بليز يا جماعه حد يجاوبلي اسئلتي
 

يا جماعه بليز حد يجاويبلي اسئلتي

صح او خطأ

1- المستقيمان العموديان ع مستقيم ثالث متوازيان

2-المستقيمان العموديان ع مستوي ثالث متعامدان


**م أ ب ج هرم ثلاثي فيه (م أ = أ ب) ، (م ج = ب ج) ، قياس زاويه (ب أ ج =90)

اثبت ان ج أ هو ارتفاع الهرم (انا عارف علشان يكون ارتفاع لازم يكون عمودي ع القاعده ممكن حد يثبتها)


4- العامل الوسط ف مضروب (ن) هو ايه



وليا بقي طلب صغير يا ريت حد من الاساتذه الافاضل يقولنا بس طرق اثبات ان الشكل مثلا

( معين- مستطيل - شبه منحرف - منشور ثلاثي ........................) وكل الحجات اللي ممكن تتثبت

الف الف شكر ويا ريت الحل


منتظر:bosyht9:

..............................

- المستقيمان العموديان ع مستقيم ثالث متوازيان دي صح

2-المستقيمان العموديان ع مستوي ثالث متعامدان دي غلط متوازيان

والاثبات سهل أوي

سوري انا اقصد ف الثانيه اقول

2-المستقيمان العموديان ع مستوي ثالث متوازيان

لان لو طبعا متعامدان فهي اكيد غلط

انا عرفتهم الحمد لله

1/ غلط مش صح يا بسمه اقولك ليه بصي للزاويه الزوجيه مش بيبقي فيه مستقيمين عمودين ع مستقيم ومش بيكونوا متوازيين

2/ صح



بس عاوز حد يقولي العامل الاوسط ف مضروب(ن)

مستر سرور من فضلك ممكن تفسرلي شويه العبارات دي

1- العموديان ع مستقيم متوازيان

2-العموديان ع مستقيم ف مستوي متوازيان

3- اضلاع اي شكل رباعي تقع ف مستوي واحد

4- اذا تقاطعت ثلاث مستويات مثني مثني فان خطوط تقاطعها تكون متوازيه

أتمنى أن يكون الحل واضح
الملف المرفق 22224



http://www.thanwya.com/vb/attachment...4&d=1245456945

تم وضع الحل بصورة اوضح

ا.محمد سرور

الإقامة : ارض الخداع

اذا تقاطعت ثلاث مستويات مثني مثني فان خطوط تقاطعها تكون متوازيه

العبارة دي يا استاذ صحيحة
لان المستوى ممتد من جميع جهاته (غير محدود) بالتالي فتقاطعهم مثنى مثنى ينتج عنه ثالث مستقيمات متوازية

عفواً ؟
اذا تقاطعت ثلاث مستويات مثني مثني فان خطوط تقاطعها تكون متوازيه " عبارة خاطئة "
فمثلاً : الأوجه الجانبية للهرم الثلاثى هى ثلاث مستويات متقاطعة مثنى مثنى و من الواضح أن خطوط تقاطعها ليست متوازية.

انا دورت عليها ولقيتها ف المعاصر حتكون الاجابه غلط

هما حيكونوا متوازيان او متقاطعين ف نقطه واحد

اصعب حاجه لم يكون الواحد عارف ان هو يعرف كل حاجه وهو ولا ليه ف اي حاجه

هو لم اقول المستقيمان العموديان ع مستقيم واحد متوازيان زي ما اقول المستقيمان العموديان ع مستقيم ف مستوي متوازيان الاثنين غلط كله عدس عندك لا طكبعا الاولي غلط والثانيه صح انا لقيتها ف المعاصر

العمودان على مستقيم واحد من نقطتين مختلفتين
اما متوازيان اذا جمعهما مستوى واحد
واما متخالفان اذا لم يجمعهما مستوى واحد

المعين اثبت انه متوازى اضلاع فيه ضلعين متجاوريين متساويين ..او اقطارة متعامدة
المستطيل اثبت انه متوازى اضلاع فيه زاوية قائمة او الاقطار متساوية
شبه المنحرف اثبت ان فيه ضلعين متوازيين والاخريين غير متوازين
المنشور الثلاثى ...اثبت ان القاعدتين (المثلثين ) متطابقين

.....مش شرط لازم تكون المستويات نفسها متوزية مع بعض الاول ....شوف المنشور الثلاثى القائم يبقوا متوازيين لكن فى الهرم الثلاثى شوف الاحرف الجانبية له غير متوازية

مش شرط لازم تكون المستويات نفسها متوزية مع بعض الاول ....شوف المنشور الثلاثى القائم يبقوا متوازيين لكن فى الهرم الثلاثى شوف الاحرف الجانبية له غير متوازية



عذرا استاذى راجع مسئلة فى كتاب 100% واعتقد انها نماذج بتقول ان م اب جـ هرم ثلاثى تتعامد اوجهه الجانبية مثنى مثنى
والتعامد ناتج عن زواية والزواية تاتى نتيجة للتقاطع

دة كلام صح تماما وتاكيد لكلامى السابق
مش شرط لازم تكون المستويات نفسها متوزية مع بعض الاول ....شوف المنشور الثلاثى القائم يبقوا متوازيين لكن فى الهرم الثلاثى شوف الاحرف الجانبية له غير متوازية ولكنها تتقاطع فى نقطة الرأس دة على سبيل المثال


خلاص حصل خير

كله يروح يذاكر يلا وربنا يوفقك

وجزيل الشكر للاستاذ ماجد والاستاذ سعودى

جزيت خيرا على الحل

كل الشكر و التقدير للأستاذ الفاضل محمد سرور لوضع الصورة بشكل أوضح
و لو سمحت ممكن أعرف كيف إدرج الصورة بهذا الوضوح و لكم جزيل الشكر
ماجد حسن

الاخ الفاضل محمد بك سرور
ردك جميل وسريع وانت رجل حاضر ومهتم
ممكن تشرح ازاى تكتب المسائل بالرسم وكيفية رفعها ولك جزيل الشكر

يا bosy 3
عندك شوية مسائل ديناميكا حلوة فى المنتدى تحت اسم مراجعة ميكانيكا

عذرا استاذى راجع مسئلة فى كتاب 100% واعتقد انها نماذج بتقول ان م اب جـ هرم ثلاثى تتعامد اوجهه الجانبية مثنى مثنى
والتعامد ناتج عن زواية والزواية تاتى نتيجة للتقاطع


طب ازاى هتتعامد مع بعضها وهو هرم ثلاثى "القاعدة تكون مثلث مجموع زواياه 180"كما ان الراس نقطة؟؟؟؟؟؟

استاذ محمد سرور يا ريت توضح ان كانت صواب ام خطا وكذلك يا ريت تذكر رقم الصفحة فى 100%

ما حيكون فيه مستقيم عمودي ع مستوي مش مستقيم

احنا نستعمل وورد 2003 او 2007 وبعدين بنضغط على زرار برنت سكرين على يمين انتر
وننسخ الصورة فى برنامج الرسام فتصبح صورة عادية وليس وورد
ونستخدم موقع مثل موقع العملاق لرفع الصور لرفعها على مواقع النت


لما نقول ان الاوجهة الجانبية متعامدة معنى كدة ان المثلثات الجانبية للهرم جميعها مثلثات قوائم عند الرأس م
يعنى لم اذكر اى شىء عن القاعدة
الرسم التوضيحى بالمرفقات