|
سيد ابو حفيـــــــظة
اتعس اللة مساؤكم.....
كلمة اى حد بيتفرج على قناة موجة كوميدى الساعة 7 كدة هيلاقى البرنامج دة بيتذاع انا بقا مش فاهمة اية لازمتة واحد عمال بيتريء على خلق اللة وبصراحة ممل جدا فى حد رأية كدة برضو ولا كلكم زى اخواتى عجبكم لو عجبكم قولولى ولو لا برضو قولولى.. |
السخرية السياسية هي نوع من أنواع التعبير عن الرأي .. ولكن عندما تكون بهذا الابتذال والخروج عن اللياقة فإنها عندئذ تكون تهريج دمه تقيل .. وابتعاد عن الهدف نفسه وهو التعبير عن المشكلة والخطورة ولكن بأمر يتقبله النفس وتحبه الروح أما ما يحدث في هذا السيد أبو ........ فهو تريقة على المشاهدين والدعاء عليهم وهو مجرد تضييع وقت في أمور غبية
أكبر مثال على الكوميديا السياسية هو الهادف المحترم ( الأستاذ محمد صبحي) . |
معاك حق فعلا
ان الاستاذ ( محمد صبحى ) هو مثال للسخرية السياسية المحترمة |
ههههههههه سبحان الله كنت لسه هعمل الموضوع ده بصراحة برنامج ممل جداً ومستفز جداً هو مُلخصه إنه بيستهزء وبيسخر من تراب الأرض كل حاجة بيتريق عليها سواء صح أو غلط أسلوبه شوارعى أوى على الآخر يمكن فى حاجات بتعجبنى بس بصراحة بايخ أوى ، وسخريته بشكل غير متحضر وغير محترم |
بصراحه التلفزيون العربي بشكل عام انا بتفرج عليه من اجل التسليه بس
:d وبحب أوي اشوف العرب وهو بتذاكوا عشان ميظهروش غبائهم فبيظهروا أكثر غباء :D زي الإعلانات والفواصل اللي بيعملوها في القنوات الهبله لكن كدا كدا أصلا لو عايز استمتع مش هتفرج علي التلفزيون العربي :) وبصراحه انا بضحك علي الهزل اللي بيتقدم في سيد ابو حفيظه لان زي ما قولتلك لما بكرر اني اقعد اتفرج علي التلفزيون وده نادر بيبقي عشان اريح دماغي عايز الاقي حاجة سخيفه وبصراحه ما اكثر الحاجات اللي بلقيها :) ربنا يخليلنا الإعلام |
اقولك حل مثالى
متتفرجيش عليه لولا اختلاف الاذواق لبارت السلعــ اعرف ناس كتير بتحبه انا مش متابعه كبري دماغك يعنى |
برامج اذاعية : انا والنجوم وعشاك . . جيم تيم اتفتح
سلام عليكم :::::::::::::::::: وصلتنا اهداءات كتير واس ام اس كتير بس خلونا نستقبل اتصال تليفونى ونقول الو الو ازيك يا اسامة عامل ايه ............ اسامة : نتعرف بيكى ( مش عارف هيا دايما كدا فين وفين على ما بشوف راجل بيكلمه :d) انا اسمى ........ انتى مرتبطة كنت .... ( دايما بيقولو كنت ) :::::::::::::::::::::::::::::::::::::::::::::: ندخل فى الموضو ع بقا طبعا كلنا عارفين البرنامج ده واللى بيسمعه عارف اد ايه الناس هايفة اولا لو هنتكلم عن المذيع هنقول ايه اولا دا مش طبيب نفسانى ولا اخصائى اجتماعى يعنى مهنة فى غير محلها لو هنتكلم عن الناس اللى بتتصل اقولهم انتو عالم هايفة ( البنات بالتحديد ) كل اللى تتكلم تقولك انا احسن حاجة حصلتلى انى كلمتك و....... مع العلم انهم عارفين انه مش اخصائى ولا طبيب ومع ذلك بيدردشو واكتر حاجة تخنقك الاغنية اللى بتيجى بعد كل اتصال بتزود الهم اكتر خاصة لما المتصل يعيش الدور ويتعايش مع الاغنية ::::::::::::::: فى حاجة تانية حبيت اقولها واتضايقت جدا منها واحدة بتتصل والاستاذ اسامة بيقولها عملتى ايه فى