|
ما هي الجمعية المصرية لمهندسي البرمجيات؟؟
الجمعية المصرية لمهندسي البرمجيات (خريجي كلية الحاسبات والمعلومات.. هما مهندسي البرمجيات) Egyptian Software Engineers Association شهد النصف الثاني من القرن العشرين تطورا علميا و تكنولوجيا سريعا شمل جميع جوانب الحياة و اختصت علوم الحاسب و تكنولوجيا المعلومات بالنصيب الأوفر من ذلك، مما جعلها وسيلة ضرورية للتنمية و التقدم في شتي المجالات. و عليه فقد كان نشر علوم الحاسب و تكنولوجيا المعلومات و إنشاء كليات متخصصة في تلك المجالات ضرورة ملحة، و إيمانا من الدولة بأهمية تلك الخطوة فقد تم إنشاء كليات متخصصة في مختلف الجامعات المصرية و قد وصل عددها الي تسع كليات للحاسبات و المعلومات تتم الدراسة فيها علي اعلي مستوي تكنولوجي حتي يتم خلق جيل جديد من المتخصصين في علوم الحاسب قادرين علي مواكبة التطور العالمي في هذا المجال و تقديم الخدمات القادرة علي المضي بالمجتمع المصري إلي الأمام في طريق التقدم. و قد بدأت هذه الكليات في تخريج الدارسين المتخصصين في ذلك المجال و مع ازدياد أعداد هؤلاء الخريجين ظهرت الحاجة الملحة إلي وجود كيان رسمي يجمعهم و يدعم أنشطتهم .. فكانت الجمعية المصرية لمهندسي البرمجيات جمعية اهلية تأسست عام 2004 بهدف دعم طلبة و خريجي كليات الحاسبات و المعلومات إجتماعـياً وعلمياً ومهنياً و الإرتقاء بصناعة البرمجيات وتكنولوجيا المعلومات في مصر عن طريق المشاركة في خطط التنمية في مجال تكنولوجيا المعلومات و نشر الوعي بحقوق الملكية الفكرية والحفاظ علي أخلاقيات المهنة و المساهمة في سن القوانين المتعلقة بالمهنة. قام بتأسيس الجمعية مجموعة من طلبة و خريجي كليات الحاسبات و عمداء و اعضاء هيئة التدريس بجميع كليات الحاسبات و المعلومات و علي رأسهم ا.د معتز خورشيد نائب رئيس جامعة القاهرة و رئيس مجلس ادارة الجمعية حاليا بالاضافة الي جميع أعضاء لجنة قطاع الحاسبات بصفتهم ممثلين لقطاع الحاسبات و المعلومات بجمهورية مصر العربية بصفة عامة، و كعمداء لكليات الحاسبات والمعلومات بصفة خاصة. لمزيد من المعلومات أهداف الجمعـية:
أنشطة الجمعـية:
و قد قامت الجمعية بتنظيم العديد من الانشطة و الخدمات لطلبة و خريجي الكلية منها: 1- تنظيم ملتقي التوظيف الأول لجميع كليات الحاسبات و المعلومات بمصر عام 2004 تحت رعاية وزارتي الاتصالات و التعليم العالي و شركتي Microsoft و ITWorx 2- المساهمة في تنظيم الملتقي الثالث لشباب الحاسبات بجامعة الزقازيق في أبريل 2005 3- تنظيم مسابقة للبرمجيات بجامعة عين شمس في ابريل 2006 تحت رعاية شركة ITWorx بالاضافة للعديد من الخدمات الاخري التي تقدمها الجمعية للاعضاء مثل تنظيم الدورات التدريبية و تقديم خصم خاص للاعضاء بمراكز التدريب المتخصصة. لمزيد من المعلومات الجمعية المصرية لمهندسي البرمجيات اتصل بنا: الموقع الرسمي www.esea-online.org البريد الالكتروني:info@esea-online.org المقر الرئيسى : كلية الحاسبات و المعلومات بالفرب من فنون تطبيقية... جامعة القاهرة الجيزة منقوووول |
