تجمع مهندسين البرمجيات الجدد ..
 

بسم الله الرحمن الرحيم

اولآ يا جماعة بنرحب بكل الشباب اللى دخلوا معانا حاسبات ومعلومات السنة دى
انا اخوكم محمود حاسبات ومعلومات المنصورة

عايزين اول حاجة يا جماعة نبدأ هنا تجمع ونحصر الناس اللى دخلت حاسبات السنة دى
اللى معانا ف المنتدى

وكل واحد يقول هو دخل حاسبات فين

وان شاء الله ها ابدأ انزلكم معلومات عن الكلية
ولو فى اى استفسارت متواجد معاكم باذن الله

يلا يا باشمهندسين

أنا أحمد وداخل معاك إن شاء الله حاسبات ومعلومات المنصورة

وإن شاء هتواصل معاك على الإيميل قريب ونتعرف على بعض

انا احمد
داخل حاسبات حلوان
ممكن اعرف هيا مصاريفها في حدود كام

الكلية ها تنور يا فندم
وليا الشرف طبعآ منتظر اضافة حضرتك

اهلآ بيك معانا يا باشمهندس
حضرتك مصاريف الكلية بسيطة جدآ يعنى مصاريف حاسبات المنصورة حوالى 175 جنيه
يعنى حاجات بسيطة

اخوك اسماعيل رجب حاسبات المنوفية ان شاء الله

ممكن اعرف ايه المواد الي بتدرس فيها و ملخص عن التخصصات الي فيها

معلش يا كبيرنا سؤال رفيع انا من كفر الزيات انهى حاسبات اقرب ليا علما انى مجموعى يجيب اى حاسبات ماعدا بنها كما ان بطاقة الترشيح جاتلى على حاسبات المنوفية السؤال دلوقتى انهى حاسبات اقرب ليا و انا ساكن فى الغربية بكفر الزيات ارجو الرد يا كبير المهندسين

شوف انت بتدرس ف سنة اولى
فيزياء
ورياضة
ودوائر منطقية
وعلوم حاسب
ولغة
وتكنولوجيا معلومات
ونظم معلومات
برمجة اكيد
يعنى ملخص كده
بعد كده بقى فى شبكات ومعالجة صور وكومبيلر ومواد كتير
الاقسام بتختلف من جامعة لجامعة وتقدر تعرفها من موقع الكلية بتاعك

والله يا باشا اظن ان المنوفية اقرب ليك فعلآ
دى حاجة سهلة تقدر تسأل فيها اى حد يعنى :d
ربنا يكرمك يا باشا

انا ان شاء الله معاكم
حاسبات الزقازيق

أهلآ وسهلآ بيك معانا يا باشمهندس

انا عبدالله و دخلت حاسبات و معلومات عين شمس

أهلآ بيك يا عبد الله وبكل باشمهندسين حاسبات عين شمس

اهلا انا محمود نصار دخلت حلوان وعاوز احول شبين انا من المنوفيه

أهلا بيكى وبكل حاسبات عين شمس

تسلم يا غالي على الفكرة الجميلة ..
وانا اخوكم عبدالله حاسبات حلوان ان شاء الله
وكنت محتاج اعرف شروط التدقيم والاوراق المطلوبة ..
عدد ايام ف الاسبوع ...
المواد في السنة الاولى ...
وسوؤال عام كنت عاوز اعرف ايه الفرق بين انتظام وانتساب ....
وشكرا ليك مقدما

انا اسراء جاتلى حاسبات الزقازيق و ان شاء الله هحول المنصورة ادعولى يقبل التحويل

انا ريهام جاتلى حاسبات بنها ممكن اعرف اىحاجة عنها مميزاتها وشكلها وغيره

اهلآ بيك يا عبد الله
شوف التقديم بيبقى عايز شهادة النجاح وبطاقة الترشيح و8 صور وبطاقة شخصية وشهادة ميلاد اصلية
عدد ايام الدراسة بيبقى 5
المواد بقى بتختلف من كلية لكلية زى ما انا قولت

ومافيش حضرتك ف حاسبات انتظام وانتساب لان حاسبات كلية عملية زى هندسة وطب وصيدلة
مافيش فيها انتساب

أهلآ بيكى يا اسراء
ان شاء الله ها تيجى وتنورى حاسبات المنصورة
مش تقلقى التحويل ها يتقبل بعون الله
وابقى طمنينا

اهلآ بيكى معانا ف حاسبات
شوفى بنها اللى اعرفه عنها انها صغيرة ف العدد
اصغر عدد طلبة حاسبات
السنة اللى فاتت كان فيها 50 باين