الفالانتين قالتله خطيبى بيقول انهه مش متعود عليه وانه ححرام قام اسامة افندى قال كلام ميقولوش غير خطيب جمعة كان فاضلله اية وحدي ث ويخطب على المنبر قاللك ان عيد الحب مش حرام وانه عادى زى الثورة وعيد العمال مهو الاخ ميعرفش ان الفالانتين تقليد للغرب والوثنيين وانه حرام اصلا انما هو بقا اشتغل مفتى الديار المصرية وقاللك مش حرام ( هيتحاسب على كلامه يوم القيامة ) ::::::::::::::::::::::::::: اللى عايز اوصله فى النهاية اننا عقول تعبانة بناخد النصيحة ممن يريدون النصح محدش بيفكر هو بيستفاد ايه تقريبا كلامه بيريح بس مبيوصلش لنتيجة يبقا عملنا ايه اد ايه احنا عقول عايزة الضرب بالنار خصوصا البنات دول كل اللى بيتصلو بنات مش عارف ليه :d ::::::::::::::::::::::: عارف انى طولت عليكو بس معلش الواحد مخنوق اه قبل ماانسى اللى هيقول الجملة دى اقتباس:
ياريت ميقولهاش :d نلتقى فى برنامج تانى ان شاء الله عمرو دياب صعبان عليا ياغالى :d دمتم فى رعاية الله |
اقتباس:
.. برنامج ايه العبيط ده .. |
اقتباس:
ربنا يجزى حضرتك خير الف شكر على الموضوع |
اقتباس:
كل الناس بتقول كدا والله ونا اولهم اقتباس:
نصيحة اخوية خليها تبطل تسمعه ااااه اقتباس:
اقتباس:
والله عندك حق هو متخذها وظيفة مش اكتر وبالحكم اللى هو اصدره هو لايفقه شىء عن الدين اقتباس:
اقتباس:
اجزتى فانجزتى الاية دى تنطبق عليه فعلا وبلاش حضرتك دى :d اقتباس:
اقتباس:
لنا الظاهر ولله السرائر اقتباس:
جزاكى الله خيرا دمتى فى رعاية الله |
أنا و النجوم وأفاك ..أه طبعاً .. هل يخفى البتنجان ؟!!
هههههههههههههههههههههه بجد هموت من الضحك ههههههههه أقولك حاجة أول معرفتى بالبرنامج ده .. أصلاً أسامة عبير ده بكرهه جداً مش فاهمة إيه اللى هاوس عليه البنات بالمنظر ده المهم زماااااااااااان أوى و انا فى ثانوى :d(واخدين بالكم) لقيت زمايلى كل شوية يحكوا لبعض حلقات أسامة منير لغاية ما مرة طقت فى دماغى أسمعه:blink: المهم شغلت الراديو على ال إف إخB) و فضلت متابعة الحلقة من أولها لأخرها بس بجد ضحكت ضحك .. قمة التفاهه والهيافة :unsure: و فضلت حوالى 4 حلقات أسمعله ماكدبش عليكم فى حاجات بيقولها صح بس نسبتها لا تتجاوز ال 5% هتقولوا طيب لما انتى شايفاه تافه تابعتى 4 حلقات تانى ليه علشان واحدة من معجبينه زميلتى لما قلتلها رأيى فيه قالتلى انتى ماسمعتهوش علشان تحكمى عليه.. وإقتنعت بكلامها وقررت أسمعه 5 حلقات علشان أعرف أرد عليها:stickjo4: من ضمن الحالات اللى شفتها (بنات أكيد) .. بنت عندها 16 سنة ومرتبطة بعيل زيها والأزفت من كده لعلمك يا أسامة دى مش علاقة سرية خالص دا بوجى وتوتو وسوسو وبندق أصحابنا عارفين :bosyht9: وعجبتنى حلقة من مسلسل إسمه لمبة شو كانوا فى حلقة بيتريقوا عليه ..هحثك على الفساد إتفرج على الحلقة دى بأى طريقة :d بجد برنامج يجيب الضغط :slap1qk6: شكراً على الموضوع يا محمود .. جزاك الله خيراً:078111rg3: |
سورى يا جماعه انا ليا راى مختلف شويه عن رايكم