تسلم ايدك بصراحة :) ========== ياسلاااااااااام ع فرحتى لما بلاقى مواضيع عن حاسبات :rolleyes: ========= اقتباس:
ومعلش سؤال كمان اكثر رزالة اختك بقى استحميلها ،،، هى الجمعية دى نقدر نعتبرها زى النقابة بتعاتنا على ما يعملوا لنا نقابة ؟ :eek: ولا ايه النظام ؟ ( اكيد بفكرك ب : مدرس فرنساوى على بال ما يجيبوا مدرس فرنساوى جديد ) بس سيبك من الفيلم خلينا فى الحاسبات :D |
ههههههههههههههههههههههههه عسل يا بيبو
اصل انا لما دخلت موقعهم ودخلت على لينك التسجيل عشان اشوف ايه الكليات الموجودة وكدا لقيت تسع كليات بس ... مش حاطين الفيوم وبنها تقدري تقولي اضطهاد ههههههههههه او عشان الفيوم وبنها لسا كليات جديدة اه يا ستي نقدر تعتبرها زي النقابة كدا ... ما هي مقدمة اساسا لانشااااااااء النقابة بس حلوة حكاية مدرس الفرنساوي دي انتي مش قادرة تنسي ليه الدروس والثانوية يا بنتي خلاص الحمد لله أخدنا افراااااااااااااااااااج اي اسئلة تانية تحت امرك منورة موضوعي يا بيبو ردك بكل الردود الي مش عارفة أمشي في الموضوع من كترها ههههههههههههههه الظاهر طلاب حاسبات انقرضوا .. يلا انتي بالدنيا يا ستي ولا يهمك |
اه نسيت اقولك انك تقدري تقدمي فيها وانتي طالبة مش شرط لما تتخرجي وبيطلعلك كارنيه كمان زي البطاقة كدا .. بلاستيك وشكله نضيف هههههههههههههههههه
بس زي ما قلتلك تقدري تشتركي سواء طالبة او خريجة لما ان شاء الله الدراسة تبدأ .. بسهولة ان شاء الله تقدري تقدمي في الجمعية في الكلية ويعلموا ليكي الكارنيه بيكون في كل جامعة ممثل للجمعية .. هسأل أختي برده عن الموضوع دا وأرجع أقولك تاني بس بقول على أد الي فاكراه من كلام اختي .. هتأكد منها ان شاء الله وأرجع اقولك رغيت كتير معلش هههههههههه استحمليني |
اقتباس:
الواحد يعمل له منظر كفاية كلام الناس علينا ان مالناش نقابات :d صحيح هى النقابات عملت ايه لاعضاءها يعنى !!! العدد القليل حلو بردو من احلى ما فى كليتنا بجد اقتباس:
بس معرفش اختفوا فين بعدها بصراحة اقتباس:
وكم هو عدد الخريجين المطلوب او بمعنى اصح ايه هو الحد الادنى ؟؟ ========== ياستى اعملى الخير وارميه فى البحر خلينا منفعة للاجيال الجديدة اللى جاية ورانا ان شاء الله :d |
ها نفضل احنا التلاتة نرد على بعض بس مش مشكلة :p
على فكرة موضوع الجمعية دى جميل جدآ انا باذن الله اول ما اطلع كارنيه الجامعة ها اشترك فيها فعلآ موضوع النقابة ده مزعلنى قوى ونفسى يتعملنا نقابة تلمنا مع بعض بدل ما احنا متفرقين كده :( |
انا فعلا اول مره اسمع عن الجمعيه دي وشكرا علي المعلومات الجميله دي يا همس وبالنسبه للنقابه في ناس كتييير اوي بتجري عشان الموضوع دا ومنهم ناس قرايبي وربنا يسهل ....