أنا فاطمة حاسبات عين شمس ان شاء الله

انا بردوا معاكو حاسبات وملومات المنصورة
ويريت حد يقلي بندرس مواد ايه في اولي
انا قدمت ودفعت المصروفات هي 180.65 بسيطة

انا أحمد دخلت حاسبات المنصورة

أهلأ بيكم يا باشمهندسين معانا

انا احمد دخلت حاسبات الزقازيق ومحول المنصورة

سلام عليكم
انا حاسبات حلوان و الحمد لله

بس انا عايز استفسار لاشياء مهمة

اولاً : في اشاعات بتقول ان جامعة حلوان دي مش معترف بيها في الخارج ... فهل الكلام دا صحيح ؟
ثانياً : في قسم في جامعة حلوان خاص اسمه هندسة البرمجيات ... طبعاً هو بفلوس , المشكلة مش في الفلوس , المشكلة في الدرجة العلمية , هى الجامعة بتقول انه قسم مميز و من افضل الاقسام و ماشي على النظام الاوروبي و في جامعات اوروبية بتدعم النظام ده و القسم ده مش موجود غير في جامعة حلوان و بس ..... الكلام ده جميل زائد انهم قالوا ان انا باخد بكالوريوس حاسبات قسم هندسة برمجيات ... لكن في ناس بتقول انك بتاخد بكالوريوس علوم حاسب مش هندسة برمجيات , و على حسب علمي ان في فرق ما بين هندسة برمجيات و علوم حاسب , لان علوم حاسب بيبقى مبرمج , و هندسة برمجيات بيبقى مهندس البرمجة ككل ... اما في علوم الحاسب فبيبقى مبرمج في مجال الكمبيوتر فقط ....
الكلام ده فعلاً صحيح ؟ هل ح اخد بكالوريوس علوم حاسب ؟
علشان بس مادفعش على الفاضي


و رمضان كريم

انا جالي حاسبات الزقازيق و عايز اعرف الدراسة بالعربي ولا بالانجليزى

انا قدمت فى الزقازيق بعد ما اترفض تحويلى

لو حد يعرف المواد اللى بيشتلوها المحولين من الزقازيق للمنصورة ......لان فى ناس قالو ا بيشتالوا 9 مواد و حاسة انهم بيأفوروا

اهلا بيكوا يا بشمهندسين
والله كان نفسي ابقى معاكوا
حاسبات دى كانت كليه احلامى من زمان
وانا دخلت رياضه 2 مخصوص علشان ادخل حاسبات
بس لما جه المجموع كبير وبسبب اللى حوليا دخلت هندسه
حكم القوى :slap1qk6:
بس الحمد لله على كل حال
محدش عارف الخير فييين
ربنا معاكوا ويوفقوا

السلام عليكم
انا الحمد لله دخلت حاسبات الزقازيق
يارييت لو حد يعرف ايه نشاط الieee فى حاسبات الزقازيق يقولى
ولو كانوا بيشتركوا فى مسابقه الروبوكون ولا لأ ؟
وشكرااااااا

حضرتك أصلآ لسا فى فرصة التحويل الورقى مش عن طريق النت
انا كنت زيك واترفض تحويلى وحولت بالملف الورقى
ياريت تسألى ف الموضوع ده

بالنسبة لموضوع الزقازيق ها اسأل وارد عليكى

انت داخل حامى قوى كده ليه
عايز تشترك ف روبوكون مرة واحدة كده
طيب بس ادخل الكلية انت وظبط نفسك وبعدين ابقى دور على الحاجات دى

هو ايه ال ieee ده ؟؟؟؟

استنوني وانا كمان حاسبات الزقازيق وليا استفسار هي الدورات بتبقي مهمه اصل الكليه عامله دوره مع المصاريف فمش عارف اخدها من الجامعه ولا من مكان خارجي افضل

