لو طالع اولى ادخل هنا ( لمصلحتك )
السلام عليكم ورحمة الله وبركاته ايه اخبار محامين ونواب المستقبل :d انا داخل مخصوص عشان اعمل الموضوع دا لان الى بيبقى طالع اولى جامعه مش بيبقى عارف حاجه تقريبا وبيسمع من هنا ومن هنا لغاية مدماغه تتشئلب وفى الاخر تلاقيه اتسوح والسنه طارت منه ويا يخرج بمقبول يا يقعد وعايز اوصل ليكو حاجه ان انت لازم تجيب تقدير فى حقوق لانك لو مش جبت تقدير هتبقى زيك زى اى حد مدخلش كلية اصلا يعنى مثلا هتخرج بمقبول وهتشتغل محامى دا على فرض انك اشتغلت لكن لو جبت تقدير هتبقى مية حاجه متاحة قدامك سواء نيابة او مجلس الدولة او سلك دبلوماسى بس فانا مش عايز الى حصل معايا وانا لسه داخل اولى جامعه يحصل مع حد لانى اول مدخلت قعدت اسال كتير وسمعت كذا كلمه من كذا واحد وتوهت بصراحه ومكنتش عارف لا ازاكر ازاى ولا اجيب تقدير ازاى بس مع الوقت خلاص اتعودت على الجامعه ومزاكرة الجامعه فاقول شوية حاجات للى طالعين اولى عشان ترسو على الحوار كله من اوله احنا نتكلم على الى فى حقوق دلوقتى انت مخلص ثانوى ولازم تعرف ان ثانوى غير الجامعه خالص سواء فى طريقة المزاكرة او فى الحياة نفسها عشان الجامعه بتختلف اختلاف تام عن المرحلة الى كانت قبلها نصيحتى بقى للولاد عشان معظمهم داخلين الجامعه ومفيش فى دماغهم الا حاجه واحده انهم يخرجوا ويتعرفوا على بنات معاهم فى المجموعه واه هيا دى الحقيقه وفعلا بيقعد يخرج وبتاع ويكلم مية بنت وفى الاخر يلاقى السنه طارت ومعرفش يزاكر حاجه وطبعا هينتهى بمقبول فانا عايز اقول بجد مش كل تفكيرك يبقى فى كدا وبس اه اخرج وعيش حياتك بس برضه اهتم بالمزاكرة والمحاضرات نيجى لطريقة مزاكرة حقوق بالذات لازم تحضر كل المحاضرات وتكتب المهم اللى فى المحاضره وافهم الى بيتقال او حاول تفهمه بس المحاضرات دى لازم تحضرها وتكون مركز مع الدكتور واستحمل دول هما ساعه بالكتير اوى وبعدها اخرج برا وعيش براحتك بس ركز فى الساعه دى هتروح بقى تراجع شويه على الى انت كتبته وتقرا من الكتاب الى انت خته النهارده انا بقول تقرا مش شرط تحفظ دلوقتى انت لسه فى اول السنه بس تبقى خت معلومه وفهمت الماده بتتكلم عن ايه هتستمر على كدا لغاية اسبوعين تلاته كدا وتيجى بقى للحفظ هتبدا تحفظ من الكتاب والمحاضرة ومش شرط كتاب برضه عشان تتفتح نفسك وطول مانت بدات تذاكر فى الاول يبقى انت كدا هتقدر تجمع المادة فى الاخر وان شا ءا لله هتجيب التقدير الى عايزه نيجى بقى لاخر شهر قبل الامتحانات اخر شهر دا هوا الى انت لو زاكرت فيه كويس تبقى ضمنت التقدير دا هتمسك فيه المواد كلها من اولها لاخرها وتزاكر بجد يعنى تقفل موبايلك والكمبيوتر وتقعد تزاكر واستحمله دا هوا شهر وفيه ملازم من مكتبات جنب الجامعه لو جبت منها برضه هتبقى مفيده ليك لانها مكتوبة بطريقة منظمه والسؤال والاجابه بتاعتة موجوده عكس الكتاب الى كله على بعضه انا مش بقول كدا عشان متذاكرش من الكتاب لا الكتاب دا اساسى طوال مدة دراستك فى الجامعه لانه هيبقى المرجع بتاعك فى كل حاجه وان شاء الله هنكمل معاكو فى قسم الحقوق وهابقى موجود معاكو واى استفسار عن المواد او المجموعات انا موجود محمد حقوق جامعة القاهرة . |
موضوع مهم جداً ياكوماندو