توفيـــــق يحيــــي ----- حاسبات ومعلومات المنصوره |
ضيفونى ليكم هنا كعضو من اعضاء حاسبات ومعلومات
بس انا خلاص اتخرجت فى 2006 وموضوع الجمعية هو فعلا تمهيد لانشاء النقابة وهما بيسعوا الى ذلك وسمعت كمان انهم عملوا مسودة لانشاء النقابة لحين عرضها على مجلس الشعب قريبا ان شاء الله . . |
اقتباس:
اكيد طبعا منورنا يا بشمهندس فينك من زمان ================== شفتى يا هند ،، بنزيد اهو ولله الحمد :rolleyes: |
طب كويس والله الخبر دا ربنا يزود عددنا كمان وكمان .... الحلم الحاسوباتي
|
ربنا يخليكى يا حابى
اعمل ايه بس الجيش خد سنة من حياتى معرفش راحت فين |
اقتباس:
ازيك يا عم عامل ايه فينك يا راجل احنا زدنا شرف رجوعك المنتدى تانى (عارفين ظروف جيشك يا باشا ) اكيد دلوقتى انت مش عارف انا مين ولا ها تعرفنى بالتخمين انا محمود elma7et فاكرنى ولا ....؟ |
اكيد يا محمود فاكرك
انا الحمد لله فاكر معظم الناس اللى كانوا فى المنتدى زمان بس طبعا لما الاسماء بتتغير مش بعرفهم وشكرا ليك يا باشا الشرف ليا اكون مع ناس زيكم . . |
msamido
بجد حضرتك منورنا وعودا حميدا وان شاء الله تكون خلصت الجيش :D وعقبال الماجيستير والدكتوراة ان شاء الله وعقبال تخرجنا احنا كمان :D ------------------------------ عودة للموضوع والحديث عن الحاسبات :D ايه بقى موضوع المسودة دا كمان ؟؟؟؟ مش عيب عليهم اسمنا مهندسين كدة يعنى ومشردين بلا نقابة |
اقتباس:
عايزين يقصروا كلمة مهندس على خريجى كليات الهندسة واننا نكون مثلا مطوروا البرمجيات أو مصممى البرمجيات او اي حاجه تانيه هذا والله اعلم انا معنديش استنادات موثوقه فى الموضوع ده . . |
اقتباس:
هما كلهم 4 سنين بيعدوا هوا زى السنتين بتوع الثانوية الواحد بيكبر والسنين بتعدى بسرعة اهه ،، اقتباس:
اقتباس:
اقتباس:
ان احنا 4 سنين وهما خمسة كل دا عشان سنة زيادة طب ماهما السنة دى اعدادى يعنى اللى اعرفه كمان ان حاسبات ومعلومات احسن من هندسة كمبيوتر وخصوصا اخواتك الصغيرين هنا ما شاء الله ( حابى وهمس والاسطورة ) كنا حاطين الرغبات الاولى حاسبات اصلا :cool: طبعا بما ان حضرتك من السابقون ونحن اللاحقون مستنيين مشاركات حضرتك معانا فى تعريفنا بالكلية وبالاقسام عشان لسة شبه تايهين ولكم كل الشكر والاحترام |
مسألة أن الحاسبات أفضل من هندسة كومبيوتر
هو اصلا المقارنة بينهم غلط لان مفروض ان اهتمام هندسات الكومبيوتر أكثر بالـهارد وير بينما اهتمام حاسبات ومعلومات بالسوفت وير طبعا مع اعطاء خلفية للحاسبات عن الهارد وير لكن مش بتعمق وايضا خلفية للهندسة بالسوفت وير ولكن مش بتعمق ده الفرق بينهم مينفعش بقى نقول مين احسن من مين لانهم مختلفين لكن اللى بيعمل لبس فى الموضوع هو ان بعض خريجى الحاسبات بيحشروا نفسهم فى الهاردوير وبعض خريجى الهندسة بيحشروا نفسهم فى السوفت وير وهكذا وبما انى من السابقون وانتم ان شاء الله من اللاحقون اسألوا بس أى اسئلة وانا موجود ليكم ولو احتجتم اي مساعدة خاصة فى البرمجة دى حبيبتى بقى فانا موجود بس للاسف منتنظروش منى مواضيع تعريفية لانى فاشل فى الحاجات دى شكرا ليكى يا حابى ويا هلا بكل اخوانا فى الحاسبات وقبلها اخوانا فى الله طبعا . . |
هو احنا برا في دول العالم المتقدمة والي بتفهم بيقولوا علينا مهندسي البرمجيات Software Engineers