احمد اولى حاسبات عين شمس

مشكلتنا هنا في مصر أن أولياء الأمور بيبصوا للكلية كأنها كلية جيمس ورسوم متحركة وميعرفوش أنه مجال البرمجيات وتكنولوجيا المعلومات من أخطر وأهم المجالات في وقتنا الحالي وأن كل الصناعات وكل المجالات بقه معتمد عليه أعتماد كبييييير جدا .
فعلى فكره مشكلتنا من زمان قلة المعلومات وقلة القراءة وده شأن أي مجتمع متأخر ومليئ بالسلبيات. ثانيا بالنسبة لمجال هندسة البرمجيات لو أي أحد قرأ عن software engineering لضحك على الكلام الي الناس الي بيقولوه دلوقتي بقه الأعتماد على البرمجيات أو السوفت وير أصبح كبير بصورة لا يتخيلها أحد وأصبح ينفق عليه المليارات ودخل بقوة جدا في المجالات الحساسة وأصبح تجاهله مستحيل وذلك ليس من يومين بس بل منذ نصف قرن تقريبا بس أحنا متخرين شوية زغيرن وربنا يوفقنا وعلى فكرة قد يؤدي سوء تصميم أو خطا في السوفت وير إلى كارثة كبيرة من الناحية البشرية أو المادية ممكن بسبب السوفت يصطدم الطائرات ببعضها أو قد يؤدي إلى زهق أروح كثيرة لذلك أصبحت التكلفة في البرمجيات كبيرة ومهمة وعلى فكرة الناس كلها لازم تقرأ وحتى تشوف الكتب المترجمة إذا أحبوا ان يقرأوا بالعربي ويا ريت أي حد يستهون أو مهواش عارف قيمة هذا المجال أو يقول أنه مجال تكميلي ليس أكثر يقرأ قبل أن يقول أي شي لأن كفى بالمرء كذبا أن يتحدث بكل ما سمع كما هو معروف من الحكم القديمة وعلى فكرة كل من دخل كلية الحاسبات والمعلومات هنيأ لك الكلية وإن شاء الله هتلقي في الكلية أشياء لا تدرك معناها إلا إذا فقدتها أو شوفت أي كلية تانية وعلى فكرة أنت أهم وأفضل من تخرج من الجامعات المصرية وأنا أرى أن الكلية الي أنت فيها احسن من طب والهندسة التقليدية لأنك تدرس هندسة وتكنولوجيا غير تقليديين بإعتراف جميع دول العالم المتقدم

إن لم تخرج كلية الحاسبات والمعلومات مهندسين إذن لا يوجد هندسة في مصر
 

أحب أرد على الأخ الي بيقول أن علوم الحاسب معناه أنك مبرمج فهذا الكلام غير صحيح بالمرة لأن خريج كلية الحاسبات والمعلمومات قسم علوم حاسب من أهم الأقسام ولا غنى عنه فهو يعتبر مهندس برمجيات لأنه يدرس كورسات هندسة البرمجيات ولأن فيه فرق بينه وبين القسم التاني بإن الي بيغلب على علوم حاسب دراسة المترجمات وأنظمة التشغيل والأسيمبلي والكمبيوتر أركتيكشر وغيره من العلوم الأساسية التي تساعده في أن يعمل في أنظمة كتير مختلفة لكن والله أعلم في القسم الجديد وهو هندسة البرمجيات أشياء أكثر عمقا في هندسة البرمجيات وأكثر عددا من الكورسات الخاصة بهندسة البرمجيات لأن كلا المجالين يتكونون من مجموعة علوم هائلة جدا وليس علم واحد ولا حد لهذه العلوم وعلى فكرة من الناحية العلمية والنظرية كلا القسمين قريبين جدا من بعض ولا يوجد من هو أفضل من الأخر وعايز أعرفك بس الفرق بين العلمين ببساطة وليس لنا علاقة الان باللقب لأن أي حد خريج كلية الحاسبات والعلمومات يعتبر مهندس رغما عن أنف أي أحد وأقول ذلك ليس عصبية ولكن إذا رجعنا لأصول تعريف كلمة مهندس لرأينا أقرب الناس في مصر لهذا اللقب هم خريجين كلية الحاسبات والعلمومات والعاملين في هذا المجال لأسباب كثيرة لا يتسع الوقت الأن للإجابة عليها ولكن أتحدث في هذا الموضوع في وقت لاحق والموضوع ده مش معناه ان انا بدافع عن الكلية لان الكلية مش محتاجة حد يدافع عنها ولكن انا أتحدث من الناحية العلمية وأيضا من الناجية العملية حيث أنا أعمل في المجال ده منذ سنوات كبيرة وأنا خريج كلية الحاسبات والمعلومات قسم الأي تي ولكن دعني أذكر لك الفرق سريعا تمام فأنا أنقل كلام أحد الكتاب المشهورين الذين يكتبون في السوفت وير إنجينيرينج فهو يقول الأتي:
Essentially, computer science is concerned with the theories and methods that underlie computers and software systems, whereas software engineering is concerned with the practical problems of producing software. Some knowledge of computer science is (essential for software engineers in the same way that some knowledge of physics IS essential for electrical engineers.
Ideally, all of software engineering should be underpinned by theories of computer science, but in reality this IS not the case. Software engineers must often use ad hoc approaches to developing the software. Elegant theories of computer science cannot always be applied to real, complex problems that require a software solution.
وهذا الكلام من الناحية النظرية ومن المكن خريح أحد الأقسام يعمل في أي منهما هذا في مصر وخارج مصر وعلى فكرة من معرفتي بقسم علوم الحاسب رغم انني كنت بقسم تكنولوجيا المعلومات أرى أن كورسات علوم الحاسب قاوية جدا جدا ولا غنى عنها حتى تكون مهندس برمجيات محترم والمهم أننا نقرا ونتعلم ونفيد بلادنا ومجتمعنا وهذه العلوم كلها من الاهمية بمكان وقد أكون قد نسيت بعض كورسات علوم الحاسب المهمه ولكن أنا في الأخر إنسان وأسأل كذالك عن كورسات الأقسام الأخرى والفرق ما بينها وأهم شي لازم تتنك طول عمرك عايز تتعلم وتنسى أنك خريج قسم أيه أو أنت لقبك أهم حد سيبك من كلام أي حد وارميه ورا دهرك وأبتدي تتعلم بجدية وإن شاء الله ربنا هيوفقك وإن شاء الله استبشر خير فأنا من واقع العمل أقولك أنت أفضل واحد في مصر من ناحية فرض العمل والمرتبات أيضا والمستوى الإجتماعي وذلك كله إذا تعبت وأديت الي عليك وكنت طموح وفوق كل ده علقتك بربنا كويسة وأخلاقك جميلة والسلام.