وفعلاً اللي مش هيجيب تقدير هيطير لازم نعمل حملة بالاسم ده :d بعد إذن مُشرف القسم ( الجامعات المصرية ) ياريت الموضوع يتثبت لانه فعلاً مهم وياريت يامحمد يبقي متجدد يعني طرق مذاكرة المواد بتاعتكم ازاي وكدا هتبقي احلي |
تمام يا محمد معلومات مفيده
وشكرا على الافاده عندى نقطه احب اوضحها انى الحل فى كليه حقوق زى اللى محلش بمعنى فى مواد انا كنت كاتب فيها وحالل حل امتياز جبت فيها تقدير ضعيف وكنت حالل زى الدكتور ما قال وزملاتى ما كتبوا وانا كنتب بصحح ليهم الامتحان بعد اللجنه هم جابوا جيد وانا ضعيف يا ريت يا محمد تنوه او توضح المعلومه دى ممكن تكون بالنسبه لجامعات وتختلف لجامعات اخرى ارجو التنويه وشكراااا على التوبيك الجميل تقبل مرورى a7med sale7 حقوق اسيوط |
لا فعلا يا محمد تسلم اديك بجد انا ياريت جد كان قالى على الحوار ده من الاول مكانش الواحد يبقى قاعد دلوقتى وخايف يقعد السنه إلا بقولكم صح هى نتيجه حقوق القاهرة مجموعه أ الفرقه الاولى هتطلع امتى ؟؟د
|
فعلا موضوع مهم اوى وياريت انا كمان كنت اهتميت بالموضوع ده من الاول:d:dd:d
ربنا يوفق كل اللى طالعين حقوق وبجد كلية حقوق كلية جميلة جدا جدا واللى هيدخلها هيستفيد منها جدا فى حياته واى حاجة انا كمان معاكم ياجماعة وان شاء الله احاول اقدم اللى اقدر عليه بسبوسة تالتة حقوق وادعولى انجح واطلع رابعة |
واحشتنى والله يا مان
ابق طمنى عملت اية فى الامتحانات وكلامك كلة صح باستثناء الجزء بتاع المذكرات لو عاوز تجيب تقدير يبقى الكتاب اسلم طريق للاان المذكرات احيانا بتبقى مختصرة بغباء ابق طمنى عليك يا محمد |
'طبعا انا مش عايز اقولك انتا واحشنى قد ايه دا أول حاجه تانى حاجه بقى ربنا يوفقك بجد ع المعلومات دى وبعدين على رأى المثل زى ما بيقولوا """ اسئل مجرب ومستئلشى ..................""" بجد يا محمد موضوعك هايل هايل بس الكلام ده عايز ترتيب من اول السنه ورغبه فى المذاكره وقبل دا ودا يبقى فيه رغبه ف الكليه نفسها ودا الاساس وعلى رأى المثل تانى <<<من جد وجد >>> ربنا معاكم جميعا يا طلاب كليه الحقوق ونا مع جمال صابر فى كلمته عايز تجيب تقدير يبقى من الكتاب مينفعشى من المذكرات وكده شكرااا ليك استاذ جمال على مشاركتك |
الف شكر على الموضوع انا اجروب واشوف
بس مهم جدا تقرأوا الكلام ده انا نفسي اقولكوا حاجه لو انتوا عارفينها ان مش كل الناس إل مجاميع بتتعين للاسف يعني اولاد المستشارين بيتعينوا الاول بالذات البنات والولاد ممكن قرايبهم يبقوا واسطه وكمان كانوا بيعينوهم بمقبول قريب((فضيحه)) بس الحمد لله موضوع المقبول ده اتلغى بس برده ياجماعه الاولويه لولاد المستشارين للأسف بجد وانا مش عايزه احبطكوا بس السنه اللي فاتت حصلت معجزه وعينوا من الاوائل وماكانوش ولاد مستشارين انا العائله كلها مستشارين يعني وكده فعارفه الموضوع ده بس برده اعملوا إللي عليكوا يمكن ياخدوا الاوائل برده الله اعلم وانا ضد النظام ده لانه ظلم بس هي دي الحقيقه وهي دي مصر ياعبله و والدي عايزني اتعين بمجهودي ومجموعي ((اي حد في حقوق ممكن يطلع كارنيه ويبقى محامي لكن التعيين في النيابه صعب شويه...)) |
يا فيلسوفه رايك صح بس حطى فى دماغك ان الله لايضيع اجر من احسن عملا
