من الثانوية للكلية اى استفسار عن التنسيق اضغط هنا
 

السلام عليكم ورحمة الله وبركاته

لاى استفسار عن تنسيق الثانوية العامة يرجى كتابة السؤال وتركه وانا باذن الله متكفل بالرد على الاسئلة






ارجو تثبيت الموضوع وشكرااااااااااااااااااااااا

هى المرحلة الاولى حاتاخد من مجموع كااااااااااام؟

بالنسبة للموضوع ده المرحلة الاولى لم يتم تلقى اخبار عن المجموع اللى هتاخذ منه حتى الان

وان شاء الله يمكن متابعة الخبر على موقع الحكومة الالكترونية

ربنا يسهل
بس عايزة اعرف
هو كل واحد هيبقى ليه الكليه القريبه منه يعنى مش هيبقى ليه كل الجامعات عين شمس والقاهره وحلوان وكده ولا ايه النظام؟
وشكرا مقدما

التوزيع بيكون اقليمى حسب محافظتك يعنى مثلا لو اول رغبة طب يبقى هتكتب الاول طب محافظتك ثم كليات الطب الاخرى ترتيب من الاقرب للابعد فاذا كان مجموعك يرشحك لطب بلدك مثلا كان بها
وان لم يكن فيعرض على باقى كليات الطب ولكن الاولوية لمحافظتك

لو سمحت عايز أعرف ... احتمالات عن تنسيق الطب والصيدلة السنادي بس يريت تكون مدعومة بالأسباب ؟؟

اعتقد التنسيق السنادي حيزيد عن السنة اللي فاتت بمقدار بسيط في حدود 1-4 درجات على حسب الكلية و المحافظة وكده بس ......وده مدعوم بسهولة الامتحانات نسبيا عن السنة اللي فاتت وكمان تقليل اعداد طب السنادي عن السنة اللي فاتت وكمان تليل اعداد صيدلة وده محصلش السنة اللي فاتت بس قللوها نسبة صغيرة جدا

السنة اللي فاتت تم اعتبار القاهرة وعين شمس وحلوان منطقة جغرافية واحدة
يعني ممكن تختاري اي واحدة فيهم بس تكوني جايبة مجموعهم

معرفش السنادي كان فيه اقوال انه حيتلغى التوزيع الجغرافي خالص بس مش اكيد الكلام

ياريت تتابعوا الجرائد القومية برضه زي الجمهورية والاخبار والاهرام تعرفوا منها تفاصيل اكتر واضمن

هو فى الغالب ان تكون قابلة للزيادة عن السنة السابقة لان السنة اللى فاتت كانت الامتحانات اصعب بكتيير من السنة دى كمان السنة دى المجاميع مرتفعة ارتفاع ملحوظ عن السنة السابقة
فتنسيق الكليات قابل للزيادة كما ان نسبة عدد طلاب الطب قابل للنقصان هذا العام كما صرحت جريدة الجمهورية من قبل

طيب انا جبت 97.19% ..... النتيجة دي .. أقدر أدخل بيها طب بنسبة كام في المية من رأيكم ؟؟
وهل أنا كده ضامن صيدله لو ربنا موفقش في الطب ولا لأ ؟؟؟

شكرا ً على سعة صدركم

سؤال غبى!!!
 

انا اتوقع طب بنسبة 60%وصيدلة بنسبة 90%

كل اللى بيتقال عن التنسيق ده توقعات نتيجة التنسيق يعنى مثلا الطب من 402.5مثلا بيكون بعد تنسيق المرحلة الاولى يعنى الحد الادنى بيظهر يوم نتيجة التنسيق

شكرا ع الرد والمعلومه

سؤال تانى معلش
بالنسبه لصيدله
انى احسن عين شمس ولا القاهره؟
واحده صاحبتى بتقولى القاهره احسن علشان بياخدو ا فيها الكورس الحديث
لو الكلام ده صح
ايه الكورس ده اصلا
ايه الفرق بينه وبين عين شمس ؟؟
والدكاتره بردك بتقولى بتوع عين شمس معقدين
ياريت لو عندك معلومه
وألف شكر