اولا البرنامج ده بقالوا 6 سنين بيتذاع مش اول مره يعنى يتذاع فيها وبعدين انا من راى ان الناس دى مش تافهه ولا هايفه دى ناس عندها مشاكل ولقت حد بترتاحله وبتثق فيه وبتفضفض معاه زى اصدقاء يعنى بس الاحسن انه مش بيبقى صديق واحد الناس كلها بتشارك فى مشكلتك وانا معاكى ان اسامه مش دكتور نفسى بس عنده خبره 6 سنين فى حل مختلف المشاكل يعنى زى مثلا مااحنا بنكلم بعض علنت وبناخد راى بعض فى مشاكل فى حياتنا ده حد متهيالى اضمن من النت على الاقل النت مش متاكد الى بتكلمه بنت او ولد وبعدين البرنامج مش بينشر الفساد عشان نهاجمه بلطريقه دى متهايلى ان فى برامج تانيه هى الى تستاهل كده اسفه طولت عليكم |
يا جماعة .. أسامة منير نفسه طلع في برنامج بني آدم شو اللي بييجي على قناة الحياة
وقالها علانية كدا .. اقتباس:
انا واحد من الناس كنت بسمعله .. بس جيه عليا وقت وخلاص مليت منه .. وبعدين الناس اللي بيبقي عندها هموم بتبقي عايزة اي احد تحكيله عشان يواسيه او يقوله اي حاجة وسر ان البنات هيا اللي بتتصل .. إن البنات معروفين انهم مقضينها حكاوي .. لكن الولاد بيكتفوا بالسماع فقط .. فيه سبب تاني برده وهوا ان الولد ممكن يتحرج من انه يحكي .. لكن البنت بتحكي بجرأة شوية سر ان البرنامج فيه اقبال عليه .. ان كل واحد عارف ان فيه ملايين بتسمعه .. بس الملايين مايعرفوش هوا مين .. وبالتالي انتا فيه علامة استفهام عليك وماحدش هايعرفك .. فالأمر ايزي وعادي جدا لكن لو انتا هاتتكلم على الهيافة والتفاهة وقلة الادب .. شوفها على قنوات زي مزيكا وميلودي تريكس انا والله العظيم كنت قاعد النهارده هاتعلللل من اللي بسمعه وبشوفه دا .. بنات في منتهي المياعة .. وولاد في منتهي الهطل والهبل .. وحاجة فعلا تخلي الواحد يقرف من اشكالهم ويقفل التليفزيون !! |
اقتباس:
شكرا على المرور يا مها دمتى فى رعاية الله |
.. لأ بجد .. هو فيه برنامج كده ؟؟!! .. :huh: |
اقتباس:
اقتباس:
ولا يهم حضرتك احنا لازم نستحمل :d دمتم فى رعاية الله |
اقتباس:
اه والله فى برنامج كده اقتباس:
دمت فى رعاية الله |
الحمد لله مابقتش اسمع راديو زمان كنت بسمع ابله فضيله
ولما كبرت كنت بسمع صفيه المهندس رحمها الله وشويه برامج كده من البرنامج العام زى برنامج من الحياه ودلوقت بسمع مجبر اخاك لابطل قناه ام بى سى --قصدى ام بى سم فى ودانى وزعيق وشخط وحاجات تجيب العصبى والنفسى غصب عنى مش بمزاجى والحمد لله ربنا يصلح حال الجميع |
اقتباس:
ربنا يهدى |
نياهاهاهاهاهاها
والله انا كنت سمعت عن البرنامج ده فقلت بقى اكيد ده حاجة رومانسية حلوة هاسمعه هههههه المهم سمعت حلقة لقيتو مش بيحل مشاكل هو بيفضل يسال يسال يسال وما بيديش حل بمعنى الكلمة وبعدين يحطلك اغنية زي مانت قلت والله تخلي الواحد اللي عنده مشكلة يقوم ينتحر بس عيال غلابة جدا بصراحة اللي بيكلموه وبعد ما خلص قلت ايه النكد ده مش كنت صلتلي ركعتين احسن ماشاء الله بيختار اوقات قريبة جدا من الثلث الاخير موضوعك روعة |