لو حطيتنا فى دماغنا الكلام دا هنحبط وهتبقى حاجه نعلق عليها فشلنا ومش هنعمل حاجه كلنا واثقين ان كلامك صح بس هنعمل الى علينا ابسط الامور يبقى نجحنا لنفسنا حتى انا بنوته زيك وليا طموح وعارفه انه احتمال كبير يفضل مجرد حلم ميتحققش بس اهو هعمل الى عليا علشان مبقش قصرت والوم نفسى وزى مانتى قولتى بس السنه اللي فاتت حصلت معجزه وعينوا من الاوائل وماكانوش ولاد مستشارين يبقى نقول يارب |
نسيت اقولك يا محمد شكرا على الموضوع المهم دا
جزاك الله خيرا |
طبعا مسالة الاولوية لولاد المستشارين دى لاخلاف عليها
بس بردو لازم نقول ان السنة الى قبل الى فاتت بردو فى 200 واحد من ابناء المستشارين اترفضو ودة الدفعة الى كانت بعد الغاء دفعة المقبول على طول ودة معناة ان كون الطالب من ابناء المستشارين يبقى خلاص كتعين من وهو فى سنة اولى ولو اتعبن بردو مش معناة انة متعين عشان هو من ابناء المستشارين والله انا ليا اصحابى كتير من ابناء المستشارين فعلا بيذاكرو ويتعبوا وبيجيبو تقديرات كبيرة حرام يعد دو كلة نقول انهم اتعينو عشان اهلهم وبعدين بالنسبة لمسئلة الاوائل الطالب ممكن يكون من الاوائل لاكن لايصلح انة يكون عضو نيابة لاان تطبيق القانون يختلف تماما عن دراستة كمان فى شروط كتير غير التقدير وكمان فى سمات شخصية معينة لازم تكون موجودة يعنى مسالة التقدير دة عشان يشترط وجود حد ادنى من العلم وهو الجيد |
اقتباس:
منور يا ابو حميد وفعلا الى مش هيجيب تقدير هيطير ههههه وانا موافقك وان شاء الله دا الى هيحصل اقتباس:
لا لا متقولش الى حل زى الى محلش هوا اه فيه استثنائات بتحصل لكن مش قاعده عامه دى يعنى اقتباس:
اقتباس:
انتى خلاص عديتى من الصعب فاضل عالحلو زقه يعنى ان شاء الله تخلصى وتتخرجى شكرا على مرور حضرتك |
اقتباس:
جمال باشا والله انت الى وحشنى اكتر بوص يا جمال المذاكره مش من المذكرات بس انا قولت لازم الكتاب معاها لكن المذكرات بتحدد السؤال والاجابه والكتاب فيه الشرح كله فلازم المذاكره من الاتنين اقتباس:
منور الموضوع والله وفعلا لازم من اول السنه ترتيب لان السنه بتطير اصلا وانت عارف كدا وكلنا طارت من ايدينا السنه |
اقتباس:
طب عايز اقولك حاجه مين قالك ان المقبول اتلغى طب ملسه بياخدو ولاد مستشارين نيابه وجايبين مقبول بس انا بتكلم فى ان الواحد يعمل الى عليه والباقى على ربنا يعنى اعمل الى مطلوب منى انى اجيب تقدير كويس مساله النيابه او مجلس الدوله دى من عند ربنا ولو ليا نصيب فيها يبقى هادخل فيها وافرضى مثلا برضه ان الواحد جاب تقدير ومدخلش نيابه المهم يبقى وصل لغايه كان محددها :) اقتباس:
اقتباس:
اقتباس:
مفيش كلام بعدك يجمال انت خبره يبنى :d |
انا عاوز ان شاء الله اقدم على حقوق بس كتي اوى بيقلى صعبه وهتعدى بالعافية ليه وخايف اوى من حكاية المذاكرة دى انا لو ملقتش حد يقلى ذاكر مش هبص فى شكله الكتاب
|
ههههههههه هو من ناحية شكل الكتاب هو ميتبصش فية لواحدة