بصى يا نغم انا هرد عليكى بصفتى طالبة بكلية الصيدلة جامعة عين شمس
وليا صحابى فى القاهرة
مع احترامى الشديد لصيدلة القاهرة
عين شمس افضل ده لانها بتوفرلك انك تدرسى مادة الصيدلة الاكلينكية clinical pharmacy
بتوسع جدااا وبعدين تاخدى بعدها دبلومة فى الكلية عندنا بالف و500 تقريبا كده
كده بقيتى حاصلة على شهادة البكالوريوس فى العلوم الصيدلة ومع الدبلومة كمان تقدرى تشتغلى اكلينكال
ام بالنسبة لصيدلة القاهرة بيدرسوا بردو اكلينكال بس مش بتوسع
ده النظام العادى لكن فيه نظام اكلينكال بفلوس عندهم حوالى 13000 فى السنة لكن احنا عندنا مجانى
مفيش النظام بتاعهم ده
اما بالنسبة لحكاية الدكاترة معقدين الكلام ده غير صحيح بالمرة بالعكس الدكاترة لذاذ جدااا و كلنا بنحبهم ونحترمهم
والتصحيح بتاعهم جميل والدليل على كده ان عندنا فى كل دفعة اكتر من 100 حاصلين على امتياز
لكن لو قصدك بقى على ان القاهرة اسمها نظام حديث بصى يا ستى نظام حديث بمعنى انهم بياخدوا pharmaceutics من اول سنة
وده نظام وحش جدااااااا لان ببساطة المادى صعبة وتقيلة ومش بيكون ممهدلك ليها والكلام ده عن تجربة شخصية لواحدة زميلتى
احنا بقى بتاخدها فى تانى سنة واول سنة بيمهدوا بالاساسيات اللى هتساعدنا فى فهمها وده افضل طبعا
بس هو ده النظام ببساطة لو فيه حاجة مش مفهومة انا تحت امرك

اخر الاخبار
 

قرر المجلس الأعلي للجامعات في اجتماعه أمس قبول نفس الأعداد التي تم قبولها من الناجحين في الثانوية العامة العام الماضي في الجامعات.. من المنتظر أن يكون الحد الأدني للقبول بآخر كلية جامعية 69% للعلمي و71% للأدبي.
قال مصدر مسئول بالمجلس إن الاجتماع شهد مشادات بين رؤساء الجامعات بسبب نقصان أعداد المقبولين بكليات الطب عن العام الماضي بنسبة تتراوح بين 15% و25%.
في القطاع الهندسي ستتم زيادة الأعداد المقبولة عن العام الماضي مما يؤدي إلي خفض الحد الأدني للقبول بكليات الهندسة والحاسبات والمعلومات والفنون التطبيقية والجميلة والتخطيط العمراني.
وافق المجلس علي قرار إلغاء شرط مرور خمس سنوات للالتحاق بكليات التعليم المفتوح بالنسبة لطلبة الثانوية العامة فقط.
أعلن الدكتور يسري الجمل وزير التربية والتعليم نتائج امتحانات الثانوية العامة بمرحلتيها الأولي والثانية.. بلغت النسبة العامة للنجاح في الصف الثالث 82.1% وفي الصف الثاني 41.5% فقط.
تقدم لامتحانات المرحلة الثانية 394510 طلاب وطالبات وحضر منهم 392228 ونجح 322153 وهناك 59701 لهم دور ثان.
بينما تقدم لامتحانات المرحلة الأولي 47214 طالباً وطالبة وحضر منهم 46672 ونجح ..19372
وبذلك دارت نسبة النجاح في ثالثة ثانوي حول معدلاتها في السنوات الأخيرة بينما جاء النجاح في ثانية الأقل منذ أن عرفت الثانوية العامة نظام المرحلتين.
أكد الوزير ارتفاع شرائح المجاميع عن الأعوام الأخيرة حيث بلغ عدد الحاصلين علي 95% فأكثر 25486 طالباً وطالبة يمثلون 7.9% ومن 90% لأقل من 95% 40982 طالباً وطالبة يمثلون 12.7% من إجمالي الحاضرين للامتحانات وبذلك فمن المتوقع ارتفاع الحد الأدني لكليات القمة هذا العام.
كرم الدكتور الجمل الطلاب الأوائل وسلمهم الهدايا العينية ومنحهم لاب توب حديثاً.
الجمهورية (الجمعة17 /7)

