|
سؤؤؤؤاال
انا مجموعى قليل جدا يعنى بالتقريب 91% وطبعا احتمال هندسه مش موجود اصلا كنت عايزه اعرف هى حاسبات دى ؟؟ دراستها حلووه وسهله ولما حتخرج حبقى ايه ؟! مهندسه ايه ده غير انى من اسكندريه يعنى معندناش الكليه دى مين اقرب كليه ليا ؟؟ سؤؤؤال معلش هى هندسه الكترونيات الى فى المنوفيه دى بتاخد من كام ومين فيهم اعلى ؟؟ وينفع احول منها فى تانيه على هندسه اسكندريه ؟ |
اعملى سيرش على جوجل وهتلاقى مواضيع كتير اوى عنها وبالنسبالك هتبقى دى انسب كليه...وهندسه الكترونيه منوف خشى على موقع التنسيق هتلاقيها واخدة 373.5ده السنة اللى فاتت
|
هتطلعى مهندسة كمبيوتر
لو انتى كويسة فى استخدام الكمبيوتر هتبقى الدراسة سهلة وكويسة بالنسبة لك انا شايف ان الحاسبات احسن ميت مرة من هندسة الكترونيات هندسة الكترونيات زى الحاسبات الفرق انك بتضيعى فى الالكترونيات سنة من عمرك فى الاعدادى فى حاسبات ومعلومات القاهرة بس شكلك كده مش بتحبى السفر والقطر الاسبانى والفرنساوى شغال على طول ما بين القاهرة والاسكندرية اما هندسة المنوفية مش عارف نظامها |
شوفى حضرتك
كلية حاسبات ومعلومات تخرج مهندسى البرمجيات اللى هما مسؤلين عن شغل السوف وير فى مجال البرمجة والشبكات والداتا بيز والجرافيك من افضل الكليات المتواجدة حاليآ طبعآ طيب قولى بس يارب انك تلحقيها اقرب حاسبات لطلبة اسكندرية هى حاسبات المنصورة الكلية عندنا معظمها من اسكندرية وكفر الشيخ اى استفسار اخر انا متواجد |
بصى انا رأيى الشخصى .. ان حاسبات عين شمس جاااامدة جدااا .. انا فى سنة تانية .. وفى ناس كتير اصحابى اسكندرنيا معانا .. هتنورينا .. غير ان مجال الشغل في الكلية عندنا احسن من هندسة بكتير ..
|
اقتباس:
يبقا كده فى احتمال تزيد السنه دى ربنا يستر |
اقتباس:
مش فاهمه قصدك يعنى هندسه الاكترونيات فيها سنه اعدادى ازاى ؟! مش المفروض انها كليه تخصص |
اقتباس:
انا والله زيك مش عارف هسألك واحد فى شارعنا فى هندسة انا خلاص طلعت الهندسة من دماغى احنا فرصتنا ضعيفة جدا تكاد تكون منعدمة بعد اللى ظهر فى الجرايد وانا استقريت على تخطيط معمارى او حاسبات ومعلومات بس انا حابب حاسبات ومعلومات |
اقتباس:
شكرا ليك اولا بس انا حاسه كده ان مجلها فى الشغل افضل للاولاد كنت عايزه اعرف اشغل متوفر ؟! ولا ايه؟ والطلبه ال عندكوا من اسكندريه مقيمين فى المنصوره ولا بيروحوا وبيجوا |
لا مجالها حلو ل الاولاد والبنات عادى جدآ مش تفرق
لا طبعآ الطلبة اللى عندنا من اسكندرية قاعدين ف المدينة الجامعية مش معقول ابدأ يسافروا وييجوا |