بس في مصر عقلية العصر الحجري لا زالت تعمل والله اعلم يعني ... يلا مش هيمني كلام حد مهندسين مطورين المهم اني بحب الكلية وخلااااااااص الحمد لله بجد بشكر كل الي شارك في الموضوع وليا ان شاء الله رد على كل واحد بس مش حاليا لاني مشغولة شوية في البيت ... دمتم بود |
لا مش عصر حجري ولا حاجه احنا برضه مهندسين وصدقوني خريج حاسبات ليه فرصه جوا مصر عن خريج هندسه وربنا يكرمنا جميعااا بس عايزين العدد يزيد شويه بس
|
فعلا يا جماعه انا كواحدخريج حاسبات اقدر اقولكم بجد انتم مستنيكم مستقبل متميز لان احنا مجالنا كويس جدا وفى تطور فى مصر فى مجالنا بس علشان تلاقوا المستقبل ده بعد الكلية ان شاء الله لازم تعملوا حاجه مهمة أوى فى الكلية نصيحة اوعو تهتمو بالنظرى والتقديرات على حساب العملى واهم حاجه عملية فى مجالنا البرمجة بكل اتجاهاتها
وربنا يوفقكم جميعا ان شاء الله . . |
طيب وطلبة الجامعات الخاصة ليهم نصيب فيها ولا لأ :d ؟؟
وعلى فكرة انا اللي اعرفه ان خريج حاسبات بيبقى تبع نقابة العلميين .. ولا ايه ؟؟ |
اقتباس:
خلينا ( مبرمجين ) حلوة ؟؟ :D |
سمعت زيك الكلام ده بس بصراحة لم اهتم بالانضمام لنقابة انا مجرد محسوب عليها وخلاص
بس ان شاء الله يكون لينا نقابتنا الخاصة ومش عارف بصراحه موقف طلبة الجامعات الخاصة منها لان لسه مفيش حاجه واضحة بخصوص مسودة قانون النقابة حاليا لسه . . |
اقتباس:
اقتباس:
لحقتنا :D لانى كنت ناوية اهتم باللى بالازرق دى اقتباس:
الكلية جديدة لدرجة ان فيه ناس مفكرينها معهد وكمان دا بسبب لخبطة الجامعات الخاصة زى انا واحدة اعرفها (مُدرسة)عمالة تتريأ عليا :D وتقول لى ما كله بيفهم فى الكمبيوتر ( قال يعنى اى واحد فتح كمبيوتر وقعد عليه شوية هيفهم فى البرمجة - فين بقى اللى يطور الكمبيوتر دا كمان ) وخدت دش كلام من اللى قلبك ميحبوش طبعا انى كنت عاوزة فنون تطبيقية وايه اللى خلانى احول افكارى لحاسبات ( انتى فاهمة الاسباب بقى تفصيليا ) فسيبنا من الكلام دا كله - المهم الناس اللى بتفهم ، اللى هنشتغل معاهم بعد كدة هيبقوا فاهمين انتى خريجة ايه بالضبط ( بصراحة كدة الواحد مش عارف لو كان كاتبها رغبة 48 كان سمع كلام شكله ايه ، ايش حال لو مكانتش رغبة اولى ،، وهندسات رصيناها بعد ال17) - ربنا يهدى لو تفتكرى زمان ، اعتقد يعنى كلية الصيدلة دى مكانش ليها نفس مكانتها وقيمتها كدة دلوقت لان بردو ناس كانت فكرتهم غلط عنها حتى اعرف واحد قريبنا ( اكبر مننا كدة بستين سنة ) ملحقش طب ع نص درجة كان بيروحوا يدخلوا زراعة لكن دلوقتى مثلا تعتبر تانى كلية قمة فى القطاع الطبى بعد طب من حيث المجموع ،، لكن الناس بقت بتفضلها عن طب وخلافه واللى مغطى مجموع طب بقى بيدخل صيدلة كمان واللى بقى شايف ان مستقبلها احسن اهى نفس الحكاية كدة تقريبا مع حاسبات -------------- عموما يعنى عمر ما كل الناس ما هيتفقوا ع كلية واحدة وسيبينا من كلام الناس فيه ناس كدة مُحبِطين يحبوا يحبطوا كل متحمس او ناجح ودول موجودين فى كل مكان ،، سواء فى المرحلة الانتقالية دى ، او الكلية نفسها او بعد الترخج او فى الشغل انا حتى لقيتها من زمايلى فى الكورسات - اللى لا هما من سنى ولا من مجالى كمان - ناس سبقونى بكتير طالما الحمدلله مبنعملش حاجة تغضب ربنا وبنرضى اهالينا ودعواتهم معانا وبنسعى للافضل فلنتوكل على الله ونعمل اللى ربنا يقدرنا عليه ،، ونسيبنا من اى حاجة تانى لان فى اخر الحياة مش الناس اللى هتنفعنا ، عملنا اللى هينفعنا :) وربنا يعينك يا نيدو وترجعى مصر بالسلامة ان شاء الله;) بالتوفيـــق للجميع ان شاء الله |
بخصوص التقديرات يا حابى اوعى تفهمينى غلط