لو سمحتم تعتقدوا ان صيدلة حد ادنى فى اى اقليم تكون كام يعنى حد ادنى صيدلة على مستوى الجمهورية
وياريت تجاوبونى بسرعة

انا جايبه 97.7
ممكن الحق طب اسنان المنصوره

quote=الاء لولو لولا;1418916]انا جايبه 97.7
ممكن الحق طب اسنان المنصوره[/quote]
ان شاء الله ممكن بنسبة كبيرة كمان لان السنة اللى فاتت كان طب اسنان المنصورة كان اخد من395تقريبا

انا جبت 95.5
تفتكروا ممكن الحق ايه ؟؟

طيب انا 97.4

ممكن ادخل طب اسنان المنيا

طيب انا 97.4
ممكن ادخل طب اسنان المنيا
ارجو الرد سريعا

شكرا لحضرتك مقدما

بس ياريت الرد سريعا لانى هروح انام

ان شاء الله يا دكتورة حضرتك جايبة 399.5

وهيا السنة اللي فاتت واخدة من 395.5

و2007 مش مقياس خالص السنة دي واخدة 401.5

و 2006 واخدة 398

يعني ربنا يوفقك ان شاء الله وتدخليها

وحتى لو ان شاء الله تدخلي اي طب اسنان وتحولي منها بسهولة جدا

اطمني ان شاء الله خير جدااااااااا
مجموعك كويس ما شاء الله ويجيبها

:d:d:d:d:d

مستنيل الرد

مستنيا الرد

انا اتوقع ذلك وكما قال دكتور احمد من الممكن التحويل عادى فى تحويلات نسبة 10%

الرد وصل
d:d:

???????????????

ممكن ان شاء الله علوم

فيه امل ضعيف جداااا في صيدلة مش حضحك عليكي

انما قدامك بعد كده فيه

بيطري
علوم
باقي الكليات الادبية

ومتكلمين عن كل كلية بالتفصيل في قسمها

شكرا

طيب انا 97.4

ممكن ادخل طب اسنان المنيا
ارجو الرد

ان شاء الله ممكن ولو مش المنيا ممكن تحول فى نسبة ال10%

موجود مع النتيجة على موقع الوزارة

وزي ما انا فاكر برضه مواقع اخرى زي مصراوي والاستاذ وغيرها

:078111rg3::078111rg3:

:078111rg3: اشكرك جدا على الرد الجميل
بارك الله لك

شكرا ع الرد بجد

معلش اشتغل اكلينيكال ازاى؟

عايزة أسأل كمان معلش

ف صيدله

ف احياء كتير؟؟ ولو في بيبقى ف نبات كتير ؟ ولا ايه(الاحياء دى بكرهاا كره)

مش عارفه عماله أسأل كده ولا كأن التنسيق طلع

يلا ربنا يعمل اللى فيه الخير

الطب من كام السنادى؟؟ والحد الادنى لكليات الطب كاااااااااااااام والصيدله والاسنان اصلى جايب 97.4