انما لو عاوز حقوق لازم تعرف حاجة مهمة لو مش هتذاكر من اول يوم وتبقى عارف كويس انت عاوز اية وتوصل لية ازاى يبقى دور على كلية تانية احسن دى نصيحة من اخوك بعد 3 سنين فى كلية الحقوق وخلى بالك اولى دى مش هتحس بيها نهائى يادوبك تبدا وهتلاقيك فى الامتحانات فلازم تركز من الاول على انت عاوز اية من الكلية دى وبعدين بئة تسال حد اكبر منك زى ماكلنا بنعمل عن طبع الدكاترة وطريقة الاجابة الى بتعجب الدكتور دة والكلام دة يعنى بس نصيحة قبل ما تسال واحد النصيحة شوف كلامة وصلة لفين |
اقتباس:
وده الغالب يااما اسباب تانيه((ماعلينا)) بس ياجميل انا قصدي الاوليه لولاد المستشارين يعني لو فيه 300 واحد جايبين امتياز ومهموش ولاد مستشارين و100 من ولاد المستشارين جايبين جيد جدا يبقى الاولويه ليهم او لو كلهم جايبين نفس التقدير يبقى نفس النظام ((على فكره كل اللي اتعينوا كانوا في النيابه الاداريه بس وانافرحتلهم برده جدا)) مش قصدي ان اي واحد داخل اولى حقوق هيتعين هيتعين لا برده بياخدوا التقديرات العاليه الاول انما جيد ورا شويه هو ظلم وانا مش قاصده اضايقكوا والله بس عشان اللي داخل اولى مايفتكرش ان جيد ممكن تخليه يتعين ويحاول يزق عجله شويه في حاجه بتضايقني جدا وانت قولت عليها انا فعلا زمايلي رأيهم اني داخله اتعين كده كده حتى لو سقطت وبيقولوا كلام بايخ زي واسطه ورشاوي وكده وهم مش فاهمين حاجه حتى لو انا جبت امتياز هيقولوا انها واسطه برده ودي تضايقني جدا لاني بتقديري هبقى استحقها وماليش دعوه اذا كان النظام كده |
على فكره ياجماعه انا خايفه جدا من مزاكرة حقوق وده اللي خلاني ادخل هنا اصلا
انا شكل الكتب خضني بس ماشوفتش كتب حقوق انجلش لسه انا حاسه ان الجامعه حاجه تانيه حالص وكله بيقول كده وخايفه جدا ربنا يستر وكمان في مشكله اكبر اني اول واحده ادخل حقوق انجلش في العائله فعشان خاطري ابقوا ساعدوني ولا هنا حقوق عربي بس؟!! وبجد موضوعك مهم جدا شكرا تاني |
ممكن سؤال هى حقوق انجليزى بنقدم فيها من الاول ولا بعد لما ادخل حقوق عادى ابقى اقدم انجليزى .. و يا ترى صعبة و لا زى حقوق عادى ................ و شكرررررررا
افيدووووووووووووووووونى plzzzzzzzzzzzzzzzzzzzzzzzzzzz ...... |
اقتباس:
إانت لو عايز تعرف يبقى تروح فورا ل شباك شئون طلبة حقوق إنجليزي وتسأل ع الشروط بسرعة قبل ما يقفلوا باب التقديم أحسن بيقفل بسرعة حتى لو نتيجة التنسيق مطلعتش دلوقت إسمع نصيحتي ومتنسااااش بسررررررررررررررررررررعة |
اقتباس:
وبالنسبة للااصحابك سيبك منهم ومتتكلميش معاهم فى الحوار دة كتير لاان فى ناس بتبقى رافضة تفهم حاجة غير الى فى دماغها وعلى فكرة انا عارف الحوارات دى كويس وعشتها كتير وانا فى سنة اولى لاكن كبرت دماغى ولا كان فى حد بيتكلم والى عاوز يقول كلمة يقولها لحد ما الناس زهقت وبطلت كلام بالنسبة لحقوق انجليزى هى بردو فيها مواد بالعربى ومواد بالانجليزى ودى غالبا بتبقى مواد الدولى بس فى حاجة الانجليزى بتاع القانون اكيد غير بتاع ثانوى يعنى لازم تكونى كويسة فى الانجليزى جدا بس بردو انا مشفتش كتب حقوق انجليزى لاكن شفت بتاعة فرنساوى فعلا اللغة فيها قوية جدا والدراسة فى حقوق فرنساوى ممتعة جدا بس طبعا غير الفرنساوى بتاع ثانوى خالص |
اقتباس:
لاكن هتلاقى فى الكلية ناس اكبر منك حاولى تاخدى منهم النصيحة بس تختارى ناس صح وكمان ممكن حد من العيلة يساعدك حتى لو دخلتى حقوق اجليزى لاان المناهج مبيبقاش فيها اختلاف كبير وفى الاخر طبعا انتى اقدر شخص ممكن يحدد اسلوب مذاكرتة وبالتوفيق ان شاء الله |
