|
الان وفقط اعرف الكليه التى ستدخلها من هنا وبسسسس
السلام عليكم ورحمه الله وبركاته
الى كل طلاب الثانويه العامه ياريت معدش حد يبص على كلام الجرايد لاننا بجد زهقنا والله ويوم يفرحونا ويوم ينكدونا وكل عيل او فراش يقول كلمتين مجرد توقع للتنسيق ويعمل قلبان فى البلد وهو ميعرفش حاجه فى البطاطا اصلاً فياريت يا جماعه نهدى اعصابنا شويه واللى عاوز يعرف الكليه اللى هيدخلها يعرفها من الكلام اللى هقوله ده وبس دلوقتى جابوا فى الجرنال ان اعداد المقبولين فى كليات الطب 6048 واعداد المقبولين فى كليات طب الاسنان 1500 والمقبولين فى صيدله 7500 طيب هييجى واحد يقولى انت كنت من شويه بتقول محدش يبص على كلام الجرايد والوقتى بتقول الجرنال بيقول هقولك اللى قايل الكلام ده وزير التربيه والتعليم هلال يعنى لو لقيت اى حد تانى بيتكلم فى الجرنال ارميه من قبل ما تبص نرجع لكلامنا تانى الوقتى يبقى 6048 + 1500 + 7500 = 15048 يعنى الوقتى 15048 واحد هيتقبلوا فى اول 3 كليات القمه وانا واحد مثلاً ترتيبى على شعبتى 13 الف وشويه ومجموعى 96.7% يعنى لما تيجى لجرنال زى الجمهوريه مثلاً ويقولك الصيدله من 96.9% وناس تقولك الجرنال ده فشيخ ومبيكدبش ومش عارف ايه يبقى ده كله كلام ذحك على الدقون ولعب باعصابنا فارجوووكم يا جماعه معدش حد يدخل الموقع ده او يدور فى مواضيع تانى لحد ما النتيجه تظهر او بلاش محدش يدخل الموقع ندخله عادى لاننا كلنا اسره واحده ومنقدرش نستغنى عن بعض بس ملناش دعوه بتوقعات التنسيق دى نهااااااائى ومن الاخر اللى مكتوب له حاجه هيشوفها واقسم بالله لو انت جايب 70% ومكتوب لك تخش طب هتدخلها فياريت نبعد عن التوقعات دى خالص ونريح اعصابنا يا جماعه ونفضل ندردش مع بعضنا فى المنتدى وخلاص تحياتى |
على فكرة هلال وزير التعليم العالى مش التربية والتعليم
فى تصريحات واخبار كتير فى الجرايد على لسان هانى هلال نفس الخبر بس باختلاف الارقام فى جرايد كتير |
انا دماغى وجعتنى من الكلام الكتير دا ........... هوا المظبوط انك تشوف الكليه اللى انتا عايز تدخلها عايز كام واحد ... وتشوف ترتيبك كام لو منهم هتدخل ان شاء الله لو مش منهم يبقى سلمى على الخاص ...
مثال هندسه عايزه 20300 طالب انا ترتيبى 25785 يبقا مش هدخل فهمتوا يا جماعه ..... . . |
اقتباس:
ما ده اللى انا اقصده لما تيجى من وزير غير لما تيجى من المساعد بتاع المساعد بتاع المساعد بتاع جزمجى وزير التعليم العالى وده اللى قاله الوزير فعلاً ولو حسبتوا فى كل الجرايد التانيه هتلاقوا مش هيقل عن 15 الف برضه |
اقتباس:
الله ينور عليك ده بالظبط اللى انا اقصده وياريت بقى نبعد عن الجرادي خالص |
على فكرة انتوا نسيتوا تحسبوا شهادات المعادلة والمغتربين وبالتالى جريدة الجمهوربة صح فى اللى بتقوله........ده لانى كنت ث فى الثانوية 2006 ووالجمهورية قالت ان التنسيق هيرتفع وفعلا ارتفع وكان اعلى تنسيق.