المصير الاسود
 

السلام عليكم
أنا كنت جايب السنة الي فاتت197 يعني 96% وكملت أحياء في ثالثة وكلو عاد بيناديني يا دكتور وكان نفسي اخش طب القصر العيني بسي الاحياء السنادي دمرتني يعني جبت فيها 28 انا من رهبة الامتحان محليتشي حاجة ويمكن حليت الامتحان كله في ساعة خصوصا واني انا مش كنت هاضم الماده اوي يعني انا جبت في ثالثة 85% ومجموعي كله صفي على 91.5% تنصحوني اعمل ايه ادخل اسنان خاص ولا صيدلة خاصة ولا تجارة انجلش بسي انا مش متصور بعد دا كله آخد بكالريوس تجارة والناس الي كانوا جايبين 90% و 91% وكمان 89% بسي كانوا واخدين احياء في ثانية وصلوا لـ 95% يعني تقريبا جايبين 100% في ثالثة وبقيت مضحكة الكل خصوصا وان مجموعي كان مفاجئة للكل وكنت طالع الثالث على المدرسه ومش كنت ظاهر في السنين الي فاتت بسي ربنا وفقني في ثانية وانا عموما من يوم النتيجة وانا طافش من البيت ارجوكم ساعدوني انا على وشك الانتحار ........

أنا خايف أوووووووووووووووووووووووووووووى ردوااااااااا بدون مجامله هدخل ايه؟؟ بالاثبات أرجووووووووووووووووووووووكم

بصى يا قمر تشتغلى اكلينكال يعنى تبقى صيدلانية اكلينكية تبقى مع الدكتور فى المستشفى تشوفى الجرعات اللى هو بيكتبها للمريض مظبوطة ولا لاء وكمان لو الدكتور ادى دوا تقولى اذاالدواء ده كويس ولا ليه بديل افضل واكثر تاثيرا وكمان تقولى اذا كان المريض بياخد اكتر من دوا فى نفس الوقت تقوليلى للدكتور اذا ده ينفع ولا يحصل interactionبين الدوائين وهيلغوا تاثير بعض
ده طبعا لان الصيدلى بيكون دارس مادة الفارماكولوجى والاكلينكال انما الطبيب مش بيكون دارسها او واخدة نبذة صغير جداااااا عنها
والنظام ده معمول بيه فى مستشفى الاورام ومعهد ناصر
ولو سافرتى بره تشتغلى هتلاقى كل المستشفيات بيبيقى فيها دكاترة وصيادلة
بالنسبة بقى لحكاية الاحياء دى احنا بناخد مواد فيها احياء زى الفسيولوجى والاناتومى والهستولوجى بس مش بتوسع زى طب وفى اول سنتين بس
انما احنا اكتر المواد بتكون كيميا ونبات
اورجانيك وان اورجانيك وانالتيكال وفيزيكال وبوتانى (نبات)
متخفيش احنا بنعتمد على الكيميا اكتر
ربنا يوفقك يا قمر ان شاء الله تدخلى صيدلة

ان شاء الله له فرصة كبيرة فى طب الاسنان ولو جاب التظلم نتيجة ربما يغير الوضع للاحسن باذن الله

اولا شكرا علي التوبيك يا شباب

وانا عندي استفسار

انا كده الحمد لله مجموعي يدخلني اي كلية في مصر

بس انا تبعا للتوزيع الجغرافي يبقي توزيعي طب بنها
- علما بان التوزيع الجغرافي سيطبق هذا العام -

واستفساري بخصوص التحويل

انا عايز احول طب القاهرة باذن الله وباسرع وقت
مش عايز ادخل بتاعة بنها دي خالص

ارجو الافادة

وشكرا ليكم ^__^

انا جبت 97.5 ممكن اخش صيدله المنصورة ...........ارجو الرد؟؟؟؟

طب انا جايبة 95.24 يا ترى ممكن الحق ايه طبعا علاج طبيعى انا مش هالحقه ارجو الرد

تنسيق
 

انا جايبة 396 ممكن ادخل اية ارجو الرد

التنسيق بيتقدم عادى خالص قبل نتيجة التظلم وبعد التظلم لو فى درجات زيادة بيروح الطالب لمكتب التنسيق فى جامعة القاهرة ويغير الرغبة
وشكرا على المرور