انا بقول ما نهتمش بيها اوى على حساب العملى لكن مش معنى كده اننا نهملها تماما فاهمانى طبعا ؟؟ اما بقى بخصوص كلام الناس وانهم مش فاهمين اصلا يعنى ايه حاسبات زى انتى ما قولتى بالظبط ولا تديهم اي اعتبار بجد مجالنا مجاااااااااال مفيش زيه انا بعشقه جداااااااااااااااااااا |
اقتباس:
وصلت الفكرة بس انا فعلا كنت هغلط غلطة وادخل همى رقم واحد التقدير بس دلوقتى اتنبهت ان فيه حاجات تانية مهمة لجانبه ،، يعنى مش اركز ع حاجة واحدة بس ،، احاول اوفق ،، ومجيبش حاجة على حساب حاجة شكرا جدا لحضرتك و ع التوضيح :) |
التقدير هو الاساس عشان تتميز وتاخد مكانك انا قريبي خلص حاسبات المنصوره وجايب امتياز في رابعه
مقعدش في البيت والله اسبوع وكان الشغل جايله لحد عنده و في كذا مكان وهو يختار |
السلام عليكم
انا سمعت خبر كده من فتره بسيطه انهم حيضمو مهندسين البرمجه لنقابه المهندسين ياريت اعرف صحه الخبر ده مع العلم بان النقابه عشان تقام لازم يكون حوالى من 10الاف ل 50الاف خريج عشان تقام النقابه |
والله حتى الان مش عارفين بس كان فى مشكلة بيننا وبين نقابة المهندسين
ربنا يسهل لكن اللى اعرفه انهم ماشيين ف مشروع نقابة مهندسى البرمجيات منفصلة |
ان شاء الله الموضوع معروض على مجلس الشعب فى دورته الحالية ويارب يقبله ان النقابة تقام
|
مشكوووووووووووووووووووووووووورين كلكم
|
حلمى
انا نفسى اكون مبرمج دولى لنظم الحاسبات
|
هو تصميم الموقع وحش كدة لية
مش لايق بالنسبة للخريجى حاسبات و معلومات اللى شغلتهم البرمجة و التصميم اية رايكو فى الموضوع دة |
جزاك الله خير
|
والله انا سمعت عن نقابة جديدة للمبرمجين وبيتعمل اختبار لدخول النقابة
|
أتمنى تأسيس النقابة قريبا
|
هو يحد يعرف هيتعملها نقابة امتى لان عدد طلابها زاد اوى
|
ادخل حاسبات ولا علوم..............ارجوكم ردو عليا هل الحاسبات بفلوس ولا ببلاش انا متواجد 24ساعه على الرابط الموجود بالتوقيع
|
هو خريجى كليه علوم قسم قسم الحاسبات والرياضه ممكن يتسجل فى الجمعية المصرية لمهندسي البرمجيات او يتسجل فى نقابه مهندسى البرمجيات لو عملوها
|
يا جماعة مفيش طلبة هيدخلوا السنة دى 2011؟؟؟؟ولا خلاص انقرضوا لان انا دخلاها السنة دى ومعرفش اى حد تانى غيرى داخلها
|
ياريت حد يقولى اية الفرق بين كلية حاسبات ومعلومات وكلية علوم قسم رياضة وحاسبات
|
أولاً: كلية الهندسة شعبة الحاسبات و التحكم الآلى:
طبيعة الدراسة: هى شعبة الكهرباء تخصص الإلكترونيات ثم تطبيق ذلك فى بيئة الحاسب الآلى (الهاردوير) بمعنى أن طالب كلية الهندسة فى هذا التخصص يدرس علوم الكهرباء و الإلكترونيات لكى يقوم بيتطبيقهما فى انتاج الحواسب و النظم الآلية و ملحقاتها فالهدف من هذا التخصص هو إخراج مهندس لتصميم و تصنيع إلكترونيات و عتاد الحاسب كالبورد و الهارد ديسك و الباور سبلاى و ملحقات ذلك و يعمل فى شركات تصنيع عتاد الحاسبات بشكل أساسي، و من المعلوم فى كليات الهندسة أن التخصصات الآتية بشكل عام (اتصالات / حاسبات / تحكم آلى / إلكترونيات) بيدرس Low Current Electrical Engineering أو ما يعرف بالهندسة الكهربية ذات التيار الخفيف. محتوى الدراسة: أكثر من 70% من الدراسة هى دراسة للكهرباء و الإلكترونيات و بعض المقررات الأخري. الدرجة العلمية: بكالوريوس الهندسة الكهربية أو الإلكترونية- تخصص حاسبات و نظم تحكم آلى. القطاع بالمجلس الأعلى للجامعات (التصنيف الأكاديمي الرسمي): تنتمى كلية