انا حاسبات حلوان ودفعت مصاريف 242.5 وعلى فكرة الكلية جميلة جدا

السلام عليكم
انا بجد يا جماعه كان نفسي اساعد كل طلبة حاسبات في كل الجامعات لكن للأسف معنديش معلومات كافية اوي
وبرده عشان مضحكش عليك كل اللي اعرفه ان في مواد اساسية ومشتركه في كل الجامعات
ذي رياضة فيزياء برمجة والله اعلم
على فكره يا جماعة انا في سنة تانية حاسبات ومعلومات جامعة عين شمس
لوفي اي حد محتاج مساعده او اي معلومات من طلبة عين شمس
وده الايميل بتاعي على الياهو
mohamed_salam1990
وربنا معاكوا

الكلية جميلة اصدك من حيث الشكل ولا الدراسة؟

الكليه جميله من حيث الشكل والدراسه كمان أنا مستجد ف حاسبات ومعلومات حلوان وبالرغم إنى م المنصوره وكان ممكن أحول بس أنا فضلت حلوان وده مش معناه طبعا إن المنصوره مش قويه بالعكس المنصوره من أقوى الجامعات ف مصر لكن أنا إرتحت ف الكليه دى وإن شاء الله بفكر ف القسم الجديد اللى هو هندسة برمجيات اللى إتفتح جديد ف الكليه السنه دى وبالمناسبه عاوز آخد رأيكم ف الموضوع ده .. وشكرا جزيلا

أخـوكم عبـداللـه محـول مـن هنـدسة لحـآسبـآت الـزقـآزيـق

أهلا بيك يا بشمهندس
سور يعنى لو فيها تطفل
ممكن أعرف سبب تحويلك إيه
وطبعا لو ملكش رغبه براحتك
جزاك الله خير

انا احمد من المنصوره وانا فى حاسبات حلوان وربنا معانا وبجد هيا جامعه متطوره وجميله جدا

يعـم تـطفـل إيـه بـس
أنـآ إيـزى خـآلـص الفـرق بـس فــ إنـى عـآيـز أدرس حـآجـه تفيـدنـى عمـليـآ وفكـريـآ
أولآ الهـندسـه انا جبت مجموعها بس عشان اثبت للى حوليا حاجات كتير كانو فاهمينها غلط عنى لانى مذاكرتش غير اخر 15 يوم
ثانيا انا جبت الهندسة عشان ارضي اهلى بس ومكونتش عايزهم يفهمو انى عايز حاسبات عشان مش قادر اجيب مجموع هندسة لانهم مفكرنى مهمل ومكسل اذاكر
ثالثا الحاسبات انا عندى ليها خلفية اكبر من خلفيتي عن الهندسة
رابعا معاهد التكنولوجيا اللى بتدى بكالريوس هندسة بقت زى عربيات الفول دلوقتى
يعني ايه انا ابقي معايا بكالريوس هندسة وانا جايب ف الثانوي 96 وواحد جايب 62 ومعاه بردو بكالريوس من نفس الجامعة او من جامعة احسن كمان
هيقولو شغل ده مش زى شغل ده بس اللى هيدفع ف المعهد هيدفع عشان يشتغل وشغلانة احسن من اللى هشتغلها كمان
يعني كدا كدا هتساوى بيه او هو هيبقي احسن منى ف حاجات

بس يا عم الحج
هى دى قصة حياتى

وأنا كمان أحمد من المنصوره وأنا ف حاسبات حلوان
لتكون أنا وأنا مش واخد بالى
أهلا بيك يا بشمهندس