هو بيجي الساعة كام:d لازم اسمعه عشام مبقاش بتكلم ف حاجة معرفهاش:romarioxp6: بس انا عارفة اسامة منير كنت مشتركة ف الفان بتاعه ع الفيس على انه كاتب:d المهم لو هنتكلم عن التفاهة مش هنخلص لان كل حاجة بتعملها الشباب اليومين دول تفاهه ومننهاش فايدة اما بالنسبة للبرنامج بتاع الاخ اسامة ده تافهه من ضمن التافهين بيحاول يحل مشاكل تافهه لمجموعة تافهيين :romarioxp6: وده شغله واكيد مش هيبطله يبقى مفيش حل للي مخنوق منه غير انه بيطل يسمعه :stickjo4: وحتة الفالنتاين دي شغله بردو يعني دي ناس ميفرقش معاها حرام من حلال لما يقولها ايوة فعلا خطيبك عنده حق الفالنتين حرام هيشتغل ازاي هو كان لازم تكون دي الاجابة المتوقعة منه وتتاخد عادي اقتباس:
ههههههههههههه اها بتاع مزيكا اللي كل مابنت تتصل بيه يقولها لون عنيكي ايه وسبحان الله كلهم ياعسلي يااخضر ياازرق:d الغوامق ماركة مش مسجلة عندهم :d شكرا ع الموضوع احذف يلا :d |
اقتباس:
و ع الاقل الناس بتفضفض للشخص ده ( اسامه منير ) وواثقين من رايه بس هو طبعا المفروض ميفتيش تقبلوا رايي ومروري شكرا علي الطرح |
أنا معرفش أسامة دا اللي من 1ث وكمان عمري ما سمعته كانت صاحبتي بتحكيلي ع طول عنده في الاول كنت مش مهتمه يعني وبعدين بدأت صاحبتي تحكي عن القصص اللي بتسمعها وطبعا بتعلق عليها بتريقة علي اللي مش بيعجبها وع البعض بجدية بس كان بيعجبني ان لما كنت بيتحكي لي كنت بستفيد من تافهه التافهين ان متعرضش لاي حاجة من دي بس وكمان _ان بتكلم ع اساسي ان سمعت من صاحبتي_ عن مشاكل في الحياة فعلا وكان كويس دلوقتي اول لما العيال اصحابي شافوا أسامة في التليفزيون عينك ما تشوف اللي النور بطلوا يسمعوه ما هم كانوا بيحلموا بفارس احلام صوته زيه هههههههههههههههههه ما اني سمعت صوته في التليفزيون وكان عادي سبحان الله له في خلقه حكم :):) بس باين عليك متابع جامد :p:p:p قاللك ان عيد الحب مش حرام وانه عادى زى الثورة وعيد العمال مهو الاخ ميعرفش ان الفالانتين تقليد للغرب والوثنيين وانه حرام اصلا انما هو بقا اشتغل مفتى الديار المصرية وقاللك مش حرام ( هيتحاسب على كلامه يوم القيامة ) حب (حبه --------- :d:d) أنا معرفش اللي عيدان بس العيد الكبير والعيد الصغير:blush::blush: اللى عايز اوصله فى النهاية اننا عقول تعبانة بناخد النصيحة ممن يريدون النصح أنا مش مع البرنامج ومش ضده لاني مش سمعته اصلا كل علاقتي بيه حكايات من اصحابي وكان زمان ساعة درس الفرنساوي قبل الاكل وبعده:rolleyes::rolleyes: وبحب اهدي الاغنية دي لمامي وبابي ونونو صاحبتي وكمان القائم ع كتابة الموضوع:p:p شكرا ع الموضع الهادف دا بس ليه ملحوظة انت بتهاجم الفنانين ليه بس بقالك فترة لعلمك هو اللي بيكسبوا دلوقتي نصيحة اخوية بعد لما تخلص هندسة اشتغل مغني هتكسب دهب هههههههههههههههه ونافش عمر وهيفا بقي:d:d:022yb4::022yb4: هههههههههههههههه |
.. أنا دورت عالنت عرفت أسامة بتاع ده .. .. انما البرنامج لأ .. .. معرفتش أدور .. :) ..عموما الواضح من الكلام إن سعادته بيحل للناس مشاكلهم النفسية .. .. وهو ليس له علاقة بهذا المجال .. .. صح .. ولا أنا فهمت غلط ؟؟!! |
ههههههههههههههههههههههههههههههه
|
جيم تيم جيم تيم اتفتح الباب
جيم جيم تيم جيم تيم اتفتح الباب
