صديقة ليكوا.وادعولي ربنا يوفقني ويوفقكوا ونسمع انكوا افضل دكاترة
يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا رب |
علشان بحب اكتب روشتات
|
على فكرة كلية الطب دى كلية حقيرة دراسيا وكل اللى فيها انك تحفظ وبس انا لما دخلتها كان نفسى ادرس مادة علمية صح لانى مدمن علم ماكنتش اعرف ان كل اللى فيها علم قديم وممل وانى كان لازم امشى ورا ميولى واخد رياضة من الاول بس انا كنت واخدها عند فى 3 ثانوى علشان كنت جايب فى 2 مجموع قليل 95 بس كلام حق انا ندمت عليها لانى ملاقتيش فيها اللى بدور عليه
|
طب سوري ياجماعه انا عاوزه نتيجة توزيع التكليف ياريت اي حد عنده خلفيه او عنده الجواب يقولي وانا مستنيه ردودكوا
|
انا مش عارفة اقول اية انا طالبة فى اولى ثانوى مدرس اللاياضة بتاع بيقولى ياعببقرينو لانى دائما عندى ايمان ان لاى مسالة حل ومدرس الفيزيا مسمينى بسكويتة لانى بحسة بالمسائل واعرف هى عايزة ايه وانا عايزة ادخل هندسة ولكن عندما وجدت المرض يفقدنى اشخاص اعزاء علية قررت انى اهزمه لذلك قررت اقتحام بيته وان اتفوق علية وقررت التفوق فى هذا المجال لان مجال الحياة
مجال الحياة |
انا هدخل كلية الطب علشان انا اريد ذلك
|
اللي بيدخلوا طب يأما ناس عشان دي كلية قمة و الممنوع مرغوب و عشان يبقا حاجة كبيرة و اسمه دكتور يأما عشان يبقا مستقبله كويس و مضمون (خصوصا ف ظروف البلد دي) و يعمل خير ^_^
الناس اللي بتدخل الطب عشان الشكل و المنظر بتتعب ف الكلية خصوصا لو كانوا م النوع اللي بيحفظ كتير ف الثانوي بس نص اللي بيدخلوا طب بيبقوا عايزين يضمنوا مستقبلهم (لأن الطبيعي ان الدكتور ف الشريحة الاولي م المرتبات زي ما بيبطالبوا)و بيبقوا عارفين ان الدكتور من ادواره انه بيعمل عمل انساني و بياخد عليه ثواب (^_^) هتقولي طيب اومال ليه بلدنا علي كدا مش بلد الاطباء هقولك عشان الواحد لما بيدخل الكلية ..بيئة الكلية بتغيره ....و تلاقي الواحد اللي كان داخل طب عشان يحقق هدف لمستقبله او ان دماغه حلو ف المواد الطبية اكتر م المواد التانية او عشان اكتر دي مهنة انسانية ..الواحد يبقا واحد تاني لأن نظام التعليم في مصر بيقضي علي اي موهبة كويسة او اي تشغيل دماغ... مصر مفهاش اطباء كتير لأن نظام التدريس ف الكليات يعتمد ع الحفظ وليس الذكاء انا دخلت الطب ارضاءا لأبي و أمي و كنت بحب المواد العلمية و عشان المهنة دي من اقدم المهن علي الارض و لها مميزات و ثواب بس ليها عيوب واضرار لو الواحد استهتر ف شغله It is the function of doctors to delay the death of people as possible |
انا مش بحب الأحياء اوى بس مش عارف ادخل ايه ناس كتير بتقولى مش شرط صلى استخارة واكتب طب عين شمس وناس تقولى صيدلة انا الأثنين معرفش عنهم حاجة انا مش قادر احدد بس المجتمع والناس بتقولى متضيعش طب منك وانا مش عارف كل الأسباب انا متفق عليها مثل الثواب والكلام الحلو ده بس يكون موجود فى كا الكليات انا اميل لصيداة لأنها 5 سنين فقط بينما طب 7+دراسة لن تنتهى الموضوع حيرنى كتير انا مش عارف احدد يا ريت حد يساعدنى كان دائما استاذ الأحياء يقول لنا بكرة تبقوا دكاترة شاطرين هل ده ممكن يكون فعلا انا مش عارف ولكن يمكن الحل الوحيد هو صلاة الأستخارة لو حد عنه راى انا ممكن اسمع وانتصح
|
انا الصراحة جايب 99.6 ومش عاوز ادخل طب عشان انا مبحبهاش اصلا بس دخلت علمى علوم قهر وتسلط الله يسامحهم بقى هههههههههه دلوقتى نفسى ادخل كلية علوم جامعة القاهرة بس فى حرب عندى فى البيت بسبب الموضوع ده هههههههه
|
خسارة اجيب مجموع طب واسيبها
و عندي ميول طبية بس كنت مش بحب الاحياء اوى في ثانوي و علشان بتعين اول ما تخرج |
خساره اجيب مجموع طب واسيبها طبعاً |
خسارة أجيب طب واسيبها
|
| جميع الأوقات بتوقيت GMT +2. الساعة الآن 01:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.