صح هندسة الكترونيات اربع سنين والسنة الاولى تخصص ويا بشمهندس اسطورة انا من المحلة يعنى اوصل المنصورة فى نص ساعة ورغم كده مش عاوز ادخلها لان كل الناس بتنصحنى بالبعد عنها لانها الدكاترة متشددين و بيشيلوا الطلبة مواد وكمان بيسقطوهم وحصل السنة دى اما القاهرة العكس الدكاترة حلوين وكلية حلوة وتمام وزى الفل وحضرتك شايف ان واحدة من الاسكندرية الاحسن لها تيجى المنصورة وتسيب القاهرة ؟ اعتقد ان القاهرة اجمل كمدينة وارقى ككلية وعريقة كجامعة ولها اسمها بس هى وجهات نظر (اختلاف الرأى لايفسد للود قضية) وقبل كل الكلام ده انا اصلا مش ضامن حاسبات او معلومات بعد كلام الجمهورية ان كل كليات القمة محجوزة للمرحلة الاولى وسوف يكتمل العدد بها مع نهاية المرحلة الاولى |
اقتباس:
هندسة الكترونيات منوف 5 سنين مش 4 بالنسبة لان الدكاترة متشددين طيب وايه المشكلة يعنى هو صحيح كل سنة بيشيلونا نص المواد وبنعيد تانى :d بس بيعلمونا صح وحضرتك جامعة المنصورة من الجامعات الرائدة على مستوى الجمهورية برضو وانا مش باقول حاجة انا باقول فى معظم الكلية عندنا من اسكندرية وممكن تبقى تسألهم هما جايين ليه :d بالنسبة للتنسيق والله مش عارف بس ان شاء الله ربنا معاك وتلحقها |
والله الكلام ده مكتوب فى موقع الكلية نفسها سبحان الله
|
ايه بالظبط اللى فى موقع الكلية نفسها
لو تقصد الكترونيات منوف هى 5 سنين ودى حاجة معروفة يعنى |
ايوا انا قريت كده فعلا بس طالما انت بتقول كده خلاص وانا دورت تانى
حالا لقيت كلامك صح والموقع اللى انا كنت شوفت عليه الكلام الاول مش لاقيه دلوقتى انا عن نفسى لو جالى منصورة مش رايح انا اروح القاهرة احسن دول كل اصحابى شايلين ومنهم هيعدوا السنة وفى كليات مختلفة اللى فى تجارة وهندسة وصيدلة الا من رحم ربه وربنا يوفق الجميع يارب |
طب هى حقيقى ان ممكن من هندسه الاكترونيات تحول هندسه العاديه فى سنه تالته ؟! انا عارفه انى تعبتك معايا بس منها لله الثانويه العامه دى حتغربنا وكمان مش ضامنين الكليه !! |
طب هيا الدفعة عندكم كام راس
|
انا شليفة ان حاسبا ت احسن انا مجموعي 94.6 وكتبت اول رغبة حاسبات ومش عايزة هندسة
|
هل يوجد امتحان قدرات للالتحاق بالكليه
|
اقتباس:
وعمرك ما ها تندمى ان شاء الله |
اقتباس:
ولا تعب ولا حاجة اى استفسارات انا هنا |
اقتباس:
|
انتى كتبتى حاسبات بترتيب ازاى ؟! اول حاجه المنصوره ولا القاهره |
لو ان شاء الله عاوزة حسابات يبقى احسن حاسبات هية بتاعت عين شمس
من ناحية الامكانيات و الدكاترة و المعدين بجد الكلية جامدة جدا بس الدراسة فيها كلها انجليزي و مش مشكله اوي لان اغلب الناس بتبقى عربي و هتتعودوا ان شاء الله بسرعة و هية مفيهاش امتحان قدرات خالص و الكليه مش محتاجة مذاكرة كتير اوي يعني هية بس هية محتاجة ناس فاهمة و دمغها نضيفة و عاوزة تشتغل المهم الواحد لازم بستخير و ان شاء الله يخش الكلية اللي يقدر يمشي فيها |
اقتباس:
|
اقتباس:
و كنت بحاول بس اوضح المشكله اللي قبلتني في الدراسة في سنة اولى مش اكتر |
اقتباس:
انا بتكلم عادى يعنى عمومآ حصل خير |
انا الحمد لله قبلت في حاسبات ومعلومات انا مبسوطة قوي
|
| جميع الأوقات بتوقيت GMT +2. الساعة الآن 11:38 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.