اكيد بتتفرجوا علي قناة مزيكا قناة مزيكا تقريبا بتذيع يوميا برناج اسمه ( جيم تيم ) المذيع الي بيقدم البرنامج بطريقه شبه يوميه اسمه ( نادر) فالنتينوا قناة مزيكا وقت البرنامج ما بيتدي بيروح طالع استاذ نادر ويفضل يرغي رغي انما ايه ولا اجدع بغبان في استراليا :d المهم وقت الاتصال ما بيجي يروح نادر قايل : نادر : الو ....... البنت : هااااااااي ازيك يا نادر عامل ايه يا قمر ( بصوت بقي ايه مقولكوش اكنها لسه في كي جي 1 صوت بقي البنت السهتانه الي صوتها رقيق وكل يوم بتحب واحد غير تاني وايييييييييييييه) ( وياعيني نادر ميعرفش انها بتكلمه من كابينة ميناتل من قدام السوبر ماركت ونزلاله بشبب الحمام ويعيني البرنامج بدا بدري عن ميعاده بنص ساعه فنزلت من غير ما تنشف الجاز الي حاطها):) نادر : انا تمام الحمد لله أيه الصوت الرقيق والجميل ده بتكلمينا منين البنت : انا بكلمك يا قمر من جاردن سيتي ( طبعا وهي بتكلمه شالت الجاز عشان تحس انها من جاردن سيتي وتديله الاحساس المظبوط):d نادر : اه جاردن سيتي اجدع ناس ( فراح جاب علبه عشان يديها جايزتها وفتحها ) فقالها : عندكوا تليفزيون ( طبعا يا اما هو غبييييييي يا اما عارف انها بتلكمه من الكبينه) :) البنت : امال بشوفك ازاي يعني يا قمر نادر : مبرووووووووك كسبتي تليفزين هتعملي بيه ايه ؟ (( ركزوا في الجمله دي )) البنت : قالت التلفزين ده انا هحطه قي الاوده بتاعتي جنب السرير بتاعي علي ( قالت كلمه كده مكناش عارفين هيا بانهي لغه وطبعا بعد ما استعنت بدفعة كلية الالسن 2007\2008 وببعض القواميس اتضح لينا انها تقصد الكوميدينوا) :d الكوميدينوا عشان اشوفك قدامي علي طول يا قمر ومتغيبشي عن عيني لحظه. ها أيه رايكوا ف الجمله دي انا مش فاهم احنا حصلنا ايه ازاي البنت دي سمحت لنفسها انها تكلم ولد بالطريقه دي ومش البنت دي بس الي بتكلمه كده دي كل البنات الي بتتصل بتكلمه بنفس الطريقه دي صوت رقيق ممزوج بقليل من السهتنه :d ليه انا مش عارف هل البنات دي بتبقي قصدها تشتغله ولو قصدها كده يبقي من ايه من وقت الفراغ مش لايقه حاجه تعملها وقاعده فاضيه ولا ده بقي اسلوب حياه دلوقتي زي مكلنا عارفين ان ظهرت في مصر ظاهرة معاكسة البنات للولاد ( انت يا واد يا سكموز):d وفيه دكتور اخصائي نفسي بيجي علي برنامج في قناة الحياه اسمه ( الحياه والدين) فسر الظاهره دي علي انها فراغ نتيحة الفراغ وبرضه عدم اهتمام الاسره بالبنت بالقدر المرغوب انا بجد مش عارف اقول ايه الدنيا اتغيرت هنا في ايطاليا رئيس الوزراء طلع وبيقول احنا مش لايقين حد لظاهرة التحرش في ايطاليا والبنات هما السبب لا ن الايطاليات جمال جدا ( انا كنت هكلمه واقوله انا عندي الحل احنا نعمل عملية مبادله تاخد انت بنات من مصر وتدينا بنات من ايطاليا وكده هنحد التحرش من ايطاليا ) يا تري يا اعضاء المنتدي ايه هو السبب ليه البنات الايامدي فكرهم اتغير وليه البنات الي بيكلموا جيم تيم بيتكلموا بالطريقه دي وليه وليه وليه .............. يا ريت ردودنا تبقي علي جيم تيم بالذات وعاوز راي الشباب في العمليه التبادليه الي كنت هطرحها علي رئيس الوزراء :d |
غريبه يمحمد صح يجدع عمرى مشفت واد طالع عالتليفون وبيعاكس بنت مذيعه ويقعد يقولها كلام زى الى بيقولوه لكن البنات تقعد تقول يقمر ويسكر ويعسل مش عارف على ايه يعنى :huh: دا حتى اسمه نادر:mellow: بس فكرة البرنامج اصلا نصب فى نصب ومعظم البرامج الى كدا زى تريكس وغيره كله نصب وبيضحكوا عالبنى ادمين:D اقتباس:
