مين دخل سياحة وفنادق
الف الف مليون مبروك لطلبة السياحة والفنادق الجدد ويلاا بقى عاوزين نشوف نشاطكم فى الحياة الجامعية بشكل عام وياريت اللى دخل سياحة وفنادق السنة دى يقول لنا وكمان يعرفنا هو ناوى على ايه يلااااا مين دخل سياحة وفنادق انا عاوز طلبة معايا فى الاسماعيلية :av4056bb7jp3: |
حلواااااااااااااان الحمد لله
|
انا دخلت سياحة وفنادق فيوم
وناوي قسم ارشاد ايه رايك ؟؟؟ :d |
وانا كمان سياحه وفنادق الفيوووم :d:d
حظنا وقعنا ولدين فى بعض :d |
انا دخلت سياحة وفنادق المنصورة
وناوى على قسم دراسات سياحية |
الف مبروك ليكم جميعا
ولدين ولدين مش هتفرق دلوقتى لسا الايام جاية الف مبروك يا سوسو قلتلك متخافيشى ومتقلقيش من حكاية العبايات دى وعقبال الانترفيو |
انا لو سمحتوا جاتلى تجاره بنها وانا مستنى التنسيق الداخلى بتاع تجاره انجلش فى شهر 9 فلو مجتليش ممكن احول سياحه وفنادق حلوان قسم ارشاد سياحى
انا مجموعى 362 وهى واخده من 361.5 يعنى جايبها على نصف درجه المهم فرصه التحويل مفتوحه لحد امتى؟ |
ولا يهمك
اقتباس:
بس مش هتكون عن طريق الانترنت هتاخد ورقك وتروح للشئون فى الكلية وهما هيخلصوا الورق مفيش مشاكل:022yb4: |
اقتباس:
انت منين بقى انا من حلوان يعني اتبعت :d انت من الفيوم ولا اتبعت زيي انا سجلت ايميلك ابقى كلمني |
ههههههههه
الله عليكم ايه اللذاذة اللى انتوا فيها دى بتعملوا جروب من دلوقتى ربنا يوفقكم |
شوفت بقي
انت ايه رايك صحيح لو قدمت تحويل لحلوان ممكن اتقبل من ال10 % ولا ايه :d |
ايوة اكيد ان شاء الله
بس التحويل بيكون من جامعة القاهرة يعنى فيه اوراق بتخلص من جامعة القاهرة ومتقلقش |
يعني اقدم طلب تحويل ولو اتقبلت يبقى اروح القاهرةاخلص ورق صح ولا بحول من هناك اصلا
صحيح شكرا على العملات لو تعرف تجبلنا العواصم وبقيت الحجات اللي ممكن نتسال فيها يبقى كده تمام اوي |
انت بتروح لمكتب التنسيق فى القاهرة وهما بيعرفوك كل حاجة
وصدقنى هتحول مفيش ادنى مشاكل فى موضوع التحويل ده انا ليا واحد صاحبى حول من علوم اسيوط لعلوم الزقازيق يعنى زيك بالظبط متقلقش بقى تانى وحط فى بطنك كلية سياحة وفنادق |
هههههههههه اوك يا صاحبي
تعبتك معايا يا كبير شكرا اوي |
اقتباس:
احنا كنا اكتر من كده وكنا مطلعين عين الناس معانا كمان |
انا دخلتها جامعة حلوان وناوية ان شاء الله قسم ارشاد ربنا يسهل
|
انا دخلت كلية سياحه وفنادق الفيوم
وكنت عايزه اعرف ازاى ممكن احول لحلوان ومجموع حلوان 462.5 وانا مجموعى 248يعنى ممكن احول ولا لا |
بالنسبة ليكي يا ريهام في تحويل 10% لمنع الاغتراب للكليات المتناظرة
يعني قدمي وممكن تتقبلي انا ممكن احول بردو بس الناس بتقولي الدراسة في حلوان صعبة مش عارف بفكر اقعدهناك وخلاص |
وعلى فكرة انا روحت الجامعة لسه التقديم مش دلوقتي عشان الكشوفات ماجتش
وده رقم الجامعة تتصلوا وهم يقولوكوا اذا جه ولا لا 0846352181 وعلى فكرة الجامعة جامدة اخر حاجة ونضيفة ودي صورتها سياحة وفنادق فيوم http://photos-b.ak.fbcdn.net/hphotos..._5429018_n.jpg |
هى حلوان صعبة بس فعلا هى اجمد كلية
وبعدين سياحة وفنادق الاسماعيلية هى مقر الاتحاد النوعى لكليات السياحة والفنادق فى الشرق الاوسط احنا لنا وضعنا برده ومليون المية هتحولى مفيش مشاكل |
معلومة اخيرة هيحتاجوا في التقديم
استمارة نجاح الثانوية الاصل شهادة ميلاد كمبيوتر 6 صور استمارة 2 جند للولاد بطاقة ترشيح 242 جنيه و 100 جنيه انتر فيو ده في الاول وبعد كده اسالوا على المصاريف و السكن |