|
يل رب الكلام ده يبقى صح
شكرا على المعلومات |
اعداد المقبولين بالهندسة ؟؟؟؟؟؟؟؟؟؟؟؟ كام بالضبط في الاهرام بيقول 20300 و الدستور كان قايل اكثر من18000 و الاخبار كان قايل حتبقي 19500 تاني يوم قال 18000 و شوية حراممممممممممممممممممممممممممممممممممممممممممممم
|
اقتباس:
أعتقد دول مبيدخلوش فى التنسيق :blush: |
يا جماعة الشهادات المعادلة لا تدخل في هذا التنسيق اطلاقا
لهم تنسيق خاص بهم بيبدأ في اغسطس والكلام ده اكيد انا اخوي واختي كانوا شهادات معادلة ورحنا نقدم لهم في تنسيق كان تقريبا في 15 أغسطس وانا نعاكو المفروض نيص للترتيب مش لكلام الجرايد وخدوبالكم الكلام ده قاله هاني هلال في برنامج 48ساعة عالمحور بعد النتيجة بيوم من الاخر لا توجعوا راسكم بمشكلات الجرايد |
أنا ترتيبى 36 الف
|
اقتباس:
اللي هما شهادات معادلة ( يعني تقريبا 750 ) و كمان في ناس من دول هيروحوا جامعات خاصة لأنها بتعطي تخفيضات للاوائل و ناس تانية هتروح كليات اخري زي سياسة و اقتصاد او علوم لو انت شلت كل دول هيطلعلك الرقم 13 الف و شوية او ممكن 12 الف كمان لو في اعداد كبيرة و بالتالي هتقف زي ما اتقال ما بين 96.6 الي 96.9 و نرجع ف الاخر و نقول انها مجرد توقعات Wait and see :) |
اقتباس:
و لكن بيدخلوا من ضمن الـ 15 الف اللي سبق ذكرهم |
وزاره كل يوم بكلمه
|
يا شباب اتركوا الامر لله والمستقبل مش باسم الكلية بقدر ما هو بلعمل والجهد وياما ناس دخلت كليات القمة وفشلت وناس دخلت كليات عادية واصبحت دكا ترة في الجامعة ولو اطلعتم الغيب لاخترتم الواقع
|
اقتباس:
15048 - 750 = 14298 لكن لما فى ناس هيروحوا كليات خاصه او سياسه او اقتصاد او علوم ده هيفضى الاماكن لاصحاب المجاميع الاقل لانهم كده كده عاوزين يستوفوا العدد اللى هو 14298 وبالتالى دى تبقى حاجه حلوه مش وحشه هتقلل التنسيق مش هتزوده لان كل كليه عاوزه عدد معين وبترتب المتقدمين لها من التنسيق تنازلى لغايه ما تستوفى العدد ده وفى الاخر هيبقى 14298 فارجوااا عدم القلق وعدم التشاؤم وان شاء الله ربنا هيعمل اللى فيه الخير تحياتى |
ربنا يسترها معانا كلنا
|
thanxxxxxxxx
|
اقتباس:
احنا السعة بتاعت الكلية عندنا الرسمية 100 طالب و ده الرسمى اللى يتحسب ع اساسه الاعداد لكن لما جه طلبة الشهادات المعادلة وصلوا الى 130 طالب يعنى 30 طالب زيادة عن الحد الاقصى المسموح الشهادات المعادلة ملهاش دعوة بالموضوع ده خالص انا بقالى 3 سنين اهو فى الكلية و عارف الموضوع ده كويس و بيحصل من 3 سنين و مش زى ما انت بتقول خالص تحياتى |
السنة اللى فاتت اتقبل 16124 طالب فى الطب و الصيدلة والاسنان فى التنسيق قبل اى شهادات معادلة و بعد ما دخل طلاب المعادلة وصل العدد لحوالى 17000 طالب
يا ريت لما نكتب نكون متاكدين يا جماعة و شكرا |
اقتباس:
تحياتى |
طب الحنازير من كام السنة دي
لان هناك دكاترة كتير من النوعية دي ربنا ابتلانا بيها |
اقتباس:
|
اقتباس:
انت اكتر واحد جاب لي شلل في المنتدى :040vk0: |
اقتباس:
|
لو لسه فى حد عنده اعتراض او راى تانى ياجماعه ييجى يناقشنا
تحياتى |
أنا جبت 96 حد يوقلى هخش أيه
|
أنا جبت 96.1 حد يوقلى هخش أيه
|
اقتباس:
|
هاي ...........
انا عوزه اعرف الشهادات المعادله هيأديمووو ورأهم امتى .......................... وازاي همة بيأولوووا ان نتيجة المعادله هتظهر السبت الجاى انا لسه في السعوديه ومعملتش اي حاجه ارجو الرد |
هاااااااي...........
انا عاوزة اعرف هو في ورق اصحاب الشهادات المعادلة بيقدموه ولا ايه؟؟؟؟؟؟؟؟؟؟؟؟؟؟ عشان انا لسة ف السعودية ومعملتش حاجة وبصراحة قلقت لما لقيتهم بيقولو النتيجة يوم السبت ........ز يا ريت تفيدوني......................... |
يا جماعه بالله عليكم انا مش بهزرررر قولوليي اي حاجه
بليييززززززززززززززززززززززززز |
دلوقتي الهندسة -زي ما قال الاستاذ الوزير المحترم- ح تاخد 20300 طالب
طيب انا ترتيبي 20090 بالمستوى و مرحلة تانية ... يا جماعة اعتقد ان الوزير يقصد الكليات اللي بتدي بكالوريوس الهندسة يعني الهندسة - فنون جميلة - حاسبات و معلومات - تخطيط عمراني و الدليل ان في المرحلة الاولى فيه ناس ياما مجاميعها تدخل هندسة و ترتيبها مزادش عن 20300 طالب , لكن مدخلوش هندسة في بقى اللي دخل تخطيط و في اللي دخل حاسبات و في اللي دخل فنون عمارة ( طبعاً بالقدرات ) هذا ما اظنه يعني لكن في الاول و الآخر : الله أعلم |
| جميع الأوقات بتوقيت GMT +2. الساعة الآن 03:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.