اقتباس:
thanxxxxxxxxxxxxxxxxxxxxxxx:078111rg3: |
بالنسبة للدراسة هو انا بتخصص فى قسم واحد
ولا بدرس كل الاقسام متقسمة على السنين فى الكلية ولا انا بحدد؟؟ |
مفيش تخصص بتدرس كل حاجة
|
الله وفقنى الى كل ماتحبه وترضاه يارب العالمين
|
موضوعك عجبنى بس انا عاوز اعرف اميلك علشان ادردش معاك
|
انا هدخل اولى حقوق وخايف بس كلامكو طمنى شوية ممكن اعرف حد فى حقوق المنصورة
|
الله ينور عليك الواحد فعلا محتاج للنصائح دى لان اكيد اى واحد منا بيقع فى الخطأ ولكن الامن ان احنا نتعلم ازاى منقعش فيها الف الف شكر انا احمدجمال من اسكندرية امنية حياتى انى اخش كلية الحقوق فاددعولى بالتوفيق
|
انا كنت اخاف جدا من دخولي كلية الحقوق ولكن بعد كلامكم الجميل ده انا فرحان اني دخلت كلية الحقوق جزيل الشكر لكم جميعا
|
طيب ايه الفرق بين حقوق عاديه وحقوق انجلش
|
طيب ايه الفرق بين حقوق عربى وحقوق انجلش
وايه المواد الى بتدرسها بتختلف عن حقوق عربى ولالا ومصاريف اول سنه زى كل سنه ولالا |
عاوز اعرف
السلام عليكم اية نظام حقوق اسكندرية كلة بيقول صعبة وهو فية حقوق انجليزى
|
مواعيد التقدم الى كلية الحقوق امتى
|
هى حقوق القاهره بتدرس كام ماده وهما ايه فى سنه اولى وحقوق بنها بتدرس كام ماده وهما ايه؟
|
ya gama3 anakaman galy 72o2 cairo w ana f3ln mar3oba 3amala asm3 kalam 3an ***a fe el exams w keda
ya3ny ana 7ata lw t3bt mesh hala2y |
مبروك يامحمد صحيح انت الان مشرف المنتدي انت تستحق هذا
|
انا داخله اولى حقوق ادعولى بليييييز
|
شكرا يا محمد بجد استفدت جامد جدا و كل رمضان وانت طيب
|
شكرا جزيلا يا محمد على النصائح الجميله
انا اولى حقوق جامعه القاهره |
ليه مابتردش علينا يامحمد ... كل سنة وانت طيب علشان رمضان
|
جزاك الله خير
محمد رمضان تجارة جامعة القاهرة |
الف شكر يا كوماندا
|
بجد يا كوماند
ات انت برنس ميرسى جدا ليك بس انا بجد لو عندك اميل او موبايل يا ريت تكتبه عشان نستفيد منك وانا بجد مرعوووووب منها انا لسه داخل سنه اولى بس ربنا يستر وشكرا جد ا ليك |
شكرا يامحمد على الموضوع المهم ده وربنا يهديك زى مالصوره مكتوب تحتيها انا لسه انشاء الله اولى حقوق جاعه القاهره ادعولى بالتقدير
|
شكرا على الموضوع المهم ده انا اهو دخلت الجامعة وحاسس برهبة
يارب متأثرش ان شاء الله وربنا يوفقنا جميعا |
انا اولى حقوق بس انت كده تمام قوى وموضوع جميل جدا ومفيد
ربنا يكرمك |
مساء الخير يااصحابي انا مجموعة ج اولي حقوق القاهرة وحضرت مرة واحدة علشان انا باشتغل لو حد يقدر ينزل المحاضرات يبقي جزيل الشكر واكيد في ناس كتيير هاتستفيد من كده
|
ثانكــس علي المـوضـوع الجميـل دا
انا حقيقي استفـادت كتيـررر انا مـوش عايـزه اكتر من جيد جدا عشـان مبقــاش طمـاعـه ههههههه سـووري ياهـدي كان نفسي افيدك بس انا تعليم مفتـوووح ربنـا يعينـك في الشغــل :) وبالتـوفيــق لينـا كلنــا تقبـل مــروري :) :) |
لك جزيل الشكر وربنا يوفقنا جميعا
|
جميع الأوقات بتوقيت GMT +2. الساعة الآن 02:39 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.