انت داخل حامى اوى
احنا كنا 50 جنيىه انتر فيو |
ههههههه اي خدمة قولت اهمل منظر :d
كل حاجة في البلد دي بتغلي انا مجموعي جايب الاسماعيلية لو عايزني اجيلك ولا حاجة :d |
اقتباس:
انا عارف ان انت مجموعك جايب الاسماعيلية هى واخدة اقل مجموع بس تعالى معايا وانا هعيشك حياتك :022yb4: لا ياعم خليك فى بلدك احسن وبلاش الغربة وربنا يوفقك |
انا اساسا من حلوان :d
شوفت البعتة دي اه صحيح هوالاحسن الواحد ياخدها عربي ولا انجليزي |
انا من رايى تاخدها عربى
وعلى فكرة لازم تاخد خبرة من وانت فى الكلية وصدقنى لو اخدت الخبرة دى مع شوية كورسات وتظبط نفسك هتطلع تشتغل فى اى مكان |
واخدها ازاي الخبرة دي :d
|
الخبرة بقى ياعمنا بتكون اثناء الاجازة فترة التدريب حاول تدرب طول فترة الاجازة
وبعدين فيه مراكز متخصصة بتدى دورات جامدة اوى وعلى فكرة سياحة وفنادق حلواااااان فيها كل ده ومتوفر فيها ومدعمة كمان انا ليا اصحابى هناك وبياخدو الكورسات فى الجامعة اانا بجد يارتنى كنت فى حلواااااااان اصبر بس لما تدخل وانت هتظبط بس حاول مضيعش من وقت 4 سنين مش كتير ابتدى من اولى ومتعملش زينا |
اوك يا صاحبي
انا هقوم افطر بقى :d عشان انزل الجيم سلام |
اقتباس:
على فكرة انت لذيذ اوى ياريت نكون اصحاب وانا كمان خارج رايح اجيب مغامرات شرم من واحد صاحبى علشان انزلها على الجهاز سلاااام ياصاحبى سى يو |
انا فى كلية سياحة قسم ارشاد
وبجد بنصح اللى ناوى يجتهد وعاوز مجال كويس وبيحب اللغات اكيد يدخل ارشاد هو احسن قسم فى السياحة والفنادق كلها هو الارشاد هو صعب شوية وفى مواد رخمة زى الهيروغليفى بس بجد قسم جامد ان شاء الله تدخلو وبالتوفيق ان شاء الله |
اقتباس:
هو ليه اخدها عربي مع ان في انجليزي وهينفعني في الشغل اكتر الاجابة لاني مش هفهم حاجة :d طبعا يا صاحبي هو انا اطول اصل انا قصير :d 170 بس خلاص انا بعتلك ايميلي على الخاص |
انا جالى سياحة وفنادق حلوان بس المصاريف عالية للارشاد حوالى 3750 حنيه
|
ياريت حد يرد ويدينتى رايه
واعمل ايه |
انت كنت معلق نفسك اوي كده بالارشاد
معلشي انا والله العظيم كنت ناوية ارشاد بس برضه لقيت المصاريف عاليه كفاية اللي ابويا كعوا في الثانوية وبعدت عن الاحباط ده وفكرت في قسم تاني ولقيت سياحة انسب قسم ليا شوف المواضيع االتانية اللي هنا عن الاقسام التانية اللي عاملها اسلام وشريف وان شاء الله هتغير رأيك وتقتنع بيها |
انا جاتلى سياحة وفنادق حلوان وناوية على دراسات سياحية انشاء الله
|
اقتباس:
|
[quote=treka_100;1457775]وعلى فكرة انا روحت الجامعة لسه التقديم مش دلوقتي عشان الكشوفات ماجتش
http://www.fayoum.edu.eg/Tourism/ ده موقع الكليه وانا اتصلت بيهم يوم الثلاثاء وكلمت شئون الطلبه وقالى الكشوفات بالاسماء هتيجى يوم الخميس واتصلى يوم الخميس او الاحد عشان تعرفى ميعاد الانترفيو واتصلت يوم الخميس متاخر الساعه 12 ماردوش وهتصل ان شاء الله يوم الاحد بدرىواقولكم قالولى ايه |
اوك ثانكس يا ريهام انا كمان هبقى اتصل بيهم
هو انتي من هناك ولا زي من هنا وروحتي هناك :d |
انا جاتلى سياحة وفنادق حلوان وبفكر ادخل قسم ارشاد او احول تجارة انجلش القاهرة
|
اهى دى الحيرة بعد الثانوية
بجد لازم تحدد انت عاوز ايه وناوى على ايه واحلامك وخططك متخليش الوقت يسرقك او تاخد قرار تندم عليه بعد كده شوف انت عاوز ايه |
يا سلام هو ده الكلام