هههههههههههههه وتزودو عندنا هنا احنا بقى:D ابقى سلملى على ايطاليا الى بالى بالك :lol::d |
هو انا مش بسمع اغانى و القناة باين من اسمها انها قناة اغانى بس فيه حاجة ان اختى بتتفرج على البرنامج العجيب ده فمرة كنت واقفة معاها كده لقيت واحد بتتصل بيقولها الاستاذ نادر ايه اكتر مثل بتقوليه فى حياتك قالتله اللى بيته من ازاز مش يحدف الناس بالتوب قعد يستهبل بقى و يقولها ايه؟ ازاى يعنى المثل مش كده تقوله ازااااااااااى ده نانا هى اللى قالته لى دى واحدة التانية بقى بيقولها انتى لون عنيكى ايه قالت لو يومادى و شعرك؟ قالت له احمى قالها لها رومادى و احمى حاجة جميلة خالص و اللى بتقوله انا مصاحبة واحد دلوقتى عثل خالص مش عارفة و الله بجد عالم تافهة و خايبة لاقصى درجة |
اه والله عندك حق
مع جيم تيم انت هتكسبتقريبا مش مزيع واحد دا جروب مكون من 8 افراد نادر وكريم و...... شباب تافه اتصادلوقتى وسجل اكتر من مواضيعيهم العيدية وهدية عيد الحب وكلام هبل كتير كدا بحس بالشلل فى المرتين اللى حاولت اشوفهم فيه تحس كدا ان راديو شغال ادامك او تلاجة مبتفصلش والبنات مبسوطة وهايصة وكله فى التمام قمة الهيافة والتفاهة نصيحة اللى مخنوق من الدنياوعايز يجيله شلل نصفى يتفرج على البرناج ده ومتنسوش مع جيم تيم انت هتكسب |
اقتباس:
اقتباس:
الاروع مرورك طبعا منورة الموضوع طبعا اشوفك فى الحلقة الجاية :d |
اقتباس:
منورة البرنامج :d قصدى الموضوع دمتى فى رعاية الله |
اقتباس:
دمتم فى رعاية الله |
شكرا جدا ليك يامحمود بجد لفت نظر ناس كتير ممكن يكونوا مقتنعين ياللى اسمه اسامه ده ومكدبش عليك انا فعلا كنت بسمعه كتير بس جاتلى فترة كده لقيت نفسى خلاص بدات امل منه وبدأت المرات تقل حلقه ورا التانيه كنت بسمعه برده بس مش زى الاول مش كنت بفوت حلقه مرة فى مرة استغنيت عنه خالص ومش بقيت اسمعه والكلام ده قريب علشان كده بقول يارب تكون اخر مرة والعجيب اوى ان معظم اللى بيتصلوا بيه بنات على ايه مش عارفه ومعجبين بصوته اوى ..هههههههههه حلال المشاكل حضرته ده يخرب بلد بحالها فى ناس كانت بتتصل يقولهم اقطع عرق وسيح دمه هههههههه(الجمله دى تقريبا مش بتفارق لسانه) كأنه بيكلم انسان عديم الاحساس اول ما يضغط على الزرار هينفذ كلامه وتلاقى تلات ارباع اللى بيتصلوا بتبقى ودن من طين وودن من عجين زى مابيقولوا خصوصا اللى سنهم صغير من 15_22 كده هو فيه كلام بيقوله بيبقى صح ايوه لكن معظم كلامه عبيط وكله كوم والاغانى بعد كل اتصال كوم تانى تخلى اللى اتصل عايز يولع فى نفسه بجد ياجماعه احنا مش ناقصين خراب كفايه اللى بيحصل فينا الشباب اتدمر واصلا مبقاش فيه شباب لازم نلحق نفسنا قبل مايقضوا علينا ربنا يهدينا كلنا يارب شكرا ليك مرة تانيه يامحمود الموضوع جميل فعلا |
اقتباس:
هههههههههه منورة الموضوع والله دمتى فى رعاية الله |
اقتباس:
شكرا على المرور اقتباس:
مش عارف اقول ايه بعد ردك ده |
اقتباس:
الاجمل مرور حضرتك طبعا منورة الموضوع بجد ربنا يكرمك دمتى فى رعاية الله |