الهندسة بجميع تخصصاتها إلى قطاع الدراسات الهندسية بالمجلس الأعلى للجامعات. المسمى الوظيفى: مهندس كهرباء. ثانياً: كلية العلوم شعبة رياضيات/فيزياء/إحصاء و علوم حاسب: طبيعة الدراسة: هى مجموعة الطبيعة (شعبة الرياضيات/الفيزياء/إحصاء) تخصص فرعى علوم الحاسب فمن المعلوم أن كلية العلوم تضم ثلاثة مجموعات رئيسية الأولى هى مجموعة العلوم الطبيعية و الثانية هى مجموعة العلوم البيولوجية و الثالثة هى مجموعة العلوم الجيولوجية حيث تضم مجموعة العلوم الطبيعية شعب الرياضيات و الفيزياء و الإحصاء و من ثم كل شعبة من هذة الشعب تحتوى على بعض بيئات العمل فمثلا شعبة الفيزياء تحتوى على تخصصات فرعية (بيئة عمل) مثل الإلكترونيات أو علوم الحاسب و كذلك الرياضيات و الإحصاء بهم تخصصات فرعية علوم الحاسب، كلية العلوم تخصص رياضيات مثلاً يدرس علم الرياضيات و يطبقة فى الحاسب الآلى و كذلك الفيزياء و الإحصاء. محتوى الدراسة: أكثر من 70% من الدراسة هى دراسة للرياضيات أو الفيزياء أو الإحصاء و بعض المقررات الأخرى. الدرجة العلمية: بكالوريوس العلوم - شعبة الرياضيات و علوم الحاسب أو الفيزياء و علوم الحاسب أو الإحصاء و علوم الحاسب. القطاع بالمجلس الاعلى للجامعات (التصنيف الأكاديمي الرسمي): تنتمى كلية العلوم بجميع تخصصاتها إلى قطاع العلوم الأساسية بالمجلس الأعلى للجامعات. المسمى الوظيفى: أخصائى رياضيات أو أخصائى إحصاء أو فيزيائي و علمت من بعض المصادر أن نقابة المهن العلمية تدعم مسمى أخصائى حاسب آلى. ثالثاً: كلية الحاسبات و المعلومات: طبيعة الدراسة: هى دراسة جميع علوم الحاسب و المعلوماتية و كذلك كافة العلوم الفرعية المتعلقة بذلك و ما يجد مستقبلاً في هذه المجالات، و هي تعتمد بشكل أساسي على دراسة هندسة البرمجيات و تطويرها و المعلوماتية و تتعدد فيها التخصصات و الأقسام الفرعية فبها شعب علوم الحاسب، تكنولوجيا المعلومات، نظم المعلومات، نظم دعم و اتخاذ القرار، نظم الحاسبات، الحسابات العلمية، نظم المعلومات الحيوية و هندسة البرمجيات، و غير ذلك من التخصصات الفرعية في مجالات الحاسبات و المعلومات و يجوز للكلية إنشاء شعب جديدة، لذا فطبيعة الدراسة فى كليات الحاسبات والمعلومات هى دراسة كل فروع علوم الحاسب الآلى و المعلوماتية الحالية و ما يستجد فيها في المستقبل من أقسام. محتوى الدراسة: أكثر من 70% من الدراسة هى دراسة لعلوم الحاسب الآلى و المعلوماتية بمختلف التخصصات. الدرجة العلمية: بكالوريوس الحاسبات و المعلومات ثم الشعبة حسب القسم (علوم حاسب، تكنولوجيا معلومات، نظم معلومات، نظم الحاسبات، هندسة البرمجيات، نظم دعم و اتخاذ القرار، الحسابات العلمية، نظم المعلومات الطبية). القطاع بالمجلس الأعلى للجامعات (التصنيف الأكاديمي الرسمي): تنتمى كلية الحاسبات و المعلومات بجميع تخصصاتها إلى قطاع الحاسبات و المعلومات بالمجلس الأعلى للجامعات. المسمى الوظيفى: مهندس برمجيات (كما هو منصوص عليه بمشروع قانون نقابة مهندسي البرمجيات). للإطلاع على المزيد يرجى زيارة الروابط الأتية http://www.eswengs.com/2012/02/blog-post.html https://www.facebook.com/egswengs http://forums.fci4all.com/index.php?...0&#entry115470 http://forums.fci4all.com/index.php?showtopic=27296 |
بالتوفيق للجميع
|
فى امل ان النقابه تتعمل |
| جميع الأوقات بتوقيت GMT +2. الساعة الآن 03:41 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.