يعني واحد زيي انا من حلوان وجاتلي سياحة وفنادق الفيوم مع ان مجموعي يدخلني تجارة انجلش حلوان بس انا حابب دراسة السياحة وفنادق ونفسي اكون............ مرشد في القسم :d خلي بالك من نفسك :d يعني كل الموضوع اعمل ما تحب لكي تحب ما تعمل |
اه صحيح
احنا في الفيوم في سنة اولي هناخد لغة تانية بفكر اخد صيني ولا ايه رايك :d |
انا كنت عايزة اعرف يا جماعة هي الكلية هي المسؤلة عن التدريب الصيفي ده يعني هي اللي بتودينا الشركات والمناطق السياحية والفنادق وكده ولا دي مننا احنا
انا ان شاء الله ناوية علي دراسات سياحية |
اقتباس:
اما الجامعات التانية عادى فى تدريب برضو يعنى مثلا انا بسمع عن ناس كتير من قسم فنادق بيتدربو فى الصيف فى شرم الشيخ او فى فنادق من مصر بس بتبقى صغيرة شوية اما قسم الدراسات السياحية بتتدربى فى اى شركة سياحة او وكالة سفر او شركة طيران والكلية ممكن تبعتك لشركات فى الصيف تتدربى فيها بس ده حسب امكانيات كل كلية او ممكن هيا تساعدك فى الموضوع ده بتوصبة منهم او ممكن تسيبلك الامر كله انك تختارى الشركة اللى انتى عايزاها وتتدربى فيها بس سهل تلاقى شركة سياحة تتدربى فيها دورى بس وانتى هتلاقى يعنى مثلا انا بتدرب فى شركة سياحة من وانا فى سنة تانية بس الشركة الصراحة مش قد كده وكمان لما روحتلهم اتفقوا معايا انى اتدرب وماخدش ولا مليم على سبيل اكتساب الخبرة يعنى وكمان ان انا لسه فى كلية وكده بس الخبرة دى بتفيد بعد التخرج جامد فى الشغل . |
اقتباس:
لغة تانية صينى كويسة اوى على فكرة لان النمور الاسيوية ابتدت تغزو سوق السياحة بس ياريت تاخد ايطالى او روسى دلوقتى وبعد كده ان شاء الله تاخد تايلاندى:039uw8: |
انا دخلت سياحه وفنادق حلوان
بس محتارة فى الاقسام اوى لو ممكن حد مخلص يقولى اى معلومه عن قسم سياحه عربى هل ينفع اخد كورسات بعد كده ؟ ولو ينفع هتكون معتمده من الجامعه ولا لا ولا ادخل ارشاد احسن؟ |
اولا الف الف مبروك
وكمان الف مبروك لانك فى افضل كلية سياحة وفنادق وهى حلوان بالنسبة لقسم دراسات سياحية ده قسم جميل اوى ومناسب للبنات جدا بتدرسى فيه ادارة الشركات السياحية ووكالات السفر وكمان المراسلات واقتصاديات السياحة والتخطيط والتنمية ومجالات تانية كتيييير بياهلك للعمل فى سوق السياحة قسم الدراسات السياحية بياهل الطالب او الطالبة للعمل فى شركات السياحة وشركات الطيران كموظف لحجز التذاكر وايضا كوكيل سياحى وموظف بيع رحلات وايضا الطالبة ممكن تشتغل فى خطوط الطيران كمضيفة وايضا يشترط اللغة فى ذلك والحصول على كورس اماديسو وجاليلو وللعلم شركات الطيران المصرية بتعمل بنظام جاليلو. اما بالنسبة لللكورسات فاطمنى انتى فى حلوان يعنى كل حاجة موجودة بصراحة الكلية مش مخلية الطلبة عاوزين حاجة هناك والكورسات بتكون معتمدة من اكثر من جهة مش الجامعة فقط ثم انتى كفاية انك بتخرجى 4 سنوات خبرة بحصولك على بكالوريوس السياحة والفنادق بس لازم التدريب فى فترة الاجازة لاكتساب الخبرة وايضا اخذ كورسات لغة وicdl وتنمية بشرية انتى هتعرفى كل حاجة لما تدخلى الكلية وهتعرفى الدورات كمان ثم ان كفاية ان فيه فندق بيشرف على التدريب فى حلوان وشركات سياحة ايضا بصراحة هى دى معلوماتى لانى انا قسم فنادق وفى الاسماعيلية ياريت لو اى حد فى دراسات سياحية وعنده معلومات يكتيها ويعرفنا |
الانترفيو
الانترفيو فى الفيوم يوم 12\8:( بس لازم الناس اللى فى الفيوم يقدموا قبل الانترفيو
|
جميع الأوقات بتوقيت GMT +2. الساعة الآن 02:03 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.