انا اتفرجت عليها الحلقة دى
ولو لحظت اول اربع بنات اتكلموا تقريبا صوتهم زيى بعض او هما واحدة وبيتنصب علينا مش عارف بصراحة انا مش عارف بصراحة ايه اللى جرالنا فين الرقابة هو ابوها ولا امها ولا اخوها مش شايفنها وهى طالعة وبتتكلم بالطريقة دى ولا كمان بعد عشر دقايق تتصل واحدة مدام وتقوله انا والعيال بنحبك اوى وبتنفرج عليك كل يوم بركة يا ام العيال ! تعيشى وتربى |
اقتباس:
|
بجد البرنامج ده بيرفعلى الضغط والسكر:angry2:
برنامج هايف جدا واللى بقا البنات تلاقيهم عمالين يعاكسوا فيه وهو منشكح اوى ومبسوط ويا سبحان الله الاصوات كلها زى بعضها زى ما تكون واحده بس بتغير مود كلامها علشان نحس ان فيه فرق ولو سمعت البنات دى وهما بيكلموا فى الحقيقه تلاقيهم اصواتهم استغفر الله العظيم مش يتسمع وكلها برامج نصب فى نصب اصلهم بيضحكوا عالناس الغلابه اللى مش لاقيين الفلوس دى فبيدوسوا اوى على الحته دى اوى هايعملوا ايه الناس بقت زى اللى بيتعلق فى قشايا:( لكن هارجع واقول حسبى الله ونعم الوكيل |
اقتباس:
هههههههههههههه يوصل يا محمد باشا بس اخر مره انت فاهم :stickjo4::slap1qk6::d شكرا بجد لردك يا محمد ونورت الموضوع :) |
اقتباس:
ربنا يكرمك يارب :) انا ليا الشرف انى ارد على موضوع حضرتك :) لانه بجد يهمنا كلنا ومحوره مش اسامه منير لا ده بيشير لحاجات كتير لازم ناخد بالنا منها احنا بجد محتاجين للدعاء كتييييير علشان ربنا يهدينا اللهم تقبل منا جميعا يارب استودعكم الله |
اللى بيشد البنات صوته
وبعدين مين قال انه مش بيستعين بحد طبعا بيستعين بالدكتور تامر زغلول طبيب نفسى |
بارك الله فيك
|
كان السؤال الشائع في الكام يوم بتاع الفالنتاين كل واحدة تقول بتحب مين بعد الجايزة
واللى تقولك فلان وعلان ولأ وفلسفة كمان واحدة كانت بتقول انا مش بحب اقول عليه صاحبي هو حبيبي وعادي مفهاش حاجة قلت يا سلام كمان حب علني ومش عاجبها كمان يقولولها صاحبك لأ وفي الآخر تقول بس في الآخر اا بحترم وجهات النظر برده بس انا بعتبره حبيبي ربنا يهدي بصراحة |
ده من وجه نظري قلة إيمان ولو كانوا متمسكين بالدين بتاعهم مكنش دا يبقي حال فلسطين وغزة زنبهم في رقابتنا
حسبي الله ونعم الوكيل |
اقتباس:
اقتباس:
شكرا على مرورك اختى الفاضلة جزاكى الله خيرا دمتى فى رعاية الله |
اقتباس:
دمت فى رعاية الله اقتباس:
شكرا استاذى الفاضل على مرورك العطر دمت فى رعاية الله |
ههههههههههههههههههههههه والله برنامج ممل بس مبحاولش أسمعه عشان ماتعبش
|
اممممممممم هو الموضوع مش موضوع اسامه منير بس هو موضوع الناس اللى فعلا مش عندها اى حاجه فى حياتها و مستعده انها تصدق اى حد و اى حاجه ما دام بيقولهم على اللى هما عايزين يسمعوه و اهو حل سهل و خلاص:romarioxp6: انا صبحتى هى اللى كانت دوشانى بيه بس الحمد لله عدت فنره الادمان دى:d فى رعايه الله |
بارك الله فيك
بس اعذرنىلا استطيع الحكم على البرنامج الا بعد سماعه حتى لا نتاثر باراء الاخرين وكل واحد له وجهه نظر والاختلاف فى الرد لا يفسد للود قضيه شكرا لك |
| جميع الأوقات بتوقيت GMT +2. الساعة الآن 08:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.